Mafia dhe Bija e Presidentit.

[Brari]

Ja cfare thone disa Gazeta:


TEMA shkruan

Rubena Moisiu në vend të Halim Kosovës

Rubena Moisiu emërohet drejtoreshë e maternitetit të Tiranës, në vend të Halim Kosovës. Vendimi është marrë dje nga ministri i Shëndetësisë, Mustafa Xhani, ndërsa nuk qartësohet motivacioni i pushimit nga puna të dr.Kosovës.

Ndërkohë vetë Halim Kosova është shprehur se nuk ka asnjë të keqe për shkarkimin, pasi drejtorët ikin dhe vinë, dhe rëndësi ka që mbeten mjekë. "Më vjen shumë mirë që vendin tim e ka zënë Rubena dhe për këtë nuk ka asgjë të keqe," - tha Kosova. "E rëndësishme është që jemi mjekë dhe jemi shefa apo jo, nuk ka rëndësi," - shtoi më tej ai.

Ndërkohë vetë Rubena është shprehur se background-i i saj profesional është më i gjerë se mbiemri që mban.

Rubena është vajza e presidentit Alfred Moisiu, por mesa duket është dhe zotësia e saj ajo çka ka bërë të emërohet në këtë post. Ajo është bërë tepër e njohur me inisiativat e saj në mbështetje të disa grave që kanë patur probleme sociale, mjekësore apo familje të ndryshme. Më pas ajo ka ndërmarrë disa inisiativa të ndryshme në Shqipëri. Me emrin e Rubenës lidhen shumë ngjarje të bujshme në shtyp, të grave që kanë lindur shumë fëmijë njëherësh. Ajo është kujdesur për ta. Rasti më i fundit ishte i një vajze e cila vrau të dashurin e saj. Vajza shtatëzanë është nën vëzhgimin e mjekes Rubena në spitalin e burgut.

Doktori i njohur Halim Kosova ka drejtuar prej kohësh maternitetin e Tiranës dhe është bërë tepër publik për vetë punën e tij, por edhe për kohën që ka qenë në kontakt me njerëzit. Halim Kosova duket se nuk është shumë larg politikës, sepse ndaj tij ka patur synime nga ana e politikanëve të ndryshëm. Mbase për të shfrytëzuar edhe emrin që krijojnë mjekët tek njerëzit. Halim Kosova ka qenë i preferuar edhe nga politikanët, nga të gjitha krahët.



---------------


Korrieri Shkruan:


Nje mesazh ogurzi
Nga Andi Bejtja/ Dje ne mesdite Ministri i Shendetesise Mustafa Xhani, (rrjedhimisht qeveria shqiptare) dha nje mesazh ogurzi per te gjithe ata qe karieren e tyre e kane bazuar vetem tek puna dhe ndershmeria, kur pa asnje motiv bindes liroi nga detyra Drejtorin e Maternitetit Te Tiranes Halim Kosoven, simboli i ndryshimeve ne kete institucion. Dhe ne vend te tij u vu vajza e Presidentit Moisiu e cila ishte e bindur qe vlerat e saj shtriheshin pertej mbiemrit te familjes. Askush nuk mund te paragjykoje te zgjedhuren e re, por kur njerezit qe punojne largohen kaq kollaj nga detyra gjithcka vihet ne pikepyetje.

Atyre qe u ka rene rasti te vizitojne maternitetin e Tiranes disa vite me pare dhe tani, e kane fare te qarte se c'fare ka bere Halim Kosova ne gjithe keto vite. Dhe kete nuk e kane te qarte vetem shqiptaret, por dhe dhe shume nga organizmat nderkombetare, te cilat i kane dhene donacionet e tyre, shpehere vetem e vetem se kishin besim tek ky emer i pervecem. Shkarkimi i nje Drejtori te nje institucioni nuk eshte fundi i botes, por mesazhi qe publiku lexon ne kete rast eshte tejet negative.

Dhe ne gjithe kete histori me prapapvije gjysem politike, dhe gjysem klanore, perseri qytetari Kosova, doli mbi kete llum, cuditerisht me buzeqeshje, duke premtuar se do te ndihmonte drejtoreshen e re dhe se do te kontribuonte ne cfaredo pozicioni qe te ndodhej per permiresimin e jetes se qytetareve. Borxhi qe ai i kishte instutucionit nga Kontrolli i Shtetit rezultonte 380 leke, borxh te cilin, ne menyre simbolike e pagoi nga xhepi nje koleg i tij, ndersa borxhet e qeverise qyetareve shqiptare po shtohen cdo dite e me shume. Shoqeria shqiptare ka nevoje per modele dhe nuk ka lajm me te keq, se sa kur Qeveria shqiptare ne vend t'i promovoje, i shkaterron modelet e saj.


-------------


Gazeta Shqiptare shkruan:


FLET DREJTORESHA E RE E MARTENITETIT

Rubena: Halim Kosova, shoku im i ngushtë


--------------------------------------------------------------------------------

od.ha

Me një "urime", pasuar nga një shtrëngim duarsh dhe një përqafim ish-shefi i maternitetit Halim Kosova i dorëzoi dje "stafetën" Rubena Moisiut. Asgjë ndryshe nga ajo që u tha publikisht para kamerave dhe gazetarëve, pa keqardhje dhe pa shumë komente. Drejtoresha e sapoemëruar pohon atmosferën e përzemërt edhe në momentet kur media s'qe prezente. "Do të kesh gjithnjë mbështetjen time, do më kesh në krah", Rubena Moisiu nuk ngurron të përsëritë, dhe këtë e bën me kënaqësi, reagimin miqësor të kolegut që kyçi dje eksperiencën 5-vjeçare të qeverisjes së maternitetit. Çelësi është tashmë në dorën e saj.

A e prisnit këtë ndryshim doktoreshë Rubena?
Absolutisht jo. Jam e shokuar. Ndodhi shumë shpejt dhe ishte një gjë që nuk e prisja. Vetëm dje u njoftova dhe ende nuk e kam organizuar rrëmujën e mendimeve, emocionet dhe shqetësimin për sfidën që kam përpara.

Si do ta organizoni tani ditën tuaj në pozicionin e ri si mjeke dhe si drejtuese?
Eshtë thjesht çështje zyrash. Do të ndërroj ambientin, në profesion mbetem po unë. Nuk kam ndër mend të lë mënjanë punën e kaq viteve, unë e dashuroj këtë profesion. Kjo do të më kërkojë të sakrifiokoj nga vetja dhe koha ime, por do ta bëj me kënaqësi.

Çfarë mendoni se ka mbetur për të bërë në maternitetin e Tiranës?
Hëm, nuk ka mbetur shumë. Do ishte egoizëm të mos pohoja punën e mirë të doktor Halimit, investimet që janë bërë në maternitetin e Tiranës nën drejtimin e tij. Po kam dhe për të shtuar. Do të angazhohem në mbledhjen e fondeve, nëpërmjet bashkëpunimit me donatorë të ndryshëm, për të ngritur shërbime të reja. Eshtë nisur laboratori i diagnostikimit prenatal (për diagnozat e paralindjes), duhet të zhvillohet më tej. Eshtë instaluar mamografia, aparat për diagnostikimin e kancerit të gjirit, por ende nuk është vënë në punë. Do të investoj në perfeksionimin e reanimacionit të bebeve dhe gjithashtu në vënien në punë të maternitetit të ri që ka përfunduar së ndërtuari.

Si reagoi doktor Halimi, kur u takuat për herë të parë pas urdhrit të shkarkimit?
Krejt normalisht. Më uroi dhe më ofroi mbështetjen e tij. unë nuk prisja të qe ndryshe. Me doktor Halimin na ka lidhur një miqësi e vjetër dhe nuk kemi patur ndonjëherë mosmarrëveshje.

A ju bezdis fakti që në këtë post ju komentoheni si vajza e presidentit dhe më pak si doktoreshë Rubena?
Unë nuk mund ta mohoj që jam vajza e presidentit, kjo do të ishte absurde. Por në fakt nuk më vjen dhe aq mirë që njerëzit lënë mënjanë eksperiencën time si mjeke të paktën në çështje të tilla që lidhen drejtpërdrejt me profesionin. Unë kam mbi dhjetë vjet pedagoge dhe kam mbrojtur gradën shkencore që në 1992-in. Mendoj se janë pikërisht këto të dhëna që kanë motivuar propozimin në këtë post. Mendoj se kishte ardhur momenti që materniteti të drejtohej nga një femër. Ka shumë gra që e kanë dëshiruar një gjë të tillë.


Ministri Xhani i komunikon lirimin nga detyra

Halim Kosova: S'ka problem që iki
"Klimës politike që është krijuar unë i jap mesazhin e paqes. Që në këtë moment unë jam i gatshëm dhe kam përveshur krahët për t'ju përkushtuar punës sime si mjek, unë jam mjek, i jam kushtuar nënës dhe fëmijës". Kështu deklaroi dje ish-drejtori i maternitetit të Tiranës, Halim Kosova, në momentin që iu komunikua lirimi nga detyra. Me një vendim firmosur dy ditë më parë nga ministri i Shëndetësisë u shkarkua nga detyra Halim Kosova, drejtor i maternitetit të Tiranës. Në vend të tij u emërua vajza e presidentit, Rubena Moisiu, mjeke-gjinekologe dhe prej 10 vjetësh pedagoge pranë fakultetit të Mjekësisë. Ministri Xhani tha dje publikisht se motivacioni për lirimin nga detyra të dr. Kosovës ishte thjesht mbarimi i afatit dhe nevoja për ta patur atë në mjediset akademike. "Drejtorët nuk janë të përjetshëm. Normalisht ka një afat në këtë detyrë dhe ky afat është përmbushur. Unë e përgëzoj doktor Halim Kosovën për punën e mirë që ka bërë gjatë këtyre viteve. Ne kemi nevojë për ndihmesën e tij në rrethin akademik", tha Xhani. Gjinekologu i njohur Halim Kosova ka drejtuar prej pesë vjetësh maternitetin e Tiranës. Emri i tij i mirë lidhet jo vetëm me profesionin e mjekut, por dhe me postin e tij të drejtuesit.



------------------



Le te diskutojme pak (ata qe kan deshire natyrisht) se cfare eshte kjo loje..

Para disa ditesh nje grup mjekesh te alarmuar shkruanin se Mafia e Edi Rames dhe Mustafa Xhanit kerkon te leje Tiranen pa urgjence duke shkaterruar Urgjencen per te ndertuar aty Marifetet e veta Mafia e ndertimit.

Po para ca ditesh doli nje ze se PD mund te kandidoje per kryetar Bashkie Halim Kosoven.

Deri sot nuk e dija cfar ishte ky Halim Kosova sepse PD eshte informuese e ngathet e Opinionit dhe beja hamendje se cfar profesioni do kishte ky kandidati i PD-se i pa shpallur.

Para disa kohesh Ylli Pango pesoi nje aksident me Bombe dhe nje sekretaresh e profesor Yllit deklaronte se...para Bombes e kishin marre ne Telefon dikush dhe i kishin "sugjeruar" se Zoti Ylli te mos e coj ne mendje te kandidoje si Kryetar Bashkie.


Sot Gazetat njoftojne shkarkimin e Halim Kosoves ( qenka Mjek gjinekolog) nga posti i Drejtorit te Maternitetit dhe ne vend te tije emerohet e bija e presidentit.

Shkarkuesi i Doktorit dhe Emeruesi i Rubenes eshte ministri i Shendetesise ne Qeverine NANO.

Dihet se ne debatet per Edi Ramen ishin ministrat dhe Deputetet Socialiste qe me egersi te pashembullt mbronin Hajdutin legjendar Ed Ramen nga Delja Olldashi.

Eshte e qarte pra Loja.

Sic thote dhe RUBENA kur e pyesin qe:

"-Si reagoi doktor Halimi, kur u takuat për herë të parë pas urdhrit të shkarkimit?

-Krejt normalisht. Më uroi dhe më ofroi mbështetjen e tij. unë nuk prisja të qe ndryshe. Me doktor Halimin na ka lidhur një miqësi e vjetër dhe nuk kemi patur ndonjëherë mosmarrëveshje."


Dhe sic thone Gazetat e ndryshme qe Doktor Halimi ka punuar mire bile shkelqyeshem athere pse Shkarkohet ky Mjek?

Natyrisht mendja te shkon tek Bomba e Yllit.

Pra Halimi dhe Ylli perfliten si kandidate perballe ed Rames.

Njerit i Plas Bomba e tjetrit i "plas" Shkresa qe e shkarkon.

A nuk eshte e qarte si Drita e Diellit qe mbas Bombes dhe Shkreses qe Shkarkon Doktorin e Grave jane te njejtet Autore?

Valle zojush RUBENA nuk nuhat gje ketu ne kte mes?

Duke e ditur me mire se te gjithe ne Populli i zakonshem (meqe punonte me Halimin ne te njejtin profesion e ne te njejtin spital) se shkarkimi i HALIMIT eshte pak "befasues"...se eshte si Rrufe ne qiell te paster???

Nuk ka degjuar gje Rubena se Ka MAFIE MILIARDERESH ne Tirane dhe se vendi ku Babai i saje eshte President ka cdo dite Vet helmime me Fotoksine?

A nuk i thote Rubenes ndergjegja se Eshte e pahijshme te meritosh kur je vajz Presidenti nje Post te cilin Kolegu yt e meriton me punen e tije te ndershme shum vjecare?

A nuk ndihet pak si "fajtore" Rubena MOISIU se Shkarkimi i Halimit dhe Emerimi i saje nuk kane fare llogjike dhe Arsye?

Rubena e di se sot ( Fale kjo Dhjetorit te studenteve) te pranosh ose refuzosh nje Post ne Shtetin e sotem nuk quhet me " veprimtari Armiqesore" e qe do ta detyronte dike te mos guxoje te Pranoje ose refuzoje nje urdher te nje Titullari.

Pra Rubenen nuk e kercenon ndonje Plenum Partie si dikur Babin e saje athere kur shkonin kokat e Gjeneraleve si bostane te Bubullimes ne drekat e Bllokut qe te thoshte nje :

" Sorry zoti XHANI...nuk mund te pranoj te marr ate post sepse do fyeja mikun, Kolegun dhe Mjekun e mire Halim Kosoven".


Rubena perkundrazi gezohet dhe e fut shpejt ne xhep Celsin e Zyres se Drejtorit.

Po Plaku ne Presidence cfare Ben?

A nuk ndihet i fyer Ai ne servilizmin qe i ben bashk fshatari Kavajas Mutafa Hajdut Xhani??

Dashje pa dashje RUBENA u be URE e MAFIES e Cila ne figuren e Doktor Halimit ndjeu Rivalin serioz te Hajdutit e Mafiozit Edi RAMA dhe vuri ne levizje aparatin shteteror te cilin e Kontrollon dhe ashtu si Yllit i vuri Bomben ashtu dhe Halimit ja futi Shkresen.


MAFIA u hodh ne Sulm per mbrojtjen e Miliardave qe luhen ne Bashkine e Tiranes dhe tregoi se Nuk do te pranoje asnje zgjedhje qe do te vinte ne Pasiguri keto Miliarda.

Pra MAFIA e do EDIN ..aty ne BASHKI dhe askush te mos guxoje te pretendoje zevendesimin e tije.

Pra duke pranuar postin e Drejtores servirur nga Mafiozi i mire njohur Mustafa Xhani ...e bija e Presidentit u tregua nje femer e dobet ne karakter dhe dashje padashje nje Pjese ne Zinxhirin e MAFIES qe shtrengon frym marrjen e vendit dhe qe qelbi Perspektiven..

Turp o e Bija Presidentit.

Kishe rast te hyje ne Histori si grua Fisnike por...e humbe..


E gzofsh karriken qe ta dha Banda HAKMARRJA...

[heret a vone]

Nje mesazh ogurzi

Dje ne mesdite Ministri i Shendetesise Mustafa Xhani, (rrjedhimisht qeveria shqiptare) dha nje mesazh ogurzi per te gjithe ata qe karieren e tyre e kane bazuar vetem tek puna dhe ndershmeria, kur pa asnje motiv bindes liroi nga detyra Drejtorin e Maternitetit Te Tiranes Halim Kosoven, simboli i ndryshimeve ne kete institucion. Dhe ne vend te tij u vu vajza e Presidentit Moisiu e cila ishte e bindur qe vlerat e saj shtriheshin pertej mbiemrit te familjes. Askush nuk mund te paragjykoje te zgjedhuren e re, por kur njerezit qe punojne largohen kaq kollaj nga detyra gjithcka vihet ne pikepyetje.

Atyre qe u ka rene rasti te vizitojne maternitetin e Tiranes disa vite me pare dhe tani, e kane fare te qarte se c'fare ka bere Halim Kosova ne gjithe keto vite. Dhe kete nuk e kane te qarte vetem shqiptaret, por dhe dhe shume nga organizmat nderkombetare, te cilat i kane dhene donacionet e tyre, shpehere vetem e vetem se kishin besim tek ky emer i pervecem. Shkarkimi i nje Drejtori te nje institucioni nuk eshte fundi i botes, por mesazhi qe publiku lexon ne kete rast eshte tejet negative.

Dhe ne gjithe kete histori me prapapvije gjysem politike, dhe gjysem klanore, perseri qytetari Kosova, doli mbi kete llum, cuditerisht me buzeqeshje, duke premtuar se do te ndihmonte drejtoreshen e re dhe se do te kontribuonte ne cfaredo pozicioni qe te ndodhej per permiresimin e jetes se qytetareve. Borxhi qe ai i kishte instutucionit nga Kontrolli i Shtetit rezultonte 380 leke, borxh te cilin, ne menyre simbolike e pagoi nga xhepi nje koleg i tij, ndersa borxhet e qeverise qyetareve shqiptare po shtohen cdo dite e me shume. Shoqeria shqiptare ka nevoje per modele dhe nuk ka lajm me te keq, se sa kur Qeveria shqiptare ne vend t'i promovoje, i shkaterron modelet e saj.

Mare nga Korrieri

[Orku]

Ne nje nga unazat e Pirros se Epirit shkruhej:

Nuk ka me te ulet se ai qe merr dicka pa e merituar !!!

[Rashaxhy]

-- nga Agron Tufa , TemA, 03.07.2003

Ka një princip në organizimin e show-krizës brenda të ashtuquajturave beteja në Partinë Socialiste. Më së qarti ky princip, që më pëlqen ta quaj parimi i bombës tymëse, shpalos ligjësitë e funksionimit të show-krizave, të cilat i kemi parë të shfaqen rregullisht në etapat kritike kur pushteti qeverisës i socialistëve mbërrin apogjeun e imoralitetit dhe degradimit në të gjitha nivelet administrativo-sociale. Gjithcili e ka të freskët në kujtesë kryqëzatën e Fatos Nanos - Vjeshtë-Dimër 2001, - kryqëzatë e tipit alla-Çinghis-Khan. Gjithkush e ka tashmë të qartë se rezultati i saj dha një përfundim edhe më të përbindshëm, - zëvendësimin e të keqes me më të keqen. Nga gjithë ai show-politik, na kanë mbetur në kujtesë demonstrimet e pashembullta të nivelit kafshëror, reprezantimi i një reflektimi grykës për të rrëmbyer pushtetin dhe kjo u bë me aq egërsi e akuza fyese, sa dashje padashje, publiku i drobitur shqiptar, fill pas aktit tragjik të zgjedhjeve, mendoi se po gjendej para alternativës së zbutjes së krizës. Në fakt, sikundër rezultoi, elektorati i vjedhur ra në një darë më të egër, në një rreth të ri skëterre ku metodat e dhunshme të privimit, varfërimit të tejskajshëm dhe qorrsokakut të perspektivës sociale, dhanë efektin e prekshëm të varfërimit polar të popullatës, ngritjen e shkallëzuar të krimit të organizuar ordiner e shtetëror, implikimin e qeveritarëve me klanet kriminale dhe tensionin e padurueshëm administrativ. Efekti i kryqëzatës pas katharsis të Nanos, pati pandryshueshëm vetëm një rezultat spektakolar: topitjen e përgjithshme të opinionit publik, minimizimin dhe margjinalizimin e rolit intelektual, shpërnguljen e vëmendjes nga akti tragjik i vjedhjes së votave. Tamam si në teatër.

Veçse edhe termi katharsis, i cili sipas idiotizmit obskurant të Nanos është keqpërdorur, duhet sqaruar. Që në zanafillë termi katharsis ka hyrë nga Aristoteli si kategori estetike, përkatësisht në shfaqjet teatrore që zhvilloheshin në qytet-shtetet antike greke.

Kur shfaqja teatrore arrinte pikën kulminante të konfliktit me demonstrimin e veseve të rënda morale apo me fatkeqësitë individuale dhe shoqërore, spektatori arrinte një pikë kritike të gjendjes emocionale që rëndom shoqërohej me lotë e, rrjedhimisht, me çlirimin dhe pastrimin shprtëror, përkatësisht; sipas filozofisë së Aristotelit, - njeriu kthehej te gjendja e tij e mesit si krijesë njerëzore, pra katharsisi lidhej me kategorinë aristoteliane të mesit të artë. Dhe, të mos harrojmë, Katharsis bënte spektatori, dhe jo aktorët e skenës. Këtu qëndron dhe injoranca kulturore në aplikimin e këtij termi nga Fatos Nano. Sepse sipas nëntekstit të kësaj analogjie, aktorët kryesorë janë figurat e PS-së, ndërsa spektatorët - shoqëria shqiptare. Kësisoj, katharsisin Nano e ka marrë dallash, ngase atë nuk e bëjnë spektatorët (nënkupto: shoqëria), porse aktorët (nënkupto: figurat e para të politikës së PS-së). Në këtë pikë Nano nxitoi të shpalosë obskurantizmin personal dhe u bë qesharak. E theksojmë sërish, se shakaja tepër e tejzgjatur e katharsisit ia arriti qëllimit të saj, duke maskuar problemin e rëndë me koherencë kombëtare e ndërkombëtare të votave të grabitura. Mirëpo rishfaqet këto ditë në skenë i njëjti vodevil, me të njëjtët personazhe, tashmë me role të këmbyera, saqë e gjitha i ngjan, si dy pika uji, një rokade në një lojë shahu. Po për të njëjtat arsye që Fatos Nano pati sulmuar Ilir Metën, sulmohet kryeministri i sotëm nga ministri i Jashtëm Meta. Dhe përsëri, në një tjetër moment krize, tashmë para zgjedhjeve. Megjithatë qëllimi edhepse është i qartë, nuk duhet harruar se e ashtuquajtura 'përplasje' ndodh në një hapësirë të tejngarkuar psikologjike, pasi, që nga kryqëzata e parë katharsiste "Nano", kanë vepruar disa faktorë të rëndësishëm në sfondin politiko-social në Shqipëri.

Faktori i parë është gjendja e një zhgënjimi total, pasiguria dhe atmosfera e përhershme e shantazhit ndaj banorit të varfëruar shqiptar. Pas dy vjetësh qeverisjeje, Fatos Nano poaq sa dhe kryetari i Bashkisë së Tiranës, Edvin Rama, kanë krijuar struktura të "pashkatërrueshme" nepotike në personalizimin e pushtetit. Intensiviteti i propagandës qeveritare që ka kontrolluar mediat për mëse katër vjet, aktivizon në faqet e përditshme dhe telekanalet e blera, diktatin e saj të përditshëm:"o me ne, o kundër nesh".

Dhe të jesh kundër, do të thotë të asgjësohesh, të hidhesh në gjyq, të gjobitesh deri të tërhiqesh ose të gjunjëzohesh. Dhe të tërhiqesh do të thotë t'u lësh terren militantëve socialistë; t'u lësh hapësirë vetëm "intelektualëve", kësaj specie të përçudnuar mercenarësh e killerash me pagesë që ligjërojnë, duke dominuar mbi 95% të mediave me alibitë e tyre dhe që rrahin në një pikë të gjithë: sulm i përqendruar mbi opozitën dhe lidershipin e saj, Sali Berisha, athuase opozita është fajtore për gjithë sodomën e gomorrën mbarëshqiptare. Është e qartë se shoqëria jonë ka mbërritur pikën më kritike të saj, tërësej e lënë në mëshirën e arbitraritetit të gjithanshëm. Synimi i qartë që, nëpërmjet formave të alternuara të terrorit institucional, mediatik e gjyqësor, të mbërrihet pika e vdekur ku vetëdija qytetare të mos arrijë të reagojë më, flet hapur se revanshi i socialistëve i ka kapërcyer të gjitha blasfemitë morale dhe se pak nga pak, mundimshëm e si në torturë, shoqëria jonë po futet në një diktaturë të sofistikuar, diktaturë të tipit de facto, e përjetuar së brendshmi si asfiksi dhe ngushtim i vazhdueshëm i parametrave të lirisë individuale e kolektive.

Faktori i dytë është krijimi i një modeli brutal; likuidim i të gjitha çështjeve kyçe me sensibilitet gjithëshoqëror që ngre opozita. Janë të qarta tashmë në çfarë mënyre u sabotuan çështjet e ngritura nga opozita për dosjet "Klosi" dhe "Rama". Degjenerimi i këtyre çështjeve me sabotimin e vazhdueshëm që iu bë prej komisionerëve socialistë, është dëshmia dhe sinjali më i qartë se qeveria e Fatos Nanos ka nisur revanshin e markimit të përllogaritur paraprak të të gjitha prolemeve madhore që ngre opozita. Mohimi i opozitës, i të drejtave të saj për të shtruar, mësëpari problemin e abuzimeve financiare nga ministrat dhe nëpunësit e administratës shtetërore të pushtetit socialist, krijon kësisoj modelin dhe praktikën e veprimit të linçimit dhe likuidimit të paceremonishëm, çka të kujton inskenimet e praktikave të huajtura nga modelet e qeverisjeve fashiste. Kësisoj sinjali nga ana e pushtetit të Nanos është dhënë: nën një diktat, kontroll e survejim të tillë, nën rrjetin e alibisë manipulative mediatike dhe invektivëve të intelektualëve me uniformë - analistëve në gazetat e përditshme dhe studiot televizive - mbytet e vërteta, thellohet korupsioni i klaneve në pushtet, polarizohet diferencimi ekonomik sipas oligarkive me ortakëri e bashkërenduar pushtet-mafie-biznes - dhe përsëri rezultati mbetet i pandryshueshëm: instalimi de facto i diktaturës. Tekefundit diktatura ia arrin qëllimit duke kontrolluar gjithë hapësirën e lirisë në krejt vertikalen e pushtetit sipas të gjitha sferave, ndërsa media e blerë veç sa krijon imazhin e rremë se gjithçka po ndodh "legalisht" e në mënyrë "demokratike".

Faktori i tretë është krijimi dhe imponimi i kultit të individit, - një formë kjo që qeveria Socialiste e ka huajtur, apo më sak, e ka trashëguar gjenetikisht nga modeli diktatorial stalinist. Ky model është demonstruar nga kryetari i Bashkisë së Tiranës, Edvin Rama. Demonstrimi i kuintesencës bolshevike, formave të kombinuara të demagogjisë populiste dhe arrogancës, - ligjërimi i tij kuazifashist me thirrje, parrulla e fyerje nëpërmjet megafonit - çprej pozicionit të tij si i "pandehur" - nuk është gjë tjetër përpos se rievokim i imazhit dhe recidivit të figurave hitleriane. Një paralelizëm të tillë e përforcon, po t'i shtosh, edhe e përbashkëta që kanë këto të dy: profesioni i "bojaxhiut", sikundër e ka quajtur me ironi Bertold Brehti mjerimin profesional të Hitlerit. Rasti "Rama" është simptoma e restaurimit të një figure violente që "s'çan kokë" për askënd dhe që mund t'i bëjë të gjitha vjedhjet dhe abuzimet haptazi, pa u ndëshkuar. Imponimi që qeveria socialiste i bën shoqërisë shqiptare nëpërmjet modeleve të saj të tipit "Rama", ka nëntekstin e përllogaritur saktë: ne mund t'i bëjmë të gjitha poshtërsitë para gjithkujt, pa drojë, drejt e në fytyrë dhe nuk mund të ndëshkohemi. Arroganca dhe violenca, dhuna verbale dhe latente janë mjetet e zgjedhura vetëdijshëm nga qeveria "Nano", me të cilat ajo synon të fitojë zgjedhjet dhe të përjetësojë sundimin e vet edhe më tej. Me mjete të tilla kjo qeveri ka mundur të vijë në pushtet. Ajo është dominantja e të gjitha niveleve të qeverisjes, sepse vetë është krijesë e asaj dhune të pashembullt me të cilën pati uzurpuar pushtetin gjatë revolucionit terroristo-jakobin të '97-ës.

Shumëkush e shtron me të drejtë pyetjen: mos vallë dhuna është e vetmja armë që njohin socialistët shqiptarë? Mos vallë dhuna është e vetmja mundësi që ka mbetur dhe me të cilën duhen luftuar? Nëse një gjë e tillë do të ndodhë, atëherë vëmendja duhet kthyer qysh tani, sa s'është vonë, mbi personazhet që po i paraprijnë asaj: Nano, Rama, Meta e të tjerë...

Atëherë vigjilenca e opinionit të esëllt publik dhe në përgjithësi, i opozitës, është të mos hutohet e të mos bjerë në pozitat e spektatorit pasiv, sikur në rastin e kryqëzatës së parë të katarsistëve "Nano", porse të shfaqë prezencën e saj, duke e përmbysur atë bufonadë vodevili që përsëritet po njësoj në të ashtuquajturat "kriza" dhe që në fakt, s'janë tjetër, pos se luftë e egër për skartim brenda llojit

- Ky shkrim eshte marre nga Shkoder.net. Te tilla analiza ti ka enda ti lexoxh dhe ti komentosh. Dhe ashtu sic thote artikullshkruesi...(është të mos hutohet e të mos bjerë në pozitat e spektatorit pasiv, sikur në rastin e kryqëzatës së parë të katarsistëve "Nano", porse të shfaqë prezencën e saj, duke e përmbysur atë bufonadë vodevili që përsëritet po njësoj në të ashtuquajturat "kriza" dhe që në fakt, s'janë tjetër, pos se luftë e egër për skartim brenda llojit)

[Redi]

Ne aparence, veprimi i ministrit te Shendetesise dhe i vajzes se Presidetit te Republikes nuk ka ndonje te keqe per mendimin tim.

Pra ajo me te vertete mund te jete e afte per te drejtuar ate qe ka marrre persiper, por po ti futemi me thelle ketij problemi gjerat dalin me ndryshe.


Ashtu sic e kane shprehur shume te tjere me pare, fakti qe Rubena eshte e bija e Presidentit te Republikes le te mendosh qe ka perfituar nga pozita per te arritur ate poste.

Por po te futemi me thelle mund te shohim qe ai Post nuk eshte ndonje zyre ne Kryeministri si Nano e hapi per Xhoi, por thjehst nje Drejtoreshe Materniteti.

Ndofta ajo e meriton me te vertete ate post sepse mund te jete e zonja dhe atehere mund te linde pyetja: -Perse te privosh njerez te afte per arsye se kane lidhje familjare me persona ne Pushtet.

Ka te tjere qe shkojne akoma me larg dhe e lidhin me faktin qe emri i ish-drejtori eshte permendur si kundershtar i Edvin Rames ne zgjedhjet per Kryetar Bashkie.

Cdo gje eshte e mundur dhe vetem koha mund te zgjidhe keto pikpyetje.

Por ajo qe mbetet e vertete ne nje fare mase eshte fakti qe keta persona me te tilla lidhje familjare duhet te mendohen dy here perpara se te pranojne poste te tilla, sado te vogla qofshin, pasi opinioni publik i gjykon ne nje menyre tjeter sidomos kur dihet qe shoqeria jone ka vuajtur jo pak nga nipotizmi.

Mund t'ju hem nje fakt qe jo pak e dine. Berisha ndaloi vajzen e tij per te shkuar jashte Shtetit me Burse te akorduar nga ai Shtet per rezultate te mira vetem per te ndaluar fjalet e publikut dhe vajza e tij u detyrua te fillojne nje fakultetin tjeter ne Shqiperi.
Ne ate kohe Berisha ishte kryetar i PD-se dhe nuk ishte bere akoma President i Republikes.
Ne kohet qe pasuan shume shqiptare paten mundesi te shkonin jashte dhe tani akoma me teper po bejne te njejten gje duke arritur shume me teper nga cfare kishte mundesi dikush tjeter.

[Orku]

Redi

Une nuk paragjykoj faktin qe vajza e presidentit mori nje post te tille, sepse ashtu si thua edhe ti ajo apo kushdo tjeter ne vend te saj ka te drejte te kete jeten dhe te ardhmen e saj, aq me teper ate profesionale.

Duke e anashkaluar faktin perse personi ne fjale e mori kete post pikerisht ne kete moment dhe jo me pare, dua ta shtroj diskutimin nese ajo eshte ose jo me e afte se njeriu te cilin zevendesoi si dhe a eshte ajo njeriu me i kualifikuar pas tij ne institucionin ne fjale ?

Pergjigja e pyetjes se pare eshte e panevojshme sepse emri i ish-drejtorit eshte bere i njohur pikerisht per aftesite profesionale dhe ndryshimet qe ka realizuar ne maternitet. Ai eshte nga te paktet modele te njeriut te suskseshem qe punon ne sektorin publik duke arritur te transformoje instucionin qe ka drejtuar deri dje.

Njeriu qe e zevendesoi mund te kete mjaft cilesi te vyera por fakti eshte qe deri para 1 viti askush prej nesh nuk dinte asgje per te.

Une dua te di cilat jane gradat e saj shkencore per te merituar nje vend nga i cili u shkarkua nje profesor dhe u shmangen profesore te tjere.

Mendoj se do te ishte me dinjitioze qe ne vend qe te pranonte nje post te pamerituar, te protestonte per shkarkimin e shefit te saj pa asnje motiv dhe aresye ..... por mesa duket gjerat per te nuk kane ardhur kaq papritur !

[Albo]

Perse diskutoni per mustaqet e Celos. Une kur jam njohur me kete lajm, kam lexuar si deklarimet e drejtoreshes se re edhe deklarimet e drejtorit te vjeter dhe te dy keta folen me respekt per njeri-tjetrin dhe nuk ngriten ndonje shqetesim per ndryshimin ne drejtori. Pra kur te zotet e punes nuk kane shqetesime per ndryshimet, atehere perse shtypi duhet te krijoje patjeter nje rrotullim te kote per te sulmuar pozitat e presidentit?

Mire shtypi qe keto direktiva merr nga "Partia", po ju mos bini pre e lojrave te tyre. Qe nga dita e pare qe presidenti Moisiu u be president, ai shte sulmuar ne menyre konstante nga shtypi i paguar.