Vlore, merret peng djali i biznesmenit

[Asteroid]

Dy muaj mbas rrembimit te bujshem te Klajdi Shehut, nipit te biznezmenit Sulo Shehu, i cili u lirua nga rrembyesit e tij mbas presionit policor, nje rrembim tjeter i bujshem te henen ne darke tronditi Vloren.
Helios Billa, femija 14-vjecar i tregtarit te njohur Kosta Billa, eshte rrembyer mbremjen e se henes ne afersi te Bibliotekes. Deshmite okulare tregojne per castet e rrembimit. Kerkohet nje sasi parash qe vendoset sot nga pengmarresit. Telefonata pas rrembimit" Mos bashkepunoni me policine. Nis "raprezalja" ne Pyllin e Sodes dhe Kanine

Minute pas minute me Helion e rrembyer

19.00 Helio shkon tek nje shoku i tij

21.00 Shihet te Shkolla Artistike

21.10 Shihet te Biblioteka qendrore

21.20 Kater vete e rrembejne

21.22 Nje makine e zhduk nga Biblioteka

21.43 Thirrje ne celular e pengmarresve

21.55 Denoncimi i Kostes ne polici

22.00 Nis operacioni, shume shoqerime


Merret peng nga persona ende te paidentifikuar, Helio Billo, djali 15-vjecar i biznesmenit te njohur vlonjat Kosta Billo. Lajmi konfirmohet nga burime zyrtare te Drejtorise se Policise se Vlores. Drejtori i Policise Neritan Nallbati, tha " Se mbremjen e se henes, Kosta Billa ka denoncuar ne rajon se i eshte marre peng djali i tij Helio 15 vjec. Sipas tij nje telefonate anonime me ze femije, dukshem te maskuar, i kishte kerkuar nje sasi parash te cilat duhet t'ia dorezoje neser". Z.Nallbati theksoi se policia eshte vene ne kerkim te te dyshuarve dhe po punon per identifikimin e tyre.

Deshmite okulare

Rreth ores 19.00, Helio del nga banesa e tij ne lagjen dhe i tregon prinderve se po shkonte te nje shok per t'i dhene cd e marre per ta degjuar. Nje punonjes i firmes se Kosta Billes, i tha policise se kishte pare djalin prane Shkolles Artistike ku ndodhej shoku i tij. Nje burim okular tha se ne kthim nga shoku i tij, rreth ores 21.00, Helio ka kaluar perpara Bibliotekes se qytetit. Pikerisht aty, ai eshte perballur me persona te panjohur te cilet me nje automjet e kane marre me force djalin duke realizuar rrembimin e tij.

Familja dhe telefonata

Familja Billo, banon vetem 100 metra larg Drejtorise se Policise, prane rruges se Re, ne nje apartament ne katin e katert, te marre me qera. Ai ka nje biznes per te cilin, 70 punonjesit e tij flasin me shume respekt. Punishtja e tij ndodhet afer stacionit te trenit Vlore pas godines se biznesmenit Sulo Shehu. Vete Kosta perjashton konkurrencen si piste te rrembimit. Ka mesuar per marrjen peng te te birit, 40 minuta me pas, rreth ores 21.43, kur ne celularin e Kostes, dikush ka folur duke thene keto fjale: Djali juaj Helio ndodhet ne duart tona. Mos flisni me askend. Do ju telefonojme perseri qe t'ju bejme te ditur sasine e lekeve qe do na jipni ne kembim te djalit tuaj". Keto ishin fjalet e pengmarresve qe me pas mbyllen telefonin.

Denoncimi, i menjehershem

Fill pas telefonates, familjaret bene denoncimin ne komisariat, duke mos iu bindur "urdherit te rrembyesve qe telefonuan". Policia nisi menjehere kerkimet dhe ka shoqeruar shume persona dje, per te zbardhur ngjarjen e rende. Mes te shoqeruarve, edhe nxenes dhe shoke te tjere te Helios.

DESHMITE NE VENDNGJARJE

"Ju rrefejme si e rrembyen Helion"

Policia e Vlores ka zbardhur skemen e rrembimit te 14-vjecarit nga ky qytet, Helios

Billa, djali i nje biznesmeni vlonjat. Burime policore bene te ditur se, gjithcka u ndertua mbi bazen e deshmise se nje prej punonjesve te firmes, prone e familjes Billa, banesa e te cilit eshte ne afersi te vendit ku mendohet se eshte rrembyer 14-vjecari. "Po drejtohesha per ne banese, pas nje shetitjeje, kur ne afersi te Kishes Orthodokse, pashe Heliosin qe po kthehej nga rrugica qe te con te shkolla Naim Frasheri", mesohet te kete deponuar ne polici, punonjesi, emri i te cilit nuk behet i ditur. Sipas deshmitarit, ka qene ora 21.30 e te Henes, kur ai ka pare vogelushin, te cilin e ka pershendetur dhe e ka pyetur se ku po shkonte ne ate ore. Burimet policore saktesuan se, Billa po kthehej nga banesa e nje shoku te vet, ne afersi te godines se Shkolles se Mesme Artistike "Naim Frasheri" ne lagjen "Varosh" dhe po drejtohej per tek gjyshja, ku e priste nje i aferm, me te cilin do te kthehej prane familjes. Punonjesi i firmes se te atit, ka qene personi i fundit qe e ka pare 14-vjecarin.

Burime policore thane se, po punohet intensivisht per lirimin e 14-vjecarit, por deri ne oret e vona te nates duke gdhire dita e sotme nuk kishte asgje konkrete rreth vendndodhjes se tij. Familjaret e 14-vjecarit Billa, mjaft te shqetesuar per fatin e te birit, thone se nuk kane asnje konflikt me persona konkrete. "Ne jemi ne shtepi me qera dhe biznesin e kemi ngritur me djerse", pohon nena e tij, Leonora Billa. I ati i Heliosit, Kosta Billa, eshte pronar i nje firme per prodhimin e karrigeve dhe divaneve prej kashte, me material porositesi nga Italia. Prodhimet e kesaj firme jane kryesisht per eksport.

REAGIME

Flet nena e Helios dhe Akinit: Pse ma moren djalin?

Leonora, mamaja e Helios dhe Akinit, nxenes ne vitin e dyte te gjimnazit, tregon se djali i saj kishte shkuar tek nje shoku i tij dhe nuk ishte bere me i gjalle. Ajo pohoi se kishin kontaktuar me telefon me shokun e tij i cili banon prane shkolles se muzikes ne lagjen ''Varosh''. Por ai u kishte thene se Helios i kishte dorezuar cd dhe kishte ikur se e prisnin ne shtepi. Pastaj ajo e nderpreu tregimin duke u ngasheryer e mos arritur te flase me gjate.

Punetoret: Kosta e familja e tij, biznes me duar te pastra

Fqinjet dhe rreth 70 punetore te cilet jane punesuar prej vitesh ne fabriken e eksport-importit te Kosta Billes, pohojne se pronari i tyre ishte teper korrekt me ta si dhe me shtetin. Ata flasin me respektin me te madh per te dhe shtojne se "nuk ka lene asnjehere pa paguar detyrimet ndaj shtetit". Ndersa fqinjet flasin per nje sjellje shume korrekte te dy djemve te tij, Akini 17 vjec dhe Helios 15 vjec. Ata jane nxenes ne shkollen private dhe mesuesit atje shprehen se "jane te shkelqyer".

Policia: Mos u flisni mediave qe te shpetojme operacionin

Drejtoria e Policise se Qarkut te Vlores eshte teper e rezervuar ne dhenien e informacionit lidhur me rrembimin e 15 vjecarit Helios Billa ne oret e vona te mbremjes se hene. Ajo ka porositur familje qe per te shpetuar operacionin, te mos komunikoje me median. Ne policine vlonjate ka mberritur me urgjence kreu i policise kriminale, Sokol Bizhga nga Tirana. Titullaret e policise organizuan aksione ku kane ''krehur'' zonen e Pyllit te Sodes dhe Kanines ku dyshohet se mund te jene strehuar pengmarresit se bashku me ''gjahun e tyre''. Ceshtjen per hetim e ka marre kryeprokurori i Vlores Petrit Cano.


p.s. Perfundimisht mbas kesaj pengmarrjeje, e katerta brenda 4 vjeteve, Vlores i vihet damka si qyteti i pengmarrjeve

Shpresojme dhe i urojme familjes se Helios Billa qe djali i tyre te kthehet shendoshe e mire ne shtepi (siç ka ndodhur ne tre rastet e mepareshme te pengmarrjeve ne Vlore)

[Asteroid]

Djaloshi vlonjat ka dëshmuar në polici se është lënë i lirë nga 3 ose 4 pengmarrës, në dalje të Pyllit të Sodës. Helios Billa nuk është keqtrajtuar por është lënë pa ujë dhe ushqim


TIRANË- “Alo babi, jam Heliosi…”. Ankthi i 48 orëve ka marrë fund brenda pak çastesh, në shtëpinë e biznesmenit të mobiljeve, Kosta Billa. Pengu 14-vjeçar ka telefonuar rreth orës 9 e 30 minuta të atin dhe ka qetësuar gjithë familjen e tij, duke i thënë se është shëndoshë e mirë. “Eja më merr tek Riviera”,-mësohet t’i ketë thënë babait të tij, Helios Billa. Menjëherë pas kësaj telefonate, të gjithë personat që ndodheshin në shtëpinë e Billos mezi kanë pritur kthimin e djalit të marrë peng, mbrëmjen e së hënës. “Jam shumë e emocionuar dhe po pres të përqafoj tim bir”,-është shprehur për “Shekullin” nëna e Heliosit, Eleonora Billa, pak minuta pas lirimit të pengut. Ajo thotë se i shoqi ka shkuar në Drejtorinë e Policisë për të marrë djalin, godina e së cilës ndodhet vetëm pak metra larg shtëpisë së saj. Ndërkohë, burime nga policia e Vlorës bëjnë të ditur se ndaj 14 -vjeçarit Billa nuk është është ushtruar dhunë. Por djaloshi ka vuajtur etjen dhe urinë, gjatë 48 orëve të marrjes peng. Heliosi ka kërkuar ujë, në zyrën e drejtorit të policisë së Vlorës, Neritan Nallbati ndërsa uniformat blu i kanë siguruar atij ujë dhe ushqime, duke mos e “ngacmuar” fillimisht me pyetje. Më pas, Heliosi i është nënshtruar një seance të gjatë pyetjesh, përballë drejtorit të Policisë Kriminale, Sokol Bizhga, drejtorit të Policisë së Vlorës, Neritan Nallbati, shefit të komisariatit, Boge Bodini dhe prokurorit të Vlorës, Petrit Çano. Gjithçka që është bërë e ditur në orët e vona të mbrëmjes, ka qenë fakti se pengmarrësit kanë vendosur të lënë të lirë 14-vjeçarin Billa. Ata kanë hequr dorë nga gjoba për lirimin e pengut dhe kanë vendosur ta lënë Heliosin të lirë. Sipas dëshmisë së turbullt të Heliosit në polici mësohet se rrëmbyesit e kanë lënë të lirë në dalje të pyllit të Sodës. Burime nga grupi hetimor nuk japin detaje lidhur me rrugën që i është dashur 14-vjeçarit të bëjë nga Pylli i Sodës deri në Qendrën Tregtare “Riviera”. Megjithatë Heliosi ka dëshmuar në polici se atë e kanë rrëmbyer tre ose katër persona, të cilët deri në orët e vona të mbrëmjes ende nuk ishin identifikuar nga policia. Djaloshi nuk ka qenë shumë i saktë në dëshminë e tij, megjithatë drejtuesit e organeve hetimore kanë mundur të sigurojnë disa të dhëna, që mund t’i çojë ata drejt gjurmëve të pengmarrësve. Menjëherë pasi e ka parë veten të lirë, Heliosi ka marrë në telefon të atin, ku i ka kërkuar që ta marrë dhe ta çojë në shtëpi. Por para biznesmenit Kosta Billa, në mjediset e “Rivierës” kanë mbërritur forcat e policisë së komisariatit të Vlorës. 14-vjeçari është hipur në makinën e shefit të komisariatit dhe është dërguar më pas në Drejtorinë e Policisë së Vlorës. Në mjediset e policisë, Heliosi është marrë në pyetje deri në orët e para të mëngjesit të sotëm.

[Asteroid]

VLORE (19 Qershor) - Pengmarrja ka qene nje loje e vete 14- vjecarit Helios Billa dhe kater shokeve te tij. Ne kete perfundim ka arritur policia e Vlores pas marrjes ne pyetje te 14-vjecarit dhe shqyrtimit te te gjitha provave. Ai ka sajuar gjithcka qe bashke me shoket e tij te perfitonin nje shume prej 40 mijë euro ne kembim te kthimit te tij. 14-vjeçari mbrëmjen e kaluar i ka telefonuar prindërit duke i lajmeruar se ishte i lirë. Menjëherë pas kësaj ai është marrë në pyetje nga hetuesit për të zbuluar detajet e 'rrëmbimit', që tronditi familjen e biznesmenit të mesëm Kosta Billa

[ALBA]

POLICIA ZBARDH SKEMEN E "RREMBIMIT"

Helios: Si do e gjobisja tim atë 40 mijë Euro

Nga i dërguari në Vlorë, Basir Çollaku

Katër të rinj 15-16-vjeçarë nga Vlora kanë vendosur të bëhen me parà dhe bien dakord që të "marrin" peng shokun dhe bashëkmoshatarin e tyre, por kanë rënë të pestë në pranga. Ata janë: H.B., D.Xh., A.M., I.Xh., A.C., të gjithë me arsim tetë dhe nëntë klasë. Emrat nuk jepen të plotë pasi të ndaluarit janë të mitur. Helios Billa, djali i biznesmenit vlonjat, Kosta Billa, ka qenë truri i vetëpengmarrjes që ka dështuar në dy ditë përballë policisë. Ka startuar të dielën më 15 qershor plani "Helios". Djaloshi dhe bashkëmoshatarët e tij kanë lënë të hënën si ditë të ekzekutimit të projektit të tyre. Burime policore pohojnë se djemtë kishin menduar të merrnin afro 40 mijë euro nga Kosta Billa. Kreu i "ekipit" largohet të hënën nga shtëpia në orë të vonë të darkës, për të vajtur te një shok se do të konsultohej për provimin e së nesërmes. Nuk ka vonuar shumë dhe babait, Kostës, i mbërrin një telefonatë: "Heliosin e kemi marrë ne, mos njofto policinë dhe nesër bëj gati ca lekë. Do të të telefonojmë përsëri". Pas telefonatës i alarmuar biznesmeni denoncon në polici. Menjëherë policia e Vlorës, specialë nga Tirana dhe krerë të Ministrisë së Rendit, si dhe struktura të veçanta të Shërbimit Informativ hidhen në aksion.

Lirimi
Policia ngre postblloqe të rrufeshme në Pyllin e Sodës, Zvërnec, Bestrovë, Pusi i Mezinit etj., që të mos lejojë daljen e pengmarrësve jashtë qytetit. Bëhen verifikimet. Pyeten dëshmitarët që e kishin parë natën e fundit dhe që kishin folur me ta. Ekspertët kanë bërë listën e shokëve, adresave që kishte dhënë Helio për takime dhe është vënë në kërkim të vendstrehimit. Surpriza ka ndodhur dy ditë më vonë. Në drejtorinë e policisë vjen njoftimi se Helios është parë i lirë dhe ka njoftuar familjen që të shkojë ta marrë te "Riviera". Në vend të shtëpisë 15-vjeçari ka përfunduar në Drejtorinë e Policisë Vlorë. Pasi ka ngrënë pjatat me fasule dhe pilaf, sepse ka qenë i uritur, ka qenë në dispozicion të hetuesve për të rrëfyer pengmarrjen dyditore.

Kurthi
Deklarimet e para të Heliosit, sipas policisë, kanë ngjallur dyshime. Një herë ka pohuar se e kanë marrë më dhunë, me armë dhe e kanë futur në një makinë për ta çuar në një banesë jashtë qytetit. Më pas ka vijuar se rrëmbyesit janë munduar ta bindin që t'i kërkojë para të atit, se ata do i blinin makinë e shumë gjëra të tjera, por ai nuk kishte pranuar. Të pabindur ekspertët e hetimit e kanë lënë në mesnatë të shkojë në shtëpi dhe e kanë rimarrë të nesërmen, ditën e djeshme. Helios është thyer ditën e enjte përballë prokurorëve, hetuesve, titullarëve të policisë. Pas një rezistence të dobët ka pohuar mashtrimin. "Nuk jam marrë peng". Ka qenë një kurth, një plan i organizuar nga ai dhe katër shokë të tij. Këtë ata e kishin bërë me qëllim që t'i merrnin babait të Heliosit një shumë të konsiderueshme parash. Identifikimi i organizatorëve ka bërë që policia t'i dërgojë ata në qeli ku dhe kanë pranuar se dëshmia e Heliosit është e vërtetë. Ata ishin mbledhur të hënën dhe kishin vajtur qetësisht në skutën nga ku i kanë telefonuar biznesmenit, që të bëjë gati paratë. Të katër shokët që janë arrestuar, kanë pranuar se e kishin kryer këtë vepër kriminale për të përfituar nga Kosta Billa një shumë të madhe lekësh.


Shoku i klasës Xheron: Helios nuk erdhi të më takonte

Ka kater vjet që jemi shokë me Heliosin rrëfen Xheron Alikaj shoku i klasës së djalit të bisnesmenit. Herën e fundit me të kam fulor të dielën, ndërsa ngjarja ka ndohur të henën. Më ka telefonuar dhe më ka pyetur për provimin e së nesërmes. U habita dhe më vjen keq për këtë fatkeqësi të tij E kam takuar dhe dje pas lirimit dhe më ka treguar pak gjëra se e morën në polici. Mamaja e tij më ka thënë se e "kanë marrë kur po vinte të më takonte mua. Sipas saj dikush i ka thënë ta ndihmonte të shtynte një furgon dhe aty i kanë vënë pistoletën në kokë dhe e kanë futur në makinë. Po sipas nënës ata e kanë çuar në Zvërnec në një shtëpi ku e kanë kërcënuar dhe i kanë thënë ti kërkonte para babait". Më pas e kanë liruar në Pyllin e Sodës. "Hetuesit më kanë marrë dhe më kanë mbajtur në komisariat 45 minuta por nuk më kanë thënë asgjë. Pastaj më liruan dhe më thanë shko në shtëpi. Janë pyetur dhe shokë të tjerë pasi Helios kishte shoqëri të zgjeruar".


Prindërit: Dyshuam se Heliosi gënjente

Familja e Helios Billës është shokuar pas marrjes së lajmit, se ka qenë i biri ai që ka organizuar këtë pengmarrje, që i la ata dy net pa gjumë dhe në ankth e tmerr. Familja, Kosta dhe Eleonora, pohojnë se dy djemve nuk u është ndaluar asgjë, u është plotësuar çdo dëshirë. Babai pohon se i biri ishte shumë i zgjuar, dinte disa gjuhë të huaja, shihte shumë filma dhe lozte me kompjuter, ishte si aktor dhe kishte një fantazi të shfrenuar. Kosta ka pohuar se ka dyshuar në lojën e të birit, kur e ka takuar pas lirimit dhe këtë dyshim ia ka thënë policisë. Madje ka këmbëngulur që ai të merret sërish në pyetje. "Nuk kam dhënë parà, thotë Billo, dhe ende më duket e pabesueshme që im bir të më kurdistë një gjë të tillë".


Akuza: Vjedhje me dhunë e mbetur në tentative

Prokuroria e rrethit Vlorë ka pohuar ditën e djeshme përmes titullarit të saj, Petrit Çano, se ngjarja është pothuaj e mbaruar së hetuari. Helios Billa ka simuluar pengmarrjen e tij në bashkëpunim me katër shokë. Drejtoria e policisë dhe prokuroria kanë formuluar akuzën për pesë të miturit. "Vjedhje me dhunë e mbetur në tentativë të kryer në bashkëpunim, parashikuar nga nenet 139, 25 e 22 të Kodit Penal". Kjo është akuza që rëndon mbi adoleshentët që kërkuan të mashtronin duke simuluar një grabitje personi dhe të përfitonin shuma të konsiderueshme parash nga baba i Helios Beillës, biznesmenit Kosta Billa. Për dy ditë janë mbajtur në rrethim dhe përgjim të dyshuarit dhe pas lirimit është zbardhur çështja brenda ditës. Në Vlorë një muaj më parë u mor peng Klajdi Shehu që u liruar nga policia. Simulimi dhe sqarimi i situatës shtensionoi situatën pohuan krerë të policisë së Vlorës.

[Asteroid]

Prokuroria e Vlorës pritet të kërkojë gjykimin e drejtpërdrejtë për Heliosin dhe katër shokët e tij


“Unë e mirëpres tim bir në shtëpi dhe dëshiroj që ai të mos qëndrojë nëpër dhomat e izolimit”. Kështu është shprehur për “Shekullin” Kosta Billo, babai i 14-vjeçarit që ngriti në këmbë gjithë policinë me historinë e tij të sajuar. Babai i Heliosit ka qënë tepër i shqetësuar gjatë zhdukjes së djalit të tij të vogël, por ankthi për familjen vlonjate nuk ka përfunduar me lirimin e sajuar të 14-vjeçarit. Zbulimi i së vërtetës rreth “zhdukjes” së Heliosit ka tronditur edhe një tjetër herë biznesmenin Kosta Billo, i cili e ndien veten fajtor për këtë që i ndodhi. “Është edhe faji im për këtë që ndodhi, pasi unë jam larguar shumë herë për punë dhe nuk i kam qëndruar afër aq sa duhet tim biri”,-tha dje Kosta Billo. Por ai shtoi se tani e tutje do t’i qëndrojë më afër të birit, me qëllim që ai ta shikojë jetën ashtu siç është në të vërtetë dhe jo si nëpër filma. Kosta Billo e cilëson si të jashtëzakonshëm impenjimin e policisë dhe është dakord me versionin zyrtar për çështjen e të birit. “Policia më solli djalin ndërsa unë do të përpiqem të “shëroj” anën psikologjike të tij”,-thotë biznesmeni i mobiljeve.

Imitimi
E cilëson si një fëmijë të jashtëzakonshëm në fantazi dhe gjeni në kompjuter të birin. “Heliosi më tha se e nisën si lojë idenë e rrëmbimit dhe se nuk ka pasur ndërmend ta bëjë këtë gjë për paratë”,-thotë Kosta Billo. Sipas tij, i biri është shumë i ndikuar nga filmat që sheh në televizor dhe më shumë se një grabitje ai ka tentuar të bëjë emër. “Unë mendoj se ai ka imituar Eminem, idhullin e tij personal”,-shton biznesmeni vlonjat. Sipas babait të Heliosit, shokët e implikuar në këtë çështje kanë luajtur rol dytësor, pasi i biri ka dashur të krijojë në këtë mënyrë historinë e tij personale. Billo thotë se i biri është i aftë të gënjejë edhe 10 veta pa u kuptuar, pasi ka një fantazi tepër të zhvilluar. Ai tregon se i shmangej ballafaqimit me të birin, pasi ky i fundit ishte i aftë “t’i mbyllte gojën.” Kosta Billo i bën apel të gjithë prindërve që t’u qëndrojnë afër fëmijëve të tyre gjatë adoleshencës, që të mos u ndodhë e njëjta gjë si familjes së tij.

Hetimet
Asnjë person nuk është shoqëruar gjatë ditës së djeshme, në drejtorinë e Policisë së Vlorës për çështjen e Helios Billos. Tashmë ka përfunduar hetimi i kësaj çështjeje dhe për fatin e mëtejshëm të Heliosit dhe katër shokëve të tij do të vendosë gjykata e Vlorës, mëngjesin e së hënës . Por burime nga grupi hetimor bëjnë të ditur se prokuroria pritet të kërkojë gjykimin e drejtpërdrejtë për pesë adoleshentët mashtrues.. Mosha e mitur e tyre dhe vepra penale për të cilën akuzohen, vjedhje në bashkëpunim e mbetur në tentativë, nuk pritet të ndëshkohet me burg nga gjykata e Vlorës. Helios Billo është “zhdukur” për të afërmit e tij mbrëmjen e së hënës, natë në të cilën i ati denoncoi në policinë e Vlorës. Tre ditë pas zhdukjes së tij, policia arriti të zbulonte historinë e sajuar të Heliosit, që solli më pas edhe prangosjen e tij dhe katër bashkëpunëtorëve.

[Wordless]

shikojne shume filma femijet sot!!

[Brari]

Tash Sazan Aliko i thot besoj Kostes...tundu Kosta ketu te ta nxjerr tet bir pa lagur e ta kec ne Shtepi.
E ai 40 mije eoroshi shkon ne xhep te Sazanit.

Ne Vlore smundet kushdo te benj numera. Jane ndare punet e pronat aty ne nje grusht mafiozesh.