Plaga e prostitucionit

[ATMAN]

The Times: Në Angli shqiptarët të parët për prostitucion


Nga: Muhamed VELIU

“Grupet kriminale shqiptare kanë arritur të stabilizojnë kontrollin e tyre në tregëtinë e seksit në Britaninë e Madhe duke përdorur forcë ekstreme”.


I cilësuar si “Mbreti i prostitucionit në Angli” laçiani Luan Plakiçi është bër sinonim i prostitucionit shqiptar në Britaninë e Madhe sa herë që flitet për të.


Vajzë shqiptare që ushtron profesionin në internet! Mësohet se çmimet e prostitutave shqiptare me faqe interneti të stacionuara në zonat e qëndrës së Londrës njohur si W1, Gloster Road, Celsi apo Bayswater variojnë nga 150 stërlina deri në 300 për një orë. Policia londineze thotë se e ka të pamundur të kontrollojë këtë bum të prostitucionit në internet shndërruar në një epidemi ku edhe shqiptarët janë shfrytëzues të tij.Kështu e fillon shkrimin e saj disa ditë më parë prestigjozja angleze The Times duke rikthyer vëmendjen pas një kohe heshtje në shtypin anglez mbi çështjen e prostitucionit të kontrolluar nga shqiptarët. Duke ju referuar oficerëve “Vice Squad” (skuadrës së prostitucionit) në policinë londineze gazeta shkuan se tani shqiptarët kontrollojnë më shumë se 75 përqind të shtëpive publike në Angli, ku nga operacioni i tyre kriminal vetëm në zonën e distriktit të dritave të kuqe në lagjen e qejfit Soho ata fitojnë 15 miljon paund në vit.Jo vetën kaq prezenca e tyre në kontrollin e shtëpive piblike është e dukshme në qytete të tjera të mëdha si Glasgou,Liverpol madje edhe në Kardif. Në të njëjtën kohë nuk mbetet jashtë vëmendjes së tyre zonat provinciale si Telford apo Lancaster.Sipas policisë e cila ka komentuar për The Times mësohet se shfrytëzuesit shqiptarë janë të armatosur, gjë e cila ka bërë që rivalët e tyre të frikësohen duke i lënë liri veprimi. Vajzat e trafikuara nga ata janë të frikësuara në kulm, si pasojë kur ndalohen nga policia në aksione anti-prostitucion nuk bashkëpunojnë në tregimin e shfrytëzuesve të tyre. Një nga zyrtarët e lartë të policisë kriminale angleze Scotland Yard ka deklaruar për The Times se “Shfrytëzuesit e prostitutave gjithmonë kanë përdorur violencë, por ata shqiptarë janë me të vërtetë të ashpër”Gazeta nuk len pa përmendur suksesin e tyre për të dominuar në kontrollin e shtëpive publike duke spostuar rivalët Turq, Kinezë apo Xhamaikianë përfshi shfrytëzuesit lokalë anglezë. E gjithë kjo hapje rruge shqiptarëve është shoqëruar me përplasje me armë.

Vendosja
“Shumica e kriminelëve shqiptarë mbërritën në Britaninë e Madhe si rrefugjatë lufte gjatë konfliktit në Kosovë” shpjegon më tej gazeta. “Ata fillimisht ndërtuan një rrjet të gjer trafikantësh që kalonte nga ish Jugosllavia duke fshehur vajzat e trafikuar për prostitucion nga Moldova, Lituania dhe Ukraina.Me të mbërritur në Angli ato janë mbajtur si skllave seksi.”Autorët e shkrimit e kanë patur të vështirë të flasim me shifra konkrete pasi në industrinë e seksit nuk ka shifra të besueshme. Po ata thonë se sipas plicisë angleze mendohet që në Angli punojnë më shumë se 12.000 prostituta nga Europa Lindore shumica nën kontrollin e shqiptarëve.Sugjerohet se kjo shifër mund të jetë shumë më e madhe pasi ka fakte që tregojnë se trafikimi për prostitucion në Angli është në rritje.Këtë rritje gazeta mundohet ta argumentojë me faktin se “Industria e seksit është tërheqëse për krimin e organizuar nga që përfitimet janë të pallogaritshme, në të njëjtën kohë ndëshkimet të vështira për tu rrealizuar.

Rasti Luan Plakici
I cilësuar si “Mbreti i prostitucionit në Angli” laçiani Luan Plakiçi është bër sinonim i prostitucionit shqiptar në Britaninë e Madhe sa herë që flitet për të.

The Times e ka përdorur rastin e tij për të ilustruar fitimin që mund të nxirret nga shfrytëzimi i prostitucionit.Nga trafikimi i 60 grave për prostitucion, pranuar nga vetë 26 vjecari shqiptar, ai arriti në një periudhë dy vjeçare të fistojë 1 milion paund dhe të blejë disa shtëpi në Europë. Plakiçi u martua me një nga vajzat e trafikuara e cila ishte minorene. Pashpirtësia e tij shkoi deri atje sa ditën e martesë e dërgoi këtë nusen e tij të sapomartuar të prostituonte.Vetëm ajo gjatë shfrytëzimit për llogari të tij arriti të mblidhte 144.000 stërlina.

UN “Më shumë prostituta për në Angli
Zyrtarët e UN kanë lëshuar alarmin duke thënë se zgjerimi i kufinjve të Europës do të thotë më shumë prostituta nga Europa Lindore në drejtim të të Britanisë së Madhe.”Një krim i tillë tashmë është lehtësuar shumë me hapjen e kufinjve,gjë e cila lejon rritjen në tregërinë e ndershme por edhe atë ilegale” kështu i ka deklaruar The Times Burkhard Dammonn shef pranë UN në sektorin e trafikimit të qënjeve njerëzore.Policia londineze është e shqetësuar se në kthetrat e trafikantëve po bien viktima të cilat janë më të vogla se 14 vjeçe të cilat po futen me forcë në shtëpitë publike të kryeqytetit anglez.

Tani shqiptarët prostitucion nga interneti.
Një vit më parë në një investigim special nga Londra Gazeta Shqiptare në Tiranë për herë të parë tregoi rreth përfshirjes së shqiptarëve në prostitucionin, duke përdorur faqet e internetit. Ky fenomem, ose thëne ndryshe evulim i prostitucionit shqiptarë në Angli ka ardhur në rritje si një mënyrë më e sigurtë për të kamufluar aktivitetin kriminal të shfrytëzuesve shqiptare. Njëkohësisht fitimi që bëjnë vajzat prostituta nga ky biznes është disa fish më i lartë krahasuar me një dite pune në një shtëpi publike apo sauna deri tani vende të preferuar nga shfrytëzuesit shqiptarë që kanë lidhur marrveshje me zotëruesitm e tyre, anglezët.

Mësohet se çmimet e prostitutave shqiptare me faqe interneti të stacionuara në zonat e qëndrës së Londrës njohur si W1, Gloster Road, Celsi apo Bayswater variojnë nga 150 stërlina deri në 300 për një orë. Policia londineze thotë se e ka të pamundur të kontrollojë këtë bum të prostitucionit në internet shndërruar në një epidemi ku edhe shqiptarët janë shfrytëzues të tij.

Fakte dhe shifra për prostitucionin në Angli

80.000 veta për çdo javë në Londër paguajnë për seks.

115 prostituta numëroheshin rrugëve të Londrës në 1997.

5000 fëmij të përfshirë në prostitucion.

95 përqind e prostitutave angleze në rrugë përdoruse droge.

500 deri në 7.000 stërlina në javë fitohen nga një “Pimp” shfrytëzues.

75 përqind e prostitutave në Londër nën kontrollin e shqiptarëve.

9 përqind e meshkujve nga 16 deri në 44 vjeç në Londër kanë paguar për seks në pesë vitet e fundit.

10 paralajmërime dhe 31 dënime u morën në 2002 për klienta.

1,424 paralajmërime dhe 2,678 dënime për shfrytëzim.

24 paralajmërime dhe 8 dënime për hapje shtëpije publike pa leje.

Klientët në të shumtëtn e rasteve të martuar, mosha 30 vjeç.

Shumica e prostitutave single ose jetojnë me shfrytëzuestit

[ATMAN]

Katër vjet me trafikantët shqiptarë të seksit


Nga: Muhamed VELIU

Gazetari kanadez: Ju rrëfej skllavërinë moderne.


Viktor Malareku, një ndër gazetarët më të mirë investigativë në Kanada, ka publikuar librin "The Natashas" (Natashat), ku ka përmbledhur "bëmat" e shfrytëzuesve të prostitucionit, përfshi jetën mizore që kalojnë viktimat e kësaj skllavërie moderne.Në këtë libër dalë dje në libraritë e Londrës, krahas grupeve kriminale nga ish-Bashkimi Sovjetik, autori vë në fokusin e tij të investigimit edhe ato shqiptare. Për katër vjet Viktor Malareku është "zhytur" në botën e shfrytëzuesve, trafikantëve, përdhunuesve, si dhe të disa grave, viktima të prostitucionit.

Fenomeni
Departamenti amerikan i Shtetit, thuhet në libër, deklaron se më shumë se 900 mijë prej vajzave të trafikuara vijnë nga Europa Lindore dhe ish-Bashkimi Sovjetik. Autori thotë se ky trafik për një vit u sjell trafikantëve një fitim kolosal prej 12 miliardë dollarësh, duke e bërë atë biznesin e tretë më fitimprurës në botë, pas trafikimit të armëve dhe drogës. Edhe Ballkani është përmendur nga gazetari kanadez, sidomos në periudhën e pranisë së ndërkombëtarëve në këtë rajon. "Në 2002-shin, një gjykatë pune shqyrtoi çështjen e Kathryn Bolkovacit, një ish-punonjëse policie e Kombeve të Bashkuara, e cila u pushua nga puna pasi bëri publike përfshirjen e kolegëve të saj në abuzime seksuale të vajzave dhe grave në Bosnjë. Gjatë procesit të fituar nga Bolkovaci, ajo deklaroi se një nga policët e Kombeve të Bashkuara kishte blerë një vajzë për 700 dollarë, duke e mbajtur atë në shtëpinë e tij dhe duke e shfrytëzuar vetëm për seks".

Shqipëria
Në një kapitull të veçantë për Shqipërinë si vend origjine, nga ku mashtroheshin apo merreshin me dhunë vajzat dhe më pas trafikoheshin me gomone, "taksitë e Adriatikut", Malareku fajëson qeveritë e mëparshme shqiptare për neglizhimin e këtij problemi, i cili më pas u shndërrua në një plagë sociale për shoqërinë shqiptare. Dënimi i një trafikanti shqiptar në Londër, i njohur si Luan Plakici - i cili kishte trafikuar 60 gra dhe vajza në Europë dhe Angli - fillimisht me dhjetë vjet burg, cilësohet në libër si një dënim që u prit mirë nga policia, përfshi aktivistët e antiprostitucionit. "Trafikimi për disa shqiptarë është shndërruar në një profesion, që duhet ndëshkuar me burgime të gjata. Ajo që u djeg më shumë atyre është konfiskimi i pasurisë. Atyre, përfshi dhe policinë, duhet t'u merret gjithçka dhe t'u jepet atyre grave që ata kanë shfrytëzuar dhe me të cilat kanë abuzuar. Kështu, ata do të kenë më shumë mundësi të identifikojnë dhe arrestojnë të tjerët.

[ATMAN]

Sekreti i Xhenit: Tmerri im si prostitutë në Londër






Nga: Sophie ARIE
Përktheu: Elira ÇANGA
(The Guardian)

Me dëshirën për t'iu larguar një jete të dhunshme në familjen e saj në Shqipëri, Xheni, vetëm 15 vjeç, përfundoi e trafikuar në Angli. Por sapo arriti atje, u rrah, u torturua dhe u detyrua të prostituonte dhe kjo ishte vetëm nisja e një jete të mundimshme për të. Historia e saj, e njohur për policinë shqiptare, është publikuar nga e përditshmja britanike "The Guardian".

Xheni është një vajzë 20-vjeçare simpatike, me sy të qeshur, xhinse të ngushta dhe një pirsing në kërthizë, që e vë në dukje ashtu si padashur. Asaj i pëlqen të rrijë pab-eve deri natën vonë. Por kohët e fundit nuk e ka bërë shpesh këtë. Gjithë këtë kohë është mbyllur në shtëpi në qytetin e saj gjithë pluhur, të cilin një varg malesh të ashpër e ndajnë nga deti dhe qytetet e tjera të vendit. Ndërsa drita e pakët shkon e vjen në dhomën e ndjenjes së familjes së saj, ajo ndez cigaret njëra pas tjetrës dhe nis të flasë me një anglishte me theks të rëndë, para fytyrës së hequr të s'ëmës. "Nuk mund të dal. Jo, në asnjë mënyrë!", më thotë, ndërsa motrat e saj më servirin një gotë raki. "Shikimet e njerëzve më ndjekin gjithandej. Ata mund të thonë se kam qenë jashtë. Ata e dinë se çfarë kam bërë atje".

Që kur e sollën në Shqipëri, nga Anglia, në fillim të këtij viti, pa asnjë dokument me vete, Xheni, kështu dëshiron ajo ta thërrasin, ende nuk ka arritur t'ua thotë prindërve të saj se atje ishte e detyruar të prostituonte. "Ata do të vdisnin nga turpi, do më nxirrnin jashtë", më thotë, pasi është e sigurt se nëna dhe motrat e saj, që janë ulur aty afër nesh rreth tavolinës së bukës, nuk kuptojnë asnjë fjalë nga ato që ajo thotë.

Ata preferojnë të mendojnë ende se ajo ishte shumë me fat, pasi kishte siguruar një punë si kamariere, nga e cila paguhej 30 paundë në ditë në një kafene londineze, një punë që ajo vërtet e ka bërë pasi arriti t'u shpëtojë tutorëve të saj. Familja e saj është krenare për të. Shohin tek ajo atë farë suksesi që nuk e kishin parë te ndonjë pjesëtar tjetër i familjes. Por Xheni është vetëm një nga qindra vajzat e traumatizuara shqiptare, që janë kthyer në vendin e tyre pa shpresë dhe pa progres ekonomik, pasi janë trafikuar dhe janë detyruar të prostituojnë nga qindra trafikantë në qytetet e Europës perëndimore. Më pas, duart e saj nisin të dridhen dhe sytë përloten, ndërsa më tregon larg syve të familjes, me një gotë verë të kuqe në dorë, se çfarë i ka ndodhur vërtet. Në moshën 15-vjeçare, Xheni, një nga shtatë vajzat babai i të cilave ishte vrarë në një zënkë për çështje prone, ishte transferuar së bashku me t'ëmën në shtëpinë e motrës së madhe. Por burri i motrës, në gjendje të vështirë financiare, kishte nisur ta rrihte vajzën. Fqinjët ia shihnin shenjat e rrahjes dhe shpesh ato ishin aq të rënda sa ajo s'mund të shkonte në shkollë.

Një ditë, një fqinj i saj erdhi ta shpëtonte, duke thënë se kishte rënë në dashuri me të dhe donte ta ndihmonte. Ai pagoi një taksi me të cilën kaluan kufirin grek dhe i premtoi asaj se do të gjenin punë dhe do të jetonin mirë në Greqi. "Ai më tha se do të martoheshim. Por kur shkuam në Greqi, nuk ma përsëriti këtë", thotë vajza. "Morëm dokumente identifikimi dhe u nisëm për në Itali. Ai paguante për gjithçka. Unë kisha rënë në dashuri". Në Itali, "i dashuri", emrin e të cilit ajo nuk pranon ta tregojë, pasi ka frikë, e çoi në një apartament me disa djem të tjerë në Torino. Ata nisën ta rrihnin adoleshenten derisa ajo pranoi të dilte në rrugë. Xheni qëndronte e mbylur në apartament, ku s'mund të përdorte telefonin dhe ata e kërcënonin se do ta vrisnin nëse ajo nuk do t'i dorëzonte të gjitha paratë. "U thosha se doja të kthehesha te nëna ime, por ata më nxirrnin në rrugë. Kisha frikë, nuk doja të jetoja më. Doja vetëm të vdisja", tregon vajza. Por biznesi nisi të binte dhe tutorët po u frikësoheshin kontrolleve të policisë, ndaj shkuam në Angli. Një ditë "i dashuri" i kishte thënë: "Këtu është më e lehtë, ka sauna dhe ambiente masazhi dhe klientët kanë më shumë para".

Më pas ata e rrasën Xhenin në një makinë që i çoi në një tjetër "apartament-burg" në Bruksel. Atje, "i dashuri" e rrahu aq shumë saqë policia i dëgjoi britmat e vajzës dhe e arrestoi tutorin. Xheni u strehua dhe u trajtua si azilkërkuese, por nuk deshi të kthehej në shtëpinë e saj, pasi kishte frikë se familja nuk do ta pranonte. Ajo u nis për në Angli, e fshehur në një kamion, së bashku me 15 vetë të tjerë. Ajo u arrestua nga policia sapo zbriti nga anija që i çoi në Angli. Aty u strehua dhe siguroi statusin e azilantes. Nisi punë në një kafene, por djemtë shqiptarë vazhdonin t'i bënin presion për t'iu kthyer punës së mëparshme. "Ata më çuan në një shtëpi të vjetër në Paddington. Aty erdhën edhe dy vajza të tjera. Visheshim me bluza të gjata të bardha, pak-a-shumë si uniformë infermieresh".


Për tre muaj Xheni punoi në atë shtëpi të vjetër publike në Paddington, e detyruar të bënte 16 orë seks në ditë. Klientët paguanin 30-50 paundë për gjysmë ore. Të gjithë përdornin prezervativë, thotë ajo, e bindur se kështu do t'u shpëtonte sëmundjeve. "Një ditë pata 26 klientë. Do të doja që ndonjëherë të bëja dashuri me dikë që dua vërtet, por kam frikë se nuk do ta bëj kurrë këtë, kur mendoj për gjithë ata burra", thotë Xheni. Pas pune, tutorët e përdhunonin të gjithë me radhë, e shtrinin përtokë dhe thithnin kokainë mbi barkun e saj. Kur një nga vajzat e bordellos i refuzoi një ditë klientët, tutorët i thyen gishtat e dorës dhe i qethën kokën për ndëshkim. "Nuk duhet të flisnim me askënd. Nuk kisha ku të shkoja. Nuk njihja njeri. S'i besoja dot askujt", thotë Xheni.

Xheni u ndalua disa herë, ndërsa e rrihnin në rrugë, por për të mbrojtur tutorët që e kishin kërcënuar me vdekje nuk tregonte se e kishin detyruar të prostituonte. Ajo u shpëtoi atyre, kur policia bëri një kontroll në shtëpinë publike dhe për pak kohë humbi në masën e madhe të të papunëve të kryeqytetit anglez. Ajo u riatdhesua një vit më pas. Sapo mbërriti në Shqipëri, ia tregoi të gjithë këtë policisë së qytetit ku jeton. Ajo nuk e di se ku është e çfarë bën "i dashuri" i saj, por jeton me frikën se ai mund ta gjejë një ditë. Me sa di ajo, tutorët e saj në Londër vazhdojnë të trafikojnë vajza të tjera.

"Ndihem fajtore. Kur isha 15 vjeç nuk mendova më gjatë. Kisha nevojë që dikush të kujdesej për mua. Duhej të kisha qëndruar këtu e të duroja kunatin që më rrihte. Nuk e dija se gjërat mund të shkonin edhe më keq". Xheni është një rast i zakonshëm i klasës më të varfër shqiptare, të vajzave të paarsimuara shqiptare, që bëhen objekt i trafikantëve e që furnizojnë kështu industrinë e seksit në Europë. Të ardhurat nga skllavet e seksit janë më të mëdha dhe rreziqet më të pakta se ato të trafikut të drogës apo armëve. Sipas Departamentit Amerikan të Shtetit, 700000 persona trafikohen apo shfrytëzohen çdo vit në botë. Dhe ndërsa Italia ka mbyllur dyert për gomonet dhe skafet shqiptare, trafikantët nga Shqipëria synojnë tashmë veriun e Europës, Anglinë dhe vendet skandinave.

"Rruga për në Itali është mbyllur. Qindra trafikantë shqiptarë i janë drejtuar tani Anglisë, Holandës, Suedisë dhe Norvegjisë", thotë Avni Jasharllari që drejton Qendrën Shqiptare të Antitrafikut. Sipas tij, 330 kriminelë shqiptarë zhvillojnë aktivitetin e tyre ne Angli. Bashkëpunimi mes policisë shqiptare dhe angleze ka nisur, por jo çdo gjë është e lehtë. "Trafikantët shqiptarë po dominojnë zonën europiane të trafikimit të qenieve njerëzore", sipas Organizatës Botërore për Migracionin (IOM), pasi ata veprojnë në grupe të vogla me lidhje familjare dhe përdorin presione emocionale për të mos lejuar vajzat të ikin". Vajzat e trafikuara, kryesisht nga Europa Lindore, Afrika dhe Azia, tashmë gjenden nga Napoli deri në Notingam dhe 65 për qind e vajzave të trafikuara nga Shqipëria janë nën moshën 18 vjeç. Ministria e Brendshme britanike numëroi 1420 raste në vitin 1998, por ekspertët e kësaj fushe thonë se kjo është vetëm "maja e ajsbergut", pasi biznesi po zhvillohet dhe shumë vajza nuk deklarojnë asgjë për këtë, nga frika.

Shumë vende europiane as nuk kanë legjislacion për këtë formë moderne skllavërie. Në Britani, një projektligj për krime seksuale i është paraqitur parlamentit dhe duhet të miratohet para fundit të vitit, gjë që do të thotë se trafikantët do të përballen me dënim deri në 14 vjet burgim për trafikim të qenieve njerëzore. Ndërkohë, Shqipëria vazhdon të përballet me fluksin e madh të vajzave që riatdhesohen pasi kanë prostituuar në trotuaret e Europës. Ato kthehen në vendin e tyre kur ka vende boshe në avione, por kur arrijnë në Shqipëri nuk i pret askush. Prostitucioni ëstë krimi më i rëndë për një grua në këtë vend musliman me sipërfaqe sa të Uellsit. 3.1 milionë banorët e këtij vendi duket se e njohin të gjithë njëri-tjetrin dhe në zonat rurale, që jetojnë me rregullat e lashta sociale, cënimi i nderit të familjes paguhet me gjak.

Kthimi i një prostitute në jetën normale është thuajse i pamundur. Në veri të vendit ka disa agjenci ndihme që i mësojnë nënat si të mbrojnë vajzat e tyre nga trafikmi, ndërsa të tjera agjenci ofrojnë strehë për vajzat e gratë e trafikuara. Shumë prej tyre zhvendosen në qytete të tjera, disa ikin në vende të tjera dhe të tjera bien sërish në duart e trafikantëve. "Opinioni publik është gjëja më e keqe për këto vajza", thotë Krenar Kasi, drejtuesi i një skuadre antitrafik në Berat, që ka numëruar në 18 muajt e fundit 200 raste të vajzave që kthehen nga tregu i seksit në Europë. Policia ka arritur të rrisë numrin e vajzave shqiptare që tregojnë emrat e trafikantëve të tyre, duke mbrojtur identitetin e vajzave dhe duke ia dorëzuar ato IOM-it apo shërbimeve të tjera të ndihmës. Rojet e policisë ruajnë strehëzat ku qëndrojnë këto vajza dhe ku sillen shpesh vërdallë edhe trafikantët që tentojnë të bëjnë presione ndaj tyre. "Një vajzë denoncoi tutorët e saj dhe na u desh ta shoqëronim në qytete të ndryshme me bodigardë në një makinë me xhama të errëta", thotë Spartak Guma, kreu i njësisë antitrafik në Tiranë. "Kur ajo u kthye në qytetin e saj, në Fier, te dera e shtëpisë ishte shkruar me gërma të mëdha 'Prostitutë'". Ndërsa trafikimi është një plagë shoqërore edhe në Moldavi, Rumani dhe Bullgari, në Shqipëri situata është edhe më e rëndë. Pas gjysmë shekulli izolim stalinist, kriminelët janë shtuar mjaft dhe policia nuk ka aspak kontroll në këtë pikë. Pothuajse gjysma e vajzave të trafikuara në rajon janë shqiptare, sipas një raporti të publikuar në Korrik nga IOM dhe ICMC. Që prej janarit të vitit 2000, numërohen 2241 raste trafikimi, por ekspertët thonë se shifra e vërtetë është shumë më e lartë se ajo zyrtare.

Xheni është rritur para kohe tani, pasi është mësuar të merret me të gjithë llojet e burrave, por ende ka mbetur ajo vajza pa fëmijëri, që ëndërron prapë të bëhet modele apo aktore telenovelash, kur të kthehet në Angli. "Anglia është shtëpia ime tani", thotë ajo, ndërsa i kalon ditët duke pritur për një vizë në dyert e konsullatës angleze në Tiranë. "Sapo u ktheva këtu e kuptova që u mërzita. Më mungon Anglia. Mezi më zë gjumi natën, e kur më zë, nis të ëndërroj për gjellë më të mira", thotë ajo.

[ATMAN]

Tregu i misht te bardhe, plage e hapur

Agim Jazaj

Sapo kishte rene nje muzg i bute vjeshte, bashke me gjethet e pemeve. Ne po ecnim permes pyllit te dendur te dritave me veshtrimin e tendosur ne xhamat e autobuzit. Nuk i njihnim mire rruget e Athines, ndersa gjuhen pothuaj s'e zoteronim fare. Udhetaret hipnin e zbrisnin. Nje cift i veshur mire dhe te pashem, mermeriten me ze te ulet, perpara kembeve te mia. "Ulu!" i foli shqip vajzes, duke i treguar sediljen qe ishte bosh ngjitur me mua.

"Mund te uleni dhe ju ketu" i thashe djalit dhe u ngrita ne kembe, per te zene vendin bosh perballe. Ai falenderoi dhe u ul ngjitur me vajzen. Te dy te rinjte dukeshin te sapomartuar. Djali i qethur dhe i rruar me nje kostum pis te zi qe llamburiste si luspat e peshkut nen rrezet e diellit. Vajza kishte veshur nje minifund fare te shkurter, lart mbi kokat e gjurit. Makiazhin e kishte vene te rende, saqe edhe qepallat dukeshin te barrosura rende. Shpesh perpiqej te zgjaste minin per te mbuluar kofshet e lemuara. Perpara mbante nje cante, si per t'u bere prite "dylbive" te ndonje qejfliu a ziliqari. Djali ishte ne moshe shume prapa meje, megjithate sikur me shembellente. Ku mund ta kem pare? Vazhduam rrugen. Edhe ata nuk shiheshin ne sy. Po i afroheshim qendres se qytetit. Vajza u be gati per te zbritur, duke bere kembe per te dera e autobusit. Ndersa djali s'e levizi vendin. M'u duk se e percolli fare ftohte vajzen e sapomartuar. E shoqeroi me nje veshtrim te stisur, sikur te mos ishin bashke dhe sikur nuk ishin te njohur fare. Vajza po ecte serbes ndane trotuarit, paralel me autobusin e stopuar, perballe semaforit. Befas, i hodhi nje veshtrim vjedhurazi dhe po te tille me ngritje te vetullave, iu pergjigj dhe djali mbeshtetur faqen e tij ne xhamin e autobusit. Rrugetim eshte dhe kushedi.

Nese deri ne ato caste mendimi ishte i perfillshem, i justifikuar per ate cift "te martuar nga te paret" nuk e di se si sikur me vershoi nje rryme e ftohte ajri dhe me beri te terin kallkan. Nen xhamat e syzeve, mundohesha te shihja vajzen, qe lame pas dhe djalin qe kisha perballe, per te fiksuar mbase portretin e tyre. Vajza me minin ecte vetem, si per te bere autopsine e mendimeve te mia. Po shikoja vjedhurazi djalin e pispillosur. Eshte dhender qe e nderova, apo kodosh dhe perseri s'u turperova?

Ndodh qe ngaterrojme edhe veten

Ndodh qe ndonjehere te ngaterrojme edhe vetveten. Ndodh, qe jeta me "kapriciot" e veta te te drejtoje ne rrjedhen trishtuese. Dhe trishtimi qe per ne eshte bere bashkudhetar ne jete te te servire trampolinen e ferrit. I gjori njeri, duke kerkuar shtigje per te dale nga terri, fantazia e shtyn ne arsyetime te realizueshme dhe te parealizueshme. Madje arsyetimi ne te tilla raste, ben te veshtiren te thjeshte dhe te thjeshten te veshtire. Pas pak minutave, me ne fund u gjendem ne deren e apartamentit te Paulinit. Mendova se nuk do te me linte shije te hidhur, udhetimi me trolin e pare. Megjithese ne shqiptaret jetojme gjate me te keqen. Dhe e keqja shpesh sjell te keqen ne porte. Megjithate ne kete rast, asgje e keqe nuk ishte shfaqur. I rame ziles se shtepise dhe me pas u takuam me mikun tim Paulin. Ne rreze te qoshit te dhomes, qendronte dhe nje burre. Pinte thelle cigaren e duhanit. Hiri i tij i pa shkundur i kishte shkuar pothuajse tek gjysma e cigares.

Ai u prezantua si mik i Paulinit. I perfunduam dhe pyetjet e jetes ketu ne kurbet. I anjohuri per mua dukej se nuk e ndiqte fare biseden, sikur te mos ndodhej fare ne kete bisede. Ishte fare indiferent. Ishte mes atij ambjenti dhe shfaqej se nuk ishte i pranishem. Sikur i qene mbytur gjemite. Nuk pyeta me sepse po pergjigjej vetem i zoti i shtepise dhe kushedi mendova. Burrit s'mund t'i jepje me shume se te dyzetat. Kishte nje veshtrim te thelle, ballin e larte dhe fytyren e thate. Vriste vazhdimimsht ballin. Veshtronte sikur te komunikonte me dicka ne tavanin e dhomes, sikur kerkonte ne veshtrimin e tij te perqerndruar. Po prisja dhe une nga ai dhe ai duket se po priste nga mua sikur te dija se si e kishte hallin. Mbetem ne pritje te njeri -tjetrit. Duket se dhe kjo shkendije e hedhur, u shua shpejt ne rrjedhen e bisedes. Pas pak, burri u ngrit ne kembe. Po e shihja ne bebe te syrit. Cfare kishte miku i tij nga Tirana? Bota eshte e ngarkuar me halle. Ne bote, nuk gjen njeri pa brenge.

Vajza i ishte zhdukur

Para ca kohesh, i ka ikur vajza nga shtepia. Ishte ne Universitet, dega e biznesit. Asnje shqetesim nuk kishte shfaqur, as te emes nuk i kishte thene gje. Tundi koken dhe me veshtronte sikur te dija vendndodhjen e asaj vajze. Dy gisht leter i kishte lene siper tavolines "Une po iki". Kaq ishte letra e shkruar qe u ka perveluar zemrat atyre njerezve. Ate cope leter i ati, burri qe u largua neper terrin e nates, neper Athinen e qyteteruar, e mban ne xhep.

Nje dite prej ditesh, sikur i shkrepi nje rreze drite dhe per prinderit e gjore. Nje ze nga telefoni i komshiut "Jam mire, mos kini merak". Kaq ishte. Nuk kaloi shume dhe i ati, iu drejtua vetes. Bleu nje vize 4 mujore dhe ka ardhur keto dite ketu, neper Athine, kerkon, pyet, po ke? Ku te drejtohet? Asgje nuk di, ku te shkoje? Miku im Paulini, mbaroi rrefimin per mikun e vet, mu lut mua, se dicka duhet te beja, per kete fatkeq. E cfare mund te beja, cfare? Sa shume shkrime behen per tema te tilla! Dhe kjo plage, nuk po shkon drejt mbylljes, perkundrazi. Me sembuan ne shpirt fjalet e Paulinit dhe burri qe iku ne mugetiren e asaj nate per te kerkuar ate qe i dhemb shpirti. Tymi i duhanit, kishte rene si mjegull deri ne dysheme. Mendova se dicka mund te cingrisja si dhe per te plotesuar deshiren e mikut tim, Paulinit sidoqofte, keto jane "krisma ne ajer". Ne ate bisede e siper duket se perpara syve me "mbin" cifti i lumtur" qe iu lirova vendin ne autobuz gjate udhetimit per ketu. Vajza me mini dhe djali apo djalli, te pispillosur dhe pershendetjen e tyre te stisur, zbritjen e vajzes ne vendin e "ferrit". Po jetonim te dy ne ato caste me brengen e ketij njeriu. Koha po mblidhte. U ngritem te ktheheshim perseri, ne shtepine tone te refugjatit.

Shkrimi qe me mbeti ne xhep

Te nesermen mbasdite, u nisa per ne redaksi me shkrimin e pergatitur, titulluar "Plage e hapur". Ne Greqi eshte legal ushtrimi i prostitucionit. Disa masa shtrenguese kohe me pare te administrates vendase, beri qe prostitutat te protestonin, pasi ata nenshtrohen kontrollit mjekesor dhe taksimit, bene te njohura media prestigjoze. Po kontrolloja rruget, me adrese te shenuar ne bllok. Rreth e rrotull, vereheshin levizje te femrave te disa kombesive dhe te jepnin pershtypjen e levizjeve jo te zakonshme. Aty, ne kthese, m'u duk se nje dite me pare, me humbi nga veshtrimi vajza me mini. Njihej si zone e ushtrimit te prostitucionit, ose shitje e mishit te bardhe. Pegjate rruges lexoheshin ne anglisht, dy tre hotele te vjeter. Semafori jeshil, me urdheroi udhe kalimin. Bera kembe. Nje britme e forte me stopoi perseri ne vend. U hutova i teri. M'u duk shume e afert, rrenqethese. Nje makine e vogel e policise, zuri vend prane deres se hotelit. Policet, hapen dyert, rrinin ne gadishmeri. Komunikuan me radio. Policet, qe sapo hyne brenda, dolen duke shoqeruar nje vajze qe mundohej te shmangej nga veshtrimi, me nje mini te shkurter. Pas saj, nje meso burre dhe ky me te njetin fat, ate te shoqerimit nga dy police te tjere. Vetetimthi, i futen brenda ne makinen qe priste gjahun me dyer te hapura. Mos isha ne enderr? Ajo ishte ajo qe kisha pare nje dite me pare dhe po ai burri, qe kisha takuar tek Paulini. E veshtrova dhe nje here ne ndenjesen e pasme te vetures tek la mbrapa misterin. Harrova krejtesisht, se me priste redaktori, sipas marreveshjes qe kishim bere. Zemra sa s'mu shkul nga vendi. Burri i ardhur nga Tirana, ishte ai qe kerkonte vajzen e vet, ai qe ishim takuar nje nate me pare, tek Paulini. Ai kerkonte, kerkonte ku mund te binte ne gjurme. Atje ku mendonte dhe s'e deshironte, ne shtepine publike, e kishte gjetur ate, qe i kishte lene dy gisht leter.

Burri qante me te madhe, ne kor me te qante dhe e bija. Ne nje makine policie humben nga syte, pas ktheses se rruges.

C'te beja? Redaktori me priste te takoheshim. Shkrimi me mbeti ne xhep!

[ATMAN]

Industria e Seksit ne Kosove

Prostitucioni nuk ka ekzistuar para luftes ne Kosove - tani eshte ne lulezim

Nga Jeta Xharra ne Prishtine

Nje drite e kuqe neoni dhe nje varg dritash ne forme rrethore ndricojne hyrjen e bar Nairobi, nje klub nate, ku Naimi, nje djalosh i dobet Shqiptar rreth te njezetave, qendron me nje pamje te merzitur. Sapo me sheh, ai tendoset i teri, duke zene deren e hyrjes me gjoksin e tij te pastervitur. "Me vjen keq, ketu nuk lejohen femrat," thote ai.

Menjehere, Naimit i vjen ne ndihme nje koleg tjeter i cili fillon te me shpjegoje se ka qene ne klube te tilla nate me kercimtare ne Suedi, dhe se e konsideron ekzistencen e nje "argetimi" te tille nje mase te progresit te Kosoves. "E bukura e ketyre lokaleve qendron ne faktin se njerezit te cilet per here te pare kane dale jashte fshatit te tyre per te shkuar ne Stankovec (nje kamp refugjatesh ne Maqedoni) tani mund te shohin ketu gra qe zhvishen para tyre," thote ai.

Une i kerkoj te hyj brenda, vetem per te marre nje pije ne banak. Kur e shoh se edhe kjo perpjekje deshton, i kercenoj se do te ankohem tek policia e OKB-se per politiken diskriminuese te hyrjes ne klub. Naimi nuk trembet. "Te gjitha vajzat qe punojne ketu jane me kontrate, nese policia ushtron kontroll dhe gjen vajza vendase pa kontrate do te kishim probleme," thote ai.

"Megjithate, ky nuk eshte vend per ty 'moter'. A e ke idene se perse vijne ketu njerezit?" Ai ndoshta nuk e priste nje pergjigje, por une i peshperis: "Per kurveri?". Naimi nuk pergjigjet, por skuqet ne fytyre. Nje gje e tille mund te duket absurde per nje njeri i cili punon ne nje klub nate ku klientet mund te blene seks me kercimtaret. Por kjo eshte nje shoqeri tradicionalisht e mbyllur. Diskutimi per punen e tij me nje vajze Shqiptare ishte ndoshta po aq e sikleteshme per te sa te diskutonte me nenen apo motren e tij. Naimi ndoshta e justifikon punen e tij me idene se ne klub punojne vetem vajza te huaja. Duke "importuar" vajza Rumune, Moldave, apo Ukrainase, pronaret e klubeve dhe stafi i tyre mund te thone se ata po mbrojne "vajzat tona" nga ky biznes i padeshiruar por teper fitimprures.

Industria e seksit e cila as nuk ishte degjuar vetem tre vjet me pare, tani eshte shnderruar ne "biznesin" me te zhvilluar ne Kosoven e pas luftes, e cila po kalon ndryshime te papara sociale dhe politike qe pas perfundimit te konfliktit te vitit 1999. E mobilizuar per me teper se nje dekade ne luften kunder regjimit te Millosheviqit, popullsia tani eshte ne duart e forces paqeruajtese te KFOR-it, e cila perben edhe numrin me te madh te klienteve per rreth 120 klubet e nates qe jane hapur ne protektorat.

Rreth 60 perqind e vajzave qe punojne ne tregtine e seksit vijne nga Moldavia, te tjerat nga Rumania, dhe Ukraina. Megjithate, shifrat e dhena nga njesia anti trafik e Organizates Nderkombetare per Migracionin, IOM, tregojne se 70 perqind e vajzave te huaja jane mashtruar ne vendet e tyre me premtime te rreme per pune si pastruese, kamariere, kujdestare femijesh apo pleqsh.

Ndersa mberritja e 45,000 paqeruajtesve te huaj natyrisht ka ndikuar ne rritjen e papritur te kesaj industrie, nga studimet e kryera nga ekipi i IOM-it ne Kosove gjate vitit te kaluar, viktimat e trafikut kane thene se pjesa me e madhe e klienteve te tyre jane banore vendas.

Sevdije Ahmeti, nje aktiviste e te drejtave te njeriut dhe drejtore e Qendres per Mbrojtjen e Grave dhe Vajzave, QMGV, ngre pikpyetje mbi imazhin e Kosoves si nje shoqeri tradicionale te paster, ku tregtia e importuar e seksit i sherben vetem te huajve imorale. Strukturat tradicionale te familjes Shqiptare, ne te cilat burri fiton para dhe siguron gjendjen ekonomike te familjes, kishin filluar te ndryshonin qe perpara luftes, thote ajo.

Shume burra Kosovare kane emigruar ne Europen perendimore gjate viteve 1990, ose per ti shpetuar sherbimit ushtarak ose per te fituar parate e nevojeshme te cilat furnizonin edhe "ekonomine paralele" te Kosoves ne nje periudhe kur Shqiptaret ose kishin bojkotuar ose ishin pushuar nga punet shteterore. Mungesa e burrave te familjes ka ndryshuar balancen tradicionale te roleve ndermjet sekseve.

Shoqeria Kosovare me pas eshte traumatizuar nga ngjarjet e pranveres se vitit 1999, ndersa shumica e burrave u gjenden te pamundur per te mbrojtur familjet e tyre nga ushtria Serbe dhe nga taktikat e perdorura prej tyre, te cilat kane perfshire edhe perdhunime dhe perdhunime ne grup. Kjo "arme" nuk eshte perdorur vetem kunder grave, por edhe per te turperuar dhe dobesuar burrat te cilet duhet te kishin qene mbrojtesit e tyre.

Edhe deklarimet e burrave ne Kosove te cilet thone se ne industrine e seksit nuk ka vajza Kosovare, duket se nuk jane shume te sakta. Nje strehez e ngritur nga QMGV ne vitin 1996 per te strehuar gra refugjate nga Bosnja te cilat ishin perdhunuar gjate luftes se viteve 1991-1995, ka ndihmuar qindra gra nga e gjithe ish Jugosllavia, perfshire edhe nje numer te madh vajzash Kosovare.

Tina, nje vajze Kosovare e cila eshte strehuar ne kete qender, eshte mbajtur tamam si nje skllave ne nje klub nate ne Mitrovice per dy vjet me rradhe. Klientela e saj ka qene e perzier. Klientet vendas shkonin ne klub, ndersa personeli ushtarak e priste ate ne disa pika kontrolli dhe kazerma ne te gjithe territorin e Kosoves veriore.

Praktikisht, qendrimet tradicionale te cilat mendohet te "mbrojne" vajzat Kosovare nga tregtia e seksit i lene ne fakt viktimat e trafikut dhe krimeve seksuale shume te pambrojtura nga ligji.

Nje viktime e re ne moshe e rrembimit dhe perdhunimit ne grup nuk ka marre asnje mbrojtje nga sistemi ligjor.

Violeta, 16 vjec, eshte rrembyer nga dy djem te rinj Shqiptare ndersa shkonte ne shkolle ne Prishtine tre vjet me pare. Ate e kane derguar ne nje bar, i cili eshte mbyllur menjehere pasi ajo ka shkuar aty. Pasi kane mbyllur barin, dhe dritaret e tij, djemte dhe disa shoke te tyre e kane perdhunuar ate vazhdimisht. Me pas e kane lejuar te kthehet ne shtepi ne mbremje, por e kane kercenuar se do ti prishnin reputacionin nese ajo i tregonte dikujt. E frikesuar, Violeta, nuk ka guxuar ti tregoje prinderve, dhe kjo torture eshte perseritur edhe disa here te tjera. Ajo mbeti shtatzene dhe kreu nje abort perpara se te arrestoheshin perdhunuesit. Ajo ka deshmuar kunder tyre, por ata jane liruar per "mungese provash".

Kur kane kaluar tre vjet, ajo vazhdon te beje nje jete te mbyllur. "Rrembyesit e mi mund te shkojne kudo, ndersa une guxoj te dal vetem e shoqeruar me mamane apo babain tim," thote ajo. "Mu desh te largohesha nga shkolla, sepse ata me ndiqnin nga pas dhe pyesnin mesuesit se ku isha une".

Gjykatesi i pare i ka thene Violetes te ishte me pak emotive dhe te mos qante per ate qe i kishte ndodhur, gje e cila me siguri kishte qene per fajin e saj. Me mbeshtetjen e prinderve te saj dhe te QMGV, ajo tani po kerkon me force rihapjen e ceshtjes gjyqesore te saj ne gjykaten e rrethit te Prishtines, por eksperienca e saj tregon per qendrimin e burrave ne Kosove dhe edhe te gjykatesve, sipas te cileve vajzat qe punojne neper lokalet e nates e bejne ate me deshire. Kjo eshte nje pikpamje e cila nuk merr para sysh faktin se keto vajza mund te jene rrembyer apo trafikuar.

Ferizaj eshte nje qytet i vogel me nje popullsi prej rreth 130,000 banore ne jug lindje te Kosoves, ne kufi me Maqedonine. Edhe perpara luftes qyteti ka pasur nje reputacion te keq, dhe nivelet e larta te tregtise se droges dhe aktivitetet e tjera te mafias, kane bere qe ai te konsiderohej si kryeqyteti i mafias ne Kosove. Klubet e nates ketu jane me te lira se ne Prishtine.

Kushdo - perfshire edhe nje grua - mund te futet ne to dhe pronaret nuk duken te shqetesuar per rregullat apo per policine. Ata kane shume besim ne vetvete. "Nuk mund te shkosh dhe te kontrollosh disa klube ne Ferizaj," thote Jamie Higgins, shef i Njesise anti Trafik dhe Prostitucion te policise se UMMIK, TPIU, kur e pyes nese mund te shkoj edhe une me policet ne nje kontroll ne qytet. Si qender e krimit te organizuar, lufta ndaj krimit ne kete qytet kerkon nje plan te hollesishem dhe nje numer te madh forcash policore ne terren - me teper sesa ka ne dispozicion TPIU, thote ai.

Ne rrethinat e Ferizajt ndodhet klubi i nates Madonna, nje ish shtepi e zakoneshme e kthyer ne nje klub nate. Ne nje cep, disa vajza po vishnin costume dy pjeseshe, duke u pergatitur per te filluar kercimet. Pas nje sinjali nga nje Shqiptar, nje vajze bjonde e cila po kercente ne podium i la vendin nje vajze ezmere, e cila filloi te kercente nen muziken e kenges se Michael Jackson "Liberian Girl". Nje klientele burrash Shqiptare, te rinj dhe te vjeter, te qete, ishin te rrethuar nga nje grup vajzash te huaja.

Ne kete vend me coi Gezimi, nje djale nga ky qytet te cilin e njihja nga koha e shkolles se mesme, kur i kerkova te me tregonte vendin ku ishte perpjekur te gjenjte nje vajze per ne shokun e tij i cili sipas tij kishte nje "problem" ne ate fushe.

"Qendruam jashte klubit gjithe naten, deri sa mbaruan kercimet, por nuk mundem te merrnim asnje vajze," thote ai. "Kishte edhe shume njerez te tjere dhe ne fund nuk mbeti me asnje vajze. Kishte aq shume kerkesa saqe nuk mendoj se do te mund te paguanim ndonjeren prej tyre".

Vizituam gjithashtu edhe Klubin Apash, i cili e kishte marre emrin sipas helikoptereve luftarake Amerikan dhe nje nder klubet e pare te hapur pas operacioneve te NATO-s. I armatosur me raketa te shumta dhe i pakapshem nga radaret, ky helicopter konsiderohej si i vetmi qe mund te ndalonte tanket Jugosllave dhe trupat tokesore ne perpjekjet e tyre per te spastruar zonen nga Shqiptaret. Mos perdorimi i tyre nga Amerikanet dhe aksidentet e tyre te shpeshta gjate stervitjeve ne Shqiperine e veriut, nuk kane penguar pronaret e klubit per ti vene emrin e tij. Ata ndoshta kane shpresuar se me kete emer do te terhiqnin klientele nga baza ushtarake Amerikane Bond Steel, e cila ndodhet vetem 14 km larg.

Mesa duket ideja ka pasur sukses. "Une sjell ketu civile dhe ushtarake," thote nje shofer taksie i cili pret jashte klubit Apach, i cili njihet edhe me emrin Arizona. "Disa prej tyre ndrojne rrobat ushtarake dhe vishen civile brenda makines sime. Natyrisht, banoret vendas mendojne se kjo nuk eshte gje e mire per zonen. Eshte nje shembull i keq per te rinjte qe shohin keto gjera, por ushtaret jane ushtare dhe ata nuk mund te rrijne te mbyllur ne baze nese prane saj eshte nje klub nate".

Hyrja e klubit eshte ndricuar me gusto nga nje varg dritash te kuqe si ato te Krishtlindjeve. Brenda, korridori i cili te con ne dhomen ku kercejne vazjat, eshte i mbushur me fotografi helikopteresh.

Ne oren 2 te mengjesit, kercimet mbarojne. Vajza gjysem te zhveshura, dhe te lyera shume shoqerojne burrat neper tavolina, per te biseduar per "pazarin" per naten. Skena si kjo duket se do te vazhdojne edhe per shume nete ne Kosove, per aq kohe sa mafia siguron fitime te medha dhe komuniteti nderkombetar nuk duket te shqetesohet per te ndermarre veprime ndeshkuese.

Jeta Xharra eshte nje gazetare/studiuese e pavarur e cila se fundi ka perfunduar studimet pasuniversitare ne departamentin e Studimeve te Luftes, ne Kolegjin King ne Londer.

[ATMAN]

Kunati i Rovenës vinte nga puna dhe e rrihte aq keq saqë ajo nuk ngrihej dot më në këmbë. 15-vjeçarja flinte në tokë në shtëpinë e së motrës. E goditur rëndë nga varfëria në vendin e saj, Shqipërinë, ajo mendonte se jeta s'mund t'i shkonte më keq. Më pas ajo takoi një djalë të ri, "princin e saj të kaltër". Ai i tha se e donte. I premtoi se do ta merrte me vete në Perëndim dhe do ta bënte të lumtur.

Por, "princi" i Rovenës doli të ishte një trafikant i dhunshëm. Dhe si shumë vajza të tjera shqiptare ajo përfundoi si një skllave seksi në Angli. U trajtua si kafshë për vite të tëra. Për qejf, tutorët e ulnin në gjunjë Rovenën dhe përdornin barkun e saj si një tavolinë ku mund të thithnin kokainën. Ata e detyronin të bënte seks me shumë njerëz. Një natë ajo pati 26 klientë. Dhe një herë kur nisi të qante nga turpi dhe dhimbjet, ata ia thyen gishtat e dorës duke ia kapur me një derë. Ajo pati të paktën pati aq fat sa t'i shpëtonte tregtisë së seksit. Por e gjithë kjo e ka sfilitur për gjithë jetën. "Do të doja të bëja dashuri një herë të vetme me një njeri që do ta doja vërtet.
Por me gjithë ato që kam kaluar, s'besoj se do ndodhë ndonjëherë", thotë ajo. Jeta-ferr e Rovenës nisi me vdekjen e të atit. Ai dhe fqinji përballë nuk ranë dot dakord për pronësinë e zonës para shtëpisë dhe fqinji e zgjidhi çështjen duke e vrarë të atin e Rovënes. E mbetur pa shtëpi, Rovena dhe e ëma shkuan të jetojnë me motrën dhe të kunatin. Atij i pëlqente të pinte dhe Rovena i duhej për të nxjerrë inatin dhe nervat e veta. Rovena nuk shkoi më në shkollë sepse i vinte zor nga shenjat që kishte gjithandej. Mendoi se të rrahurat nuk do mbaronin kurrë. Më pas, erdhi Besniku 24-vjecar dhe Rovenës nuk i besohej se do shpëtonte. Ai e ndaloi në rrugë dhe i tha se e dinte se ajo po vuante. I tha se donte ta ndihmonte. "Ishte princi im i kaltër" thotë Rovena. "Më tha se isha e bukur. Se më donte".
Të dashuruarit nuk pritën shumë. Rovena bëri gati plaçkat, u përshëndet me të ëmën dhe hipi në një mercedez të vjetër me Besnikun dhe disa burra të tjerë. Udhëtuan për gjithë natën. Kaluan kufirin grek dhe iu drejtuan Athinës. "Besniku me tha se do të gjenim punë. Mendoja se do nisnim një jetë të re. Gjithnjë kisha dashur të ikja nga Shqipëria, tashmë ia kisha dalë. Besniku më tha se do të martoheshim, por kur mbërritëm në Greqi nuk e përmendi më këtë".



"Morëm karta identiteti false dhe hipëm në target për në Itali. Ai pagoi për gjithcka. E doja, ndaj e lashë të organizonte gjithçka", thotë Rovena. Kur ajo dhe Besniku mbërritën në Milano, i dashuri i kujdesshëm ndryshoi. Ai i tha Rovenës se do t'i duhej të shiste trupin e saj në mënyrë që të fitonin para. Ai e mbylli në një apartament dhe i dërgonte çdo natë burra. I merrte paratë që kishte fituar. Nëse s'ishin shumë, miqtë e tij shqiptarë e rrihnin atë. "I thosha se doja të kthehesha te nëna ime", tregon Rovena. "Në fakt nuk doja të jetoja më". Besniku kishte dëgjuar se biznesi ishte më i mirë në Angli. Kishte palestra dhe sauna dhe njerëzit kishin më shumë para. Besnikut i kishin thënë se jashtë Londrës, mund të bëje thuajse çfarë doje.

Rovenën e dërguan njëherë në Bruksel. Por, ajo dhe Besniku u grindën keq dhe policia i dëgjoi. Besnikun e arrestuan dhe e dërguan ën burg. Rovenës i dhanë strehim, por ajo s'donte të bashkohej me familjen nga turpi që ndjente. Ajo u nis për në Angli, e fshehur në një kamion, së bashku me 15 vetë të tjerë. Ajo u arrestua nga policia sapo zbriti nga anija që i çoi në Angli. Aty u strehua dhe siguroi statusin e azilantes. Nisi punë në një kafene, por djemtë shqiptarë vazhdonin t'i bënin presion për t'iu kthyer punës së mëparshme. "Ata më çuan në një shtëpi të vjetër në një stacion hekurudhor në Paddington. Rovena punoi në atë shtëpi të vjetër publike në Paddington, e detyruar të bënte 16 orë seks në ditë. Klientët paguanin 30-50 paundë për gjysmë ore. Kur një nga vajzat e bordellos i refuzoi një ditë klientët, tutorët i thyen gishtat e dorës dhe i qethën kokën për ndëshkim. "Nuk duhet të flisnim me askënd. Nuk kisha ku të shkoja. Nuk njihja njeri. S'i besoja dot askujt", thotë Rovena. Njëherë e dërguan në spital pa ndjenja për shkak të rrahurave shtazarake. Rovena u ndalua disa herë, ndërsa e rrihnin në rrugë, por për të mbrojtur tutorët që e kishin kërcënuar me vdekje nuk tregonte se e kishin detyruar të prostituonte.

Ajo u shpëtoi atyre, kur policia bëri një kontroll në shtëpinë publike. Më pas u kthye në Shqipëri. Rovena ende jeton me frike se tutorët do vijnë e do ta gjejnë sërish. Emrat në këtë histori janë ndryshuar për ta mbrojtur atë. Ka qindra raste të tilla si ai i Rovenës në Shqipëri. Tutorët atje e dinë se mund të fitojnë më shumë e të rrezikojnë më pak duke trafikuar skllavet e seksit në vend të drogës dhe armëve. Disa prej tutorëve përpiqen me muaj të tërë të bindin vajzat e varfra dhe familjet e tyre për dashurinë e tyre. Ata u premtojnë botën derisa viktimat të ndahen nga të afërmit. Anglia është tregu i tyre i preferuar. Avni Jasharllari, kreu i njësisë shqiptare antitrafik, thotë se tani qindra trafikantë i janë drejtuar Anglisë, Holandës, Suedisë e Norvegjisë. "Kemi të dhëna për 330 kriminelë shqiptarë që fshihen në Angli, ata i kanë shtrirë aktivitetet e tyre atje", thotë ai.

Dy të tretat e vajzave të tregtisë së seksit janë nën 18 vjeç. Nëse kthehen në shtëpi, askush nuk i pret. Prostitucioni është mëkati më i rëndë që një grua mund të kryejë më vendin me shumicë myslimane. Rovenës i duhet të jetojë duke gënjyer, duke thënë se ka punuar në një kafene angleze. Ajo e di se kunati mund të bëjë shumë më tepër se keqtrajtimi nëse e merr vesh të vërtetën. Por pavarëisht kësaj fjalët janë përhapur tashmë. Ajo nuk del dot jashtë për shkak të turpit nga fqinjët. Për Rovenën është më e thjeshtë çështja. Disa ish-skllave të seksit damkosen për gjithë jetën. Bashkëfshatarët i fyejnë dhe i poshtërojnë dhe askush nuk u jep punë.

Spartak Guma, kreu i njësisë antitrafik në kryeqytetin shqiptar, Tiranë, tregon historinë e një vajze që denoncoi tutorët e saj. Na u desh ta shoqëronim atë me truproja dhe makina me xhama të errët rrugës për në shtëpi. Kur arritëm në qytetin e saj, tamam te dera e shtëpisë së saj ishte shkruar me shkronja të mëdha "Prostitutë". Shumë ish-skllave të seksit duhet të nisin jetën nga e para në qytete të panjohura. Shumë bien sërish pre e trafikantëve. Rovena nuk është pa mend. Ajo e di se c'ka kaluar dhe nuk do ta bënte më kurrë. Ëndërron për një burrë të dashur dhe fëmijë dhe para aq sa për të bërë një jetë normale. Por, thotë se e di që nuk mund ta gjejë këtë në Shqipëri. Mbetet e dëshpëruar, me shpresën për t'u larguar. Mënyra e vetme për ta bërë këtë është ajo ilegale. Ka vërtet rrezik që ajo të përfundojë sërish në lojën e dikurshme, ashtu si shumë të tjera para saj.

nga. Vizitoret

[Pink^ Pearl]

......................

[Pyes_Lotin]

Eshte zhvilluar trafikimi i ketyre vajzave apo ka dal ne "mode" qe vajza te shkollohet diten dhe naten te ndjeki rrugen e prostuticionit. Arsyja?... Hec merre vesh.! Ne Shqiperi ka kane mbire intelekutal me brire me kohe, kurse ketu "zockat" kerkojne te "shkollohen" dhe te zene ndonje karrige ne Shqiperi. Kote nuk e thone "Once a ...... allways a .........".

[BlueBaron]

... 70 - 80 % e prostitutave shqiptare nisen me vetedije per te dale ne rruget e Evropes, biles mezi presin t'iu vije "shanci ne dore", drama e tyre eshte se nuk marrin as 15 % te asaj qe fitojne. Kur protektoret e tyre perfundojne burgjeve jane vete keto vajza qe vazhdojne punen ne rruge dhe te gjitha fitimet i kalojne ne llogari te "idhullit te tyre". Shpesh kur policia i kthen jane po keto vete qe kerkojne te kthehen ne rruget e Evropes ku kane qene ... Faji duhet kerkuar gjetiu ...

[eycy]

Kohet e fundit Reuter botoi nje artikull per nje bordello ne Tirane. Cmimet ishin $10 per nje te qirre

[Manulaki]

... 70 - 80 % e prostitutave shqiptare nisen me vetedije per te dale ne rruget e Evropes, biles mezi presin t'iu vije "shanci ne dore", drama e tyre eshte se nuk marrin as 15 % te asaj qe fitojne. Kur protektoret e tyre perfundojne burgjeve jane vete keto vajza qe vazhdojne punen ne rruge dhe te gjitha fitimet i kalojne ne llogari te "idhullit te tyre". Shpesh kur policia i kthen jane po keto vete qe kerkojne te kthehen ne rruget e Evropes ku kane qene ... Faji duhet kerkuar gjetiu ...

C'vetdije ka nje 16,17,18-vjecare, pervec se asaj qe i ofrohet. A e njeh ti si mashkull veten, dhe mos thuaj qe nuk ke genjyer nje vajze dhe nuk i ke thene qe e do!
Nuk po them se te gjithe meshkujt jane abuzues, por te gjithe genjejne, kush me shume deri ne masen e perdorimit te femres si objekt, e kush me pak sa per lojra dashurie.
Kam degjuar qe jo thjesht djem merren me poshtersi te kesaj natyre, por edhe nenat e tyre i ndihmojne te genjejne keto vajza qe adoleshenca i ben te genjehen ne "dashurine" e dikujt.
Kur te kesh moter, atehere do te flasesh se 70-80% e ketyre vajzave nisen me vetdije.