RD flet Kodra mbas bregut

[Brari]

RD-ja
---------------
Vendimet e Abdiut përfundojnë në koshin e plehrave të Kuvendit

Parlamenti hedh poshtë Gjykatën Kushtetuese

Parlamenti injoroi mbrëmë Gjykatën Kushtetuese, kur 54 deputetë nga 72 të pranishëm votuan kundër marrjes në shqyrtim të vendimeve të Abdiut për shkarkimin e ish-prokurorit të Përgjithshëm, Rakipi. Dje, parlamenti u mblodh në seancë plenare për të diskutuar rreth konkluzioneve të dy komisioneve parlamentare, atij të Ligjeve dhe Komisionit të Mandateve, lidhur me vendimet 75 dhe 76 të Gjykatës Kushtetuese, për shkarkimin e Rakipit. Që në fillim të seancës e mori fjalën kryetari i Partisë Republikane, Fatmir Mediu, i cili propozoi në emër të shtatë deputetëve që të futej në rendin e ditës "shqyrtimi i vendimit të Gjykatës Kushtetuese. Menjëherë pas tij e mori fjalën kryetari i opozitës, Berisha, i cili tha se "Nuk ia vlen të merremi me vendimet e një njeriu të çmendur siç është Fehmi Abdiu. Jam dakort me relacionin e sjellë nga Komisioni i Ligjeve, i cili ka injoruar vendimin e Abdiut. Nëse ai bashkë me gjyqtarët që e rrethojnë është i çmendur, atëherë nuk kemi pse çmendemi dhe ne". Menjëherë pas kryetarit të opozitës e mori fjalën kryetari i Grupit Parlamentar socialist, Arben Malaj, i cili doli kundër propozimit të Mediut me pretekstin se, "vendimet e Gjykatës Kushtetuese nuk mund të merren në shqyrtim nga parlamenti. Më pas seanca vazhdoi me debate rreth propozimit të hedhur nga republikani Mediu, i cili këmbënguli që propozimi i tij, i cili ishte firmosur edhe nga gjashtë deputetë të tjerë të hidhej për propozim. "Në qoftë se vendimi i Gjykatës Kushtetuese është një goditje kundër parlamentarizmit, atëherë ne duhet të dalim në krah të tij. Unë mendoj ta hedhim në votim, pavarësisht nga rezultati i votimit", tha në fjalën e tij Mediu. Kundër marrjes në shqyrtim të proçedurave, ishte edhe ish-kryetari i parlamentit, Namik Dokle. Në fjalën e tij, Dokle pasi përkrahu relacionin e Komisionit të Ligjeve, shtoi se, "unë jam i mendimit se relacioni i Komisionit të Ligjeve ka folur më mirë se kushdo për këtë çështje dhe ka treguar, se asnjë nuk mund të godasë parlamentarizmin shqiptar, kështu që nuk ia vlen të merremi me këtë çështje". Më pas, duke përkrahur edhe vendimin për zëvëndësimin e Rakipit me Dhori Sallakun, nuk harroi të akuzonte anëtarët e kësaj gjykate kur tha, se "do ishte mirë që dosjet që hapi Rakipi për anëtarët e Gjykatës Kushtetuese, për t’i bërë presion këtyre anëtarëve që të merrnin atë vendim absurd që morën, zoti Sollaku t’i çojë deri në fund". Zëvendëskryeministri dhe ministër i Çështjeve Sociale, Skëndër Gjinushi, në debatet e tij me Mediun tha se, "Unë nuk e marr vesh se çfarë kërkoni ju, zoti Mediu. Kryetari i opozitës sapo tha që Abdiu është i çmendur, pse duhet të çmendemi të gjithë". Pas shumë replikave mes kryetarit të seancës dhe deputetit Mediut si dhe të një pjese deputetësh që e shoqëronin në fund pas rreth një ore e gjysëm debat, u vendos që të hidhej në votim propozimi i Mediut për "shqyrtimin e Gjykatës Kushtetuese". Nga 72 deputetë pjesëmarrës, votuan kundër propozimit të Mediut 54 deputetë të maxhorancës, 15 votuan pro dhe tre abstenuan. Me votimin e djeshëm, maxhoranca vetë e injoroi këtë vendim të Gjykatës Kushtetuese, duke e nxjerrë Fehmi Abdiun, një "kartë të djegur" dhe njëkohësisht viktimë e lojrave politike brenda Partisë Socialiste.

---------------------------------------
Komenti im.
.Pra sipas RD-se Parlamenti ka bere nji pune te mire..qe ka shkarkuar RAKIPIN.. dhe ka pordhur Abdiun.
Pra qenka i mire ky parlament.
Po kush eshte parlamenti???
Parlamenti eshte ::ATA qe vendosin aty dhe ata qe vendosin jane Shumica dhe shumica jane Socialistet pra Socialistet jane te mire..

Bravo RD-ja dhe Pd-ja.

por le te lexojme me poshte perseri RD-ne e PD-se..
-------
Kreu i parlamentarëve socialistë Malaj, injoron Rezolutën e Parlamentit Europian

Berisha: Në PS ka forca antiperëndimore

Kryetari i Grupit Parlamentar të PS-së, Arben Malaj, kërkoi dje në Kuvend injorimin e Rezolutës së Parlamentit Europian. Duke synuar anullimin e vendimit të Byrosë Parlamentare për zhvillimin e debatit rreth Rezolutës së PS në seancën plenare të së hënës, Malaj, kërkoi që rreth këtij dokumenti të rëndësishëm të debatohej më parë në Komisionin e Jashtëm Parlamentar dhe në delegacionin ndërparlamantar shqiptar në KE. Ndaj këtij qëllimi djallëzor të kreut të parlamentarëve socialistë, ka reaguar ashpër opozita parlamentare, me insistimin e së cilës është vendosur që debati parlamentar për këtë çështje të zhvillohet të hënën me 3 qershor.

"Në pamje të parë, propozimi i zotit Malaj është i pafajshëm, në thelb ai është djallëzor, antiperëndimor sa dhe vetë ish-Partia Komuniste Shqiptare",-tha dje në Kuvend lideri i opozitës Sali Berisha. Sipas tij, me injorimin që zoti Malaj kërkon t’i bëjë Rezolutës së Parlamentit Europian bëhet me synimin e vetëm që dikush të vazhdojë revanshin e pandalshëm, të përdorë të gjithë mekanizmat për të siguruar votat kundër aspiratës së shqiptarëve për integrim në Europë. Berisha tha në fillim të seancës së djeshme të Kuvendit se "Nano, që si një Enver në miniaturë bojkotoi seancën kur diskutohej për integrimin e Shqipërisë në BE, tani po përdor shuma marramendëse për të blerë votat për t’u bërë President i Republikës". Në këto kushte, kryetari i PD-së konkludon se kurrsësesi nuk mund të shqyrtohet një dokument kaq i rëndësishëm nga Komisioni i Jashtëm parlamantar shqiptar, kreu i së cilës Nano është në konflikt total me Rezolutën e Parlamentit Europian. Duke shprehur bindjen se në Partinë Socialiste ka forca antiperëndimore, Berisha tha se "t’ia japësh për diskutim Rezolutën e Parlamentit Europian njeriut që Milosheviçi e fton çdo javë në Hagë, do të thotë ta çosh atë në kelendat greke". Kjo edhe për faktin se sipas liderit demokrat, Nano shpalli të dielën në TV Klan platformën e tij tërësisht antiperëndimore. (Sipas Berishës, në të vërtetë Blendi Fevziu arriti ta klikojë në të gjitha këndet Nanon, këtë Fatos të Enverit).

Në këto kushte, shefi i opozitës ftoi përfaqësuesit e pseudomazhorancës që t’i përmbahen vlerave që qëndrojnë në themel të rendit të ri europian. Kjo, sipas Berishës do të thotë trajtim me përgjegjësinë më të madhe të kushteve që i vihen Shqipërisë në Rezolutën e Parlamentit Europian. Në të njëjtën linjë me Berishën, kryetari i Grupit Parlamentar demokrat, Bamir Topi dhe kreu i parlamentarëve republikanë Fatmir Mediu, kërkuan që Malaj të mbledhë me urgjencë strukturat përkatëse dhe debati parlamentar rreth Rezolutës së PE të zhvillohet në ditën e caktuar.

Halil RAMA
------------------------------------------

Vazhdoj komentin..
Tani Malaj del Anti perendimor..po kush eshte Malaj?

Malaj eshte kryetari i Socialisteve ne Parlament Pra MALAJ Eshte Parlamenti vete sepse ne ate Parlament vendos Shumica socialiste ... Pra Ky Parlament ne mengjez rrezon Abdiun e Rakipin e ne darke rrezon Europen..

Po AMNISTIA qe dha ky parlament per Mafien cfar ishte pune e mire apo e keqe??
Natyrisht Nji Salvaxhente per MAFIEN eshte e mire per Mafien dhe e keqe per popullin.
Valle Socialistat ndryshojne gjate dites..??
Njihere bejne "mire" duke rrezuar Abdiun dhe Rakipin dhe nji here bejne "keq" duke rrezuar Keshillat e Europes. Keshtu?

JOO Socialistet bejne ate qe u leverdis gjate 24 oreve dhe gjate 365 diteve..
"Kllouni " qe " lodron" ne kte mes eshte PD-ja.



Kush e kurdisi PD-ne te propozoje shkarkimin e RAKIPIT pikerisht kur NANO i fuqishem ua leshoi Qenin RAKIP Mafies se ILIR METES qe kishte shumicen ne Parlament ????

Si nuk u cudit Berisha kur propozimit te tije si "kofini pas te vjeli " per shkarkimin e Rakip Prokurorit ju bashkangjit aq entuziaste shumica socialiste ne Parlament??
Pse nuk i beri nji pyetje vetes Ai e te meditonte pak.. More po cka kan keta socialistet qe po "m'duen mue kaq shume " e po ma ndigjojn fjalen??
Mos valle jam tu ba ndoj gomarllek...e ta kish gjykue punen..??


Kto dite MAFIA (shumica parlamentare) Shkelmoi Rakipin dhe SOLLAKUT i tha..SOLLAK mos eja ktu se ja ku eshte AMNISTIA... shko SALLAK e gjuj per njala ne Karavasta..

Pse nuk thote Berisha... Ah c'na e hodhen kopilat... Na falni demokrat te ndershem se MUE gjithmon po ma hjedhin..pik.

PS-ja La nam me Korrupsion..
PD-ja la nam me gomarlleqe qe zgjasin regjimin mafioz-kallashnikov te Rucve-Angjelve-Agasve e Mazrrekve e Jaho Klosave.

[sn0m]

ca boni mor se late nom, pavarsisht nga menyra se si u zhvilluan ngjarjet ne parlament, e verteta eshte se u prishen normat demokratike, dmth parlamenti dhe gjykata kushtetuese ushtrojne kontroll mbi njeri tjetrin dhe duhet te respektojne njeri-tjetri si institucione. Pra vendimi i parlamentit per injorimin e gjyk kushtetuese eshte gabim i madh. Anyway ne shtetin e rrumpalles me emrin shqiperi asnjerit si ben pershtypje ky muhabet.
Edhe nje gje, une e kuptoj deri diku ankthin e socialisteve- mafioze per te mos lene ish-prokurorin ti afrohet parlamentit per diskutim po PD-se pse i djeg kesula? A kane filluar t'i ndajne bashke fitimet e krimit, apo i djeg shume per azemin dhe pse se zbulovi rakipi!? Ah te mjeret ne!
Sa per Don kishotin me emrin sali, ai duhet te kepus qafen nje ore e me pare se e ka provuar se po hypi ne maje te kalit behet shume i rrezikshem per standartet e shqiperise. Po sic duket e kemi hallall shprehjen qe cdo popull ka qeverin qe i takon.
Me respekt
sn0m

[Brari]

RILINDJA DEMOKRATIKE
-----------------------------------
Ja abuzimet e shtetit me gazetën "RD"

Rasti Monika Kryemadhi

Në Gusht 2000, Monika Kryemadhi, Kryetare e Organizatës Rinore të Partisë Socialiste dhe bashkëshorte e Kryeministrit Ilir Meta, ngriti padi për fyerje kundër Kryeredaktorit të "Rilindjes Demokratike", Astrit Patozi, si dhe dy gazetarëve të së njëjtës gazetë, Redin Hafizi dhe Shemsi Peposhi. Ndonëse një trup i Gjykatës së Tiranës dëgjoi të tre palët në të njëjtin process, objekt i këtyre akuzave ishin tre artikuj të ndryshëm, të cilat ishin shkruar ose i ishin atribuar secilit prej të paditurve. Megjithëse mund të thuhet se disa prej akuzave apo kritikave të Redin Hafizit dhe Shemsi Peposhit ndaj Kryemadhit ishin tejkaluar, nuk pati asnjë pretendim ose të vërtetohej se ato fyenin Kryemadhin. Artikulli për të cilin akuzohej Patozi qëndronte krejtësisht veçmas. Duke patur parasysh këto rrethana, mund të thuhet se bashkimi i këtyre tre rasteve brenda një akuze duket të ketë qenë i pajustifikuar. Për këtë arsye, ato do të diskutohen ndaraz në këtë raport, duke nisur nga rasti i Patozit.

Në Korrik 2000, "RD" botoi në faqen 5 të saj një artikull me titull: "Monika, 6 mijë dollarë në muaj vetëm tek "Rogneri’" dhe mbititull: "Ku i gjen gruaja e Kryeministrit gjithë këto para?". Artikulli, i nënshkruar "RD", pretendonte se Kryemadhi shpenzonte mijëra dollarë çdo muaj në njërin prej hoteleve më të spikatur të Tiranës. Autori anonim citonte një punëtor anonim të hotelit, të kishte thënë se, "faturat e gruas së Kryeministrit shkojnë përtej shumës 300 mijë–500 mijë lekë në ditë", dhe se ajo ishte një "kliente e përditshme" e hotelit.

Kryemadhi ngriti padi për fyerje kundër zotit Astrit Patozi, në cilësinë e Kryeredaktorit të gazetës. Një gjykatës i Gjykatës së Tiranës dha verdiktin se Patozi "nuk siguroi prova për të provuar vërtetësinë e deklarimeve në artikull" dhe e shpalli atë fajtor. Patozi deklaroi se zbulimi i emrit të punonjësit të hotelit që kishte dhënë informacionin për "RD"-në do të kishte sjellë pasoja të rënda dhe serioze për atë person. Por, ç’është më e rëndësishmja, avokati i Patozit argumentoi se zhvendosja e përgjegjësisë së sigurimit të provës tek i akuzuari - në vend që t’i kërkohej akuzueses së dëmtuar të provonte të dyja, falsitetin e pretendimeve faktike në artikull si dhe qëllimet e këqija të të akuzuarit – dhunonte parimin kushtetues të "Pranimit të pafajësisë së të akuzuarit".

Përgjegjësia e sigurimit të provës nga Patozi është e imponuar. Si Kushtetuta e Shqipërisë, ashtu edhe ACCP, përcaktojnë se, "i akuzuari në një çështje gjyqësore do të pranohet si i pafajshëm, për sa kohë që faji i tij nuk është provuar nga një vendim përfundimtar gjyqësor". Kërkesa që prokurori duhet të ketë përgjegjësinë për të provar gjithë elementët e një fyerje, është një rrjedhojë e drejtpërdrejtë e pranimit të pafajësisë. Gjykata Europiane e të Drejtave të Njeriut e ka shpjeguar qartë "pranimin e pafajësisë":

… gjatë kryerjes së detyrës, anëtarët e gjykatës nuk duhet të fillojnë me idenë paraprake se i akuzuari e ka kryer veprën për të cilën akuzohet; përgjegjësia e sigurimit të provës bie mbi prokurorët dhe nga çdo dyshim duhet të fitojë i akuzuari. Gjithashtu, duhet që prokurori të informojë të akuzuarin për gjithë çështjen e ngritur kundër tij, në mënyrë që ai të përgatisë dhe prezantojë mbrojtjen e tij në mënyrë të përshtatshme, si dhe të sigurojë prova të mjaftueshme për të vërtetuar fajësinë e tij.

Fakti që akuzat e ngritura nuk janë sjellë dhe hetuar nga Prokuroria, por drejtpërdrejtë nga viktima, nuk eleminon pranimin e pafajësisë. Në të vërtetë, neni 59 i ACCP siguron se akuzuesi i dëmtuar duhet të "marrë pjesë në gjyq (në mënyrë që) të deklarojë akuzat…"

Duke e kthyer përmbys pranimin e pafajësisë në çështjen "Kryemadhi", Gjykata ka dhunuar të drejtën themelore të të akuzuarit, për një gjykim të drejtë, sipas Kushtetutës së Shqipërisë dhe Gjykatës Europiane të të Drejtave të Njeriut.

Në rastin e Patozit, Gjykata dhunoi gjithashtu të drejtën e tij për të mbrojtur burimet gazetareske. Gjykata hodhi poshtë refuzimin e Patozit për të zbuluar identitetin e punonjësit të hotelit, duke e quajtur atë si "të pabazë ligjërisht". Megjithëse në Ligjin Shqiptar nuk ekziston asnjë kusht, që mbron gazetarët nga Zbulimi i Detyrueshëm i Burimeve Konfidenciale, ruajtja e burimit është një element thelbësor i lirive dhe garancive ndërkombëtare të shtypit. Gjykata Europiane në Strasburg e ka përshkruar një mbrojtje të tillë si, "një prej kushteve bazë të lirisë së shtypit" në një shoqëri demokratike, duke shtuar se "kufizimi i konfidencialitetit të burimeve gazetareske kërkon ekzaminim të kujdesshëm". E drejta për të mos nxjerrë burimin e informacionit të marrë konfidencialisht, është veçanërisht e rëndësishme për aftësinë e shtypit në investigimin e rasteve të korrupsionit zyrtar dhe abuzimeve qeveritare.

Në kontekstin e një padie për fyerje me një gazetar si të akuzuar, Gjykata jo vetëm që duhet të shmangë urdhërin për të detyruar të akuzuarin të zbulojë burimet konfidenciale, por edhe të shmangë ndonjë ndërhyrje negative, duke nxjerrë përfundimin se refuzimi i të akuzuarit për të zbuluar burimin "tregon që një provë e tillë nuk ekziston, se akuzat në artikull janë të pavërteta dhe janë bërë me qëllimin për të dëmtuar nderin dhe dinjitetin e akuzuesit".

Gjykata gjithashtu ka gabuar teksa ka dhënë vlerësim për natyrën e komenteve të rëndësishme në artikull. Ajo nxori, për shembull, se artikulli përfshinte "aludime se paratë (e shpenzuara nga Kryemadhi në hotel) janë nxjerrë nga korrupsioni dhe trafiku i drogës". Por referimet për kontrabandë dhe trafik droge në artikull janë deklarime retorike, që nuk konkludojnë në akuza direkte. Ashtu siç ka vënë re në mënyrë të vazhdueshme Gjykata Europiane, "liria e shtypit përfshin lejimin e njëfarë ekzagjerimi apo edhe provokimi". Për më tepër, neni 10 i Konventës Europiane "mbron jo vetëm thelbin e ideve dhe informacionit të shprehur, por edhe formën me të cilën ai është përcjellë".

Së fundi, Gjykata nuk mori në konsideratë faktin se akuzuesja dhe i shoqi i saj janë politikanë të nivelit të lartë dhe se korrupsioni zyrtar është përgjithësisht temë e një debati publik intensiv në Shqipërinë postkomuniste. Me fjalë të tjera, Gjykata as që nuk mori inisiativën të vendosë një ekuilibër mes së drejtës legjitime të reputacionit të akuzueses, nga njëra anë, lirinë e shprehjes së të akuzuarit, si dhe të drejtën e publikut për t’u informuar për çështje të interesit të përgjithshëm, nga ana tjetër. Gjykata urdhëroi zotin Patozi të paguante një gjobë prej 100 000 lekë ($ 720).

Pasi e gjykoi Patozin fajtor për fyerje me qëllime dashakeqe, Gjykata vijoi duke e konsideruar atë përgjegjës sipas ligjeve civile për fyerje si dhe dëmshpërbleu zonjën Kryemadhi për dëme jofinanciare. Për më tepër, Gjykata urdhëroi zotin Patozi dhe dy të akuzuarit e tjerë, të siguronin botimin e një përmbledhjeje të gjykimit, me shpenzimet e tyre, në shtatë gazeta të përditshme dhe shtatë stacione televizive për dy ditë. Kostoja e botimeve të tilla vlerësohet disa qindra dollarë.

…Duke marrë në konsideratë këto fakte, provat e pamjaftueshme, arsyetimi i pasaktë, si dhe dëmshpërblimi i caktuar për t’u paguar nga zoti Patozi duken të kenë qenë sërish vendime të gabuara. Sasia e dëmshpërblimit e barabartë me gjashtëdhjetë fishin e një page mesatare në Shqipëri, është jashtëzakonisht e tepruar dhe ndëshkuese, sidomos duke konsideruar faktin se faktorët mbi të cilët u mbështet gjykata për të vlerësuar dëmin shkaktuar ndaj zonjës Kryemadhi ishin të paqartë dhe të paverifikueshëm.

Patozi apeloi më pas vendimin e Gjykatës së Tiranës në Gjykatën e Apelit në Tiranë. Gjatë apelimit, avokati i Patozit mes të tjerave argumentoi, se Gjykata kishte dhunuar të drejtën e klientit të tij për t’u marrë si i pafajshëm, duke zhvendosur kështu përgjegjësinë e provës. Trupi i Gjykatës së Apelit, përbërë nga tre gjykatës, hodhi poshtë pretendimin e pafajësisë së të akuzuarit si të "pambështetur në ligj". Vendimi nuk ishte i detajuar, duke mos iu përgjigjur argumentave specifikë të zotit Patozi, bazuar në Kushtetutën e Shqipërisë dhe ACCP. Gjykatësit e Apelit hodhën poshtë në të njëjtën mënyrë, pa asnjë koment, argumentin e Patozit se Gjykata e Tiranës kishte dhunuar të drejtën e tij për të mos zbuluar burimet konfidenciale.

Patozi apeloi më tej në Gjykatën e Lartë. Gjykata e Lartë e hodhi poshtë apelimin, si të "papranueshëm", pa i dëgjuar fare palët dhe pa dhënë ndonjë arsye. Vendimi i Gjykatës së Lartë është shqetësues, sepse apeli i Patozit ngriti çështje të rëndësishme të ligjeve kriminale, kushtetuese si dhe ligjeve ndërkombëtare të të Drejtave të Njeriut. Në fakt, Gjykata e Lartë ka qenë objekt i një kriticizmi në rritje nga komuniteti ligjor për abuzime në mënyrë të vazhdueshme me papranueshmërinë e dëgjimit, herë për arsye efektiviteti – duke vendosur kështu vlerësimin e një apeli në një seancë të vetme, duke shmangur debatin dhe duke injoruar nevojën e një gjykimi të arsyeshëm – ose për të shmangur dëgjimin e një çështje më politikisht të ndjeshme. Mënyra si është vepruar me çështjen Patozi si dhe rastet e tjera ku është përdorur e njëjta mënyrë, mbështesin këto kritika ndaj Gjykatës së Lartë. Dështimi i trupit të përbërë nga pesë gjykatës për të dhënë arsye përse apeli i Patozit ishte i papranueshëm – përveç konkluzionit se asnjë prej "bazave ku është mbështetur në ACCP… nuk ekzistojnë" – është jashtëzakonisht i dyshimtë. Një gjë e tillë mund të çojë në konkluzionin e dhunimit të kërkesave të përcaktuara në Kushtetutën e Shqipërisë, që "vendimet gjyqësore… të jenë të arsyetuara".

Hedhja poshtë e apelit të Patozit nga Gjykata e Lartë pa një diskutim të plotë, të hapur është defektoz për dy arsye të tjera. Kushtetuta e Shqipërisë i cakton Gjykatës së Lartë rolin e veçantë, "të unifikimit të praktikave gjyqësore" me qëllim rritjen e sigurisë ligjore. Çështjet Kryemadhi i dhanë Gjykatës së Lartë shansin për të sheshuar diferencat e interpretimit mes gjykatave më të ulëta, lidhur me përgjegjësinë e provës në rastet e akuzave për fyerje. Dështimi i saj për të dhënë një vendim autoritar mbi këtë çështje, bashkë me pranimin e pafajësisë si dhe të drejtave të tjera, la pas një shkallë të rrezikshme pasigurie ligjore, që varet mbi kokat e mediave shqiptare.

Arsyeja e dytë dhe akoma më e rëndësishme lidhet me përgjegjësinë e veçantë kushtetuese të Gjykatës së Lartë, për të garantuar të Drejtat Themelore të Njeriut. Duke refuzuar t’i përgjigjet kërkesave të të akuzuarit për të drejtën e fjalës, Trupi Gjykues nuk arriti të korrigjojë dhunimet e të drejtave bërë nga gjykatat më të ulëta. Dhe duke parë pengesat për aplikantët individualë në Gjykatën Kushtetuese, Gjykata e Lartë shpërdoroi shansin e fundit që sistemi gjyqësor në Shqipëri kishte për të bërë një gjë të tillë.

---------------------------------------


Moj RD dallkauke kur paske hequr te zit e ullirit nga Monika pse nuk u ndjeve ti kur kryetari Juaj, SALI Shkallnuri-Berisha u telekomandua (kush e di nga kush) per te sulmuar ArBen Rakipin pikerisht kur Rakipi atakoi Dinastine META-KRYEMADHI?
Nuk kishit guxim ju ti kujtonit krietarit tuaj se duke kerkuar shkarkimin e Rakipit po ndihmonte direkt Moniken dhe Mafien e Freshit dhe regjisorin e Bombes se Shkallnurit, Brahon, mikun besnik te Metes dhe armikun e betuar te vet Berishes...

RD je bere si shage byreku.

[Brari]

RD ankohet po nga kush?

Ja cthote sot gazeta RD.
----------------------------
Kryetari i Bashkisë së Tiranës është paditur nga KLSH për përvetësimin e miliona parave nga fasadat

Prokuroria zhduk dosjen e Edi Ramës

Prokuroria e Tiranës: "Nuk ka asnjë dosje apo padi kundër kryetarit të Bashkisë së Tiranës, Edi Rama"

Prokuroria e Përgjithshme: "Kundër kryetarit të Bashkisë së Tiranës, Edi Rama ndodhet një padi nga KLSH"



TIRANË - Prokuroria ka zhdukur dosjen hetimore kundër kryetarit të Bashkisë së Tiranës, Edi Rama. Burime të sigurta pranë Prokurorisë së rrethit Tiranë, bënë të ditur dje se, nuk ka asnjë dosje hetimore për Edi Ramën. "Nuk ka asnjë dosje apo padi kundër kryetarit të Bashkisë së Tiranës", deklaroi një prokuror në Prokurorinë e Tiranës, i cili nuk pranoi të identifikohej. Deklarata e zyrtarit të Prokurorisë së Tiranës bëhet në një kohë kur Prokuroria e Përgjithshme deklaroi zyrtarisht para pak ditësh se ndaj kryetarit të Bashkisë së Tiranës ekziston një dosje në Prokurorinë e rrethit Tiranë për shpërdorim të parave të projektit të tij, "Kthim në Identitet".

Zëdhënësi i Prokurorisë së Përgjithshme deklaroi para pak ditësh se, "në Prokurorinë e Tiranës ndodhet një padi e ngritur nga KLSH kundër kryetarit të Bashkisë së Tiranës, Edi Rama", por një deklaratë e tillë është hedhur poshtë dje nga Prokuroria e Tiranës, e cila deklaroi se, "në Prokurori nuk ka asnjë dosje kundër kryebashkiakut Edi Rama". Deklarata e zëdhënësit të Prokurorisë së Përgjithshme ishte një kundërpërgjigje ndaj qeverisë, e cila nëpërmjet ministrit të Shtetit për antikorrupsionin, Ndre Legisi deklaroi se, "në Prokurori janë dërguar 120 dosje të zyrtarëve për korrupsion". Zëdhënësi i Prokurorisë u shpreh publikisht se në Prokurori ndodhen vetëm katër dosje zyrtarësh. Ai deklaroi se zyrtarët e akuzuar për korrupsion janë, Dritan Prifti, Edi Mazi, Edi Rama dhe Thoma Gëllçi.

Zëdhënësi i Prokurorisë së Përgjithshme deklaroi se nuk është e vërtetë se qeveria ka sjellë në Prokurori 120 dosje për zyrtarët e korruptuar. Një fakt i tillë është pranuar dje edhe nga Prokuroria e rrethit Tiranë. Njëri nga drejtuesit e kësaj Prokurorie deklaroi se nuk është e vërtetë që qeveria ka dërguar 120 dosje zyrtarësh në Prokurori. Zyrtari në fjalë tha në Prokurorinë e Tiranës ndodhen vetëm tre dosje, njëra i përket subjektit privat "Alba-Beton 2" për mosshlyerje të detyrimeve doganore, ndërsa paditë e tjera u përkasin dy ish-zyrtarëve, Mirela Rema dhe Nelson Hicka. Rema, ish-shefe në Bankën e Kursimeve nr.1 në Tiranë dhe Hicka, ish-shef i Agjensisë së Trajtimit të Kredive, të cilët janë paditur për shpërdorim detyre. Sipas burimeve të Prokurorisë së Tiranës, çështjet janë regjistruar dhe tashmë janë thirrur dëshmitarët e parë.

Zhdukja e dosjes hetimore të kryetarit të Bashkisë së Tiranës është një tjetër skandal i Prokurorisë. Edi Rama, akuzohet për përvetësimin e miliona parave gjatë kryerjes së punimeve të lyerjes së fasadave të godinave të ministrive. Edi Rama i kishte pagëzuar këto punime për lyerjen e godinave, "Kthim në Identitet". Për projektin "Kthim në Identitet" u diskutua gjerësisht dhe u hodhën kritika të ashpra në shtyp. Ndërsa Kontrolli i Lartë i Shtetit denoncoi në Prokurori në muajin tetor të vitit të kaluar vjedhjet e ish-ministrit të Kulturës dhe kryetarit të Bashkisë së Tiranës, Edi Rama, i cili nëpërmjet këtij projekti "Kthim në Identitet" ka përvetësuar miliona lekë. Mirëpo, dosja hetimore kundër kryetarit të Bashkisë së Tiranës, Edi Rama rezulton e zhdukur.

R.POLISI





Ndëshkohen peshqit e vegjël, ndërsa pushtetarët që kanë lidhje me trafikantët merren në mbrojtje



Policët e Çipës, kokë turku për drogën



Qeveria mbron zyrtarët e përfshirë në trafikun e drgës duke u justifikuar me pushimin nga puna të disa policëve që kryenin shërbimin në pikën e kalimit kufitar të Kakavijës



TIRANË - Javët e fundit, rastet e bllokimit të sasirave të konsiderueshme droge, në pikat e kalimit kufitar me Maqedoninë e Greqinë, vetëm pak metra larg traut doganor, brenda tokës së huaj, kanë qenë të shpeshta. Në këto mori rastesh, të larta kanë qenë edhe shifrat disa milionëshe në dollarë, që arrinte vlera e këtyre lëndëve narkotike. E ndërsa flitet, mësohet e dëgjohet për dhjetra raste e miliona dollarë, më të pashqetësuarit duken drejtuesit e shtetit e policisë shqiptare që tallen me ca policë, duke i liruar nga detyra. Lirimi nga detyra i 22 policëve që kryenin shërbimin në pikën e kalimit kufitar të Kakavijës, më shumë se sa një shpresë për një luftë të mundshme kundër trafikut të lëndëve narkotike e zhvlerëson më shumë, deri në nivelin e talljes këtë përpjekje të munguar.

Një polic, sado i aftë të jetë ai, nuk mund të dallojë e bllokojë sasira kaq të mëdha droge, pa lejen e eprorit të tij. Aq më pak këtë nuk mund ta realizojë edhe një qen antidroge, "përkthimin" e gjesteve të të cilit, pakkush mund ta bëjë. Të gjitha këto zbulime dhe bllokime të sasirave të lëndëve narkotike, mund të bëhen në qoftë se eprorët e atyre 22 policëve të Kakavijës e disa qindra të tjerëve në pikat e tjera të kalimit kufitar, e dëshirojnë vërtet këtë gjë. Pikërisht kjo dëshirë e vullnet mungon, për të vetmin shkak sa të thjeshtë e banal, sepse vetë këta eprorë policie, jo vetëm në pikat e kalimit kufitar, por edhe ca më lart, deri në Ministrinë e Rendit Publik, janë vetë kontrollorët e këtij trafiku, nëpërmjet edhe bashkëpunimit me trafikantë të lëndëve narkotike.

Disa kohë më parë, një relator amerikan braktisi sallën e seminarit të luftës antitrafik, kur aty pa se, midis dhjetra pjesëmarrësve gjendej një drejtues i lartë i antidrogës në Ministrinë e Rendit Publik, i cili në dosjet amerikane figuronte si një nga kontrollorët më kryesorë të trafikut të drogës… Pas kësaj, i vetmi që nuk u shqetësua ishte zyrtari i Ministrisë së Rendit Publik, i cili e ndoqi me këmbëngulje deri në fund seminarin.

Në më se pesë vjetë, rastet e implikimit të kryepolicëve në trafiqe lëndësh narkotike kanë qenë të përsëritura, megjithë edhe denoncimet publike ndaj tyre. Ende është e pashlyer nga kujtesa "spektakli" i Edmond Kosenit, ish-kryepolicit të Elbasanit, i cili pasi na çuditi të gjithëve me drogën që mbante të "magazinuar" në zyrën e tij, shkoi më tej me këto çudira, kur "bëri haram" dhe fali në lumin Shkumbin ca kilogram niseshte. Me sjelljet e veprimet e tyre prej trafikantësh lëndësh narkotike, jo më mbrapa nuk ngelen dhe njerëz me pushtet politik e badigardët e tyre. Pak javë më parë, në Milano të Italisë policia italiane arrestoi badigardin e Spartak Brahos, me 21.5 kilogramë drogë të pastër.

Duket për këto raste më të painformuarit janë njerëzit e akuzës, të cilët ende nuk kanë dërguar asnjë rast në gjykatë. Pas gjithë këtyre denoncimeve, ndërsa ngarkesa droge ende vazhdojnë të kapërcejnë lehtësisht trarët e doganave, në Kakavi gjenden e shpallen "fajtorët" 22 policët rrogtarë, ndërsa shefat e tyre e ca më lart, presin e përcjellin drogën…, por edhe policët zëvendësues që nesër sërish do jenë ata "shkaktarë" të trafikut të lëndëve narkotike.

Artur BEGA



Bilbil Mema pranon lidhjet e policisë me trafikantët



TIRANË - Droga me origjinë nga vendi ynë e bllokuar nga policitë e vendeve kufitare, përballë lejimit me dashje, ka futur në grindje doganat dhe policinë shqiptare. Kreu i policisë së Shtetit, Bilbil Mema, ka fajësuar dje ekzistencën e elementëve të korruptuar në polici, por edhe mungesën e bashkëpunimit me doganat. Ndërsa drejtues të doganave janë shfajësuar nga përgjegjësia e trafikimit të lëndëve narkotike, duke u mjaftuar se lufta antidrogë nuk është detyrë e tyre.

Në një prononcim, Bilbil Mema, drejtori i Përgjithshëm i Policisë, ka përmendur dje mungesën e mjeteve teknike, personelit e logjistikës si mangësi në moszbulimin e drogës së fshehur. Në vijim të shfajësimeve të tij, kryepolici Mema, nuk ka harruar të rendisë edhe mungesën e bashkëpunimit me doganën. "Nuk kemi bashkëpunimin e duhur me doganat dhe mungon koordinimi i veprimeve", është shprehur Mema. Drejtori i Përgjithshëm i Policisë ka pranuar dhe ka pohuar edhe ekzistencën në radhët e policisë të njerëzve të lidhur me trafikantët. "Kemi edhe elementët e korruptuar në radhët e policisë", pohoi kryepolici Mema.

Përkundër këtij reagimi shfajësues të Bilbil Memës, kanë reaguar dje edhe drejtues të doganave shqiptare. Dështimin e punës së policisë dhe lidhjet e tyre me trafikun e drogës, drejtuesit e doganave shqiptare e kanë parë si diçka që ata i përjashtojnë njerëzit e tyre që punojnë në pikat e kalimit kufitar. "Lufta kundër drogës e trafikut të saj, nuk është detyra dhe përgjegjësia jonë, por është detyra dhe përgjegjësia e policisë" -janë shprehur dje drejtues të Drejtorisë së Përgjithshme të Doganave. Në këtë konteks, drejtuesit e doganave kanë pranuar se ata vetë nuk kanë strukturat e duhura dhe mjetet për zbulimin e lëndëve narkotike.

A. BEGA
------------------------

Moj Rd, moj harraqe..po kur Nano per punet e veta i leshoi Qenin Rakip te vetve dhe filloi tua mbushi dosjet qeveritareve te Metes etj..kur Nano ja mbeshtolli Ed RAMES e i tha ..ik mor hajdut ikonash ..ku i cove milionat e scorpionsave etj. PD juaj sikur ta kish picku grenxa u cua dhe beri kauz me qeveritaret hajdute per te hequr Qafe RAKIPIN e besdisshem...
Me kartonin e PD bashk me te MAFIES u largua ne valen e punes RAKIPI dhe erdhi prokurori i Mejdanit i cili natyrisht do i fshehi dosjet e Ed Rames etj..

RD mos u qaj tani po ha tum si gjithmon..