koha jone
-------
E Diele, 25 Maj 2003
KOKEDHIMA KERCENON ME VRASJE
Dje ishte java e fundit e kampionatit shqiptar te futbollit, nga e cila varej fati i skuadres qe do te binte ne kategorine e dyte ose A2, sic quhet ne gjuhen e specialisteve te futbollit. Sipas rregullit te Federates sivjet bien kater skuadra nga kategoria e pare nga ku tre ishin percaktuar qe me pare nga renditja e pikeve ne tabele. Mbetej qe skuadra e katert te piketohej dje, e cila do te shoqeronte tre te tjerat per ne kategorine e dyte. Por nga renditja si dhe nga mundesia e rezultateve te djeshme ishin te rrezikuar, deri para fillimit te ndeshjeve, skuadrat e Apolonise se Fierit, Lushnja, Besa e Kavajes, Elbasani dhe Flamurtari. Ndaj ishin mobilizuar te gjitha forcat nga presidentet e ketyre skuadrave. Skuadra e Apolonise ka ne krye presidentin e "2K Group", njekohesisht pronar i gazetes "Shekulli" zotin Koco Kokedhima, i njohur ndryshe si mik i Edi Rames dhe kryeministrit Nano dhe i favorizuar hapur ne ceshtjet e tenderave, prokurimeve te drejtperdrejta dhe privatizimet e shumta me cmime llahtarisht te vogla, nderkohe qe shume akuza ka ndaj tij per blerje nga qeveria.
Por le te kthehemi tek precedentet e dites se djeshme. Natyrisht qe po te ishte vetem ceshtje futbolli dhe rezultatesh kjo mund te ishte objekt i nje gazete sportive. Mirepo nuk ndodh keshtu. Fakti qe sot gazeta "Koha Jone" merret me fundjaven e kampionatit niset se keqperdorimi i pushtetit, i medias dhe i politikaneve ka sosur ne nje pike dhe ka mare formen e nje marredhenieje te tipit mafioz; ne ate te kercenimit me vrasje. Sipas medias televizive dhe prononcimit te presidentit te ekipit te futbollit "Partizani" z. Albert Xhani, drejtuesi i ekipit fierak e njekohesisht edhe botues i gazetes "Shekulli", Kokedhima i ka ofruar ne fillim dhjetra milione leke numrit te te kuqve, pra Xhanit. "Pasi nuk e pranova qe te skualifikoje ekipin e "Beses" ne Tirane, pasi keshtu shpetonte ekipi tij -thote per "KJ" presidenti Xhani- atehere Koco Kokedhima me kercenoi, duke me share nga familja dhe ne fund me tha se do te te zhduk, se nuk me njeh mua se c'force kam"-perfundon presidenti i "Partizanit" deklaraten e tij per median. " Une nuk kam problem me jeten time, pasi ate nuk ma ka dhene Kokedhima, porse po ju them, ju te medias- shton Albert Xhani- se ky njeri eshte i rrezikshem per shoqerine".
Nuk po merremi me pazaret qe u luajten deri ne minuten e fundit te javes se kampionatit, nuk po hetojme as dhe nderhyrjen me celular te kryeministrit Nano qe nga Greqia duke i bere presion presidentit te Vllaznise Myftar Cela qe t'i jape fitoren ekipit te Kokedhimes, nuk po merremi as me masat qe duhet te marre Federata shqiptare e futbollit ndaj skemave te blerjes se ndeshjeve. Alarmi vjen nga forma e re e presionit te atyre qe kane tashme miliarda nga privatizimet, nga mediat e i shesin nen kosto si pasoje e tenderave dhe parave qe jep kryeministri Nano. E verteta eshte realisht e frikshme, pasi keta persona me pushtet dhe mbipushtet, te kujtojne rregullat e mafias; te kercenojne dhe te vrasin. Keshtu ka ndodhur edhe dje me presidentin e "Partizanit", i cili ka vite qe me mund e djerse po mban ekipin e te kuqve si dhe ka investuar ne rregullimin e fushave sportive. Ai eshte kercenuar me zhdukje fizike.Por edhe nese ka qene kercenim momental pa qellim final eliminimi, perseri rreziku mbetet ne potencen si dhe ne guximin qe mbart nje njeri me mbipushtet, duke te kujtuar se dhe mund te vdesesh. Fakti i guximit per te kercenuar me jete nje njeri publik ne fushen e sportit, sic mbetet Xhani, te fut dritherimat se ku po shkon shoqeria shqiptare, se nga e marrin kurajon kjo kategori biznesmenesh te tipit te Kokedhimes per te bere shantazh, per te ofruar ryshfete, per te treguar koburen si dhe per te synuar lart ne kupole. Edhe nese dikush nga analistet e medias dje tha se " ka qene moment nervozizmi i Kocos", nuk te cliron nga meditimi se ku po shkon politika e sotme, e cila ose eshte e blere ose ka blere median dhe biznesin. Ky fakt duhet te vere ne alarm politiken, ndonese duket ne pamje te pare si nje ndeshje interesash futbolli. Por nuk eshte ky thelbi i alarmit qe duam te ngreme para opinionit publik. Tashme ne politike, ne media, ne ekonomi kane hyre te rrezikshmit ose qe ne gjuhen nderkombetare quhen organizata te mafias. Edhe dje degjuam ne nje television privat intervisten e nje prodhuesi italian te ilaceve, i cili deklaroi mbylljen e biznesit te tij ne Shqiperi si pasoje e veprimeve mafioze nga biznesi dhe politika shqiptare, te cilat ndajne bashkerisht fitimet e pazareve te mafias, duke synuar largimin e tij nga konkurenca e ndershme vetem e vetem per nje tender prej 3 milione dollaresh qe do te organizohet pas pak muajsh ne Tirane. Pse vetem keto jane raste sporadike? Jo, ata jane shtuar, duke patur perkrahjen, fatkeqsisht dhe te politikes qeverisese. Rreziku qe i vjen shoqerise prej tyre eshte tmerresisht i madh. Ata, pasi kane perlare para e fuqi, kerkojne qe te mos perdorin vetem politiken, por qe neser te jene vete deputete, ministra e me lart. Kjo lloj kategorie i don te gjitha per vete. Kush kundershton eliminohet. Natyrisht jo vetem per ceshtje futbolli. Futbolli eshte apertura e lojes se tyre per te perfituar pushtet, para. Ekipi i futbollit eshte peneli nga ku do te pikturohet neser tabloja e propogandes se tyre gjoja ne " perkrahje te sportit dhe interesave qytetare" ne menyre qe ti vjedhin vete qytetaret me mire, me me finese. Natyrisht qe nuk kemi asgje kunder ekipit te qytetit te Fierit. Perkundrazi duhet cmuar futbolli i tyre, por ndalemi tek keqperdorja e tij per interesa me te sofistikuara biznesi e pushteti. Ne kete menyre tipi shoqeror i Kokedhimes, i promovuar nga qeverisja dhe pushtetpasja e sotme, jane rreziku eminent i vendit dhe i krejt lirise qytetare. Ne kercenimin me te fundit te Kokedhimes arrihet tek arma ordinere, pasi eshte perdorur arma e lekut, e nderhyrjes, aferes dhe korrupsionit mitmarres, se fundi mberrihet tek kercenimi fizik, tek logjika siciliane e mafias klasike. Pas kesaj shteti i se drejtes duhet te deshmoje nderhyrje te drejte.
Re.po.
----------
Krijoni Kontakt