Policia zbardh vrasjen mafioze te biznesmenit Florian Vila

[Albo]

Leter drejtuar ambasadorit amerikan ne Shqiperi, Xhejms Xhefrej

Zoti Ambasador!

Ne rradhe te pare me lejoni t'ju sjell urimet e mia te sinqerta si dhe te familjes sime per prezencen tuaj ketu ne vendin tone, si perfaqesuesi i shtetit me demokratik ne bote, te shtetit lider te paqes dhe demokracise, te shtetit qe kryeson lidershipin ne respektimin e standarteve demokratike per lirite dhe te drejtat fondamentale te njeriut dhe qe per ne njerezit e ketij dheu, vendi juaj ka qene dhe eshte nje aspirate shekullore e paraardhesve tane, e jona si dhe e brezave qe do te na pasojne.

Zoti ambasador, vendi juaj eshte i gjithe popujve, atyre te zhvilluar dhe atyre me pak te zhvilluar. Energjite tuaja shperthyese ne funksion te demokracise, shtetit ligjor, paqes, sigurise, respektit ndaj prones, individit, jetes, civilizimit, prosperitetit, jane per ne nje shprese per te kuptuar dhe besuar, qe edhe ne vendin tone ka nje mbrojtje, ka nje garanci qe ky vend apo njerezit e ketij vendi mund te drejtohen per t'u mbrojtur nga dhuna, terrorizmi ne te gjitha format e shfaqjes se tij.

Zoti ambasador, une quhem Lena Vila, bashkeshortja e ve e z.Florant Vila, biznesmenit te njohur shqitar, qe u ekzekutua me 9 prill 2003 nga nje akt i paster terrorist nga njerez te panjohur, te veshur me uniforme policie, ne prag te shtepise se tij, ne rezidencen "Flevi lmt". Ky akt i paster terrorist ka prekur rende ndergjegjen qytetare te vendit tone, ka indinjuar pa mase shoqerine shqiptare, ka lenduar shume shpirterisht te gjithe njerezit e familjes Vila dhe personalisht mua, gruan e tij, si dhe dy femijet e vegjel.

Zoti ambasador, familja ime, une, femijet e mij dhe te Florianit, prinderit tane, si dhe gjithe vendi yne eshte me afer se ndonjehere se bashku dhe solidar me ju ne sfiden ndaj luftes kunder terrorizmit.

Zoti Florian Vila ishte nje personalitet i njohur i biznesit shqiptar. Me pune dhe duke djersitur, duke respektuar ligjin dhe rregullat e tregut, ne ngritem dhe zhvilluam nje kompani te suksesshme, sic eshte "Flevi lmt" dhe eshte identifikuar ne tregun e materialeve te ndertimit, si hekur per tregues te larte te performances, si cilesi te larte, marredhenie te mira klient-furnitor, respekt dhe rigorozitet ligjor me institucionet shteterore, si tatim-taksa, sigurimet shoqerore, institucionet e kreditit, bashki, etj.

Zoti ambasador, me anen e kesaj letre une dua te ve ne dijeni se ketu ne Shqiperi krimi terrorist eshte bere shume i frikshem, shume i dhunshem, ku per ne shqipetaret nje vrasje ne prag te shtepise lendon dhe varret. Kjo vrasje na ka pikelluar te gjitheve, por akoma na rendon fakti, qe asgje s'eshte bere nga institucionet shqiptare nga organet e specializuara qe te zbardhin kete akt te shemtuar terrorist, duke e zvarritur dhe zgjatur ne kohe per ta lene me pas te arshivuar ne sirtaret e harreses. Insinuata te artikuluara edhe nga goja e ministrit, te papergjegjshme, ne nje TV privat kombetar si "Klan"-i per ta klasifikuar kete vrasje me motive jashte atyre te biznesit, jane shume ogurzeza dhe tregojne poziten mjerane te ketij lloj ministri manikin i krimit terrorist. Me ate deklarim, ministri i Rendit z. Luan Rama, nuk provoi gje tjeter pervec ate qe ka pohuar edhe vete, qe strukturat e rendit jane te inkriminuara, qe krimi dhe kriminelet jane bere me imunitet, se ketu ne Shqiperi mund te vrasesh dhe te dhunosh dhe te terroriozosh dhe shteti s'te thote gje. Ai provoi se kriminelet kane avokatin e tyre per t'i mbrojtur, si dhe autoparlantin per t'i lajmeruar te largohen. Ky minister me brockullat e tij, ne te njejten kohe tregoi se organet e tjera te investigimit, te hetimit dhe akuzes duhet te fokusohen ku ai kerkon dhe do t'i fokusoje, duke e larguar vemendjen nga pista qe jane bere publike nga ana jone. Ishte ky minister Rendi, qe pak dite pas vrasjes, ne vijim te deklarates publike te organit te akuzes, prokurorise deklaroi lidhur me kete piste, se jane identifikuar vrasesit e biznesmenit z. Florian Vila.

Zoti ambasador, ky ndryshim llogoreje i ministrit te Rendit flet qarte per poziten e tij, per pafuqishmerine e tij per te zbuluar te verteten edhe ne te njejten kohe krijon ne menyre tinzare dhe fyese pista imagjinare, thjesht per te larguar veten nga pergjegjesia qe ka per funksionin qe ai kryen dhe keshtu qe te zgjase ditet e karriges se tij politike.

Zoti ambasador, per ne njerezit me te shtrenjte te familjes, kjo vrasje ka nje prapavije konkurrence, loje e pandershme tregu, nga ana e njerezve te lig, qe kerkojne ta fusin kete vend ne kthetra mafioze dhe te bejne ligjin, duke monopolizuar biznese dhe me pas duke terrorizuar njerez qe te shtrijne tentakulat e krimit oktopodian.

Zoti ambasador, per mua, bashkeshorten e z. Florian Vila, kjo vrasje nuk pa zbardh dot autoret e saj te vertete, si dhe te atyre qe fshihen pas tyre (se mbrohen me paturpesi edhe nga ministri i Rendit) ka shume rendesi qe te dal si e vertete. Kjo, jo vetem per te me lehtesuar mua, femijet tane, njerezit e aferm te Florianit, sado pak ate mungese shpirterore te njeriut tone te dashur, por se dhe kjo do te ndihmoje edhe shoqerine shqiptare te clirohet ne ndergjegjen e vet nga bota e krimit dhe terrorizmit. Une jam shume disponibel, qe te komunikoj me ju qe ju te ndermerrni inisiativen per plotesimin e kesaj dosje dhe te ndemjetesoni qe te nderhyni ne qeverine shqiptare si dhe te ndihmoni ne ngritjen e nje grupi te specializuar investigues per te hetuar rreth kesaj vrasje. Ne kemi nevoje shume per ndihmen dhe perkrahjen tuaj dhe te shtetit amerikan.

Duke besuar fort ne mbeshtetjen dhe interesimin tuaj, me lejoni edhe njehere t'ju pershendes ne emrin tim personal dhe te femijeve te mij, si dhe te afermve te familjes se Florianit.

Me respekt Lena Vila

E veja e Florian Viles

[ALBA]

..SMS DY JAVE PARA VRASJES/ PISTA E RE E HETIMIT

Kërcënimi në telefonin e Vilës
Mesazhi: Nuk do ta gëzosh pasurinë… me atë…


--------------------------------------------------------------------------------

Ferdinand Dervishi

Isha në makinë me Florianin në momentin kur ai mori një mesazh. Duke ngadalësuar shpejtësinë, hapi celularin dhe e lexoi. Për një moment u ngrys, por pak sekonda më vonë ia plasi gazit", kjo është një pjesë e dëshmisë së një personi të afërt të Florian Vilës, tregtarit të fuqishëm të hekurit, i vrarë më 9 prill në hyrje të banesës së tij në Laprakë. Dëshmia e siguruar nga policia pak ditë pas vrasjes është mbajtur sekret, madje ka bërë që për një kohë të gjatë të gjithë të besojnë se pistat e hetimeve ishin të tjera, të përcaktuara qartë për policinë, por edhe të njohura nga opinioni, pasi ishin bërë publike. Ndërsa hetonte kërcënimin, policia e kishte mohuar kategoriksht ekzistencën e tij, duke u dhënë mediave si të vërtetë versionin se mosmbrojtja e Florian Vilës, qoftë me truproja, qoftë me armë (pistoleta me leje ishte gjetur e paprekur në valixhe), tregonte se ai kohët e fundit nuk ishte kërcënuar.

Përmbajtja e mesazhit
"Nuk do ta gëzosh pasurinë… me atë…", ishte një pjesë e mesazhit që Gazeta e disponon, por që për arsye të dëmtimit të hetimit nuk po e boton të plotë. Personi, i cili në momentin e mbërritjes së mesazhit kishte qenë në makinën e Vilës, duket gëzonte besimin e tij të plotë, pasi e kishte marrë në dorë celularin menjëherë pas leximit të tij nga Vila dhe pas reagimeve të para të tregtarit, që përfunduan me të qeshura të hidhura. Po sipas dëshmisë shumë të hollësishme të këtij personi në polici, mesazhi kishte mbërritur vetëm pak kohë para se Floriani të vritej. "Ka mbërritur jo më shumë se 2 javë para se të vritej", ishte dëshmia për policinë. Gjithsesi, pas humbjes së celularit dëshmia për mesazhin kërcënues ishte marrë me rezerva nga policia. Porse gjithsesi pohimi i dëshmitarit në polici ishte konsideruar i rëndësishëm, pasi personi kishte pohuar që, në rast të një procesi gjyqësor, do të dëshmonte të gjitha ato që dinte lidhur me kërcënimet apo autorët e mundshëm të vrasjes së biznesmenit. Dhe kuptohet që ky person di edhe autorin e mesazhit apo edhe të tjera konflikte të tij me Florian Vilën.

Pse Vila e kishte injoruar kërcënimin?
Por, me gjithë këtë kërcënim me jetë, pasi "nuk do ta gëzosh pasurinë", nga hetimi ishte konsideruar si i tillë, Florian Vila nuk kishte marrë asnjë masë mbrojtëse për vetveten. Ai nuk kishte komunikuar me policinë për të bërë të ditur kërcënimin apo disa të tillë të mundshëm. Gjithashtu ai nuk kishte punësuar ndonjë truprojë, edhe pse të ardhurat ia lejonin të mbante më shumë se një të tillë. Po kështu arma e tij me leje, si biznesmen, ishte gjetur nga policia në një nga valixhet e tij në banesë, e paprekur. Në këto kushte, nisur edhe nga dëshmi të ndryshme, hetimi kishte konkluduar se për Vilën personi që e kërcënonte ishte i njohur së bashku me çështjen për të cilën kishte lindur konflikti. Por duket, prej Floriamit ky person është konsideruar "i parrezikshëm".


Dy muaj pas ekzekutimit

Asnjë pistë bindëse për vrasjen
Dy muaj pas vrasjes së bosit të hekurit, Florian Vila, hetimet reflektojnë të jenë shumë larg një piste të vetme të hetimit. Fillimisht hetimet u fokusuan në pistën e një vrasjeje për konkurrencë. Madje këtu u investuan të gjithë forcat e hetimit. Qoftë prokuroria, qoftë policia, harxhuan shumë kohë dhe njerëz për të hetuar tenderat ku kishte aplikuar të fitonte Florian Vila. Hetimi shkoi deri në portin e Durrësit, ku Vila kishte aplikuar për pastrimin e tij nga anijet e mbytura. Kjo pistë përkrahej shumë nga Lena Vila, e shoqja e Florianit. Ajo në një letër dërguar presidentit të Republikës, shkruante se ishte e bindur që vrasja e të shoqit ishte pasojë e konkurrencës së pandershme. Porse kohët e fundit edhe policia, edhe prokuroria e kanë pohuar hetimin edhe për një pistë tjetër, të cilën e kanë konsideruar "personale".


I ndaluari-enigmë në Laprakë

Lirohet i akuzuari i dytë për vrasjen
Një person i ndaluar para pak ditësh në Laprakë për llogari të hetimit të vrasjes së Florian Vilës, është lënë përsëri i lirë pas dy ditësh në qeli. Burime policore pohuan se personi ishte një i njohur i familjes Vila, madje u tha se ai ishte një tregtar. Burime policore pohuan se ky person hetohej në lidhje me vrasjen e tregtarit të hekurit, sipas një piste të mbajtur sekret. Fillimisht u pohua se ky person, emri i të cilit nuk u përfshi në komunikatat e policisë, kishte lidhje me interesat për ekzekutimin e Florian Vilës. Por më pas ai u konsiderua si një nga ekzekutorët. Madje policia konfirmoi se i ndaluari në Laprakë ishte një nga ekzekutorët, ndalimi i të cilit ishte llogaritur të kryhej në një ditë me të prangosurin tjetër për këtë çështje, Petrit Lleshin. Por në të njëjtën ditë, më 23 maj, ndalimi kishte dështuar. Gjithsesi, pas mbajtjes në qeli për 48 orë, i ndaluari i Laprakës ishte lënë i lirë për mungesë provash.
Marre nga gazeta Shqipetare

[ALBA]

Misteri, kush e zhduku celularin eVilës


--------------------------------------------------------------------------------

Ferdinand Dervishi

Mbase prej faktit se policia ishte kujtuar vonë të kërkonte, apo më saktë, dikush u kujdes në kohë të zhdukej, sendi më i çmuar që mund të përbënte kreun e provave të vlefshme materiale për vrasjen e Florian Vilës, tregtarit të fuqishëm të hekurit, rezulton i "humbur". Roja i rezidencës FLEVI, Hysen Pera, i cili u tregua i gatshëm të "rrëfehej" për mediat një ditë pas vrasjes së pronarit të tij Florian Vila, ishte njeriu që tha më shumë se të tjerët përsa i përket një detaji. Natën e 9 prillit, teksa nxitoi t'i hapte portën e hekurt pronarit të vet, pasi energjia elektrike ishte ndërprerë, që ajo të hapej prej Florianit me pult nga jashtë, roja ishte shtangur pas krismave të armëve. Menjëherë instikti e kishte detyruar të fshihej. Gjithsesi, kishte vënë re dy persona të veshur me uniforma si të policisë së ndërhyrjes së shpejtë që qëllonin mbi Florianin. Në momentet e para roja dëshmoi se njëri prej vrasësve i ishte afruar makinës, por të nesërmen e vrasjes ai ishte tepër i sigurtë. "Ata zbrazën armët dhe ikën mënjëherë me makinën e tyre. Nuk i'u afruan makinës së Florianit për të marrë gjësendi", ishte dëshmia e rojes.

Zhdukja gjatë transportit në spital?
Mes rrëfimeve të tij, roja i rezidencës kishte fiksuar një moment shumë interesant. Sipas tij, ndërsa e shoqja e Florianit, Lena dhe i ati, Neshati, kishin marrë viktimën duke e futur në një furgon që kishin ndaluar në rrugë, pronari i "FLEVI" kishte ende në kllëfin e brezit aparatin celular. Roja ishte i pari që hapi derën e makinës "Benz" të Florianit. Ai i ndihmuar nga pjesëtarë të familjes, të cilët mbërrijnë me urgjencë, marrin viktimën dhe pasi ndalojnë një furgon në rrugë, e hipin duke e nisur me urgjencë për në Spitalin Ushtarak, që nuk ishte larg. Pikërisht deri në momentin e hipjes në furgon, roja është i bindur se Floriani kishte me vete aparatin celular. Më pas, ndërsa Lena e Neshati shoqëronin Florianin në spital, rojes i kanë lënë detyrë që të rrinte dhe të kujdesej për dy fëmijët e vegjël të çiftit Vila, dhe ai nuk di më shumë. Duke u nisur nga dëshmia e rojes, një mundësi e humbjes apo zhdukjes së celularit ka qenë gjatë kohës së shkurtër të transportimit të tij për në Spitalin Ushtarak. Pra celulari mund të ketë humbur, mund të jetë vjedhur, por edhe mund të jetë zhdukur në makinë.

Mundësia e zhdukjes në spital
Që një celular zhduket në spital, rasti i Vilës nuk është i pari. Edhe celulari i deputetit të ekzekutuar të PD-së, Azem Hajdari, kishte humbur dhe supozimi më i mundshëm ishte i zhdukjes së tij në spital. Gjithsesi, në spital në trupin apo rrobat e Florian Vilës, policia nuk e kishte gjetur celularin, megjithë interesimin e madh të saj për ta patur si provë. Natyrisht që trupit të pajetë të Florianit në spital i kanë hequr rrobat e përgjakura dhe ky mund të konsiderohet një moment i humbjes. Porse celulari edhe mund te jetë vjedhur nga punonjës të papërgjegjshëm. Vila, sipas të gjitha gjasave, kishte një celular të shtrenjtë, të cilin për ta poseduar, mund të ketë prishur ndërgjegjen ndonjë punonjës i spitalit. Porse logjika të çon edhe te varianti i zhdukjse së tij nga persona të intersuar që ai të mos binte në duar të policisë.


Mesazhi fatal në celularin e Vilës

Burime të hetimit kanë siguruar një dëshmi, sipas së cilës, dy javë para se të vritej, bosi i hekurit Florian Vila kishte marrë një mesazh kërcënues në telefon. Ky detaj ishte administruar gjatë një dëshmie nga një person i konsideruar i afërt prej Florian Vilës. Sipas dëshmisë, rreth 2 javë para se të vritej, në celularin e Vilës kishte mbërritur një mesazh kërcënues. "Nuk do të gëzosh pasurinë e… me atë…", ishte një pjesë e mesazhit që disponohet nga Gazeta. Sipas dëshmisë, Floriani nuk ishte bërë shumë merak pas leximit të mesazhit. Duket ai nuk e konsideronte shumë të rrezikshëm personin që i kishte dërguar mesazhin, ose nuk besonte se ai mund t'i qëndronte besnik përmbushjes së një kërcënimi të tillë. Gjithsesi pohimi i dëshmitarit në polici ishte konsideruar i rëndësishëm, pasi personi kishte pohuar që, në rast të një procesi gjyqësor, do të dëshmonte të gjitha ato që dinte lidhur me kërcënimet apo autorët e mundshëm të tyre.

[Albo]

Zbardhen vrasjet mafioze të avokatit dhe dy biznesmenëve

armand bajrami

Policia shqiptare është duke finalizuar hetimin dhe zbardhjen e autorëve për një sërë ngjarjesh kriminale të vjetra të konsideruara si “krime mafioze”. Dosjet e krimeve të pazbardhura janë rimarrë në dorë nga policia, e cila ka gjetur prova, informacione madje edhe dëshmitarë, që hedhin dritë mbi shkaqet dhe autorët. Zbulimi i këtyre krimeve të rënda ka qenë objekt i punës së policisë për vitet e fundit krahas parandalimit të veprave penale. Zv/drejtori i Përgjithshëm i policisë së Shtetit Agron Kuliqi, që drejton edhe Departamentin e Hetimit në Policinë e Shtetit konfirmoi dje, se si rezultat i goditjeve të realizuara në vitin 2008 nuk u shënuan krime mafioze siç ka ndodhur më parë. Në një rrëfim për televizionin “Klan”, Kuliqi shpjegoi se së shpejti autorët e vrasjes së biznesmenit të hekurit Florian Vila, ish-presidentit të Federatës së Boksit Vajdin Lamaj, ekzekutorët e avokatit të njohur Kleanthi Koçi apo pengmarrësit e Kodo Dados do të dalin para drejtësisë. “Kjo është puna jonë, si rezultat i goditjes së grupeve kryesore, si rezultat i goditjes së personave të cilët kanë qenë në botën e krimit me emër, të pacënueshëm është arritur që ne të arrijmë të ndalojmë kriminelin dhe të bëjmë një punë parandaluese të madhe”, thotë Kuliqi. “Ne e dimë mekanizmin e ngjarjes. Dimë se si janë kryer këto veprime, por problemi është se këto do t’i kalojmë në prova. Dhe që të kalosh në prova duhet të krijosh rrethana të reja. Duhet të sigurosh provën, duhet të sigurosh dëshminë, në mënyrë që pastaj që personat që do të akuzohen të përballen me drejtësinë. Kemi arritur të mbledhim një minimum të dhënash për to. Janë bërë objekt i analizave të strukturave të Tiranës në strukturat qendrore të Policisë. Janë bërë objekt diskutimi paraprak në strukturat e Prokurorisë, si të Tiranës edhe në Prokurorinë për Krimet e Rënda. Por akoma ne nuk mendojmë se na janë mbledhur rrethana dhe prova të mjaftueshme, të cilat ne mund t’i referohemi dhe pastaj t’i bëjmë edhe objekt hetimi”, vijon më tej drejtori i Departamentit të Hetimit në Policinë e Shtetit.
Vrasjet e pazbardhura
Ai thotë se “në praktikën botërore, në praktikën e vendeve që janë më të zhvilluara, si në BE ashtu edhe më larg, këto raste janë raste shumë të vështira dhe në tërësi janë raste, që mbeten edhe të pazbuluara. Sepse unë po ju them që në qoftë se ne forcën zbuluese për rastet e vrasjeve e kemi mbi 80 për qind dhe forcën goditëse. Ky është një tregues shumë i lartë i strukturave të Policisë së Shtetit pavarësisht kryerjes së veprës penale, mënyrës së kryerjes dhe mekanizmit. Këto janë ngjarje që kanë ndodhur në kohë, që kanë krijuar vështirësi në marrjen e provës, pavarësisht veprimeve që janë kryer. Kanë krijuar vështirësi në marrjen e deklarimeve, pavarësisht veprimeve që janë kryer. Do të kërkojnë veprime më specifike. Mënyra e mekanizmit është “vrasje mafioze”. Sipas zv/drejtorit të Përgjithshëm brenda pak kohësh do të dalin para drejtësisë autorët e krimeve të pazbardhura në vite. “Shumë shpejt do referohet edhe çështja e Kleanthi Koçit. Kanë filluar veprimet për Koço Dadon. Është një ngjarje që në ‘98 ka tronditur opinionin publik, rrëmbimi i tij. Edhe për rastin e disa ngjarjeve të Korçës, të cilat janë kryer në këtë lloj mekanizmi, me vrasje me pagesë. Shumë shpejt autorët, personat që i kanë kryer këto do të shkojnë përpara përgjegjësisë. Kjo sepse janë grumbulluar rrethana dhe prova të mjaftueshme, që do provojnë vërtetësinë e këtyre ngjarjeve”, tha Kuliqi. Sipas tij, kontribut në zbulimin e krimeve kanë dhënë edhe dëshmitarët. “Të ndërtosh një vendngjarje pas një periudhe kohe nuk është shumë e thjeshtë. Kuptohet sepse duhen kontributi i të gjithë elementët e asaj ngjarjeje. Ne këtë e mbajmë mbi bazën e dëshmive, që mbajmë nga dëshmitarë që kanë qenë okularë në ngjarje, të cilët për një situatë të caktuar, ose për arsye të panikut, nuk kanë arritur që të dëshmojnë më parë. Falë këtij bashkëpunimi, ne sot kemi një numër jo të pakët dëshmitarësh të drejtësisë dhe bashkëpunëtorësh të drejtësisë kemi arritur të zbërthejmë ngjarje, të cilat në vite, nga ‘97 e këtej nuk do të ishte bërë e mundur realizimi i tyre”. Zyrtari i policisë nuk bën publike shifrën e dëshmitarëve të drejtësisë për shkak të sekretit të çështjes. “Ka një shifër, por për arsye të rëndësisë së tyre dhe pozicionit të tyre dhe të ruajtjes së sigurisë së tyre ne nuk mund t’i japim këto”, tha Kuliqi. Ai vlerëson ish-kryeprokurorin e Krimeve të Rënda Andnand Kosova për bashkëpunimin e krijuar me Policinë e Shtetit dhe aftësitë e tij në ndërtimin e proceseve hetimore të rëndësisë së veçantë. “Ne kemi arritur të zbulojmë dhe dokumentojmë falë aftësive të tij personale dhe kontributit të tij personal si person që na ka hapur hapësirë. Po t’i thoshe që kjo është provë, nuk kishte gjykatë që ta hidhte poshtë”, vlerësoi Kuliqi, duke pohuar se zbardhja e krimeve të vjetra është sukses dhe siguri, sepse të godasësh do të thotë që rriten elementët e sigurisë.

Panorama