Liria e shtypit ne diktatin e krimit

[Dita]

Gazeta Tema arrin të zbardhë numrin e telefonit nga ku dërgohen mesazhe kërcënuese me vdekje

Mesazhi kërcënues nga telefon deputeti


Telefoni celular me numër 068 20 30 419, rezulton i regjistruar në AMC me emrin e një deputeti për të cilin të hënën pritet të nisin hetimet

Telefoni celular prej nga është shkruar mesazhi që ka kërcënuar me vdekje kryeredaktorin e gazetës "TemA", duket se i përket një deputeti socialist. Pas hetimeve private të gazetës "TemA" mbi numrin e telefonit, na rezulton se celulari i përket një deputeti socialist, shumë aktiv në Komisionin anti-Rama, i cili dhe gjatë mbledhjeve të Komisionit ka kërcënuar në mënyrë të vazhdueshme gazetën. Deputeti, i cili është i njohur për disa lidhje me grupe kriminale në Berat, si dhe një histori droge gjatë një vizite të fundit në Itali, ka përdorur, - së paku deri ditën që ka marrë mesazhin Kryeredaktori i gazetës, - atë numër telefoni. Telefoni celular me numër 068 20 30 419, rezulton i regjistruar në AMC me emrin e tij, të cilin ne nuk po e bëjmë publik, derisa prokuroria të nisë hetimet.

Ajo që ende nuk kemi verifikuar është nëse mesazhet e mëparshme kërcënuese për marrje personash peng, janë të bëra nga njerëz të grupit të këtij deputeti apo jo.

Dje në mesditë është regjistruar mesazhi i fundi i ardhur nga numri tjetër i telefonit që përdorin kërcënuesit, në të cilin thuhet: "U frikee ë?". Ky mesazh tregon lidhjen që ekziston mes këtij deputeti dhe kërcënimeve të mëparshme që ka marrë kryeredaktori i gazetës.

Megjithëse numri është bërë publik, askush nga Prokuroria nuk është interesuar për rrethanat dhe administrimin e këtyre provave. Ditën e hënë, Kryeredaktori i gazetës do të dorëzojë në prokurori gjithë listën e këtyre mesazheve të ruajtuara në telefonin e tij privat.



Gazeta TemA

[Albo]

Akuzat e Edi Ramës marrin të pandehur drejtorin e gazetës "55"

Prokurorë që gënjejnë me shkrim e me gojë

Fahri Balliu

Vazhdimisht, ftesat për gjyq më gjejnë tek berberi afër redaksisë. Kjo është një koinçidencë jo fort pa kuptim. U bë që nga viti 1997, që ftuesit e gjyqit marrin 40% të pagës me letrat që sjellin në redaksinë e "55"-ës. Këtë radhë, niveli i akuzës është fort i ngritur në kategori. Pra, per shkak te padise se Edi Rames, prokuroria e rrethit të Tiranes merr te pandehur drejtorin e gazetes "55". Natyrisht, kjo eshte per nje shkrim te caktuar kunder Edi Rames dhe Blendi Gonxhes, por Gonxhja eshte ne frengji. Pavaresisht nga botimi i ketij shkrimi, ne numrat qe pasojne, gazeta duke respektuar etiken profesionale, boton kunderthenien rreth ketij shkrimi, duke e konsideruar keshtu, e zbatuar ligjin per shtypin shqiptar, qe ka nje nen dhe vetem nje: "Shtypi eshte i lire".

Zelltare politike, por dhe joprofesionale ne prokurorine e Tiranes, gjate hetimit te çeshtjes nuk me bene asnje ftese per te vajtur ne prokurori, por kerkuan kryeredaktoren e gazetes, zonjen Blegina Agolli, e cila duke zbatuar ligjin, u paraqit. Mirepo ne prokurorine e Tiranes gjeti dy Koçi Xoxistë te vertete, njeri prej te cileve deklaroi drejtpersedrejti: "Une t'i mbush hundet me gjak!" S'po ia ve emrin tani ketu, per nje arsye qe do te dale ne zhvillim te kesaj çeshtjeje. I alarmuar nga kjo sjellje banditeske naziste dhe e tipit te Nevzat Haznedarit, une personalisht shkova ne prokurorine e Tiranes dhe mora takime me kryeprokurorin e Tiranes. Ky i fundit, per hir te se vertetes, e futi ne rrjedhen normale çeshtjen. Mirepo, tamam kur çeshtja po qartesohej (qe i binte data e Shen Valentinit), zv/prokurori Henrik Ligori, ndersa çonte dhuraten e Shen Valentinit, perserit nje sjellje arrogante, perseri me kryeredaktoren, duke thene: "Merreni te pandehur!" Zoti Ligori, te jete i sigurte qe do te jetë i pandehuri i gazetes "55" per nje kohe shume te gjate, derisa te mesoje se shtypi zberthen edhe dhuratat e Shen Valentinit.

Pavaresisht nga te gjitha keto, prokuroria e rrethit te Tiranes, ne shkresen me numër protokolli 200, pa daten e dergimit, ka bere vete dy shkelje te renda.

1- Ka thirrur kryeredaktoren kur akuza e Rames ishte ne emrin tim

2-Mua me ka thirrur vetem dy javet e fundit, kur e kishin kopsitur servilizmin e tyre ndaj kryebashkiakut, i cili eshte sot gangrena e shoqerise shqiptare.

Sigurisht, qeveria më e korruptuar e botes, me kryeminister Fatos Nanon dhe bashkepunetor te ngushte Edi Ramen, që hetohet nga nje komision parlamentar, e ka pjese te fushates per te fashistizuar jeten e vendit. Shtimi i padive gjyqësore ne drejtim te gazetareve, eshte bere keshtu perpjekja klasike per te mposhtur fjalen e lire. Edi Ramës qe deformoi pisten e hetimit te atentatit te Ylli Pangos, per shkak se kishte frike nga kandidimi i ketij per kryetar bashkie, nuk i zgjon instikt profesional prokurorise se Tiranes. Por i zgjon nje shkrim, për të cilin vete gazeta, duke respektuar te drejten e lirise se shtypit, e ka kryer pergenjeshtrimin ne rastin e ketij shkrimi. Dhe kjo ketu nuk le shteg, jo per te pandehur, por as per t'u shprehur me edukate: "Ju lutem, mos u nxitoni!"

Gjithsesi, ndersa komisioni parlamentar heton vjedhjet miliardëshe te Edi Rames, ne i drejtohemi deres se gjyqit si te pandehur.

Ditet qe vijne nuk do te jene te lehta, as per servilet e pushtetit, as per zelltaret politike te drejtesise qe i therret origjina, as per infantilet profesionale qe kane pavione kuruese, rikthimin ne auditor.

Gazeta 55


Nje tjeter kryeredaktor ne kercenimin e njerezve me pushtet.

[ganoid]

Mero Baze eshte kryredaktori i nje gazete e cila ka shkruar nje artikull duke akuzuar kryeministrin Nano. Ky i fundit eshte prekur nga ky shkrim dhe njekohesisht dinjiteti i tij eshte ulur. Mendoj se eshte e drejte e vet morale dhe ligjore qe ta akuzoje per shpifje.Nqs del qe akuza ndaj Bazes eshte e vertet le te paguaj Bazja ca lek dhe te veje mend.

Sa per ate mesazhin qe ka marre Baze duhet te beje padi ne prokurori per kercenim jete dhe me vertetimin me ane te provave qe duket se jane e zeze mbi te bardhe te burgoset personi pergjegjes.

Per kete kauze mund te ngrihet edhe nje komision parlamentar pasi kemi te bejme me nje kercenim nga ana e nje njeriu me imunitet.

Pse i harxhon fuqite Berisha me njerez pa imunitet qe shume mire mund te hetohen nga prokuroria dhe nuk merret me keta deputet me imunitet te cilet jane te paprekshem nga prokuroria.
Berisha duhet ti leje fjalet boshe dhe te luftoje per te cuar ne burg kete bandit qe kercenon me jete.

Po ashtu PS-ja vet nqs e mban veten parti serioze duhet te beje shembull dhe te tregoje se nuk eshte parti kriminele duke e hedhur para ligjit njeriun e vet.

[Vinny_T]

Shtypi, media e shkrojtur dhe ajo elektronike jane duke treguar haptazi diskredibilitetin e tyre kur duhet folur per gjera thelbesore dhe ato gjera qe ne na pengojne te jetojme.
Kemi gazetare dhe kryeredaktore shume te guximshem kur vjen fjala per te bere nje artikull mbi nje aksident te ndodhur ku jepet ora, rruga, tipi makines, karburantin qe ajo perdor, targat e saja, ngjyra, ishte me kondicioner apo jo.......kurse kur vjen puna per te denoncuar shkeljet ndaj lirive me elementare nga njerrez rrugeçer qe po na qeverisin atehere nuk kemi me media, shtyp te lire po kemi vetem pronare mediash qe jane miq e shok dhe fitojne tendera nepermjet heshtjes apo publicitetit qe bejne per politikanet tane.
Ja çfare shkruan me poshte Mero Baze dhe pse nuk e njoh personalisht, dhe pse nuk e di se sa kredibel eshte me duket se kjo qe nenvizon ne artikullin e tij ka senc dhe duhet perkrahur me gjithe forcat.

Akuza që vijnë prej heshtjes

Rasti i parë: Disa ditë më parë në Tv Klan ndodhi një krizë. Një ditë lajmet munguan në ekran dhe kur rifilluan, u pa qartë se ekrani dhe zëri imitonin sjelljet politike të Fatos Nanos. Kryeredaktori u shkarkua pasi u rrah publikisht në mbledhje të redaksisë, ndërsa një grup gazetarësh u pushuan nga puna për rebelim. Në shtyp nuk është shkruar asgjë rreth kësaj, por personazhet janë të gatshëm t'i tregojnë këto histori deri në kafene.

Rasti i dytë: Dy ditë më parë Preç Zogaj denoncoi në Top Channel kryebashkiakun Edi Rama se ka dirigjuar fushatën e manipulimit të medias për pistën e atentatit të Ylli Pangos. Pati kurajon ta bënte disa minuta pas Preç Zogajt edhe Ylli Rakipi, botuesi i gazetës "Albania", i cili pranoi se dhe gazeta e tij ishte përdorur për këtë pistë perverse nga të njëjtat kanale shtetërore. U përfol dhe kryeredaktori i gazetës "Shekulli", por ai, edhe këtë herë, si në rastin e Lubonjës, i bëri një shpjegim kinez burimit të këtij infomacioni dhe ia faturoi Berishës.

Rasti i tretë: Për herë të parë në gjithë historinë e gjyqeve me personazhe shtetërore, dy ditë më parë jam kujdesur vetë për të shpërndarë njoftimin mbi gjyqin me kryeministrin Fatos Nano. U kam faksuar redaksive kryesore padinë e prokurorisë dhe një njoftim për shtyp të gazetës. Thuajse të gjitha gazetave, televizioneve dhe ambasadave në Tiranë. Më parë, s'e kam bërë kurrë këtë. Dhe gazetat kanë shkruar. Disa kanë kërkuar madje dhe intervista.

Dje në mëngjes, për herë të parë, e pashë me sytë e mi ç'do të thotë pushtet i plotë i kryeministrit mbi shtypin. Pothuajse asnjë gazetë, përveç gazetës "55" dhe "RD"-së, dhe asnjë stacion televiziv, nuk e botoi lajmin mbi padinë e kryeministrit ndaj një kryeredaktori. Në një kohë që ai është një lajm shumë më i rëndësishëm se sa gjyqi i të njëjtit kryeredaktor me Makbule Çeçon, Skënder Gjinushin apo ndonjë mafioz italian. Nuk mund t'i akuzoj deri në fund kolegët e mi gazetarë për këtë, pasi ata janë në dorë të kryeredaktorëve. As këta të fundit nuk mund t'i akuzoj deri në fund, pasi shumica e tyre më telefonuan për solidaritet, por lajmin nuk e botuan.

Janë tre raste brenda një jave që përcillen me heshtje dhe frikë. Heshtje ndaj një pushtimi brutal i medias nga njerëzit e kryeministrit dhe kryebashkiakut, dhe frikë nga botimi qoftë, edhe i një lajmi të rëndomtë si kronikë gjyqësore. Unë nuk mund të këshilloj kolegët e mi që heshtin, për të ngritur zërin, unë nuk mund të paragjykoj as nevojën që kanë për rrogë dhe kartvizitë false si kryeredaktor dikush prej tyre. Atë që mund të akuzoj pa frikë deri në fund, është njeriu që ka vendosur pushtetin e frikës në shtyp. Ai është Fatos Nano. Shtypi shqiptar 13 vite pas rënies së komunizmit, po prodhon "heronj të heshtur", njerëz të rebeluar që nuk ngrenë dot zërin për të thënë se janë dëshmitarë të kësaj historie. Por dhe kështu ata vlejnë si ilustrim i frikës për të folur kundër pushtetit të Fatos Nanos.

Mero Baze

[Orku]

Mariglen gazetat nuk kane lene gje pa thene per Berishen 99% e te cilave jane mashtrime. Me thuaj cilin gazetar apo redaksi hodhi ne gjyq ai per shpifje ??

E di qe do te thuash puna e tij nese nuk deshiron te merret me gjyqe, por e verteta qendron me lart se kaq. Une jam dakort se shtypi nuk duhet te abuzoje me lirine e tij, por kur shtypit (atij opozitar) fillon dhe i tregohet dera e burgut per cdo shkrim qe ben kunder kryeministrit me pretendimin se duhet te arumentoje cdo akuze qe ngren atehere nuk kemi me nevoje per shtyp pasi mund ta zevendesojme ate me nje kronike gjyqi.

Me kete nuk deshiroj ta rreshtoj veten ne anen e atyre qe shpifin, te cfaredolloj krahu qofshin ata, por dua te them se nje personazh publik dhe politik e aq me teper nje kryeminister nuk mund ti lejoje vetes te hape procese gjyqesore kunder gazetareve te opozites pasi fuqia politike dhe mediatike i del dhe i tepron per t'iu pergjigjur akuzave qe ngrihen ndaj tij.

Per me teper qe nano perpara se ti kerkoje Bazes llogari per njerezit qe kane hyre ose jo ne qelite e tij , le te jape llogari per akuzat per vjedhje qe ka bere ndaj anastas angjelit dhe edi rames ..... pra sic e shikon ligjin shoku fatos nuk e kupton njelloj per te gjithe por ndryshe per veten ndryshe per Meron.

Tel i deputetit nga ku dergohen mesazhet eshte pikerisht ai i erion braces ... deputetit qe do kontrolloje veprimaterine e edi rames.

[ALBA]

Erjon Braçes t'i hiqet imuniteti

Deputeti socialist identifikohet si kërcënuesi i kryeredaktorit të gazetës "TemA". Sot prokuroria merr dosjen e plotë të mesazheve dhe kërkesën e opozitës për heqjen e imunitetit

Kleves Bitro

Opozita shqiptare ka reaguar shumë ashpër dje në seancë plenare në lidhje me presionin ndaj mediave të shkruara dhe elektronike nga ana e kryeministrit Fatos Nano dhe "grushtit të ngushtë të njerëzve rreth tij", siç u cilësuan bashkëpunëtorët e tij në këtë aksion të kohëve të fundit. Me fjalorin më të ashpër të shprehur ndonjëherë në sallën e Kuvendit, opozita ka paralajmëruar Nanon se nëse nuk heq dorë nga praktika e vënies nën kontroll të mediave me çdo mjet, atëherë vendi do të hidhet në protesta masive, protesta të cilat parashikohen të jenë më të mëdhatë e viteve të fundit për çështje kaq kardinale. Ndërkohë është përcaktuar në parlament data 23 qershor si fillimi i mocionit për debat me kryeministrin e vendit në lidhje me problemin e lirisë së mediave në Shqipri. Por zhvillimet e djeshme në Kuvend kanë nxjerrë emrin e deputetit socialist Erion Braçe si autorin e kërcënimeve për jetën e kryeredaktorit dhe botuesit të gazetës së TemA, Mero Baze. Ka qenë deputeti demokrat Edi Paloka i cili ka kërkuar heqjen e imunitetit të Erion Braçes për këto akte të shëmtuara, megjithëse ai shprehu "habinë" e vet se si "një person si Braçe, (i cili nuk mban dot brekët e veta), të gjejë kurajon dhe të kërcënojë në mënyrë të hapur gazetarët". Në fjalën e tij më të ashpër të mbajtur në sallën e Kuvendit, vetë kryetari i PD-së Sali Berisha deklaroi se "Një grusht i vogël njerëzish rreth zotit Nano është kthyer në xhelat të studiove televizive dhe gazetave". Ai paralajmëroi Nanon të mos mendojë se "do i dorëzojmë fjalën e lirë". "Po e paralajmëroj këtu në Kuvend se nëse ai nuk heq dorë nga praktikat e tij, ne do të organizojmë protestat më të papara", theksoi kryetari demokrat. Berisha sqaroi se media po shndërrohet e tëra në media të klaneve, ndaj kërkohej nga Kuvendi thirrja sa më urgjente e Nanos për të dhënë llogari para opinionit. "Gazetarët opozitarë dhe njerëzit e spikatur të shtypit, personalitete të mendimit të lirë janë bërë pre e atentateve terroriste për shkak të oponencës së tyre publike. Qeveria ka heshtur, ka mbrojtur ekzekutorët, ka fshehur gjurmët e krimit, ka denigruar dhe hedhur baltë mbi viktimat. Qëndrimet individuale të Kryeministrit dhe politikat tij të joshjes dhe ndëshkimit nga funksioni shtetëror dhe duke abuzuar me të, përbëjnë një kërcënim të drejtpërdrejtë ndaj lirisë së shprehjes si shtyllë themelore e lirisë së përgjithshme dhe e rendit kushtetues demokratik në Shqipëri. Pikërisht për të mbojtur lirinë Kushtetuese dhe shtypin e lirë nga dhunimi qeveritar, është kërkuar edhe mocioni për debat në Kuvend. Shtypi i korruptuar dhe i shitur tek qeveria mëkohet me tendera rrugësh apo reklama pa fund, ndërkohë që shtypit të pavarur i vështirësohet aksesi deri edhe në burimet e informacionit zyrtar", ka theksuar Berisha. Kryetari i PD-së dhe deputeti Paloka kanë theksuar se "Përveç presioneve nëpërmjet taksave dhe tatimeve, kohët e fundit po shihet edhe presioni i akteve terroriste". Si fakt për këtë është sjellë rasti i "Gores" së Nanos, Erion Braçe, i cili ka kërcënuar me vdekje një botues. Mocioni për debat mbi lirinë e medias do të zhvillohet në datën 23 qershor, një javë pas mocionit me debat që do të zhvillohet në datën 16 qershor sërish me Nanon protagonist, por kësaj radhe për krimin e organizuar.


--------------------------------------------------------------------------------

Paloka: Të ndiqet penalisht "Gorja i Nanos"

Deputeti i opozitës Edi Paloka ka kërkuar dje në seancë plenare heqjen e imunitetit të deputetit Erion Braçe për shkak të identifikimit të emrit të tij me kërcënuesin për jetën të kryeredaktorit të gazetës "TemA", Mero Baze. "Kërkoj këtu heqjen e imunitetit të 'Gores' së Nanos, Erion Braçes, i cili, me nder jush, nuk ka fuqi të lidhë as brekët e tij, dhe tani na u trimëroka dhe ka kurajon të kërcënojë me jetë gazetarët", është shprehur Edi Paloka në seancën e djeshme. Ai nuk është lejuar që të flasë më shumë nga kryetari i Kuvendit me pretekstin se kërkesa duhej të ishte zyrtare dhe se me çështjen e mediave, Kuvendi do të merrej në datën e caktuar për debatin. Paloka ka kërkuar fjalën në Kuvend, pas kërkesës për ndërhyrje proceduriale ku më pas ai ka folur në mbrojtje të fjalës dhe shprehjes së mendimit të lirë në rendin demokratik.


--------------------------------------------------------------------------------

Dëshmia që do t’i paraqitet Prokurorisë së Tiranës për mesazhet kërcënuese

Mesazhet që vijnë nga Komisioni Rama

Lista e shumicës së mesazheve kërcënuese që duket se kanë lidhje me veprimtarinë e gazetës dhe hetimet në Komisionin Rama. Pse mesazhi kërcënues i Erion Braçes ka lidhje me mesazhet e mëparshme dhe të mëpastajme drejtuar kryeredaktorit të gazetës “TemA”

Mesazhet në celular (SMS), për kryeredaktorin e gazetës “TemA” kanë nisur egzaktësisht më 23 prill 2003. Nga shqyrtimi që i kemi bërë përmbajtjes së mesazheve dhe tematikës së gazetës, shihet se mesazhet nisin ditën që gazeta ka filluar botimin e një sërë artikujsh të “Gazeta Shqiptare” kundër kryetarit të bashkisë Edi Rama dhe një editorial kritik mbi faktin që kjo gazetë ka keqpërdorur faqet e saj për të përshkruar identikitin e një vrasësi të panjohur të Florian Vilës si dhe ka hedhur një pistë të dyshimtë hetimi për rrëmbimin e nipit të Sulo Shehut.

Pasi mesazhet vazhduan në mënyrë të rregullt në përputhje me botimet që ne bënim, ne ndërpremë për arsye teknike botimin e këtyre artikujve, ndërkaq erdhi mesazhi me këtë përmbajtje: (“E kuptove se është më mirë që secili të shikojë punën e tij. Po e teprove do të mbledhësh në Lanë copat. Ne jemi kudo. Ti je burrë i zgjuar dhe kupton”. (Datë 5 maj 2003 Ora 21 56)

Më pas gazeta vazhdoi të botonte dosjet e plota të Komisionit Rama dhe mesazhet vazhduan deri tek kryemesazhi qartësisht i identifikuar i deputetit Erion Braçe, anëtari më agresiv pro Edi Ramës në Komisionin Hetimor parlamentar.

Për të gjitha këto arsye mendojmë se ka një lidhje logjike mes kërcënuesve, detyrës së gazetës për të publikuar fakte kundër korrupsionit dhe personave që kanë qenë në shenjestër gjatë kësaj kohe. Për të gjitha këto arsye i kërkojmë prokurorisë shqiptare të fillojë hetimin e plotë për këto mesazhe, të cilat përveçse po shërbejnë si një element shtesë presioni mbi shtypin, përbëjnë dhe rrezikshmëri shoqërore për jetën dhe të afërmit e gazetarëve të gazetës “TemA” dhe drejtuesit të saj, të cilit i janë adresuar.


--------------------------------------------------------------------------------

Le t’i rendisim më poshtë sipas datës dhe orës këto mesazhe:

SMS, 0692500986

23 prill 2003, ora 12:16

“Po e tepëron, do të lidhemi përsëri”



23 prill 2003, ora 14:16 minuta

“Kujdes”



23 prill 2003, ora 15:29

“Do hakmerren tek njeriu yt jashtë familjes të mos duket i lidhur me ty... Po munde largoje nga Tirana”



24 prill 2003, ora 10:02

“Dhe kaq bëra shumë po e mbyll”



26 prill 2003, ora 23:26

“Është rradha jote”



29 prill 2003, ora 09:29

“Bëhu gati sot”



2 maj 2003, ora 23:04

“I thamë ta zgjedhë vetë me helm apo me thikë se letrën e bëjmë vetë. Nuk jeni gjeni gazetar”



04 maj 2003, ora 00:08

“Tek Piramida ke një suprizë”



Datë 5 maj 2003, Ora 21:27

“Policia jemi vetë”



Datë 5 maj 2003, Ora 21:56

“E kuptove se është më mirë që secili të shikojë punën e tij. Po e tepërove do të mbledhësh në Lanë copat. Ne jemi kudo. Ti je burrë i zgjuar dhe kupton”



Datë 12 maj 2003, ora 23:13

“?”



Data 12 maj 2003, Ora 23:27

“Mos na provoko më. E dijmë që nr me nëntëdhjetë e një është yti. Po do të vazhdojmë gjë që bëhet.”



Data 16 maj, Ora 23:34

“Do na lësh dorë të lirë na pëlqen pak”



Datë 18 maj 2003, ora 10:35

“Mbaroi”



18 maj 2003, Ora 22:47

“Me mbidozë është vdekje e ëmbël, ne e bëjmë për respektin që kemi për ty”



Data 21 maj 2003, Ora 16:04

“Arkivolin ta bëmë të kuq”



Datë 22 maj Ora 00:32

**********



Datë 23 maj, Ora 22:10

“Fund blu”



Datë 23 maj 2003, Ora 00:11

**********



Datë 27 maj, Ora 22:57

“Kemi një lajmërim vdekjeje, do ta nxjerrësh në gazetë”



Datë 30 maj, Ora 09:30

“Do të të shuaj Mero. Ti e di shumë mirë që unë nuk merrem me gazeta po do të merrem me ty. Këtu dhe në Tepelenë. Tani shko sigurohu tek Beri.”

(Ky mesazh ka ardhur nga telefoni i Erjon Braçes.)

Pasi u bë publik ky mesazh nga gazeta “Tema” pasuan dhe dy mesazhe të tjerë nga i njëjti numër i mëparshëm SMS 0692500986



Datë 31 maj 2003, Ora 15:49

“Sa frikeee”



Datë 1 qershor 2003, Ora 23:55

“Do na kujtosh gjatë”


--------------------------------------------------------------------------------

Diferenca e çmimeve në pothuajse të gjitha zërat mes projektit "Kthim në Identitet" për kohën kur Rama ishte ministër Kulture dhe kur ky dikaster drejtohej nga Esmeralda Uruçi, llogaritet në 40 për qind më e lartë


marre nga Tema

[ALBA]

Hija që rri fshehur në mushkëritë tona

Nga Mero Baze

Një kolegu ynë, gazetar i njohur i agjensisë gjermane të lajmeve, Roland Siegloff, dërgonte dje një e-mail, i cili më bënte të ndihesha keq. I trullosur me lajme të këqija nga Shqipëria, i bombarduar me njoftime për gjyqe dhe mafiozë që përparojnë drejt pushtetit, i informuar mirë për aferat e Kryeministrit dhe historitë e tija rozë dhe të përgjakshme, më falënderonte për atë çfarë gazeta dhe unë po bëja për të informuar. Pas tij, një nga drejtuesit e lartë të politikës së jashtme italiane, na konfirmoi se parlamenti italian do të bënte një rezolutë zyrtare mbi gjendjen e lirisë së shtypit në Shqipëri ku do të përfshihej ndoshta edhe promemorja e 47 parlamentarëve të së Majtës italiane për Lubonjën. Të tjerë kolegë gazetarë jashtë Shqipërisë premtojnë faqe të tëra në dispozicion për t'u solidarizuar me atë që po ndodh këtu. E gjithë kjo them se më bën të ndihem keq, se janë më shumë patriotë se ç'duhet dhe më dhimbset imazhi i Shqipërisë, por mbi të gjitha për distancën reale që shfaqet, jo vetëm në infrastrukturën shtetërore, por dhe në kulturën e një shoqërie që pretendon lirinë. Si për të të bërë dhe më keq, - përveç gërricjeve të 'bip'-it të mesazheve që nuk pushojnë, - njerëz të ndryshëm në kafene dhe rrugë, përpiqen të të respektojnë pa qenë nevoja, vetëm pse kanë marrë vesh se "jam në gjak me shtetin". Këto detaje të dhimbshme që mbushin ditën e një gazetari në Shqipëri, janë 'skaneri' real i hijes që rri fshehur në mushkëritë e reja të demokracisë shqiptare. Kultura e solidaritetit personal dhe e mosangazhimit publik, është një kulturë vrasëse për shoqëri të tilla si e jona. Unë ndihem keq që kolegë të mi në shtypin perëndimor, e marrin për heroizëm thënien e së vërtetës në Shqipëri, ndërkohë që ajo duhet të ishte një objekt i punës sonë të përditshme. Por më keq ndihem kur shikoj se raporti me të vërtetën në shumicën e kolegëve të mi në Tiranë, është raport që kalon nga hinka e ngushtë e qirave favorizuese të shtetit për redaksitë, nga rrogat e sigurta në fund të muajit, nga filtri i reklamave shtetërore e privilegjeve financiare personale, deri tek më e keqja, tek kapaku i rëndë i heshtjes, që të kujton vërtet kodet e frikshme të familjeve mafioze.

Por ajo që vazhdon të mbetet shqetësuese në këtë shoqëri, nuk është egërsia e shtetit ndaj shtypit, nuk është lehja e koneve në "barçet" e zotit Nano dhe ata që bëjnë si gore për t'u neveritur deri në fund para qytetarëve. Shqetësuese mbetet fakti që këtu dikush pret që bota të ngrihet në këmbë dhe të pengojë qeverinë që të mos na pengojë ne që të flasim. Dikush pret që liria të mos zërë vend brenda nesh, por të kalojë midis nesh, sa për ta na rimbushur me frymë dhe të largohet pa qenë pronë e askujt. Dhe tashmë që kjo po ndodh, unë shikoj njerëz të gëzuar se po fitojmë lirinë, ndërkohë që ne po rihumbasim shansin të bëhemi njerëz të lirë, për ta ndalur vetë të keqen

[Albo]

Ky incident i rende, si merite kryesore dhe vlere te tij ka pikerisht se demaskoi fare hapur dy grupe:

1. Grupin e njerezve me pushtet qe kercenojne lirine e fjales.
2. Mediat e paguara shqiptare qe jane ne diktatin e plote te njerezve me pushtet.

Hidhini nje sy mediave shqiptare te shkruara, pervec gazetes Tema dhe ndonje gazete te djathte, asnje gazete tjeter nuk e ka pasqyruar kete lajm edhe pse ceshtja tashme ka vajtur ne prokurori dhe opozita ka perkuar interpelance ne kuvend.

Kjo sjellje e mediave fsheh bashkefajesine ne krim dhe ky eshte nje akt i denueshem jo vetem moralisht por edhe ligjerisht.

Albo

[Orku]

BalkanWeb qe jep lajme ne kohe reale nuk thote asnje gjysem fjale per faktin qe kryeredaktori i ZP si dhe deputet i parlamentit kercenon me jete Kryeredaktorin e Temes.

[Honezmi]

Po te shikoshe dhe Prokuroria e Pergjithshme me Sallakun, po heshte dhe po mbulone koken si ai STRUCI!!
Sallaku menjehere duhet te dilte ne konference shtypi dhe te sqaronte e te siguronte opinjonin se, kercenime te tilla do te marin ndeshkimin e merituar dhe se Prokurorija nuk qendrone indiferente karshi kercenimit qe i behet GAZETARIT Mero Bazes dhe shtipit te lire.Por i pa afti Sallaku s'ka per te bere asgje.......

[Orku]

OSBE: MEDIAT DHUNOHEN NGA QEVERIA

Interesat e mediave ne biznes, nderthuren me interesat e politikaneve! Nje deklarate e tille u be dje nga ambasadori i Prezences se OSBE-se ne Tirane, Osmo Lipponen. Sipas tij, niveli i influences qe ushtrohet ne media per te fituar avantazhe politike, eshte nje ceshtje qe ngre shume shqetesime. Ajo perben nje pjese te vecnte te raportit qe prezenca e Tiranes, do i prezantoje misionit drejtues te OSBE-se neser ne Vjene, ku do te kete nje seance te posacme per Shqiperine. Ne kuader te ketij raporti, ambasadori Lipponen beri te ditur se do perfshihet edhe problemi i mbeshtetjes se forte qe krijojne nga qeverite per mediat, reklamat e leshuara prej saj.

"Po ashtu shqetesues eshte edhe fakti i rritjes se procese gjyqesore per shpifje, apo kercenimet per te hapur procese te tilla", shtoi Lipponen. Nga ana tjeter, ambasadori i prezences se OSBE-se nuk la pa permendur faktin e debimit te gazetareve nga seancat plenare ne Kuvendin e Shqiperise, gjate proceseve te votimit ne keto seanca. "Ky veprim i drejtuesve te Kuvendit, ka rritur shqetesimin e Prezences, e cila do vazhdoje ta ndjeke kete ceshtje nga afer", pohoi Lipponen.

Te njejtin shqetesim ngriti dje ne nje konference per shtyp edhe lideri i opozites, Sali Berisha. Ai vazhdoi te akuzoje kryeministrin Nano dhe klanet e tij per nje persekutim te vazhdueshem ndaj mediave, te cilat kundershtojne qeverine. Lidhur me nje fakt te tille, Berisha perseriti serish kerkesen e tij per mocion debati ne parlament ndaj kryeministrit. "Mediat nuk mund te vazhdojne te jene me te perndjekura kur nuk thone ate qe do Kryeministri", tha Berisha.

OSBE nuk njeh ankesat e partive te vogla

Per ambasadorin e OSBE-se ne Tirane, nuk duhet te ekzistojne pakenaqesi nga ana e partive te vogla lidhur me kodin e ri zgjedhor. Sipas Lipponen, ai permban aktet e duhura ne lidhje me zgjedhje, prandaj dhe nuk besohet qe partite e vogla te kene gjera te paplotesuara. Nga ana tjeter, Lipponen nuk la pa pershendetur edhe punen voluminoze te bere nga dy bashkekryetaret e komisionit bipartizan ne lidhje me hartimin ligjor te reformes zgjedhore. Por Lipponen ne perfundim te deklarates se tij pohoi se qeverise ende i duhet te punoje per te zgjidhur probleme te tilla si persosja e sistemit te gjyqesorit dhe ne luften kunder korrupsionit dhe krimit te organizuar. Sipas tij, prezenca do te jape ndihmen e saj edhe ne lidhje me lehtesimin e debatit mbi pronat. Do te krijohet nje grup eksppertesh per te punuar ne komisionet parlamentare per rishikimin e te dhenave mbi trojet ekzistuese dhe haartimin e nje ligji realist.

E.Nasi

[Vinny_T]

Jane te njetat verejtje qe bejne dhe komisionet e Komunitetit Evropian per asocjim stabilizim dhe qe ne pergjithesi interpretohen sikur Evropa sna do te miren po vetem na kritikon!
9fare po ndodh me mediat aktualisht ka nje fare kohe qe ka filluar dhe jane shume te pakte ata pronare e editorialist qe ruajne etiken e gazetareve.

[Orku]

ALARMI FALS I OSBE-së


--------------------------------------------------------------------------------



Zyra e OSBE-se në Tiranë është e shqetësuar për lirinë e shtypit në Shqipëri. Këtë e deklaroi dje ambasadori finlandez Osmo Lipponen, i cili do të paraqesë në Vjenë, përballë 55 vendeve anëtare të Organizatës, raportin e tij periodik mbi vendin tonë. Eshtë befasues arsyetimi i shqetësimit të prezantuar nga Lipponeni: sipas tij, çka kërcënon lirinë e shtypit është "mbështetja e fortë me reklamat e institucioneve qeveritare".
Ky argument është kopjuar (pa thellime) nga shumë diskutime të disa eksponentëve politikë e gazetave të tyre) që akuzojnë qeverinë se "ka blerë shtypin". Natyrisht, është e vërtetë që në Shqipëri, ashtu si në mbarë botën, pushteti përpiqet të fitojë simpatinë e mjeteve të informacionit, duke tentuar të orientojë përmbajtjen e gazetave dhe të televizioneve. Por gjykimi i OSBE-së duhet të bazohet në të dhëna objektive dhe jo në vlerësime subjektive: pra, a është e vërtetë që informacioni në shtypin shqiptar është deformuar nga "korrupsioni publicitar"? Këtë duhet të tregojë Lipponen, por duhet ta bëjë pasi të ketë lexuar çdo ditë të përditshmet dhe të ketë ndjekur televizionet, e jo duke u nisur nga një pohim në princip. Pra nga një paragjykim. Lipponen përfaqëson OSBE-në, që mes të tjerash, ka për detyrë të promovojë lirinë e shtypit në demokracitë e reja. Por ndërhyrjet e kryera nga OSBE-ja në këtë drejtim, të paktën në Shqipëri, janë gati zero. Mjafton të lexosh atë që reklamojnë në sitin e tyre në internet, http://www.osce.org/albania/press/, për ta verifikuar Shtypi është i lirë nëse është ekonomikisht i fortë, dhe në vendin tonë nuk bëhet asgjë që të përmirësohet gjendja e ndërmarrjeve editoriale. Nuk e bën këtë qeveria (ose e bën fare pak), nuk e bën OSBE, as Pakti i Stabilitetit, dhe as ndonjë organizatë tjetër ndërkombëtare. Duket sikur këtu nuk ekziston asnjë problem.
OSBE skandalizohet nëse dy ndërmarrje publike bëjnë reklama në gazeta dhe televizione (dy dhe vetëm dy, të cilat e bëjnë dhe në shtypin partiak dhe mbi atë opozitës), por nuk skandalizohet që në Shqipëri, treguesi i lexuesve të gazetave, është ndër më të ultët në botë: mjafton të mendosh që sipas "Ëorld Association of Neëspaper" në Finlandë (Lipponen duhet ta dijë shumë mirë) në botë shiten 544 kopje gazetash për çdo 1000 banorë, në Shqipëri, me vështirësi shiten 50 (dhe më keq se ne, është India, Afrika e Jugut, Sri Lanka, Indonezia apo Kenia).
OSBE, që shqetësohet për lirinë e shtypit, nuk e vret mendjen se në Shqipëri gazetat shiten ende trotuareve, si bananet; nuk shqetësohet që ekziston një ligj mbi çmimin e gazetave që shërben të shmangë konkurrencën e pandershme e që Shteti nuk e respekton; OSBE nuk shqetësohet, që në ndryshim nga gjithë vendet europiane në Shqipëri nuk ekziston një ligj mbi shtypin dhe as financime publike në favor të gazetave. OSBE nuk shqetësohet që në Shqipëri ekziston pirateria televizive që ka shkatërruar tregun dhe se Enti Regullator i Frekuencave nuk ka asnjë pushtet për ta ndaluar. OSBE-së nuk i intereson që në Shqipëri, politikanët mund të ofendojnë e të shpifin ndaj gazetave e gazetarëve e këta të fundit nuk mund të mbrohen pasi politikanët kanë imunitet, gazetarët jo.
OSBE-ja shqetësohet nga dy kontrata reklamash të bëra nga dy ndërmarrje publike dhe harron se në shumë vende të Europës institucionet publike e kanë të detyrueshme me ligj të publikojnë në gazeta bilancet e tyre, apo gjykatat të publikojnë disa vendime. OSBE-ja në vend që të kritikojë reklamat shtetërore, duhet t'i nxisë, duke kërkuar për shembull publikimin e vendimeve administrative, të vendimeve të qeverisë, të ligjeve të reja: pasi vetëm në këtë mënyrë realizohet ajo transparencë në administratën publike që shërben për të luftuar korrupsionin, e duke ndihmuar në këtë mënyrë ekonominë e shtypit dhe shtypin e lirë.
Reklama shtetërore që shqetëson kaq shumë OSBE-në nuk është një problem: nëse kjo reklamë kërcënon lirinë e shtypit, mjafton që një media të mos e pranojë ta publikojë atë reklamë, kështu lirinë e ka të garantuar. Kërcënimi i vërtetë i lirisë është atëherë kur një gazetë nuk ka zgjedhje. Pastaj nëse do të ishte e vërtetë që pas çdo reklame ka korrupsion, ç'mund të themi për reklamat që vetë OSBE (apo dhe të tjerë organizma ndërkombëtarë) bëjnë çdo ditë në shtypin e ditës dhe në televizione? Ajo që ndodh sot në Shqipëri, ndodh në gjithë botën, ndodh në vendet e Eurpës së civilizuar, në Shtetet e Bashkuara, por atje askush nuk skandalizohet.
Ne falenderojmë OSBE-në që shqetësohet për lirinë në media, por do t'i jemi vërtetë mirënjohës nëse shqyrton problemet e vërteta të informacionit dhe jo vetëm ato të përdorura nga propaganda politike që fatkeqësisht ka vetëm një qëllim: të shkatërrojë edhe atë pak liri shtypi që e kemi fituar me kaq mundim.

[kundraRRYMES]

Kjo tregon qe "Gazeta Shqiptare" eshte teresisht e pavarur , por njekohesisht eshte teresisht varur. Se nga cili/cila kete po e tregon dita dites me shkrimet e saja te larmishme. Nje nga keto shkrime ishte edhe shkrimi i sotem mbi OJQ, dhe realitetin e nxire te Shqiperise.
Kjo flet qe shtypi ne shqiperi eshte teresisht i pavarur, pasi nuk "varet " ne asnje fije peri, por eshte nje institucion ne duart e atyre qe i "duan te miren" shqiperise.
Rrofte kryereadaktori i "gazetes shqiptare", informatori i vockel i sherbime sekrete, dhe mijushin qe po "bren" pak nga pak dosjet e Sigurimit te shtetit...

[Vinny_T]

Kryeredaktori i gazetes shqiptare ka qene roje ne nje nga magazinat me popullore te Parisit dhe e mirenjohur nga shqiptaret pasi ka dhe çmimet me te ulta e quajtur TATI.
Kur nje roje behet kryeredaktor per nje vit pasi eshte kthyer nga Franca me duket pak qesharake se si mund te quhet gazeta ajo qe ka per redaktor ate person.
Dua te kuptohem drejt qe nuk kam asgje me personin ne fjale se mund te jete dhe njeri shume jorrekt dhe ka fituar me pune rrogen qe merr por po flas vetem nga ana profesionale e kjo me duket absurde qe me nje CV te tille te behesh kryeredaktor ne nje nga te perditeshmet me te medha te vendit!

[ALBA]

POLITIKA

Gruaja e re e kryeministrit kërcënon për shkarkime nga puna, stafin e ngushtë të Fatos Nanos



Alarm në kryeministri për zyrën e Xhoanës



Zëdhënësja e Xhoanës Anila Rrushi, shefi i riemëruar i kabinetit, Emin Barçi, si dhe këshilltari kryesor i kryeministrit, rrezikojnë të shkarkohen, nëse nuk zbulojnë kush i dha informacion gazetës "TemA" për zyrën e Xhoanës në kryeministri. Gruaja e kryeministrit, Xhoana Nano, ka kërcënuar dje stafin e ngushtë të kryeministrit se do të marrë masa drastike, nëse nuk gjendet personi që ka informuar gazetën "TemA" për ekzistencën e zyrës së saj në kryeministri. Gjatë paradites së djeshme, ndërsa gazeta u interesua për një reagim zyrtar mbi lajmin e botuar në shtyp për zyrën e zonjës Nano, burime nga kryeministria konfirmuan panikun që ekziston në zyrat e qeverisë nga alarmi që ka dhënë Xhoana Nano. Burime nga stafi i Kryeministrit i thanë gazetës se Xhoana Nano ka urdhëruar hetimin e secilit prej stafit të Kryeministrit që mund të ketë kontakte me gazetarë ose drejtues të gazetës "TemA" dhe sidomos personin me të cilin ka kontaktuar dje gazetarja e gazetës "TemA". Pasi nuk ka mundur të nxjerrë ndonjë përfundim konkret nga hetimi, më të rrezikuarit kanë mbetur Agim Isaku, Emin Barçi dhe Anila Rrushi, që janë dhe njerëzit më të afërt përkatësisht të Fatos dhe Xhoana Nanos. Zëdhënësi i kryeministrit Aldrin Dalipi është përjashtuar nga hetimi, ndërsa është dhënë urdhër i rreptë që të mos jepet asnjë konfirmim në shtyp për shkrimin, edhe nëse ky kërkohet. Pas kërcënimeve të para dhe situatës alarmante që ekziston në kryeministri, Xhoana Nano ka premtuar se, nëse do të arrijë të vërtetojë që lajmi nuk ka dalë nga zyrat e qeverisë, do t'i bashkohet padisë së bashkëshortit të saj për gazetën.

[Albo]

Dade: Dua 1 milion leke nga "Korrieri"

Gjykata e Tiranes nis shqyrtimin e padise se depozituar nga Ministrja e Kultures, Rinise dhe Sporteve kunder gazetes per skandalin e trafikut te 30 femijeve nga Kavaja. Kerkesat e Dades dhe pse deklarimet e numrit dy te FSHF, Sulejman Starova, jane kunder saj

Arta Dade ka kerkuar nga gazeta "Korrieri" t'i paguaje 1 milion leke per demin qe, sipas saj, i eshte shkaktuar nga publikimi i shkrimeve gjate zbulimit te skandalit te trafikut te 30 adoleshenteve kavajas. Ne zyrat e "Korrieri"-t ka mberritur dje flete-thirrja e Gjykates se Tiranes, e firmosur nga gjyqtari Pajtim Hoxha. Bashkengjitur kerkeses se gjyqtarit, qe "Korrieri" te dale para Gjykates, eshte edhe padia e ministres se Kultures, Rinise dhe Sporteve, Arta Dade. Ne kete padi ministrja 50 vjecare shprehet, nepermjet drejtoreshes Juridike dhe te se Drejtes se Autorit, Nikolina Ristani, se publikimet e bera nga e perditshmja jane te pasakta dhe mashtruese. "Ministri i Kultures, Rinise dhe Sporteve nuk ka firmosur asnje note verbale, apo dokument tjeter, me ane te te cilit te kerkonte prane Ambasades se Mbreterise se Hollandes, pajisjen me viza te ndonje ekipi sportiv apo grupi artistik", thuhet ne padi. Me ane te se ciles, pretendohet, qe Gjykata te detyroje "Korrieri"-n te pergenjeshtroje te dhenat e publikuara dhe t'i paguaje Ministrise qe udheheq Dade, shumen 1 milion leke.

Megjithate, para hartimit te padise se saj, Dade duket te mos kete lexuar gjithcka eshte shkruar nga gazeta, kur policia zbuloi se 30 te rinj kavajas ishin inkuadruar ne ekipin e futbollit "Adriatik" dhe ishin pajisur me viza hollandeze. Ne keto shkrime, "Korrieri" i eshte referuar deklarimit te sekretarit te Pergjithshem te Federates Shqiptare te Futbollit, Sulejman Starova. Sipas Staroves, (per pajisjen me vize) eshte e detyrueshme nje firme nga Ministria e Kultures, Rinise dhe Sporteve, sepse "ambasadat njohin si pale shteterore vetem Ministrine dhe jo Federaten". Ne kete rast, gazeta ka bere nje pasqyrim te deklarimeve te numrit dy te FSHF-se, sipas te cilit, per pajisjen me viza te nje ekipeve sportive duhet nje firme nga Ministria e drejtuar prej Arta Dades. E cila ka preferuar te padise gazeten, duke kerkuar per kete edhe 1 milion leke.

[ALBA]

Njeriu më i afërt i Edi Ramës dhe Gramoz Ruçit në Tiranë kërcënon gazetën "TemA"

Halim Jaho me pistoletë tek "TemA"

Agresori është ndërtuesi më i preferuar i Edi Ramës në Tiranë, që hyn në zyrën e tij pa trokitur. Gazeta ka botuar faksimilet e akteve të blerjes së tokave me 1600 lekë metri katror në Palasë, si pasuri e firmës 'Kamberi', ndërkohë që çmimi i tokës atje është rreth 70 dollarë metri katror. Lidhjet e tij me Gramoz Ruçin dhe Edi Ramën, pasojnë të kaluarën e tij si ushtar fanatik i Blerim Çelës

Dje rreth orës 17:30 në redaksinë e gazetës "TemA" hyri një person i armatosur, i cili me një fjalor prej banditi ordiner, filloi të fyejë dhe kërcënojë stafin e gazetës dhe kryeredaktorin e saj. Pas disa sqarimesh, kërcënuesi u identifikua si Halim Jaho, për të cilin gazeta kishte botuar faksimilet e Komisionit hetimor anti-fajde për një blerje të dyshimtë të pronave të firmës "Kamberi" në Palasë të Vlorës. Kërcënuesi u largua pasi anëtarët e redaksisë u detyruan ta nxjerrin atë jashtë nën kërcënimin se do të njoftonin policinë. Duke u larguar, kërcënuesi përmendi disa emra të lartë zyrtarësh socialistë, mes të cilëve emrin e Gramoz Ruçit si person që i siguronte atij imunitetin për të kërcënuar me jetë gazetarët.

Pretendimet e tij ishin se ne kemi botuar, mes të tjerash, një faksimile të aktit të blerjes së tij, për tokat në bregdet, ku lexohej qartë dhe emri i nënës së tij. Duke turfulluar dhe duke futur dorën herë pas herë në brez ku mbante një pistoletë, agresori thoshte se gazeta e kishte fyer duke përmendur faktin që ai ishte "Halimi i Hankos".

Ne e sqaruam se thjesht kishin botuar gjeneralitetet e familjes së tij sipas prokurës që na kishte ofruar Komisioni, por ai ngulte këmbë ende se ishte shumë i fyer që i kishim përmendur emrin e nënës (Hanko). Kjo na bindi se arsyeja përse ai kishte ardhur ishte thjeshtë një pretekst për të kërcënuar gazetën dhe për t'i bërë shërbime dikujt tjetër.

Nga të dhënat tona, ky është personi më i afërt i deputetit socialist Gramoz Ruçi dhe kryebashkiakut Edi Rama.

Redaksia e gazetës "TemA" do të bëjë një padi në prokurori për dhunim të vendit të punës dhe kërcënim për jetën, ndaj këtij agresori. Ndërkohë sot po ribotojmë faksimilet e blerjeve që agresori përpiqet të fshehë përmes kërcënimeve për jetën.


--------------------------------------------------------------------------------

Kush është agresori?

Sipas të dhënave të para që mësoi redaksia, dhunuesi i redaksisë së gazetës "TemA" është një ish bashkëpunëtor i ngushtë i ish deputetit të PD-së në Tepelenë, Blerim Çela. Duke qenë i lidhur ngushtë me Çelën, deri në truproje vullnetare të tij, ky anonim arriti të rreshtohej ndër fanatikët që u përdorën për vjedhje votash më 26 maj në Tepelenë. Më pas, sapo filloi skandali i firmave piramidale, i njëjti person është rreshtuar në Komitetet e Shpëtimit. I ardhur në Tiranë për merita të luftës së vitit 1997, ai filloi të angazhohej në biznesin e ndërtimeve në Tiranë. Duke pasur mbështetjen e fortë të Gramoz Ruçit, së bashku me persona të tjerë 'me merita' në ngjarjet e vitit 1997, ai arriti të merrte leje ndërtimi në qendër të Tiranës, pranë sheshit 'Skënderbej' dhe në kullat buzë bulevardit, pranë selisë së BE-së në Tiranë, për të cilat diplomatë të huaj kanë ngritur akuza se janë kulla që pastrojnë paratë e krimit.

Lidhjet e tij më të forta aktualisht në Tiranë i ka me kryebashkiakun Rama. Ai është njeriu për të cilin thuhet se hyn pa trokitur në zyrën e kryebashkiakut dhe ka qenë mbështetësi i tij kryesor financiar në fushatën elektorale. Duke qenë të hapur për problemet që ne kemi me kryebashkiakun, nuk jemi të bindur nëse agresori është nxitur prej tij, apo nga dikush tjetër në përpjekjen për të dhunuar gazetën.


--------------------------------------------------------------------------------

[Albo]

Akuza bombë për Kryeministrin nga deputetët e Kuvendit. Mesazhet në celular për joshje financiare dhe policët në dyert e redaksive. Zbulohen pronarët realë të medias elektronike që kontrollohen nga Kryeministri i Shqipërisë

Mafia kontrollon shtypin, Nano kontrollon mafian

Gjergji Koja

Opozita shqiptare kërkoi dje miratimin e një rezolute ku i kërkohej qeverisë të ndalte presionin mbi shtypin dhe të vendoste mbi baza ligjore, barazinë e medias para reklamave shtetërore dhe të drejtës për informim. Seanca e cila u pasua nga debate të ashpra, pati momente kulmore kur botuesi i gazetës "Koha Jonë", Nikoll Lesi, akuzoi Familjen Nano si diktuese të një politike të paprinciptë mbi shtypin dhe dëshmoi tentativat e kryeministrit Nano për blerjen e medias.

"Fatos Nano dhe segmente të tjera qeverisëse po përpiqen të vënë nën kontroll mediat nëpërmjet politikave të ndryshme. Shtypi qeveritar merr në çdo moment të ardhura të pafundme, ndërsa shtypi joqeveritar, përveç se vuan nga një sërë problemesh, ka tejet të vështirë edhe për të marrë informacionin zyrtar", u shprehën deputetët e opozitës. "Gazetarët jo qeveritarë, botuesit dhe analistët e njohur në vend u janë nënshtruar presioneve të pafundme, deri në kërcënime për likuidime fizike. Editorialistë, botues dhe analistë janë kërcënuar madje u janë nënshtruar edhe dhunës apo atentateve terroriste, për të vetmen arsye se nuk janë me Fatos Nanon dhe qeverinë e tij. Nano ka krijuar një terr informativ. Qeveria e tij nuk ka zbardhur asnjë prej atentateve terroriste, përkundrazi përmes ndikimeve në media është munduar që të ngatërrojë edhe pistat, duke ndikuar negativisht në ecurinë e hetimeve", thuhet në deklaratën e bërë para kuvendit nga grupi parlamentar i opozitës. Deputeti Gjana u shpreh se nisur nga kjo situatë e krijuar në media opozita kërkoi këtë debat me mocion dhe më pas i kërkon Kuvendit të miratojë një rezolutë.

Për më shumë se tre orë deputetët e opozitës kanë denoncuar veprimet qeveritare ndaj mediave, ndërsa deputetët e mazhorancës janë rreshtuar në krah të kryeministrit Nano duke marrë në mbrojtje qeverisjen socialiste. Kështu një sërë deputetësh socialistë duke marrë në mbrojtje qeverinë kanë bërë një krahasim mes periudhës kur në pushtet ka qenë qeveria e PD-së dhe në periudhën kur në qeveri janë socialistët, duke mos u fokusuar vetëm tek qeveria Nano.

[Albo]

Kryeministri humb qetësinë

Nano: Parlamenti të më hetojë për presionin ndaj mediave

Kryeministri Nano, në fjalën e tij para parlamentit, nuk ka pranuar në asnjë moment akuzat që janë ngritur mbi të, madje përkundrazi është shprehur se qeveria që drejton nuk do të lejojë më që mediat apo pronarë mediash të vazhdojnë të mos respektojnë ligjet dhe rregullat e lojës për një ekonomi tregu. Në jo pak raste kryeministri Nano ka humbur qetësinë dhe duke ngritur dhe ashpërsuar tonet, ka deklaruar se një pjesë e mediave, në momentin kur qeveria filloi luftën ndaj trafiqeve, u rreshuan në krah të ekonomisë informale, pasi ushqimi i vetëm i tyre është kjo ekonomi. Më tej kreu i qeverisë deklaroi se asnjë prej mediave nuk është mbyllur për shkak të represioneve qeveritare. "Ne po vendosim bazat për funksionimin e mediave. Thirrja ime këtu në një debat nuk i përgjigjet aspak realitetit. Unë nuk e kuptoj se ç'lidhje ka qeveria me mediat, kur ka instrumenta të tjera ligjorë që luajnë rolin e rregullatorit në tregun mediatik", u shpreh Nano. Sipas tij të gjitha deklarimet e bëra nga opozita janë veçse akuza të pabaza. Nano tha se në asnjë redaksi nuk është ushtruar presion apo është ndikuar për të ndryshuar politikat editorialiste të një redaksie. "Unë nuk e kuptoj se ç'lidhje ka me lirinë e shtypit, kur pallati ku është vendosur një media është i paligjshëm. Unë nuk e kuptoj se ç'lidhje ka me lirinë e shtypit kur çdo zyrtar në fund të fundit është një qytetar dhe kur i drejtohet gjykatës për të zgjidhur një mosmarrëveshje me një media zbaton vetëm ligjin", u shpreh Nano. Më tej ai ka shtuar se qeveria që drejton nuk synon të joshë mediat.

Nano u shpreh se ai personalisht është i gatshëm t'i nënshtrohet çdo hetimi parlamentar, i cili do të ketë si objekt hetimi ndikimin apo presionin që kryeministri ushtron mbi mediat. Më tej ai u shpreh se gjatë qeverisjes së socialistëve janë ngritur një sërë mediash qoftë të shkruara dhe elektronike, gjë që në kohën e qeverisjes së PD një gjë e tillë ishte e pamundur. "Ne kemi krijuar një situatë aq të favorshme sa gjatë 6 viteve të qeverisjes sonë janë ngritur një sërë mediash elektronike dhe të shkruara, duke shtuar në këtë mënyrë lirinë e mediave dhe të drejtën e informimit", u shpreh Nano.