Zgjidhja e Krizes Presidenciale

[baobabi]

Edhe monarkia nuk do ishte zgjidhje e keqe. Monarkia moderne nuk e perjashton demokracine.
Edhe vete Britania monarki eshte porse mbreteresha ka vendin e saj. Madje festoi edhe 50 vjetorin e mbreterimit te saj dje.

Mendoj se populli shqiptar nuk e ka te njejtin koncept per monarkine dhe kjo eshte edhe pasoje e konceptit te partive kryesore qe nuk e shohin monarkine si nje zgjidhje edhe per ta

Me cpo shoh une Nano duket i vendosur per tu bere president

Zgjedhje te parakoheshme dhe te drejta, ne kuptimin qe te gjitha partite ti binden njera tjetres para se te hyjne ne gare, gjate gares dhe ne marrjen e vendimit, do te ishin zgjidhja me e mire per momentin.

Nano edhe mund t'a marre pushtettin porse demokraci ska per te pasur, sic edhe nuk ka pasur keto 12 vjet pluralizem ne shqiperi.

Demokracia eshte nje sistem jetese me rregulla qe i zbatojne qytetaret.

Nuk ka demokraci pa nje besim reciprok, i cili ne realitet mungon, ka munguar dhe qe i eshte ofruar gjithmone shqiptareve nga evropa tere kohen.

Deshtimi i shqiptareve qendron ne te mospranuarin e demokracise nga ana e partive kryesore politike.

Kur sheh se partite po pergjaken per te zoteruar drejtimin, ate do shohesh te zbatuar nga keto parti edhe ne jeten e vendit

[Spartacus]

Permbi te gjitha shqiperise i duhet nje figure e paperzier politikisht. Eduart Selami nuk eshte njeriu i duhur.

Jo se Selami nuk eshte i denje, por duke ditur se sa te opinionuar jane shqiptaret, ai vazhdimisht do akuzohej si i anshem gje qe do ia bente punen si president gati te pamundur.

Ndoshta 10 a 20 vjete me vone, Eduard Selami mund te kontribuonte si President i vendit.

Nderkohe me duhet te them se propozimi i Ismail Kadare eshte teper intrigues dhe interesant.

Rendesi ka te qendrohet larg njerezve qe edhe u ngjajne per fytyre Fatos Nanos dhe Sali Berishes.

[figura]

Ja se çbehet....

Lexoni artikullin e shkeputur nga Koha Jone..

June 6, 2002_-ja do te vendose per formen e bashkepunimit me opoziten dhe per presidentin konsensual". Keshtu deklaroi dje sekretari i marredhenieve me publikun, Bardhyl Agasi ne perfundim te mbledhjes se kryesise socialiste. "Ne vendosem thirrjen e KPD-se se PS-se per te shpallur kandidaturen per presidentin e vendit qe do t'i paraqitet parlamentit shqiptar me date 16 qershor.

Do te kete nje mbledhje tjeter kryesie, por data e KPD-se eshte caktuar perfundimisht 16 qershori", tha Agasi. Persa i perket ceshtjes nese presidenti do te jete konsensual ose jo, sekretari socialist shtoi: "natyrisht ne do t'i permbahemi rezolutes qe kemi aprovuar bashkarisht. Ne nuk i levizim bashkepunimit me opoziten".

Sipas Agasit, KPD-ja do te vendose per numrin e kandidaturave qe do t'i paraqiten Kuvendit. "Ne shfaqem vleresimin per rezoluten e parlamentit shqiptar ne pergjigje te rezolutes se PE-se per marreveshjen sa me shpejt te stabilizimit dhe asociimit me BE-ne. Kryesia vleresoi zhvillimin me sukses te gjithe axhendes se saj ne ekzekutiv dhe legjislativ duke i qendruar besnik FMN-se dhe BB-se", deklaroi sekretari socialist.

Kryesia e PS-se diskutoi dje gjeresisht edhe per zgjedhjet e reja ne deget e partise ne rrethe dhe per kontestimet qe ka patur ne disa konferenca. Agasi tha se deri tani ne Komisionin Qendror te Garancive Statutore kane mberritur 12 ankesa nga anetare te PS-se. "Konferencat u zhvilluan krejt normalisht duke zbatuar normat e statutit te PS-se.

Ka pasur dhe raste te cilat jane kontestuar dhe jane paraqitur per shqyrtim ne KQGS, gje qe tregon demokracine e brendshme te partise", tha sekretari Agasi. Ai shtoi se aty ku ka pasur shkelje, KQGS-ja do te ndalet dhe do te perseriten rastet qofte per kryetaret, qofte per komitetet drejtuese. "Ankesat zakonisht jane paraqitur nga vete individe, anetare te thjeshte te partise ose dhe nga forumet e partise dhe ne rastin qe eshte paraqitur nga nje i deleguar i kryesise, ishte rasti i PS-se se Hasit, dhe eshte paraqitur nga une qe isha i deleguar ne kete rreth", shtoi Agasi. Sipas tij, i takon KQGS-se per te vendosur per perseritjen ose jo te zgjedhjeve per Komitetet Drejtuese apo per kryetar partie.

Erl Murati

[Albo]

Meidani: Presidenti, me marreveshje PS-PD

Kreu i shtetit shprehet se procesi i konsultimeve per Presidentin e ri duhet te behet ne strukturat parlamentare, ne perputhje me rezoluten e Kuvendit dhe Kushtetuten: Per ceshtje emrash te angazhohen ne menyre perfundimtare pikerisht grupet parlamentare apo strukturat funksionale brenda Kuvendit, te cilat kane te drejten e votes

Elton METAJ

TIRANE - Presidenti i Republikes, Rexhep Meidani, shprehu dje preferencen e tij, qe procesi i zgjedhjes se kreut te ri te shtetit te behej ne strukturat parlamentare. Nderkohe, ai ka kerkuar edhe respektimin e rezolutes se Kuvendit, qe flet per zgjedhjen e Presidentit "permes nje procesi konsensual, te plote pozite-opozite, si dhe sipas procedurave kushtetuese".

I pyetur se c'mendon per mbledhjen e partive te opozites, keshilltari dhe zedhenesi i Presidentit te Republikes, Mentor Nazarko, duke percjelle mendimin e kreut te shtetit, tha se "nuk ka asnje gje te keqe nga diskutimet paraprake ne tryeza partiake apo ne forma te tjera". "Por me tej, - shtoi keshilltari i Meidanit -, ne perputhje me rezoluten e fundit te Kuvendit dhe Kushtetuten e Shqiperise, do te ishte mire, qe per ceshtje emrash apo per probleme te tjera, qe lidhen me zgjedhjen e Presidentit, te angazhohen ne menyre perfundimtare pikerisht grupet parlamentare apo strukturat funksionale brenda Kuvendit, te cilat kane me Kushtetute te drejten e votes per te zgjedhur Presidentin, nepermjet konsultimeve, negociatave apo formave te tjera te diskutimeve, fare normale per nje vendim te tille". Deklarimi i Meidanit vjen nje dite pasi opozita akuzoi Partine Socialiste ne pushtet per prishjen e marreveshjes, lidhur me rezoluten e Kuvendit, ne te cilen flitej per zgjedhjen e nje Presidenti permes nje procesi konsensual, te plote pozite-opozite, duke respektuar nderkohe percaktimet e shprehura ne Kushtetute. Gjithashtu, Meidani, duke preferuar nje proces parlamentar, duket se shpreson qe ne nje perballje te mundshme me Nanon, opozita do te votoje per rimandatimin e tij.

Ndersa ne lidhje me mbledhjen e parashikuar te Komitetit te Pergjithshem Drejtues te PS dhe asaj se c'pret Presidenti Meidani prej saj, zedhenesi sqaroi se "ka nje vije konstante ne sjelljen e kreut te shtetit gjate pese vjeteve te mandatit te tij: eshte ajo e institucioneve dhe respektimit te tyre". Ne kete kuptim, sipas zedhenesit, Presidenti e beri te qarte edhe ne intervisten dhene per "Dojce Vele" pak jave me pare, se "nese struktura te tilla partiake dhe parlamentare sa me te gjera mendojne se une (Meidani) mund t'i sherbej Shqiperise per nje periudhe te dyte po me kete fryme, jo duke luajtur rolin e protagonistit, por rolin e moderatorit, jo te urdheruesit, por te sugjeruesit te ideve te reja, une do te thoja se do te ishte fare normale qe t'i pergjigjesha pozitivisht ofertave te tilla nga strukturat politike dhe parlamentare" .

Deklarimet e Meidanit jane bere edhe pas nje takimi, qe ai ka zhvilluar dje me kryetarin e Parlamentin, Servet Pellumbi. Ne kete takim mesohet te jene diskutuar dy variantet e mundshme te zgjedhjes se Presidentit, permes forumeve, ku behet fjale per KPD, apo mes grupeve parlamentare. I pyetur dje ne linje telefonike nga "Korrieri", kryeparlamentari Pellumbi, tha se i mbetej qendrimit te tij, te shprehur tashme publikisht. Pak dite me pare, Pellumbi tha se zgjedhja e Presidentit "eshte proces parlamentar dhe duhet te perqendrohet ne Parlament". "E rendesishme dhe thelbesore eshte te merret ne konsiderate opinioni i atyre qe te propozojne, jo vetdeklarimet", u shpreh kryeparlamentari, i cili dy dite me pare mesohet t'ia kete paraqitur qendrimin e tij edhe kryesocialistit Nano, nje nga pretendentet per te qene numri nje i shtetit.

Burime nga presidenca i thane dje "Korrieri"-t se Meidani dhe Pellumbi mesohet te kene konverguar ne qendrimin e tyre se grupet parlamentare dhe strukturat e Kuvendit duhet te angazhohen ne nje proces bisedimesh, konsultimesh apo negociatash per emrin e Presidentit te ardhshem. Qe do ta zhvendoste garen nga KPD e PS, ku duket se testimet paraprake te Meidanit kane rezultuar jo shume ne favor te tij. Megjithate, theksimi i rolit te opozites ne procesin e zgjedhjes se Presidentit, sipas analisteve, mund te jete nje perpjekje e Meidanit per t'i bere presion strukturave te partise qe e votoi 5 vjet me pare postin e Presidentit.


Nderkohe, i pyetur per debatin dhe analizat, qe kane karakterizuar kohet e fundit edhe median elektronike dhe te shkruar ne lidhje me ceshtjen e zgjedhjes se kreut te shtetit, zedhenesi percolli "falenderimin e Presidentit per angazhimin qytetar te medias, te gazetareve, te intelektualeve, por edhe te politikaneve, qe po i japin nje dimension te ri vete procesit te zgjedhjes, nepermjet vleresimeve, analizave, apo gjykimeve konstruktive dhe realiste".

Mandati pesevjecar i Presidentit Meidani perfundon me 24 korrik, ndersa Parlamenti pritet te filloje me 24 qershor procedurat e zgjedhjes se kreut te ri te shtetit. Me 16 qershor socialistet kane vendosur te mbledhin Komitetin e tyre te Pergjithshem Drejtues, nga pritet te dale edhe emri i kandidatit per President. I cili, i shoqeruar nga te pakten 20 firma deputetesh do te depozitohet si kandidat zyrtar. Lideri socialist Nano dhe Presidenti Meidani kane shprehur qellimin e tyre per te synuar Presidencen e vendit, per te cilen do t'u duhet te sigurojne ne Parlament te pakten 84 vota.

[Brari]

PD-ja humbi ne zgjedhjet e para pluraliste.
PD humbi ne referendum.
PD humbi perball "lamasheve" te trekendeshit te Bermudes(zona e kllonuar me gene staliniste VLORE-BERAT-Lushnje).
PD humbi ne zgjedhjet e fundit.
PSE???

Sepse ne kte Parti jo miu po dhe Kuajt e Trojes hedhin valle nen mustaqet e Berishes.

Ja c'thot NANO...(shekulli).
------------
Kryetari i PS-së mohoi zërat për një tërheqje nga kandidimi. Ai premtoi bashkëpunim serioz me PD


Nano: Unë president me votat e opozitës


"Më vjen keq që Berisha kërkon ta mbajë jashtë opozitën, sepse me këtë rast po zbuloj që disa prej tyre votojnë për mua"


TIRANË - Kryetari socialist Fatos Nano deklaroi dje se do të marrë edhe vota nga opozita. Për herë të parë qysh kur kreu socialist shpalli publikisht kandidaturën, u shpreh me bindje se përveç votave të socialistëve ai pret të marrë edhe vota nga deputetët kundërshtarë, nëse ata lejohen sipas tij nga Berisha të marrin pjesë në seancën e votimit. "Më lejoni t'iu them që unë opozitën nuk e konsideroj një ekip futbolli. Nuk e konsideroj një ekip tifozësh. Unë jam shumë serioz në ofertat politike, institucionale dhe publike për të institucionalizuar, strukturuar një proces bashkëpunimi afatgjatë maxhorancë -opozitë në këto ditë me opozitën dhe mbi këtë bazë më vjen keq që zoti Berisha kërkon ta mbajë jashtë opozitën, sepse me këtë rast po zbuloj që disa prej tyre votojnë për mua", -deklaroi kryetari Nano gjatë një deklarate për gazetarët në festimet e 11 vjetorit të PS-së. Nano mohoi mundësinë e një tërheqje nga gara për postin e presidentit, duke treguar se ai është i vendosur t'i shkojë deri në fund sfidës që e pret. Kreu i PS-së nuk ka përsëritur sërish deklaratën për zgjedhje të parakohshme, por tha se socialistët do t'ia japin votat. "Këto çështje nuk zgjidhen me formula që shpiken në këmbë ose papritmas. Ne jemi një maxhorancë legjitime dhe shumë të vendosur për të vazhduar të qeverisim në dobi të të gjithëve dhe për të zgjeruar hapësirat e integrimit të opozitës në sistemin demokratik", -deklaroi ai. "Shpresoj, tha Nano, që pas gjithë jetës së gjallë që kemi patur së bashku ne socialistët, KPD-ja nuk do të më ofrojë ndonjë surprizë mua. Unë nuk besoj se mund ta trajtoj KPD-në përfaqësuese të partisë më me respekt se sa deri më sot". Kryetari socialist gjatë kësaj periudhe ka patur një sërë takimesh me ndërkombëtarë, të cilët i ka njohur me dëshirën për të kandiduar, si dhe i ka garantuar se zgjedhja e tij nuk do të sjellë ndonjë krizë në politikën shqiptare dhe në vend. Diplomatët e huaj në Tiranë, gjatë këtyre ditëve janë interesuar shumë për kontakte me kreun socialist, për të marrë edhe mendimin e tij rreth situatës së pritshme. Ndërkohë, pas një heshtjeje disaditore, kryetari socialist nuk ka folur më gjatë për kandidimin e tij dhe për platformën që ai ofron si kandidat për president, për t'ia lënë çdo gjë ditës së KPD-së. Gjatë një interviste televizive, kur Nano shpalli kandidaturën e tij për postin e presidentit tha se nuk kishte kandidat më të mirë, sesa kryetari i partisë për të përfaqësuar PS-në në këtë garë të rëndësishme. Sa për kandidatin që ai do të ketë përballë, presidentin aktual Meidani, Nano ka kritikuar punën e tij, gjë të cilën e kanë bërë edhe mjaft nga mbështetësit e kryetarit socialist. Gjithashtu në takimet që ai pati me bazën gjatë fushatës së zgjedhjeve në parti, u kërkoi delegatëve të konferencave që të dilnin me propozime konkrete, se cila do të ishte figura më e përshtatshme për të përfaqësuar partinë në garën e madhe presidenciale. Burimet nga selia rozë deri tani kanë bërë të ditur se në mbledhjen e KPD-së do të kërkohet që Nano të kalojë me konsensusin e të gjithëve dhe të mos i nënshtrohet votimit të fshehtë, gjë të cilën pritet ta kërkojnë edhe mbështetësit e presidentit aktual Meidani.
Darina Tanushi
-------------------------------------


Me Votimin e Klosit u zbuluan disa kuaj Troje ne radhet e PD-se. Me NANON tani dalin dhe te tjere.

Ne se PD pretendon per pushtet ajo duhet te tregoj se ka aftesi te zbuloje e demaskoje se kush ne zyrat e veta jane sahanlepires e spiune te NANOS qe majmin mullaqet me Votat e demokrateve te ndershem.

Te shohim cdo behet deri me 24 .

[Albo]

Edhe pse dita per votimin e presidentit ne parlament po afron, shume pak gjera kane ndryshuar nga muajt e meparshem. Nano vazhdon te coje deri ne fund ambicien e tij per president, opozita betohet me qiell e me toke qe nuk e lejon zgjedhjen e Nanos, kandidate te tjere i shtohen listes se "presidenteve", fallxhoret e shtypit shqiptar parashikojne se do te fitoje njeri apo tjetri. Pra me pak fjale, gara per president eshte bere si puna e llotarise, askush nuk e di se si do zgjidhet, askush nuk e di se kush do te zgjidhet, dhe askush nuk e di se cfare do te ndodhi me pas. Te gjithe jane te gatshem ta pranojne postin qe do tua fali fati.


Si perfunduam deri ketu?

Qe prej 24 qershorit te vitit te kaluar, socialistet u ngopen me lugen bosh. Duke manipuluar votat sa me njerezit e tyre, sa me gjykata e polici, keta kujtuan se do ta mbulonin diellin me shoshe dhe do te mbaniin edhe 4 vjet te tjera pushtetin. Por ajo luga bosh e 24 qershorit, i ka rene pas koke Metes, do ti bier Nanos dhe te gjithe atyre qe "fituan" ne 24 qershor.

Opozita nga ana e saj, zgjedhjet e vitit te kaluar i kaloi me dhimbje pasi nuk mjaftoi pabarazia ne media dhe fonde, por iu desh te perballej edhe me manipulime qesharake mandatesh, jo thjeshte votash. Per cudine e te gjitheve, Berisha u be i urte dhe i la socialistet qe ta conin deri ne fund cmendurine e tyre zgjedhore.

Nano dhe Meta, ishin trimat qe ne 25 qershor 2001 u vune ne gare me njeri-tjetrin se kush do te merte meritat per fitore. Meta mburej brenda partise se ishin policet e tij qe iu siguruan socialisteve votat, kurse Nano mburej me njerezit e tij ne KQZ apo me Abdiun e famshem te gjykates kushtetuese. Dhe socialistet e tjere, ferkuan duart dhe brohoriten nga hera per kreret e partise se tyre, kush per Nanon e kush Meten.

Por buzeqeshja e fitores socialisteve do tu ngrinte ne buze, pasi shume shpejt opozita do te vinte ne levizje te gjitha kontaktet e saj ne Perendim per te denoncuar zgjedhjet jo me deklarata politike por me fakte te mbledhura nga procesi i montuar. Kesaj here Athina nuk mund ti vinte dot ne ndihme Tiranes, pasi matane Adriatikut qeveris nje kryeminister i djathte qe nuk ka fort simpati per ish-komunistet. Sikur kjo te mos mjaftonte, ky italiani i ri eshte nje nder mbeshtetesit me te pa epur te opozites shqiptare ne Perendim.

Teksa Nano dhe Meta benin planet se si te ndanin te ardhurat e bizneseve ilegale, pala italiane po ndermerte aksione kunder trafiqeve qe drejtoheshin nga Tirana. Njerezit e aferm te Metes e Nanos po binin ne duart e italianeve, dhe keta po flisnin edhe per maredheniet e "qeveritareve" me ta. Paniku i izolimit dhe drejtesise qe po u qendron mbi koke pushton si Nanon edhe Meten. Te dy mundohen te mbulohen sa me mire me pushtet, me shprese qe drejtesia italiane nuk do te guxoje ti keputi fijet aq thelle. Nuk ishte hera e pare per Nanon qe vihej nen akuze nga drejtesia italiane, por ishte hera e pare per Meten, qe pas vizites ne Rome, i iku si zeri edhe figura.

Nano kerkon te forcoje pozitat e tij ne Parti teksa shikon qe klani i Metes i kish shtrire kembet mire ne te gjithe trafiqet qe dikur mbuloheshin nga "kabineti i Nanos". Kurse Meta nga ana e tij, si nje provincial paranoik investon poste dhe para per deputete e njerez me pozite ne PS, ne menyre qe te dobesonte pozitat e Nanos. Po ashtu, Meta privatizon gati te gjithe shtypin shqiptar, qe shkruante per llogari te tij.

Me akuzen e Perendimit per zgjedhjet, duhet gjetur nje fajtor ne rradhet e pushtetareve. Ne kete pike, asnjeri nga te dy trimat socialiste nuk guxon te marri persiper fajesine e manipulimit te zgjedhjeve. Dhe te dy fillojne lojen e hedhjes se fajit njeri-tjetrit. Nano, ne pamundesi te luftoje Meten brenda partise pasi Meta tashme ka fituar shumicen, e lufton ate ne publik dhe ne baze. Besoj se nuk i keni harruar akuzat spektakolare te Nanos per gjithe kabinetin Meta per trafiqe ilegale qe nga droga, prostitucioni e deri tek tenderat.

Meta, qe besonte se kolltukun e kryeministrit ia kish fal baba i vet dhe mund ta trashegonte, nuk mundet te perballet me akuzat e Nanos. Keto akuza nuk jane shpifje por jane te verteta qe socialistet ia njohin mire njeri-tjetrit. Meta jep doreheqjen me shprese se tani, "faji do te bier mbi supet e Nanos". Dhe sipas te gjitha parashikimeve, faji ra mbi supet e Nanos. Nano tani kish nevoje per nje kryeminister te ri sa per sy e faqe me Perendimin, dhe per nje imazh te ri per veten. Si ai kameleoni qe shpreson ti shpetoje ndeshkimit duke ndryshuar ngjyrat, Nano del me idene e "katharizmit ne PS". Kjo qe nje levizje tipike alla-Nano qe ne kete pike i kishin ngelur vetem mbeshtetja e elektoratit socialist. Nano e perdor kete mbeshtetje per tiu ckermitur Metes dhe grupit anti-Nano ne PS.

Majko si nje pioner i zellshem ne perjetesi qe eshte, e nxjerr edhe njehere nga situata Nanon, duke pranuar postin e kryeministrit. Tashme qeveria ishte e ndare midis njerezve te Nanos dhe te Metes, me nje kryeminister si Majko qe ka me shume fjale se rezultate konkrete. Majko shkarkon njerezit e Metes me porosi te Nanos duke dobesuar fijet e Metes ne qeverisje dhe duke forcuar pozitat e Nanos. Meta nga ana e tij ndihet i kercenuar nga Rakipi qe punon per llogari te Nanos, dhe voton ne parlament kunder tij se bashku me opoziten.

Si te shpetojme koken nga drejtesia?

Paniku i socialisteve e ka burimin tek bemat e tyre ne keto 5 vjet qe kane qene ne pushtet, dhe tek manipulimi i zgjedhjeve te vitit te kaluar. Ky panik u ndje prej tyre qe perpara se zgjedhjet e qershorit te kaluar te mbaheshin, dhe kjo i detyroi te reagonin ne ate menyre se si reaguan duke manipuluar zgjedhjet me cdo cmim. Pra pushteti per socialistet nuk eshte nje lluks, eshte nje mjet jetik per mbijetese. Me kete pushtet ata mbulojne trafiqet e tyre dhe mbajne larg drejtesine shqiptare nga trafiqet e tyre dhe nga vetja.

Mirepo me fushaten denoncuese te opozites per zgjedhjet, socialistet e kuptuan qe kishin rene me te dyja kembet ne kurthin qe e kurdisen vete. Duke manipuluar zgjedhjet, ata i dhane mundesi opozites qe te fitoje simpatine e Perendimit, dhe te beje mese te besueshme implikimin e qeverise shqiptare ne krimin e organizuar dhe korrupsion. Askush nuk ka me dyshimin me te vogel ne Perendim se kush jane Nano e Meta pasi pane te dokumentuara skenarin e manipulimit te turpshem te zgjedhjeve. Implikimi i institucioneve si gjykatave, policise, KQZ, presidentit treguan me se miri per Perendimin se me ke kane te bejne ne Shqiperi. Jo vetem aq, por demtuan shume imazhin e Shqiperise. Tashme Shqiperia ne syte e perendimoreve eshte nje Kolumbi europiane, ku mafia eshte e gatshme te mbaje me cdo kusht pushtetin. Kjo u be e dukshme me raportin perfundimtar te zgjedhjeve, ku perendimoret denoncojne manipulimet ne zgjedhje por nuk kerkojne perseritjen e tyre, pasi e kane mese te qarte se shteti shqiptar i implikuar ne keto manipulime nuk mund te japi asnje garanci per mbajtjen e zgjedhjeve me te mira se ato te kaluara. Per Tiranen zyrtare fillon izolimi total dhe BE pezullon te gjithe procesin e asocimit te Shqiperise duke vene kushte politike.

(vijon)

[illiriani]

lexova se nga opozita eshte paraqite kandidatura presidenciale e Sabri Godos...cka mendoni ne lidhje me kete?

Kadare nuk po ndegjohet...

[tear-drops]

Vendi defakto është përfshirë në një fushatë presidenciale. Nuk ka debat rreth kompetencave të presidentit apo cilësive të kandidatëve, por llogaritë janë thjesht aritmetike: a do të arrihet numri 84? Kushtetuta dhe mungesa e konsensusit shihen si gjeneruesit e një krize të mundshme politike. Edhe nëse mund të zgjidhet një president konsensual, nuk është vonë që të rishikohet kushtetuta në kapitullin që flet për zgjedhjen e kryetarit të shtetit. Parlamenti, sipas kushtetutës së Shqipërisë, e zgjedh presidentit me 3/5 e votave. Në rast se pas raundesh votimi kandidati nuk siguron 60 % të votave, brenda dy muajve, vendi zhvillon zgjedhje të reja parlamentare dhe sërisht pas zgjedhjeve të reja, detyra e parë që ka kuvendi i ri, është zgjedhja e presidentit, me të njëjtin numër votash. Në rast dështimi kemi sërisht zgjedhje të reja. Në kushtetutë nuk parashikohet se çfarë ndodh pas dështimit të dytë. Ideja e hartuesve të kushtetutës ka qenë e qartë, por vënia e saj në jetë, në një terren të rrëshqitshëm politik, nuk rezultoi e suksesshme. Në kushtet kur një forcë politike apo një kualicion zyrtar e ka shumë të vështirë për të arritur numrin e votave për të zgjedhur kryetarin e shtetit, hartuesit e kushtetutës kanë menduar se duke vendosur numrin 84, të imponojnë një vullnet politik mbi dy forcat kryesore politike, për të gjetur një kandidat, i cili do të gëzonte një konsensus sa më të gjerë. Ideja e një kandidati nga një forcë e tretë politike, do të shërbente edhe për uljen e konfliktualitetit mes dy forcave kryesore politike.
Por zhvillimet e vitit të fundit, kanë treguar se konfliktualiteti mes forcave politike është vendosur brenda tyre. Neni kushtetues që kërkon 3/5 e votave të parlamentit për të zgjedhur presidentin shihet edhe si joshës për të prishur zgjedhjet parlamentare. Në funksion të arritjes së numrit 84, partia në pushtet në zgjedhjet e fundit, provoi të fitonte duke paraqitur njerëzit e saj si kandidatë të pavarur. Kur një gjë e tillë nuk u lejua, falë presionit të faktorit ndërkombëtar, u gjetën metoda të tjera si ajo e zones elektorale 60 që prodhoi 9 deputetë. E gjithë lufta e brendshme në partinë në pushtet, që çoi në paralizën e qeverisë, pezullimin e reformave, dhe vonimin e proçeseve të rëndësishme si ai i Asociim Stabilizimit me Bashkimin Evropian, dhe anëtarësimi në NATO, është lidhur me zgjedhjen e presidentit të ri. Parregullsitë në zgjedhjet e fundit dhe vërejtjet e vëzhguesve ndërkombëtarë, kanë ndryshuar edhe terminologjinë në zgjedhjen e presidentit. Kërkohet një president konsensual. Opozita kërkon si kompensim këtë, për parregullsitë dhe shkeljet që çuan në zgjerimin e fitores së Partisë Socialiste. Mazhoranca, megjithëse teorikisht mund të arrijë në limitin 84 vota, është shprehur së fundi se do të bisedojë me opozitën rreth kandidatëve të mundshëm. Në Maqedoni, Rumani, Bullgari, Jugosllavi, presidenti zgjidhet nga populli. Edhe në Shqipëri për të mënjanuar harxhimin e kohës, tensioneve dhe energjive të panevojshme, presidenti duhet të zgjidhet nga populli. Në këtë mënyrë, kreu i shtetit, megjithë kompetencat e kufizuara ose jo, do të ishte një figurë legjitime, me autoritet dhe do të qëndronte realisht mbi partite politike duke u kthyer në një ekuilibrues dhe gjenerues i stabilitetit politik.

pergatitur nga Lutfi Dervishi

[alumni]

http://www.shekulli.com.al/koment/17...002/cata.shtml

Presidenti, intelektualët dhe demokracia
Nga Edmond Cata

Dr. Ylli Pango para disa kohesh shprehte shqetesimin- sarkazme per mosmarrjen ne konsiderate te intelektualeve prej politikaneve (Pango, Koha Jone, "Brezi i te pambaruarve apo qeverite e te rinjve," 25 Shkurt, 2002). Por diskutimi i sotem i intelektualeve per zgjedhjen e presidentit dhe ato te meparshmit, mjaftojne per te pyetur: Cila eshte cilesia e analizes se intelektualeve shqiptare pare nga kendveshtrimi i kontributit qe pritet prej tyre per konsolidimin e demokracise dhe nga ankimi i tyre per tu marre me shume ne konsiderate? A arrijne opinione-analiza te tyre te ndricojne rrenjet e problemeve me te cilat ndeshet demokracia shqiptare? E te ofrojne zgjidhje serioze?

Kriticizmi qe karakterizon debatin e intelektualeve apo gazetareve (M. Nano, qershor 7, 8; Konomi, 31 maj; Stefani, 30 maj; M. Nano, 28 maj; Harshova 26 maj; Cupi 24 maj; Burimi, 18 maj) nuk perben asnje "herezi." Por po te gjykohet nga thellesia e analizes, ndonese qellim-mire, debati mbetet larg dhenies se nje kontributi cilesor ne analize-njohjen e shkaqeve perse sjellja e politikaneve shqiptare eshte konfliktuale, qeverisja e dobet, institucionet te paqendrueshme, demokracia shqiptare problematike.

Duke u marre vetem me faktin e dites, intelektualet nuk kane arritur te behen nje ze imponues. Duke rrezikuar keshtu te mos merren seriozisht ne konsiderate edhe ne te ardhmen per shkak te kater mangesive serioze.

Se pari[/i], prej marrjes vetem me faktin e dites. Qe I ben diskutimet e tyre te mos arrijne te nxjerrin rrenjet e problemeve, bejne sintezen e dukurive, e ofruar zgjidhje serioze. Shqetesimi i intelektualeve mbart tone te forta kritike dhe alarmi. Por ai vjen pa memorie, pa koherence, thjesht si reagim ndaj faktit te dites, dhe sic lind po ashtu tretet pas ngjarjes se radhes. Po kaq te shqetesuar sa per zgjidhjen e presidentit kane qene ata edhe per perplasjen President-Parlament-Gjykate Kushtetuese per rastin Rakipi, levizjen katarsis, cilesine e qeverisjes Meta, apo pastertine e zgjedhjeve te qershorit. Por sot, shqetesimi per keto ceshtje nuk ndjehet fare. Diskutimet e tyre nuk arrijne te ravijezojne asnje shkak madhor te veprimeve te politikaneve. "C'tha ky" "c'beri ai" mbeten strumbullari i debatit, ndersa dinamika e dites shpesh identifikohet me ate nese demokracia shqiptare funksion apo jo. Prandaj Dr. Pango, mosmarrja ne konsiderate e zerit te intelektualeve, pertej injorances se politikaneve, mund te shpjegohet ndoshta me sindromen e tyre te reflektimit te nje shqetesimi pa memorie, pa sinteze, pa aftesi depertonjese ne shkaqet problem-gjeneruese te demokracise shqiptare. Titujt Doktor, Profesor, Assistent Profesor qe intelektualeve ju pelqen aq shume ti vene me germa te medha prane emrave te tyre, sot ka ardhur koha te justifikohen me debate cilesore.
Vete Dr. Pango, ne kalimin nga leksionet e studiove televizive, tek thirrja per nje oponence aktive, qytetare te intelektualeve e rinise ndaj qeverisjes konfirmon ndergjegjesimin per nje rol te fuqishem dhe te pavarur te intelektualeve. Drejte! Por ceshtja eshte: A mund te arrijne intelektualet shqiptare ti atashojne vetes ate lloj stature dhe konsiderate qe kane koleget e tyre ne perendim, pa nje kontribut cilesor ne qartesimin e rrenjeve te fenomeneve negative?

Se dyti, prej subjektivizmit dhe konfuzionit. Qe mbillen tek lexuesit permes opinioneve krejtesisht subjektive dhe inkoherences se pikepamjeve. Opinionet personale, llogjet e kafeneve apo pertejoqeanore, e bejne diskutimin e intelektualeve ti mungoje argumenti i mbeshtetur ne studime serioze apo burimeve te konfirmueshme.

E verteta, e drejta, mbeten gjithmone subjektive, por ato behen akoma edhe me subjektive brenda opinioneve personale te pambeshtetura nga zera te tjere. Klosi ne debatin me Zaloshnjen, duke ju kujtuar intelektualeve cilat parime e bejne serioz nje debat, ben prezent pikerisht kete mangesi (Adrian Klosi, "Nacionalizmi shterp," Shekulli, 15 Maj 2002).

Nese intelektualet duan seriozisht qe te merren ne konsiderate, menyra e vetme jane diskutimet larg subjektivizmave personale, ku uni apo kendveshtrimi personal nuk mungojne, por ofrohen si pjese e nje kori me te madh qe mbledh brenda vetes shume UNE-ra! Ajo qe dominojne debati mbi zgjedhjen e presidentit jane antonimia "konsensual"-"jokonsensual" dhe konfuzioni. Sqarimi i "konsensusit" si koncept (Frrok Cupi, "Ky zoteri konsensus," Koha Jone, 24 Maj 2002), apo I rolit te tij si nderlidhes mes moralit dhe ligjit (Andrea Stefani, "Presidenti, imoraliteti I politikes dhe korrupsioni," Shekulli, 30 Maj 2002), perpiqen te shperndajne konfuzionin. Cupi ka te drejte kur e quan konsensusin "…absurd…dhe te pabazuar ne asnje nga teorite e demokracise." Po ashtu edhe Stefani kur e sheh ate si "…moral, jo ligjor," "…produkt influence te huaj sesa nje norme," "…nje tërheqje morale… per te korrigjuar një shtrembërim të ligjshëm." Por ato mbeten zera te vetmuara, qe nuk arrijne ngjizjen e nje analize- shpjegimi ndricues perballe vrullit te te tjereve per tu rreshtuar pro (Arjan Konomi, "Presidenti dhe nderkombetaret," Shekulli, 31 Maj, 2002) ose kundra (Ilir Harshova, "Komedia e Presidentit," Shekulli, 26 Maj, 2002) "rekomandimeve" te BE, SHBA, apo pozicionimeve te politikaneve shqiptare (Mustafa Nano, "Kur ngaterrohet shteti me pushtetin," Shekulli, 7 Qershor 2002; "Zgjidhja e Rebusit Presidencial," Shekulli, 28 Maj 2002) duke mbetur kesisoj edhe te pasukseshme.

Duke u kapur vetem pas faktit nese e meriton apo jo Nano te behet president, [u[debati i intelektualeve ka humbur pikerisht ate qe duhet te jete qendrore ne shqetesimin e tyre, aspektin institucional te demokracise shqiptare: Sa aktoret politike shqiptare reflektojne te luajne sipas rregullave te lojes dhe respektojne rezultatet? Nese rregullat, institucionet dhe rezultatet nuk respektohen, cila eshte arsyeja e vertete? Ndikimi i te huajve? Predispozita e aktoreve politike shqiptare? Apo papersosmeria e institucioneve tona?

Burim konfuzioni nuk jane vetem veshtrimi shterp i Konomit apo karakterit lutes te Harshoves. Eshte edhe inkoherenca. Mbrojtja e institucioneve e sjelljes institucionale qe vihet re ne shkrimet e Mustafa Nanos per rastin "Rakipi," kompromentohet ne rastin e diskutimit per zgjedhjen e presidentit. Pak rendesi ka nese arsyeja origjinon tek individi Fatos Nano apo vula "made in BE" e konsensusit. Po ashtu, rendesia e ceshtjes nuk qendron ne faktin nese "varianti konsensual I zgjedhjes se presidentit…. bie ndesh (apo jo) me konsensusin kushtetues" (Mustafa Nano, "Zgjidhja Rebusit Presidencial," 28 Maj, 2002) por nese presidenti do te zgjidhet apo jo sipas percaktimit te kushtetutes.

Respektimi i kushtetutes, jo arnimet speciale, qofshin keto te sugjeruara edhe nga BE, konsolidojne demokracine. Mustafa Nano vete mbron zgjidhje permes sjelljes institucionale e duke ju permbajtur institucioneve dhe permiresimin e institutioneve nese ato reflektojne mangesi permes renies dakort te aktoreve politike. Por vete Mustafa Nano nuk e shperndan konfuzionin kur thote qe "presidenti, nuk eshte kompetence e shumices. Shumica zgjedh vetem kryeministrin por jo presidentin" (Mustafa Nano, "Kur ngaterrohet shteti me pushtetin," Shekulli, 7 Qershor, 2002). Prandaj, vetem eliminimi i nga subjektivizmi ekstrem paqartesise do ti bejne intelektualet serioze dhe te merren parasysh!

[u]Se treti/u], prej karakteri monologues. Ajo qe ju mungon intelektualeve shqiptare eshte komunikimi me njeri- tjetrin, analiza e ngritur mbi mbeshtetjen apo kundershtimin e pikepamjeve te tjera. Njohja, diskutimi, referimi, mbeshtetja ose kundershtimi prej intelektualeve te pikepamjeve te te tjereve tregon sa cilesor eshte debati, sa memorie, force dije- akumuluese, apo seriozitet imponues reflekton ai. Po ashtu, sa serioz, sa komunikues me te tjeret eshte nje intelektual kur ekspozon kendveshtrimet e tij, sa jane ne gjendje intelektualet te dallojne e pranojne diferencat apo konfirmojne pikeperputhjet e tyre. Intelektualet shqiptare, ne debatin e tyre qendrojne midis mosnjohjes apo mosperfilljes dhe perjashtimit, mohimit, apo persharjes (Rama-Lubonja, Lesi-Lubonja, Klosi-Zaloshnja) pa arritur te identifikojne nje "sinteze-bashkejetese" te tezave dhe antitezave.

Se katerti, prej mosreferimit tek mesimet e studiesve boterore per te analizuar ecurine dhe problemet e demokracise shqiptare. Qe vjen prej moskontaktit me informacionin, njohurite, dhe mesimet me bashkekohore sidomos lidhur me demokracine dhe konsolidimin e saj.

Studiuesit e huaj te tranzicionit dhe konsolidimit te demokracise nuk flasin nje rresht per Shqiperine sepse ajo qe ju mungon eshte mundesia per tju referuar intelektualeve shqiptare apo studimeve te tyre.
Intelektualet shqiptare ne studimin dhe njohjen ne thellesi te faktoreve specifike qe luajne brenda demokracise shqiptare mbeten inferiore, mangesore dhe mjaft prapa. Prandaj, nese intelektualet shqiptare duan te merren seriozishte ne konsiderate rruga e tyre drejt njohjes kalon vec permes cilesise se debatit te tyre!

[TironciScrub]

ismail kadareja eshte i vetmi qe mund ta nxjerre vendin nga kjo krize post-komuniste 12 vjecare. ibrahim rugova fatkeqesisht nuk eshte nga shqiperia kshuqe e vetmja figure e rrespektuar nga perendimi ne trojet tona eshte Z. Ismail Kadare. pse jo ?

[baobabi]

Sipas kushtetutes presidenti duhet te kete jetuar ne Shqiperi te pakten 10 vitet e fundit. Kadare nuk e ploteson kete kriter.
Edhe shtete te tjera e kane kete kriter qe eshte i rendesishem.
Do ishte mire qe te vinte Kadare ne krye po posti kerkon sakrifica.
Pra duhet te jetosh prane popullit tend qe t'a udheheqesh ate.
Edhe Ylli Popa qe iu lakua emri ne fillim mu duk zgjidhje e mire porse kur degjon se cfare thote ai vete del se nuk ia vlen t'ia besojne ate post.
Ai qe nuk ka bindjen se do e marre postin per te dhene kontribut njerezve nuk duhet permendur fare e jo me te zgjidhet.
President duhet te behet ai qe do te behet president.
Se do thone pastaj "Me vune me Zor"

[Brari]

"Fitoret" e nje pas njeshme te Saliut per te penguar Nanon te behet President (a thua edhe si kryetar partie Nano nuk i luan te tera pipzat) po nxjerrin ne shteg nji emer tjeter..
.....Krokodilin Skender Gjinushi.


Te shohim cdo beje Saliu nashti...

KJ:
-------
Gjinushi, rezerva e PS per President
Skender Gjinushi po perflitet ditet e fundit si kandidati potencial i kompromisit PD-PS, per president te Republikes. Burime nga Partia Socialiste thane dje per "KJ" se kreu socialdemokrat mund te jete nje nder kandidatet qe do te dalin ne bisedime, ne rast te mospranimit te kandidatures se Fatos Nanos si figure konsensuale, nga ana e opozites.

"Nuk kam asnje koment per te bere per ceshtjen e Presidentit. Bisedimet vazhdojne", tha dje per "KJ", Skender Gjinushi duke mbetur ne idene se lajmi i perhapur me se fundi mund t'i perkase edhe fushes se thashethemeve. Megjithate, duke e cilesuar te veshtire dialogun pozite-opozite, i cili sot eshte ne diten e dyte te zhvillimit, nuk perjashtohet mundesia qe Gjinushi te prezantohet si kandidat konsensual nga ana e socialisteve ne tryezen e bisedimeve, pavaresisht se Gjinushi eshte nje nga eksponentet e kesaj tryeze.

Per kreun e opozites Sali Berisha, nje kandidature e tille si ajo e kryetarit socialdemokrat, eshte e zorshme per t'u pranuar. Por socialistet, jane te bindur qe kandidati per president te dale nga rradhet e mazhorances, pavaresisht se do te jete Nano apo jo kandidati per kete post te rendesishem ne shtet. Aq me teper qe Nano ka garantuar se 84 votat e mazhorances do te jene funksionale per presidentin dhe per votimin e tij ne parlament. Edhe ata deputete te mazhorances, te cilet i jane bashkuar tryezes opozitare, mund te votojne nje kandidat per president, i cilesuar konsensual, por te mos jete lideri socialist Fatos Nano.

Partia Socialdemokrate eshte shprehur deri me tani se do te mbeshtese kandidaturat qe propozohen nga Partia Socialiste, duke nenkuptuar se do t'i japin voten edhe kryetarit socialist Nano nese ky do te vendose kandidaturen per postin e Presidentit. Por, pasi opozita nuk e pranon kandidaturen e kryetarit socialist, nje nder emrat e perfolur mes perfaqesuesve te mazhorances mbetet emri i Skender Gjinushit. Deri tani, nje gje e tille nuk eshte hedhur ne tryezen e bisedimeve, edhe per faktin se nuk eshte folur per emra te pervecem. Por ne mes socialisteve te kupoles vendimmarrese dhe ne rradhet e deputeteve te mazhorances, emri i Gjinushit eshte perfolur si kandidat.

Nje emer tjeter kandidati, duket se do te shtoje veshtiresine e perzgjedhjes se emrit perfundimtar, ne kohen qe data per zgjedhjen e presidentit po afron. Por tryeza e bisedimeve pozite opozite, eshte ajo qe do te zgjidhe perfundimisht situaten mes dy poleve te politikes.


© Koha Jone 2001 All Rights reserved
-----------
meqe ai eshte matematikani me i madh qe ka nxjerrur lumi Vlores po e vleresoj matematikisht .

gjinushi=7(enver+mehmet+hysni+kadri+ethem)+ZanCaus h.

[alumni]

www.balkanweb.com
Kriteret per President

Partitë parlamentare të mazhorancës dhe opozitës bazuar në Kushtetutën e Shqipërisë duke respektuar angazhimet për të zhvilluar një proces konsensual për zgjedhjen e Presidentit të Republikës, bien dakort të marrin pjesë në procesin e zgjedhjes së Presidentit në të gjitha raundet nëse kandidatët për President garantojnë:
1. Përmbushjen e kritereve kushtetuese si shtetas shqiptar që nga lindja, moshën mbi 40 vjeç, së paku 10 vitet e fundit me qëndrim në Shqipëri dhe të sigurojë 20 firma deputetësh për propozim.
2. Të jenë figura me integritet dhe autoritet publik nga klasa politike, kategoria e përfaqësuesve të insitucioneve të pavarura shtetërore apo publike, shoqëria civile, qarqet akademike dhe juridike.
3. Të plotësojë kriteret kushtetuese të të qenit deputet.
4. Të garantojë qëndrimin në detyrë mbi partitë politike Partitë parlamentare të mazhorancës dhe opozitës angazhohen gjithashtu të vazhdojnë konsultimet e nevojshme për të arritur në gjetjen e një kandidati të pranueshëm nga palët për president të Republikës. Të vazhdojnë bashkëpunimin për të identifikuar probleme dhe prioritete në interes të forcimit të institucioneve demokratike dhe të integrimit euroatlantik të Shqipërisë. ad/ko (BalkanWeb)


Cdo te ndodh pas negociatave

Kandidati per kryetar shteti i socialisteve pritet te dale ne mbledhjen e kryesise se PS-se, qe do te mbahet pas perfundimit te negociatave me partite e opozites. Kjo pasi Komiteti i Pergjithshem Drejtues i Partise Socialiste mandatoi ne mbledhjen e tij te fundit te mbajtur diten e diele, 17 anetaret e kryesise per te perfunduar gjithe procesin. Nderkohe qe aktualisht te majtet dhe te djathtet pritet te caktojne vecorite e nje kandidati per President, gjithcka mendohet te perfundoje brenda 24 qershorit. Date, qe percaktohet si koha limit kur firmat e deputeteve, qe mbeshtesin nje kandidat per President, duhet te dorezohen ne zyrat e Kuvendit. Deri tani socialistet brenda kryesise jane deklaruar si te ndare ne dy pjese: mbeshtetes te kryetarit te PS-se, Fatos Nano dhe si mbeshtetes te Presidentit aktual, Rexhep Meidani.
--------------------------------------------------------------------------------
Korrieri, 06/19/2002

Nano: Do tërhiqem? Nesër përgjigjja

TIRANE (19 Qershor) - Kryetari Socialist Fatos Nano do të tërhiqet nga gara presidenciale? Kjo është pyetja që mund të marrë vetëm nesër një përgjigje pas takimit mes përfaqësuesve të opozitës dhe pozitës për zgjedhjen e Presidentit. Nano ka deklaruar pas arritjes së marrëveshjes për kriteret e zgjedhjes së Presidentit me përfaqësuesit e opozitës se, "gjithshka mbetet për tu shqyrtuar në bisedimet e nesërme ku do të përpiqemi të gjejmë një kandidat të pranueshëm nga palët". Ai shpjegoi se "me këtë marrëveshje u angazhuam që të vazhdojmë bashkëpunimin me opozitën, për të identifikuar probleme që i shërbejnë zhvillimit kombëtar, integrimit euroatlantik dhe plotësimit të institucioneve demokratike. Pra, është një proçes që po strukturohet për të qënë i qëndrueshëm në të ardhmen". ad/ko (BalkanWeb)

[alumni]

http://www.gazetatema.com/

Një tryezë për të zyrtarizuar mungesën e konsensusit

Arjan VASJARI

Dy blloqet politike në vend pritet të ulen sot në një tryezë bisedimesh, në përpjekje për t’u dhënë një përgjigje të qartë mospajtimeve të tyre thelbësore për çështjen e Presidentit të Republikës.

Në parim, procesi i nisur është pa hezitim një moment përsosjeje i mentalitetit të partive shqiptare, por ai rrezikon të prodhojë një model të shëmtuar të antidialogut politik, [i]në kushtet kur palët vazhdojnë ta thellojnë distancën mes opsioneve për zgjidhjen e problemit[/b]. Në këto kushte, simfonia e “konstruktivitetit për t’u ulur dhe dialoguar ashtu siç na mëson Europa”, duket aq stonaturë, sa do të ish më mirë që të gjitha palët ta harronin për një moment hijen e Europës dhe të deklaronin hapur se ku duan të mbërrijnë.

Kryetari i opozitës ka vetëm 24 orë që kërkon një gjë që duhet ta kishte bërë papushim, orë e çast dhe pa iu dridhur aspak zëri, pra, që presidenti i ardhshëm duhet të jetë i opozitës dhe vetëm i opozitës. Duke lundruar pa busull mes “një presidenti që duhet të vijë nga jeta akademike” apo “një presidenti nga shoqëria civile”, opozita rrezikon të konsiderohet sot si një partner joserioz prej kundërshtarëve të saj, vetëm sepse më në fund po kërkon publikisht të vetmin mekanizëm ekzistues që mund të legjitimojë pjesërisht institucionet dhe që i takon vetëm asaj.

Nga ana tjetër, zoti Nano po përpiqet të përcjellë paqartësi në aspiratën e tij, nëpërmjet futjes butaforike në lojë të presidentit aktual apo ndonjë marsiani tjetër. Mirëpo, të marrë të tillë që të besojnë se Fatos Nano do të shkallmonte kaq thjesht një investim kolosal politik të maturuar që prej një viti, zor se mund të gjesh në këto troje. Pra, nëse zoti Nano do të startonte sinqerisht drejt një tryeze me Sali Berishën për të gjetur konsensus, atëherë e para gjë që duhej të bënte do të ishte abdikimi prej një ëndrre që po mban zgjuar një milet të tërë. Me pak fjalë, të dyja palët, sot do t’ia kërcasin një hipokrizie të kulluar, sepse të dyja e dinë që po shkojnë në një tryezë që nuk ka lidhje me dialogun politik produktiv dhe aq më pak, me konsensusin.

Është absurde të përkrahësh ata që mendojnë se dialogu, qoftë edhe i tillë si ky i sotmi, është më i mirë se sa mungesa e dialogut. Kjo është teza më e rrezikshme e atyre që kërkojnë të mimetizojnë krizat politike nëpërmjet tryezave false të dialogut, si dhe të zëvendësojnë mekanizmat demokratike të zgjidhjeve me “komisionet e pajtimit të gjaqeve”.

Kjo mund të jetë një tryezë e dobishme për ata që historikisht kanë besuar se janë më të mençur se Europa, për ata që i kanë konsideruar sistematikisht shqiptarët si qytetarë të “stupidopolit” dhe për ata që, prishjen e standarteve bazilare të një demokracie perëndimore, e konceptojnë si prishje të marrëdhënieve me Kinën.

E vetmja gjë me vlerë e kësaj tryeze, do të jetë fakti se palët do të pushojnë se numëruari deputetët si kokë delesh dhe do ta zyrtarizojnë mungesën e konsensusit, duke na dhënë shpresë se, më së fundi, ka lindur nevoja e një mekanizmi të ri i cili nuk duhet të vuajë më nga nevoja e konsensusit të palëve për të zgjidhur krizën por, nga detyrimi për të zgjidhur krizën pa u merakosur për konsensusin mes palëve.

[Petro]

Eshte mese e qarte se si mund te zgjidhet kjo ceshtje. E para eshte qe zgjedhja e presidentit te behet ne menyre konsensuale pra te vendoset nga te gjithe faktoret politik shqiptare dhe e dyta te rregullohen listat e zgjedhjeve, te rregullohen ligji i zgjedhjeve dhe te shkojme ne zgjedhje te parakohshme. Vetem kjo mund te kaloj Shqiperine nga kaosi i madh qe e ka zene dhe qe do ta zere nqs Shoku Nano nuk jep doreheqen nga budadalleku i tij per president te Shqiperise. (Mos e dhente Zoti se vahllain do te palase me te vertete nje lufte civile se popullit i ka ardhur ne maje te hundes)

[alumni]

http://www.bbc.co.uk/albanian/020621190811.shtml
Përditësimi: 21.6.2002 20:23 (CET)
21.6.2002 20:04 (CET)
Pozita dhe opozita përcaktojnë kandidatin për president

Forcat politike të pozitës dhe të opozitës në Shqipëri ranë dakord të premten në Tiranë të dalin me një kandidaturë të përbashkët për presidentin e ardhshëm të Shqipërisë.

Ai është Artur Kuko, ambasadori aktual i Shqipërisë pranë Bashkimit Evropian (BE). Udhëheqësi i Partisë Socialiste (PS) në pushtet, Fatos Nano dhe ai i partisë më të madhe të opozitës, Partisë Demokratike (PD), Sali Berisha nënshkruan një marrëveshje me anë të së cilës, të dyja palët propozojnë Z. Kuko si kandidaturë të vetme për presidentin konsensual të Shqipërisë. Njoftimi për arritjen e marrëveshjes u bë një konferencë shtypi të përbashkët të të dy udhëheqësve.

Z. Nano e cilësoi Z.Kuko si "një ndër përfaqësuesit diplomatikë më të shquar, me kontribute veçanërisht të spikatura në marrëdhëniet e Shqipërisë me Bashkimin Evropian dhe me NATO-n". Me tone lavdëruese për Z. Kuko foli dhe Z.Berisha.

"Ne propozojmë si përfaqësues më të lartë të shtetit shqiptar, diplomatin që përfaqësoi me dinjitet të veçantë në dhjetë vjetët e fundit Shqipërinë në kryeqytetin e Evropës së bashkuar, Bruksel," tha ai para gazetarëve.

Arritja e marrëveshjes u bë pas një serie negociatash që nisën në fillim të kësaj jave në kryeqytetin shqiptar. Gjatë negociatave, u shqyrtuan një seri kandidaturash të mundshme.

Por, kandidati konsensual për president të Republikës, Artur Kuko, duke falenderuar udhëheqësit e partive politike për besimin, tha për BBC-në se do të ishte më produktive për vendin që të vazhdojë të punojë në postin aktual, apo në Tiranë, gjithnjë në fushën e afrimit dhe të integrimit të vendit në BE.

Në deklaratën ekskluzive për BBC-në, zoti Kuko tha se "në biseda të veçanta me udhëheqësin e Partisë Demokratike, zotin Berisha, dhe atë të Partisë Socialiste u informova lidhur me qëndrimin e përbashkët të tyre personal dhe të forcave që ata përfaqësojnë, i cili konvergon me kandidaturën time si president i ardhshëm i vendit.

Më parë duhe t'i falenderojë sinqerisht dy liderët për klimën e re politike që po përpiqen që t'i ofrojnë vendit dhe që me siguri do të jap rezultatte të prekshem nga të gjithë. Veçanërisht dua të shpreh gjithashtu, mirënjohjen për nderin e madh dhe vlerësimin që treguan për mua.

Gjithsesi duke pasur parasysh angazhimin tim të deritashëm në fushën e politikës së jashtme, përvojën personale që kam akumuluar gjatë dhjetë vjetëve të fundit në drejtim të marrëdhënieve me BE-në dhe NATO-n, integrimi në të cilat konsiderohet si një objektiv madhor i të gjitha forcave politike të vendit, si dhe duke vlerësuar momentin tejet të rëndësishëm, në të cilin ndodhet vendi, sa i përket hapjes së bisedimeve për marrëveshjen e stabilizim-asociimit me BE-në, vlerësova se është më produktive për vendin që të vazhdojë të punojë në postin aktual, apo në Tiranë, gjithnjë në fushën e afrimit dhe të integrimit të vendit në BE.

Duke i falenderuar edhe një herë udhëheqësit e të dy forcave politike, më të mëdha të vendit, si dhe ata të forcave tjera politike, pjesëmarrëse në vendimmarrje, për vlerësimin dhe besimin që më ofruan, shpreh bindjen time të palëkundshme se ata dhe forcat politike që përfaqësojnë do të jenë në gjendje të arrijnë konsesusin e kërkuar për një kandidaturë tjetër më të arritur dhe me më shumë eksperiencë në detyrën e rëndësishme të presidentit të Republikës", tha në deklaratën e tij ambasadori Artur Kuko.

Deklarimi i zotit Kuko ndërkaq, ka hasur në reagime të ndryshme në Tiranë.

Kështu kryetari i PS të Shqipërisë, Fatos Nano, tha se "marrëveshja qëndron, procesi është i pakthyeshëm dhe presim që të shtunën zoti Kuko të vijë në Tiranë, për t'u përqafuar me produktin e marrëveshjes dhe me ecurinë e saj".

I pyetur nga BBC se a ka qenë në dijeni zoti Kuko për këtë kandidaturë, Fato Nano u shpreh:

"Natyrisht, por duhet të kuptoni që nuk ishte pjesë e marrëveshjes. Por, të gjitha palëve u leverdis që të identifikojmë një kandidat për president, që heziton dhe jo që mburret në publik dhe mezi pret ta bëjnë të tillë"- tha kryetari socialist Fatos Nano.

Kryetari i Partisë Demokratike, Sali Berisha, nga ana e tij vlerësoi se marrëveshja e arritur është "një kthesë ndoshta historike, në përpjekje të forcave politike shqiptare për të ndërtuar në Shqipëri institucione funksionuese, për të kontribuuar në funksionimin e shtetit ligjor dhe për të përshpejtuar proceset integruese euro-atlantike".

Zoti Berisha lidhur me deklaratën e Artur Kukos dha këtë përgjigje;

"Unë kam biseduar me zotin Kuko dhe nuk më rezulton se zoti ambasador ka refuzuar propozimin e tryezës së partive politike. Në të vërtetë atë intervistë unë e interpretova, edhe para bisedës me zotin Kuko, më shumë si një politesë, si një etikë diplomatike dhe përgjegjshmëri përpara detyrës".

Por megjithëkëtë, pritet që kandidatura e zotit Kuko të hënën do të kalojë për votim para Kuvendit të Shqipërisë.

[Albo]

Me vjen per te qeshur kur mendoj se sa mendjelehte jemi ne shqiptaret si popull kur vjen fjala tek politika dhe fatet e Shqiperise. Kemi ardhur tek problemi i zgjedhjes se presidentit, dhe per cudine e te gjitheve president konsensual eshte zgjedhur nje cunak. Une do ta quaja cunak, pasi ai sapo ka mbushur 40 vjec, pune muajsh, dhe shtypi shqiptar, edhe pse ka 2-3 dite qe lakohet emri i tij, ende nuk guxon te publikoje ne media kurikulumin e jetes se tij, apo qofte edhe nje rezume te tij. Dhe ju do te pyesni PSE?

Perse Artur Kuko president?

Pergjigjia eshte e thjeshte por e maskuar bukur. Sepse kete president zgjodhi BE per shqiptaret !!!! Mos u beni aq matufe sa te pertypni zbulimet e Nanos dhe Berishes, qe perpiqen tu tregojne shqiptareve se gjoja jane keta qe po e bejne historine, me kete "president konsensual", qe une do ta quaja "presidenti i BE-se". Te dy keta vetem pa terheqin vemendjen e shqiptareve nga ajo qe ndodhi me te vertete, me takimet e tyre spektakolare. Emri i Kukos nuk ishte as ne listat e Berishes, as ne listat e Nanos, dhe besoj se me te cuditur se ne shqiptaret e thjeshte, kane ngelur vete socialistet dhe demokratet bashke ne Shqiperi. Besoj se si gjithmone, zgjidhja ka dale nga sirtaret e OSBE-se ne Tirane apo nga ndonje ambasade e kredituar ne Tirane.

Pasi eksperimentuam me "kryeministrat e rinj", tani besoj se ka ardhur koha qe te eksperimentojme me "presidentet e rinj" ne moshe. Une si te gjithe ju pyes veten, kush eshte valle Kuko? Jo vetem qe nuk e kishim pare ndonjehere, por as qe e kishim degjuar si emer, bile nuk eshte as intelektual i shquar nga fusha e shkences apo jurisprudences, sic ishte mirekuptimi i Nano-Berisha. Te vetmin detaj qe na jep shtypi, eshte se "Artur Kuko ka 10 vjet qe perfaqeson Shqiperine prane institucioneve te NATOS dhe BE", pra i bie qe te kete 10 vjet qe nuk jeton ne Shqiperi. Pa dashur te ve ne medyshje kontributin e tij dhe perkushtimin qe mund te kete treguar per kryerjen e detyres se ngarkuar nga shteti shqiptar, ai vete e di qe ai nuk eshte kandidat i mundshem per president sipas standarteve europiane. Kete ai na e beri shume te qarte me deklaraten e tij te pare dhene BBC-se ku u shpreh se falenderonte kreret politike per besimin, por ai nuk mund te pranonte ate post me arsyen se i sherben me mire vendin ne detyrat qe ka mbajtur deri me sot. Te pakten kandidati yne konsensual per president, tregon qe ka karakter ne deklaraten e tij te pare per shtyp.

Mirepo fatkeqi Kuko, qe e di shume mire se cdo te thote ti kthehesh Tiranes, eshte i detyruar te pranoje postin qe po ja ngopin perendimoret se bashku me klasen politike ne Tirane. Sipas llogarive te Perendimit, Kuko eshte zgjedhja e tyre me e mire dhe mekembesi me i mire i politikes se tyre ne Shqiperi. Duke qene se qeverite shqiptare kane qene problematike per BE, tashme BE nuk do te komunikoje direkt me qeverine shqiptare por do te kanalizoje kontaktet nepermjet zyres se presidentit, qe e perfaqeson i mirenjohuri Kuko per ta. Pra Perendimi nuk pret qe Tirana ti japi nje president konsensual, por e zgjedh vete nje te tille ! Bravo Perendimi!

Nano dhe Berisha nga ana tjeter, nuk duan te marrin noten ngelese nga Perendimi ne kete provim te fundit. Po ngelen edhe ne kete provim, ngelen ne klase dhe largohen perfundimisht nga politika. Keshtu qe ndryshe nga heret e tjera, keta jane gati ti lepijne edhe faqet e njeri tjetrit, per aq kohe sa marrin note kaluese ne kete provim. Perendimi u dha vetem nje emer, dhe mesa duket e ka bere kete gje pa marre pelqimin e Kukos ne fillim, pasi ky nuk u tregua i gatshem qe te luante sipas skenarit te lojes. Prandaj u deshen telefonatat dhe presionet nga Tirana per Kukon, qe ky "ti vinte gishtin kokes" dhe pranonte postin e presidentit te vendit. Brenda 24 oresh Kuko refuzon dhe me vone pranon postin e ofruar. Me Kukon, Nano dhe Berisha perpiqen ti tregojne Perendimit se "na kini nen urdhra, vetem mos na lini ne klase". Nano duhet ta puthi Kukon ne faqen e majte, kurse Berisha ne ate te djathten, meqenese i nxorri nga situata.

Me Kukon president, Solana eshte mese i kenaqur pasi nuk ka pse vjen shpesh ne Tirane, mjafton te ngreje telefonin dhe ti biere numrit te presidentit. Kuko nuk e harron dot kollaj profesionin qe e ka kryer me aq zell per 10 vjet !!! Me Kukon Nano eshte i kenaqur pasi "nuk fituan njerezit e Metes", dhe dueli midis tyre ne parti vazhdon. Me Kukon edhe Berisha eshte i lumtur, pasi i hiqet vize problemit te presidentit, dhe nese behen zgjedhje te reja te parakohshme se shpejti, pavaresisht nga numrat e rezultatit, nuk do te kete me krize presidenciale. Pra Berisha njeh presidentin si te ligjshem por jo zgjedhjet dhe parlamentin !!! Ca mendoni ju se do kerkoje opozita pas emerimit te Kukos?

Si gjitmone, ne fund e kane rradhet shqiptaret, pra populli yne i dashur. Shqiptaret do te fitojne nje president qe nuk e njohin, te ri ne moshe, pa ndonje emer apo kontribut te vecante ne fushen e shkences apo jetes shoqerore te vendit. Shqiptaret do te kene president nje emigrant qe ka 10 vjet qe eshte larguar nga Shqiperia per te jetuar me familjen e vet diku ne Bruksel. Pra ne emigrantet duhet te na beje te lumtur emerimi i Kukos. Jam i bindur se ne mendjet e shqiptareve tani pas 5 vjetesh qe Mejdani ka qene president i vendit, lind pyetja: e perse na duhet presidenti fare? Kete pyetje e bejne pasi i tille ka qene edhe angazhimi i presidentit ne ikje, Mejdani. Pak a shume, shqiptaret jane indiferente per zgjedhjen e presidentit. Me shume se ata, ky problem shqeteson mediat dhe politiken, po jo ata. Dhe ne kete pike edhe une bashkohem me mendimin e popullit tim, duke uruar qe presidenti i ri te na fali perkushtimin e tij per ceshtjet qe shqetesojne shqiptaret si komb dhe si shoqeri, dhe ligjshmerine qe aq shume i mungon institucioneve shteterore shqiptare.

Te na rroje sa malet presidenti i RI!

[bora]

Urime politikaneve shqiptare ne rradhe te pare qe po gjejne gjuhen e perbashket dhe ne rradhe te dyte per zgjedhjen e presidentit. Gjeja me e goditur eshte qe ky president eshte diplomat dhe mosha e re eshte avantazh per mendimin tim. Ky individ nuk ka pasur mundesi te indoktrinohet per nje kohe te gjate me ideologjine socialiste dhe ne rast se kjo ka ndodhur ka pasur mundesi te dezintoksikohet ne keto 10 vjet. Fakti qe hezitoi per ta pranuar menjehere ate poste e nderon per faktin se njeriu qe heziton per ta pranuar privilegje dhe pergjegjesi tregon sa ka me shume premisa per t'iu perkushtuar atij posti.

Urime dhe suksese presidentit i cili nje arritje e ka tashme ne kurrikulum, akordin ndermjet opozitareve te hershem dhe perkrahjen e BE per te cilen po perpiqemi tani. Per mendimin tim edhe nese BE e ka propozuar kete kandidature kjo vec aneve pozitive tregon qe kemi me shume premisa per te bere pjese ne EU me shpejt se c'e mendonim.

p.s. Albo, politika konfliktuale eshte politike e perjashtimit nga zhvillimet pozitive. Kjo eshte shenja e pare e maturimit te politikaneve shqiptare. Do ta quaja kalimin nga adoleshenca problematike ne rinine e pare .

[Anton]

Kuko ka patur një karrierë të pandëprerë diplomatike. Pasi përfundoi studimet për filozofi, nisi kursin 2-vjeçar të diplomacisë bashkë me Marko Bellon e Ilir Gjonin. Më pas filloi punë në Institutin e Marrëdhënieve me Jashtë, për t'u bërë në vitin 1990 drejtor politik në ministrinë e jashtme. Gjatë lëvizjes së dhjetorit, ishte një nga diplomatët që u bashkua me partinë demokratike. Kontaktet më të afërta, Kuko i ka patur me Eduard Selamin, me të cilin kishte qenë në të njëjtin vit të degës së Filozofisë si dhe me Genc Pollon. Në pranverën e vitit 1992, një nga ambasadorët e parë që dekretoi Berisha ishte pikërisht, Kuko.

Kush është familja e Kukos
Ambasadori që u propozua për president është biri i Llazarit, një ushtaraku në pension. Bashkëshortja e tij quhet Mira dhe ka mbaruar studimet për Kimi në universitetin e Tiraës. Kuko ka dy djem. Të dy kanë lindur në Bruksel, ku ambasadori ka kaluar thuajse dhjetë vitet e fundit e jetës së tij, me përjashtim të disa muajve kur u thirr në ministrinë e jashtme për të drejtuar drejtorinë e Çështjeve të Sigurisë. Lidhja e krijuar me këtë këtë kryeqytet duket se ka qenë shkaku përse Kuko ka thënë dy herë jo për postin e zëvendësministrit.


Kur me thone ka mbaruar per filozofi para 1990 per mua eshte e qarte gjithcka.

Nejse gezoheni presidentin shqiptare e rrini urte.

Anton

PS te djathte e po kuptoni gje?

[Anton]

Kuko pranon me ndërhyrjen e Metës
Telefonata që e bindi të pranojë Presidencën


--------------------------------------------------------------------------------

Altin Kreka

TIRANE

Një telefonatë e bërë nga Ilir Meta e ka bindur Kukon që ti japë fund hezitimeve dhe të përgënjeshtrojë deklaratën që kishte bërë pak orë më parë. Ai pritet ë vijë sot në Tiranë për të takuar Nanon, Berishën e Metën.

Kuko ndryshoi mendje dy herë dje, mbase i nxitur nga ndonjë surprizë që Nano dhe Meta u kanë bërë kundërshtarëve të tij. Ndërkohë thuhet se ai ka kontaktuar me kabinetet e dy kryetarëve të PS dhe të PD, si dhe përmendet përpjekja e pasuksesshme e tij për të nisur një njoftim për shtyp, në të cilin thuhet se janë keqinterpretuar deklarimet e tij në radio BBC. Menjëherë pas refuzimit të postit nga ana e Kukos, u aktivizuan ata që mendohej se do të votonin kundër tij dhe që mbështesin Meidanin. Duket se ka qenë Nano e Meta që i kërkuan Kukos të refuzojë në fillim, për të parë se kush është kundër tij. Para takimit të rradhës të pozitës me opozitën Ilir Meta, është ulur kokë më kokë me Berishën, për ti dhënë garanci këtij të fundit se kandidatura e Artur Kukos do të votohet. Pas takimit Meta tha se "ka përpjekje të hapura për të penguar procesin". Një grup deputetësh socialistë, me në krye Namik Doklen, Arta Daden, Ethem Rukën e të tjerë, janë ndalur në zyrën e presidentit Meidani, i sapokthyer nga vizita në Gjermani. Faktin se deklarata refuzuese e Kukos, dhënë në radion BBC, pak minuta pas nënshkrimit të marrëveshjes, mund të jetë një kurth i përgatitur nga Nano dhe Meta, ndihmohet edhe nga ajo që Kuko tha për "Zërin e Amerikës". I pyetur rreth kandidimit të tij, ai deklaroi vetëm se ishte në kontakt me kryetarin e PS-së dhe atë të PD-së dhe s'kishte asnjë deklarim tjetër, duke mos përsëritur edhe një herë refuzimin e tij. Emri i Kukos ishte zgjedhur si kandidat nga Meta dhe Nano dhe më pas iu paraqit opozitës një ditë para miratimit zyrtar. Ndërsa kur Nano dhe Berisha folën kokë më kokë, duket se e vendosën kandidimin e tij, por nuk e deklaruan këtë për të marrë më parë miratimin e strukturave të partive të tyre. Reaksioni kundër kandidimit të Artur Kukos si president nisi menjëherë, veçanërisht në mesin e PS-së, në kryesinë e saj dhe në grupin parlamentar. Kjo u bë nga mbështetësit e Meidanit, të cilët u mblodhën te presidenti mbasditën e djeshme për të diskutuar se si duhet vepruar më tej. Një ditë më parë vetë Meidani kishte dalë kundër diskutimeve që po bënin partitë politike për zgjedhjen e presidentit, duke thënë se 4-5 persona nuk mund të vendosnin për gjithë Parlamentin. Ndërsa gjithçka ishte vendosur mes Nanos dhe Berishës, dje është bërë takimi që e zyrtarizoi se Artur Kuko ishte personi që opozita dhe pozita e mendonin si konsensual. Berisha më parë u takua me Metën, për ta diskutuar këtë çështje dhe më pas u ndal në selinë e kryesisë, ku u bë një bisedë e shkurtër. I vemti problem që doli, ishte kundërshtimi i Gjinushit, i cili tregoi se deri më tani kishte punuar për presidentin Meidani. Marrëveshja u nënshkrua dhe ajo u miratua nga ana e të gjithëve, përveç Gjinushit. Më pas Nano e lexoi atë, duke bërë edhe komentet më pozitive për Artur Kukon dhe punën e tij 10-vjeçare si ambasador, më parë në NATO dhe më pas në Bashkimin Europian. Pas tij ishte Berisha, i cili tregoi se kandidatura e Artur Kukos ishte paraqitur nga ana e maxhorancës në tryezën e partive, por për opozitën kjo nuk përbënte asnjë problem, sepse kandidatura e tij ishte quajtur e përshtatshme. Pritet që të ketë shumë debate sot në mbledhjen e grupit parlamentar të PS ku do të prezantohet kandidatura e Artur Kukos, të paktën kështu është thënë, nëse ai e pranon. Ata që janë kundër tij duan që të zgjedhin Meidanin, ndërsa një pjesë kërkojnë që të votohet Godo.

Prape Meta?

Ose me mire te them kaq i forte eshte bere??