"Amnisti" albanian !

[Nga Jugu]

Sapo lexova ne shtypin e dites lajmin per votimin e nje aministie nga parlamenti socialist, i nje ligji-aminstie per te gjithe hakdutet, ose kandidatet per te tille, qe mbushen faqet e gazetave me skandalet e tyre, duke filluar qe nga boje ndertesash e pllaka trotuaresh, e deri ne kepuce, oriz, energji elektrike, rruge, nafte, etj, etj, etj. Nuk e di, tenderin e brekeve te ulura kush e ka fituar, e cili kelysh p*****e prej deputeteve tane te nderuar, ka ndermjetesuar per te...!
Plehera te pandreqshem ! Hajdute te ndyre !
Dhe lloji tjeter, ai i '97, nuk u ndie sepse prej ketij ligji, me spond perfitojne edhe hajdutet e djeshem !
Eh, mor shoku Nano !, pa me thuaj mor shoku Nano, si mund te rrine prane njera tjetres, keto dy fjale greke "katarsis" e "aministi"; apo "e shtyn xhaja" sic i thone fjales...
Apo do na gjesh ndonje gje tjeter greke, e le te mos jete edhe fjale, mjafton qe ti te na behesh president ?!

[Iceberg]

Kjo verteton me se miri se sa e inkriminuar eshte klasa politike shqiptare, se sa thelle i ka rrenjet krimi.
Kjo verteton se personazhet e "dosjes se zeze" te permendur nga i ndjeri Safet Zhulali me 1998 mjerisht jane nga dy krahet.

Kjo e ben me urgjente nevojen e ndergjegjesimit te shqiptareve se ne duar te kujt kane rene fatet e vendit!!!!!!
Tani duket qarte qe shqiptaret nuk duhet te presin shume nga opozita shqiptare, pra "gabimet e PDse" nuk jane bere pa dashje por me paramendim te plote.
Eshte detya jone, imperativ i domodoshem qe te te veprojme shpejt ta pastrojme Shqiperine nga kjo qelbesire politike sa kohe nuk eshte shume vone.

ATDHEU NE RREZIK!!!

[baobabi]

Po pse mo si xhaxhi do e beje prape shqipua
Do i vrasi ministrat hajdute si maherzaj ne monizem
I thone demokraci o tu mbyllte, demokraci ore
Ska ministra qe vriten e futen ne burg.

Mortja nuk e ha pjellen e saj

[Brari]

eshte amnistia per mafien.

Nese Berisha nuk do propozonte shkarkimin e Rakipit do kishim sot nji mal te madh me "hatara" qe grupi mafioz META dhe Grupi Mafioz Nano do tregonin per njeri tjetrin.

Ata filluan te gervishin me thonj njeri -jatrin por kte proces e amortizoi karafili blu Berisha i cili beri gafen historike "RAKIPI".

Ja tani me Sallak Pulen (dhor Sallata, prokurori i ri) po pushohen te gjitha proceset ndaj sunditareve Roze dhe veglave te tyre.
Ja psh "thesari" ku perfundoi..
KJ. shkruan..
--------
Na ishte nje here "Vjedhja e Thesarit"
Sebi Alla Tirane - Deshton plotesisht procesi "Thesari 2". Burime nga Prokuroria Ushtarake e Tiranes bejne te ditur se dosja "Thesari 2" eshte drejt pezullimit. Kjo pasi sipas perfaqesueseve te kesaj prokurorie "nga hetimet e kryera deri me tani nuk eshte arritur te grumbullohen provat e mjaftueshme per te ballafaquar perpara gjykates te akuzuarit e ketij procesi". Pas pak ditesh do te perfundojne edhe afatet e hetimit te dosjes se dyte te thesarit te grabitur. Dhe sipas grupit hetimor nga prokuroria e ushtarake ne kryeqytet, faktet e grumbulluara jane te pakta dhe nuk mund te plotesojne dosjen ne fjale. Nen "filtrin" e grupit hetimor te Prokurorise Ushtarake ishin disa nga efektivat policore te cilet dyshoheshin si bashkepnetor ne grabitjen me te madhe te ndodhur ndonjehere. Ku pre e grabitjes si rralle, u be thesari i shtetit i cili ishte nder vendet qe konsiderohen te "sigurise se larte". Sipas hetimeve te kryera deri me tani, grabitja e pazakonte e thesarit te shtetit eshte kryer ne mars te vitit 1997, gjate trazirave te ndodhura ne vendin tone. Per kete akuze u perballen me gjykaten pese persona banues ne fshatin Kerrabe (vendi ku ndodhej thesari). Por dosja "Thesari 2" do te dilte perseri ne skene kur gjate hetimit u perfshine edhe disa ushtarake. Sipas rregullores se ruajtjes se thesarit, nje here ne cdo tre muaj nga specialiste te tre diakstereve duhet te kontrollohej gjendja fizike e thesarit. Nje grup pune nga Banka e Shqiperise, nje grup pune nga Ministria e Rendit dhe nje tjeter nga Ministria e Financave. Treshja kontrolluese, per mese tre vitesh nuk "munden" te verifikojne gjendjen reale te sasise se thesarit. Dhe vetem pas tre vitesh vitesh u deklarua se nje pjese e thesarit te shtetit ishte grabitur. Menjehere pjesa e mbetur e thesarit te shtetit u vu nen ruajtjen e trupave speciale te Ministrise se Rendit. Dyshimet e hedhura se dyert "hermetike" te tunelit ku ndodhej thesari mund te hapeshin veten nepermjet nje kodi te vecante, cuan edhe ne hetimin e disa prej ushtarakeve te cilet sherbenin per ruajtjen e thesarit. Por sipas burimeve nga Prokuroria Ushtake ne Tirane, dosja eshte drejt pezullimit per t'i kaluar me pas strukturave te policise, per mungese provash.
---------------------

U zbardh PS-ja dhe tani zgjedh presidentin dhe vazhdon dinastine 50 + 50 vjet tjera.

[Brari]

Shekulli tregon..
-------------
Eduard Kamberi u lirua për mungesë provash pas 20 ditësh burg. Akuzohej për favorizim prostitucioni

Bien akuzat për policin tutor

TIRANË - Eduard Kamberi u lirua dje me vendim të Gjykatës së Tiranës, pas 20 ditësh arresti me burg të dhëna për akuzën e favorizimit të prostitucionit. Tre ditë më parë, Gjykata e Tiranës për t'u bindur në lidhje me kryerjen ose jo të një vepre të tillë penale bëri ballafaqimin midis familjes së vajzës si dhe policit të akuzuar. Duke qenë në rolin e të pandehurit, polici ka shpjeguar se si ka rënë në këtë kurth. Kamberi u akuzua nga një familje në Laprakë, e cila kërkon vajzën e saj që i ishte zhdukur pa adresë. Sipas kallëzimit të bërë në fillim në polici, Kamberi e ka përdorur vajzën në Itali nëpërmjet vëllezërve të vet dhe më pas e ka lënë në rrugë. I pandehuri tha para gjykatës se kjo gjë i erdhi e papritur, pasi asnjëherë nuk e dinte se ku ndodhej kjo vajzë dhe përse bëhej fjalë. Para gjykatës dëshmuan nëna e vajzës dhe vetë vajza. I ati i viktimës tha në gjykatë se Kamberi nuk e ka mashtruar vajzën e tij dhe se ata e kanë ngatërruar me një person tjetër, i cili nuk ndodhet në Shqipëri. Të dyja paditëset, nënë e bijë, e tërhoqën akuzën para gjykatës për të pandehurin dhe thanë se nuk kanë asnjë problem me të. Sipas prokurorisë, ngjarja ka filluar kohë më parë, kur vajza që tërhoqi akuzën, i kishtë kërkuar ndihmë policit. Ky i fundit, kishte vëllezërit në Itali. Sipas këtij versioni të akuzës, vajza është dërguar në Itali dhe ka qëndruar disa kohë në shtëpinë e vëllait të policit. Sipas provave të paraqitura dje në gjykatë, rezultoi se polici nuk ka patur dijeni për ndonjë lidhje që mund të ketë patur vëllai i tij me vajzën, por një fakt të tillë e ka mësuar më vonë. Vendimi i djeshëm u dha nga gjyqtarja Enkela Bajo ndërsa prokurori i çështjes ishte Bledar Bejko. Bajo nuk e shpalli vendimin deri në momentin që prokuroria paraqiti deklarimet e ballafaqimit të të dyja palëve. Menjëherë pas paraqitjes së deklarimeve në favor të policit, gjykata vendosi lirimin e tij. Dje ishte afati 20 -ditor brenda të cilit duhej të përfundonte çdo lloj ballafaqimi apo akti ekspertimi për këtë çështje.
A.Çuka

...................

E kan terrorizuar vajzen dhe familjen dhe i detyrojne te terheqin akuzat dhe te hane me buk e lot e gjak Turpin e poshterimin. Bandite zgerdhihen.Kulmi.

[Eni]

Me sa di une amnistia hartohet ne raste te veçanta. Kete amnisti si e kane justifikuar deputetet shqiptare? Me ç'rast?

[Rycki2001]

Nuk është ndeshje futbolli dhe te ngelet në fuqi vendimi i gjyqtarit të ndeshjes. Nuk luan Franca me Senegalin. Po luajnë komunistët me fatet e Shqipërisë dhe këtë nuk ua fal kush. Ata i kanë të gjitha në dorë sot. Por le të mendojnë për një çast që nesër.... Le ta vazhdojnë vetë mendimin ata. Ata kanë bërë aq poshtërsira sa që nuk do ketë peshore drejtësie që ti toleroj. Nuk mjaftuan 50 vjetë që ia ndryshuan rracën shqiptarëve dhe u shkatërruan atë pasuri morale, fizike, ekonomike dhe kulturore të grumbulluar në shekuj por më të keqen po ja bëjnë sot. Ata nuk janë veç hajdut. Një hajdut thjesht vjedh. Një hajdut nuk ja vlen të dënohet se në fund të fundit ai nuk mund të ndryshoj. Politikanët tanë janë edhe më keq. Për të realizuar qëllimet e tyre (të bëhen njerëzit më të fuqishëm ndoshta në botë...) ata po bashkëpunojnë edhe me djallin. Për Shqipërinë jo vetëm që s'mendojnë por pikërisht është Shqipëria viktima më e madhe. Shqiptarët, më në fund, duhet ta kuptojnë se nëse baballarët e tyre na lanë një barrë për sipër që do të na duhen 50 vjet për ta hedhur tej, bijtë e tyre po na lënë një barrë që ndoshta nuk do të mundemi kurr ta hedhim poshtë. Ata kanë në dorë firmat sot. Veç siç e thash edhe më lartë një ditë drejtësia mbi ta do të bjer pa mëshirë.
Rycki

[Brari]

Ju kujtohet Bomba tek VEFA ?

U plagosen disa njerez dhe gjeti vdekjen Vera nji qytetare e pafajshme.
Saliu erdhi dhe i revoltuar akuzoi "segmentet" tek vendi ngjarjes. Ato dite u vra dhe drejtori burgjeve Kaloshi.

Bomba tek VEFA tregoi fytyrat e njerezve.. Disa shprehen keqardhje per valen e Terrorit qe shpertheu ato dite si shenje e qarte e proverbit se "lumi fle por stalinistet vrasin".
Disa ferkonin duart ato dite ne shenje gezimi se po afronte dita e tyre.
Dhe vertet dita e tyre erdhi.
Keto dite banda e Shyteve, kelyshve te krimineleve eshte ne gjyq.
Gjyqi duket qarte qe kerkon ti nxjerri pa lagur kriminelet.
Te shohim cdo beje SALLAKU "Kanakari" i SAliut e vegla e mejdanit ne fakt.


Ja si po fabrikohet lirimi i krimineleve.. Lexoni mes rreshtave.

Shekulli..
-------
PROCESI
Oficerët e policisë deklaruan se s'dinin gjë për kapjen e armët të "Hakmarrjes për Drejtësi"

Policët dëshmi kundër akuzës

TIRANË - Tre oficerë të policisë gjyqësore ishin dje protagonistë në procesin gjyqësor "Hakmarrja për Drejtësi". Neritan Nallbati, Artan Rexhepi dhe Zef Bushati, dje në procesin e hakmarrjes iu përgjigjën pyetjeve të organit të akuzës lidhur me firmosjen e disa procesverbaleve. Të tre dëshmitarët i kundërshtuan pyetjet e bëra nga akuza dhe thanë se nuk kanë dijeni në lidhje me kontrollin e banesës në "Pazarin e Ri", ku pretendohet se është gjetur një arsenal i tërë armësh. Dëshmitarët thanë se nuk kanë qenë të pranishëm në kontroll dhe nuk kanë dijeni fare se për çfarë armësh bëhet fjalë. Por ata nuk kundërshtuan vërtetësinë e firmave të tyre në procesverbale. Ata thanë se disa prej firmave janë të ngjashme me ato të tyret, por nuk dinë rrethanat në të cilat janë marrë këto firma. Dëshmitarët pranuan të bëhet akti i ekspertimit grafik të shkrimit në procesverbale. Të gjithë dëshmitarët mohuan kategorikisht pjesëmarrjen në kryerjen e veprimeve për kontrollin e banesës ku pretendohet se janë gjetur armët. Neritan Nallbati tha dje se gjatë kohës kur ka ndodhur ngjarja në vitin 1996 ka qenë në një detyrë tjetër dhe nuk ka patur lidhje me kontrollin e banesave dhe krijimin e procesverbaleve. Nga ana e tij, eksperti Artan Rexhepi tha se është marrë vetëm me ekspertimin e armëve që i janë sjellë në Drejtorinë e Policisë, por kurrsesi nuk ka dijeni për një shtëpi të tillë. Dëshmitari tha se nuk e di se për çfarë shtëpie bëhet fjalë, pasi nuk ka patur lidhje asnjëherë me kontrolle banesash. Dëshmitë e djeshme do t'i lënë vendin edhe dy dëshmitarëve të tjerë, Besnik Doçi dhe Pëllumb Bajrami, të cilët do të thirren perdhunisht nga policia gjyqësore në datë 7 qershor ora dhjetë e gjysmë. Këta janë edhe dëshmitarët e fundit, të cilët po thirren nga akuza dhe që do të hedhin dritë mbi armët e gjetura në shtëpinë e Zeliha Sinës të marrë me qira nga një prej të pandehurve që tashmë nuk jeton më.
Alma Çuka

--------------

[Brari]

KJ.
-----------
"Hakmarrje për Drejtësi", ekspertizë firmëtarëve
Luljeta Ndoka Tiranë - Ekspertiza ndaj firmëtarëve do të vërtetojë nëse ka ekzistuar apo jo ndonjëherë organizata "Hakmarrje për Drejtësi".

Pikërisht ky vendim u mor dje nga Gjykata e Tiranës në seancën gjyqësore të një prej proceseve maratonë të gjyqësorit shqiptar. Dje në Gjykatë kanë qenë të pranishëm dy ekspertët Dritan Toto dhe Anesti Prifti, të cilët edhe do të bëjnë ekspertizën e procesverbaleve të gjetura në shtëpinë e Zeliha Sinës, dhënë me qera të pandehurit Enkeleid Agaj. Ekspertët Toto dhe Prifti janë shprehur gjatë seancës së djeshme gjyqësore, se në bazë të ligjit kërkonin 15 ditë kohë për të nxjerrë përfundimin e ekspertizave të procesverbaleve. Gjithçka bëhet fjalë për firmat që gjenden në procesverbale në mënyrë që të vërtetohet nëse ato kanë autorësinë e të pandehurve të cilët akuzohen për çështjen "Hakmarrje për Drejtësi". Nëse ekspertët Dritan Toto dhe Anesti Prifti do të arrijnë në konkluzionin se emrat dhe firmat në procesverbalet e gjetura në shtëpinë ku banonte Enkeleid Agaj kanë qenë të të pandehurve të çështjes, atëherë vërtetohet edhe fakti se ka ekzistuar organizata "Hakmarrje për Drejtësi". Nga ana tjetër, avokatët, nga ana e tyre e kanë mohuar faktin se arsenali i armëve të gjetura në vitin 1996 nga policia, kishte dalë pikërisht nga shtëpia ku banonte Enkeleid Agaj. Pala e mbrojtjes pretendon se arsenali i famshëm i armëve ka dalë nga njëra prej zyrave të Drejtorisë së Policisë. Madje mbrojtja pretendon se në banesën e Zeliha Sinës, ku jetonte Agaj, nuk ishte kryer ndonjë kontroll. Avokati Dylber Mani është shprehur dje se firmat dhe emrat e të pandehurve që janë gjetur në procesverbale nuk ishin shkruar dhe firmosur nga vetë të pandehurit por nga persona të tjerë. Po ashtu edhe kontrolli i armëve sipas tij nuk është bërë në shtëpinë e Sinës.



Mbrojtja pretendon se firmat nuk janë të të pandehurve

Para trupit gjykues të kryesuar nga gjyqtari Artur Gaxhi avokatët e të pandehurve janë shprehur herëpashere se janë kryer shkelje të rënda nga policia. Kjo, pasi në këqyrjen e banesës së Zeliha Sinës e marrë me qera nga i pandehuri Enkeleid Agaj nuk ka marrë pjesë asnjë nga pala e mbrojtjes. Gjatë seancave të shkuara, avokatët kanë pretenduar se ambientet e Drejtorisë së Policisë së Tiranës duken qartë në fiksimin e armëve të sekuestruara, ndërkohë që akuza pretendon se i ka filmuar ato në shtëpinë e kontrolluar. Po kështu në foto mungojnë procesverbalet e këqyrjes së raftit të librave, sirtareve dhe vendeve ku janë gjetur armët e sekuestruara. E njëjta gjë ndodh edhe me përshkrimin me hollësi të fiksimit të gjurmëve të autorëve mbi sendet dhe armët e gjetura në apartament. Por, sipas avokatëve, ajo që i bën më dyshimta këto proceverbale, është fakti që me sy të lirë duken se firmat e personave pjesëmarrës në këto veprime janë të ndryshme nga një faqe në tjetrën. Po ashtu, sipas palës së mbrojtjes këto procesverbale të mbajtura në të njëjtën datë dhe në të njëjtin vend janë shpërndarë në olume të ndryshme të fashikullit hetimor për të ngatërruar pjesëmarrësit në gjykim.
------------------------

Sipas ketyre lojnave ska pasur bomb tek "Vefa"....nuk jan vrare e plagosur njerez ate dite..Nuk u vra Kaloshi oficeri shtetit..
"hakmarrja per drejtesi" ishte pararoja e revolucionit bolshevik.. Nuk ishte rastesi..qe kishte SHYT ne kte organizat e SHYT ne Revolucionin vlonjato-mafioz te 97.es.
Keto dite shteti liron e cfajeson banditet dhe denon ish oficeret qe ne 97-ten deshen te mbrojne shtetin.
Kjo eshte shenje e keqe.

[Brari]

TIRANE (15 Qershor) - Presidenti Meidani fal nëntë të dënuar. Ndërsa pritej që Presidenti i Republikës të nënshkruante mbi amnistinë e miratuar në Pralament, afati ligjor për të cilën ka skaduar më datë 13 qershor.
Ndërsa presidentit nuk i kanë mbetur më shumë se dy muaj nga mandati i tij kushtetues dhe "de fakto" ka nisur fushata për zgjedhjen e presidentit. Ai pikërisht në datën 13 qershor ka nënshkruar një dekret, sipas të cilit shtatë të dënuarve u ka falur nga një vit burg, njërit i ka falur dy vite burg dhe të nëntin e ka nxjerrë automatikisht nga qelitë e Komisariatit të Durrësit.
Dekreti
"Mbështetur në nenin 92, pika B të Kushtetutës së Republikës së Shqipërisë dhe në nenet 93 e 94, Presidenti i Republikës me propozim të Prokurorit të Përgjithshëm dhe të organeve të Pushtetit Lokal dekreton". Kështu e nis argumentimin e tij për privilegjimin e nëntë të dënuarve Presidenti i Republikës në dokumentin me numër 3367. Dhe pasi rendit emrat që kanë përfituar ulje dënimi, dekreti mbyllet me fjalitë. "Ky dekret hyn në fuqi menjëherë". Pas kësaj juristi i Drejtorisë së Burgjeve ka udhëtuar drejt qelive të paraburgumit në Drejtorinë e Policisë së Durrësit, ku kryen dënimin Shaban Elezi për t'i zgidhur atij prangat.
Në dekret nuk jepet asnjë sqarim lidhur me kriteret që janë pasur parasysh në përzgjedhjen e të dënuarve. Nëse propozimi ka qenë i ish-kryeprokurorit të Përgjithshëm, Arben Rakipi, apo i të sapo emëruarit Dhori Sollaku. Nëse propozimi ka mbetur që nga koha e Rakipit, përse Meidani ka nënshkruar tashmë. E nëse ka propozuar kryepr okurori aktual, përse e ka ndërmarrë këtë nismë, kur është duke u debatuar ashpër ligji për amnistinë. Me një mungesë transperence institucioni i presidentit nuk sqaron edhe "pozicionin e organeve të pushtetit lokal" në nismën e tyre për të propozuar uljen e dënimit për të dënuarit. Mbi ç'bazë është bërë ulje e dënimit për shtatë me nga një vit, për një dy vjet dhe për një tjetër i është hequr i gjithë dënimi i mbetur.
Në fakt nëse gjykohet për momentin kur është hequr, kur "de fakto" ka hyrë në fuqi amnistia, e cila fal të dënuarit për krime të lehta mundet që të dënuarit e falur nominalisht nga presidenti Meidani të jenë të dënuar me shumë vite burg.
Amnistia
Ishte Ministria e Drejtësisë nismëtarja dhe hartuesja e një projekti për amnisti nisur disa muaj më parë. Qëllimi "i thënë nën zë", por ndonjëherë edhe publikisht ishte lirimi i burgjeve, që janë të tejmbushura. Amnistia u debatua ashpër në Qeveri, më pas në Komisionin e Ligjeve në Parlament dhe më 16 maj u diskutua në seancë parlamentare. Debati ka qenë i ashpër, i paqartë dhe në disa raste konfuz. Madje pati zëra që thanë se deputetët bënë ndryshime të tilla në ligj, në mënyrë që të favorizoheshin politikanët që janë duke u hetuar. Ndërsa të tjerë thanë se Presidentit të Republikës i ka shkuar një ligj i ndryshëm nga ai që u diskutua dhe u miratua në Parlament. Ndërkaq, Meidani nuk reagoi fare lidhur me amnistinë, duke konsumuar të gjithë afatin ligjor brenda të cilit duhet ta nënshkruante ose të kthente mbrapsht. Ndërkaq, ligji është duke u shtypur në fletoren zyrtare, e cila publikohet të hënën. Vetëm 15 ditë pas të hënës ajo hyn në fuqi dhe nis nga ekzekutimi. Ende nga Drejtoria e Burgjeve nuk ka një statistikë të saktë për numrin dhe emrin e të dënuarve që dalin nga burgu.
Emër - Koha që u falet
1. Lulëzim Koçi - 1 vit
2. Halit Demiri - 1 vit
3. Tomor Murati - 1 vit
4. Bylbyl Marku - 2 vjet
5. Artur Qazolli - 1 vit
6. Shaban Elezi - Lirohet
7. Alfred Rrushi - 1 vit
8. Gjergj Shotaj - 1 vit
9. Ton Ulaj - 1 vit


dxh/an (Gazeta Shqiptare/BalkanWeb)
--------------------

gazetari i mire duhej krahas informacionit zyrtar te germonte ate cka eshte thelbesore per ditet tona...
Pra...Po liron Mejdani vjedhsa pulash e hurmash far zeza apo Bandite, tutore, perdhunues, Vrases etj...
Kjo eshte me rendesi.


Perdhunusi, ARIFI i Korces u denua vetem me 3 vjet e Ai meritonte ne fakt varje ne Litar...Kurse Babai hero qe mbrojti te bijen nga banda e rrembyesve u denua me 15-20 vjet burg..
Po Korca ashtu eshte, prone e nxensve te Nevzat Hasnedareve...
C'te besh..

[Brari]

RD
------
Zyrtarët e Pëllumbit ndryshojnë ligjin për amnistinë në Fletoren Zyrtare

Skandal. "Ligji Për amnistinë" botohet i ndryshuar

Olldashi: "Njerëz të caktuar që kanë patur mundësinë ta bëjnë këtë, kanë qenë të interesuar për të përfshirë brenda amnistisë njerëz konkretë që janë të dënuar për vepra konkrete. Besoj se është bërë pikërisht për këtë arsye, sepse nuk gjej ndonjë arsye tjetër, që një ligj i miratuar nga Kuvendi të pësojë ndryshime gjatë botimit në Fletoren Zyrtare"



Skandal në Kuvend. Zyrtarët e kryeparlamentarit socialist Servet Pëllumbi ndryshojnë Ligjin për amnistinë. Ligji Nr. 8895, datë 16. 5. 2002, "Për amnistinë e të burgosurve dhe të penalizuarve të ndryshëm" botohet i ndryshuar në Fletoren Zyrtare. Për të zbuluar të vërtetën, Komisioni parlamentar i Ligjeve është autorizuar dje nga Kuvendi për zbardhjen e shiritave ku është rregjistruar e gjithë seanca plenare e parlamentit, kur është shqyrtuar dhe miratuar ligji në fjalë.

Rikthimi në parlament i debatit mbi projektligjin për amnistinë ka ardhur pas konstatimit të skandalit nga deputeti demokrat Sokol Olldashi. Pas reagimit të ashpër të zotit Olldashi, kryeparlamentari Pëllumbi ka urdhëruar zbardhjen e shiritave të seancës plenare të datës 16. 5. 2000, kur është miratuar ky ligj.

Deputeti Olldashi tha se Komisioni i Ligjeve duhet të bëjë verifikimet e duhura, pasi, sipas tij, ka të dhëna që varianti i miratuar nga Kuvendi është ndryshe nga varianti, i cili është dhënë për botim në Fletoren Zyrtare.

Sipas zotit olldashi, ndryshimet në këtë ligj mund të jenë bërë me qëllim për të nxjerrë nga burgu persona të caktuar.

"Njerëz të caktuar që kanë patur mundësinë ta bëjnë këtë, kanë qenë të interesuar për të përfshirë brenda amnistisë njerëz konkretë që janë të dënuar për vepra konkrete", - tha Olldashi në seancën e djeshme plenare të Kuvendit. Sipas tij, dikush duhet të mbajë përgjegjësi për këtë skandal, duhet të zbardhet materiali dhe nëqoftëse vërtetohet se ka ndryshime, dikush duhet të përgjigjet. Reagimi i ashpër i opozitës vjen për faktin se ligji i miratuar nga Kuvendi është dhunuar në mënyrë të paligjshme, me qëllim favorizimin e disa kriminelëve.

"Besoj se është bërë pikërisht për këtë arsye, sepse nuk gjej ndonjë arsye tjetër që një ligj i miratuar nga Kuvendi të pësojë ndryshime gjatë botimit në Fletoren Zyrtare", - tha Olldashi.

Kryetari i Komisionit Parlamentar të Ligjeve, Spartak Braho, pranoi se kjo mund të ketë ndodhur nga ndonjë pakujdesi. Braho u shpreh kundër idesë së bllokimit të ligjit përpara se ai të hyjë në fuqi.

"Nuk e di nëse qëndrojnë vërejtjet e zotit Olldashi, por rruga për t’i ndrequr është vetëm amendimi në këtë rast", - tha zoti Braho. Sipas tij, nuk ka asnjë rrugë tjetër, as bllokim, pasi është një dekret i miratuar nga Presidenti i Republikës. Gjithësesi, edhe kreu i Komisionit parlamentar të Ligjeve nuk ka dyshim që është një ngjarje jo normale. Kjo "pakujdesi" duket se i ka shpëtuar edhe Presidentit Meidani, i cili ka firmosur ligjin e amnistisë pa e deklaruar. Megjithatë, ky ligj nuk mund të zbatohet derisa të verifikohen parregullsitë.

Në seancën e radhës deputetët kanë diskutuar mbi tre orë rreth gjashtë projektligjeve, gjysma e të cilëve janë shtyrë. Debate të ashpra ka patur veçanërisht rreth projektligjit për përmbajtjen dhe formën e flamurit, për të cilin, kryetari i Grupit Parlamentar të PD-së, Bamir Topi, si dhe deputetët demokratë, Beja e Hoti, kanë dënuar qëndrimet e papërgjegjëshme të pseudomazhorancës. Vetëm projektligji për nxitjen e peshkimit është miratuar dje pa asnjë votë kundër.

H. RAMA

-------------

c'eshte nji dhelper ky Servil Pellumbi..katundari Korces me titull Profesor i bolshevizmit.
Kryetar i ligjeve, Braho, qe ju kapen vaporret me droge ne porto.
E shpetoi dr. Saliu Brahon nga Burgu qe po ja bente gati Rakipi.
I njejti Braho vuri shupenzarakun te hidhte granaten Saliut ne shkallnuer.
Cbehet more aman..

[Brari]

Te liruarit e amnistise rimbushin qelite.

Te pakten kater grupe vjedhesish dhe trafikantesh droge jane riprangosur nga policia e Tiranes, nderkohe qe kishin vetem pak dite te liruar nga burgjet. Precedenti eshte duke vene ne pikepyetje menyren e perzgjedhjes se te denuarve, qe perfituan nga amnistia e fundit.

Aida HARKA.
Ferdinand DERVISHI.

"Keta perseri ketu do te kthehen, pothuaj te gjithe", keto ishin fjalet e nje prej psikologu, qe punonte ne nje burg te kryeqytetit me 29 qershor, diten kur 119 te denuarit e amnistuar lane qelite e tyre. Duke qene ne kontakt te perditshem me ta, psikologu e kishte parashikuar sakte se cdo te ndodhte. Dhe nuk kalon as nje jave, kur nje pjese e mire e tyre tashme eshte rikthyer ne qeli, pothuaj nen te njejtat akuza qe ishin ishin denuar para se te perfitonin nga amnistia. Keshtu vetem ne Tirane jane regjistruar tre-kater ditet e fundit kater raste te ndalimit, nje pjese ne kushtet e flagrances, te grupeve te ndryshme te vjedhesve apo poseduesve te droges. Tre raste jane regjistruar nga Komisariati 1 i Tiranes dhe nje nga ai numer 3. Grupi i pare i ndaluar nga Komisariati 1, ishte nje grup vjedhesish, te cilet kishin "pastruar" nga mallrat disa dyqane. Nderkohe qe interesant ishte ndalimi nga i njejti Komisariat, i turkut Nurih Karakaj, i cili i sapoliruar nga amnistia, ku vuante denimin per trafik klandestinesh, kapet me 700 grame heroine dhe me nje laborator per perpunimin e saj. Akoma me klasik ishte rasti i arrestimit te dy vjedhesve po nga policia e Komisariatit 1, ndersa ishin duke mbushur thaset ne nje supermarket. Quheshin Fation Lila dhe Ardian Veseli nga Tirana dhe sapo kishin lene qelite e burgut te amnistuar. Por nuk kishin duruar me shume se 4 dite pa rifilluar zanatin e tyre te vjeter. Ne lagjen Ali Demi, prane distributorit RIRA, ata te dy pasi kishin hequr nje fashe metalike te qepenit, duke mundur te futeshin brenda rreth ores 04.00 te nates. Policia kishte mberritur tamam ne kohen kur dy vjedhesit ishin duke mbushur thaset me steka cigaresh, prodhime kozmetike dhe sende te tjera. Pas arrestimit ne flagrance, vlera e mallit ne 4 thaset, qe kishin arritur te mbushnin, eshte llogaritur rreth 10 milione leke te vjetra.

Nje tjeter rast domethenes eshte ai i ndalimit nen akuzen e vjedhjes se tre personave para dy ditesh nga Komisariati 3 i Tiranes. Ish-te denuar per marrjen peng te nje kinezi ne vitin 1999, ata pas faljes nga amnistia, kishin vazhduar ritualin e vjedhjeve ne Tirane duke synuar nje rrjet lokalesh EUROLLOTO. Policia i kishte arritur te dokumentonte levizjet e tyre ditet e fundit duke i prangosur.
Prangosjet e te pakten tre grupeve te vjedhesve dhe te nje turku, qe kishte ne shtepine e vet nje paisje per perpunimin e heroines si posedimi i 700 grameve te kesaj droge, nuk ka sesi te mos tregoje se sa e gabuar ka qene per nje grupim te caktuar te burgosurish amnistia. Po keshtu, arrestimi dhe dergimi ne burg i te njeteve persona, qe pak dite me pare ishin atje, natyrisht qe edhe ekonomikisht i rendon shtetit.
--------------------------

Bravo REXH MAJMUNI ose Mejdani.