Sekretari i shtetit amerikan Powell viziton Tiranen

[ganoid]

TIRANE (29 Prill) - Mbërrin të premten në Tiranë për një vizitë zyrtare, sekretari amerikan i shtetit Kolin Pauell. Mësohet se Pauell do të zhvillojë një takim me kryeministrin shqiptar Fatos Nano. Marrëdhëniet mes Shqipërisë dhe SHBA-së cilësohen mjaft të mira, sidomos pas mbështetjes që vendi ynë i dha koalicionit antiterrorist të udhëhequr nga SHBA për rrëzimin e regjimit të Sadam Huseinit. Në kuadër të këtij koalicioni Shqipëria dërgoi në Irak një njësi ushtarake të përbërë nga 70 komando, për një mision paqeruajtës. Nga ana tjetër mjaft firma shqiptare i janë përgjigjur kërkesës amerikane për të marrë pjesë në rindërtimin e Irakut të pasluftës. anjo/ro (News 24/BalkanWeb)

[Albo]

Vizita e Powell ne Tirane do ta "kthjelloje" Nanon. Presim te lexojme fjaline e dyte te Powell kur te prononcohet ne Tirane, pasi fjalia e pare do te jete falenderimi per luften ne Irak dhe mbeshtetjen e Shqiperise. Nano duhet te mjaftohet me nje vizite te Powell ne Tirane dhe jo me nje vizite te Nano ne Washington qe Nano ka 13 vjet qe e enderron. Kontrast i madh ky kur mendon se gati te gjithe presidentet dhe kryeministrat e Polonise, Cekise, Hungarise, Bullgarise kane qene te ftuar speciale ne Washington perpara fillimit te luftes.

Asnje prej ketyre vendeve nuk i ka dhene luftes ndihmen e pakushtezuar qe i dha Shqiperia.

[Beqari002]

Une do thoja e mjere Shqiperia qe gjeti te hyje ne radhet e Bullgarise,Rumanise , Cekise e vendeve me te varfera te rajonit,vendeve ku lulezon prostitucioni,krimi, e gjithe te ligat e njerezimit.
-------------------
-----------------------
Oj sharki e lehete si era , a ka ardhur ne shqiperi pranvera?

[Albo]

Nje lufte, per nje ftese

Lajmi per viziten e Sekretarit Amerikan te Shtetit Kolin Pauell, te premten ne Tirane, ka bere qe deliri i Fatos Nanos dhe stafit te tij te ngushte, te mbizoteronte ne paraditen e djeshme, atmosferen e korridoreve te Keshillit te Ministrave. Vete Kryeministri, ndoshta ka patur te drejte per kete. Jo vetem per faktin se ajo shenon viziten e trete te nivelit kaq te larte, te zyrtareve amerikane ne Shqiperi, gjate ketyre 12-13 viteve. Dhe as per faktin se ajo mund te vertetoje se sa te drejte kishte Kryeministri, kur pranoi t'i jape SHBA, pa asnje ekuivok, mbeshtetjen per luften ne Irak. Me shume se keto, Nano dje duket se ka ndjere me prane se asnjehere tjeter gjate karrieres se tij politike, aromen e Salles Ovale te Shtepise se Bardhe.

Te asaj salle, te cilen deri tani e ka vizituar zyrtarisht me nje ftese te Presidentit Klinton, vetem ish-Presidenti Berisha. Por, ne maj 2001, Shtepine e Bardhe arriti ta vizitoje e te takohet me Presidentin Bush, edhe ish-Kryeministri Meta. Fatos Nano, eshte i vetmi nga VIP-at e politikes shqiptare, qe nuk ka mundur te shtrengoje doren me nje President amerikan. Nje vend goxha bosh ky, ne koleksionin e madh te trofeve te liderit te mazhorances, po te kemi parasysh edhe kompleksin e politikaneve tane ne pergjithesi dhe te se majteve ne vecanti, per raportet me Uashingtonin. Aq me teper, qe ish-Presidenti Meidani ka arritur te takohet me Klintonin me 24 prill 1999 gjate Samitit per 50 vjetorin e NATO-s dhe ne Shkup, ne veren e po atij viti. Ndersa Presidenti Moisiu u takua me Bushin, gjate Samitit te Prages dhe ne pervjetorin e pare te sulmeve te 11 shtatorit, ne SHBA.

Pasneser, Fatos Nano pritet te firmose me Kolin Pauell, marreveshjen per mosdorezimin nga ana e Shqiperise, te zyrtareve dhe ushtarakeve amerikane, prane Gjykates Penale Nderkombetare. Me pas, axhenda parashikon edhe nje dalje me te, para gazetareve. Veprime qe gjithesesi, nuk mund te cojne ne delir, humorin e nje politikani si Nano.

Burimet diplomatike thane se shume shpejt, Presidenti Bush pritet te zhvilloje ne Sallen Ovale, nje takim me perfaqesuesit me te larte te shteteve te koalicionit kunder regjimit te Sadamit. Ndaj me shume se rikonfirmimin e mbeshtetjes se SHBA per Shqiperine, pas fitores se luftes ne Irak, Nano pret nga Pauell ftesen per te vizituar Shtepine e Bardhe. Nje ftese qe pas rrisqeve ne raportet me Brukselin, per shkak te angazhimit pa asnje ekuivok te Qeverise shqiptare perkrah veprimit ushtarak mbi Bagdad, pritet te realizoje, endrren e jetes politike te liderit te PS.

Korrieri

[katana]

do ta pyes personalisht Zt.Powell mbi viziten e tij ne shqiperi te premten . jam e ftuar me date 7 maj ne "annual dinner -foreign policy association" ku te ftuarit e nderit jane pikerisht Colin Powell and Javier Solana. keni ndonje pyetje qe mund te percjell?

duket dicka teper interesante dhe tani jam dhe me entuziaste pasi vet ai do te ket vizituar shqiperine keto ditet e fundit dhe mund te me jap pershrypje te freskta.

kata

[Albo]

Katana, beji nje pyetje te tille:

Most of the countries that supported the US position in Iraq are countries from central and Eastern Europe. Albania was one of these countries that offered its support to US unconditionally. I guess my question is: Will there be a "realignment of US interests in Europe" now that the war in Iraq is over? What are the short and long term commitments of US in Eastern Europe in general, and Albania in particular?

Kjo eshte pyetja qe une do ti beja Sekretarit te Shtetit. Do te ishte me shume interes, te pakten per mua.

Albo

[kundraRRYMES]

Nano-Moisiut: Pauell të dekorohet me urdhërin "Gjergj Kastrioti Skënderbeu"

Marre ne Balkanweb



Kolin Pauell
TIRANE (30 Prill) - Kryeministri Fatos Nano i ka propozuar presidentit të Republikës, Alfred Moisiu, dekorimin e Sekretarit amerikan të Shtetit, Kolin Pauell, me urdhërin "Gjergj Kastriot Skënderbeu, në kuadër të vizitës që ai do të zhvillojë në Tiranë pas dy ditësh. Ky dekorim do t'i akordohet Pauellit me motivacionin, "Për vizionin e tij të veçantë, lidershipin dhe rolin e tij të çmuar në mbështetje të demokracive të reja, që ndajnë vlera të njëjta me Shtetet e Bashkuara dhe për vlerësimin e tij të veçantë për rëndësinë e Shqipërisë dhe Europës Juglindore në lidhje me stabilitetin rajonal dhe një Europë në paqe; për angazhimin e tij personal për zgjerimin e NATO-s, duke përfshirë dhe partnerët fqinjë të Adriatikut, si dhe për inkurajimin dhe mbështetjen për integrimin e Shqipërisë në institucionet euroatlantike; për vëmendjen e tij personale dhe mbështetjen entuziaste ndaj përpjekjeve të Shqipërisë për t'u bërë një shoqëri e vërtetë demokratike dhe konsolidimin e marrëdhënieve të shkëlqyera me Shtetet e Bashkuara; për mbrojtjen e vendosur në përmbushjen e vizionit të presidentit Bush, për një Europë të bashkuar, të lirë dhe të begatë, si dhe për vlerësimin prej tij të kontributit të dhënë nga Shqipëria në krijimin e këtij realiteti dhe Për njohjen e kontributit të tij të pakrahasueshëm si një lider botëror dhe një luftëtar i paqes"

[Llapi]

Nano i propozon Moisiut: Sekretari Pauell të dekorohet me urdhërin “Gjergj Kastrioti Skënderbeu”

TIRANE, 30 prill - Kryeministri Fatos Nano i ka propozuar presidentit të Republikës, Alfred Moisiu, dekorimin e Sekretarit amerikan të Shtetit, Kolin Pauell, me urdhërin "Gjergj Kastriot Skënderbeu, në kuadër të vizitës që ai do të zhvillojë në Tiranë pas dy ditësh. Ky dekorim do t'i akordohet Pauellit me motivacionin, "Për vizionin e tij të veçantë, lidershipin dhe rolin e tij të çmuar në mbështetje të demokracive të reja, që ndajnë vlera të njëjta me Shtetet e Bashkuara dhe për vlerësimin e tij të veçantë për rëndësinë e Shqipërisë dhe Europës Juglindore në lidhje me stabilitetin rajonal dhe një Europë në paqe; për angazhimin e tij personal për zgjerimin e NATO-s, duke përfshirë dhe partnerët fqinjë të Adriatikut, si dhe për inkurajimin dhe mbështetjen për integrimin e Shqipërisë në institucionet euroatlantike; për vëmendjen e tij personale dhe mbështetjen entuziaste ndaj përpjekjeve të Shqipërisë për t'u bërë një shoqëri e vërtetë demokratike dhe konsolidimin e marrëdhënieve të shkëlqyera me Shtetet e Bashkuara; për mbrojtjen e vendosur në përmbushjen e vizionit të presidentit Bush, për një Europë të bashkuar, të lirë dhe të begatë, si dhe për vlerësimin prej tij të kontributit të dhënë nga Shqipëria në krijimin e këtij realiteti dhe Për njohjen e kontributit të tij të pakrahasueshëm si një lider botëror dhe një luftëtar i paqes".
Radio 21

[Albo]

Sekretari amerikan i Shtetit viziton Tiranën për tre orë. Takime me Moisiun, Nanon dhe Metën

Pauell ndërron planin, të premten në Tiranë

Ishte parashikuar që marrëveshja mes Shqipërisë, Kroacisë dhe Maqedonisë të firmosej në Uashington

TIRANE-Kur Departamenti i Shtetit po i jepte dorën e fundit detajeve të takimit katërpalësh SHBA-Shqipëri-Kroaci- Maqedoni, një ndryshim i papritur i axhendës bëri që vendi i firmosjes së marrëveshjes të zhvendosej në Tiranë. Sipas burimeve zyrtare, nënshkrimi i dokumentit të përbashkët mes tre vendeve ballkanike që do të angazhohen për program të njëjtë dhe bashkëveprim në lidhje me anëtarësimin në NATO, ishte parashikuar që të bëhej në Uashington mes tre Ministrave të Jashtëm të këtyre vendeve. Zv/kryeministri dhe ministri i Jashtëm Ilir Meta me homologët e tij maqedonas dhe kroat, do të hidhte firmën në prani të sekretarit të Shtetit, Kolin Pauell, pas pak ditësh në Departamentin e Shtetit. Por lëvizjet e nëndheshme diplomatike dhe një koincidencë me tur vizitash të sekretarit amerikan bënë që plani të modifikohet duke sjellë të premten për tre orë krahun e djathtë të presidentit Bush. Vizita blic në Tiranë e tij duket e një rëndësie të veçantë po të kihet parasysh se ai nis sot një tur në disa vende të Evropës dhe të Lindjes së Mesme. Shefi i diplomacisë amerikane do të jetë sot në Madrid të Spanjës me kryeministrin Aznar, të enjten do të bëjë një ndalesë në Itali për të zbritur në Rinas të premten në mëngjes. Të premten në drekë, ai do të fluturojë në drejtim të Sirisë dhe të dielën në Liban. Nënshkrimi i marrëveshjes trepalëshe në Tiranë dhe jo në Shkup apo Zagreb u cilësua dje nga qarqet zyrtare si një sukses diplomatik i qeverisë. Stafi i ministrit të Jashtëm Meta kishte disa ditë që po përgatitej për vizitën në SHBA dhe takimin me sekretarin e Shtetit. Gjithsesi dje ndryshimi i planit, nga diplomacia shqiptare u komentua si një vlerësim për kontributin e Shqipërisë gjatë luftës për çlirimin e Irakut.

Axhenda

Nga qeveria dje u njoftua dhe axhenda e vizitës disaorëshe të Pauellit. Sekretari i Shtetit do të zbresë në aeroportin “Nënë Tereza “ herët në mëngjes për të zhvilluar takimin e parë me kreun e shtetit Alfred Moisiu. Më pas në Kryeministri ai do të takohet me kryeministrin Fatos Nano dhe zv/kryeministrin e ministrin e Jashtëm Ilir Meta. Axhenda vijon me nënshkrimin e marrëveshjes së përbashkët Shqipëri-Kroaci-Maqedoni për bashkëpunim dhe programe të përbashkëta për anëtarësimin në NATO ku Pauell do të shprehë mbështetjen për këtë çështje. Zëdhënësi i kryeministrit, Dalipi njoftoi se më pas Pauell dhe Nano do të firmosin marrëveshjen “Ndërmjet Qeverisë së Republikës së Shqipërisë dhe Qeverisë së Shteteve të Bashkuara të Amerikës, për dorëzimin e personave në Gjykatën Ndërkombëtare Penale”. Ky dokument nuk është firmosur nga shumë shtete evropiane të cilët kanë aderuar në “Statusin e Romës” dhe janë angazhuar që të dorëzojnë pranë Gjykatës Penale Ndërkombëtare amerikanët që ndiqen penalisht nga kjo Gjykatë. Në përfundim Nano dhe Pauell do të dalin në një konferencë të përbashkët për shtyp. Ndërsa marrëveshja që do të firmoset mes Ministrave të Jashtëm të Shqipërisë, Maqedonisë dhe Kroacisë, një nismë që zuri fill në Samitin e Tiranës në 12 shkurt do të shprehë se të tre vendet e rajonit do të hartojnë një strategji të përbashkët për anëtarësimin në NATO.


NATO, Marrëveshja Shqipëri-Kroaci- Maqedoni

TIRANË--Në Samitin e Tiranës në 12 shkurt 2002 tre presidentët e Shqipërisë, Maqedonisë dhe Kroacisë përkatësisht Moisiu, Trajkovski dhe Mesiç në prani edhe të ambasadorit amerikan në Tiranë, Xhefri, nënshkruan një deklaratë ku shpreheshin se të tre vendet pas samitit të Pragës do të bashkëpunonin me programe dhe strategji të përbashkëta për t’u anëtarësuar në NATO. Detyrimet ligjore dhe ato teknike që rridhin prej kësaj deklarate u caktuan që të ishin pjesë e punës së Ministrive të Mbrojtjeve përkatëse. Të premten, dokumenti do të marrë formë vendimmarrëse duke u nënshkruar edhe nga Ministrat e Jashtëm të tre vendeve dhe nga sekretari i Shtetit Kolin Pauell, i cili do të shprehet për mbështetje të fuqishme të SHBA-së në këtë drejtim.


Marrëveshja Pauell-Nano: Jo dorëzimit të amerikanëve që ndiqen nga Gjykata Ndërkombëtare Penale

TIRANE- Kryeministri shqiptar dhe sekretari amerikan i Shtetit do të firmosin të premten “Marrëveshjen, ndërmjet Qeverisë së Republikës së Shqipërisë dhe Qeverisë së Shteteve të Bashkuara të Amerikës, për dorëzimin e personave në Gjykatën Ndërkombëtare Penale”. Sipas qeverisë, Ambasada e SHBA-së në Tiranë ka propozuar “Marrëveshjen ndërmjet qeverisë së Republikës së Shqipërisë dhe qeverisë së Shteteve të Bashkuara të Amerikës, mbi dorëzimin e personave në Gjykatën Ndërkombëtare Penale”.
Marrëveshja synon mosdorëzimin e “personave” që ndodhen në territorin e Republikës së Shqipërisë, në Gjykatën Ndërkombëtare Penale dhe bazohet në nenin 98 të Statutit të Romës për krijimin e Gjykatës Ndërkombëtare Penale, i cili parashikon që Gjykata nuk mund të veprojë me një kërkesë për dorëzim ndaj një shteti, kur kjo e çon këtë shtet në një shkelje të një marrëveshje ndërkombëtare me një shtet të tretë.
Në marrëveshje shprehet synimi i palëve për të hetuar dhe ndjekur penalisht veprat penale të parashikuara nga Statuti i Romës për Gjykatën Ndërkombëtare Penale, brenda juridiksionit të tyre. Në të parashikohet që qeveria e Republikës së Shqipërisë nuk do të dorëzojë apo transferojë në asnjë mënyrë në Gjykatën Ndërkombëtare Penale, ose në një entitet ose vend të tretë me qëllim dorëzimin, apo transferimin në këtë Gjykatë, të zyrtarëve të tanishëm, apo të mëparshëm të qeverisë, të të punësuarve, ose personelit ushtarak, apo nënshtetasve të Shteteve të Bashkuara të Amerikës.

[Albo]

Eshte interesant se si Nano e kompani po perpiqen ta shesin viziten e Powell si nje vizite vetem per te takuar Nanon. Takimin e pare Sekretari nuk do ta beje me Nanon por me presidentin e vendit Moisiu.

[katana]

dhe ne do ta firmosim kete ligj?

ah c'po e luan bukur amerika pjesen e saj, dhe shqiperia po behet lolo e saj.

un isha dhe jam kundra amerikes ne vendimin e saj per sa i perket Gjykates Nderkombtare Penale.

[gjethi]

Le ta leme menjane pesimizmin dhe te shohim me larg.
Ndoshta jemi me fat pavaresisht se fati nuk na ka prire ndonjehere ashtu sikur deshen paraardhesit dhe ne te sotshmit.
Vete vizita e Powell duhet te deshomje se Shqiperia ka aleate.
Le te presim.

[Llapi]

Ahrens: Evropianët dhe amerikanët kanë të njëjtat interesa për Shqipërinë

UASHINGTON, 1 maj - Ish-shefi i misionit të OSBE-së në Shqipëri, ambasadori Geert Ahrens, thotë se vizita e Sekretarit amerikan të Shtetit Colin Powell në Tiranë është diçka që duhet përshëndetur. Ambasadori Ahrens, i cili ka punuar për një kohë të gjatë në shërbimin diplomatik gjerman ndërsa tani ndodhet në Qendrën Ndërkombëtare të Studimeve Woodrow Wilson në Uashington, thotë për VOA se evropianët dhe amerikanët kanë në thelb të njëjtat interesa në vende si Shqipëria.
Zoti Ambasador, kohët e fundit Shqipëria është treguar aktive në mbështetje të ndërhyrjes së udhëhequr nga ShBA në Irak. Sekretari amerikan i Shtetit Powell do të vizitojë nesër Tiranën. Si mund të përfitojë Shqipëria nga kjo situatë e re e krijuar për të?
"Shqipëria, vazhdimisht që nga rënia e komunizmit ka patur një atmosferë shumë pro-amerikane në vend. Mendoj se kjo është një gjë shumë e mirë sepse ka ndihmuar për zhvillimin e institucioneve demokratike dhe për ta lidhur Shqipërinë me strukturat euro-atlantike. Unë kam qenë në Shqipëri kur atje ishte për vizitë sekretarja e shtetit Madeleine Albright dhe kjo ishte një ngjarje e madhe për Shqipërinë. Dhe kur sekretari Powell të shkojë atje, kjo përsëri do të jetë një gjë shumë e mirë. Unë e them gjithmonë se evropianët dhe amerikanët kanë në thelb të njëjtat interesa në vende si Shqipëria apo në vende të tjera në rajon, e pikërisht për t’i bërë këto vende të përshtaten në strukturat euro-atlantike, prandaj mendoj se kjo është diçka që duhet përshëndetur."
Zoti Ambasador, korrupsioni dhe krimi i organizuar në Shqipëri janë kthyer gati në një epidemi që po pengon seriozisht zhvillin e shoqërisë. Përmes kanaleve të ndryshme, ShBA dhe Bashkimi Evropian e kanë ngritur këtë problem pranë qeverisë shqiptare. A mendoni se presioni ndaj qeverisë shqiptare ka qenë i mjaftueshëm?
"Është shumë e vështirë për të formuluar taktikat e drejta në këtë aspekt. Ka disa vende perëndimore që vazhdimisht lavdërojnë ka edhe të tjerë që mbajnë qendrim shumë kritik. Në disa raste ndodh që nga qeveritë në kryeqytetet e ndryshme vijnë komente kritike ndërsa ambasadori i akredituar në vend, të cilit i pëlqen Shqipëria është më pak kritik. Por mendoj se sidoqoftë, këto probleme duhen zgjidhur para se Shqipëria të mund të pranohet në strukturat euro-atlantike. Kjo nuk është diçka që më takon mua ta rekomandoj apo që unë e di. Kur isha në Shqipëri, kishte filluar puna me Bashkimin Evropian për të përgatitur fillimin e bisedimeve lidhur me paktin e asocim-stabilizimit që Shqipëria kërkon me Bashkimin Evropian. Pra çështja që shtroni ju duhet të zgjidhet dhe Shqipërisë nuk do t’i bëhej mirë nëse kjo nuk do të thuhej qartë. Por natyrisht ajo duhet të thuhet në një mënyrë që respekton dinjitetin e vendit."
Zoti Ambasador, ju keni qenë shef i zyrës së OSBE-së në Shqipëri. Përse ka një zvogëlim të rolit të OSBE-së në Shqipëri? A e shikoni këtë si shenjë që tregon se forcat politike të atjeshme janë pjekur apo si diçka tjetër?
"Është e vështirë për mua t’i përgjigjem kësaj pyetjeje sepse unë kam tani pasuesin tim në Tiranë dhe nuk dua të ndërhyj në punën që bën ai. Është fare e qartë se misionet e OSBE-së shkojnë në një vend të caktuar me qëllimin për të ndihmuar në zgjidhjen e një krize dhe kur kriza zgjidhet ato duhet të largohen. Personalisht unë jam gjithashtu kundër një pranie të huaj tepër të madhe në disa vende ku mund të mos ketë fare një nevojë të tillë. Në Kosovë, kjo është e nevojshme por duhet të them se kur shkoj në Prishtinë dhe shikoj aq shumë të huaj atje, më duket se ka farë një lodhjeje me praninë e huaj. Në Shqipëri, kjo lodhje ende nuk vihet re. Kudo që kemi shkuar, sidomos nëpër fshatra, njerëzit kanë qenë shumë mikpritës - një nga kujtimet më të bukura që unë kam nga Shqipëria, dhe kjo duhet të mbetet kështu. Nëse një mision i huaj nuk është më i mirëpritur, ai duhet të largohet. Nga ana tjetër, unë do t’u bëja thirrje miqve të mij shqiptarë, përfshirë kryeministrit Fatos Nano, që t’i studiojnë mundësitë që ofron OSBE-ja. Sepse ne kemi qenë shumë të angazhuar në procesin e marrëveshjes për asocim-stabilizimin me Bashkimin Evropian. Ne ishim në gjendje t’i thoshim qeverisë shqiptare se çfarë kërkohej prej saj. Natyrisht Bashkimi Evropian mund ta bëjë këtë vetë, por strukturat evropiane nuk janë krijuar për këtë qëllim. Nga njëra anë janë ambasasat perëndimore dhe nga ana tjetër është përfaqësia e Komisionit Evropian. Mirëpo kjo e fundit nuk ka për detyrë të bëjë deklarata politike. Shtetet e tjera marrin kryesinë e radhës që ndryshon çdo gjashtë muaj. Shpesh ndodh që vendi i cili ka kryesinë e radhës të mos ketë ambasadë në Tiranë. Pikërisht në këtë drejtim OSBE-ja mund të ofrojë diçka."
Zoti Ambasador, me mosmarrëveshjet midis të dy anëve të Atlantikut që kohët e fundit janë shtuar për shkak të luftës në Irak, ShBA duket se mund ta pakësojnë praninë e tyre në Ballkan dhe Bashkimi Evropian të ketë një rol më të madh në ndërmjetësimet e ardhëshme në gadishull. A është në gjendje BE ta marrë përsipër një rol të tillë?
"Natyrisht që Evropa është në gjendje. Unë jam evropian dhe nuk mund të presësh që unë të them se Evropa nuk mund ta bëjë dot këtë. Kam shërbyer për shumë dekada në shërbimin diplomatik gjerman dhe e njoh mirë historinë e bashkëpunimit shumë të ngushtë me Shtetet e Bashkuara. Mendoj se ne duhet të gjejmë rrugën për tu kthyer në një bashkëpunim të tillë. Ndonjëherë kur shikoj se Uashingtoni dhe kryeqytetet evropiane grinden për disa reagime të caktuara të vendeve evropiano-lindore ndaj luftës në Irak, të duken si ata prindërit që zihen në sy të fëmijëve, gjë që ata nuk duhet ta bëjnë. Me këtë nuk dua të them se vendet e Evropës Juglindore janë fëmijë por mendoj se Evropa dhe Shtetet e Bashkuara duhet të punojnë së bashku për të ndihmuar vende si Shqipëria që të hyjnë në strukturat euro-atlantike dhe kam besim se kështu do të ndodhë. Ata kanë një histori të një bashkëpunimi të tillë, siç ka qenë për shembull bashkëpunimi midis meje dhe ambasadorit Xhozef Limprecht, i cili fatkeqësisht vdiq para një viti. Ky ka qenë një bashkëpunim shumë i mirë dhe ne bëmë shumë gjëra së bashku."
radio 21

[Beqari002]

NJE VIZITE QE NGJALL SHPRESE

Nga Marko Bello

Lajmi se Sekretari amerikan i Shtetit, Kolin Pauell do te vizitoje sot Tiranen zyrtare, ka qene nje surprize e kendshme per shqiptaret qe kane ushqyer vazhdimisht ndjenja simpatie dhe perkrahje te hapur per SHBA. Edhe pse vizita e Pauellit nuk besoj se do te kete fatin e vizitave te parardhesve te tij, Xhejms Beker ne 1991 dhe Madalen Ollbrajt ne 2000, te cilet u priten ne menyre madheshtore, gjithsesi shenon nje pike kulmore ne historine e zhvillimit te marrdhenieve shqiptaro-amerikane. Ndonese e shkurter, vizita e shefit te diplomacise amerikane duket e nje rendesie te vecante, pasi ajo eshte pjese e nje turi ne disa vende europiane dhe te Lindjes se Mesme. Gjate vizites, Pauell pritet te takohet me Presidentin Alfred Moisiu, Kryeministrin Fatos Nano dhe Ministrin e Jashtem Ilir Meta. Ai do te nenshkruaje me Kryeministrin Nano marreveshjen ndermjet Qeverise se Republikes se Shqiperise dhe Qeverise se Shteteve te Bashkuara te Amerikes, per dorezimin e personave ne Gjykaten Nerkombetare Penale, si dhe me homologet e tij nga Shqiperia, Kroacia dhe Maqedonia marreveshjen e perbashket te quajtur "Karta e Adriatikut", e cila synon anetaresimin e tre vendeve ne Aleancen e Atlantikut te Veriut.

Fakti qe shefi i diplomacise amerikane preferoi Tiranen ne vend te Zagrebit apo Shkupit nuk mund te jete krejt i rastesishem. Preferenca e tij mund te jete e rastesishme aq sa ishin te tilla anullimet, "per shkak te mjegulles se dendur", te disa vizitave rresht te zyrtareve te larte amerikane, te cilet kishin planifikuar te vinin ne Shqiperi rreth 4 vjet me pare. Ashtu sikurse mungesa e nje orientimi te qarte politik apo dualiteti dhe rivaliteti, ne disa raste krejt i pakuptimte per pragmatizmin amerikan, i zyrtareve te larte te shtetit shqiptar e detyruan Uashingtonin te preferonte asokohe Shkupin, ashtu edhe sot rreshtimi pa rezerva i Shqiperise ne krah te koalicionit boteror, drejtuar nga anglo-amerikanet per clirimin e Irakut ka qene arsyeja kryesore e ndaleses se Kolin Pauellit ne Tirane.

"Shtetet e Bashkuara te Amerikes nuk do ta harrojne kurre ndihmen e dhene nga Shqiperia", shkruante Presidenti amerikan Xhorxh Bush, ne nje mesazh te tij derguar Kryeministrit Nano, duke njohur keshtu kontributin e vyer qe vendi yne i ofroi SHBA-se ne nje moment delikat dhe kur superfuqia e vetme kishte aq shume nevoje. Nuk ka dyshim se vizita e Sekretarit te Departamentit te Shtetit, Kolin Pauell e demonstron me se mire nje ndjenje te tille mirenjohjeje. Rasti i Irakut, ku disa prej aleateve tradicionale i kthyen krahet amerikaneve, nuk do te harrohet lehte ne Uashington. Ndersa Shqiperia ishte nder te paktat vende qe u rreshtua qe ne fillim ne krah te SHBA-se, duke deshmuar si rrallehere maturine e klases se vet politike. "Sado te fuqishme te jene, anijet e medha kane nevoje per anijet e vogla qe te hyjne ne port", do te shprehte, ne menyre figurative nje diplomat amerikan, rend-_e qe pati per SHBA mbeshtetja e Shqiperise. Eshte jashte cdo dyshimi se rreshtimi i shqiptareve ne krah te SHBA-se, edhe pse mund te mos u kete pelqyer disa vendeve europiane, demonstron qarte pjekurine dhe aftesine per te bere zgjidhje te veshtira ne kohen e duhur, zgjidhje qe u sherbejne pikesepari interesave kombetare.

SHBA eshte sot faktori me i rendesishem ne bote per ceshtjet e sigurise. Pa pranine amerikane ne Europe dhe vecanerisht ne Ballkan, konfliktet e natyrave te ndryshme do te jene kercenim i vazhdueshem edhe per shume vite. Nga ana tjeter, nuk duhet harruar per asnje moment se SHBA ka ndikuar ne krijimin e ekuilibrave te rinj ne rajon e me gjere, ne favor te kombit tone. Per ne shqiptaret, ka qene fat qe amerikanet jane investuar direkt ne Ballkan, duke hapur rrugen per barazine reale midis popujve e kombeve, te cilet historia dhe gjeografia i kane denuar me te padrejte ne te kaluaren. Ashtu sikurse respektojne sovranitetin dhe integritetin tokesor, amerikanet kane ditur te respektojne edhe te drejten e pamohueshme te popujve per vetvendosje. Kapitulli Ballkan nuk eshte mbyllur akoma. Kosova pret me padurim statusin e saj qe nuk mund te jete i ndryshem nga pavaresia, ndersa shqiptaret e Maqedonise jane gjithe shprese se shumica sllavo-maqedone do te kete kuptuar me ne fund se pa zbatimin e Marreveshjes se Ohrit nuk ka te ardhme per republiken e brishte.

Me ne fund, vizita e Kolin Pauellit pritet te konsolidoje me tej bashkepunimin ekonomik dhe tregtar me SHBA dhe te nxise fuqishem investimet amerikane ne vendin tone. Investimi 32 milione dollare i Kompanise gjigande Lockheed Martin, e cila do te modernizoje dhe coje ne parametra bashkekohore kontrollin e trafikut ajror ne vendin tone, eshte nje ogur i mire per te ardhmen e investimeve amerikane ne Shqiperi. Synimi i kesaj kompanie per te ndertuar edhe ne portin detar te Durresit dhe Vlores sisteme moderne te kontrollit dhe sigurise te transportit detar, shikohet si sinjal mjaft pozitiv edhe per kompani te tjera amerikane, nder te cilat General Electric po tenton te hyje fuqishem ne fushen energjitike. Ne se vizita e Xhejms Bekerit nxorri ne rruge mijera shqiptare, por solli vetem 6 milione dollare, te shpresojme se vizita e Kolin Pauellit do te pasohet nga me shume dollare amerikane te investuara ne Shqiperi.
-------------------------
-------------------------------
Oj sharki e lehte si era , a ka ardhur ne Shqiperi pranvera?

[Albo]

TIRANE (2 Maj) - Ministrat e Jashtëm të Shqipërisë, Ilir Meta, të Kroacisë, Tonino Picula, të Maqedonisë, Ilinka Mitreva, firmosën me sekretarin amerikan të shtetit, Kolin Pauell "Kartën e Adriatikut". Kjo kartë është dokumenti që shpreh angazhimin e tre vendeve ballkanike për të bashkëpunuar në rrugën drejt integrimit në NATO. Ministri i Jashtëm shqiptar Meta tha se "tre vendet e rajonit tonë do të do të vazhdojnë të punojnë së bashku në rrugën drejt NATO-s. Ne jemi të angazhuar për paqen, stabilitetin e demokracinë në rajon, për të luftuar krimin e organizuar e trafiqet e paligjshme". Meta falënderoi Pauell për mbështetjen që qeveria amerikane po i jep Shqipërisë. Sekretari amerikan i shtetit vlerësoi hapat që po bën Shqipëria dhe shtoi se SHBA do të vazhdojë të tregojë mbështetjen e saj. "Karta e Adriatikut" tha Pauell, synon të forcojë marëdhëniet mes vendeve të Ballkanit e t'i integrojë ato në NATO. Ministri i jashtëm kroat Picula tha se vendi i tij do të shprehë angazhimin për integrimin në NATO, dhe takimi i sotëm është hap përpara për paqen në rajon. Ndërsa shefja e diplomacisë maqedonase, Mitreva, u shpreh se marrvëeshja thekson bashkëpunimin serioz për integrimin në strukturat dhe është një shënjë e partneritet mes vendeve në rajon. ro/ro (BalkanWeb)

[Albo]

Sekretari Amerikan i Shtetit do të nënshkruajë për mosdorëzimin e shtetasve amerikanë pranë GJNP-së

Pauell-Nano, pakt kundër Gjykatës Ndërkombëtare Penale

TIRANË - Sekretari amerikan i Shtetit, Kolin Pauell do të nënshkruajë me kryeministrin Fatos Nano marrëveshjen për mosdorëzimin e shtetasve amerikanë pranë Gjykatës Ndërkombëtare Penale. SHBA-ja përveç marrëveshjes së Kartës së Adriatikut me Shqipërinë dhe dy shtetet e tjera, Maqedoninë dhe Kroacinë, do të nënshkruajë në mënyrë të veçantë me kreun e qeverisë shqiptare edhe marrëveshjen për mospenalizimin e shtetasve amerikanë. Karta "Adriatik 3" u vendos të nënshkruhej në praninë amerikane në Uashington. Nënshkrimi në Tiranë bëhet në shenjë falenderimi për mbështetjen shqiptare ndaj operacionit amerikano-britanik në Irak për rrëzimin e regjimit të Sadam Huseinit.

Nano-Pauell

Marrëveshja për mosekstradimin e shtetasve amerikanë në Gjykatën Ndërkombëtare Penale do të nënshkruhet në selinë e Këshillit të Ministrave në Tiranë, ku për qeverinë shqiptare do të firmosë kryeministri Nano, ndërsa për atë amerikane, Kolin Pauell. Me këtë marrëveshje të veçantë, qeveria shqiptare përjashton nga detyrimi i paraqitjes së shtetasave amerikanë në Gjykatën Ndërkombëtare Penale, të cilët mund të jenë të të dyshuar për genocid, krime kundër njerëzimit, si dhe krime lufte. “Personat e SHBA-së që në ndodhen në territorin e Republikës së Shqipërisë, të punësuar (përfshirë edhe kontraktuesit), në mungesë të miratimit të shprehur prej qeverisë së SHBA-së, nuk do të : a) dorëzohen apo ekstradohen në asnjë mënyrë në Gjykatën Ndërkombëtare Penale për çfarëdolloj qëllimi, ose b) dorëzohen dhe transferohen në asnjë mënyrë tjetër në një entitet tjetër ose vend të tretë, apo të dëbohen në një vend të tretë, me qëllim dorëzim apo transferimin në GJNP-në”,-thuhet në pikën 2 të marrëveshjes. Gjithashtu në pikën tre të saj, parashikohet se kur “qeveria shqiptare ekstradon, dorëzon, ose ndryshe transferon një person të SHBA-së në një vend të tretë, qeveria e Republikës së Shqipërisë nuk do të pranojë dorëzimin apo transferimin e këtij personi në GJNP, pa miratimin e shprehur nga qeveria e SHBA-së”. Sipas zëdhënësit të kryeministrit, Aldrin Dalipi, “nënshkrimi i kësaj marrëveshjeje mes kryeministrit Nano dhe sekretarit të Shtetit Pauell është dëshmi e marrëdhënieve të mira që ekzistojnë mes Tiranës zyrtare dhe Uashingtonit”. Takimi mes Nanos dhe Pauell dhe stafit të përbashkët parashikohet të nisë sot në ora 13.00. Sipas burimeve, ai do të zgjasë gjysmë ore për të dalë më pas në një konferencë të përbashkët për shtyp. Në “suitën” e sekretarit amerikan të Shtetit mësohet se do të jenë edhe 15 gazetarë të gazetave, TV-ve dhe agjencive prestigjioze amerikane, CNN, “Rojter”, “Uashington Post” etj. Konferenca e shtypit Nano-Pauell do të transmetohet direkt nga pesë TV shqiptare, por edhe nga ato amerikane. Një lidhje e tillë me stacionin televiziv CNN, sipas burimeve do të mundësohet nga lidhje satelitore EBU.

Karta e Adriatikut

Sekretari amerikan i Shtetit, Kolin Pauell do të nënshkruajë së bashku me ministrat e Jashtëm të Shqipërisë, Maqedonisë dhe Kroacisë Kartën "Adriatik 3". Me këtë marrëveshje, Shtetet e Bashkuara do t’u ofrojnë të tre vendeve të rajonit mbështetje në përpjekjet për futjen në NATO. Më parë, më 12 shkurt të këtij viti, presidentët e të tre vendeve ballkanike miratuan në Tiranë nismën për të punuar së bashku për anëtarësimin më të shpejtë në NATO. Pauell pritet të falenderojë Shqipërinë, Kroacinë dhe Maqedoninë për qëndrimin mbështetës ndaj luftës në Irak, si dhe t'i inkurajojë ato për realizimin sa më të shpejtë të dëshirës për anëtarësim në NATO. Sekretari Pauell e përfundon turneun me dy ndalesa në Bejrut dhe Siri.
Pauell ka qenë edhe një herë tjetër në Shqipëri, kur shtatë vjet më parë ai shoqëronte ish-presidentin Xhorxh Bush, të atin e presidentit të tanishëm, gjatë një takimi jozyrtar me presidentin e atëhershëm shqiptar Sali Berisha në bordin e jahtit privat të zotit Bush në ujërat e gjirit të Vlorës.
Bledar Hoti

Axhenda e Kolin Pauell në Tiranë

11.50- Mbërritja në aeroportin e Rinasit dhe ceremonia zyrtare e pritjes nga kryeminstri Nano
12.30- Takim me presidentin e Republikës, Alfred Moisiu
13.00- Takim me kryeministrin Fatos Nano në selinë e Këshillit të Ministrave
*firmosja e marrëveshjes Nano-Pauell
*konferencë e përbashkët për shtyp Nano-Pauell
13.50-Takim në Pallatin e Kongreseve me Ministrat e Punëve të Jashtme të Shqipërisë, Kroacisë dhe Maqedonisë
• firmosja e marrëveshjes “Karta e Adriatikut”
• konferencë shtypi me Ministrat e Jashtëm
15.10- Takim zyrtar në ambasadën e SHBA-së në Tiranë
16.00- Ceremonia zyrtare e përcjelljes nga Kryeministri Nano në aeroportin e Rinasit

[Albo]

Powell: SHBA do të ndihmojnë Shqipërinë, Kroacinë dhe Maqedoninë për të arritur objektivin e tyre

2 maj 2003, 12:34 UTC

Fakti që ne jemi këtu në kryeqytetin e Shqipërisë, Tiranë, tregon sa shumë Shqipëria dhe Evropa Juglindore kanë ndryshuar gjatë viteve të fundit.

Dikur Shqipëria ishte sinonim i izolimit, një vend dhe popull i shkëputur nga pjesa tjetër e Evropës. Sot ne takohemi në një qytet që po hapet ndaj botës. Tirana është me të vërtet qyteti i përshtatshëm nga i cili mund ta hedhim vështrimin nga rruga që kemi përpara. Kjo është rruga Euro-Atlantike. Vitin e kaluar, në takimin e nivelit të lartë të Natos në Pragë, Presidenti Bush riafirmoi angazhimin e Shteteve të Bashkuara për marrëdhënie të forta me një Evropë që është e pandarë, e lirë dhe në paqe si dhe e lidhur me Shtetet e Bashkuara.

Kur ofroi mbështetjen e Amerikës për zgjerimin e mëtejshëm të Natos, Presidenti Bush e bëri të qartë se Evropa, sipas vizionit të tij, nuk mbaron në Dravë ose në Danub por ngërthen të gjithë popujt e kontinentit duke përfshirë edhe ata të Evropës Juglindore. Siç theksoi presidenti, çdo demokraci evropiane që kërkon anëtarësim në Nato dhe është e gatshme të marrë mbi vete përgjegjësitë që kërkon Natoja, duhet të jetë e mirëseardhur në Aleancën tonë.

Në këtë frymë ne përshëndesim ngrohtësisht nismën e filluar sot nga partnerët tanë këtu për hartimin e Kartës së Adriatikut.

Kjo Kartë do tu shërbejë atyre si një rrugë drejt integrimit euro-atlantik dhe si një udhërrëfyes në përpjekjet tona të përbashkëta për ti ndihmuarf ata të arrijnë aspiratat e tyre. Karta riafirmon përkushtimin e partnerëve tanë për të punuar individualisht, me njëri-tjetrin dhe me fqinjët e tyre për të ndërtuar një rajon me demokraci të forta, që vihen në lëvizje nga ekonomi të tregut të lirë. Ajo nënvizon rëndësinë që ne i vemë integrimitg të tyre të plotë në të ardhmen në Nato dhe në institucionet e tjera evropiane. Ajo që është më e rëndësishmja, Karta premton forcimin e marrëdhënieve që i lidhin popujt e rajonit me Shtetet e Bashkuara, me njëri-tjetrin, dhe me një të ardhme të përbashkët në familjern euro-atlantike. Karta pranon gjithashtu se vendet tona partnere përballen me një punë të vështirë ndërkohë që ato do të përpiqen për tua përshtatur institucionet e tyre politike, ushtarake dhe ekonomike standardeve të caktuara, jo vetëm atyre që kërkohen nga Natoja, por çështë më e rëndësishmja, atyre standardeve që meritojnë qytetarët e këtyre vendeve. Karta riafirmon premtimet solemne të partnerëve tanë për të vazhduar forcimin e institucioneve të tyre demokratike dhe për të tharë kënetën e korrupsionit që pengon popujt e rajonit për të realizuar ëndrrat e tyre. Ajo u kërkon atyre të mbajnë lart shtetin juridik, stadardet e drejtësisë dhe të dinjitetit për të gjithë.

Unë kam besim se fryma e bashkëpunimit që krijoi Kartën e Adriatikut do të përshpejtojë reformat e partnerëve tanë dhe integrimin e rajonit në institucionet euro-atlantike.

Me firmën që po vë sot në këtë Kartë, unë konfirmoj se Shtetet e Bashkuara do të bëjnë ç'është e mundur për të ndihmuar popujt e Shqipërisë, Kroacisë dhe Maqedonisë për të arritur potencialin e tyre dhe së bashku të çojnë deri në fund rrugën e tyre historike për tu kthyer përsëri në zemër të Evropës.

Zeri i Amerikes

[dordi1]

nje korrigjim te vogel postuesit te meparshem;
ne viziten e tyre ne gjirin e Vlores, George Bush dhe Colin Powell te pritur nga presidenti Sali Berisha erdhen me jahtin super luksoz te miliarderit grek me origjine shqiptare Jani Laci dhe jo me ate privat te ish-presidentit amerikan.

[Llapi]

Pauell vlerëson përkrahjen e Shqipërisë për SHBA-të

TIRANE, 2 maj - Sekretari amerikan i shtetit Kolin Pauell e ka vlerësuar lart përkrahjen e Shqipërisë për Shtetet e Bashkuara. "Nënshkrimi i Kartës se Adriatikut dhe mbështetja që kemi marrë, sidomos nga Shqipëria, në luftën kundër terrorizmit dhe përpjekjet tona për të çliruar popullin irakian, ushtarët shqiptarë në terren në Irak që na ndihmojnë ashtu si dhe në Afganistan, e gjithë kjo është tregues i drejtimit në të cilin Shqipëria dëshiron të shkojë, të jetë pjesë e kësaj Evrope të integruar, të tërë në liri dhe në paqe dhe pjesë e partneritetit euroatlantik" tha Pauell.
Kryeministri i Shqipërisë Fatos Nano tha se bashkë me sekretarin Powell kishin këmbyer qëndrimet mbi prioritetet që ka Shqipëria dhe rajoni. "Politika më e mirë që mund ta kemi të përbashkët me SHBA-në dhe partnerët e tjerë globalë, është një politikë e fuqishme e brendshme e orientuar drejt reformave euroatlantike", tha Nano. "Ne ramë dakord që duhet të vazhdojmë përshkallëzimin e luftës kundër korrupsionit, krimit të oranizuar, dhe trafikut të jashtëligjshëm që edhe më tej kalon nëpër Shqipëri dhe rajon. Unë i garantova sekretarit Powell se politika shqiptare, qeveria dhe shoqëria shikojnë me simpatinë e duhur praninë, ndihmën e vazhdueshme dhe monitorimin e shtuar nga agjensitë amerikane dhe qeveria amerikane në arritjen e këtyre objektivave të përbashkët", tha kryeministri shqiptar Fatos Nano.
Autoritetet shqiptare thonë se kjo vizitë përbën një provë se vendi është bërë një qendër e rëndësishme politike për krejt rajonin e Evropës Juglindore. Zëvendëskryeministri dhe ministri i Jashtëm shqiptar, Ilir Meta, i tha BBC-së se kjo vizitë tregon se Shqipëria është një partnere e denjë e NATO-s dhe e SHBA-së për paqen dhe stabilitetin rajonal, si dhe në luftën kundër terrorizmit ndërkombëtar. Autoritetet shqiptare dhe ato amerikane kishin marrë masa mjaft të larta sigurie, ndërsa është parashikuar që zoti Pauell të bëjë edhe një shëtitje në këmbë. Kjo është vizita e tretë e një sekretari amerikan të shtetit në Shqipëri. Në vitin 1991, Tiranën e vizitoi zoti Xhejms Bejkër, ndërsa në vitin 2000, Madalen Ollbrajt. Për zotin Pauell, kjo është hera e dytë që viziton Shqipërinë pas një ndalese disa-orëshe në mesin e viteve 90-të, kur shoqëronte ish-presidentin amerikan Xhorxh Bush.

Meta, Picula e Mitreva firmosin me Pauellin “Kartën e Adriatikut” për anëtarësimin në NATO

TIRANE, 2 maj - Ministrat e Jashtëm të Shqipërisë, Ilir Meta, të Kroacisë, Tonino Picula, të Maqedonisë, Ilinka Mitreva, firmosën me sekretarin amerikan të shtetit, Kolin Pauell "Kartën e Adriatikut". Kjo kartë është dokumenti që shpreh angazhimin e tre vendeve ballkanike për të bashkëpunuar në rrugën drejt integrimit në NATO. Ministri i Jashtëm shqiptar Meta tha se "tre vendet e rajonit tonë do të do të vazhdojnë të punojnë së bashku në rrugën drejt NATO-s. Ne jemi të angazhuar për paqen, stabilitetin e demokracinë në rajon, për të luftuar krimin e organizuar e trafiqet e paligjshme". Meta falënderoi Pauell për mbështetjen që qeveria amerikane po i jep Shqipërisë. Sekretari amerikan i shtetit vlerësoi hapat që po bën Shqipëria dhe shtoi se SHBA do të vazhdojë të tregojë mbështetjen e saj. "Karta e Adriatikut" tha Pauell, synon të forcojë marëdhëniet mes vendeve të Ballkanit e t'i integrojë ato në NATO. Ministri i jashtëm kroat Picula tha se vendi i tij do të shprehë angazhimin për integrimin në NATO, dhe takimi i sotëm është hap përpara për paqen në rajon. Ndërsa shefja e diplomacisë maqedonase, Mitreva, u shpreh se marrvëeshja thekson bashkëpunimin serioz për integrimin në strukturat dhe është një shënjë e partneritet mes vendeve në rajon.
"Nënshkrimi i kartës së Adriatikut në Tiranë është një mesazh i fortë për vendosmërinë tonë për të promovuar lirinë, paqen, stabilitetin, sigurinë dhe prosperitetin, si vlera fondamentale të partneritetit euroatlantik", u shpreh zëvendskryeministri dhe Ministër i Punëve të Jashtme të Shqipërisë, Ilir Meta, pas nënshkrimit të kësaj Karte. Karta e Adriatikut u nënshkrua sot në Tiranë nga Sekretari amerikan i Shtetit, Colin Powell, Ministri i Jashtëm shqiptar Ilir Meta, Ministri i Jashtëm i Kroacisë, Tonino Picula dhe nga Ministrja e Jashtme e Maqedonisë, Ilinka Mitreva. "Eshtë një nderim i veçantë për ne që Powell zgjodhi të vijë në rajon për të nënshkruar këtë kartë", tha Meta pas nënshkrimit, duke pohuar se "nuk janë vetëm qeveritë tona, por edhe popujt tanë gjithashtu që ndajnë një lidhje të veçantë me popullin e SHBA". "Ne ramë dakort të punojmë së bashku me miq e kolegë nga Maqedonia e Kroacia dhe qeverinë e SHBA, për të afruar më shumë vendet tona. Dyert janë të hapura për ne dhe ne nuk do të jemi vetëm në këtë proces", tha Ministri i jashtëm Meta. Sipas tij, "jemi të vendosur të punojmë së bashku me partnerët tanë ndërkombëtar, për të përballuar sfidat e mijëvjeçarit të ri, si terrorizmi dhe armët e shkatërrimit në masë, krimit të oraganizuar dhe të gjithë llojet e aktivitetetve të paligjshme", tha Meta, duke shtuar se "do të vazhdojmë të kontribuojmë në operacionet në mbështetje të paqes "brenda dhe jashtë" zonës euroatlantike".
**********************************************
Pauell-Nano: OK, për Gjykatën Ndërkombëtare

TIRANE, 2 maj - Sekretari amerikan i shtetit Kolin Pauell dhe kryeministri shqiptar Fatos Nano nënshkruan sot marrëveshjen për Gjykatën Penale Ndërkombëtare, sipas së cilës Shqipëria nuk mund të dërgojë në këtë gjykatë asnjë shtetas amerikan, pa konfirmimin e SHBA-së. Nano e cilësoi marrëveshjen si një hap të rëndësishëm për të forcuar partneritetin mes vendit tonë dhe SHBA-së. "SHBA është aleati ynë i ngushtë dhe në emër të shtetit e popullit shqiptar ndihem i nderuar për forcimin e lidhjeme mes dy vendeve tona", tha Nano. Ndërsa shefi i diplomacisë amerikane u shpreh: "Ndiej kënaqësi që ndodhem këtu e nënshkruaj këtë marrëveshje bashkëpunimi. Shpresoj që ky bashkëpunim do të forcohet dhe më tej dhe një marrëveshje e tillë të nënshkruhet edhe me vende të tjera, për t'i ndihmuar që të zhvillohen e të bëhen parterë të NATO-s". Pauell shprehu falënderimin për mirëkuptimin dhe ndjenjën e miqësisë që Shqipëria ka për SHBA-në.
**************************************************
Moisiu dekoron Pauellin me urdhrin “Skënderbeu”

TIRANE, 2 maj - Presidenti i Republikës, Alfred Moisiu, dekoroi sot në Tiranë, Sekretarin amerikan të Shtetit, Kolin Pauell, me urdhërin "Gjergj Kastriot Skënderbeu". Në ceremoninë e organizuar në Presidencë, Presidenti i Republikës lexoi motivacionin e kësaj dekorate, duke theksuar se ajo i akordohet z.Pauell: "Për vizionin dhe rolin e Tij të çmuar në mbështetje të demokracive të reja, që ndajnë vlera të njëjta me Shtetet e Bashkuara dhe për vlerësimin e Tij të veçantë për rëndësinë e Shqipërisë dhe Europës Juglindore për paqen e stabilitetin rajonal dhe Europian; Për angazhimin e Tij personal për zgjerimin e NATO-s, përfshirë Shqipërinë dhe partnerët fqinjë të Adriatikut, si dhe për inkurajimin dhe mbështetjen e Tij për integrimin e Shqipërisë në institucionet euro-atlantike". Presidenti Moisiu e dekoroi Pauell, me propozim të Kryeministrit Fatos Nano, disa ditë më parë.
R 21

[Shën Albani]

E percolla drejtperdrejt ne RTK dhe populli e ka pritur ne menyre madheshtore. Ai i pershendeste me dore njerzit ne rruge. Kjo eshte rruga jone e drejte....