4.5 milionë $ shpërblim, për shkatërrimin e pasurisë së shoqërive huamarrëse
Kjo ishte marrëveshja mes qeverisë dhe kompanisë "Deloitte&touche"
Me vendimin e Këshillit të Ministrave, nr.501 dt 24.11.1997, sipas një kontrate të lidhur nga Ministria e Financave, kompania "Deloitte&touche", u caktua të administronte 12 shoqëri huamarrëse. Ky administrim do të paguhej nga shteti shqiptar (me fonde të Bankës Botërore) dhe kompania "Deloitte&touche", do paguhej 4.5 milionë $.
Vitet kaluan, kompania "Deloitte&touche" tashmë e ka mbaruar misionin për të cilin ajo ishte ngarkuar.
Mediat e shkruara, prej kohësh kanë publikuar fakte, që kompania "Deloitte&touche" nuk e kreu detyren për të cilen ajo u ngarkua.
E vetmja punë e bërë nga ajo kompani, ishte marrja e pagesës nga qeveria shqiptare, prej 4.5 milionë $.
Ky ishte çmimi i marrëveshjes me qeverinë shqiptare, ky ishte shpërblimi për marrëveshjen e pashkruar të shkatërrimit të pasurisë së shoqërive që mori nën "administrim".
Ja programi i punës për administrimin e shoqërisë "Vefa", i paraqitur nga kompania "Deloitte&touche", që nuk e zbatoi kurrë!
Objektivi kryesor, sipas programit, ishte:
"Zgjidhja e situatës së kompanisë "Vefa", në interesin më të mirë për kreditoret".
Por siç duket, kjo kompani, brenda pak ditëve kishte harruar objektivin e saj kryesor!
Interesi më i mirë për kreditorët, tashmë është bërë i qartë nga kompania "D&T", në faqen 18 të raportit të saj:
"Perspektivat e ndonjë kthimi të madh për kreditorët janë jashtëzakonisht të largëta. Përllogaritja e devidentit varet nga baza e llogaritjes të pretendimeve të borxhit, por mund të jetë 10%, apo më e ulët, nëse bazohet në kapital, plus interesat e akumuluara."
Kompania "D&T", e shqetësuar sa më lart për objektivin kryesor të saj, në paragrafin e dytë të programit të administrimit, ka shprehur me fjalët e saj, se kush është rezultati final i atij administrimi.
Programi i administrimit i "D&T", vijon:
"Produkti përfundimtar: administrimi është paguar nga shteti shqiptar (nga fondet e Bankës Botërore).........".
Pra duket qartë, produkti përfundimtar nuk ishte administrimi në interesin më të mirë për kreditoret, por pagimi i shumës prej 4.5 milionë $.
Sipas atij programi, puna e kompanisë "D&T" do zhvillohej në dy faza:
Në etapen e parë, ky program fokusohej në këto momente:
"Menaxhimi i biznesit të "Vefa"-s, përgatitja e një raporti të shkruar, se si situata mund të zgjidhej në interes të kreditoreve (raporti perfshin një rishikim financiar dhe një vlerësim të aktiveve kryesore dhe të shpenzimeve të biznesit".
Në etapen e dytë, do të fokusoheshin: "në venien në jetë të rekomandimeve".
Ja konsideratat e tjera dhe një vështrim i përgjithshem i programit që nuk e zbatuan kurrë:
"Kreditoret duhet të shikonin te "Vefa" një ripagim".
Kreditoret e kompanisë "Vefa", edhe sot e kësaj dite pyesin: kur do të jetë ky ripagim?
"Roli i administratorëve është që të mbrojë interesin e kreditoreve, në bashkepunim me stafin dhe menaxherët ekzistues".
Ja si e realizoi kompania "D&T", rolin e vet të mësipërm.
Ne raportin e asaj kompanie, theksohet:
"Metoda e ndjekur është që kreditoret duhet të angazhohen në vendimet kyçe që do të ndikojnë mbi ta".
Dhe këtë angazhim të kreditoreve, në vendimet kyçe, e realizoi, "nëpërmjet televizionit, deklaratave për shtyp dhe intervistave" dhe kur kreditoret nuk mbeshteten vendimet e administrimit nepërmjet gjykatave, u shkrinë shoqatat e tyre.
Ja si e realizoi bashkepunimin me stafin drejtues, në raportin e saj "D&T", shkruan:
"shumë kritike, heqja e pronarit dhe e drejtuesve të kompanisë".
Programi vazhdon:
"...dy javët e para do të perdoren për të patur një vështrim të përgjithshem mbi bizneset e "Vefa"-s"
Por tashme janë bërë publike që shumë shpejt, administratoret, në vend që të inspektonin objektet e kompanisë "Vefa", u larguan nga Shqipëria për pushimet e Vitit të Ri, kuptohet për interesin më të mirë të kreditoreve.
Programi vazhdon:
"Rekomandimet tona do të konsistojnë në një nga kombinimet e opsioneve të mëposhtme:
Rifinancimi; bizneset operuese me fitim; menaxhimi i bizneseve për shitje të mëvonshme; shitja e biznesit; shitja e aktiveve; mbajtja e aktiveve për riinvestim; negociata me kreditoret aktualë"
Tashme janë bërë publike faktet, që ky program nuk është vënë në zbatim kurrë.
Kompanisë "D&T" dhe kryetarit(te vetëshpallur) të Grupit Mbikqyrës z.Arapi, i janë drejtuar shume letra dhe ankesa nga stafi i kompanisë "Vefa",(që ajo kompani kishte vendosur të bashkepunonte), për pengimin e rifinancimit të bizneseve të kompanisë.
Kompania "D&T",jo vetem që nuk menaxhoi asnjë biznes, por nëpërnmet bllokimit të financimit dhe furnizimit të tyre material, i çoi në falimentim të detyruar.
Kompania "D&T", megjithëse e kishte në program, nuk ka shitur asnjë biznes.
Në vijim të atij programi, kompania "D&T" kishte percaktuar:
"Kur tregu nuk ekziston për këto aktive, ose është shumë i dobët, ku çmimi i pershtatshem nuk të sigurohet, atëhere aktivet do të mbahen derisa tregu për to të krijohet, ose forcohet".
Por ky program ishte shkruar që të mos zbatohej kurrë, ky program ishte një mashtrim i madh, që i duhej qeverisë socialiste sa të kerkonte dhe të gjente paratë, për kthimin (grabitjen) e tyre 100%.
Shpërblimi ishte caktuar: "produkti perfundimtar, administrimi është paguar nga shteti shqiptar (nga fondet e Bankës Botërore)" 4.5 milionë $.
Kush mund ta besojë programin e cituar më siper për ruajtjen e aktiveve, derisa tregu të permirësohet, shitja e aktiveve ishte vendosur që me 24.11.1997.
Ligji nr.8386 dt.30.7.1998 neni 11, thotë:
"Proçesi i shitjes së pasurisë të shoqërive huamarrëse, realizohet nga administratoret në afatin e përcaktuar në kontratën e lidhur dhe si rregull, brenda vitit 1998".
Pra del qartë se programi i administrimit ishte veçse një sajese, që nuk u zbatua kurrë. Kontrata ishte lidhur që me 24.11.1997, sipas vendimit të Këshillit të Ministrave nr.501 dt,24.11.1997 dhe që në atë moment, ishte vendosur shitja e pasurisë dhe në këmbim, shperblimi ishte 4.5 milionë $.
--------------------------------------------------------------------------------
Krijoni Kontakt