Firmat piramidale: Boset e firmave fitojnë gjyqin ndaj shtetit, dëmshpërblehen

[TOKE GEGA]

VEFA, si me zhduken 130 milion dollare nga banka

E Premte, 20 Prill 2007


Kompania huamarrese ka pasur nje bilanc prej 4.3 miliard dollare ne fund te 1996

Ish-bosi i firmes huamarrese “VEFA”, Vehbi Alimuca, ne intervisten e dhene per emisionin “Opinion” nga burgu i Peqinit ben nje ekspoze te plote te kapaciteteve financiare qe kishte kompania e tij per te shlyer detyrimet ndaj kreditoreve te saj. Alimuca ve theksin ne zhdukjen e 130 milion dollareve te kompanise nga banka, si dhe te pergjysmimit te cmimeve ne shitjen e pronave te VEFA-s nga Grupi Mbikeqyres i Firmave Rentiere.

Shpresoj qe te jeni sa me i hapur dhe i drejtperdrejte ne ato qe do te thoni.

Sigurisht qe do te jem teper i sakte dhe shume konciz ne gjerat qe do te them. Nuk do te bej sqarime te gjata, vetem pyetjeve tuaja do t’u pergjigjem me seriozitet.



Z. Alimucaj! Dua t’ju pyes se prej sa kohesh ndodheni ketu ne burgun e sigurise se larte te Peqinit?

Ne burgun e sigurise se larte te Peqinit po bej 10 vjet, 4 vjet ne Peqin dhe 6 vjet te tjera ne 313-en.

Sa eshte denimi juaj?

Denimi im eshte 20 vjet, me shume nga te gjithe presidentet e firmave te tjera, te kompanive huamarrese.

Do t’ju pyes me pas per kete, por doja te beja nje lloj kronologjie qe lidhet me gjithe kompanine Vefa me te cilen emri juaj eshte i lidhur fort. Si lindi Vefa, z.Alimucaj?

Vefa lindi nga fillimi i viteve’90, si gjithe aktivitetet e tjera qe u zhvilluan ne Shqiperi ne periudhen paskomuniste, kur une si individ fillova te kryeja disa biznese duke marre mallra industriale me shumice dhe artikuj te tjere duke i siguruar neper miq dhe shoke qe merreshin me tregti.

Aktiviteti juaj ka qene ne Tirane?

Aktiviteti im fillimisht ka qene ne Tirane. Ne nentor te ’92 ne jemi regjistruar si person juridik ne Tirane, pastaj ne ’93 eshte regjistruar VEFA shpk, me pergjegjesi te kufizuar. Ne vitin ’93, pas zhvillimit te aktivitetit qe patem, kishim nje sukses te dukshem me artikujt qe tregtonim. U morem shume me shitje televizoresh, me shitje artikujsh ushqimore, me sapun, me materiale ndertimi etj. Me nje fjale, artikuj qe duheshin per ate fillim te tregut ne Shqiperi, qe terhiqeshin me shume dhe me shumice nga njerezit dhe fitimi ishte shume me i madh.

Kishte fitim te madh ne ate kohe ky lloj biznesi, megjithese duket si nje biznes i vogel?

Fitimi fillimisht ka qene teper i larte dhe mbi bazen e kembimit te kursit te dollarit, ne krahasim, domethene te vendit tone me vendet e tjera te botes ku ne benim tregti. Fitimi ka qene shume i larte, ka qene gati edhe 200 per qind per raste te vecanta.

A mund te me permendni disa nga aktivitetet tuaja te vitit ’93-’94?

Gjate vitit ’94, aktiviteti u zgjerua edhe me shume ne fusha te ndryshme te ekonomise shqiptare te atyre viteve. Ne jemi pajisur me licenca ne shume dege te ekonomise se vendit, sic ishte industria e lehte ushqimore, agro-kultura, agro-blektoria, rritja e shpendeve. Gjithashtu operonim ne zonat turistike, shoqeri ajrore, shoqeri detare.

Do t’ju isha mirenjohes, por do te doja t’ju pyesja kur nisi procesi i huamarrjes fillimisht ne kompanine VEFA?

Procesi i huamarrjes ka nisur ne fund te vitit ’94 per arsye se zhvillimi i VEFA-s erdhi shume shpejt dhe njerezit kishin nje besim te jashtezakonshem ne aktivitetin tone dhe ne vitet ’94-’95 u punesuan mbi 12 mije punonjes.

Me falni, 12 mije punonjes, jeni i sakte me shifrat z.Alimucaj?

Po, 12 mije punonjes dhe jam shume i sakte. Kemi shtrire aktivitetin ne tone ne 27 filiale te rretheve te vendit. Aktivitetin me te madh e kemi pasur te perqendruar ne Tirane dhe ne Vlore, por nuk kane ngelur mbrapa edhe rrethe te tjera si Permeti. Kemi pasur ne funksionim rreth 37 ndermarrje ne Tirane, rreth 35-36 ndermarrje ne Vlore, fabriken e bitumit ne Selenice. Ka qene edhe fabrika e tullave ne Vlore, pra rreth 260 ndermarrje, me nje fjale: kombinate druri, fabrika sallami, rreth 12-13 fabrika birre, rreth 6 fabrika sallami, mbi 20 supermarkete. Ne kemi qene te paret qe kemi sjelle supermarketet ne Shqiperi dhe ideja jone ishte qe gjithcka qe shikonim ne boten e jashtme ta montonim ne Tirane.

T’ju pyes ne fillim me sa per qind e kishit huamarrjen ne fund te vitit ’94 dhe fillim te ’95?

Nje here dua te sqaroj pozicionin qe perse lindi huamarrja tek VEFA. Si fillim gjendja kapitale e pronarit te vetem, qe kam qene vetem une, ka qene rreth 40 milion dollare me bilance te rregullta.

Ne cilin vit?

Ne fund te ’93.

Ne fund te ’93 ju keni pasur 40 milion dollare xhiro?

Jane te gjitha te pasqyruara ne bilancet zyrtare. Jane mbi 80 eskluzivitetet qe kemi pasur. Me vone na lindi nevoja qe te zgjerojme aktivitetin, sepse e shikonim se prodhimi ecte. Per kete arsye u lidhem me shume firma te huaja qe organizonin import-eksportet me fabrikat e sallamit, te konservave, salces, vajit te ullirit, te pijeve alkoolike te Leskovikut, Skraparit, po keshtu edhe hotele turistike. Pra, lindi nevoja qe te zhvillonim pak fondet. Ne u trajtuam nga bankat e kategorise se dyte te Shqiperise, sepse aty punonim me Banken Kombetare Tregtare, me vone filluam te punonim edhe me Banken e Kursimeve. Por banka nuk kishte mundesi te na ndihmonte me kredi per te zgjeruar aktivitetin.

Perse nuk iu ndihmonte dot banka me kredi?

Po mendoj se ne ate moment nuk ka qene ne gjendje, si duket edhe mund te kishin dhene shume kredi dhe ne nuk mund te perballonim dot kete gjendje.

Nese banka do iu kishte dhene kredi, do e kishit shmangur huamarrjen z.Alimucaj?

Sigurisht, po huamarrja vinte si nje deshire e dyanshme, domethene e jona dhe e debitoreve. Ne asnje rast, per shembull, une si Vehbi Alimucaj nuk kam shkuar per t’i kerkuar pará njeriu, por kam garantuar gjithmone dhe kam llogaritur qe fondet qe terheq te mundem t’i likuidoj.

Si mund ta benit kete, pasi perqindja ishte shume e larte? A e justifikonte perqindja e huamarrjes normen e fitimit qe ju kishit?

Ne fillimisht e kemi nisur me huamarrje me 6 per qind, pastaj njefare kohe me 8 per qind dhe me pas sigurisht kemi punuar gjithmone me banken qe te jemi te qarte. Nuk kemi mbajtur asnjehere para kesh. VEFA ka punuar me banka dhe ka qene nje kompani qe njihet nga te gjithe, teper serioze. Investitore te huaj kane ardhur ne kompanine VEFA per te zhvilluar investimet e tyre ne Shqiperi. Kemi bashkepunuar me disa kompani te huaja.

Per sa kohe zgjati huamarrja ne kompanine VEFA, nga fundi i vitit ’94, deri ne mes te ’97 apo ne fillim te ’97-es?

Jo. Nga fundi i vitit 1994 dhe deri ne fund te 1996. Ne 23 janar te 1997 eshte bere ndalimi me ligj i huamarrjes. Por, perpara se te ndodhte ky fenomen, ne vitin ’96 lindi fenomeni i fondacioneve dhe pati nje dyndje te njerezve. Interesat qe merreshin nga kompanite tona qe ishin investitore, une flas per kompanine time, shkonin dhe depozitoheshin ne fondacione te ndryshme dhe aty nga fundi i ’96 ne kemi pasur gjendje 296.7 milion dollare, keto te depozituara ne Banken Kombetare Tregtare. Ne kete kohe kemi ulur perqindjen nga 6 ne 3 per qind. Ne kompanine tone nuk ka pasur rritje te normes se interesit, por ulje te saj dhe per kete arsye fondet dhe qarkullimin e prodhimit e kishim te mjaftueshem. Kishim edhe licencen e konvertimit te parave me nje fjale ex-change dhe aty kemi fituar 10-15 milion dollare ne vit. Kemi pasur marredhenie me kompani te huaja, sic ka qene koorporata amerikane per minieren e bitumit ne Selenice.

Z.Alimucaj! Sa kreditore kishit ju ne momentin e bllokimit ne fund te janarit te vitit ’97?

Ne fund te janarit ‘97 kemi pasur 92 mije kreditore. Ne ate periudhe ne kemi vazhduar likuidimin e tyre, megjithese kishim bllokuar huamarrjet, ndersa vazhdonim aktivitetin prodhues. Nderkohe ne kemi vazhduar shlyerjen e kreditoreve deri ne 26 qershor ’97, tre dite para zgjedhjeve, kur u bene zgjedhjet ne kete vit. Atehere i kemi ndaluar per arsye meqenese ishte fushate zgjedhjesh. Desha te fiksoj dicka qe kompania VEFA nuk ka asnje lidhje me ’97, asnje nga kreditoret e VEFA-s nuk eshte ngritur te dale ne rruge ne ’97, sepse ne kemi vazhduar aktivitetin normalisht, pavaresisht se pasojat e ’97 na goditen rende.

Ju thate qe kishit te gjithe parate e mbledhura nga kreditoret, duke hequr interesat dhe perqindjet e tjera dhe ishin 130 milion dollare? Nderkohe, ne momentin e bllokimit ju keni lene 130 milion dollare ne banke. Pra, me kete llogari te gjithe kreditoret tuaj duhet te ishin shlyer vetem me parate kesh?

Patjeter. Parate 100 per qind te kreditoreve kane qene kesh ne banke dhe ne kemi likuiduar, se ishin rreth 92 mije kreditore ne fillim te ’97es dhe ne perfundim kane mbetur 13 mije kreditore qe nuk kane marre asnje leke. Ketyre 13 mije kreditoreve u takonte te merrnin 41 milion dollare, pra te cilat ishin kesh ne banke, pa prekur asnje prone. Borxhi total i yni, duke u permbajtur kontratave, (ne ishim nenshkruar me kreditoret), bashke me interesat shkonte ne 113 milion dollare. Ndersa edhe qendra informative financiare e transparences mbrapa e ka nxjerre borxhin e VEFA-s 108 milion dollare, i firmosur edhe nga grupi i transparences.

Pra edhe grupi i transparences ka pranuar qe borxhi eshte 108 milion dollare?

Po, eshte e firmosur nga Besnik Halili, eshte e firmosur nga Shkelqimi i transparences.

Perse u bllokuan keto para?

Arsyet e bllokimit une nuk mund t’i di. Arsyet e bllokimit mund t’i dije vetem shteti.

Keto 130 milion dollare, qe kane qene ne banken e shtetit, kane qene me dokumenta zyrtare?

Po, po. Te njohura zyrtarisht ne banke.

Keto pronat tuaja, qe te pakten sipas bilanceve ishin 338 milion dollare, kur jane shitur dhe kujt i jane shitur z.Alimucaj?

Keto jane shitur nga vitet ’99 deri ne 2003-2004 dhe mendoj, dhe me sa kam pare disa materiale, ka edhe disa prona te pashitura.

A keni nje shembull te nje prone qe ju e keni blere ose e keni vene ne pune per nje shume te madhe dhe me pas eshte shitur me nje shume qesharake?

Po. Pista Iliria, per shembull. Ne, megjithe investimet tona kemi bere atje rreth 3 milion dollare investime dhe ajo eshte vleresuar nga ekspertet, me vendim gjykate, me rreth 4 milion dollare dhe eshte shitur 24 milion leke. Keshtu mund ta llogarisim dhe te shohim se sa perqind eshte shitur. Edhe shume objekte te tjera, sic jane hotelet turistike te Skraparit, Gramshit, Permetit, Tiranes, si Hotel Drini ne kryeqytet e objekte te tjera, qe jane shitur me cmimin e nje hyrjeje apartamenti.

A jeni i sigurt, z.Alimucaj, qe po t’ju linin te vazhdonit me tutje mund t’ia dilnit te mbijetonit ne tregun shqiptar dhe te shlyenit kreditoret?

Jam me se i sigurt se ne qofte se do na kishin lejuar ne do te kishim likuiduar kreditoret dhe 100 per qind deri tani ne kete periudhe kaq te gjate edhe 200 apo 300 per qind besoj. Ne, kohet e fundit, per te mos shqetesuar kreditoret dhe shtetin nenshkruam dhe nje kontrate tjeter per zgjatje afati prej 2 vjetesh me kreditoret, afatin e likuidimit 100 per qind me interes 3 per qind vjetor me perqindjen e bankave. Kjo eshte e noterizuar si kontrate, ne i kemi parashtruar problemet tona ne te gjitha shkallet e gjykatave dhe kohet e fundit kemi derguar ceshtjen ne gjykaten e Strasburgut, ne gjykaten kombetare. Presim fjalen e drejtesise, kemi shpresa. Mendojme se nje dite e drejta do te dale. Une kerkoj qe te vendoset ne vend dinjiteti im si person, mbasi kane kaluar edhe gjithe keto vite edhe une nuk jam prononcuar per shtyp per arsye se nuk ia ka vlejtur te prononcohen, por kam pritur me durim vendimin e drejtesise. Dhe mendoj qe nje dite e drejta do te dale. E dyta, kerkoj qe te vendoset ne vend djersa dhe gjaku i kreditoreve te VEFA-s, te cilet besuan. Doja te them nje gje, qe shteti ka marre nje pergjegjesi te madhe persiper dhe ne kohen qe ka nderhyre ne aktivitetin e kompanise VEFA ka shkelur te gjitha ligjet, te gjithe rregullat e ekonomise se tregut per arsye se nuk e ka marre ne dorezim me proces verbal dhe ka vepruar ne kundershtim me te gjitha ligjet, qe ka miratuar vete shteti, me burgosjen e pronarit, nuk kane nxjerre faliment gjyqesor.

Si nuk i kane marre me proces verbal?

Asnjelloj dokumenti nuk ka as per pronat dhe as per dokumentacionin. Madje, ka dale edhe ne materialin e grupit parlamentar per transparencen qe edhe prokuroria vete ka dore per shkaterrimin e dokumentave te VEFA-s. Dhe kjo ka sjelle gjithe keto mangesi mbrapa. Une mendoj se ceshtja ka qene e paramenduar dhe e qellimshme. U shpjegoj edhe arsyen. Eshte rritur borxhi ne menyre artificiale, eshte shtuar numri i kreditoreve dhe eshte zvogeluar vlera e pronave.

Po 130 milion dollaret, qe ndodheshin ne banke ne momentin e marrjes ne dorezim te kompanise kush i administroi me pas? Ne banke duhet te ishit ju qe te firmosnit.

Problemi i bankes eshte i nderlikuar si gjithe problemet e tjera qe kane ekzistuar me transparencen ose te ashtuquajturen transparence. Edhe me kompanine Deloitte&Touche, sepse ne nuk kishim dijeni para se sa te paraqitet ne kompanine VEFA kompania Deloitte&Touche, qe kishte te bllokuar te gjithe kompanite bankare. Pra, ishin bllokuar para se te merrnin njoftimin dhe para se ato te hynin ne kompani. Ne kompani kane ardhur dhe kane deklaruar se do bejne kontrollin e transparences dhe do bashkeadministrojme kompanine, nese ju na pranoni. Ne kemi pranuar me deshire.

Deloitte & Touche duhet te bente transparence apo administrim te kompanise?

Puna eshte se qe ketu eshte ngaterruar ceshtja dhe qellimisht eshte ngaterruar ceshtja, per arsye se ne fillim na thane qe do vijne te bejne transparence. Pastaj eshte thene qe kompania Deloitte & Tush eshte kompani administratore pastaj nderhyri kompania tjeter Cooper per te bere auditimin, por nuk kane bere asnje auditim, pasi ishte bere shkaterrimi. Tani une si Vehbi Alimucaj, si pronar dhe ne emrin tim dhe ne emer te kreditoreve te VEFA-s kerkoj qe te vene parate ne banke dhe pronat ne vend dhe le te vijne te bejne transparencen. Une jam ne gjendje qe t’i likuidoj kreditoret 100 per qind. Sepse shteti ka bere gabimin me te madh qe ka ngrene pronen private pa ligje dhe pa rregulla.

A e keni ju listen e pronave?

Te gjitha i kemi ne regjister themeltar te hipotekave dhe i kemi dorezuar te gjitha.

Ruani dhe ju nje kopje te ketij regjistri?

Sigurisht, te gjitha jane ne dosje.

Shume faleminderit per kohen qe na vute ne dispozicion pavaresisht kushteve te veshtira dhe shendetit tuaj jo te mire.

Faleminderit ju dhe televizionit Klan!


Ska nevoje per citim te gjithe shkrimit kur je duke postuar menjehere mbas atij shkrimi - Darius

[Zemrushja]

Pak analize.. Pse vuajne shqiptaret sot?

VEFA nder te paktat firma qe ishin ne ate kohe ne Shqiperi te konsideruara si firma piramidale, nuk ishte nje e till. Ajo kishte aktivitet normal si te gjitha bisneset e medha sot kudo ne bote. Veprimi i gabuar i qeverise per mbylljen e saj dhe konfiskimi i cdo pasurie qe ajo kishte krijuar ishte veprimi me i gabuar, rezultat i te cilit ishte grushti i shtetit ne '97(madje mendoj se ka qene nje veprim i organizuar, pasi aktiviteti i saj dihej qe nuk ishte piramide). Nuk ishte vetem ky gabimi i vetem qe beri qeveria, ishin dhe plot gabime te tjera si mosvlerezimi real i pronave qe pati. Te shesesh nje prone qe kushton 4 mil. $(kur vet eshte rikonstrukturuar per 3 mil) per 240 mil. lek shqiptare eshte nje cmenduri. Mos te permend edhe te tjera pasuri qe i kane c'vleresuar aq shum ne ate kohe. E megjithate leket qe u shiten kto prona pse nuk kontribuan ne shlyerjen e kreditoreve qe ajo kishte (populli) ? Ku vajten ato lek? A mendoni se vertet ato 130 mil do te jene akoma ne arken e shtetit si pasuri te bllokuara?

Mendoj se jo. Ato lek jane perdorur nga pushtetaret. Berisha apo Nano te dy mendoj se kane gisht ne kete ceshtje. Me shum do ia vija gishtin Berishes, per shum arsye. Ku i gjeti gjith ato lek Berisha te ndertoje nje pallat ne qender te Tiranes? Ku u gjenden ato miliona te deklaruara gjasme me pune te se bijes? Asnje nuk ben aq lek sa ka deklaruar ajo ne vit. Eshte cmenduri..

Madje nuk do lija pas ksaj perdeje dhe Nanon. Pse? Grushti i '97 nga kush u krijua? Kush po insistonte ta nxirrte Nanon nga burgu? Kush e ngriti jugun ne lufte? Berisha eshte i paafte si politikan, dhe Nano eshte dinak. Ky binom nuk duhet te gjeje me prehje ne politiken shqiptare. Te dy si Nano dhe Berisha nuk jane gje tjeter vecse dy KOMUNISTA dhe DIKTATORE. Eshte pikerisht ky binom qe beri popullin shqiptar te vuaje sot e ksaj dite..

Zemrushja

[TOKE GEGA]

Pak analize.. Pse vuajne shqiptaret sot?

VEFA nder te paktat firma qe ishin ne ate kohe ne Shqiperi te konsideruara si firma piramidale, nuk ishte nje e till. Ajo kishte aktivitet normal si te gjitha bisneset e medha sot kudo ne bote. Veprimi i gabuar i qeverise per mbylljen e saj dhe konfiskimi i cdo pasurie qe ajo kishte krijuar ishte veprimi me i gabuar, rezultat i te cilit ishte grushti i shtetit ne '97(madje mendoj se ka qene nje veprim i organizuar, pasi aktiviteti i saj dihej qe nuk ishte piramide). Nuk ishte vetem ky gabimi i vetem qe beri qeveria, ishin dhe plot gabime te tjera si mosvlerezimi real i pronave qe pati. Te shesesh nje prone qe kushton 4 mil. $(kur vet eshte rikonstrukturuar per 3 mil) per 240 mil. lek shqiptare eshte nje cmenduri. Mos te permend edhe te tjera pasuri qe i kane c'vleresuar aq shum ne ate kohe. E megjithate leket qe u shiten kto prona pse nuk kontribuan ne shlyerjen e kreditoreve qe ajo kishte (populli) ? Ku vajten ato lek? A mendoni se vertet ato 130 mil do te jene akoma ne arken e shtetit si pasuri te bllokuara?

Mendoj se jo. Ato lek jane perdorur nga pushtetaret. Berisha apo Nano te dy mendoj se kane gisht ne kete ceshtje. Me shum do ia vija gishtin Berishes, per shum arsye. Ku i gjeti gjith ato lek Berisha te ndertoje nje pallat ne qender te Tiranes? Ku u gjenden ato miliona te deklaruara gjasme me pune te se bijes? Asnje nuk ben aq lek sa ka deklaruar ajo ne vit. Eshte cmenduri..

Madje nuk do lija pas ksaj perdeje dhe Nanon. Pse? Grushti i '97 nga kush u krijua? Kush po insistonte ta nxirrte Nanon nga burgu? Kush e ngriti jugun ne lufte? Berisha eshte i paafte si politikan, dhe Nano eshte dinak. Ky binom nuk duhet te gjeje me prehje ne politiken shqiptare. Te dy si Nano dhe Berisha nuk jane gje tjeter vecse dy KOMUNISTA dhe DIKTATORE. Eshte pikerisht ky binom qe beri popullin shqiptar te vuaje sot e ksaj dite..

Zemrushja

KETO ORGANIZATA KRIMINALE I MASIN DOLLARET ME METER KUB!

KJO NJESI MATESE PERDORET PER KETO LLOJ ORGANIZATASH!

1-KLANET KRIMINALE TE ZEMUNIT !

2-KLANI I MARK MILOSHEVIQIT

3-KLANI I EDUSHKA RAMES

4-KLANI I SKENDER GJINUSHIT

5-KLANI SOC.KOM.SHQIP.

[Zemrushja]

Si shkuan dëm miliona USD financime për Partinë Demokratike, ministrat dhe Miss Europën


Firma piramidale "Gjallica" ka kryer sponsorizime për paritë politike gjatë vitit 1996, në fushatën elektorale. Para në shuma të konsiderueshme janë dhënë edhe për institucione shtetërore, organe të medias dhe individë të ndryshëm. Pagesat në formë sponsorizimesh jepeshin me anën e shënimeve me copa letre me dhe pa nënshkrime të përfituesve, por në disa raste edhe me mandat pagesa. Ndër të tjera, "Gjallica" ka sponsorizuar edhe aktivitete të Forumit të Gruas së Partisë Demokratike. Kjo vërtetohet përmes një dokumenti origjinal, të firmosur nga ish-shefi i financës të kompanisë, Hysen Velia. Bëhet fjalë për nj shkresë, përmes së cilës i miratohet Forumit të Gruas në Partinë Demokratike sponsorizimin për aktivitetin e mbledhjes së Kuvendit të Dytë Kombëtar në muajin nëntor 2005. Miratimi i këtij sponsorizimi mban vulën e shoqërisë tregtare private "Gjallica" dhe datën 6 tetor 1995. Por gjithsesi, peshën kryesore të sponsorizimeve e zë konkursi spektakël "Miss Evropa ‘96", rreth 820 mijë USD. Megjithatë, nuk ka asnjë dokument se ku shkuan dhe si u harxhuan paratë e dhëna.

Reklama për popullin

Një nga mjetet për të realizuar mashtrimin e madh ka qenë reklama, sponsorizimet e ndryshme në shuma të mëdha, duke krijuar idenë e rreme të potencës së firmave "Gjallica", të një strategjie të qartë biznesi dhe të fitimeve të sigurta. Po kështu, në kundërshtim me ligjin për sponsorizimet, të pandehurit u kanë dhënë ndihma financiare personave të ndryshëm, të cilat kapin shifrën 2897538 USD. Kjo veprimtari e të pandehurve ka qenë e kundërligjshme sepse, në bazë të ligjit, nuk mund të bëhen sponsorizime deri në masën 4% të fitimit të realizuar gjatë një viti. Ata nuk kanë nxjerrë dhe nuk mund të nxirrnin asnjë bilanc kontabël për agjencinë e kambizmit Vlorë, sepse kjo veprimtari ishte e paligjshme dhe e palicencuar nga organet shtetërore. Akti i ekspertimit kontabël vërtetoi se nga veprimtaria e shoqërive "Gjallica" është siguruar fitim vetëm në fabrikën e kripës Vlorë dhe në poliklinikën stomatologjike Tiranë, për shumën 468.598 USD, kurse bilanci i përgjithshëm i "Gjallicës" dilte me humbje që llogaritën në qindra milionë dollarë.

Sponsorizimi i politikës & spektakleve

Për sa u takon sponsorizimeve, në shumën e përgjithshme peshën specifike më të madhe e zë sponsorizimi i konkursit spektakël "Miss Evropa ‘96", prej 832 mijë dollarë amerikanë. Nuk ka asnjë dokument se ku shkruan dhe si u harxhuan paratë e dhëna për "Miss Evropën". Rezulton se vajzat më të bukura të Evropës u trajtuan me paratë e popullit më të varfër të kontinentit, pasi Gani dhe Shemsie Kadrisë u nevojitej një reklamë, për të bërë të besueshme se "Gjallica" ishte në gjendje të sponsorizonte edhe Evropën. Sponsorizime në shuma të konsiderueshme janë dhënë për institucione shtetërore, parti politike, organe të medias dhe individë të ndryshëm. Pagesat në formë sponsorizimesh jepeshin me anën e shënimeve me copa letre me dhe pa nënshkrime të përfituesve, por në disa raste edhe me mandat-pagesa. U kryen reklama nga filiali Vlorë me në krye Fitim Kërxhalliun dhe për dijeni Gani dhe Shemsie Kadria.

Huaja për politikanët

Në bazë të dokumenteve rezulton se përveç sponsorizimeve të pandehurit kanë dhënë edhe sasi të mëdha parash në formë huaje, nga të cilat nuk janë kthyer 14.176.442 USD. Për t‘u përmendur është rasti i dhënies me dy shënime dore i shumës prej 2.135.000 USD ish-ministrit të Turizmit, Osman Shehu, i cili ka ende pa kthyer shumën 1.194.572 USD. Të gjitha dokumentet origjinale që bëjnë fjalë për sponsorizimet dhe dhënien e parave me shënime ose në formë huaje nga arkat e firmës "Gjallica" janë marrë si provë. Të dhënat janë përpiluar, ku janë nxjerrë edhe listat e të dëmtuarve. Përpilimi i listave bëri të mundur evidencimin e kartelave dhe librezave me mbishkrimin "Pa", duke zbritur nga lista e të dëmtuarve 748 persona dhe nga shuma e vjedhur 3.145.889 USD.

Jetë luksi

Në gjykim është administruar një akt rekomandimi midis drejtorit të financës, Hysen Velia, dhe drejtorit të filialit Vlorë, Fitim Kërxhalliu, për mbulimin e shpenzimeve nga "Gjallica", për vitin 1995. Dokumenti është nënshkruar nga Kërxhalliu dhe bien në sy shpenzimet mjaft të mëdha të kryera nga të pandehurit. Kështu, Gani Kadria ka harxhuar 1000 USD dieta në Izmir, Turqi. Kurse sipas dokumenteve të tjera del se janë harxhuar qindra mijëra USD për dieta në Itali, Greqi, Zvicër, Maqedoni dhe Turqi. Po kështu janë blerë 3 autovetura "Benz" në shumën 180.000 USD, 4 fouristrada "Jeep" në shumën 120000 dhe është çelur llogari bankare në Zvicër në shumën 100.000 USD. Sipas mandat-pagesës, në datën 24 nëntor janë harxhuar 27.000 USD për shpenzime vetjake. Të gjitha këto fonde, në shumën e përgjithshme prej rreth 1,5 milionë USD, janë marrë nga agjencia e kambizmit Vlorë. Dokumenti i mësipërm tregon për një jetë luksoze dhe për harxhime pa kursim të kryera nga të pandehurit.

E gjithë Shqipëria në listë

Janë administruar 4 volume që përmbajnë procesverbalet e këqyrjes së kontratave origjinale të zakonshme dhe të atyre në formë librezash kursimi. Veprimet janë kryer nga 25 prokurori në rrethe. Këto procedura përbëjnë provë të plotë dhe evidencojnë të dëmtuarit nga vepra penale e shumat përkatëse dhe shtrirjen e madhe gjeografike të pasojave të krimit. Në muajin maj 1997, me vendim të Këshillit të Ministrave është bërë regjistrimi i të dëmtuarve nga zyrat dhe agjencitë e punësimit në rrethe, për të gjitha firmat piramidale, midis tyre edhe "Gjallica". Të dëmtuarit kanë bërë deklarim me shkrim për paratë që kanë dorëzuar në arkat e "Gjallicës". Në deklarata janë shënuar që, nëse përpilonin të dhëna të rreme, do të akuzoheshin për kallëzim të rremë. Ky material vërteton identitetin e personave të dëmtuar dhe shumat përkatëse që u janë vjedhur. Jo të gjithë të dëmtuarit kanë bërë deklarime për paratë që kanë humbur në skemat piramidale. Mospërputhjet në shifra, për sa i takon numrit të kreditorëve dhe detyrimeve, janë të pranueshme. I gjithë ky material, ashtu si dhe për firmat e tjera piramidale mashtruese, është grumbulluar në Qendrën e Informatizimit Financiar Tiranë, dhe, pasi është përpiluar, një kopje e tij prej 55 volumesh u administrua nga akuza. Ky material përbën një provë që vërteton identitetin e personave të dëmtuar dhe shumat përkatëse që u janë vjedhur.

Inventari i parave

Në muajin maj të vitit ‘96, nga dokumentet ka rezultuar se firma po falimentonte. Kështu, drejtuesit e saj kryen disa inventarë, të cilët rezultuan të gjithë me humbje. Kështu, në datën 16 maj është kryer një inventar, ku ka rezultuar se paratë kanë qenë rreth 45 milionë USD, ndërsa detyrimi ishte 315 milionë USD. Pra, në këtë datë, firma ka pasur një paaftësi paguese për 268 milionë USD. Për këtë gjendje, sipas dëshmitarëve, është vënë në dijeni edhe Shemsie Kadria, ku i është dorëzuar një ecuri periodike, të filialit të Vlorës. Një nga dëshmitarët deklaroi se "asnjë veprim nuk kryhej pa urdhër me shkrim të drejtuesve kryesorë, Shemsies, Ganiut dhe Fitimit". Ndërsa lidhur me burimet e financimit të "Gjallicës" dhe nëse Fitim Kërxhalliu ka dërguar para në Tiranë, u shpreh: "Po, ka sjellë disa herë, ka ardhur i shoqëruar me persona të tjerë. Mbaj mend rastin e një firme ndërtimi, e cila u pagua me paratë që solli Fitimi".



INTERVISTA


Shemsia, akuza ndaj Agim Shehut

Në intervistën e tij, dhënë televizionit "Top Channel", disa muaj më parë, Gani Kadria përmendi emrin e dajës së Shemsie Kadrisë, Jakup Vata. Në intervistë, ai përmendi gjithashtu edhe shqetësimin që kishte Shemsia kur rrinte në ilegalitet, në Izmir të Turqisë, për nxjerrjen e disa kasafortave me lekë dhe me dokumente "nga oborri i dajë Jakupit". "Dëgjova në Izmir që ishin tërbuar, Islami me Shemsien, për dy arsye: I kishin vjedhur dhe shitur makinën Shemsies dhe, së dyti: kishin varrosur disa kasaforta me dokumente dhe para, i nxorën dhe natën Jakupi me djemtë e tij dhe i morën. Ishin groposur tek daja i Shemsies, Jakupi, në Shijak. Ai ka bërë tre vila atje me paratë e ‘Gjallicës;, edhe vëllai i Shemsies, Musai, ka bërë dy vila me paratë e ‘Gjallicës‘. Ja ku janë paratë", ka deklaruar Gani Kadria. Akuzat e ngritura disa ditë më parë prej tij janë përmendur edhe nga ish-presidentja e "Gjallicës", Shemsie Kadria, në një letër që i ka dërguar Këshillit të Lartë të Mbikëqyrjes, më 12 shkurt të vitit 1998, gjatë kohës që kërkohej nga policia. Në këtë letër, zonja Kadria përmend se disa bashkëpunëtorë të ngushtë të Fitim Kërxhalliut, kanë deklaruar se 4 milionë dollarë amerikanë kanë qenë gjendje, jashtë thesarit dhe gjithnjë të padokumentuar. Në dhjetor të vitit 1996, kjo shumë është zhdukur. Sipas letrës së Shemsies, "janë nxjerrë sasi e madhe parash për sponsorizime, gjithnjë të pashoqëruara me dokumentacionin përkatës. Sipas zonjës Kadrie, gjithnjë prej saj "është dyshuar për lidhje të Fitim Kërxhalliut me funksionarë të lartë të Shërbimit Informativ Kombëtar, të cilët kanë përfituar në rrugë jo të ndershme në veprimtarinë huamarrëse në Vlorë. "Dëshmitarë të ndryshëm akuzojnë konkretisht z. Agim Shehu në momentin e boshatisjes së sporteleve të qendrës së biznesit (Vlorë). Ku u derdhën ato?", pyet Shemsie Kadria në letrën e saj. Një tjetër akuzë hidhet prej saj. Dikush ka tërhequr një shumë të madhe dollarësh nga llogaria e saj bankare e sekuestruar. Shemsie Kadria kërkon të dijë se kush i tërhoqi nga Banka Kombëtare Tregtare 300 000 USD, kur ato ishin të sekuestruara nga llogaria e saj.



Gjyqi


Dëshmitarët: Paratë u keqadministruan

Në listën e dëshmitarëve, prokuroria kishte shënuar 335 dëshmitarë, në seancën gjyqësore të kërkuar u pyetën 9 dëshmitarë, të cilët dhanë shpjegimet e tyre. Ata sqaruan administrimin mjaft të keq të mjeteve monetare, sidomos deri në nëntor të vitit 1995, në agjencinë e kambizmit Vlorë, mbajtjen e dokumentacionit jo të rregullt, faktin që paratë nuk lëvizën kurrsesi pa urdhrin e Kërxhalliut. Nga dëshmitarët u mësua se Shemsie Kadria kishte një apartament brenda agjencisë së kambizmit Vlorë, ku qëndronte për të analizuar punën apo kontrolluar aktivitetin, si dhe për të tërhequr vlera monetare. Një dëshmitare theksonte se Shemsia, gjatë një vizite në Vlorë deklaronte se "ata duhet të vazhdonin punën të qetë, pasi para kishin boll, sepse në Vlorë ishte vetëm një pjesë e thesarit, kurse paratë e tjera ishin në Tiranë. Administrimi i keq i vlerave monetare dëshmon se për të pandehurit nuk kishte rëndësi kthimi i parave personave që u merreshin. Rëndësi për ta kishte që, gjithmonë e më tepër, në rrjetën e tyre kriminale të vazhdonin të binin sa më shumë persona, të cilët paguanin për kreun e piramidës. Pasi kishin informacione për dështimin e aktivitetit, të pandehurit dërguan në Vlorë një person që do të rregullonte letrat. Ky person, pasi ka shkuar në Vlorë, ka bërë inventarin dhe ka rezultuar se agjencia kishte një detyrim prej 155.968.933 USD. Edhe pse ky inventar nuk pasqyron detyrimin e saktë të agjencisë ndaj personave që kishin futur paratë në këtë skemë, kjo shifër shpreh përafërsisht detyrimin deri në këtë kohë dhe faktin se firma ishte zhytur në një detyrim shumë të madh.

© Gazeta Shqip - 2006-2007

[R3nato]

Nuk i kam lexuar ala (ende, akoma) shkrimet tuaja.. o Qazim.. Neser ndoshta do kem kohe..

Ja nje artikull ndihmes per ceshtjen..


GSH
--

Rrëfimi i ish-deputetit të famshëm të PS-së. Nga punëtor në Itali e Greqi, izolimi te burgu 313 dhe biznesi i tanishëm privat

Bardhyl Fasko: "Tani u shërbej klientëve në lokalin tim"


--------------------------------------------------------------------------------

Dashnor Kaloçi


Që nga viti 2003, kur mori një kredi dhe disa para borxh tek disa miq të tij për të ngritur një lokal të vogël tek Ura e Peshkatarit, çdo mëngjes, pasi ka marrë gazetat, të cilat i konsideron si ushqim të përditshëm, ai merr rrugën për në drejtim të fshatit Petrelë, ku bashkë me tre fëmijët dhe bashkëshorten punojnë nga mëngjesi deri në orët e vona të natës në shërbim të klientëve. Që prej dy vjetsh ky është rituali i zakonshëm i ish-deputetit të PS-së, Bardhyl Fasko, i cili edhe pse nuk e gëzoi mandatin e tij më shumë se një vit, më '91, ka mbetur gjatë në kujtesën e shqiptarëve sikur të ishte larguar dje nga politika. Ndonëse emri i tij mbahet mend si një fanatik i së majtës dhe enverist ekstremist, ai në mënyrë kategorike nuk pranon të jetë i tillë dhe çuditet sesi është krijuar ky opinion për të, kur që më '91 ai ka dalë publikisht në shtyp kundër Enver Hoxhës dhe ka marrë në mbrojtje Mehmet Shehun. Madje, ai thotë se para viteve '90 ka pasur shumë probleme me pushtetarët dhe partiakët e asaj kohe, të cilët ia mohuan fillimisht të drejtën për të vazhduar shkollën e lartë dhe e pengonin në punën e tij si brigadier fushe e agronom, për të vetmin fakt se babai i tij në vitet e luftës kishte qenë 2 muaj me Ballin. Ndonëse nuk ka asnjë respekt për liderët kryesorë të politikës shqiptare, si të pozitës ashtu dhe të opozitës, me kërkesat e vazhdueshme të banorëve të zonës së tij në rrethin e Fierit, ku gëzon ende një popullaritet të madh, ai ka vendosur të rifutet përsëri në politikë duke kandiduar si deputet në zgjedhjet që priten të mbahen së shpejti.

Zoti Fasko, si e kujtoni futjen tuaj në politikë?
Në zgjedhjet e para parlamentare të marsit '91 mora pjesë në mbledhjen e Plenumit të Komitetit të Partisë të rrethit të Fierit, ku do diskutoheshin kandidaturat për deputetë që kishte dërguar Komiteti Qendror i PPSH-së. Në zonën time ishte propozuar Besnik Bekteshi, por salla e kundërshtoi atë propozim të ardhur nga lart dhe më propozoi mua. Kjo gjë u votua formalisht dhe unë fitova si aty dhe në zgjedhjet parlamentare të 31 marsit '91, duke u zgjedhur deputet i PS-së në Parlamentin e parë pluralist.

Si u bë e mundur që kandidatura juaj të fitonte para asaj të Besnik Bekteshit, anëtarit të Byrosë Politike dhe zv/kryeministrit të asaj kohe?
Kjo gjë u bë e mundur pasi unë kisha një popullaritet të madh, gjë të cilën e kisha arritur vetëm në sajë të rezultateve të larta në punë, që nga mesi i viteve '70, kur kisha filluar si punëtor fushe. Madje, këtë popullaritet e kam dhe sot në zonën time.

Po më '92, rikandiduat për deputet?
Rikandidova po në zonën që kisha fituar një vit më parë dhe çuditërisht aty u shpall fitues Daim Rrapaj i PD-së, me tri vota më tepër se unë. Kjo gjë ndodhi pasi rezultati i zonës sime u vonua tri ditë për t'u nxjerrë.

Kë kujton si momentin më të vështirë që ke kaluar në atë periudhe që ishe deputet?
Momenti më i vështirë ishte kur bëra deklaratën në Parlament kundër ambasadorit amerikan Rajerson. Në një pushim seance, deputetja e PD-së, Natasha Lako, më tregoi një gazetë lokale të Korçës, ku ambasadori Rajerson në mes të tjerash në një intervistë citohej të kishte thënë: "SHBA do e ndihmojë Shqipërinë kur të vijë në pushtet PD-ja dhe kur ajo të shohë të gjithë ish-komunistët të papunë dhe duke lypur". Sapo hyra në sallë nuk pranova që të vazhdonte rendi i ditës dhe këmbëngula që të më jepej fjala prej Meksit që drejtonte seancën. Sapo m'u dha fjala, bëra një deklaratë ku në mes të tjerash thashë: "Me këtë thënie, ambasadori i SHBA-së, i vendit më demokratik të botës, ka shkelur në mënyrë flagrante statusin e kryediplomatit. Duhet t'i vijë turp Ramiz Alisë dhe kryeministrit Vilson Ahmeti që kanë heshur deri tani. Kërkoj që për këtë qëndrim t'i relatohet Departamentit të Shtetit, që, për një afat të shkurtër, të sjellë një ambasador tjetër në vend të tij". Pas kësaj deklarate, u ngrit nënkryetari i grupit tonë parlamentar, Leontiev Çuçi, i cili në emër të grupit u distancua nga deklarata ime. Nga ky moment më quajtën si një njeri që nuk futesha dot në rresht.

Çfarë bëtë pasi humbët si kandidat në zgjedhjet e '92-it?
Pasi ma pushuan edhe gruan nga puna si stomatologe dhe mbeta shumë keq nga ana ekonomike, vendosa të ikja refugjat në Itali. Nuk më mbeti rrugë tjetër, pasi kisha dhe katër fëmijë për të ushqyer (më i madhi 13 vjeç) dhe, duke shfrytëzuar pasaportën diplomatike, ika në Itali, ku për 4 vjet punova si punëtor në ndërtim me bashkëfshatarët e mi në Firence. Ndërsa punoja me djersën e ballit në Itali, shtypi këtu në Shqipëri shkruante se unë isha arrestuar pasi merresha me drogë. Kjo gjë e shqetësoi shumë familjen time dhe unë u detyrova të kthehesha më '95, duke hapur një benzinatë në fshatin tim, në Cakran. Pas kësaj shkova dhe në Greqi si refugjat, duke punuar gati një vit në ndërtim dhe u ktheva përsëri në Shqipëri për të kandiduar në zgjedhjet e '96-s, ku për arsye të manipulimeve që u bënë nga PD-ja unë nuk fitova përballë Sokol Bejlerit të PD-së.

Pasi humbët dhe në ato zgjedhje, me çfarë u morët?
Vazhdova të punoja me benzinatën time në Cakran dhe në fundin e firmave rentiere u punësova tek "Populli". Për këtë gjë u arrestova në janar '97 dhe u lirova në mars të atij viti, kur u hapën burgjet për të gjithë. Pas daljes nga burgu ika përsëri refugjat në Greqi dhe pasi punova si punëtor ndërtimi, u ktheva një muaj para zgjedhjeve të '97-s, por nuk arrita të kandidoj, pasi vetëm çështja ime penale nuk ishte mbyllur. Mbase dikujt nga krerët e PS-së nuk i interesonte kandidimi im.

Po pas '97-s me çfarë u morët?
Pas '97-s shita shtëpitë e benzinatën në Cakran dhe erdha këtu në Tiranë, ku bleva një shtëpi afër Unazës, përballë Arkivit të Shtetit, ku banoj dhe sot. Deri më '99-ën qëndrova pa punë dhe në atë kohë vetëm Ilir Meta u kujtua për mua dhe më çoi në punë në Policinë Elektrike.

Pse thoni se vetëm Ilir Meta u kujtua për ju?
Po unë kujt nuk i kërkova punë nga PS-ja dhe nuk më dhanë. Madje, bashkëfshatari im Kastriot Islami më thoshte se nuk dija gjuhët e huaja, kur unë i kërkoja të punoja edhe si roje nate.

A i jeni mirënjohës Ilir Metës?
Shumë, pasi vetëm ai u kujtua për mua.

Po aktualisht me çfarë merreni?
Vazhdoj të jem në marrëdhënie pune pranë Rezervave të Shtetit dhe që prej dy vjetësh kam blerë një copë tokë në Petrelë dhe atje kam ndërtuar një lokal ku kam punësuar tre djemtë dhe bashkëshorten time.

I paskeni zgjidhur problemet ekonomike?
Akoma jo. Lokalin e kam ngritur me para borxh dhe me një kredi bankare, të cilat akoma nuk i kam shlyer. Me atë lokal unë nxjerr vetëm bukën e kalamajve dhe as nuk bëhet fjalë për fitime.

A keni ambicje për t'iu rifutur politikës?
Kam shumë ngacmime për t'u rifutur në politikë, por akoma nuk kam vendosur për kë forcë politike të kandidoj. Por më e mundshme është të kandidoj si i pavarur, pasi kam shumë kërkesa nga zona ime, ku kam fituar më '91.

Pse kërkoni të dilni i pavarur?
Sepse jam i zhgënjyer nga të gjithë liderët e politikës, sepse nuk janë njerëz. Politikani duhet të jetë njeri në radhë të parë.

Përveç politikës, cilat janë pasionet tuaja?
Kam shumë qejf shahun dhe luaj shpesh në kohën e lirë. Po ashtu ndjek me vëmendje të madhe shtypin, të cilin e kam ushqimin e përditshëm dhe sidomos jam i dhënë pas ngjarjeve historike.


Ish-deputeti rrëfen sesi mbrojti publikisht Mehmet Shehun më '91

"Unë djali i ballistit, që më njohin si enverist"
Po cila është e kaluara e ish-deputetit të famshëm të PS-së, i cili ka mbetur në kujtesën e shqiptarëve si një nga më aktivët e Parlamentit të parë pluralist të '91-it dhe përse ai mbahet mend si enverist? Lidhur me këtë, Bardhyl Fasko dëshmon: "Është e vërtetë që unë jam konsideruar si enverist, por kjo gjë në fakt nuk qëndron aspak. Përkundrazi, para viteve '90 unë kam pasur probleme biografie për shkak të babait tim, i cili më 1944 ka qenë me forcat e Ballit Kombëtar, duke u rekrutuar me forcë nga krerët e tyre deri në Tendën e Qypit, në Skrapar. Kjo gjë më ka shkaktuar shumë probleme, pasi pushtetarët dhe partiakët e asaj kohe ma përmendnin vazhdimisht si kleçkë në biografi, ndonëse gjyshi im (babai i babait) kishte luftuar më '20 në Vlorë dhe ishte vrarë nga gjermanët, duke u njohur si Dëshmor i Atdheut. Madje, për probleme biografie fillimisht m'u mohua edhe e drejta e studimit e gjithashtu nuk u pranua propozimi i Degës Ushtarake që unë të shkoja për oficer. Në këto kushte unë shkollën e lartë e bëra me korrespodencë, pas disa vjetësh, në sajë të punë sime. Edhe sot unë jam i çuditur sesi më kanë etiketuar dhe njohur si enverist të pakorrigjueshëm, kur në fakt që më 1991 në një intervistë që i kam dhënë gazetarit Timo Luto, në mes të tjerash, kam thënë: "Burra si Mehmet Shehu nuk e vrasin vehten". Kjo deklaratë e imja, e dhënë publikisht në shtyp në atë kohë, besoj se nuk do koment dhe e hedh poshtë epitetin që më kanë vënë si enverist".


Passaporta

1952 u lind në Cakran të Fierit
1971 mbaron Teknikumin Bujqësor në Fier
1971 për arsye biografie, punëtor në kooperativë
1972-'74 kryen shërbimin ushtarak në Tiranë
1974-'76 punëtor fushe, brigadier, përgj. sektori
1976-'87 agronom në kooperativën e Cakranit
1987-1991 Kryetar Kooperative në rrethin e Fierit
1991-'92 deputet i PS-së në Parlament
1992-'96 emigrant në Itali, punëtor ndërt. në Firence
1996-'97 biznes privat dhe punon në fondac. "Populli"
1997 arrestohet dhe lirohet me hapjen e burgjeve në mars
1997-'99 pa punë
1999-2005 në Policinë Elektrike dhe Rezervat e Shtetit
1999 e aktualisht punon privat në lokalin e tij

-------------

Brari ndonese e kam par me vonese dua te them qe un jam nje nga cunat e bardhylit

[Albo]

Qeveria dëmshpërblen ish-bosët e firmave piramidale, Alimuçaj dhe Cenaj

Blerina Hoxha

Ish-bosët e firmave piramidale, Vehbi Alimuçaj dhe Lefter Cenaj, do të dëmshpërblehen nga shteti shqiptar me rreth 14 600 euro. Dhënia e kësaj shume ndaj këtyre dy personave që u bënë shkak për një krizë të fortë financiare në vitin 1997, vjen për shkak të një vendimi të Gjykatës Europiane për të Drejtat e Njeriut. Qeveria gjatë mbledhjes së djeshme vendosi ekzekutimin e vendimit të Gjykatës për çështjen “Alimuçaj kundër Shqipёrisё”, në shumën 8000 (tetë mijë) euro, si dhe pagesën e tatimit mbi të ardhurat për dëmshpërblimin. Shuma për zbatimin e këtij vendimi do të merret nga fondi rezervë i buxhetit të shtetit. Me një shumë prej 6 700 eurosh do të dëmshpërblehet edhe ish-bosi tjetër i firmave piramidale, Lefter Cenaj. Pagimi i shumës në favor të ankuesve Alimuçaj dhe Cenaj të bëhet nga Ministria e Financave, pas paraqitjes së të gjithë dokumentacionit ligjor të nevojshëm për kryerjen e pagesave nga buxheti i shtetit, brenda datës 9.10.2012. Në rast mospagimi brenda këtij afati, mbi shumën e mësipërme paguhen interesa të thjeshta të barabarta me kursin marzhinal të huasë së Bankës Qendrore Europiane, gjatë periudhës së mospagimit, plus tre për qind. Vendimi nga Gjykata Europiane është marrë në shkurt të këtij viti, ndërsa Vehbi Alimuçaj e ka dorëzuar dosjen në Strasburg më 2 qershor 2005. Të njëjtën praktikë ndoqi edhe Cenaj. Ish-drejtuesi i kompanisë “Vefa Holding sh.p.k” u arrestua në prill 1998, me akuza të përsëritura mbi skemat mashtruese të huamarrjes. Në 2002, Alimuça u shpall fajtor nga Gjykata e Lartë për mashtrimin ndaj 57 923 mijë kreditorëve të kompanisë së tij dhe u dënua me 20 vjet burg. Por ai u lirua pas 8 vjetësh, në maj 2010, pasi 11 vite të dënimit të tij u ulën me dy akte amnistie (2002, 2007), 6 muaj falë punës në burg dhe 1 vit iu hoq me faljen presidenciale të 2010-ës. Meqenëse vuante nga probleme serioze kardiake e neuropsikike, Alimuçaj ishte ankuar për shërbim jo të duhur mjekësor gjatë vuajtjes së dënimit. Për këtë çështje, ai i referohej disa neneve në Konventën Europiane për të Drejtat e Njeriut, në bazë të të cilave ankohej dhe për mungesën e parashikueshmërisë ligjore për ndjekjen penale ndaj tij, si dhe për dënimin e dhënë. Gjykata e Strasburgut rrëzoi shumicën e pretendimeve të Alimuçajt, meqenëse raportet mjekësore të paraqitura dëshmonin keqësimin e situatës për shkak të vijimësisë së sëmundjes tek individi, por pranoi se nuk ishte respektuar neni 7 i Konventës (nuk ka dënim pa ligj), me argumentimin se ndaj aplikuesit ishte imponuar një dënim më i rëndë se ndëshkimet në fuqi gjatë kryerjes së veprës penale. Firma “Cenaj” që do të fillonte aktivitetin me 100 mijë lekë të vjetra, më pas të administronte kursimet e 25 537 shqiptarëve me mbi 5.7 miliardë lekë të reja. Objekt i veprimtarisë së kësaj shoqërie ka qenë kryerja e transaksioneve të çdo lloji, nëpërmjet të cilave mund të tregtoheshin apo të tranzitoheshin mallra të ndryshme, me shumicë dhe pakicë për produkte të gatshme, lëndë të parë, produkte bujqësore dhe blegtorale, ushqimore, pajisje elektroshtëpiake, konfeksione, pije alkoolike, në fushën e turizmit, këmbimit valutor, kozmetikës etj. Pagimi i shumës prej 14600 eurosh në favor të ankuesve Alimuçaj dhe Cenaj bëhet nga Ministria e Financave, pas paraqitjes së të gjithë dokumentacionit brenda datës 9.10.2012. Në rast të kundërt, paguhen interesa të barabarta me kursin marzhinal të huasë së Bankës Qendrore Europiane plus 3%

MAPO

[DYDRINAS]

Ku vane milionat e piramidave..? - pyeste anëtari i nderuar Brari 10 vjet më parë.

Cilët janë përfituesit më të mëdhenj?

A është Kokëdhima njëri nga ata?

[DYDRINAS]

Bosi i "Silva": Arkitektin Bubsi e vranë dy SHIK-as për fajdet

30/03/2007 - 07:47

Drejtuesit te emisionit OPINION, Blendi Fevziu, i eshte dashur te kaloje emocionet e nje aventure te papritur ne Turqi, vend ku kishte organizuar takimin me Pellumb Shehajn, ish-bosin e firmes piramidale "Silva".

Me te mberritur ne aeroport, i akomoduar ne nje autoveture te derguar posaçerisht nga ish-bosi i "Silva", Pellumb Shehaj, gazetari Fevziu eshte detyruar te endet poshte e perpjete neper rruget e Stambollit per nje kohe te gjate. Me tej, vetem kur durimi i ishte sosur, kishin mberritur ne nje hotel, ku edhe ishte realizuar takimi me Pellumb Shehajn. Kete "shetitje" jashte parashikimit te gazetarit Fevziu, ish-bosi i "Silva" e kishte justifikuar me masat paraprake qe kishte ndermarre me qellim qe te shmangte gjurmimin e policise. Duket shoferi i makines ishte udhezuar qe te verifikonte saktesisht dhe te bindej qe nuk ndiqej nga pas, para se te mberrinte ne destinacion. Gjithsesi intervista eshte realizuar pa ndonje nderhyrje duke mberritur e plote te publiku shqiptar.

Z.Shehi, mirembrema! Mirembrema. Jemi ne nje studio disi te improvizuar dhe nuk e di perse nuk patet rastin te vinit ta jepnit kete interviste ne Shqiperi.

Tani jam i denuar politikisht dhe ndiqem politikisht.

Ç'do te thote kjo?

I denuar politikisht se me jane mbyllur edhe llogarite, edhe asetet, edhe dokumentat, pa vendim gjykate. Si te them, me jane grabitur.

Z.Shehi, ju ne fakt jeni denuar per procesin piramide, te huamarrjes, para qe ju jane marre qytetareve dhe nuk jane kthyer?

Eshte e vertete, eshte bere shume zhurme per kete, u be dhjete vjet qe flitet per kete problem, por une çdo gje e hedh poshte, derisa nuk ekziston vendim gjykate, proces i mirefillte ligjor, nuk ka vendim gjykate per bllokimin e numrave te llogarise dhe te proces-verbalit, nuk ka vendim gjykate per bllokimin e aseteve dhe shitjen e tyre, proces-verbal per bllokimin e dokumentacionit dhe derisa vuri dore qeveria dhe i shiti, ndaj them qe ky eshte nje proces politik.

Ne momentin e bllokimit, sa kane qene shumat dhe asetet, ose totali i shifres qe dispononte kompania Silva?

Ne ate kohe kur ka filluar procesi i transparences, Silva dispononte sipas gjendjeve dhe llogarise qe une kisha, duke patur parasysh qe kaluam edhe nje periudhe lufte� 3-4-5 mujore, 15 milione dollare.

Po totali i aseteve tuaja?

Totali ishte rreth 21 milione dollare.

Pra, gjithe vleresimi i kompanise tuaj shkonte 36 milione dollare?

Po. Te kemi parasysh edhe pergatitjen qe une kisha bere se une e quaj leke ose aset, pasi arrita nxora dhe 450 mije ton rere bituminoze, lidha kontrate per 4 milione tone baraz me 83 milione dollare me nje firme rumune, kam dokument noterial i cili konsiderohet dokument ligjor, po pergatitesha qe ne janar te 1998 te filloja eksportin e kesaj dhe me pas do te nisja shlyerjen e kreditoreve.

Ne momentin e bllokimit, sa shqiptareve iu kishit marre parate?

Gjithsej, rreth 14 mije e 550, nuk me kujtohet mire. Ne ate moment qe filloi kontrolli, kane qene rreth 5 mije e 900 kreditore.

E çfare shifre iu detyroheshit atyre afersisht?

Shifra ka qene rreth 21 milione dollare. Pra, rreth 6 mije shqiptareve rreth 21 milione dollare.

Ju kishit ndermend ti kthenit ato?

Patjeter, se une ndaj e bera edhe huamarrjen, nje miniere gjigande.

Me sa per qind jane marre keto kredi?

Keto jane marre me 6 per qind.

Nuk ju duket shume e madhe?

Ishte, por une kisha besim tek biznesi. Pas janarit 1997, pasi filluan ankesat per firmat, trazirat ne Vlore, dillian protestat, atehere konkluduam se perqindja mujore do te ishte vetem 2-3 perqind, nuk do teishte me 6 perqind. Pasi une bej gjithmone llogarite e biznesit dhe te firmes sime.

Si lindi kompania Silva?

Ajo ka lindur qysh ne filimet e vitit 1900, si gjithe shqiptaret qe benin biznes me çanta, merrnin mall ne Tirane dhe e shisnin ne Vlore, me vone fillova duke blere frigorifera, televizore, lavatriçe tek miqte dhe shoket ne Tirane, pa pagese ne dore, i shisja dhe u ktheja parate. Aktiviteti fillimisht ka qene ne Vlore. Me vone, ne vitin 1994, nga shoqeri me pergjegjesi te kufizuar, e rrita aktivitetin ne 1994, import-eksport, fillova te shkoja ne Gjermani dhe merrja makina te perdorura, hapa nje sallon ne Tirane per shitjen e veturave, bile mund te them se ka qene edhe salloni i pare, e keshtu lindi biznesi.

Por ne vitin 1994 ende ishit me nje biznes te vogel me sende elektro-shtepiake, ndersa ne vitin 1996, ishit me 6 milione dollare?

Mos harro se ne ate periudhe, kontroll nga shteti kishte shume pak, sa kishin filluar te krijoheshin ligjet e para te shtetit, mbi doganat, shteti sa kishte nisur te krijohej dhe nuk kontrollonte siç duhej, jo se nuk donte, porse nuk kishte ligje akoma, per doganat per shembull, ndaj dhe fitimet ishin te konsiderueshme. Per shembull, une ne nje televizor mund te fitoja edhe 100 dollare.

Sa ishin fitimet tuaja mujore?

Nuk mund ta them dot perafersisht sa ishin fitimet mujore, por arsyet kryesore qe une fillova te marr hua, ne 26 shkurt te 1996, bile ate dite eshte vene edhe marketi VEFA, une kam marre edhe licencen per rerat bituminoze. Ne ato banka qe kishte vendi yne, te cilat ishin te pafuqishme, pra qe nuk kishin fuqine e dhenies se kredive te medha, une kisha nje dokument te sakte te cilin ma kishin ofruar miqte dhe shoket e mi se çfare ishte rera bituminoze dhe çfare te ardhurash mund te vinin prej saj, duke pasur parasysh edhe qe rruget e Shqiperise ishin te pashtruara, duke pare me largpamesi, qe do te shtroheshin e do te beheshin autostradat, me nje fjale kjo ishte arsyeja qe fillova te merrja huamarrje.

Ne momentin qe moret licencen, sa ishte pasuria e firmes suaj?

Mund te them, rreth 350-400 mije dollare. Pra ne shkurt 1996, kisha kete shume, ndersa ne periudhen e bllokimit kisha rreth 36 milione dollare.

Pra, nje rritje teper e madhe.

Kuptohet, une iu drejtova te gjithe miqve dhe shokeve, te gjithe ata qe me njihnin, nuk iu drejtova njerezve te panjohur, njerez qe njihnin biznesin dhe u futen si kreditore. Kreditor mund te quhet edhe nje njeri nga ana ligjore, si aksioner. Te cilet, nuk merreshin parate nga mua me nje cope leter ne dore, siç ishin fondacionet e tjera apo Sudja, por ishte me nje dokumentacion te rregullt noterial, mbi bazen e nje ligji.

Cili ishte ky ligj?

Ky ligj ishte i kodit Civil qe kisha te drejte te merrja hua nga dikush tjeter per biznes.

Si arritet me nje pasuri rreth 350-400 mije dollaresh, te merrnit nje licence per shfrytezimin e rerave bituminore?

Nuk kishte ate periudhe, kushdo qe kishte deshire, nuk kishte mundesi financimi. Bankat tona nderkaq, ishin te pafuqishme per te financuar.

A keni patur lidhje te forta politike, z.Shehaj?

Me asnje lloj njeriu. Kam çare vete dhe nuk ia kam per ndihme askujt.

Po kur moret licencen dhe kur aktiviteti juaj filloi te hynte ne huamarrje apo kur asetet tuaja filluan te ngriheshin fillimisht, kur u vune nen audutim, keni patur lidhje me politiken?

Jo, nuk kam patur lidhje me politiken.

A ka politikane qe keni njohur ate kohe?

Po, ka patur. Mua ne periudhen qe nuk po me jepej licenca, i jam drejtuar Kryeministrit Aleksander Meksi, bile dy-tre here derisa me tha se do ti thoshte ministrit Xhaja per kete problem, nje njohje nga larg kam patur, nje pershendetje, por jo qe te ulem e te konsumoj muhabete.

A ka patur ndonje politikan qe ju ka kerkuar para, ne 1996-1997?

Politikane? Ka patur menyra nga me te ndryshmet sesi mund te afrohen, por kryesisht kane qene njerez te administrates shteterore, ish-hetues, ish-prokurore, ish-gjykates, ish-financiere, te kesaj natyre ka patur dhe jane munduar te afrihen tek firma, Kurse njerez politike kane qene te tipit qe kerkonin sponsorizime te aktiviteteve kulturore pershembull, mu afruan per te financuar Miss Europen pershembull 300 mije dollare, ka qene Vera Grabocka dhe nuk e kam financuar, kam thene qe keto jane parate e popullit dhe nuk duhet qe ti shperdoroj. Kam bere sponsorizime per varrin e Petro Markos ne Dhermi rreth 2 mije dollare, librin e Mandeles se Vlores, kam sponsorizuar librin e Fahri Balliut "Berisha permes Kasandrave"� me duket se 1500 dollare.

Flas per shuma te medha qe politikane mund te kene kerkuar prej jush?

Nuk kam pranuar ne menyre kategorike. Kerkese kam patur, bile me shkrim, nga Alfred Moisiu, i cili sot eshte kryetar shteti. Na bente nje oferte qe te ishim anetare te Shoqates se Atlantikut, po ç'pune kisha une me te? Dhe nuk kam pranuar, nuk i kam dhene.

Perse hyte ne rrjedhen e huamarrjes?

Po pra, per te vene ne pune kete miniere, sepse duheshin mjetet qe nga Italia, nisa ti sillja, nje ekskavator bente 300 mije dollare. Te cilat erdhen dhe u vune ne pune per zbulimin e minieres.

Juve si e vleresoni, kompania Silva ishte apo nuk ishte piramide?

Ne asnje menyre. Une edhe sot e kesaj dite, te me japin te drejten, kam kontraten per te eksportuar 5 milione tone ne X shtet.

A kishit kontakte me firmat e tjera huamarrese ne ate kohe?

Te vetmin kontakt qe une pata ka qene ne dhjetor te 1996-es, i kam dhene borxh hua Gjallices 6 milione dollare, me kontrate te rregullt.

Po me çfare shprese, jo po mblidhnit leke per vete?

Ajo ishte ne forme ndihme me shpresen se pas 5-20 diteve, ajo do te mi kthente perseri. Per arsye se siç deklaruan dhe siç e dini qe ata kishin lidhje shume te forta ne Turqi me nje turk Seladin Disha, i cili kishte ardhur edhe ne Vlore disa here, edhe me kete shprese. E ndodhi pastaj qe edhe firma Gjallica e shpalli falimentimin dhe Shemsie e Gani Kadria, pavaresisht nga intervista qe degjova se kane qene te ndare, ai genjen, se deri ne dhjetor te 1996 ata kane qene bashke ne fakt dhe kete e di gjithe Vlora. Une i dhashe keto milione dollare atyre thjesht si tip ndihme se do vinte ortaku i tyre nga Turqia dhe do u sillte 50 milione dollare e me kete shprese, ata do te mi kthenin. Ua dhashe pa interes, edhe per miqesi jo, por thjesht se firmat njera-tjetren edhe mund ta ndihmojne per monentin.

Po ju sa thate, se ju e dinit qe ajo ishte piramide?

Pasi u treguan te gjitha dokumentat nga Turqia, ne e kishim te sigurt se do te vinin para nga Turqia. Por faktikisht, doli se une kam bere edhe gabime ne kete drejtim.

I moret mbrapsht keto 6 milione dollare?

Kerkova ti merrja dhe ne 26 janar kam hapur gjyq per kete problem dhe me jane kaluar me pas nje fabrike tullash dhe nje qender biznesi qe do te ndertonte nje firme greke dhe nje firme italiane dhe keto jane te njohura edhe nga zyra e permbarimit dhe ka firmosur edhe vete Fitim Gerxhalliu. Keshtu qe keto para derisa ky nuk mi ktheu, ka nje vendim gjykate, ka bere edhe nje deklarate noteriale qe ne meqenese nuk i kthejme dot parate, fabrikat ti kalojne Silves. Kam shkuar me pas vete ne Athine me Maks Haxhine, kemi bere nje takim me Kristo Siontisin dhe ai na thote qe ishte ngritur nje transparence nga parlamenti, keshtu qe ai do te shihte nje çike pozicionin dhe me pas do flisnim. Pastaj vendosa me shefin qe kete dosje t'ia dorezojme Farudin Arapit dhe keto dokumente qe po dalin sot se gjoja i ka nxjerre Gani Kadria, ai genjen. Ato dokumente ia kam dhene une Farudin Arapit ne baze te atyre dokumenteve qe kisha ne 1997-en dhe nuk e kuptoj perse i nxjerrin sot pas dhjete viteve ne 2007-en.

Folet qe moret 6 milione dollare dhe ia dhate Gjallices per te qetesuar gjendjen perkohesisht, thate se pritej nje shume prej 50 milione dollaresh, nderkohe qe investime nuk kishte me shume se 20 milione dollare ne nje vend te sfilitur. Nga vinin keto para? A jane marre keto firma, duke perfshire edhe firmen tuaj me larje parash te pista?

Ata kane vjet qe po merren me kete problem, kane mbushur gazetat plot, bile kane filluar perseri sulmin tani. Kane bere show neper media, kane llapur tete vjet dhe nje fakt konkret nuk e kane thene deri me sot. Kane thene per mua qe kam para ne Austri, ne Gjermani etj. Une bile ne nje interviste para dy vitesh tek ALSAT-i i jam drejtuar edhe Prokurorit te Pergjithshem, dhe Presidentit te Republikes, ti mbyllet goja Farudin Arapit, qe te mos mashtroje me kreditoret dhe te nxjerre nje akt noterial e shko merri, ose nje vile te pakten. Por ku eshte? Ai duhet te firmose, merre!

A jeni marre ju me pastrim parash te pista?

Absolutisht jo. Nuk e kam patur ne karakter, as ne moral.

Po firmat e tjera?

Mund te jene marre edhe me pastrim parash, mund te jene marre edhe me trafik armesh ...

Cila prej tyre?

Them une tani, mundet. Nuk mund ti ve dot gishtin. Po le ta zgjidhe shteti.

A ka tentuar politika t'ju mbaje afer apo t'ju perdore per interesa te saj?

Une flas gjithmone per veten time, ne menyre kategorike nuk me eshte dhene te mbaj asnje loj politikani afer.

Kishin mundesi ju qe ti shlyenit ato qe kishit marre?

Po ta them pra, une e kam konkretizuar biznesin tim. Mora parate, bleva makinerite, nxora reren bituminoze, prisja te filloja eksportin, keto jane parate, 83 milione dollare i mbylli Farudin Arapi dhe Deloitte & Touche, se nuk kane interes te zhvillohet biznes shqiptar, duan qe te vije bitum i skaduar nga Greqia per te shtruar rruget shqiptare. Nuk do politika kupton? Ka rezerva te shtrohen gjithe rruget e Evropes, ka rezerva mbi 600 milione tone.

Si dhe kur ju bllokuan?

Ne muajin shtator, kur une po ndaja parate.

Po gjate trazirave te marsit, ku i mbanit parate? Apo i kishit ne banke?

Une per 20 dite kam nderprere aktivitetin e huadhenies. Nga data 1-10 mars, kam njoftuar edhe ne shtyp permes Koha Jone� dhe Albanias.

Por ju nderkohe qe mblidhnit dhe shperndanit para pa filluar ende punen?

Une e kam nderprere huamarrjen ne janar te vitit 1997, sepse nuk kisha me nevoje.

Po nderkohe nuk kishit para, si i shlyenit kreditoret?

Kisha une para, nuk e kisha shperdoruar. Ne llogari i kisha, kur te tjeret luftonin, kur digjnin bashkite dhe benin gjithçka. Per kete ka dokumenta. Une huamarrjen e kam mbyllur ne muajin janar dhe me duket se ne 22 janar ka dale ligji qe nderpritet huamarrjen, pas saj ai qe merrte denohej me ligj. Une ato dite do filloja dhenien e parave, kestin e pare per te nisur shlyerjen, dolen problemet me pas dhe filluam shlyerjen pa dhene asnje perqindje, vetem aq sa kishim futur. Kishte pastaj njerez te ndryshem qe gjenin disa kreditore, pershembull X kishte 50 mije dollare te firma Silva, dilnin disa pelivane dhe i thoshin qe kete kontrate ma jep mua 50 %, se une i marr leket�.

Ju ishit ne dijeni te kesaj?

Une kisha dhene urdher te prere dhe me shkrim. Edhe mua me vinin. gjeten nje menyre tjeter gjyqtaret si Martin Deda. Ku ai gjente kliente me 50 mije apo 100 mije dollare, hapnin si vendim gjyqesor se filani me ka leke, bente gjyqin Martin Deda, mund ta bente edhe ne klub dhe urdheronte permbarimin te merrte pasurine nga llogaria ime. Dhe gjysmat e lekeve, i merrte Martin Deda. Kete njeri, çuditerisht e caktuan gjyqtar te bente gjyqin tim. Domethene ky vidhte kreditoret dhe kete njeri e vune te me denonte mua me 18 vjet burg.

A i kishit parate ne banke?

Parate i kisha, te gjitha. Ne kohen e luftes, kur erdhi nga burgu nga Janina a i Selanikut Zan Çaushi, ne menyre te papritur, ishte i denuar me burgim te perjetshem, me eshte sulmuar edhe vila ne Vlore, aty kam pasur gjendje edhe 3 milione dollare. Ishin ne ate kohe ne kase, te cilat ishin te destinuara per shlyerje kreditoresh. U hapen depot e armatimit, leket ishin te ruajtura aty, kishte edhe roje, vjen ushtria e Zani Çaushit, se kishte ushtri edhe me mbi 200 veta, u detyrua im vella, i ka marre keto para, i ka transferuar ne fshatin Tregjas ne Vlore, i terrorizuar, i shokuar ka mundur qe keto leke ti kaloje ne fshatin Tragjas dhe ka kaluar permes Selenices, jane rrezikuar per tu mbytur, kane kaluar lumin me nje gjemi qe i thone, me gjithe femijet e tij dhe ka mberritur ne Tirane i stresuar pas 48 oresh se e ndiqte banda e Zani Çaushit. 3 milione dollaret jane sistemuar ne Tragjas ne X familje dhe pastaj nga Tirana kemi urdheruar shefin e rojeve, Agron Sokolin, se ai nuk ndiqej nga Zani Çaushi, vetem vellai im ndiqej, te vinte ne Tirane. Ky se bashku me drejtorin e finances, ish-shefen e finances, del se i kane shperndare keto para, xhepit te tyre, por thone se ia kane shperndare xhepit te tyre se dokumente nuk ka.

Pra ju keni humbur gjithe keto miliona dollare, 6 ia dhate Gjallices, tre ua vodhen...

Gjallica, nuk mbetet vetem me 6 milione dollare.

Per ç'arsye?

Eshte bere edhe nje transferim tjeter, kam dokumente ligjore, kam edhe ekspertizen e ketyre dokumenteve qe u eshte falsifikuar firmave. Sepse drejtori i Finances, kishte te drejten e firmes dhe eshte bere edhe nje transferim tjeter 6 milione dollare ne xhepat e tyre ne mars 1997 dhe kjo eshte edhe njera nga arsyet perse eshte djegur banka e Vlores, per vjedhjet qe jane bere. Kishte te drejte firme drejtori i Finances, kete i kam kerkuar une te zbuloje grupit te transparences. Bile Farudin arapi ka deklaruar se nuk eshte e vertete se Shehi ka hapur nje proces gjyqesor, i kunderpergjigjet zv/prokurori i Pergjithshem, Agim Tirana dhe i thote qe eshte e vertete se z.Shehi e ka denoncuar.

A keni marre pas bllokimit te kompanise suaj ne menyre abuzive nga bankat 14 milione dollare cash� per ti transportuar jashte Shqiperise? Ka pasur nje akuze ne shtyp per kete.

Une mund te besoj shume pak gazeta, mund te them shume pak, kurse te tjera jane disa gazeta qe te mos flasim ndryshe. Une mund te te jap edhe nje pergjigje tjeter. Perse parlamenti shqiptar dhe policia shqiptare e asaj kohe sulmoi me polici vilen dhe me mori dokumentacionin?

Por kishte nje vendim te parlamentit per te bere transparencen e firmave...

Parlamenti ka te drejten te nxjerre ligj, por nuk ka te drejte te ekzekutoje, ekzekutimin e ben gjykata. Nuk ka te drejte as qeveria dhe as parlamenti. Farudin Arapi eshte caktuar mbikqyres, hapi i tij ishte te kontrrolloheshin si zhvilloheshin kontrrollet nga Deloitte & Touche dhe ti raportonte parlamentit. Kjo ishte detyra e Farudin Arapit dhe na doli qe ai ishte edhe pronar, edhe mbikqyres firmash.

Sa ishte pasuria juaj kur u bllokuat?

Kisha minieren e Selenices, fabriken e Mifolit qe eshte nje nga fabrikat me te medha ne Ballkan, te cilen une mund ta konsideroj si nje fabrike te madhe ne Ballkan, qe vetem prej saj une mund ti kisha shlyer dy here kreditoret. Kisha edhe tre fabrika te tjera betoni, njera ne Vlore dhe tjeter ne Mifol. E betonit ne Vlore, e ka marre ish-drejtori im, Dule Harizi. Ka ardhur ne pune si inxhinier ndertimi, njerezit ne Vlore i ke, shko dhe pyeti per keta njerez, kush eshte milioneri Dule Harizi. Kisha dhe nje licence tjeter te zhavorrit bituminoz te cilen e kane marre njerez te tjere te Arben Malajt.

Por duhen fakte per keto, nuk mund te permendni thjesht emra keshtu pa u verifikuar dot...

Perse ma hoqen mua licencen? Ky ka qene shefi i Finances se firmes piramidale Cenaj, si mund ta vinin minister? Ne Gjykate Kushtetuese ke ish-avokate te firmave piramidale, ne Gjykate te Larte gjithashtu, gjithandej. Pergjegjesi ligjore fillimisht mban avokati.

Mi permend edhe njehere te gjitha pronat qe ju kishit?

Dy licenca, dy fabrika betoni etj. Vlera e pergjithshme e tyre, mund ta gjeni te ato dokumentat. Une shikoj se keto ishin asete biznesi, nuk ishin pasive, ato prodhonin. Po, kisha kampin e Dhermiut, 60 % se 40 % e kishin Sindikatat, te cilin e shkaterroi Zani Çaushi.

Po tani?

Nuk e di se ç'kane bere tani me te, duan t'ua japin grekeve. Ishte jorentabel se e shkaterroi Zani, ne 1997 erdhi Farudini. Gjendja ishte e rende, bankat e Vlores u dogjen, po pse? Se plani i tyre ishte qe te bllokonin firmat.

Ky eshte koment. Sa ishin parate tuaja te tera?

Parate e mia ishin 2.6 milione qe jane gjetur dhe nga Farudin Arapi edhe Deliotte & Touche, por ai ka deklaruar se te forma Silva nuk jane 2.6 por vetem 1.8 milione dollare. Farudini deklaronte 1.8. Dhe 6 milione te tjera qe une i kisha, por qe ishin transferuar pa dijenine time te finances, vajten 12 milione dollare dhe 3 milione dollare te Tragjasit, 15 milione dollare. 6 mi mori Gjallica u bene 21 milione dollare. Ka ndikuar edhe bashkepunimi i Farudin Arapit, kam kerkuar me çdo kusht qe keto para te ktheheshin, kjo ka qene arsyeja qe neve na spostuan, qe keto para ti merrnin per vete.

Kur ju jeni i lare pas gjithe ketyre dokumentave me ligjin, perse u larguat nga Shqiperia?

Erdhi momenti qe do te me vrisnin. Donin te me vrisnin se me moren parate!

Po keto ishin parate e popullit, s'ishin tuajat?

Po nuk duan ata te dine per popullin.

Po perse nuk perballeni me drejtesine?

Ku ka drejtesi more zoteri? Po ta sqaroj edhe njehere, firma nuk falimentoi permes vendimit te gjykates. Deri ne vitin 2000, nga 1997 eshte marre Farudin Arapi dhe Arben Malaj.

Jane 6 mije shqiptare qe nuk ju i kthenit dot parate, ja kishit pervetesuar!

Po me grabiten more zoteri, nuk me lane te punoja. Parlamenti vendos, por zbatimin e ben gjykata dhe jo qeveria se eshte antikushtetuese. Parlamenti e ka autorizuar qeverine qe te caktoje nje firme te administroje pasurine. Akuzat ishin qe firmat jane marre me aktivitet kriminal.

E si dolet ju nga kontrolli i Deloitte & Touche?

Keto kane qene akuza boshe. Strategjia ka qene per ti mbuluar. Raporti i fazes se pare thote qe duhet te krijojme akoma bindjen, se eshte ne interes te kreditoreve qe te vazhdoje aktivitetin, se kjo eshte nje firme serioze me nje aktivitet serioz.

A mund ta shoh pak letren?

Patjeter.

Atehere Deloitte & Touche shkruan: Megjithese ne duhet te bindemi akoma per potencialet, kemi formuar bindjen se Silva eshte nje biznes serioz me z.Shehaj, qe eshte nje biznesmen serioz. Mendojme se eshte ne interesin e kreditoreve qe te vazhdoje.�

Ky eshte i vetmi dokument falimentimi, nga Robert Kameroni, ne daten 3 prill.

Kjo eshte vetem nje flete e shkeputur ne fakt...

Por kaq arritem te marrim.

A keni kontaktuar me pas me Deloitte & Touche?

Ne kontrrolloheshim dhe dokumentat me pas i merrte Farudin Arapi. Do te dish kush ishte Deloitte & Touche?

Jo nuk dua. Por dua tu pyes. Çfare u be me pronat tuaja me pas?

U shiten.

Çfare vlefte?

Ate e di Farudin Arapi. Nuk eshte leshuar asnje dokument. U eshte dhene dhurate. Derisa bllokohet aktiviteti i nje firme. Sot pershembull miniera e Selenices eshte e mbyllur, kete nuk e ka marre njeri, por duhet qe te vije bitumi nga Greqia. Kjo eshte si nje per te shendoshur ekonomine greke. Njeren fabrike ne Vlore e ka Skender Gjinushi, e di gjithe Vlora kete problem tani.

Kjo eshte te nisesh me komente dhe shpifje. Ne Shqiperi thuhet edhe per ju qe keni marre dhe keni ikur me miliona.

Le te thone.

Per sa eshte shitur fabrika juaj?

Me duket se eshte shitur per rreth 200 milione leke te vjetra. Une e kam marre ne Itali, e kam marre nje kombinat, kishte nje superprodhim, shoqerohej me makina betoniere, me makina veteshkarkuese, me disa makineri te vogla qe bejne betonin. Kete une e kam blere permes gjykates se Barit, nga nje firme e falimentuar dhe gjeta nje okazion. Kam paguar nje miliarde e 700 milione lireta, Bankes Italo-Shqiptare, njekohesisht jane paguar edhe 800 milione lireta personit qe ka hyre ne mes.

Pra ne total, rreth 2 miliarde e ca. Dhe gjithe kjo persa eshte shitur?

Per rreth 200 mije dollare. Dhe nje fabrike tjeter qe e ka marre Koço Kokedhima. Se ky kombinat, kishte dy fabrika.

Por keto jane shitje qe jane bere ne ankand te rregullt?

Ai ka qene nje ankad i paligjshem.

Kjo eshte tjeter gje.

Si qenka tjeter gje? Kush eshte ky Farudin Arapi qe shet pronen e tjetrit duke shkelur ligjin?

Cilin ligj? Ate te drejte ia jepte parlamenti?

Cili parlament? Parlamenti nuk mbledh asete dhe nuk i shet.

Po ju, a kishit te drejte te merrnit hua?

Une e kisha me ligj. Se te mos kisha, nuk merrja. Por me vone, doli nje ligj qe e rrezoi ate.

Cila ishte akuza me te cilen jeni denuar ne Shqiperi?

Per mashtrim, se kam vjedhur popullin dhe organizim bandash te armatosura.

Ne cilin vit jeni denuar?

Me duket se ne 2003 dhe jam larguar nga Shqiperia ne fillim korrik 1998, pasi ata e vodhen gjithçka.

Si iket?

Kam ikur naten. Pasi mora informacionet e mia, qe pasi te te humbin kaq miliona dollare, normale qe mund te mendohej edhe eliminimi fizik.

Po perse do t'ju eliminonin juve dhe jo boset e firmave te tjera te cileve iu kishin marre pasurite?

Fitimi ishte ne burg, Vebiu ishte ne burg.

Po dhe ju mund te ishit ne burg.

Une do bej burg per aq kohe sa shkel ligjin. Kam ikur permes tokes, nuk ka rendesi.

Kur u larguat a moret para me vete?

Kam pasur rreth 25-30 mije dollare me vete.

Kaq ishte gjithe pasuria juaj? E me se keni jetuar gjithe keto vjet?

Nepermjet punes. Merrem me gjera te ndryshme. Me biznese te ndryshme.

A ju ka mbetur prone ne Shqiperi?

Edhe ate shtepi te babit tim, ne te cilen ka vdekur mamaja, babi dhe gruaja, edhe ate shtepi ma kane marre nje ish-punonjesi im. I dhashe çelesat qe ta ruante dhe ate ma moren. Edhe ate shtepi qe kisha dhe asgje tjeter nuk kam. Dhe juve dhe kujtdo i bej thirrje te publikoje çdo lloj fakti rreth meje, kam shitur droge apo gjera te paligjshme, e mirepres denoncimin e tij, kushdo qe do ta beje kete. Biles i kerkoj edhe kryetares se parlamentit, Topalli te shohe gjithe ligjshmerine se qysh iu dhane gjithe keto kompetenca Farudin Arapit.

Problemi nuk eshte te Farudin Arapi, eshte te fenomeni ne teresi. Ishin 11 kompani, te cilat ne nje distance kohore prej 3 vjetesh, perpine kursimet e afro 200 mije shqiptareve?

Une mbaj pergjegjesi per veten dhe firmen time. Une vertet kisha 14 mije kreditore, dhe ndaj i mira parate per ti vene ne pune dhe fillova ti shlyej. Dhe i vura ne pune.

Ju thate pak me pare qe Gjallica priste 50 milione dollare nga nje ortak turk. Nga vinin keto?

Pasi i dhashe Gjallices 6 milione dollare, nxori nje njoftim Shemsi Kadria qe tha se ne fillim te janarit do te vijne 50 milione dollare nga Turqia me kamion. Dhe pas 3-4 ditesh qe nuk erdhen parate, del nje njoftim ne media qe ortaku ishte sulmuar ne autostrade nga mafia dhe i kane marre parate. Me vone, une e kam ndjekur kete problem dhe e bej kete njoftim drejtesise shqiptare qe te shkoje ne policine e Izmirit dhe aty eshte akt-ekspertiza e shtetasit turk Selaudin. Ai eshte aksidentuar ne rrugen Ankara-Izmir, me nje fjale ne shtypin shqiptar thuhej qe pritej te vinin leket nga Turqia, po kjo ishte loje, pasi parate nuk do vinin pasi Gani Kadria do organizonte vrasjen e Selaudin Dishes.

Kjo eshte nje akuze e rende.

Si eshte e rende? Une po te them pra, shko ne policine e Izmirit dhe ekspertiza thote qe eshte aksidentuar, nuk thote eshte vrare nga mafia. Eshte vrare ama deklaratat e Gani Kadrise dhe Shemsies jane qe do vinin 50 milione dollare. Nuk them se i ka pasur 50 milione dollare ky njeri dhe ai eshte vrare pikerisht ne autostraden Ankara-Izmir.

Eshte aksidentuar thate me pare, jo vrare. Ka nje ndryshim midis ketyre te dyjave. Kishte para qe iknin nga Shqiperia ne ate periudhe?

Gani Kadria eshte marre me ate pune. Po te them edhe se pasi u vete ekstradua kjo Shemsia, aty nisi tradhtia, ose loja e Gani Kadrise. Ai ka transferuar nga Turqia ne x shtet ne vitin 2003, 200 milione dollare.

200 milione dollare, jane nje pasuri e jashtezakonshme?

Po, e jashtezakonshme eshte. Pse kjo mafie qe po luan, si te duket ty, nje kokerr uji?

Ne cilen kohe i ka transferuar?

Jo me vone 12 dite se nga ekstradimi i Shemsies. Por nuk mund ta them se ne cilin vend jane transferuar. Kam fakte une per kete.

Ç'pune kishit ju me ta?

E di, pasi une i ndiqja hap pas hapi per parate e mia. Di edhe qe kete qe ka dale tani, Gani Kadria, ai eshte nje nga milioneret e Bullgarise, ai ka hotele luksoze, disko, ne Varna te Bullgarise dhe aty e ka mafia shqiptare. Ju mund te rrini brenda Shqiperise, por neve na ka djegur kurrizi dhe i dime. Per shembull, per Lefter Cenen pyesni Arben Malaj apo Kristo Goxhin. Kerkojuani atyre tu thone. Lefter Cenaj, ne Greqi.

Dhe ju thoni qe nje pjese e tyre bejne jete luksoze?

Gani Kadria po. Une vete nuk kam para. Bile po te them edhe nje gje, mund te investigosh, ne vitin 2003 kur u denova une, djali im punonte si kamerier ne hotel Diplomat. Une qe kam vjedhur miliona dollare, djali im punonte kamerier, dhe ka fjetur ne konviktet e universitetit se nuk kishte te paguante shtepine me qira. Vajzen e kam ketu me vete, ndersa djali ka filluar nje pune tani, nuk ka rendesi se ku, shtepine e ka me qira, gruaja i punon, eshte martuar, paguajne qira dhe jetojne. E keqja ishte se kur e moren vesh qe ishte djali im, e hoqen nga puna.

A jeni i gatshem te ktheheni ne Shqiperi?

Nese do te kete shtet ligjor dhe drejtesi, thjesht shtet juridik, do kem kurajen qe te vij dhe te perballem, se dua qe te sqarohen gjerat, te dalin edhe parate e vjedhura, se jane ne Shqiperi parate. Ato dosje qe paraqet sot Farudin Arapi, se ia ka dhene Gani Kadria, ato dokumente ia kam dhene une para dhjete vjetesh. Kjo tregon se Farudini na ka prere rrugen qe ne te mos vinim me. Nuk ka drejtesi ka marre haraç nga Farudin Arapi.

Me boset e tjere, keshtu flisnit, me miliona?

Nuk jam takuar, me Vehbiun jam takuar 2-3 here, me Fitimin kur firmosi vendimin e permbarimit, me Lefter Cenen pata nje takim, me fondacionet asnje lloj lidhje, as pershendetje.

Perse nuk perballeni me drejtesine?

Me ke drejtesi more?

Cili eshte impenjimi aktual? A i ndiqni shitjet dhe transformimet e pronave?

I di qe te gjitha, eshte Skender Gjinushi, eshte Koço Kokedhima, pas tij eshte ish-presidenti?

Mjaft me me keto! A keni para aty ku jetoni?

Jo, nuk kam. Vetem punoj. Kaq eshte e gjitha.

Faleminderit qe pranuat te intervistoheni.

Ta thashe edhe njehere. Keto dokumente qe po dalin sot, duan te mbulojne menyren sesi Farudin Arapi ka vjedhur leket. Normal qe do filloje perplasja per keto para dhe rrufepritesja ka dale para, Farudin Arapi se dhe ai ka aksione. Do kete edhe vrasje.

Kjo eshte e rende.

Afrojuni logjikes. Une kam gjera shume te rendesishme qe dua t'ia them drejtesise. Po per ke drejtesi e keni fjalen?

Mund te mi beni edhe nje here denoncimet tuaja?

E para, 350 milione dollare jane transferuar ne Turqi, nga viti 1995 deri me 1997, me dokumente. Ne Shqiperi, flitet qe ne Izmirin e Turqise eshte vetem nje firme e Gjallices, qe quhet Besa Plastik, por jane shtate firma. Jane firmat e Selaudin Dishes, ne emer te tij. Vajzen e quajne Berna Disha, permes Dubait ajo qarkullon 25 milione dollare ne muaj, konfeksione sidomos perde, me ato para te ardhura nga Shqiperia. Kam fakte, por kujt t'ia jap ato fakte?

Une do te bej edhe nje denoncim tjeter. Miriam Bubesin arkitektin e njohur, per shembull, e rrembyen dhe e vrane dy shik-sa. Por Farudin Arapi ka hedhur akuza qe ate e kam vrare une. Nese kishte nje njeri qe atij i vinte perzier kur e shihte, ishte Farudin Arapi. Mirian Bubesit e kane rrembyer se gjoja ne emrin e tij ne nje banke ne Belgjike, kishte 40 apo 100 milione dollare te firmes Silva dhe ishte administrator i saj.

Po perse duhej ta rrembenin ate?

Po per te kaluar keto para. Une di edhe vendin ku e kane vrare, di edhe shtepine se ku ka qene, di shoferin e taksise dhe vendin ku ka vdekur. I kane futur dy kile pambuk ne gryke. E kane hedhur ne Qafe-Priske.

Perse nuk i publikoni keto?

Kujt t'ia thuash? Kur prokuroria dhe gjykata favorizojne Farudin Arapin? Jam denuar nga nje organizate kriminale. Une do vij ne Shqiperi kur te jete vendosur shteti ligjor. Une shkoj ne Gjermani, Itali, ku dua, vetem se ne Greqi nuk shkoj se me vrasin.
Eshte edhe nje mister tjeter. Jam arrestuar ne Gjermani dhe eshte kerkuar nga Interpoli te vije dosja ime e ajo nuk ka ardhur. Jam arrestuar nga 2-3 sherbime te huaja sekrete te cilet paraqitnin dokumente falso. Kerkonin diçka ata, nje dokument tjeter sekret. Di edhe qe do te filloje perplasja e Gani Kadrise me Shemsien. Kjo eshte nje pare shume e madhe. Normale qe do te nis perplasja e madhe.
Denoncoj edhe zhdukjen dhe dhurimin e pronave te mia. Me to u pasuruan te tjere, por une do ta kerkoj te drejten dhe pronen time!


marre nga ballkanweb!

[benseven11]

Ai thote qe nuk e ka ne karakter te merret me para te pista,por per ironi akti I marrjes se huave
dhe fshehja ne Turqi eshte pisllik dhe personi qe ben pislliqe financiare eshte pis ne karakter,
Per miliona te vjedhura me siguri ai eshte ne listen e te kerkuarve nga Interpoli.
Taktika e sorollatjes se makines marrjes se shume kthesave eshte taktike shume e lashte
e perdorur nga drogaxhinjte dhe hajdutet e makinave,per tju shmangur ndonje gjurmimi
nga makinat undercover(makina pa emer policia) te policise
.Ka te ngjare qe shteti shqiptar/policia
ne Shqiperi nuk e ka raportuar kete pleren te Interpoli.Nqs Interpoli do kishte dijeni/dosje per kete person qe eshte ne Turqi
ai do ishte arrestuar shume kohe me pare.Interpoli ka agjentet e vet ne Turqi dhe me siguri do e kishin kapur.