Plumba ndaj tre kushërinjve, kush është laçjani që qëlloi
News24 Albania
Published on Sep 17, 2018
Policia ka arrestuar autorin e plagosjes së trefishtë në Laç. Bëhet fjalë për 32-vjeçarin Gegë Gega, një prej personave që ndodhet në spital pasi qëlloi me armë ndaj tre kushërinjve Shaploci.
Sipas policisë Gega është plagosur gjatë konfliktit fizik. Ndërkaq ai akuzohet se ka qëlluar me automatik mbi tre kushërinjtë Erlin Shaploci, Islam Shaploci dhe Gazmend Shaploci.
Report Tv-Droga, vrasjet dhe vjedhjet mbushin burgjet, 335 të dënuar më shumë se në 2017
Droga, vrasjet, vjedhjet, mashtrimet janë veprat penale që popullojnë qelitë e 15 burgjeve në Shqipëri. Në këto qeli janë shtuar 335 persona të dënuar më shumë në korrik 2018 krahasuar me shifrat zyrtare të korrik 2017 bërë publike nga Drejtoria e Përgjithshme e Burgjeve.
Sipas Buletinit Zyrtar rezulton se në korrik 2017 kanë qenë në qeli 2 827 të dënuar, ndërsa në korrik 2018 janë 3 162 të dënuar, 335 më shumë. Ndër vendimet e gjykatave shqiptare rezulton se pjesa më e madhe e të dënuarve shtuar përgjatë këtij viti janë të personave të përfshirë në narkotrafik me plot 280 të dënuar më shumë ndjekur më pas nga të dënuarit për mashtrim me 21 më shumëGrupmoshat që popullojnë më shumë qelitë dhe rezultojnë të përfshira në krime si në korrik 2017 dhe atë 2018 janë ato mes 21-25 vjeç dhe grupmoshat 25-30 dhe 30-50 vjeç. Kjo grupmoshë statistikisht është dhe më vitalja e shoqërisë por pas krimeve të kryera ata qëndron pas hekurave për të vuajtur dënimin dhe për t'u rehabilituar.
Përgjatë këtij viti rezulton se janë shtuar dhe të dënuarit me burgim të përjetshëm me 7 të dënuar përjetë më shumëdhe në total për vitin 2018 rezultojnë në qeli 171 të dënuar me burgim të përjetshëm. Burgjet që aktualisht mbajnë numrin më të madh të të dënuarve janë Fieri, Rrogozhina, Peqini, Lezha dhe Korça.
Ndërsa në pritje të një verdikti nga drejtësia shqiptare ndodhen në paraburgime 2 132 persona, shumica e tyre për përfshirje në narkotrafik me 738 shtetas, 403 për vjedhje, 185 me akuzën e vrasjes dhe pjesa tjetër për krime të ndryshme. Ndërsa rezulton se përgjatë 2018 gratë e përfshira në krim janë reduktuar dhe pas hekurave ndodhen 33 gra më pak.
Ekskluzive/ I bënë atentat fqinjët, i plagosuri: Dyshuan se i spiunova për kanabisin (Intervista)
Report TV
Published on Sep 17, 2018
Martin Dodaj 34-vjec, i plagosur më 5 shtator në Lezhë flet ekskluzivisht për Shqiptarja.com duke treguar edhe motivet e atentatit. I riu rrëfen se fqinjët Petrit Lleshi së bashku me Zef Bocin (të arrestuar) i kanë bërë pritë, sapo ishin liruar nga burgu, pasi dyshonin se ai i kishte spiunuar tek policia për kanabisin që ata kishin kultivuar. Doda tregon se si u sulmua me armë teksa ishte me gruan dhe dy fëmijët e mitur e që fatmirësisht shpëtuan.
Keqkuptimi sipas Dodajt, kishte nisur pasi autorët e kishin parë në soletën e banesës së tij dhe nuk i pranuan besën për Kanun. Ai thotë se nuk ishte ai që i spiunoi, por ato ditë kishte kaluar një helikopter në zonë dhe mund të ketë qenë ai që e ka evidentuar parcelën me kanabis. Dodaj, shton se kur u arrestuan tre fqinjët, u dërgoi bukë dhe ilaçe në burg, por ata nuk e pranuan që të betohej, ndërsa e fajësuan.
Eskobaret shqiptare: Lulzimi i trafikut te heroines, lidhja e forte me kreret e shtetit dhe SHIK
Published on Sep 15, 2018
Eskobaret: Piramidat, lavatriçet e pastrimit te parave te droges, kthyen Shqipërine në Afganistan
Shembja e ndertesave në Jalë, shihni përplasjen e banorëve me policin
Babai e vrau, 6 fëmijët e Ardianës nisin shkollën pa nënën pranë
ish-i përndjekuri protestë për pronën, lidh veten me zinxhirë
Ora News Lajme
Published on Sep 19, 2018
Subscribe në Ora News këtu http://bit.ly/1s5j7UT
Një konflikt i mëparshëm i vëllait të tij me disa persona të tjerë dyshohet të ketë qenë shkak i dhunimit të biznesmenit Andrea Zoga.
Të paktën këtë la të kuptohet ai në një pronocim për gazetarët nga spitali i Traumës në Tiranë ku po merr mjekim.
Andrea Zoga, pronari i rrjetit të Fast Food-eve Big Bite, tha se çështjen e ka çuar në prokurori dhe është mbyllur një muaj më parë për mungesë provash.
Zoga: Pa pasur asnjë lloj konflikti, debati. Vëllai ka konflikt me persona të tjera. Bëhet fjalë për një konflikt për pronën. Mbi këtë pronë është ndërtuar pallat dhe i vëllai ka detyrim ndaj këtyre personave. Jam kërcënuar dhe më parë. Çështjen e kam çuar në prokurori që nuk jam në dijeni dhe i përgjegjshëm për këtë çështje. Prokurori Julian Zonja e mbyll çështjen pa e hapur fare pasi nuk gjen prova.Sot një muaj pasi është mbyllur çështja të del një bandë që të masakron në mes të rrugës.
Mendoni se ka lidhje?
Zoga: Absolutisht po. Unë nuk kam konflikt tjetër.Kam 20 vjet në këtë shtet, 20 vjet me këtë biznes. Jam një nga sponsorat dhe mbështetësit e Ambasadës amerikane, jam anëtar i Dhomës Amerikane të Tregtisë.
6 persona dhunuan biznesmenin poshtë kamerave të bankës
Teksa rrëfen ngjarjen, ai thotë se kanë qenë 6 persona që e kanë dhunuar në mënyrë barbare.
Zoga: Dallova vetëm dy persona me kapele që kishin ulur kokën dhe po drejtoheshin drejt meje për të mos i njohur. Njëri më godet nga mbrapa dhe tjetri nga para dhe më pas katër veta të tjerë dalin nga makina duke më goditur në mënyrën më makabre poshtë kameras së një banke. Kam bërë denoncimin në polici, tek kryeministri.Kërkoj që drejtësia të shkojë në vend, kërkoj nga prokuroria të marrë masa në mënyrë të menjëhershme për këto banda.
Biznesmeni tregon se ishte kërcënuar dhe më parë
Zoga: Kur më kanë ardhur në subjektin tim para Ambasadës amerikane dhe më kanë kërkuar të proncohem për këtë problem, jam shprehur se nuk jam në dijeni, nuk flas më vëllain prej vitesh, nuk kam asnjë të dhënë. Ju lutem më lini rehat, ju thashë. Herën e parë më kërcënuan me jetë dhe familjen time, kurse këtë rradhë e bënë realitet. Vëllai është jashtë prej muajsh, nuk e di fare ku është. Nuk kam marrëdhënie, nuk kam kontakte.
Nëse prokuroria mbyll çështjen, si do veproni?
Zoga: Do largohem jashtë vendit si gjithë shqiptarët, të siguroj familjen time dhe jetën time.
Për më shumë lexoni në:
http://www.oranews.tv/article/biznesm...
Report Tv- REPOLITIX videon ekskluzive të masakrës së Lushnjes
REPORT TV siguron videon ekskluzive të momentit të vrasjeve të Zamir Latifit dhe Jurgen Hoxhës. Ngjarja ndodhi në 11 tetor të vitit të kaluar, ndërsa autorët janë Laert Haxhia dhe Orges Bilbili. Në videon e siguruar nga gazetari i Report Tv, Artan Hoxha duket momenti kur Laert Haxhia dhe Orges Bilbili hapin zjarr me automatik në lokal të datës 11 tetor të vitit të kaluar.
Pas vrasjeve, sikur duket nga video ekskluzive e publikuar në emisionin Repolitix të drejtuar nga Denis Minga, autorët janë largua me shpejtësi rrufe me një makinë tip Benz, ndërsa edhe njerëzit që ndodhen pranë vendit të ngjarjes ikin me vrap.
Nga ngjarja mbetën të vdekur Zamir Latifi dhe Jurgen Hoxha, ndërsa u plagosën Marius Xhepexhiu, pronar i lokalit ku ndodheshin dy viktimat si dhe një kalimtar. Atentati kishte lidhje me ngjarjen e datës 25.09.2016 ku është tentuar të vritet me armë zjarri nipi i Aldo Bares, Xhulio Shkurti.
Për këtë ngjarje Haxhia ishte në kërkim, pasi ishte dënuar me 24 vite burg në mungesë, ndërsa vrau edhe dy persona të tjerë. Autorët janë në kërkim, ndërsa pak ditë më parë RENEA dhe FNSH rrethuan një banesë fshatin Rremas në Divjakë, pasi dyshuan se fshiheshin aty, por në përfundim të operacionit mbeti i plagosur një i moshuar, ndërsa autorët nuk u gjendën.
Gazetari i Report Tv, Artan Hoxha u shpreh se dy personat që janë në kërkim vijojnë që të rrinë në Lushnje, pasi kanë garanci që nuk do të kapen.
Lushnja ka një histori ngjarjes ku është përfshirë edhe politika. Mënyra si ndodhi ngjarja, tre veta të armatosur që shëtisnin në mes të qytetit dhe dalin dhe hapin zjarr mbi një lokal mbi një grup njerëzit, aty zoti ka shpëtuar shumë njerëz. Dy djem të rinj humbën jetë. Edhe me kaq pasojat janë shumë të mëdha. Të dalin haptazi në mes të qytetit, dhe madje janë persona në kërkim. Si është e mundur që dalin në mes të qytetit ditën për diell dhe pastaj largohen nga vendi i ngjarjes qetësisht. Para një viti bënë atentat, pas një vriti vranë dy. Strukturat tona janë kaq të paafta dhe të korruptojnë dhe dalin lirisht, paralizojnë strukturat. Policia bëri 14 tentativa për ti kapur në një vit resht. Pse rrinë ata? Jo thjeshtë kanë bazat, por kanë garancinë që nuk do të preken, garanci nga ata që i kanë në dorë për ti kapur. Në Lushnje vijojnë që të ndodhin ngjarje të tjera. Në dhjetor të vitit të kaluar janë larguar 13 familje në azil. Organizatat kriminale janë të mirë strukturuara. Unë që rri aty kam garanci që nuk do të kapem.
Published on Sep 20, 2018
TIRANE - U qëllua me thikë gjatë një sherri në ambientet e një lokali te Unaza e Re në Tiranë, ndërron jetë në Spitalin e Traumës pas 24 orësh 38-vjeçari.
Olsi Lelo, mbeti i plagosur rëndë një ditë më parë në zonën e 'Astir'-it pasi u godit me thikë nga babai i të dashurës, Rezmi Çaushaj, 51-vjeç. Gazetari i Report Tv, Driçim Çaka raporton se shkak për ngjarjen ka qenë lidhja që viktima kishte me vajzën e autorit. Ata u konfliktuan në ambientet e brendshme të lokalit, ku Çaushaj goditi me thikë Lelon duke iu shkaktuar plagë të rënda.38-vjeçari u transportua me urgjencë në spitalin e Traumës, por 24 orë pas ngjarjes, për shkak të plagëve të marra në organet jetësore, ndërroi jetë mesditën e sotme.
HISTORIA, “SI MË BËRI INVALID SPITALI I SHKODRËS ”
SPITALI I SHKODRËS, 9 TË ARRESTUAR PËR ABUZIME
Star Plus Tv
Published on Sep 20, 2018
STAR PLUS TV SHKODËR - LAJMI I FUNDIT NË KOHE REALE JU VJEN ME ANE TË NJË NJOFTIMI AUTOMATIK: SHKARKO TANI PROGRAMIN STAR PLUS TV NË:
'Vrava gruan, të vras edhe ty po s'më more'/ Shoferi i furgonit që u mor peng nga Fadil Kasemi
Report TV
Published on Sep 20, 2018
TIRANE - Gjykata e Krimeve të Rënda ka zhvilluar këtë të enjte seancën e radhës për Fadil Kasemin, i cili vrau bashkëshorten e tij gjyqtare, Fildez Hafizi. Sot ka dëshmuar Klodian Tafa, drejtuesi i automjetit me të cilin Kasemi është larguar nga vendngjarja drejt komisariatit nr.1 të policisë në kryeqytet. Tafa është shprehur se Kasemi i ka dalë përpara makinës dhe i ka kërkuar ta merrte me vete, duke i drejtuar armën me fjalët: "Kam vrarë gruan, të vras edhe ty".
Kasemi me doli para makinës. Kishte pistoletë në dorë. Me tha që do të hipte. I thashe: Nuk na lejon kompania te marrim persona te tjere. Kasemi me kercenoi duke me thene: Kam vrare gruan dhe te vras edhe ty nese nuk me merr. Hipi ne makine dhe me kerkonte te ecja, pasi na u vu pas nje motor policie. Kalova kryqezimin poshte xhamllikut me semafor te kuq. Pas kryqezimit ai hoqi karrikatorin nga pistoleta. Me poshte u futa kundravajtje drejt komisariatit nr 1. Futa mjetin ne oborrin e komisariatit. Zbriti me armen ne dore dhe aty u ndalua nga policia.
Klodian Tafa, drejtuesi i automjetit me të cilin Kasemi u largua pas krimit
Avokati i Kasemit, Ilia Ilia: Dëshmitari gënjen askush se ka marrë peng. Kërkoj ballafaqim të tij me tre policët e komisariatit nr.1 të cilët deklarojnë tjetër gjë.
Mesditën e 31 gushtit 2017, Fadil Kasemi vrau me armë zjarri bashkëshorten e tij gjyqtare, Fildez Hafizi. Çifti kishte përfunduar në divorc pas mosmarrëveshjeve të vazhdueshme, por ndarjen nuk e kishte pranuar Kasemi. Ai kishte tentuar edhe me herët të vriste Fildezin, në plazhin e Golemit verën e vitit 2015, por ndërhyrja e personave të tjerë e shpëtoi gjyqtaren. Edhe pse i armatosur me armë zjarri pa leje dhe në tentativë vrasje, Fadil Kasemi del nga burgu dhe dy vite më pas vret bashkëshorten gjyqtare, Fildez Hafizi, nënë e dy fëmijëve.
Pak ditë më parë Gjykata e Tiranës i hoqi Kasemit kujdestarinë e dy fëmijëve dhe ia kaloi atë motrës së Fildez Hafizit.
Report Tv - Repolitix - Vrasjet ne Lushnje - Pjesa e pare - 20 Shtator 2018
https://www.youtube.com/watch?v=YCXULnwxrjc
Ndryshuar për herë të fundit nga Akuamarini : 21-09-2018 më 03:22
Report Tv - Repolitix - Vrasjet ne Lushnje - Pjesa e dyte - 19 Shtator 2018
Report TV
Published on Sep 20, 2018
Artan Hoxha: Arrestimi i Bajrit në një bilardo në Tiranë, akoma nuk është goditur grupi rival
Report TV
Publicerades den 22 sep. 2018
Pak orë pasi policia e Shtetit dhe prokuroria njoftuan për rezultatet e operacionit Oaz, ku u arrestuan 11 persona, si pjesë e grupit kriminal Bajri në Shkodër, gazetari investigativ i Report Tv, Artan Hoxha, ka thënë se ky operacion është ndërkombëtar dhe ka patur një rezultat të suksesshëm.
Hoxha ka thënë se dy nga akuzat më të rënda që rëndojnë për të arrestuarit e këtij grupi, janë ato të vrasjes me dashje të dokumentuara. Gazetari Artan Hoxha ka treguar në studion e lajmeve në Report Tv se 2 vrasjet e dokumentuara nga policia, janë ato të viteve 2000, ku më 7 shkurt 2001 Behar Bajri dhe Ilir Bajri akuzohen se kanë vrarë Arben Tuzin në Tiranë.
Hoxha ka thënë se vrasja e dytë për të cilën akuzohen Bajrajt është ajo e 20 qershorit të vitit 2002, për Fabiola Bajrin, që ka qenë gruaja e Behar Bajrit. Fabiola Bajri është raportuar si vetëvrasje, ka thënë gazetari Hoxha, ndërkohë që ende nuk dihen provat e reja që ka gjetur prokuroria për këtë dosje.
Shkatërrohet grupi “Bajri”, Ardi Veliu jep detajet e operacionit: 11 të arrestuar, 2 në kërkim
News24 Albania
Publicerades den 22 sep. 2018
Copyrighted by News24 Albania
Policia e Shtetit dhe Krimet e Rënda kanë zbardhur sot të tjera detaje në lidhje me operacionin e koduar “Oaz”, ku u arrestuan 11 persona dhe u shpallën në kërkim dy të tjerë, “, si pjesë e grupit kriminal “Bajri” me aktivitet në Shkodër.
Kreu i Policisë së Shtetit, Ardi Veliu ka zbardhur detajet e operacionit në fjalë, si dhe emrat e të arrestuarve.
Veliu bëri të ditur se të gjitha arrestimet janë kryer me vendim të Gjykatës së Krimeve të Rënda.
Ndërsa të arrestuarit janë:
Behar Brajoviq (Bajri) arrestuar në Roterdam, Holandë;
Samet Halluni, i arrestuar në Roterdam, Holandë;
Ilir Rustemi, i arrestuar në ndërhyrjen e datës 6 shtator në Shkodër;
Emrah Plaku, i arrestuar në ndërhyrjen e datës 6 shtator në Shkodër;
Astmer Bilali, i arrestuar në ndërhyrjen e datës 6 shtator në Shkodër;
Armir Grimaj, arrestuar në Shkodër;
Safet Rustemi (Bajri), i arrestuar në Tiranë;
Fabiol Rexhepi, i arrestuar në Shkodër;
Ismet Idrizi, i arrestuar në Shkodër;
Denis Brajoviq, i arrestuar në Tiranë;
Klaudio Hoxhalliu, i arrestuar në Tiranë.
Në kërkim u shpallën 2 anëtarë të këtij grupi kriminal, për të cilët Gjykata ka dhënë masën e sigurisë “Arrest me burg”, për shtetasit:
E.B., 45 vjeç, dhe N.H., 34 vjeç.
Gjithashtu ai shtoi se “akuzat ndaj anëtarëve të këtij grupi kriminal janë: “Vrasje me dashje e mbetur në tentativë”, në bashkëpunim, “Vrasje me dashje”, e kryer në bashkëpunim, “Prodhim dhe mbajtje pa leje të armëve dhe municioneve luftarake”, “Organizim i llotarive të palejuara”, “Pastrim i produkteve të veprës penale” të kryer në bashkëpunim, “Shtrëngim me anë të kanosjes ose dhunës për dhënie të pasurisë”, kryer në bashkëpunim, “Përkrahje e autorit të krimit”, ‘Moskallëzim krimi”, “Prodhim e shitje e lëndëve narkotike”, vepra penale këto të kryer në kuadër të grupit të strukturuar kriminal.”
Deklaratë e përbashkët e Policisë së Shtetit dhe Prokurorisë së Krimeve të Rënda:
Task Forca Speciale e Policisë së Shtetit në bashkëpunim me Prokurorinë për Krimet e Rënda kanë finalizuar operacionin e koduar “Oaz”, në kuadër të Operacionit “Forca e Ligjit”, si pjesë e grupit kriminal “Bajri” me aktivitet të shtuar kriminal në Shkodër.
Të gjitha arrestimet janë kryer me vendim të Gjykatës së Krimeve të Rënda.
Ata janë:
Behar Brajoviq (Bajri) arrestuar në Roterdam, Holandë;
Samet Halluni, i arrestuar në Roterdam, Holandë;
Ilir Rustemi, i arrestuar në ndërhyrjen e datës 6 shtator në Shkodër;
Emrah Plaku, i arrestuar në ndërhyrjen e datës 6 shtator në Shkodër;
Astmer Bilali, i arrestuar në ndërhyrjen e datës 6 shtator në Shkodër;
Armir Grimaj, arrestuar në Shkodër;
Safet Rustemi (Bajri), i arrestuar në Tiranë;
Fabiol Rexhepi, i arrestuar në Shkodër;
Ismet Idrizi, i arrestuar në Shkodër;
Denis Brajoviq, i arrestuar në Tiranë;
Klaudio Hoxhalliu, i arrestuar në Tiranë.
Në kërkim u shpallën 2 anëtarë të këtij grupi kriminal, për të cilët Gjykata ka dhënë masën e sigurisë “Arrest me burg”, për shtetasit:
E.B., 45 vjeç, dhe N.H., 34 vjeç.
Veprimet hetimore, nën drejtimin e Prokurorisë së Krimeve të Rënda, deri në goditjen e plotë të gjithë grupit kriminal “Bajri” kanë zgjatur mbi 6 muaj.
Janë kryer dhjetëra orë përgjime, mijëra informacione të shkëmbyera me partnerët, janë analizuar mijëra faqe të dhëna, si edhe janë kryer veprime pro-aktve në terren, përmes kontrollit nga ajri (dron) dhe vëzhgimit intensiv.
Ora News - Sekuestrohet pasuria mbi 1 milion euro e grupit Habilaj
Ora News Lajme
Publicerades den 21 sep. 2018
Subscribe në Ora News këtu http://bit.ly/1s5j7UT
Gjykata e Krimeve të Rënda ka pranuar kërkesën e Prokurorisë duke sekuestruar pasuritë e grupit të dyshuar kriminal "Habilaj".
Pasuritë e sekuestruara janë të luajtshme dhe të paluajtshme, kryesisht apartamente, makina dhe prona të tjera që kapin vlerën e milionë eurove.
Sipas njoftimit të Prokurorisë pasuritë janë në emër të të akuzuarve të dosjes Habilaj, të cilët gjykohen për trafik ndërkombëtar të lëndëve narkotike.
Në total janë sekuestruar 4 ndërtesa, 10 apartamente, 1 garazh, 5 makina dhe truall të gjitha në Vlorë që në total kapin vlerën e disa miliona eurove. Të gjitha këto pasuri kapin vlerën e 545 000 eurove dhe 40 130 000 lekë.
Kjo masë sekuestro vjen një vit pasi Prokuroria për Krime të Rënda regjistroi procedimin penal për veprat trafikim i narkotikëve i kryer në bashkëpunim në formën e grupit të strukturuar kriminal dhe, “Korrupsioni pasiv i funksionarëve të lartë ose i të zgjedhurve vendorë”, ku në hetim është edhe ish-ministri i Brendshëm, Saimir Tahiri.
"Regjistrimi i procedimit të mësipërm u bë mbi bazën e të dhënave të përftuara nga media, në lidhje me faktin e arrestimit, nga autoritetet italiane të drejtësisë, të shtetasit Moisi Habilaj, si pjesë e një grupi kriminal që ushtronte aktivitet në fushën e trafikimit të narkotikëve. Sipas informacionit referues, që parapriu regjistrimin e procedimit, rezultoi se arrestimi i shtetasit Moisi Habilaj u krye në kuadër të hetimit në vazhdimësi, nga autoriteti i drejtësisë italiane, në lidhje më faktin e sekuestrimit të sasisë prej 3.5 tonë lëndësh narkotike". thuhet në njoftimin e Prokuirorisë.
Për më shumë lexoni në: http://oranews.tv/article/sekuestrohe...
Aksioni në Roterdam dhe Shqipëri, arrestohen 11 persona të grupit Bajri, sekuestrohet hotel
iDetaje të reja kanë dalë për operacionin e zhvilluar dje në Shkodër, Tiranë dhe Roterdam. Policia e Shtetit dhe Prokuroria e Krimeve të Rënda në një deklaratë për mediat kanë njoftuar se janë arrestuar në total 11 persona, duke përfshirë këtu edhe të arrestuarit e aksionit të zhvilluar pak ditë më parë, në lagjet Kiras dhe Dobraç.
Policia njofton se ditën e djeshme përveç Safet Bajrit (Rustemi), janë arrestuar edhe të tjerë persona, të akuzuar si pjesë e një grupi kriminal. Hetimet kanë zgjatur 6 muaj, ku janë kryer përgjime dhe janë kryer hetime në bashkëpunim me shërbimet e huaja partnere. Gazetari i Report Tv, Arsen Rusta, njofton se përveç policisë së Shtetit dhe Prokurorisë, në këtë aksion është përfshirë edhe Shërbimi Informativ Shtetëror, që ka bashkëpunuar në shkëmbim informacioni.
Përveç të arrestuarve, policia njofton se 2 të tjerë janë shpallur në kërkim. Mbi të arrestuarit e grupit rëndojnë disa akuza, 2 vrasje të dokumentuara që prej vitit 2001, prodhim dhe armëmbajtje pa leje, organizimi i llotarive sportive të palejuara, pastrim parash, gjobëvënie, prodhim dhe shitje narkotikësh. Këtij grupi i janë sekuestruar gjatë aksionit 3 armë zjarri pistoletë, kanabis sativa, 1 resort-hotel në Velipojë dhe 1 lokal, 3 makina dhe disa telefona. Për të trukuar ndeshjet e futbollit, grupi i Bajrajve bashkëpunonte me portierin e Tërbunit, Fabiol Rexhepi dhe trajnerin e kombëtares së fubollit për femra, Armir Grima.
Report TV
Publicerades den 22 sep. 2018
Regullat e Postimit
Përgjigju Duke Cituar
Krijoni Kontakt