Close
Faqja 0 prej 2 FillimFillim 12 FunditFundit
Duke shfaqur rezultatin -19 deri 0 prej 31
  1. #1
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasardhës

    Partia Socialiste ka mbajtur një qëndrim të dyzuar rreth përgjimeve që implikojnë vëllain ministrit të Brendshëm Fatmir Xhafaj. Jo në stil, por në ambiguitet, fjalimi i sotëm i Taulant Ballës ngjante si dy pika uji me atë që Edi Rama mbajti para grupit parlamentar pas shpërthimit të skandalit Tahiri. Kryeministri atëherë tha se nuk do donte t’ besonte si të vërteta ato që thuheshin për ish-krahun e tij të djathtë, por nëse ato rezultonin të tilla, ky do të qe zhgënjimi më i madh i jetës së tij.

    Pak a shumë, me një fjalor më të thjeshtë këtë mesazh përcolli sot edhe mëkëmbësi i tij. Fillimisht, Taulant Balla tha se duhej vërtetuar autenticiteti i përgjimit audio, por nuk e kurseu aspak ministrin e Brendshëm kur shtoi se ai kishte përgjegjësi morale nëse përgjimi ishte real.

    I përkthyer me dy fjalë ky mesazh tregon se ende Rama dhe PS nuk ka vendosur linjën politike që do të mbajnë rreth Fatmir Xhafës. Probabiliteti është 50% me 50% nëse do ta shesin apo do ta mbajnë.

    Dhe për këtë ka arsye politike që anojnë sa nga njëra anë po aq dhe nga ana tjetër e peshores.

    Arsyet për ta braktisur janë disa.

    Së pari socialistët në opozitë janë tallur keqas me pretendimet se video përgjimi Meta-Prifti ka qenë i manipuluar. Ata madje as e kanë besuar për asnjë çast edhe vendimin e gjykatës së Lartë që nuk e mori për bazë materialin që shërbeu si bazë për revoltën e 21 janarit. Një kthim në pozitat e dikurshme të çiftit Berisha- Meta do t’a rrëgjonte edhe më shumë imazhin e tyre të dërmuar në publik.

    Një arsye e dytë është dhe fakti se pas bërjes publike të historisë së vëllait, qëndrimi i Xhafës në post do ta rrënonte besimin e një Vettingu në polici. Askush nuk do ta besonte një proces që për të njëjtën gjë nxjerr nga radhët e uniformave blu një polic të thjeshtë, por që nuk lejon t’i hyjë një gjemb në këmbë shefit të tij më të lartë.

    Nga ana tjetër Rama do të bëjë ç’është e mundur për t’a shpëtuar ushtarin Xhafa. Goditja nga opozita e të dytit ministër të brendshëm, si një njeri me lidhje familjare me trafikantët e drogës do të ngrinte para Ramës një pyetje që po artikulohet gjithnjë e më shpesh: Pse Rilindja emëron në krye të policisë, politikanë me cen në lidhje me trafiqet.

    Kush e përgjoi vëllain e Xhafës?

    Kjo enigmë bëhet më e fortë po të shikosh strategjinë e komunikimit që ka ndjekur opozita. Si rrallë herë PD duket tejet e strukturuar për të mbajtur të ndezur flakën anti Xhafa. Fillimisht doli dokumenti i dënimit të Agron Xhafës në Itali.

    Pastaj faktet se si u shpëtua ai nga mosekstradimi në vendin fqinj.

    Pa kaluar as tre ditë nga kjo, plasi bomba e përgjimit të pretenduar për lidhje të reja me trafikantët.

    Të gjitha këto së bashku kanë ngritur dilemën: a ka një plan të koordinuar mes opozitës dhe faktorëve të tjerë për djegien e ministrit të Brendshëm.

    Emri i parë që të shkon në mendje është ai i Saimir Tahirit. Armiqësia e tij me pasuesin është e njohur. Edhe shantazhet në drejtim të Ramës, se ai ka në dorë dokumente që mund t’ia shkallmojnë qeverisjen nuk janë më një sekret. Atëherë hipoteza se një nga njerëzit më me influencë në polici mund të ketë përdorur struktura dhe materiale të trupës që ka drejtuar për të “ndëshkuar” atë që i zuri vendin, nuk përjashtohet.

    Një version tjetër është edhe rrjedhja e këtyre “sekreteve” nga ish prokurori i Përgjithshëm Adriatik Llalla. i kërcënuar me burg si nga diplomatët amerikanë si nga qarqe pranë kryeministrit edhe Llalla mund të jetë i interesuar të japë mesazhin se nëse e shtyjnë drejt greminës ai refuzon të bjerë aty i vetëm. Edhe ai apo strukturat që ka drejtuar mund të kenë qenë në kontakt me materiale komprometuese për vëllain e Fatmir Xhafës.

    Por të dyja këto pandehma nuk përjashtojnë në asnjë mënyrë, një lojë të brendshme apo ndonjë hakmarrje banale trafikantësh me njëri tjetrin.

    A ka një luftë për zëvendësin e Xhafës?

    Lapsi.al ka mësuar se ka një betejë të brendshme në PS, midis atyre që tashmë e konsiderojnë të prerë kokën e Fatmir Xhafës. Nga njëra anë po lobohet tek Rama për të ngritur në këtë detyrë shefin e grupit parlamentar, Taulant Balla, që edhe sot e la të hapur “përgjegjësinë morale” të ministrit të Brendshëm. Por të tjerë pretendojnë se Rama nuk e ka më luksin të emërojnë për herë të tretë një njeri qoftë edhe me hijen më të vogël të dyshimit. Prandaj, këmbëngulin ata, ai është i dënuar të bëjë një zgjedhje me zero risk, që do të qetësojë sa opinionin vendas po aq edhe ndërkombëtarët. E në këtë kuadër ka filluar të përflitet emri i ministres aktuale të Drejtësisë, Etilda Gjoni. Gjithsesi asnjë nga lëvizjet nuk ka gjasë të bëhet para rikthimit të kryeministrin nga vizita në Paris.

    ©Lapsi.al
    Trimi mirë me shokë shumë!!!!!!

  2. #2
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,327
    Postimet në Bllog
    7

    Publikohet video-përgjimi për vëllanë e ministrit, PD: Flet me trafikantin e drogës

    Emri:  fatmirballina-768x492.jpg

Shikime: 220

Madhësia:  34.3 KB

    Publikohet përgjimi audio, ku vëllai i ministrit të Brendshëm, Fatmir Xhafaj, Agron Xhafaj kapet në bisedë për trafik droge me një trafikant.

    Përgjimi është publikuar nga selia blu, në një konferencë të jashtëzakonshme për shtyp.

    Në video-përgjim shihet sesi vëllai i minsitrit komunikon me trafikantin, duke përmendur faktet e fundit se emri i tij dhe i të vëllait po lakohet fort në media pas dokumenteve të publikuara për dënimin e tij në Itali me 7 vite e 2 muaj burg.

    Më tej, Agron Xhafaj i thotë trafikantit se PD po e sulmon keq dhe i kërkon që të mos i bjerë më në qafë.

    Përgjimi

    Në të kaluarën, bashkëpunëtori X dhe Agron Xhafaj kanë punuar së bashku në trafikun e drogës, por kur bashkëpunëtori X u dënua me burg në Itali, Agron Xhafaj, nuk u interesua kurrë për të.

    Takimi mes tyre zhvillohet pasi bashkëpunëtori X ka dalë nga burgu, ka ardhur në Shqipëri dhe i kërkon ndihmë Agron Xhafajt t’i gjëjë ngarkesë me kanabis dhe ta punësojë si skafist për të bërë një rrugë Italie, sepse ka mbetur pa para.

    Bashkëpunëtori X la takim me Agron Xhafajn në Vlorë nëpërmjet numrit të telefonit 0672014472, i konfirmuar se i përket vëllait të Ministrit të Brendshëm.

    Biseda është përgjim ambiental dhe dëgjohet vetëm bashkëpunëtori X që po flet në telefon me Agronin. Me Bashkëpunëtorin X janë në makinë edhe dy persona të tjerë, pjesëmarrës në operacion.

    Nis biseda telefonike në makinë mes Bashkëpunëtorit X dhe Agron Xhafajt.

    Bashkëpunëtori X – O pasha ça bën mo, si dukesh?
    Agroni –
    Bashkëpunëtori X – Mirë vëlla. Ti vetë?
    Agroni–
    Bashkëpunëtori X – Isha andej nga Toto qorri. Do të të merrja në telefon të të ftoja për drekë, por më thanë që ishe larg. Dëgjon vëlla?
    Agron Xhafaj e pret bashkëpunëtorin X në një lokal që, në Vlorë njihet si lokali i vëllait të Ministrit të Brendshëm.
    Bashkëpunëtori X – Ça bëre? Si ke qenë nga shtëpia ti?
    Agron– Mirë o mirë, ti mirë?
    Bashkëpunëtori X – Mirë.
    Agron – Mirë keni qenë? Ça bëre ndonjë gjë?
    Bashkëpunëtori X – Mirë
    Agroni– Si ia kalove? Ça bëre ndonjë gjë të re?
    Bashkëpunëtori X – Mirë vëlla mirë. Dëgjo, se për atë muhabetin që të mora në telefon, po puna është që…
    Agroni– Një herë më ke marrë mua në telefon ti. Ndonjë gjë tjetër ça ke bërë?
    Bashkëpunëtori X – Hiç, ja erdha për atë që të thash, për të bërë rrugën
    Agroni– Dëgjo tani, ti e kupton si janë gjërat. Këta plehrat po na sulmojnë shumë ore.
    Agroni– Përmend një fjali me 5-6 fjalë, por nuk kuptohet mirë.
    Agroni– Do të të çoj unë te Ermali ore, është shumë im i ngushtë.
    Bashkëpunëtori X – Të faleminderit shumë. Se erdha ngaqë jam keq vlla, se nuk erdha nga e mira.
    Agroni– Dëgjo, hera e parë dhe e fundit dhe mos na bjer më në qafë. Se po na sulmojnë shumë ore. Shiko edhe vëllanë (Fatmir Xhafaj). Shumë fare po na e sulmojnë. Të jetë hera e parë dhe e fundit.
    Bashkëpunëtori X – E mirë vlla mirë.
    Agroni– Mirë pra, ndonjë gjë tjetër çar ke bërë?
    Bashkëpunëtori X – Hiç asgjë.
    Agroni– Na kanë nxjerrë emrin. Mos më bjer më në qafë, aman të keqen! Ata të tjerët në Itali, e shikon (thote 2-3 fjalë që nuk kuptohen, sepse fjalin njëkohësisht me Bashkëpunëtorin X).
    Bashkëpunëtori X – Mirë vëlla mirë, (thotë 2-3 fjalë që nuk kuptohen) Ne duke pirë kafe jemi, s’e vrasim mendjen.
    Agroni– Ndonjë gjë tjetër nga shpia?
    Bashkëpunëtori X – Mirë të gjithë. Ti vetë?
    Agroni– Mirë, mirë
    Bashkëpunëtori X – Mirë o vlla rrofsh, faleminderit.
    Agroni– Po na sulmojnë ata, keq fare.
    Bashkëpunëtori X – Mirë, mirë.
    Agroni– Kalofsh mirë.
    Bashkëpunëtori X – Falemiderit njëherë për të gjitha. S’të nxjerr asnjë problem. Rrofsh edhe për kafen.
    Agroni– Aman o të keqen vllai, hera e parë dhe e fundit, mos më bjer më në qafë.
    Bashkëpunëtori X – Po ik o se s’të bije më në qafë, po kisha një problem se kam një hall edhe unë. Ta bëra si vëlla.
    Agroni– Po gjërat nuk e shikon si janë?
    Bashkëpunëtori X – Se e njohim njëri – tjetrin.
    Agroni – Ata në Itali janë zbërthyer komplet ore.
    Bashkëpunëtori X – Mirë o mirë, hajde rrofsh. Flas unë me Ermalin. Pa merak.
    Agroni– Te Ermali vëlla.
    Bashkëpunëtori X ndoqi rrugën e treguar nga Agron Xhafaj, bleu kanabisin tek trafikantët nën urdhërat e vëllait të Ministrit të Brendshëm, i qetë dhe pa ndjekjen e policisë.

    Deklarata e Alibeajt

    “Ministri Xhafaj ka shfrytëzuar postin dhe pushtetin për t’i siguruar paprekshmërinë të vëllait, i dënuar në Itali me 7 vite e 2 muaj burgim.” ka deklaruar deputeti Alibeaj, në një konferencë të jashtëzakonshme për shtyp nga selia blu.

    “Janë 3 fakte që tregojnë sesi Xhafaj ka shkelur ligjin.

    1 – Agron Xhafaj nuk e vuan dënimin pasoi Xhafaj nuk përmbush përgjegjësitë e ministrit të Brendshëm., të verifikojë identitetin e ri të vëllait. Të lajmërojë autoritetet otalpoiane për vendnodhen e tij dhe ta arrestojë.

    2 – Xhafaj falsifikoi dokumentet zyrtare për të pamundësuar me ligj arrestimin e të vëllait. pamundësoi edhe vuajtjen në Shqipëqri të të vëllait.

    3 – Xhafaj nuk zbaton ligjin anti-mafia. Nuk lejon që ligji të veprojë ndaj tij dhe ndaj të vëllait.


    P.S Burimi : https://hashtag.al/index.php/2018/05...ntin-e-droges/

  3. #3
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,327
    Postimet në Bllog
    7

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Jam kureshtar deri sa do vazhdojne me keto sulmet ndaj ministrave pasi eshte e vetmja gje qe mund te bejne dhe rezultat gjithmone i njetje.

    Agron ka ngrene buke edhe ne kohe te Sales po as qe behej fjale te futej brenda se prisheshin interesat ndersa sot qajne hallin e atdheut.

  4. #4
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Mallkimi i Rilindjes mbi Fatmir Xhafën

    Fatmir Xhafaj ishte i vetmi socialist i tabanit në qeveritë e Rilindjes. Mes oltave, ogertave, etildave, senidave, damianëve, saimirëve e ditmirëve, Xhafa qe i pari ministër që Edi Rama e mori nga shtrati historik i PS. Një përjashtim, që e vendoste menjëherë ministrin e Brendshëm, në kontrast të plotë me prodhimet në seri të Rilindjes. Fatmir Xhafa nuk hynte në kabinet nga kompeticioni se kush imiton dhe i shërben më mirë shefit, por si investim politik shumëvjeçar në Partinë Socialiste dhe qeveritë e mëparshme të saj. Ai shkoi ministër i Brendshëm me autoritetin dhe personalitetin e tij publik dhe jo si figurë e klonuar në atelienë e kryministrit. Ai ishte Partia Socialiste në qeverinë e Rilindjes.

    Ose më saktë, fundi i Partisë Socialiste nën qeverisjen e Rilindjes. Fati i tij politik, në mënyrë simbolike, konkretizon qartësisht zhbërjen e adn-së socialiste nga kryqëzimi me racën rilindase. Prej kohësh kjo parti e kishte humbur identitetin e saj, që kur frenat e drejtimit i mori Edi Rama. Nga parti që përfaqësonte shtresat e varfëra ajo u transformua në një grupim biznesmenësh, njerëzish të bashkuar nga interesi dhe jo nga ndonjë ideologji apo besim i përbashkët. Nga parti e hapur, u kthye në parti të kryetarit dhe, pak nga pak, falë fuqisë së pushtetit, u bë streha e trafikantëve, të fortëve, injorantëve, abuzuesve dhe servilëve. Me Rilindjen u mbyll konkurrenca politike si meritë dhe u instalua shërbimi si masë për shpërblim. Mjafton të shohësh dy kabinetet Rama, grupet parlamentare dhe kryetarët e bashkive. Kryqëzimi PS- Rilindje, prodhoi një specie të re, pa asnjë përvojë dhe përgjegjësi politike, shpesh të njohur vetëm për rekorde kriminale, të etur për parà dhe pushtet, pa identitet dhe të aftë për të mos u ndalur edhe përpara ligjit.

    Fatmir Xhafa u bë ministër i Brendshëm, si përfaqësues i këtij grupimi, i kësaj partie të re të Edi Ramës. Ai mund të ishte socialist si memorie historike e këtij emërtimi, por jo si realitet i epokës rilindase. I futur në zemër të sistemit, në ingranazhin më të rëndësishëm të tij, Xhafa nuk mund të ishte ministri ndryshe. Ena e madhe e investimit të tij politik, mori etiketën e Rilindjes. Nëse në Kuvend apo në parti ishte ende kujtesa socialiste, me futjen në qeveri u pagëzua rilindas.

    Ky kontekst shpjegon sot se përse ministri i Brendshëm, gjendet në syrin e ciklonit. Ai nuk shihet si një njeri që thjesht mund të ketë gabuar apo ka toleruar vëllanë e tij, por si një sivëlla i mëkatarëve, të cilët nuk dinë të qeverisin pa u bërë pis. Ai ka mallkimin e Rilindjes mbi vete. Ai është pasues i një ministri që sot ishte në sallën e gjyqit, i akuzuar për pjesmarrje në organizatë të strukturuar kriminale. Ai drejton një polici, që uniformën blu e këmbeu me të gjelbrën e kanabisit. Ai është pjesë e një strukture politike, ku deputetë, kryetarë bashkish e zyrtarë të lartë janë verifikuar me rekorde kriminale e lidhje të forta me krimin. Ai është ministër i një qeverie, për të cilën, korrupsioni është bërë shenjë dalluese edhe në Europë.

    Tani, ministri i Brendshëm i një qeverie të tillë, ka një vëlla të dënuar për trafik ndërkombëtar droge në Itali, i cili jeton si qytetar i lirë në vendin ku ai është ministër. Ky akuzohet nga opozita, sipas një përgjimi, se vazhdon veprimtarinë e tij kriminale i pashqetësuar nga policia në Vlorë. Edhe sikur kjo të mos jetë e vërtetë, për një ministër normal, të një qeverie normale, në një vend normal do të mjaftonte vetëm pyetja e thjeshtë: Zoti ministër, si do të veproni me vëllanë tuaj, për të cilin e dini tashmë që është dënuar në mungesë për trafik droge në Itali dhe jeton i lirë në Shqipëri? Dhe kjo pyetje i bëhet një ministri, që ka pasuar në atë detyrë dikë që sot është nën akuzë pikërisht për trafik ndërkombëtar droge. Përgjigja e vetme është ose dorëzimi i vëllait ose dorëheqja.

    Kjo do ishte përgjigjia “socialiste”, domethënë ajo e përgjegjësisë politike, e moralit publik, e respektit për veten dhe për investimin ndër vite. Përgjegjësia e politikanit që merr vendime të forta në ditë të vështira, e atij që e ka ndërtuar karrierën e tij me meritë dhe që vlerëson ata që e kanë zgjedhur. Që mban standartin e lartë dhe jo karriken e përkohshme. Ndërsa përgjigja rilindase është ajo shmangies së përgjegjësisë, e manovrave meskine të tipit: balta e opozitës, nuk dija gjë, janë kushërinj të dhjetë, s’kam kërkesë nga Italia, nuk e di pse vëllai ka dy emra, nuk kam shkelur ligjin, etj.

    Fatmir Xhafa ende nuk ka folur. A do të flasë si rilindasi i radhës apo si fundmi socialist i Rilindjes, kjo është dilema e tij personale por edhe përgjegjësia publike. Njëkohësisht dhe mallkimi i sektit ku pranoi të bëhet pjesë. /©lapsi.al/
    Trimi mirë me shokë shumë!!!!!!

  5. #5
    Peace and love
    Anëtarësuar
    16-06-2006
    Vendndodhja
    usa
    Postime
    1,897

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Vetem ne Shqiperi ndodh qe ministri i brendshem te jete vellai i trafikantit te droges.Tre dite zgjat cudia. Me kete popull mund te besh c'te duash. Mire bejne kane gjetur dele

  6. #6
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,327
    Postimet në Bllog
    7

    Agron Xhafaj vetëdorëzohet te autoritetet italiane

    Agron Xhafaj, vëllai i ministrit të Brendshëm mësohet se është nisur drejt Italisë për t’iu vetëdorëzuar autoriteteve italiane.


    Xhafaj këtë mëngjes është vetëdorëzuar në aeroportin e Fiumicions në Romë, nga ku mësohet nga burime të konfirmuara se është dërguar në një burg të Romës.

    Vetë Xhafaj ka postuar një letër drejtuar opinionit publik, ku shpreh arsyet e veprimit të tij.

    LETRA E PLOTE:

    Drejtuar opinionit publik

    Unë jam Agron Xhafaj.

    Për shkak të gjithë akuzave që janë ngritur ndaj meje gjatë ditëve të fundit, por edhe si vëllai i Fatmir Xhafaj, sot Ministër i Brendshëm, ndihem i detyruar të bëj publike sa vijon:

    Kam vendosur që t’i drejtohem vetë autoriteteve italiane të drejtësisë për të ekzekutuar një vendim dënimi penal të tyre kundrejt meje.

    Kam vendosur ta bëj këtë duke u paraqitur sot në Itali tek autoritetet përkatëse.

    Edhe pse nuk ka patur asnjëherë (nuk ka akoma edhe sot) asnjë kërkesë dhe asnjë interes nga organet e drejtësisë italiane për të ekzektuar këtë vendim, edhe pse unë asnjëherë nuk kam qënë në kërkim për ekzekutimin e këtij vendimi, unë po e kryejë këtë akt.

    Unë kam gabuar në rininë time. Si jo pak të tjerë. Aspak dhe për asnjë arsye nuk e justifikoj dhe nuk e përligj atë gabim. Edhe pse cilido që ka patur mundësinë të shohë atë dosje penale dhe ka parë rrethanat e kryerjes së asaj vepre penale, e kupton shumë mirë shkallën e përfshirjes dhë rolin tim në atë histori.

    Ka edhe një TË VËRTETË të madhe që dua ta bëj publike përkundrejt shpifjeve që janë bërë vazhdimisht për këtë cështje.

    Unë jo vetëm që NUK I JAM SHMANGUR HETIMIT dhe GJYKIMIT tim në këtë çështje, por përkundrazi, kam bërë të gjitha përpjekjet e mundshme për të qënë prezent në Itali gjatë hetimit dhe më pas gjatë gjykimit tim. Janë të plota dhe të dokumentuara të gjitha përpjekjet e mia në këtë drejtim.

    Ishin vetë autoritetet italiane që më liruan pas një muaji ndalimi dhe urdhëruan largimin tim nga Italia. Për rreth një dekadë kam bërë disa kërkesa për tu pajisur me vizë pikërisht për të ndjekur pranë drejtësisë italiane çështjen time. Në të gjitha rastet kjo kërkesë më është refuzuar.

    Sot jam 43 vjec dhe prej vitit 2002 e deri më sot NUK KA ASNJË sjellje, apo vepër time që të ketë qënë në kundërshtim me ligjin dhe me moralin. Kam bërë të gjitha përpjekjet dhe jam krenar që sot e prej shumë kohësh ia kam dalë që të kem një jetë normale si gjithë qytetarët e ndershëm të këtij vendi. Prej shumë kohësh energjitë dhe vëmendja ime i janë kushtuar tërësisht familjes time.

    I detyrohem shumë bashkëshortes time që më ka ndihmuar dhe mbështetur që të dy fëmijët tanë, djali dhe vajza, edhe pse akoma të vegjël, të shohin tek ne dy prinder të përkushtuar, që përkujdesen me ndershmëri në mënyrën më të mirë të mundshme për ta.

    Për hatër të tyre, për shkak të dashurisë për ta, për shkak të dëshirës time për të qënë pranë tyre dhe për të gëzuar çdo ditë me ta dhe për ta, (besoj e kuptueshme kjo për cilindo prind), kam gjithë këto vite që mbaj përbrenda meje këtë barrë. Edhe pse e dija shumë mirë që duhej të paguaja për çfarë kisha gabuar në rininë time. Pavarësisht se ajo që më kërkon drejtësia të shpaguaj, është shumë më shumë se gabimi që kam kryer.

    Sot, si rrjedhojë e këtij presioni politik dhe publik kundrejt familjes time, në pamundësinë për t’i ofruar fëmijëve një jetesë të qetë e pa stresin e përditshëm të shpifjeve e shantazhit, por edhe në bindjen time se ky është vendimi i duhur, marr guximin të kryejë vet këtë hap të rëndësishëm dhe të përballem në rrugë ligjore me egzekutimin e vendimit.

    Njëkohësisht, pranë Prokurorisë, kam deklaruar e dhënë shpjegime konform ligjit, se audio e publikuar, përfshirë efektet zanore si dhe imazhet e sajuara janë false, dhe janë bërë publike në media me qëllim shantazhin dhe presionin ndaj meje e vëllait tim, Ministër i Brendshëm. Ditën e djeshme, datë 15 Maj 2018, kam kryer të gjitha procedurat e nevojshme, të parashikuara nga ligji, përfshirë depozitmin e zërit tim pranë Prokurorisë së Tiranës dhe në prani të ekspertit të fushës, duke ofruar në këtë mënyrë të gjithë bashkëpunimin e mundur në funksion të zbardhjes së të vërtetës. Shpresoj që prokuroria dhe gjykata t’i shkojnë deri në fund hetimit penal dhe civil ndaj montazhit te paskrupullt ndaj meje e familjes time.

    Agron Xhafaj

    Tiranë më 16 Maj 2018

    Top Channel

  7. #7
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Citim Postuar më parë nga murik Lexo Postimin
    Vetem ne Shqiperi ndodh qe ministri i brendshem te jete vellai i trafikantit te droges.Tre dite zgjat cudia. Me kete popull mund te besh c'te duash. Mire bejne kane gjetur dele
    Pse kot e vume Xhafen minister ne? Pastaj sikur s’ka lezet, te jesh minister qe garanton rendin pa shitur pak kokaine dhe heroine..
    Trimi mirë me shokë shumë!!!!!!

  8. #8
    i/e regjistruar Maska e SERAFIM DILO
    Anëtarësuar
    06-01-2008
    Postime
    7,488

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Pse e mbrojti ne kete moment Rama dhe kur do jete momenti qe do ta shesin Xhafajn eshte pyetja e vertete.

  9. #9
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,327
    Postimet në Bllog
    7

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Citim Postuar më parë nga SERAFIM DILO Lexo Postimin
    Pse e mbrojti ne kete moment Rama dhe kur do jete momenti qe do ta shesin Xhafajn eshte pyetja e vertete.
    Ku bazohesh qe e thua kete ?

  10. #10
    i/e regjistruar
    Anëtarësuar
    30-03-2006
    Postime
    296

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Citim Postuar më parë nga Lazo Lexo Postimin
    Jam kureshtar deri sa do vazhdojne me keto sulmet ndaj ministrave pasi eshte e vetmja gje qe mund te bejne dhe rezultat gjithmone i njetje.

    Agron ka ngrene buke edhe ne kohe te Sales po as qe behej fjale te futej brenda se prisheshin interesat ndersa sot qajne hallin e atdheut.
    po tani filmi u kuptua. zgjedhjet pd nuk i fiton edhe per nja 15a20 vite pasi me "vdekjen" e saliut po vdes dhe pd-ja
    rama nuk ka rival real si brenda dhe jashte partise. dhe keshtu qe perpiqen ta pengojne duke i ngrene guret e shahut
    jane kaq te marre sa kujtojne se nese nje minister hiqet do bjere qeveria pse cili minister eshte i pazevendesueshem? askush.

    te dyja partite kyesore kane mentalitet totalitar komunist. ndersa lsi si thjesht nje çiban qe u zmadhua goxha pritet te perthahet njehere e pergjithmone
    politikanet e rinj shumica jane edhe me langaraqe nga paraardhesit, edhe e ardhmja politike e shqiperise edhe per 20 vitet do jete mysybet.

  11. #11
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Citim Postuar më parë nga SERAFIM DILO Lexo Postimin
    Pse e mbrojti ne kete moment Rama dhe kur do jete momenti qe do ta shesin Xhafajn eshte pyetja e vertete.
    Tani mbrojtja e Xhafes ka lidhje direkt me mbrojtjen e Rames. Si mund ta shiste??
    Trimi mirë me shokë shumë!!!!!!

  12. #12
    i/e regjistruar Maska e SERAFIM DILO
    Anëtarësuar
    06-01-2008
    Postime
    7,488

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Citim Postuar më parë nga Duke_Of_Arberia Lexo Postimin
    Tani mbrojtja e Xhafes ka lidhje direkt me mbrojtjen e Rames. Si mund ta shiste??

    Xhafa eshte i shitur nga te gjitha palet,eshte tani i sakrifikuari i momentit dhe Rama eshte i detyruar ta shesi sepse tani Xhafa eshte karte e djegur... keshtu qe Rames te pakten do i leverdiste te qendronte "sa me larg" nga kjo histori,nuk ka pse te jepte garanci personale. Nuk ka asnje arsye qe Rama te mbroje Xhafen duke e ditur qe çdo dite qe vjen do sulmohet me teper...

    I vetmi shpegim llogjik mbase eshte qe eshte nje loje e perbashket...si "Meta ik".

  13. #13
    i/e regjistruar Maska e SERAFIM DILO
    Anëtarësuar
    06-01-2008
    Postime
    7,488

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Citim Postuar më parë nga Lazo Lexo Postimin
    Ku bazohesh qe e thua kete ?
    Ne historite dhe pervojat e shumta qe ka Rama,qe kur vjen per te shitur personin e ka shitur pa asnje lloj problemi.

  14. #14
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Citim Postuar më parë nga SERAFIM DILO Lexo Postimin
    Xhafa eshte i shitur nga te gjitha palet,eshte tani i sakrifikuari i momentit dhe Rama eshte i detyruar ta shesi sepse tani Xhafa eshte karte e djegur... keshtu qe Rames te pakten do i leverdiste te qendronte "sa me larg" nga kjo histori,nuk ka pse te jepte garanci personale. Nuk ka asnje arsye qe Rama te mbroje Xhafen duke e ditur qe çdo dite qe vjen do sulmohet me teper...

    I vetmi shpegim llogjik mbase eshte qe eshte nje loje e perbashket...si "Meta ik".
    Nuk rezulton ta kene shitur te gjitha palet. PS-ja ne grup vazhdon ta mbroje nderkohe qe dyshja e diskretituar Lu-Vllahutin, e kane mbeshtetur gjithmone Xhafen..
    Deri ne momentin qe Rama do kete garancine se Xhafa nuk mund ta shantazhoj dot me dosje korruptive, do jete i detyruar ta mbroje!!!
    Se jo per gje por nese hapet e loja e vellezerve dhe kushurinjve qe merren me droge, na del edhe Olsi Rama, sipas TIMS, ta kete kaluar disa here kufirin me makinen e Habilajve dhe trafikanteve te Xibrakes.

    Sado zhurrme qe do behet edhe me Xhafen, prokuroria do e mbylli dosjen e tij bashke me are te Tahirit. Me shume gjasa do marrin edhe ndonje demshperblim me kete rast.
    Nderkohe heronjte e vetem te ketij 5-vjeçari Rilindas, Kuksianet qe reaguan per taksen e rruges se kombit, vazhdojne te qendrojne ne burg...
    Trimi mirë me shokë shumë!!!!!!

  15. #15
    Bordi Drejtues Maska e Ingenuous
    Anëtarësuar
    13-05-2002
    Vendndodhja
    Shqipëri
    Postime
    974

    Për: Dosja Saimir Tahiri: Qeveria e Edi Ramës në shërbim të trafikantëve të drogës

    Nese do te duhej te arrestohej cdo kush qe permendet ne nje cope leter per trafikim droge me teorira konspiracioni nga me te ndryshmet, imagjinoni ku do ishim sot.. !?
    Po flasim per dike qe eshte i kerkuar nga drejtesia Italiane me nje vendim gjyqi te formes se prere. Po flasim per vellain e Ministrit te Brendshem. Po flasim per nje te denuar qe leviz lirshem rrugeve te Vlores. Po flasim per nje te denuar... , qe vendi i tij duhet te ishte ne kokrren e burgut, dhe vellai i tij qe e mbante te fshehur me menyrat e tij, urgjentisht duhet te jipte doreheqjen e parevokueshme.

    Aktualisht, kemi nje kryeminister qe i del ne mbrojtje nje Ministri qe njehere thote ne parlament qe mos trilloni per vellain tim, ndersa para dy ditesh del e thote: si shume te tjere ka gabuar ne rini. Pa u ndier, e percjell vellain ne Itali.

    Ti do te thuash, Shqiperi hesapi, por me veprimet dhe arrogancen qe po tregon, kete popull po e transformojne nga dele ne ujk.
    "Askush nuk eshte perfekt, une jam askushi"

  16. Anetarët më poshtë kanë falenderuar Ingenuous për postimin:

    murik (17-05-2018)

  17. #16
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Rrëfimi i plotë/ Skafisti rrëzon alibinë e Ramës dhe Xhafajt për trafikun e drogës

    Njeriu që bisedoi me Agron Xhafajn, vëllain e Ministrit të Brendshëm për të dërguar drogë përtej detit siç dëgjohet në përgjimin e publikuar nga PD është Albert Veliu, 51 vjeçar i papunë, skafist që ka punuar me grupin e Agron Xhafajt në Itali me kokainë. Në një intervistë që u transmetua nga selia e PD-së, Veliu pranoi se ishte ai që bisedoi me Agron Xhafajn dhe që dëgjohet në bisedën ku është folur për të kaluar drogën në Itali.
    Veliu tha se kishte punuar në Itali deri në vitin 2002, ku bënte pjesë në grupin e komanduar nga Agron Xhafaj dhe tregoi të gjithë historinë nga ku është shkëputur përgjimi audio. “Kam punuar shoqërues gomonesh por hoqa dorë në 2000, se nuk e përballoja dot më. Shpëtova dy herë nga vdekja. Agronin e njoh që në vitin 1999 me anë të një mikut tim që sot ndodhet brenda në Brindisi në Itali. Qenë një grup që komandonin punën. Merrnin mallin dhe ne e shisnim” tha Veliu, që ka bërë dënimin prej 7 vitesh burg në Peskara.
    “Punonim bashkë. nuk më solli asnjë paketë cigare si shok, për aq vjet që njiheshim bashkë. Kur dola nga burgu më ofroi një punë për djalin, kamarier” tregoi zhgënjimin e tij njeriu që dëgjohet në përgjim t’i kërkojë nder Agron Xhafajt për t’i kaluar drogën në Itali.
    “4 muaj ka. I kërkova të më bënte një nder, për të hedhur barishte në Itali. Hashash. I kërkova favor. Me prezantoi me këtë, Ermalin. E vura në provë sa korrekt qe për mua si Albert. Erdhi koha. Nuk e bëra rrugën, por e vërtetova që… Në momentin që erdhi koha për t’u bërë rruga, nuk e bëra rrugën se kam bërë 7 vjet në Itali. Vetëm e vura në provë për ta zhveshur, se cili është Agron Xhafaj. Vajta te ai se kur isha në burg në Itali, nuk më solli një paketë. është biznesmen, mes të gjithave. Komandon dhe Vlorën. Në çdo lloj drejtimi me biznese, me dyqane. Në çdo lloj drejtimi”
    I pyetur nga intervistuesi, që nuk identifikohet nga selia e PD-së se çfarë lidhje ka Agron Xhafaj me hashashin, Veliu u përgjigj: Po atë punë ka bërë tërë kohë. Mbase jo me mua, por mund ta ketë bërë me të tjerë, që mbase nuk ia di emrat ose nuk mund të shprehem. Mua më bëri favor. Më tha: Bujrum, sille këtë çantë që ta hedh matanë”.
    Agron Xhafaj e çoi tek Ermali, një drejtues policie sipas Albert Veliut që tregoi se ai ishte shef kufiri.
    “Mbiemrin nuk ia di se s’mund të pyes tjetrin për mbiemrin. Jam ulur me të në tavolinë. Thonë këto që është falso. Le të verifikohet, po doli falso…” u shpreh Veliu që duket se intervistën e ka dhënë pas mohimit që i bëri Rama dhe Xhafaj materialit audio.
    Skafisti në çdo moment të intervistës përsërit se nuk kishte ndërmend që të bënte vërtet rrugën drejt Italisë, por e gjitha ishte një provë që kishte dashur t’i bënte Agron Xhafajt, që e kishte lënë dikur në baltë.
    “E dija se kisha informacionet e mia, kisha miqtë e mi. Që punon e bën. është njëri i saktë, korrekt. Që të ndihmon të hedhësh mallin në Itali. Ka miqtë e tij. Mua më dha një drejtim, një rrugë. Që do vesh te filani”
    Duke iu drejtuar direkt Fatmir Xhafajt, ish bashkëpuntori i vëllait të ministrit tha se përgjimi është i saktë. “Janë vënë edhe nga ato, që është falso, nga ato që janë içik më lart, nga i vëllai i tij që na qenka edhe ekspert fjale dhe unë po i them si të dojë, që nuk jam në atë lloj rruge por ia vura në provë, që ai është njeri që vazhdon jetën e tij dhe unë vazhdoj jetën time. E vura në provë se më la në baltë kur isha në burg. Dhe unë tani i ktheva kurrizin dhe s’dua të merrem me asnjë lloj gjëje. Dua të shoh familjen time tani edhe unë. Kshu janë gjerat. Siç ia bën një njeriu, ashtu do e pësosh”.
    Veliu tregoi se Agron Xhafaj ishte mik me Drejtorin e Policisë së Vlorës dhe me shefin e Kufirit. Drogën e kishte blerë me lekë borxh. Kishte pasur si synim të kalonte 100 kile por kishte arritur të siguronte vetëm 20 kilogram.
    “Të gjitha ishin të zgjidhura. Rrugët ishin të hapura” tregoi Veliu për rrugën e gomones me drogë drejt Italisë. “Atë ditë që ne u bëmë gati për të bërë rrugën, u bë qameti në Vlorë. Pati përmbytje. Deti ka qenë 7-8 ballë. Kështu që u shpërndamë. është vështirë tha. ka pasur shumë probleme, tha dhe u shpërndamë. Unë unk e hidhja atë mall, thjesht bëra…”
    Menjëherë pas publikimit të përgjimit, megjithëse emri i tij nuk ishte përmendur nga askush, kishin ardhur kërcënimet dhe identifikimi nga policia.
    “Tani që doli video-përgjimi, më thotë djali “Baba je bërë figurë e njohur në Vlorë”. Shkoj te im biri, i kishte thënë shoku Agronit pronarit të djalit: Shiko se babai jot është bërë figurë e njohur në Vlorë! Vete shikoj ato që shikoj se nuk marr vesh nga këto telefonat, më thanë “është zëri jot”, pronari i djalit. Ia kishte thënë shoku i ngushtë i imi dhe i Agronit “është zëri i Babales”. I kishte thënë Agroni që t’i bëni presion Babales. Dhe prap sot që po flasim i shkoi djalit te puna shefi i krimeve, Alketi. Dua të takoj babain tënd se do ta kalojmë në mbrojtje. Thuaj babait do të të marrim në mbrojtje. Unë skam bërë gjë që të marrin në mbrojtje. Unë jam fukara. më pikon shtëpia. Mua më mbron zoti. S’kam frikë se nuk i kam borxh njeriu. Le të jenë të lidhur me shtetin. Le të bëjnë çtë duan. Pse të më vijë mua shefi i krimeve që do më marrë në mbrojtje? Të thotë kush e urdhëroi? Nga kush doli emri im? Nga e mësuam emrin tim?” tha Veliu, duke lidhur kërënimet me vërtetësinë e materialit të përgjimit.
    Alibia e kryeministrit se materialin audio e kishte dërguar në një agjensi që merrej me analiza shkencore të materialeve dhe pretendimin e Fatmir Xhafajt se zëri i vëllai i tij nuk ishte ai në përgjim, ish bashkëpuntori i Agron Xhafajt i ka dëgjuar. Pranon se ai ka qenë në atë bisedë. Ka qenë edhe vëllai i ministrit dhe se nuk ka asgjë të pavërtetë në këtë histori. Ai mohon ta ketë bërë vetë përgjimin, por thotë se e gjithë biseda është reale.
    Në intervistë lëshon edhe mesazhe për ata që e kërcënojnë, kur lë të kuptohet se ka të tjera materiale.
    “Filmime të tjera nuk kam bërë. I ka bërë Agroni. Aty janë të tjerat. janë fakte reale, si zëri që kemi folur.Çoje ku të duash, ai zë është”
    ©LAPSI.AL
    Trimi mirë me shokë shumë!!!!!!

  18. #17
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Lubonja për rastin Xhafaj/ Pse Rama gënjen gjithnjë e më trashë

    Pas publikimit nga opozita të vendimit të dënimit në Itali të vëllait të ministrit të Brendshëm Xhafaj, pastaj të një dokumenti që sipas saj provon se maxhoranca në mënyrë të njëanshme e gati të fshehtë ka ndryshuar një nen të Kodit Penal, që pengon ekstradimin e vëllait të ministrit, si dhe të një audioje që provon se vëllai i ministrit vazhdon ende të ruajë lidhjet me krimin, Edi Rama doli më në fund, me një qëndrim ndaj gjithë këtyre akuzave.
    Kryefjala e qëndrimit të tij ishte se kemi të bëjmë me akuza të montuara nga ana e opozitës, e cila po punon kundër interesit të shqiptarëve, duke i quajtur eksponentët e saj “vulëhumbur pa atdhe” dhe duke u shprehur se kjo “maskaradë destabilizuese meriton përgjigje të qartë edhe në rrafshin e ndëshkimit penal”. Për sa i përket audios, që është pika më e nxehtë e denoncimit, Rama tha se, për të marrë vendimin e tij politik, e ka çuar atë në një laborator ndërkombëtar për t’i bërë ekspertizë, ku është provuar se ajo është e rreme. Tani, sipas tij, i mbetet Prokurorisë që të vërë vulën që është kështu dhe atëhere shpifësit duhet të shkojnë në burg.
    Ky deklarim i fundit rreth audios është tejet i rëndë dhe tejet i rrezikshëm. Kryeministri thotë se e paska një ekspertizë, por pa na thënë se cili është laboratori që e ka bërë dhe çfarë kredibiliteti ka ky laborator. Sepse kjo na kujton një histori të mëhershme, kur Kryeprokurorja Ina Rama kërkonte nga laboratorët e huaj të SHBA të bënin ekspertizën e plumbave të 21 janarit, sepse nuk kishin besim tek ekspertët e brendshëm që ishin nën kontrollin e ish-Kryeministrit Berisha, sepse ata vareshin nga Ministria e Brendshme. Por atëherë, kërkesa u bë publike të paktën dhe u desh një kohë të vijë përgjigja. Pyetja që ngrihen në këtë rast është: çfarë qenka ky laborator që i sillka përgjigjet brenda natës, sikur të punoka nën urdhrat e Ramës? A mund të provohet autenticiteti i audios në kushtet e këtij presioni të fortë nga ana e pushtetit, ndërkohë që edhe ministri i Brendshëm nuk jep dorëheqjen? A mos kemi të bëjmë me një nga gënjeshtrat e manipulimet e radhës të Ramës, të cilat duhet t’i provojë Prokuroria e kapur si të vërteta?
    Kur ngre pyetjen se cila është më e besueshme, vërtetësia e audios apo vërtetësia e laboratorit të Ramës, e kam të vështirë të mos mendoj se më shumë gjasa ka që të kemi të bëjmë me një nga gënjeshtrat e radhës së Ramës. E them këtë, duke pasur parasysh shumë përgënjeshtrime që ka bërë Rama me të njëjtën forcë fjalësh kur avionët e drogës i kthente në dezinfektues mushkonjash dhe tallej me opozitën, apo rastin Zagani, për të cilin mobilizuan edhe Prokurorinë që ta fusnin në burg si shpifës, ndërkohë që doli se ai thoshte të vërtetën për Tahirin dhe lidhjet e tij me trafikantët. Por e them këtë, edhe pse kohët e fundit Ramës po i del thuajse përditë nevoja për të gënjyer gjithnjë e më trashë, kombinuar kjo me nevojën për të akuzuar gjithnjë e më trashë të tjerët si gënjeshtarë dhe shpifës. Vetëm dy ditë më parë, kur doli skandali i vendimit të vëllait të Xhafajt, ai deklaroi në Torino që protestuesit atje gënjenin sepse vëllai i ministrit ishte në burg tashmë. Le të kujtojmë edhe akuzat ndaj deputetëve gjermanë, të cilëve u tha me plot gojën “gënjeshtër, gënjeshtër”, për gjëra për të cilat ata ishin shumë mirë të informuar. Dhe gjithmonë motivi i gënjeshtarëve lidhet me vullnetin e tyre të keq dhe armiqësor për të prishur imazhin e Shqipërisë. Ky është qëndrimi edhe kësaj here: akuzë totale ndaj të tjerëve, mbrojtje totale ndaj vetes, pa pranuar asnjë përgjegjësi, as politike, as morale, pale ligjore.
    Cili është thelbi i këtij qëndrimi të Ramës, që po trillon përditë gënjeshtra lehtësisht të vërtetueshme si të tilla, por edhe po na fut në një qorrsokak të rrezikshëm sepse po heq çdo mundësi dialogu dhe korrigjimi të punëve të mbrapshta? Gjykoj se në thelb kemi të bëjmë me kriza që vijnë nga rëndimi i sëmundjes së tij psikike, që po manifestohet gjithnjë e më rëndë si kriza politike e vendimmarrjeve të tij të mbrapshta dhe anasjelltas.
    Them kriza psikike pasi, sipas studiuesve që merren me sëmundjen e çrregullimeve të narcizizmit pervers që ka Rama, personi që e gjen të keqen gjithnjë te të tjerët, që i akuzon ata se vetëm gënjejnë kur thonë ndonjë gjë kundër tij apo punëve të tij, është në një hall të madh psikologjik. Sipas këtyre studiuesve, narcizizmi pervers, si sëmundje, manifestohet në formën e krijimit nga i sëmuri të një imazhi të rremë të vetvetes, të një “uni glorioz” – si nevojë vetëmbrojtjeje psikologjike ndaj dobësive dhe pasigurive që ka thellë vetes – dhe problemi i problemeve të tij është se ai lufton ta mbajnë në këmbë me çdo çmim këtë imazh, edhe duke gënjyer, intriguar, mashtruar, manipuluar, pasi rënia e këtij imazhi i shkakton një rënie të padurueshme psikologjike. Ndërkaq, problemi ynë është se këto kriza të imazhit të Ramës po bëhen gjithnjë e më shumë kriza politike të imazhit të Shqipërisë dhe anasjelltas. Duke qenë Kryeministër i vendit, imazhi i rremë i vetvetes që ka ngritur Rama identifikohet gjithnjë e më shumë me imazhin e rremë të Shqipërisë që propagandon se ka ndërtuar. Ai kërkon ta mbajë në këmbë me çdo kusht këtë Shqipëri të rreme, sepse kështu mban në këmbë imazhin e rremë të vetvetes. Kush cënon këtë imazh, kërcënon një rënie të dyfishtë të Edi Ramës, psikologjike, por edhe politike, sepse këto të dyja janë bërë tashmë dy anë të së njëjtës medalje – po të kesh parasysh se për të mbajtur në këmbë imazhin e rremë të vetvetes, i duhet medoemos pushteti politik që mbahet në këmbë nga imazhi i rremë i Shqipërisë.
    Kjo është një situatë shumë e rrezikshme, që duhet eliminuar sa nuk është vonë (në fakt ka kohë që është vonë), për dy arsye kryesore: së pari, pasi përdorimi i mjeteve të tilla si njerëzit dhe paratë e drogës dhe të krimit, propaganda në vend të punës, gënjeshtra në vend të së vërtetës do të intensifikohen për të mbajtur në këmbë imazhin e një Shqipërie të rreme, me pasojat që merren me mend; së dyti, pasi kushdo që do të kërkojë ta denoncojë e të thotë të vërtetat e kësaj Shqipërie të rreme, do të ndeshet gjithnjë e më shumë me akuzat të egra kërcënuese dhe frikësuese si ato që lëshoi Kryeministri ditën e mërkurë kur paralajmëroi se “vulëhumburit pa atdhe”, që s’po lenë gur për të prishur imazhin e Shqipërisë, do të përgjigjen së shpejti para drejtësisë (së tij)./ Panorama
    Trimi mirë me shokë shumë!!!!!!

  19. #18
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Kunderpergjigjia e Rames me videon qe paska kaluar skanerin tek nje laborator nderkombetar, zbulon nje detaj te vogel por jo te parendesishem. Mesa duket shume vetave i paska shpetuar pa e vene re!

    Se pari audio-pergjimi ishte sekuestruar nga prokuroria dhe si i tille, i takonte prokurorise te ndiqte hapat e metejshme verifikuese.
    Si shpjegohet qe materialet e prokurorise bien ne doren e Kryeministrit? Kush ja jep tagrin kryeministrit per te vertetuar materialet e prokurorise dhe per me teper ne nje kohe rekord???
    Qe Arta Marku eshte nje kamikaze e Rames, kjo gje dihej, por qe Rama e ben publike kete fakt, kete s'e kishim degjuar.

    Personalisht besoj se s'kemi te bejme me nje lapsus te Rames, por thjesht me nje arrogance gjithmone e ne rritje te tij, ku i tregon dhembet kujtdo qe i nxjerr te palarat...
    Trimi mirë me shokë shumë!!!!!!

  20. #19
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    Lubonja: Rama e mbron Xhafaj sepse mbron veten, mbron pushtetin

    Analisti Fatos Lubonja së fundmi ka folur për çështjen e dëshmirë së “Dëshmimtarit X”. Ai ka theksuar se Rama e mbron Xhafaj sepse mbron veten, mbron pushtetin.
    Lubonja ka theksuar se është një gënjeshtër puna e laboratorit.
    “U tha që kjo është e montuar, sikur është trilluar. Ministri u tregua më i kujdesshëm se kryeministri sepse tha që mund të ketë rënë pre opozita nga disa grupe që duan të hakmerren.
    Por të thuash se kjo është krejtësisht e sajuar, është shumë problem, se thua cili është ky shqiptar që paska aq guxim që të sajojë për vëllain e ministrit të brendshëm që ka në dorë gjithë pushtetin. Prokuroria duhet të hetojë në mënyrë të paanshme se çfarë ka këtu mbrapa.
    Prova që kjo qeveri është e lidhur me krimin e organizuar ka shumë. Prova që kjo qeveri dhe këta figura si Edi Rama kanë dalë shpesh herë të përgënjeshtrojnë fakte, duke thënë që avionët e drogës janë mushkonja, apo Zaganin e futën dhe në burg duke thënë se gënjen për Saimir Tahirin, deklarata se kjo është e montuar është e pabesueshme.
    Rama e mbron Xhafaj sepse mbron veten, mbron pushtetin. Një kryeministër që i dalin dy ministra të implikuar, rrugët të çojnë tek kryeministri. Është një gënjeshtër puna e laboratorit”, deklaroi Lubonja në “Opinion”në “News 24”.
    Trimi mirë me shokë shumë!!!!!!

  21. #20
    i/e regjistruar
    Anëtarësuar
    30-03-2006
    Postime
    296

    Për: Kulisat/ Çfarë po luhet rreth fatit të Xhafës? Spekulimet e përgjimit dhe kandidatët për pasard

    ore nje gje nuk kuptova une
    ky x-i, trafikanti X dmth

    qe kur keta trafikantet dhe burgaxhinjte u konsiderokan fukarenj
    hahahaha
    kaq gomar qenka ai
    fukarenj jemi ne, ai eshte shtresa kriminale e shoqerise!!!!

Faqja 0 prej 2 FillimFillim 12 FunditFundit

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •