Marrëdhënia e çuditshme e Donald Lu me peshkimin

[Duke_Of_Arberia]

Para pak ditëve, ambasadori i SHBA-ve Donald Lu—i cili kishte premtuar që në sajë të vetingut dhe reformës në drejtësi të mbështetura fort prej tij, brenda muajit janar do të kishin filluar arrestimet e peshqëve të mëdhenj—mendoi që të identifikonte një provë mbështetëse për pohimin e tij, duke u vetëkënaqur me historinë e sekuestrimit të rreth 620 kilogramëve kokainë, të destinuar për kompaninë Arbri Garden të Maminasit.

“Nga ky këndvështrim Arbër Çekaj është një peshk i madh” deklaroi Lu, më në fund i çliruar nga ankthi i deklaratave të tij të mëparshme triumfaliste, duke vazhduar:

“Shqipëria ka një histori të gjatë arrestimi të peshqëve të vegjël dhe të injorimit të peshqëve të mëdhenj.”

Pikërisht! Edhe këtë herë policia shqiptare arrestoi vetëm shoferin e kamionit që sillte kontenierin dhe një nënpunës të kompanisë së bananeve, ndërsa pronari i kompanisë Arbër Çekaj, edhe nëse ai mund të konsiderohet peshk i madh, u largua qetësisht drejt Kosovës.

Ka shumë peshkatarë, të cilët pasi e kapin peshkun, nëse është shumë i vogël e rihedhin në ujë, por nuk kishim parë kurrë peshkatar që të krenohet kur peshku i rrëshqet.

[SERAFIM DILO]

Tek deklarata e peshqeve te medhenj mundet te thuhet pa frike qe Lu-ja ja ka futur kot. Deri tani nuk eshte kapur asgje,as peshk i vogel e jo me i madh.

Deri tani,operacioni i 620 kg kokain do mbahet mend se bashke me kokainen u kapen dhe bananet. Se eshte sukses apo jo, dhe kapja e bananeve, eshte e vetmja gje qe mundet te diskutohet.

Ne te njejten kohe qe u kap kokaina ne Shqiperi ne Itali u kapen disa kuintal a ton hashash me vlere 10 milion euro,dhe pati 25 persona te arrestuar,ku nga keta 18 me arrest burgu dhe 7 persona me arrest shtepie.

Operacion me te deshtuar se kjo e kapjes se kokaines nuk ka,edhe sikur te ishte komplet rastesor. Jemi akoma tek sasia e bananeve,qe eshte i vetmi sukses.

[Duke_Of_Arberia]

Nuk eshte se ja ka futur ndonjehere plot Lu-ja, qe do dilte huq kesaj rradhe. Te gjitha deklaratat e tij deri me tani, duket sikur i ka thene me 1 prill..