Close
Duke shfaqur rezultatin -19 deri 0 prej 6
  1. #1
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Presidenti Meta: Qeveria Rama të bëjë transparencën me publikun për marëveshjen me Greqinë

    Presidenti Meta bën publik qëndrimin e tij lidhur me “Kërkesën për autorizim negociatash me palën greke”

    Në funksion të transparencës me opinionin publik, Presidenti i Republikës së Shqipërisë, Sh.T.Z. Ilir Meta vlerëson të bëjë publik qëndrimin e tij lidhur me “Kërkesën për autorizim negociatash me palën greke” dërguar Ministrisë së Evropës dhe Punëve të Jashtme, ditën e premte, datë 16 shkurt 2018, dhe po në funksion të transparencës Presidenti i Republikës së Shqipërisë Sh.T.Z. Ilir Meta do të mbajë një konferencë shtypi në Institucionin e Presidencës sot, me datën 20 shkurt 2018, në orën 13:00.

    Lënda: Mbi kërkesën nr. 2428 prot, datë 13.02.2018 “Kërkesë për autorizim negociatash me palën greke”.

    Drejtuar:Zotit Ditmir BUSHATI

    MINISTËR I EVROPËS DHE PUNËVE TË JASHTME

    Për dijeni:Zotit Edi RAMA

    KRYEMINISTËR

    I nderuar Zoti Ministër,

    Nëpërmjet shkresës suaj nr. 2428, datë 12.02.2018, u njoha me kërkesën për “Autorizim negociatash me palën greke”.

    Presidenti i Republikës, vlerëson angazhimin e Ministrisë së Evropës dhe Punëve të Jashtme për të nisur negociatat për një marrëveshje të re ndërshtetërore për delimitimin e hapësirave detare me Greqinë. Bashkëpunimi i hapur dhe i ndërsjelltë është në themel të parimit të fqinjësisë së mirë.

    Presidenti i Republikës, është i bindur se delimitimi i hapësirave detare me Greqinë, është në interesin më të mirë të vendit tonë në të gjitha aspektet, si në drejtim të ushtrimit të sovranitetit dhe juridiksionit kombëtar, ashtu edhe në drejtim të sigurisë, dobisë ekonomike, politike, sociale, etj.

    Në këtë kontekst, zgjidhja për ndarjen, përdorimin dhe shfrytëzimin racional, efektiv dhe në mënyrë sa më të drejtë e të barabartë të hapësirave detare dhe burimeve të tyre me Republikën e Greqisë, duhet të vijë përmes një emëruesi të përbashkët midis dy vendeve.

    Theksoj, se është e detyrueshme që çdo zgjidhje të respektojë parimet e Kushtetutës së Republikës së Shqipërisë, detyrimet e vendosura për zbatim nga Vendimi i Gjykatës Kushtetuese nr. 15, datë 15.04.2010, kuadri ligjor i brendshëm, aktet ndërkombëtare ku Shqipëria është palë, si dhe duke patur parësor interesin shtetëror.

    Nga shqyrtimi i kërkesës së paraqitur, për Autorizim negociatash me palën Greke, konstatohet se;

    1.Kërkesa nuk përkufizon qartë objektin e negociatave për të cilin kërkohet Autorizim për Plotfuqi.
    Shkresa nr. 2428 prot, datë 13.02.2018, që në “Lëndë”, është e paqartë, pasi sipas saj objekti është “Përcillet kërkesë për autorizim negociatash me palën Greke” dhe ky përkufizim nuk parashikon, se cili është objekti konkret për të cilin kërkohet Autorizim për Plotfuqi dhe nuk reflekton detyrimet që rrjedhin nga Vendimi i Gjykatës Kushtetuese nr. 15, datë 10.04.2010.

    Së pari, duhet evidentuar se kjo kërkesë është e përbërë gjithsej nga një kërkesë e vetme (gjithsej 4 – fletë) dhe nuk përmban asnjë dokument shoqërues apo shpjegues bashkëlidhur.

    Nga shqyrtimi tërësor i kërkesës rezulton se ajo nuk shpreh në mënyrë të qartë dhe eksplicite titullin e marrëveshjes dhe objektin konkret për të cilin shteti shqiptar kërkon të hyjë në negociata zyrtare me shtetin grek.

    Përcaktimi i saktë dhe pa asnjë ekuivok i titullit të marrëveshjes dhe objektit të negociatave, në proceset e diskutimeve negociuese ndërkombëtare me qëllim lidhjen e një marrëveshjeje të kësaj natyre është kushti themelor që duhet të plotësohet, dhe mbi të cilin lëshohet Autorizimi për Plotfuqi nga Presidenti i Republikës.

    Vetëm duke përcaktuar objektin e saktë të negocimit, grupi negociator legjitimohet për të zhvilluar diskutime brenda objektit të tij.

    Në pjesën hyrëse të shkresës citohet se :

    “Delitimimi i hapësirave detare me fqinjët nëpërmjet marrëveshjeve dypalëshe mbetet një çështje e rëndësisë prioritare për vendin tonë”.

    Ndërkohë në faqen 3 të kërkesës suaj, parashtrohet se:

    “Delitimimi i hapësirave detare është përfshirë dhe në paketën e çështjeve të hapura mes dy vendeve të diskutuara në kuadrin e mekanizmit dypalësh”…. “Nisur nga sa më sipër me palën greke është rënë në parim dakord për të negociuar një marrëveshje të re për të delitimuar hapësirat detare sipas një ndarjeje të drejtë për palët. Diskutimet e deritanishme për çështjen e delitimimi të hapësirave detare nevojitet të konkretizohen me negociata mes palëve”.

    Në paragrafin e fundit të faqes 3 të kësaj kërkese parashtrohet se :

    “Synimi i negociatave teknike me palën greke do të jetë:

    Negocimi dhe finalizimi i një marrëveshje të re për delitimimin e të gjitha hapësirave detare të përcaktuara për të Drejtën e Detit me koordinata gjeografike; Detin Territorial, Zonën Ekskluzive Ekonomike dhe Shelfin Kontinental”.
    Në lidhje me këtë që ju citoni, gjithçka që është vlerësuar nga qeveria se duhet të negociohet nuk mundet që t’i kërkohet autoritetit më të lartë, duke përdorur terma të tillë si “synim”, por qartësisht sipas Kushtetutës dhe ligjeve, kërkesa për Autorizim duhet të jetë e shprehur ekzaktësisht mbi titullin e marrëveshjes dhe objektin e saj.

    Për më tej në kërkesën për Autorizim për Negocim, do të duhej të përfshiheshin edhe hartat analoge dixhitale, si instrumente negociuese teknike parësore që pasqyrojnë realitetin gjeografik të hapësirës që delimitohet.

    Në paragrafin e parafundit të faqes 4 të kërkesës suaj, citohet edhe një fakt tjetër, ku ju parashtroni se :

    “Arritja e marrëveshjes do të shërbente paralelisht dhe për plotësimin e kuadrit ligjor ndërkufitar tokësor me lidhjen e Marrëveshjes për Piramidat Kufitare dhe Marrëveshjes për Zgjidhjen e Incidenteve Kufitare të cilat janë kërkuar për dekada me radhë nga pala jonë, por që nuk kanë patur reagim pozitiv të palës Greke. Kjo paketë marrëveshjesh do të zgjidhte njëherë e mirë problematikat ndërkufitare mes dy vendeve dhe do të rrëzonte çdo lloj pretendimi territorial që mund të ekzistojnë në të dy vendet”.

    Lidhur me këtë paragraf të letrës suaj, të sqarohet qartë se për çfarë pretendimesh konkrete territoriale bëhet fjalë, cila palë i ka shfaqur ato, në ç’mënyrë, në çfarë kohe, dhe a ka qenë kjo çështje objekti i diskutimit eksploratore diplomatike që janë realizuar përpara paraqitjes së kërkesës për negocim dhe kërkohet që nga ju me prioritet të vihet në dispozion të Presidentit të Republikës, i gjithë informacioni që dispononi në lidhje me këtë çështje.

    Për më tepër, nga shqyrtimi tërësor dhe analitik i objektit të kërkesës, konstatohet se janë të paqartë elementët konkret të objektit të negocimit.

    Gjykata Kushtetuese në pikën 82.3, ka përcaktuar një detaj të rëndësishëm që ndikon në përcaktimin e objektit konkret të negocimit.

    Gjithashtu është i paqartë objekti i negocimit, edhe sa i takon pjesës ku puqen hapësirat detare ndërmjet tre shteteve (Itali-Greqi-Shqipëri), pasi kjo mund të kapërcente kufijtë e këtij autorizimi negocimi dypalësh.

    Si konkluzion, përcaktimi i qartë i objektit të negocimit dhe vënia në jetë e detyrës së marrë nga grupi negociator që formalizohet në aktin e Autorizimit për Plotfuqi që Presidenti i Republikës lëshon nëpërmjet delegimit është një kërkesë e qartë e neneve 3, 4, 7 dhe 92/ë, të cilat shpjegohen gjerësisht në mënyrë shteruese në Vendimin nr. 15/2010, të Gjykatës Kushtetuese ku ndër të tjera në pikën, 37, përcaktohet se :

    “37.Gjykata çmon se qëllimi i plotfuqisë është dhënia e autorizimit nga organi kompetent për të biseduar me palën tjetër për çështje që caktohen shprehimisht në objektin e plotfuqisë. Përfaqësuesit e shtetit që pajisen me plotfuqi janë të autorizuar të bisedojnë vetëm për aq sa është përcaktuar në mandatin e dhënë për përfaqësim. Në çdo rast, negocimi dhe lidhja e marrëveshjes duhet të bëhet brenda kufijve të përcaktuar në plotfuqinë e dhënë nga organi kompetent. Në këtë mënyrë, për çdo ndryshim, shtesë apo zvogëlim të objektit të negocimeve, përfaqësuesit e shtetit shqiptar janë të detyruar të kërkojnë marrjen e një plotfuqie të re ose ndryshimin, shtesën apo zvogëlimin e objektit të plotfuqisë së dhënë, duke respektuar parimin e shtetit të së drejtës”.

    Në përfundim, duke iu referuar standardit Kushtetues, të hierarkisë së zbatimit të normës, parashikuar në nenin 4, dhe 116 pika 1 të Kushtetutës, dhe mbështetur në parashikimet e pjesës arsyetuese të Vendimit nr. 15/2010 të Gjykatës Kushtetuese, në krahasim me çfarë parashtrohen në kërkesën Tuaj, rezulton se nuk është përcaktuar qartë objekti i kërkimit për negocim për të cilin i kërkohet Presidentit i Republikës Autorizim për Plotfuqi.

    Objekti i saktë i tagrit të përfaqësimit që do të delegohet duhet të jetë i specifikuar në këtë akt që Presidenti i Republikës duhet të lëshojë, dhe mbi të cilin grupi negociator i mandatuar duhet të veprojë gjatë negociatave.

    Paqartësia e objektit konkret të negocimit për të cilin kërkohet Autorizim për Plotfuqi nga Presidenti, evidentohet edhe më tepër, pasi kërkesa e paraqitur nuk është e shoqëruar as me tekstin e projekt-marrëveshjes dhe as relacionin shoqërues, kërkesë kjo e nenit 6, pika 3, germa “c”, të ligjit nr.43/2016 “Për marrëveshjet ndërkombëtare në Republikën e Shqipërisë”, ku citohet se:

    “c) në rastet e përmendura në shkronjat “a” dhe “b”, të kësaj pike, kërkesa për lëshimin e plotfuqisë i drejtohet autoritetit kompetent për lëshimin e autorizimit nga institucioni që ka iniciativën për lidhjen e marrëveshjes, të shoqëruar nga teksti i projektmarrëveshjes dhe një relacion shpjegues.”

    Për më tepër, në kërkesën e paraqitur për autorizim negociatash me palën Greke, në faqen 3, citohet se :

    “Prej vitit 2014 e deri më sot janë zhvilluar disa diskutime eksploratore, në nivel diplomatik me palën greke për zgjidhjen e kësaj çështjeje…”.

    Në përgatitjen e qëndrimeve të palës sonë për këtë çështje janë mbajtur parasysh parimet e Konventës për të Drejtën e Detit, vendimi i Gjykatës Kushtetuese, legjislacioni ynë i brendshëm për kufijtë detar dhe analiza e brendshme”.

    Nga sa më sipër, konstatohet aktivizimi edhe i instrumenteve të karakterit teknik përveçse politik në fazën përgatitore që i paraprijnë hyrjes në negociata, e për rrjedhojë dhe kërkesës për pajisjen me Autorizim për Plotfuqi.

    Ndaj, është e nevojshme që dokumentet që shoqërojnë kërkesën tuaj, të përcillen pranë institucionit të Presidentit dhe të përmbajnë edhe një informacion shterues mbi materialet apo minutat e diskutimeve eksploratore me palën greke si dhe në mënyrë të veçantë analiza e brendshme e bërë nga Ministria e Punëve të Jashtme lidhur me këtë çështje, si dhe personat dhe funksionet e tyre, që e kanë kryer këtë analizë.

    Si përfundim, nga sa konstatohet më sipër në lidhje me objektin e saktë të negocimit, Presidenti i Republikës, konkludon se:

    – Të qartësohet në mënyrë të mirëpërcaktuar objekti i kërkesës për negocim, duke përmbushur të gjitha mangësitë e konstatuara, si dhe të paraqiten informacionet shtesë të kërkuara.

    2. Në kërkesën e paraqitur lidhur me përbërjen e grupit negociator referohet se:

    “Pas autorizimit Tuaj, do të ngrihet me Urdhër të Kryeministrit Grupi Negociator”, i cili do të negociojë marrëveshjen e re me palën Greke. Në këtë grup negociator të përfshihen përfaqësues nga Ministria e Mbrojtjes, Forca Detare, Institucioni i Gjeografisë dhe Infrastrukturës Ushtarake, Ministria për Evropën dhe Punët e Jashtme, Ministria e Infrastrukturës, Agjencia Kombëtare e Burimeve Natyrore, Shërbimi Gjeologjik Shqiptar, Ministria e Bujqësisë dhe Zhvillimit Rural, Ministria e Mjedisit dhe Ministria e Brendshme”.

    Në lidhje me këtë çështje, Gjykata Kushtetuese në Vendimin nr. 15/2010, në pikën 36, ka përcaktuar qartë se:

    “36. Presidenti i Republikës është përfaqësuesi më i lartë i shtetit shqiptar në marrëdhëniet me jashtë, në kuptim të nenit 86/1 të Kushtetutës dhe ka autoritetin për të lidhur marrëveshje ndërkombëtare si përfaqësues legjitim i shtetit, sipas nenit 92/ë të Kushtetutës. Nga kjo rezulton se, ose ai vetë duhet të kishte marrë pjesë në lidhjen e marrëveshjes ose, nëpërmjet plotfuqisë, duhej të kishte autorizuar grupin negociator për këtë qëllim.”

    Mbështetur në parashikimet e nenit 92/ë, të Kushtetutës, dhe Vendimit të Gjykatës Kushtetuese nr.15/2010, në të cilin është qartësuar mënyra se si Presidenti e ushtron të drejtën për lidhjen e marrëveshjeve ndërkombëtare konstatohet se :

    – Përbërja e grupit negociator sa i takon institucioneve të përfshira nuk është e plotë, dhe

    – Mungesa e përcaktimit nominal të delegacionit krijon hapësirë që të mos përmbushë standardet për nivelin e njohurive të kërkuara apo, nuk jep garancitë e nevojshme për integritetin moral dhe profesional për të marrë pjesë në negociata kaq të rëndësishme për shtetin shqiptar.

    Nga sa më sipër, rezulton se;

    Së pari, grupi negociator që do të realizojë negociatat, duhet të përfaqësojë ekspertizën më të thelluar dhe më të mirë profesionale në të gjitha fushat në interes të negocimit, me qëllim që niveli i përfaqësimit të Shtetit Shqiptar dhe mbrojtja e interesave të tij të realizohet në lartësinë e kërkuar nga interesat e vendit.

    Në funksion të realizimit të objektivave të negocimit dhe të ekspertizës, do të duhet të merret në konsideratë dhe pjesëmarrja e përfaqësuesve të institucioneve të tjerë veç atyre të cituar në kërkesë të tilla si Akademisë së Shkencave, Agjencisë së Informacionit Gjeohapësinor (ASIG), Universitetit të Tiranës, Akademisë së Albanologjisë, Institutit të Arkeologjisë, Ministrisë së Drejtësisë, Ministrisë së Kulturës, etj.

    Së dyti, kërkesa për dhënien e Autorizimit për Plotfuqi, siç rezulton nga kërkesat e Kushtetutës, Vendimit nr.15/2010 të Gjykatës Kushtetuese, ligjit nr. 43/2016, por edhe nga praktika tashmë e konsoliduar në këtë drejtim, duhet të përcaktojë qartë se cila do të jetë përbërja nominale e grupit negociator, pra jo vetëm me emërtesat e institucioneve, por dhe emrat konkret të personave dhe funksionet dhe profesionet që ata përfaqësojnë.

    Në kërkesë nuk përcaktohet se kush do të jetë personi që do të udhëheqë Grupin Negociator, gjë që është tepër e rëndësishme nisur nga përvoja jo pozitive në të kaluarën.

    Kërkesa për pajisjen me autorizim, duhet të shoqërohet detyrimisht me listën nominale të emrave konkret përbërjes të grupit negociator, shoqëruar me CV përkatëse, që do të krijonte mundësinë e vlerësimit të përmbushjes së kritereve të integritetit moral dhe profesional që krijojnë besimin tek Presidenti i Republikës, për t’i dhënë besimin që ta përfaqësojnë atë në këto negociata.

    Për nga rëndësia e kësaj marrëveshjeje dhe njohuritë e veçanta që kërkohen në këtë fushë, Presidenti i Republikës nuk është informuar nëse, deri në këto momente, është këshilluar ekspertizë e jashtme dhe nëse synohet të merret një e tillë gjatë procesit të negocimit për këtë marrëveshje.

    Për sa më sipër, në formën e paraqitur, kërkesa lidhur me grupin negociator dhe përbërjen e tij është jo e plotë dhe e pabazuar në Kushtetutë, Vendimin nr.15/2010 të Gjykatës Kushtetuese, praktikës së mëparshme.

    Plotësimi i mangësive të konstatuara në lidhje me grupin negociator dhe përbërjen e tij është kusht i domosdoshëm në vlerësimin e kërkesës për pajisjen me Autorizim për Plotfuqi.

    3. Çështja e standardeve dhe metodologjisë të përdorshme për negocim.
    Në kërkesë fq 2-3, parashtrohet se:

    Delimitimi i vitit 2009 ishte rezultati më minimal që mund të arrinte vendi ynë me Greqinë;
    Nevojitet lidhja e një marrëveshjeje të bazuar në një parim të ri delimitimi. Parimi i barazlargësisë shërben si pikënisje për korrektimin e vijës delimituese në favor të palës sonë. Për këtë qëllim nevojitet aplikimi i parimit barazlargësi me korrektim;
    Delimitimi i ri duhet të sjellë përfitim në hapësirat detare të Shqipërisë. Përfitimi në hapësirën e Detit Territorial, do të ishte më i favorshëm sepse në këtë hapësirë detare ushtrohet sovranitet i plotë në det, tabanin e detit dhe hapësirën ajrore mbi të, ndërsa në Shelfin Kontinental dhe ZEE vendi ynë do të përfitonte zgjerimin e të drejtave sovrane (shfrytëzim burimesh që ekzistojnë në këto hapësira, por jo sovranitet të plotë).
    Lidhur me sa më sipër, bazuar dhe në pikat 82.1, 82.2, 82.3, 82.4, 86, 90, 92, 95, 96 dhe 98 të Vendimit të Gjykatës Kushtetuese nr.15/2010, kërkesa e paraqitur do të duhej të shoqërohej me përcaktimin e qartë se në cilën pjesë të hapësirës detare të vijës së delitimit do të përdoret parimi i barazlargësisë strikte dhe ku parimi i barazlargësisë me korrektim, duke saktësuar gjithashtu se cilat janë momentet konkrete që kërkojnë negocim dhe janë objekt i mosmarrëveshjeve ndërmjet palëve.

    Përmbushja e kësaj detyre do të qartësonte objektivat, metodologjinë dhe parimet që do të përdorte grupi negociator, për përcaktimi e një kufiri detar në përputhje me Konventën e OKB-së mbi të Drejtën e Detit, praktikën Ndërkombëtare, Kushtetutën, vendimin nr.15/2010 të Gjykatës Kushtetuese dhe mbi të gjitha në interesin më të mirë të Shqipërisë.

    Saktësimi i hapësirës konkrete detare të përdorimit të parimit të “Ekitesë”, është thelbësor për arritjen e një marrëveshje të drejtë siç ka arsyetuar Gjykata Kushtetuese në vendimin e saj nr.15/2010.

    Presidenti i Republikës vlerëson se;

    Në përputhje me Kushtetutën e Republikës së Shqipërisë, detyrimeve të vendosura për zbatim nga Vendimi nr.15, datë 15.04.2010, të Gjykatës Kushtetuese, kuadrit të brendshëm ligjor, akteve ndërkombëtare ku Shqipëria është palë dhe në interes parësor shtetëror, përmbushja e kritereve, kërkesave, të parashtruara e të konstatuara më sipër, përbën domosdoshmëri kushtetuese për marrjen e vendimit për pajisjen me Autorizim për Plotfuqi, të kërkuar me shkresën nr. 2428 prot, datë 13.02.2018.

    ILIR META

    Koha Jone

  2. #2
    i/e regjistruar
    Anëtarësuar
    30-03-2006
    Postime
    296

    Për: Presidenti Meta: Qeveria Rama të bëjë transparencën me publikun pë marëveshjen me Greqinë

    Negociatat nuk behen asnjehere ne transparence, por historikisht ne nuk eshte se kemi patur eksperienca te mira me qeverite, pasi nuk eshte se biem ne nje mendje qofte edhe per politiken e jashtme

  3. #3
    i/e regjistruar Maska e SERAFIM DILO
    Anëtarësuar
    06-01-2008
    Postime
    7,489

    Për: Presidenti Meta: Qeveria Rama të bëjë transparencën me publikun pë marëveshjen me Greqinë

    Citim Postuar më parë nga aimilius Lexo Postimin
    Negociatat nuk behen asnjehere ne transparence, por historikisht ne nuk eshte se kemi patur eksperienca te mira me qeverite, pasi nuk eshte se biem ne nje mendje qofte edhe per politiken e jashtme
    Negociatat behen gjithmone ne menyre trasparente sepse mungesa e traparences kushtezon çdo negocjues perballe pergjegjsive ligjore. Nuk mundet te egzistoje as si ide qe nje negociate nuk mundet te jete trasparente kur akti i saj final do behet ligj qe ne fund do jete trasparent.
    Kryeministri grek u ka parashtruar te gjitha forcave greke se çfare po necocioet dhe si do negocioet,me trasparence normale.

    Kjo ideja qe çdo gje duhet te mos jete traparente eshte nje tradite Berishiane qe vjen nga Sigurimi. Nuk eshte as tradite shteterore dhe as tradite dipllomatike e huaj. Ky budallek qe çdo gje duhet mbajtur sekret,se çdo gje eshte pazar eshte nje praktike vetem shqiptare (mjafton te shikosh çdo lloje privatizimi ose koncesioni).


    Megjithate,qe do vinte nje dite qe populli do mbante shpresat te presidenti Meta eshte nje fakt, qe mundet te shpegoje, dhe shprehjen "qe e keqia s'ka fund".

    Gjithmone, mbetemi tek mélçite qe duhet ti varim ujkut ne qafe. Por nuk kerkojme as qe te mos i varim melçite dhe as te heqim ujqérit,por shpresojm gjithmone qe ujku mos ti haje melçite sepse eshte i ngopur.

  4. #4
    i/e regjistruar
    Anëtarësuar
    30-03-2006
    Postime
    296

    Talking Për: Presidenti Meta: Qeveria Rama të bëjë transparencën me publikun pë marëveshjen me Greqinë

    Citim Postuar më parë nga SERAFIM DILO Lexo Postimin
    Negociatat behen gjithmone ne menyre trasparente sepse mungesa e traparences kushtezon çdo negocjues perballe pergjegjsive ligjore. Nuk mundet te egzistoje as si ide qe nje negociate nuk mundet te jete trasparente kur akti i saj final do behet ligj qe ne fund do jete trasparent.
    Kryeministri grek u ka parashtruar te gjitha forcave greke se çfare po necocioet dhe si do negocioet,me trasparence normale.

    Kjo ideja qe çdo gje duhet te mos jete traparente eshte nje tradite Berishiane qe vjen nga Sigurimi. Nuk eshte as tradite shteterore dhe as tradite dipllomatike e huaj. Ky budallek qe çdo gje duhet mbajtur sekret,se çdo gje eshte pazar eshte nje praktike vetem shqiptare (mjafton te shikosh çdo lloje privatizimi ose koncesioni).


    Megjithate,qe do vinte nje dite qe populli do mbante shpresat te presidenti Meta eshte nje fakt, qe mundet te shpegoje, dhe shprehjen "qe e keqia s'ka fund".

    Gjithmone, mbetemi tek mélçite qe duhet ti varim ujkut ne qafe. Por nuk kerkojme as qe te mos i varim melçite dhe as te heqim ujqérit,por shpresojm gjithmone qe ujku mos ti haje melçite sepse eshte i ngopur.
    Ate qe dua te them, nuk behet transparente bisedat asnjehere aq me teper per ceshjte sensitive. Se po te ishte ashtu pse te mos beheshin me dyer te hapur.
    po jam dakort kur thua, se meqe akti perfundimrar do merret vesh, atehere duhet te dijme dicka. Nje fare ideje apo pikat e diskutumin do te duhet te diheshin.
    Nuk e di sa e vertete eshte qe kryeministri grek ua ta thene te gjitha gazetareve, por nje gje mund te themi per greket, mund te haen e te grien midis tyre,
    per politiken e jashme jane te nje mendje dhe mbajne nje linje.
    edhe ajo e sigurimit apo berishimit ka baza. pasi ne jemi pjelle e keqe, kur e beri sala marveshjen, edi cirrej dhe thirristje tradhetari yyy.
    tani qe po e ben edi (me mire per ne apo me keq nuk e dime) therret ai qe vete e nisi yyy tradhetor.
    do te shohim ca do behet, per mire dalte...

  5. #5
    i/e regjistruar Maska e SERAFIM DILO
    Anëtarësuar
    06-01-2008
    Postime
    7,489

    Për: Presidenti Meta: Qeveria Rama të bëjë transparencën me publikun pë marëveshjen me Greqinë

    Citim Postuar më parë nga aimilius Lexo Postimin
    Ate qe dua te them, nuk behet transparente bisedat asnjehere aq me teper per ceshjte sensitive. Se po te ishte ashtu pse te mos beheshin me dyer te hapur.
    po jam dakort kur thua, se meqe akti perfundimrar do merret vesh, atehere duhet te dijme dicka. Nje fare ideje apo pikat e diskutumin do te duhet te diheshin.
    Nuk e di sa e vertete eshte qe kryeministri grek ua ta thene te gjitha gazetareve, por nje gje mund te themi per greket, mund te haen e te grien midis tyre,
    per politiken e jashme jane te nje mendje dhe mbajne nje linje.
    edhe ajo e sigurimit apo berishimit ka baza. pasi ne jemi pjelle e keqe, kur e beri sala marveshjen, edi cirrej dhe thirristje tradhetari yyy.
    tani qe po e ben edi (me mire per ne apo me keq nuk e dime) therret ai qe vete e nisi yyy tradhetor.
    do te shohim ca do behet, per mire dalte...
    Nuk ka asnje çeshtje sensitive sepse nuk ka asgje qe duhet te mbahet e mshehur,nuk ke as probleme te rendit dhe as lufte kunder terrorizmit ose krimit. Ke thjeshte tre kater pika qe do diskutosh. Mbasi diskutohet do kerkohet te kete nje dokument zyrtar qe do behet publik.
    Trasparenca eshte minimumi qe nje qeveri politike ben qe ne fillim. Nje qeveri qe ka nje minimum dinjiteti politik thote : "Do diskutojme keto x probleme me Greqine. Keto jane problemet tona,keto jane problemet e Greqise. Keto probleme pronojme ose nuk pranojme te diskutohen si ata dhe si ne. Keto jane negociatoret dhe tekniket qe do marin pjese ne keto fusha.Marrveshja x do arihet me propabilitet brenda kesaj date a viti,po nuk u arit do mbetet pezull a do shkoje nepe gjykata internacionale...etj etj ". Nuk eshte se do shpikin legjislacion te ri a ndonje shpikje te re do kryejne vetem nje marrveshje ne emer te popullit dhe te shtetit.

    Edhe te behej me dyer te hapura nuk do kishte asnje problem...,mbase ishte me "kaotike" por do ishte nje plus per trasparencen.


    Se tani po kalojme nga nje ekstrem ne ekstremin tjeter,po flasim per partite shqiptare qe kane 25 vjet qe vet brenda partise nuk bejne dot zgjedhje normale,imagjino ti kerkosh partive shqiptare te bejne mbledhje me dyer te hapura... Por kjo e mbajturaa sekret e çfare do lloj marrveshje eshte bere nje praktik abuzimi dhe vjedhjeje qe nuk durohet me.
    Ndryshuar për herë të fundit nga SERAFIM DILO : 21-02-2018 më 12:18

  6. #6
    i/e regjistruar
    Anëtarësuar
    30-03-2006
    Postime
    296

    Për: Presidenti Meta: Qeveria Rama të bëjë transparencën me publikun pë marëveshjen me Greqinë

    e do nje barcolete me dy fjale ti
    (diplomacia shqiptare)

  7. Anetarët më poshtë kanë falenderuar aimilius për postimin:

    SERAFIM DILO (21-02-2018)

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •