Kryepiskopi Anastas eshte shqiptar.

[ilia spiro]

Letra e Presidentit Meta dërguar Fortlumturisë së Tij, Anastas Janullatos

24 dhjetor 2017

Fortlumturi,

Kremtimi i festës së Lindjes së Krishtit, më jep gëzimin e madh t’Ju uroj nga zemra, Juve dhe të gjithë besimtarëve ortodoksë shqiptarë Gëzuar Krishtlindjet!

Uroj që kjo festë e bukur e Krishterimit, e cila mishëron njëkohësisht vlera hyjnore dhe njerëzore, të sjellë më shumë shpresë, lumturi e qetësi, dashuri e besim, harmoni e mirëkuptim dhe të forcojë më tej paqen në familje e në shoqëri, mes njerëzve e mes popujve, si kusht i domosdoshëm i begatisë së shoqërisë dhe përparimit të njerëzimit.

Në këtë ditë të bekuar për besimtarët e krishterë dhe për të gjithë shqiptarët, vlerat e tyre të veçanta të besimit, trashëgimia e harmonisë dhe tolerancës së shkëlqyer ndër-fetare, na bëjnë më të vetëdijshëm e njëkohësisht krenarë për këtë pasuri shpirtërore e njerëzore dhe rëndësinë e dimensionin e saj të patjetërsueshëm e të pazëvendësueshëm.

Kjo vlerë e pasuri shpirtërore unike, historike dhe kombëtare e popullit tonë është trashëguar dhe është ruajtur, kultivuar e përcjellë brez pas brezi falë mundit, sakrificës, përpjekjeve, përkujdesjes dhe ndjenjës së lartë të përgjegjësisë e detyrimit të besimit të fortë shpirtëror të udhëheqësve të besimeve fetare të shqiptarëve.

Jam i lumtur të pohoj se Fortlumturia Juaj i përket pikërisht këtyre udhëheqësve të nderuar të besimeve fetare të popullit shqiptar.

Gjatë 25 viteve si Kryepeshkop i Tiranës, Durrësit dhe të gjithë Shqipërisë, duke kontribuar me përkushtim në ringritjen e plotë kanonike dhe shpirtërore të Kishës Ortodokse Autoqefale të Shqipërisë, në rimëkëmbjen dhe ngritjen e objekteve të besimit ortodoks, në ringjalljen, kultivimin dhe ruajtjen e traditës shumëshekullore të besimit ortodoks në Shqipëri dhe në ndërtimin e veprave në fushën e arsimit, shëndetësisë, mirëqenies sociale, zhvillimit rural, kulturës dhe mjedisit në Shqipëri, keni dëshmuar se udhëhiqeni nga besimi, dashuria, paqja, shpresa dhe mësimet e veprat e shenjta të Zotit.

E kam ndjekur me vëmendje aktivitetin Tuaj të palodhur ndërkombëtar, vizitat në Vatikan dhe në vende të shumta të botës, duke i shërbyer jo vetëm njohjes ndërkombëtare të Kishës Ortodokse Autoqefale të Shqipërisë, por veçanërisht përhapjes, përtej kufijve të Shqipërisë, të vlerave e pasurisë së harmonisë, tolerancës dhe bashkëjetesës ndër-fetare të popullit shqiptar.

Përkushtimi Juaj shembullor shpirtëror dhe kontributi juaj gjatë këtyre viteve, është vlerësuar me të drejtë me titullin “Qytetar Nderi” i qytetit të Tiranës, Korçës dhe Durrësit dhe me urdhrin e lartë të Presidentit “Gjergj Kastriot Skënderbeu” për kontributin e vyer në ringjalljen e besimit shpirtëror dhe forcimin e mëtejshëm të harmonisë, tolerancës dhe bashkëjetesës ndër-fetare të popullit shqiptar.

Çmoj e shpreh mirënjohje, veçanërisht për ndihmën Tuaj dhe të Kishës Ortodokse Autoqefale të Shqipërisë ndaj vëllezërve tanë nga Kosova, gjatë krizës së rëndë humanitare të vitit 1999.

E vlerësoj lart kujdesin dhe vëmendjen që keni treguar për arsimimin dhe përgatitjen e brezit të ri të klerikëve shqiptarë dhe krijimin e qendrave rinore në qytete e fshatra të ndryshme, duke ruajtur kështu trashëgiminë e çmuar shqiptare të këtij besimi dhe identitetin e tij, larg influencave, tendencave dhe ndikimeve të huaja, të padobishme dhe të rrezikshme për bashkësinë shqiptare ortodokse dhe për vetë popullin shqiptar.

Fortlumturia Juaj,

Në këtë ditë të bekuar të Krishtlindjeve, jam shumë i lumtur t’ Ju bëj me dije se kam marrë vendimin, edhe në vijim të vullnetit Tuaj “…për të vërtetuar lidhjen e pandashme me vendin që doni sinqerisht dhe i shërbeni me vetësakrifikim…”, t’Ju jap shtetësinë shqiptare, nëpërmjet Dekretit të Presidentit të Republikës së Shqipërisë, Nr. 10700, të datës 22 dhjetor 2017.

Duke shprehur bindjen time se ky veprim, jo vetëm përmbush një detyrim institucional, por është edhe shprehje e mirënjohjes ndaj Jush dhe aktivitetit e përkushtimit Tuaj shpirtëror në Shqipëri, Ju uroj sërish Juve, besimtarëve ortodoksë, të krishterë e të gjithë shqiptarëve, të kalojnë Krishtlindje të bukura, të gëzuara dhe të lumtura dhe lutjet e kësaj ditë të shenjtë të sjellin më shumë paqe, dashuri, harmoni e mirëkuptim jo vetëm mes nesh, por edhe mes të gjithë kombeve të botës.

Me respekt,

Ilir Meta

[ilia spiro]

E drejta vonon por nuk harron. I shumevuajturi ne Afrike, personi qe meritonte prej nje cerek shekulli kete emer, me ne fund eshte njeri nga ne ne gjuhe, shpirt, dashuri. Jete te gjate Fortlumturi! Lavdi Perendise ne me te lartat!

[Albo]

1. Atdheu i njerezve me besim nuk eshte mbi toke, eshte ne qiell. Nacionalizmat dhe nenshtetesite u vlejne vetem tokesoreve e jo hyjnoreve.

2. Kur Kryepeshkopi Anastas beri kerkese per nenshtetesine shqiptare, mbi nje dekade me pare, 3 presidente me pare, dhe iu mohua kjo e drejte, ishte nje turp per shtetin shqiptar, ishte nje turp historik per njerezit qe drejtonin presidencen (Moisiu, Topi, Nishani), ishte nje turp edhe per shqiptaret e thjeshte qe e shihnin, njihnin, e ishin prekur nga puna e Kryepeshkopit Anasas mes shqiptareve ne keto 3 dekadat e fundit. Nuk ka burre me te urte, me te drejte, dhe me te dashur ne Shqiperi se Kryepeshkopi Anastas! Teksa gjithe bota vleresonte punen e kontributin e jetes se tij duke i dhene tituj e nderime, 3 kreret e shtetit shqiptar ia mohuan nenshtetesine shqiptare.

3. Vete akti i Kryepeshkopit per te aplikuar per nenshtetesine shqiptare, duke respektuar ligjet e vendit ku jeton, ishte ne vetvete nje akt qytetarie. Kryepeshkopi nuk kish perse ta bente kete gje. Ai nderohet si Akademik i Theologjise ne Universitetin e Athines, ka marre tituj nga plot universitete te tjera te botes, eshte nje nga zerat me te degjuar dhe respektuar ne mbare boten e Krishtere, jo vetem ate Orthodhokse. E beri kete kerkese per nenshtetesi per te treguar perulesine dhe respektin qe ndjen ndaj popullit shqiptar te cilit i ka perkushtuar jo pak por nje cerek shekulli te jetes se tij. Dhe nuk e beri nje gje te tille pasi keshtu ulerisnin e bertisnin "nacionalistet" e panxene shqiptare. E beri per respektin qe ndjen ndaj te gjithe atyre mijera besimtareve orthodhokse qe besojne e praktikojne besimin e tyre, e shkojne e degjojne predikimet e tij ne Kishe. Dhe nuk u mjaftua vetem me kerkesen per nenshtetesi, por mesoi edhe gjuhen shqipe, mesoi edhe historine e kulturen e ketij populli te vuajtur.

4. Lavdi Zotit, presidenti aktual Ilir Meta, nuk beri te njejtin gabim si tre paraardhesit e tij te cilet do t'i japin nje dite llogari Perendise per sjelljen ndaj sherbetorit te Tij! Por vuri ne vend nderin e shtetit e popullit shqiptar duke i dhene nenshtetesine shqiptare Kryepeshkopit Anastas!

Per shume vjet o Kryezot!

Krishti lindi!
Lavderojeni Ate!

[pirro10]

Odisea e mos dhënies se nënshtetësisë shqiptare Kryepeshkopit Ansastas dukej sikur nuk do të përfundonte asnjëherë, dhe argumentet e mosdhënies nga ana e të ashtuquajturve nacionalistë ishin të shumta.
Vreri dhe mllefi historik ndaj padrejtësisve politike sidomos nga ana e politikës së fqinjëve të jugut ishte derdhur pikërisht mbi Kryepeskopin e Nderuar dhe erudi Anastas I cili jo vetëm nuk ka lidhje me të kaluarën, por edhe nga profesioni si klerik I nderuar nuk merret me politikë
Sidoqoftë po të shikosh portalet, gazetat, mediat, madje armiqtë e Kishës Autoqefale të Shqipërisë brënda , ishin të mbushura me idiotsira dhe budallallëqe të pashoq kur njehsonin figurën e pastër e të panjollë të Kryepeshkopit me dordolecët e politikave antishqiptare si brënda ashtu dhe jashtë vëndit.
Në këtë luftë kundër një drejtuesi të një komuniteti i cili për arësye objektive erdhi nga jashtë ashtu si dhe drejtuesit e fesë katolike që janë të huaj, u përfshinë dhe individë të veshur me rrason e priftit të cilët të ndërsyer për shkak të ndonjë pakënaqësie apo faji të bërë, nuk lanë gjë pa thënë gjatë gjithë këtyre 25 viteve të qëndrimit në Shqipëri ndaj Kryepeshkopit. Madje dhe sot lehaqeni nga Elbasani nëpërmjet Mediave të paguara foli dhe tha se .. Predisdenti bëri gabim që i dha shtetësinë.
Ashtu si lufta politike e ashpër dhe e pa principtë për të fituar pushtetin në këto vite demokracie e cila degradoi edhe në shpërbërjen e shtetit shqiptar, ashtu dhe lufta kundër Kryetarit të Kishës Autoqefale Orthodokse të Shqqipërsë Kryepeshkopit Anastas vazhdoi ashtu e ashpër e paprinciptë dhe shumë ofenduese, e padrejtë, dhe në kundërshti me atë që mendon vetë komuniteti orthodox, i cili e do, e ka mbrojtur, dhe e mbron këtë përfaqësues të Zotit në Shqipëri.
Madje dhe origjina e vetë Kryepeshkopit Anastas sipas të dhënave është se gjyshërit e tij janë larguar nga Durrsi për në Prevezë dhe flisnin shqip rreth viteve 1850 e këtej.
Kështu që duket fare qartë se shtetësia shqiptare që u dha më në fund pas 25 vitesh qëndrimi stoik dhe të pashëmbëllt në Shqipëri brënda folesë së grerëzave ateiste e radikaliste të politikës amorfe e klienteliste shqiptare , pranon më në fund dështimin e armiqve të Kishës Autoqefale të Shqipërisë.
Interesant është fakti se pesë Presidenë shqiptarë dhe faktikisht: Berisha- Meidani-Moisiu-Topi-Nishani, nuk pranuan të jepnin shtetësinë shqiptare Kryepeshkopit të nderuar duke treguar se ishin kryekëput në mos e paragjykonin problemin, ata ishin të kapur nga politikat pseudo-nacionaliste që gëlonin dhe gëlojnë edhe sot në kokat e politikanëve shqiptarë.
U desh një 25 vjeçar, që Presidenti i sotëm Ilir Meta, pavarësisht problemeve që egzistojnë për personin e tij, tregoi emancipimin e tij politik duke i dhënë shtetësinë shqiptare Kryepeshkopit të Nderuar 88 vjeçar Anastas. Në fjalën e tij ditën e Krishtlindjeve ai përmëndi se sot (bëhet fjalë për dje -25 dhjetor) Kryepshkopi Anastas u bë qytetari më i ri i shtetit shqiptar, duke bërë aluzion me fjalën `I ri` sepse Kryepeshkopi është i moshuar dhe e kundërta e të riut.
Është pjesërisht e vërtetë idea e Artan Hoxhës që Presidenti i sotëm Meta…. `I dha fund budallallëkut kolektiv` për mosdhënien e shtetësisë shqiptare për 25 vjet Kryepeshkopit, por është e vërtetë gjithashtu edhe se përveç budallallëkut kolektiv të politikës, egziston dhe paragjykime të forta kundër orthodoksve shqiptarë të cilët me qëllim quhen si `grekë` (gjë që nuk ka asgjë të keqe nëse bëhej fjalë për popull), i cili nxitet nga qarqe agresive brënda vëndit (të nxitur nga injoranca e tyre historike), por dhe ato jashtë vëndit (politikat e fqinjëve të jugut dhe serbia të cilët kërkojnë një Shqipëri e Kosovë të përçarë dhe të destabilizuar), të cilat duke kujtuar të kaluarën, përpiqen ti hedhin benzinë zjarrit ditët e sotme, në një kohë kur faktori shqiptar është optimizuar dhe kërkon të integrohet gjërësisht në BE, si Shqipëria ashtu dhe Kosova.
Sigurisht paraqitja e veprës se Ringjalljes së Kishës Autoqefale Orthodokse të Shqipërisë nga ana e Kryepshkopit Anastas tregon më së miri se, pavarësisht kundërshtive dhe kundërshtarëve, Komuniteti Orthodoks i Shqipërisë është më afër Zotit nëpërmjet kishave të ndërtuara dhe rindërtuara, nëpërmjet klerikëve të diplomuar, nëpërmjet predikimit në shqip, nëpërmjet ngritjes së institucioneve arsimore dhe shëndetësore me bekimin e Krepshkopit Anastas, nëpërmjet njohjes së KOASH në gjithë botën, nëpërmjet pranisë së Kryepeshkopit si anëtar honorifik i shumë instituvioneve ndërkombëtare religjioze ose jo-religjioze, nëpërmjet ndihmave të shumta për të varfërit si menca, shtëpi për të moshuarit, nuk harrohen ndihma për rrefugjatët kosovarë në 1999 të cilat disa qarqe politikës të Kosovës e kanë harruar ose bëjnë sikur `nuk ishte ndonjë gjë ndihma prej 1 milionë dollarësh të atëhershëm`, etj, etj..
E kam përmëndur disa herë se: ``nëse Kryepshkopi i parë i shqiptar Fan S. Noli e bëri Jezu Krishtin të flaës shqip, Krypeshkopi Anastas e ringjalli nga vdekja komuniste Kishën Orthodokse Autoqefale të Shqipërisë``.
Mund të thuhen plot gjëra në favor, por në përfundim mund të them se dhënia e Shtetësisë shqiptare, tregon se Shqipëria edhe nëpërmjet Presidentit Meta, ka bërë një hap të rëndësishëm dejt integrimit në BE.

[ilia spiro]

Odisea e mos dhënies se nënshtetësisë shqiptare Kryepeshkopit Ansastas dukej sikur nuk do të përfundonte asnjëherë, dhe argumentet e mosdhënies nga ana e të ashtuquajturve nacionalistë ishin të shumta.
Vreri dhe mllefi historik ndaj padrejtësisve politike sidomos nga ana e politikës së fqinjëve të jugut ishte derdhur pikërisht mbi Kryepeskopin e Nderuar dhe erudi Anastas I cili jo vetëm nuk ka lidhje me të kaluarën, por edhe nga profesioni si klerik I nderuar nuk merret me politikë
Sidoqoftë po të shikosh portalet, gazetat, mediat, madje armiqtë e Kishës Autoqefale të Shqipërisë brënda , ishin të mbushura me idiotsira dhe budallallëqe të pashoq kur njehsonin figurën e pastër e të panjollë të Kryepeshkopit me dordolecët e politikave antishqiptare si brënda ashtu dhe jashtë vëndit.
Në këtë luftë kundër një drejtuesi të një komuniteti i cili për arësye objektive erdhi nga jashtë ashtu si dhe drejtuesit e fesë katolike që janë të huaj, u përfshinë dhe individë të veshur me rrason e priftit të cilët të ndërsyer për shkak të ndonjë pakënaqësie apo faji të bërë, nuk lanë gjë pa thënë gjatë gjithë këtyre 25 viteve të qëndrimit në Shqipëri ndaj Kryepeshkopit. Madje dhe sot lehaqeni nga Elbasani nëpërmjet Mediave të paguara foli dhe tha se .. Predisdenti bëri gabim që i dha shtetësinë.
Ashtu si lufta politike e ashpër dhe e pa principtë për të fituar pushtetin në këto vite demokracie e cila degradoi edhe në shpërbërjen e shtetit shqiptar, ashtu dhe lufta kundër Kryetarit të Kishës Autoqefale Orthodokse të Shqqipërsë Kryepeshkopit Anastas vazhdoi ashtu e ashpër e paprinciptë dhe shumë ofenduese, e padrejtë, dhe në kundërshti me atë që mendon vetë komuniteti orthodox, i cili e do, e ka mbrojtur, dhe e mbron këtë përfaqësues të Zotit në Shqipëri.
Madje dhe origjina e vetë Kryepeshkopit Anastas sipas të dhënave është se gjyshërit e tij janë larguar nga Durrsi për në Prevezë dhe flisnin shqip rreth viteve 1850 e këtej.
Kështu që duket fare qartë se shtetësia shqiptare që u dha më në fund pas 25 vitesh qëndrimi stoik dhe të pashëmbëllt në Shqipëri brënda folesë së grerëzave ateiste e radikaliste të politikës amorfe e klienteliste shqiptare , pranon më në fund dështimin e armiqve të Kishës Autoqefale të Shqipërisë.
Interesant është fakti se pesë Presidenë shqiptarë dhe faktikisht: Berisha- Meidani-Moisiu-Topi-Nishani, nuk pranuan të jepnin shtetësinë shqiptare Kryepeshkopit të nderuar duke treguar se ishin kryekëput në mos e paragjykonin problemin, ata ishin të kapur nga politikat pseudo-nacionaliste që gëlonin dhe gëlojnë edhe sot në kokat e politikanëve shqiptarë.
U desh një 25 vjeçar, që Presidenti i sotëm Ilir Meta, pavarësisht problemeve që egzistojnë për personin e tij, tregoi emancipimin e tij politik duke i dhënë shtetësinë shqiptare Kryepeshkopit të Nderuar 88 vjeçar Anastas. Në fjalën e tij ditën e Krishtlindjeve ai përmëndi se sot (bëhet fjalë për dje -25 dhjetor) Kryepshkopi Anastas u bë qytetari më i ri i shtetit shqiptar, duke bërë aluzion me fjalën `I ri` sepse Kryepeshkopi është i moshuar dhe e kundërta e të riut.
Është pjesërisht e vërtetë idea e Artan Hoxhës që Presidenti i sotëm Meta…. `I dha fund budallallëkut kolektiv` për mosdhënien e shtetësisë shqiptare për 25 vjet Kryepeshkopit, por është e vërtetë gjithashtu edhe se përveç budallallëkut kolektiv të politikës, egziston dhe paragjykime të forta kundër orthodoksve shqiptarë të cilët me qëllim quhen si `grekë` (gjë që nuk ka asgjë të keqe nëse bëhej fjalë për popull), i cili nxitet nga qarqe agresive brënda vëndit (të nxitur nga injoranca e tyre historike), por dhe ato jashtë vëndit (politikat e fqinjëve të jugut dhe serbia të cilët kërkojnë një Shqipëri e Kosovë të përçarë dhe të destabilizuar), të cilat duke kujtuar të kaluarën, përpiqen ti hedhin benzinë zjarrit ditët e sotme, në një kohë kur faktori shqiptar është optimizuar dhe kërkon të integrohet gjërësisht në BE, si Shqipëria ashtu dhe Kosova.
Sigurisht paraqitja e veprës se Ringjalljes së Kishës Autoqefale Orthodokse të Shqipërisë nga ana e Kryepshkopit Anastas tregon më së miri se, pavarësisht kundërshtive dhe kundërshtarëve, Komuniteti Orthodoks i Shqipërisë është më afër Zotit nëpërmjet kishave të ndërtuara dhe rindërtuara, nëpërmjet klerikëve të diplomuar, nëpërmjet predikimit në shqip, nëpërmjet ngritjes së institucioneve arsimore dhe shëndetësore me bekimin e Krepshkopit Anastas, nëpërmjet njohjes së KOASH në gjithë botën, nëpërmjet pranisë së Kryepeshkopit si anëtar honorifik i shumë instituvioneve ndërkombëtare religjioze ose jo-religjioze, nëpërmjet ndihmave të shumta për të varfërit si menca, shtëpi për të moshuarit, nuk harrohen ndihma për rrefugjatët kosovarë në 1999 të cilat disa qarqe politikës të Kosovës e kanë harruar ose bëjnë sikur `nuk ishte ndonjë gjë ndihma prej 1 milionë dollarësh të atëhershëm`, etj, etj..
E kam përmëndur disa herë se: ``nëse Kryepshkopi i parë i shqiptar Fan S. Noli e bëri Jezu Krishtin të flaës shqip, Krypeshkopi Anastas e ringjalli nga vdekja komuniste Kishën Orthodokse Autoqefale të Shqipërisë``.
Mund të thuhen plot gjëra në favor, por në përfundim mund të them se dhënia e Shtetësisë shqiptare, tregon se Shqipëria edhe nëpërmjet Presidentit Meta, ka bërë një hap të rëndësishëm dejt integrimit në BE.

Dua te bej nje korrigjim, se ndoshta te ka shpetuar. Shifra e ndihmes per kosovaret ne 1999 eshte 13 milione dollare (jo 1 milion). Tashti kjo njohje nuk i ben ndonje nder Kryepiskopit, perpos vete Presidentit Meta. Me nje lule (Meta) nuk vjen pranvera thote populli. Nuk hyhet ne BE vetem me nje president. Vete vonesa nje cerek shekullore, eshte skandaloze per BE-ne. Me kete kut BE mat mirenjohjen tone, e cila ka munguar per Fortlumturine e Tij. A thua beson se do t`i jemi mirenjohese BE-se??? Te falenderoj Pirro per kete artikull, por te siguroj se armiqte e Kryepiskopit mbeten te njejtet, bile jane egersuar edhe me. Per mendimin tim mos merremi me me ta. Le te vazhdojne ne rrugen e tyre, si marku, etj.

[Neteorm]

Marrja e nënshtetësisë shqiptare nga ana e Janullatosit, nuk ka shkaktuar reagime vetëm në Shqipëri, por është kthyer në një kryelajm edhe në Greqi.

Të gjithë mediat greke e kanë pasqyruar këtë lajm, ndërsa ka reaguar edhe politike greke, me në krye ministrin e Jashtëm, Kotzias.

Raportohet ndërohë, se edhe presidenti grek, Prokopis Pavlopulos, ka zhvilluar një bisedë telefonike me Janullatos, të cilit i shprehu urimet më të mira për festën e Krishtlindjeve dhe “kënaqësinë e tij të sinqertë për dhënien e shtetësisë shqiptare, një veprim që vulos sjelljen e tij disavjeçare shembullore dhe si një një qytetar shembull i Shqipërisë”.

Pavlopulos do të komunikojë me telefon të marten edhe me Metën, për t’i shprehur atij falenderimet e pse i dha pasaportën shqiptare Janullatosit.

Ajo që nuk kuptohet, është fakti pse janë ngazëllyer kaq shumë drejtuesit më të lartë të shtetit grek dhe mediat e këtij vendi, me faktin që Janullatos ka marrë nënshtetësinë shqiptare./gazetatema

[SERAFIM DILO]

Ne kete lajm te habit gezimi i pales greke. Dihet qe Janullatosi eshte nje personazh ne Greqi por gjithe ky gezim e lumturi sikur nuk ka nje shpegim llogjik per marjen e nje neshtetesie.
Nga gjithe ky gezim mendoj qe per nje muaj nuk do kemi probleme me doganiret e greqise dhe ka mundesi qe doganiret te na presin ne kufi me haeng.

[ilia spiro]

Ne kete lajm te habit gezimi i pales greke. Dihet qe Janullatosi eshte nje personazh ne Greqi por gjithe ky gezim e lumturi sikur nuk ka nje shpegim llogjik per marjen e nje neshtetesie.
Nga gjithe ky gezim mendoj qe per nje muaj nuk do kemi probleme me doganiret e greqise dhe ka mundesi qe doganiret te na presin ne kufi me haeng.

Per kete njohje gezohen te gjithe njerezit e qyteteruar kudo ne bote, besimtare e laike, per c`ka bere e ben Anastasi per ta. Gezohemi edhe ne orthodhokset shqiptare qe se paku u pranua nga politika, si njeri nga ne. Te uroj mos keni me probleme ne kufi. Si "personazh" Kryepiskopi nderohet kudo ne bote dhe me pak se kudo ne Shqiperi (per turpin tone).

[pirro10]

Ke te drejte. Nuk e kisha konfirmuar totalin. Thashe vetem per kestin e pare te ndihmes.

[SERAFIM DILO]

Janullatosit i ka ardhur koha te japi dorheqjen,e ka plotesuar misionin e vete.

Kisha ortodokse ka nevoje te merret me politike te brendshme,dhe kete mundet ta beje vetem nje shqiptar. Te bejne fetarin per te cilen jane zgjedhur nga Zoti,te adresojne dhe ndihmojne popullin. Ti behen barriere kesaj klase politike duke mos pranuar politikanet te hyjne neper kisha e xhamia sepse jane parada qe ofendojne vete profesionistet e fese ne rradhe te pare.
U be 27 vjet ne ate vend dhe nuk doli nje fetar qe ti mbash mend emrin. Jo se kemi qene ndonjehere vend ku profesionistet e fese kane qene dhe aq te ndritur por gjithmon ka dale ndonje kokerr qe te pakten mobilizonte masat shpirterisht. Nga ana e mobilizimit te fese ne shoqeri jemi ne nje shkretetire te plote.

Mire qe ka ndonje ndertim kishe dhe xhamie dhe ndonje feste ku shkojne politikanet qe i jepet mundesia fetareve te dalin ne televizion...se po mos te ishin keto do dukeshim si vend ateist.

[Albo]

Presidenti Meta: Shikojeni Kryepeshkopin Anastas si njeri te Zotit



Presidenti Meta ishte i ftuar këtë të enjte në “Opinion” te Blendi Fevziu. Në fillim u pyet për dhënien e nënshtetsisë Kryepeshkopit Janullatos. Me pas ishte pyetja në lidhje me votën e Shqipërisë në OKB kundër SHBA. Presidenti Meta tha se “Kurrë nuk e mendoja se Shqipëria do votonte kundër SHBA”. Më tej ai vazhdoi se SHBA është aleati ynë më i madh strategjik dhe nuk duhej të votohej kundër tyre.

Në lidhje me nënshtetsinë për Janullatos ai tha se “Jam shumë i bindur për drejtësinë e këtij vendimi sepse Fortlumturia e Tij i plotëson të gjitha kriteret por sepse Ai ringriti nga hiri Kishën Autoqefale të Shqipërisë duke e bërë atë sot në një nga kishat më të nderuara në botë”, tha Meta në një intervistë për Opinion, teksa shtoi se së pari shtë detyrim ndaj besimtarëve ortodoksë shqiptarë.


Presidenti bëri një apel kur kërkoi që Janullatosin ta shohin vetëm si misionar dhe njeri të Perëndisë. “Ju ftoj të gjithë të ndajmë cështjen e origjinës së Janulloatosin nga cështja e besimit. Ai është personalitet i besimit, misionar dhe nnjeri i Perëndisë i cili ka bërë shërbime të jashtëzakonshme Kishës sonë Ortodokse Autoqefale të Shqipërisë. Besimet kanë lindur para shteteve dhe kombeve dhe unë jam i bindur se ardhmja e Kishës Ortodokse Autoqefale të Shqipërisë është më e ndritur dhe e sigurt falë edhe kontributit historikut të Janullatosit”, theksoi kreu i shtetit.

Ilir Meta u pyet për raportet me Kryeministrin Rama, për Monika Kryemadhin, për Lulzim Bashën, Doktorin,etj

Intervista e plotë e Presidentit Ilir Meta:

Gazetari: Do të thoja se kjo intervistë sot normalisht duhet të kishte qenë një intervistë më shumë festive, e përqendrua në fund të vitit te atmosfera e festave, megjithëse këtë vit nuk po ndihet aq shumë se sa vitet e tjera. Duket pak më e ndrydhur. Ndërkohë ju keni ndërmarrë disa zhvillime politike që ju kanë sjellë në qendër të vëmendjes, edhe pse presidenti i ri është gjithmonë protagonist.

E para është ajo që lidhet me Janullatosin, me faktin që ju i keni dhënë pasaportën, duke u bërë i pari president pas disa presidentësh, që i jep shtetësinë shqiptare kreut të Kishës Ortodokse Autoqefale Shqiptare. E dyta jeni bërë protagonist me një letër që i keni çuar Presidentit amerikan, Donald Trump lidhur me votimin që Shqipëria ka bërë për rezolutën e propozuar në Organizatën e Kombeve të Bashkuara për të dënuar aktin e SHBA-ve që e zhvendosi ambasadën amerikane nga Tel-Avivi në Jeruzalem. Njëkohësisht ka pasur disa zhvillime në Parlament ku nuk keni qenë ju protagonist, por ka qenë bashkëshortja juaj dhe shumë e fortë, por edhe një seri pyetjesh që lidhen me zhvillimet politike. Shpresoj që ju të jeni sa më i hapur dhe i drejtpërdrejtë!

Pyetja e parë është gati e menjëhershme: Kush jua kërkoi që t’i jepni shtetësinë shqiptare Anastas Janullatosit? Ishte një, po e quaj, një shërbim që i bëtë Greqisë? Ishte një tentativë për të ulur tensionet me këtë vend apo ishte një bindje e juaja që Anastas Janullatosi e meritonte shtetësinë shqiptare?

Presidenti Meta: Absolutisht ishte një bindje e ime e plotë institucionale…

Gazetari: Dhe nga ishte krijuar kjo bindje, zoti Meta?

Presidenti Meta: … për shkak të ligjit për shtetësinë, ku mund të theksoj se Fortlumturia e Tij i plotësonte të gjitha kriteret…

Gazetari: Brenda këtij ligji duhet të jetë edhe fakti që ai duhet të flasë shqip,në mos gaboj…?

Presidenti Meta: Nuk besoj se trajneri ynë shumë i dashur De Biazi flet shqip apo e flet më mirë shqipen se sa Fortlumturia e Tij, për të mos përmendur edhe mjaft raste të tjera. Së dyti mendoj që në këtë mënyrë i kam bërë një shërbim shumë të mirë…

Gazetari: … Kujt ia keni bërë këtë shërbim?

Presidenti Meta: …Kishës Ortodokse Autoqefale të Shqipërisë, të cilën Fortlumturia e Tij e ringriti nga hiri i trashëguar nga sistemi komunist dhe është sot një nga kishat më të nderuara në botë…

Gazetari: … por u ringrit nga një…

Presidenti Meta: …falë, në veçanti të, personalitetit të tij. Dhe është një detyrim ndaj gjithëve besimtarëve ortodoksë në vendin tonë dhe ka qenë edhe një kërkesë e vazhdueshme e shumë personaliteteve të shquara të vendit tonë: doktorë, rektorë, ish-dekanë, emra nga më të shquarit të mjekësisë, të shkencës…

Gazetari: …Po si shpjegohet zoti Meta, që të paktën katër presidentë njëri pas tjetrit kanë refuzuar që t’i japin pasaportën shqiptare Anastas Janullatosit?

Presidenti Meta: Do të theksoja se është tjetër refuzimi…

Gazetari: …Presidenti Berisha, Presidenti Meidani, Presidenti Moisiu, Presidenti Topi, Presidenti Nishani. Jeni i gjashti, pra pas pesë presidentëve, të cilët kanë refuzuar që ta bëjnë shtetas shqiptar Anastas Janullatosin. Ju keni vendosur që ta bëni këtë gjë.

Presidenti Meta: Mendoj se nuk ka pasur ndonjë refuzim. Ka pasur mosdekretim. Ka qenë një kërkesë në pritje.

Gazetari: Ishit i bindur kur e firmosët këtë dekret?

Presidenti Meta: Kam qenë shumë i bindur dhe sot jam akoma më i bindur, dhe në të ardhmen do të jem edhe më i bindur, sepse më vjen keq, por ne ende vazhdojmë të politizojmë çështjen e besimit…

Gazetari: Nuk është çështje politizimi zoti Meta. Kam përshtypjen se Kisha Autoqefale Shqiptare që prej fillesave të saj në statutin e Korçës në vitin 1929 në mos gaboj, e më pas me rikonfirmimet e Kristofor Kisit ka qenë një kishë që duhej të drejtohej nganjë prift, ose një peshkop shqiptar. Në fakt Anastas Janullatosi nuk ka qenë një peshkop shqiptar në momentin kur ka ardhur në krye të KOASH-it, por ka pasur shtetësi greke. Dhe historia e KOASH-it ka qenë një histori përplasjesh me Kishën Ortodokse Greke. As me atë ruse, as me atë malazeze, as me atë maqedonase.

Presidenti Meta: Jam dakord me ju. Nuk i heq asnjë presje. Dhe do të kishte qenë shumë më mirë që kryepeshkopi i parë pas komunizmit dhe pas lejimit të ushtrimit të lirë të besimeve në Shqipëri të kishte qenë shqiptar.

Por për shkak të të vërtetave, duhet të themi se edhe Kristofor Kisi që përmendët, edhe Visarion Xhuvanin që ju nuk e përmendët…

Gazetari: Jo, jo, është një numër i madh. Kjo histori nis me Fan Nolin në vitin 1900 e…, vitit 1910 në mos gabohem…

Presidenti Meta: Dakord! Dakord! Patjetër! Gjithë këto personalitete të Kishës sonë Autoqefale nuk i persekutoi, nuk i denigroi, nuk i dhunoi as Kisha greke, as Fortlumturia e Tij, por meqenëse…

Gazetari: Jo, ato i bëri diktatura komuniste.

Presidenti Meta: …po diktaturën ne e bëmë dhe disa prej tyre vazhdojnë akoma të ushqejnë këtë frymë tepër negative. Dhe mbaj mend, sepse më ka bërë shumë përshtypje para dhjetë vitesh, kur djali im ishte ndoshta gjashtë vjeç, dhe po shikoja në ‘Eksplorer’ një emision për periudhën e komunizmit në vendin tonë. Thashë ta pyes njëherë djalin se çfarë ideje kishte për periudhën e komunizmit dhe vërtet doja të dija si mendonte një fëmijë, më të cilin nuk kishim folur kurrë për të kaluarën e Shqipërisë. ‘Komunizmi varte priftërinj.’ – më tha.

Prandaj nga gjërat e rënda që ai mund të kishte parë, mund të kishte dëgjuar, mund të kishte perceptuar për atë sistem është që ‘Komunizmi varte priftërinj.’

Dhe unë kur dëgjoj ende një retorikë shpesh herë të papërgjegjshme ndaj Fortlumturisë së Tij apo ndaj Kishës në tërësi, më kujtohet ajo që djali më ka thënë, që një fëmijë mund të thotë se si e ka perceptuar ai regjimin komunist.

Po kështu më kujtohet edhe gjyshja kur isha i vogël, kur shkoja në fshat në Skrapar, e cila kur donte të na bënte presion ne, fëmijëve që duhet të mos bënim zhurmë e të flinim gjumë, na thonte: ‘Erdhi greku! Erdhi greku!’”

Gazetari: Po, për arsye të kontekstit historik që…

Presidenti Meta: …Po, për arsye të luftrave me grekët në ato zona, siç kishin luftuar në Kolonjë, në Panarit, në Korçë e kështu me radhë, dhe me grekun trembeshin fëmijët që të silleshin mirë.

Gazetari: …bëhej fjalë për hyrjen e grekëve në Luftën e Dytë Botërore në mos gaboj, për Luftën Italo-Greke?

Presidenti Meta: Mund t’ju them se unë vetë kam pasur shumë paragjykime për Fortlumturinë e Tij, deri në vitin 2000, sepse në vitet ’90-të ka pasur shumë përplasje mes Shqipërisë e Greqisë dhe gjithmonë këto përplasje janë shkarkuar në mënyrë të padrejtë te figura e te personaliteti i tij, por në vitin 2000…

Gazetari: …por edhe te emigrantët zoti Meta, të cilët hipeshin nëpër autobusë dhe ktheheshin mbrapsht sikur të ishin sardele… dhe jo sikur të ishin njerëz?

Presidenti Meta: … Po patjetër! Patjetër! Në vitin 2000 kur kam qenë kryeministër kam vizituar Kishën e Bostonit të At Artur Liolinit dhe kam bërë një bisedë me të vetëm për vetëm për këtë çështje.

Gazetari: Dhe cila ishte përgjigja që ju dha?

Presidenti Meta: Ai më sugjeroi një gjë, të cilën unë i ftoj të gjithë ata që janë të arsyeshëm, që ta kenë në konsideratë, kur flasin për një çështje të tillë dhe për një personalitet të tillë që mos e shikoni nga origjina e tij, por shikojeni si një njeri të besimit!

Gazetari: Atëherë unë do të doja…

Presidenti Meta: Dhe jo vetëm kaq, por pak më vonë dhe ju po të doni mund ta klikoni edhe në internet e ta kërkoni në ‘Google’, At Liolini ka dhënë një intervistë në mos gaboj në vitin 2008, kur përkujtohej një përvjetor shumë i rëndësishëm i meshës së parë shqip në Boston, dhe kur disa shqiptarë kishin paralajmëruar që do të bojkotonin, sepse edhe Fortlumturia e Tij ishte i ftuar të merrte pjesë, dhe ka thënë që: ‘Edhe Imzot Noli, po të ishte gjallë, do ta priste dhe do ta respektonte.’”

Gazetari: Ju e mbani mend që fillesat e Kishës Autoqefale…

Presidenti Meta: I ftoj të gjithë që ta shikojnë si njeri të besimit, sepse besimi ka lindur edhe para shteteve, edhe para kombeve…

Gazetari: Por duhet ta keni parasysh që në vitin 1908 Fan Noli u dorëzua prift, sepse një prift i Kishës Ortodokse Greke nuk pranonte të kryente shërbesat fetare ndaj një djali shqiptar me mbiemrin Dishnica, se ai kishte luajtur një rol në aktivitetin kombëtar shqiptar…

Presidenti Meta: Jam shumë dakord! Kam lexuar që i vogël, dhe besoj se e keni lexuar edhe ju ‘Pishtarët’ të Sterjo Spases.

Kemi parë filma dhe ato që kanë ndodhur janë të vërteta.

Duhet të kemi parasysh se Fortlumturia e Tij nuk ka ardhur këtu si përfaqësues i Kishës greke.

Por ka ardhur këtu si Ekzark i Patriarkanës së Stambollit dhe ka ardhur këtu për shkak të personalitetit të tij të jashtëzakonshëm, edhe ndërkombëtar dhe të sukseseve të jashtëzakonshme që ka pasur për rindërtimin e kishave e të besimit në Afrikën Lindore e të shumë rajoneve të tjera.

Pra ka ardhur për shkak të emrit, të personalitetit, dhe jo për shkak të kombësisë apo origjinës së tij.

Gazetari: Nëse Hirësia e Tij… për hir të së vërtetës ka luajtur rol në ringjalljen e besimit ortodokset, në rindërtimin e objekteve të kultit, në strukturimin…

Presidenti Meta: Si ka luajtur?

Gazetari: Ka luajtur një rol të rëndësishëm…

Presidenti Meta: Nuk ka luajtur një rol të rëndësishëm. Ka luajtur një rol historik dhe të jashtëzakonshëm!

Gazetari: Por ky rol i tij i jashtëzakonshëm zoti Meta ka qenë gjithmonë dhe në një pikë që ka çeduar – ka qenë raporti që ai ka pasur me Greqinë. Unë mbaj mend që në vitin 2006 njëri nga deputetët e Parlamentit të Shqipërisë i kërkoi atij që të mbante një përshpirtje fetare për shqiptarët ortodoksë çamë, të cilët u masakruan në vitin 1944 dhe Hirësia e Tij nuk ktheu asnjë përgjigje. Hirësia e Tij në rastin e vitit 2006 po ashtu, ose në vitin 2007, më fal, për çështjen e Kosinës në Përmet që ju e mbani mend shumë mirë, kur prifti lokal dhe një pjesë lokalësh nxorën eshtrat e të parëve të tyre që t’i shisnin për eshtrat e ushtarëve grekë, refuzoi t’i përgjigjej shtypit shqiptar. Sa herë që ka pasur përplasje me Greqinë, Hirësia e Tij nuk ka bërë asnjë deklaratë. Ndërkohë që ka një rol në këtë drejtim, nuk ka guxuar kurrë që të mbajë një qëndrim…

Presidenti Meta: Mos u përpiqni as ju, dhe askush që ta bëjë Fortlumturinë e Tij pjesë të debateve politike, të lëvizjeve politike në vend.

Ai padyshim që ka lidhje me Greqinë, sepse ka lindur, është rritur, është edukuar atje për një pjesë të mirë të kohës.

Është i interesuar padyshim që marrëdhëniet të jenë sa më të mira, sa më paqësore midis dy vendeve.

Besoj se në vazhdimësi është vënë re kontributi i tij në këtë drejtim pa interferuar me valencat e ndryshme politike këtu apo atje.

Dhe e theksoj edhe një herë: Duhet të keni në konsideratë kur flasim për këtë personalitet faktin që ai është një njeri i besimit! Nuk duhet të shohim thjesht që…

Gazetari: Unë ju fola për besimin, zoti Meta. Nuk ju fola për… Ju fola për një gjest, për një përshpirtje ndaj shqiptarëve çamë ortodoksë që kanë vdekur atje. Në fund të fundit priftërinjtë, njerëzit e besimit shkojnë te ushtarët armiq përpara se të vdesin dhe u kryejnë shërbimet fetare.

Presidenti Meta: Jo, kjo nuk është… një pyetje për mua.

Gazetari: Para Zotit të gjithë njerëzit janë të barabartë.

Presidenti Meta: Kjo është një pyetje për Forlumturinë e Tij apo për zëdhënësin e Kishës, sepse nuk është normale që qoftë edhe një president apo kushdo politikan t’i japë direktiva Kishës….

Gazetari: …dhe si shpjegohet zoti Meta, se më shumë se sa ortodoksët shqiptarë, se sa komuniteti ortodoks dhe personalitetet shqiptare, pati një entuziasëm në politikën greke? Ministri i Jashtëm grek e përshëndeti. Sipas informacioneve që kam unë dhe një numër i madh politikanësh grekë janë treguar entuziastë.

Presidenti Meta: Së pari të gjithë besimtarët ortodoksë shqiptarë që besojnë, janë tepër të lumtur.

Shumë prej tyre, nuk po përmend emra, personalitete janë shprehur edhe publikisht, njerëz të ndritur të shoqërisë sonë, figura intelektuale, rektorë, ish-rektorë, dekanë,…

Gazetari: Ju kanë përshëndetur?

Presidenti Meta: …mjekë, njerëz nga më të njohurit, shkencëtarë, janë tepër të lumtur dhe e konsideronin si një padrejtësi apo si një ngërç faktin që nuk i ishte dhënë shtetësia Fortlumturisë së Tij.

Jo thjesht e vlerësojnë, por unë kam bindjen që e adhurojnë, sepse ka dhënë një kontribut që ne nuk e njohim, sepse ne shkojmë në kishë vetëm kur janë Krishtlindjet apo kur janë Pashkët, por ata që janë besimtarë janë mjaft të lidhur jo vetëm me shërbesat fetare por edhe ato sociale që ofrohen nga kisha.

Gazetari: …po, me përditshmërinë e shërbimeve…

Presidenti Meta: …me shërbimet sociale të jashtëzakonshme që Kisha Ortodokse Autoqefale e Shqipërisë ka ofruar jo vetëm për besimtarët ortodoksë, por edhe për qytetarë të zakonshëm.

Dhe të mos harrojmë që një vend ku gjithçka u rikrijua nga hiri i komunizmit.

Ku u shkatërruan jo vetëm kishat, por edhe xhamitë, por edhe gjithçka tjetër, kur iu vu kazma afreskeve shekullore, mijëravjeçare, kur kishat apo objektet e kultit u shndërruan në stalla dhe magazina…

Gazetari: …Kjo ndodhi me të gjitha besimet fetare në Shqipëri, nuk ndodhi vetëm me kishat ortodokse. Ka qenë më masakër ndaj Kishës Katolike…

Presidenti Meta: Patjetër! Të mos harrojmë atë punë të jashtëzakonshme që është bërë për rindërtimin e këtij besimi e të kishës, jo vetëm nga ana materiale, por edhe nga ana shpirtërore. Edhe nga ana përmbajtësore, nga ana gjuhësore, përmes përkthimeve në shqip të liturgjive. Përveç disa liceve kishtare, kemi Akademinë e Durrësit, të Shën Vlashit, e cila përgatit drejtues të Kishës dhe janë gati 150 a më shumë drejtues shqiptarë të Kishës sonë Ortodokse që janë formuar në këtë Akademi.

Gazetari: …kemi edhe Manastirin e ndërtuar pa leje ku do të varroseshin eshtrat e ushtarëve grekë… zoti Meta. Që është unikale që një kishë të ndërtojë pa leje për të bërë gati varrezat e ushtarëve grekë…

Presidenti Meta: Për këto çështje mund të pyesni edhe Kishën zyrtarisht së pari. Së dyti, mund të pyesni edhe Komitetin e Kulteve, sepse shteti ka një komitet kultesh, i cili i ndjek marrëdhëniet me to.

Gazetari: …por ju keni qenë në dije… të presionit që ka bërë Greqia për ndërtimin e varrezave në Shqipëri…?

Presidenti Meta: Më falni! Ajo është një çështje tjetër dhe çështja e Kishës Ortodokse Autoqefale të Shqipërisë është një çështje tjetër…

Gazetari: … Atëherë si e shpjegoni ju entuziasmin…?

Presidenti Meta: … përpjekja për ta lidhur gjithmonë sa herë ka probleme mes Shqipërisë dhe Greqisë me figurën e ndritur të Fortlumturisë së Tij është shumë e gabuar.

Kjo vjen ose nga mungesa e informacionit, ose është e sponsorizuar për qëllime politike.

Dhe e dyta përmes saj është synuar, disa herë jam i bindur edhe qëllimisht, dhe synohet të denigrohet i gjithë komuniteti ortodoks në Shqipëri…

Gazetari: Jo, kjo nuk është e vërtetë! Nuk kemi pse denigrojmë komunitetin…

Presidenti Meta: …tani më vjen keq! Dhe jo vetëm kaq, por ndonjëherë të paraqiten të gjithë shqiptarët ortodoksë sikur janë grekë, gjë që nuk është absolutisht e vërtetë.

Prandaj unë do t’i ftoja të gjithë të ndajnë çështjen e origjinës së Kryepeshkopit tonë, i cili tani është edhe shtetas i Shqipërisë, nga çështja e besimit.

Besimi është një çështje tjetër, dhe ai është personalitet i besimit mbi të gjitha.

Gazetari: Dhe si e shpjegoni ju zoti Meta entuziasmin e ministrit të Jashtëm grek në këtë rast, kur normalisht nuk ka përse të entuziasmohet aq shumë kur një grek merr shtetësinë shqiptare? Duhet të ndodhte e kundërta.

Presidenti Meta: Kollokotroni ka thënë: ‘Edhe grekët më të çmendur nuk e braktisin kurrë Zotin!’ Dhe ne e dimë që populli grek është një popull mjaft besimtar, pothuajse homogjen në besimin ortodoks.

Gazetari: Po. E ka të deklaruar edhe në pasaportë.

Presidenti Meta: Jo vetëm kaq, por edhe marrëdhëniet mes kishës dhe shtetit kanë qenë gjithmonë shumë të forta. Duhet të keni parasysh që jo vetëm ministri i Jashtëm, i cili më ka telefonuar atë ditë, Presidenti…

Gazetari: …edhe Presidenti i Greqisë?…

Presidenti Meta: … Po, lajmi doli nga agjencia zyrtare greke. Ishte lajm që e nxorën ata, por edhe shumë politikanë…

Gazetari: …grekë, gjithmonë?…

Presidenti Meta: …po, më kanë falenderuar shumë politikanë nga forca të ndryshme, përveç se nga ‘Agimi i Artë’.

Edhe shumë shqiptarë, të cilët jetojnë atje, edhe kolegë tuajt gazetarë dhe do t’jua jap shpejgimin, sepse janë disa arsye. E para, nuk ka të bëjë me faktin se një kryepeshkop me origjinën greke mori shtetësinë shqiptare. Kjo ka të bëjë me faktin që Fortlumturia e Tij nuk është një klerik i zakonshëm jo vetëm për grekët…

Gazetari: …Përse nuk është i zakonshëm?

Presidenti Meta: …është një erudit, një shkencëtar në fushën e besimit, të teologjisë, është një filozof, një mendimtar, një krijues, një misionar, është një idealist.

Kështu që duhet të kemi parasysh se janë ndërtuar njëqind e pesëdhjetë kisha të reja, përfshirë edhe katedralen madhështore e të jashtëzakonshme në qendër të Tiranës dhe janë rindërtuar e restauruar rreth treqind objekte kulti të shkatërruara e të rrënuara në gjithë vendin.

Gazetari: …kjo ka ndodhur me të gjitha komunitetet…

Presidenti Meta: …dhe kjo ka ndodhur për shkak të reputacionit të tij të jashtëzakonshëm ndërkombëtar dhe të besimit që kanë pasur në administrimin e drejtë dhe me përkushtim të ndihmave të dhëna.

Gazetari: …dhe të financimit grek… apo jo, sepse një pjesë e madhe e të ardhurave kanë ardhur nga…?

Presidenti Meta: …Një pjesë mund të ketë qenë e tyre, por mos harroni se nga Amerika, nga Danimarka, nga e gjithë bota, sepse është vetë figura e tij mjaft e besueshme për të realizuar një administrim vërtet të admirueshëm.

Gazetari: Zoti Meta, ju shkoi ju ndër mend…? Apo jua kërkuan grekët, autoritetet greke që ta firmosnit dekretin e shtetësisë?

Presidenti Meta: …Autoritetet greke nuk më kanë kërkuar një gjë të tillë, të paktën për këtë periudhë që jam në këtë detyrë, sepse nuk kam pasur raste për takime të ndryshme, pavarësisht se askush nuk ka arritur ta kuptojë pse një figurë, që drejton Kishën Ortodokse Autoqefale të Shqipërisë nuk duhet ta marrë shtetësinë, kur atë e merr kushdo që plotëson disa kushte minimale të përcaktuara nga ligji.

E theksoj edhe njëherë tjetër, jo vetëm plotësoheshin të gjitha kushtet e ligjit, por në radhë të parë ishte detyrim ndaj Kishës Ortodokse Autoqefale të Shqipërisë, ndaj besimtarëve ortodoksë në Shqipëri dhe në shërbim e në funksion të bashkëjetesës midis komuniteteve tona fetare, ku Fortlumturia e Tij gjithmonë ka dhënë një kontribut të çmuar.

Gazetari: A kishte një marrëveshje mes jush dhe Janullatosit që ju t’i jepnit shtetësinë dhe ai të deklaronte se pasardhësi i tij do të jetë shqiptar, siç deklaroi?

Presidenti Meta: Nuk ka pasur një marrëveshje të tillë, por unë ua thashë që ai është njeri i besimit. Është një njeri i Perëndisë.

Ai është një misionar, i cili jo vetëm që ka një mision që pothuajse e ka realizuar në kuptimin e rindërtimit nga hiri të Kishës Autoqefale Ortodokse të Shqipërisë, por ka edhe një vizion për të ardhmen.

Dhe këtë vizion besoj se e shprehu shumë qartë në një nga televizonet kryesore të Greqisë ku u shpreh qartë se pasardhësi i tij në krye të KOASH-it do të jetë shqiptar dhe…

Gazetari: …Varet. Do të jetë shqiptar me pasaportë të marrë apo do të jetë shqiptar me pasaportë të lindur se këto janë dy gjëra të ndryshme, zoti Meta?

Presidenti Meta: Atëherë ma dëgjoni deri në fund shpjegimin që ka dhënë Fortlumturia e Tij dhe mund ta ritransmetoni ndoshta kur të keni mundësi në fillimin të vitit tjetër! E para, do të jetë shqiptar. E dyta, ‘nuk kemi shkuar atje për të krijuar një koloni, në Shqipëri’, pra për të helenizuar Kishën Ortodokse Autoqefale Shqiptare apo akoma edhe më tej. E treta, ka thënë në televizionin grek, me gazetarin grek dhe për opinionin publik të Greqisë që “si do të na vinte ne sikur në krye të Kishës sonë të kishim një bullgar apo një serb…’

Atëherë kjo tregon një vizion të qartë, një përkushtim të qartë, ashtu sikurse ma kanë kërkuar disa të tjerë drejtues të lartë të Kishës Ortodokse Autoqefale të Shqipërisë. Ma ka kërkuar prej kohësh Imzot Joani në Korçë, është një nga drejtuesit më të njohur të Kishës sonë, dhe shumë klerikë të tjerë shqiptarë të kishës tonë.

Presidenti Meta: Më duket se isha shumë i qartë. Dhe problemi ynë me Greqinë në të ardhmen lidhur me këtë figurë, e dini se cili do të jetë? Pas njëzet vitesh apo tridhjetë vitesh?

Gazetari: Cili do të jetë?

Presidenti Meta: Do të kemi prapë një debat, por ne do të përpiqemi ta paraqesim sa më shqiptar…

Gazetari: …ata do të përpiqen ta paraqesin sa më grek…?

Presidenti Meta: …nuk thashë këtë gjë, por edhe shumë nga këta që kanë hedhur baltë padrejtësisht ndaj figurës së tij, duke u përpjekur gjithmonë ta shoqërojnë me një problem që ndodh atje apo këtu do reflektojmë.

Gazetari: …aq shumë adhurim po ju shoh për Hirësinë e Tij zoti Meta, saqë më duket sikur do të braktisni bektashizmin, të cilit i përkisni, për t’u bërë ortodoks më duket?

Presidenti Meta: Jo! Mua padrejtësitë më lëndojnë. Po e them me shumë sinqeritet.

Gazetari: Më shumë keni lënduar Baba Mondin me këtë…

Presidenti Meta: Jo! Baba Mondi besoj se është shumë i lumtur. Edhe të gjithë ata që besojnë te Zoti, besoj se janë më të lumtur dhe janë më të qetë.

Dhe unë mendoj se kjo është një ngjarje mjaft pozitive.

Jam tronditur kur kam dëgjuar apo kam lexuar, edhe nga njerëz të ditur apo me shkollë, të cilët thonë: ‘Ka një problem këtu pse po gëzohet kaq shumë Greqia!’ Sepse është një figurë e jashtëzakonshme. Unë mund të kujtoj një letër të Mikis Theodorakis, një nga kompozitorët më të mëdhenj të Greqisë, që po bëhet gati 100 vjeç, që kishte dërguar me rastin e ardhjes këtu në Tiranë të Orkestrës së Mikis Theodorakis, kur erdhi dhe vajza e tij.

Ata kishin ardhur me kërkesë të Fortlumturisë për të dhënë një shfaqje kulturore dhe ai në letrën e tij, të kemi parasysh që Mikis Theodorakis është edhe pak më i majtë seç duhet, edhe revolucionar…

Gazetari: …si shumë i majtë.

Presidenti Meta: Nuk është nga ata që besojnë më shumë se kushdo, por më ka ngelur në mendje se si i drejtohej ‘Anastasi i zemrave tona’. Pra, është një njeri që ka një vlerësim, ka një ardhurim jo vetëm në Greqi..

Gazetari: Paskan përcjellë të gjithë pak nga adhurimi i tyre tek ju zoti Meta!

Presidenti Meta: Unë gjithmonë kam admiruar durimin, qetësinë e tij.

Gazetari: A u ndjetë keq kur ai mori dekretin e shtetësisë shqiptare dhe nuk tha as ‘Faleminderit!’ në shqip, por foli sërish greqisht. Ose nuk tha të paktën ‘Zoti e bekoftë Shqipërinë’?

Presidenti Meta: Unë besoj që ai i ka bërë shërbime të jashtëzakonshme Kishës sonë Ortodokse Autoqefale të Shqipërisë, Shqipërisë dhe çdo lloj paragjykimi në këtë drejtim më kujton atë që djali më ka thënë për komunizmin kur ishte 6 vjeç, që komunizmi varte priftërinjtë, kjo i kishte ngelur në mendje një fëmije.

Më kujton dhe gjyshen që kur ishim të vegjël na trembte kur bënim zhurmë duke na thënë “erdhi greku-erdhi greku”.

(Pjesa e intervistes qe kish lidhje me dhenien e nenshtetesise shqiptare Kryepeshkopit Anastas)

KLAN

[jessi1999]

Aspak sme pelqen qe mesha ne tirane behet ne gjuhen greke dhe jo ne shqip.
Kusht kryesor duhet t ejete qe te flasi shqip dhe asnjefjale greqisht.
Kjo do te thote zhdukje e ngadalte.

respectoj cdo fe,por imja eshte shqiptarizmi.

[pirro10]

Pa dyshim shqiptarizmi. Por ashtu si myslimanet perdorin arabishten se ajo eshte gjuha nderkombetare e fese islame-ashtu si katoliket perdorin latinishten se ajo eshte gjuha nderkombetare e fese katolike-ashtu dhe greqiahtja eshte gjuhe nderkombetare e orthodoksise.
Keshtu mos u tremb.
Shqiperia sot nuk mund te shkaterrohet dhe as te genjehet me nga fqinjet.

[Albo]

Aspak sme pelqen qe mesha ne tirane behet ne gjuhen greke dhe jo ne shqip.
Kusht kryesor duhet t ejete qe te flasi shqip dhe asnjefjale greqisht.
Kjo do te thote zhdukje e ngadalte.

respectoj cdo fe,por imja eshte shqiptarizmi.

E ke me te degjuar kete qe mesha u beka ne gjuhen greke ne Tirane apo ke shkuar vete ne Kishe dhe ke degjuar meshen ne greqisht? Ne asnje Kishe ne Shqiperi mesha nuk behet ne greqisht, behet ne shqip. Perjashtim bejne vetem disa fshatra te vendit ku jetojne minoritare greke, ne te cilat mesha behet greqisht. Nuk do te beje keq, as ti e as Pirro, qe te shkonit ndonje te diele ne Kishe, qe ta degjoni Liturgjine e Shenjte ne shqip me veshet tuaja.

Albo

[Albo]

KISHA ORTHODHOKSE AUTOQEFALE E SHQIPËRISË
MITROPOLIA E SHENJTË E GJIROKASTRËS


LETËR URIMI I KLERIKËVE DHE BESIMTARËVE
PËR FORTLUMTURINË E TIJ KRYEPISKOPIN E TIRANËS, DURRËSIT
DHE GJITHË SHQIPËRISË IMZOT ANASTASIN



Fortlumturi,

Me respekt të thellë dhe ndjenjë mirënjohjeje nga zemrat tona, Ju përcjellim urimet tona më të ngrohta për Krishtlindjet! Le të bëhet që Zoti ynë që u Lind të bekojë edhe Vitin e Ri 2018!

Viti që lamë pas, Përvjetor i rëndësishëm për Kishën tonë, ngaqë u plotësuan tanimë 25 vjet nga Zgjedhja dhe Fronëzimi Juaj, në krye të Kishës sonë Orthodhokse Autoqefale, kishte edhe një lajm kaq të këndshëm. Presidenti i Republikës së Shqipërisë nxorri Dekretin për akordimin e nënshtetësisë së këtij vendi, për Ju Fortlumturi.

Fryt i lutjeve i gjithë grigjës së Kishës Orthodhokse por njëherësh edhe drejtësim në një përpjekje që veç të tjerash ka lidhje me realizimin në praktikë të barazisë para ligjit dhe shtetit në vend pavarësisht përkatësisë fetare.

Fjalët janë të tepërta për arsyet sepse do të duhej prej kohësh të ishte realizuar ky hap nga ana e shtetit. Nga dita e parë që ndërmorrët veprën titanike dhe në pamje të parë të pamundur, atë të ringritjes nga gërmadhat e persekutimit ateist të Kishës sonë, e dashuruat këtë vend me gjithë fuqinë e shpirtit dhe zemrës suaj. Dashuruat popullin e këtij vendi, që ishin bërë padrejtësi, sikundër shpesh përsërisni. I përkushtuat atij gjithë fuqitë tuaja duke neglizhuar mundime dhe duke e bërë realitet dashurinë tuaj të painteres. Rezultatet përbëjnë një mrekulli. Kisha jonë është sot një nga arritjet më historike të hierapostolisë Orthodhokse bashkëkohore. Kontributi dhe prurja në rilindjen e shoqërisë i ka aq të shumta shembujt e konkrretizimit.

Të gjitha këto kanë vulën Tuaj.

Qoftë edhe përmes kësaj kërkese të tejzgjatur në kohë dhe përpjekjes për vendosjen e së drejtës për marrjen e nënshtetësisë së vendit për të cilin aq shumë kini kontrubuar, përbën shembull të durimit dhe veprimtarisë në bindje të ligjit. Perëndia i dëgjoi lutjet tuaja dhe kërkesën e mbarë komunitetit Orthodhoks.

Fortlumturi, ne si Mitropoli, në të gjitha enoritë e saj dhe institucionit e ofrimit social me të cilat e kini pajisur, ndihemi të privilegjuar dhe aq të plotë në mirëbërje që hiri i Perëndisë, për aq shumë vjet Jua ka sjellë ptanë nesh. Urojmë që të vijojë t’ju dhurojë fuqi dhe ndriçimin e Tij të pasur për të vijuar të na ofroni me përvojë mësimin praktik të dashurisë së Krishterë, të durimit dhe të guximit për të shprsuar akoma edhe në situata parrugëdalje.
Pranoni urimet tona të përulura për një vit akoma të vazhdimit të veprës Suaj shpirtërore!

Lutemi që në mënyrën e duhur të përcillni edhe Presidentit të Republikës falenderimin tonë për vendimin e tij për të miratuar kërkesën diakronike të gjithë besimtarëve Orthodhoksë në Shqipëri lidhur me dhënien e nështetësisë!

Gjirokastër, të Dielën pas Krishtlindjve 2017

· Teksti u lexua në Katedralen e Ngjalljes së Krishtit në Gjirokastër, gjatë Liturgjisë Hyjnore nga Mitropoliti i Gjirokastrës Imzot Dhimitri dhe u firmos nga klerikët dhe besimtarët.

[Albo]

Deklaratë e Mitropolitit të Korçës Hirësi Joanit për shtetësinë shqiptare të Kryepiskopit Anastas

[murik]

A u be Shqiperia me e mire me dhenien e nenshtetesise Janullatosit? Besoj se po. Pavarsisht se jo te gjithe e shohim me te nejtin sy ( besimtare,ateiste,besime te tjera) punen e Janullatosit ne Shqiperi,nje gje eshte e sigurte, qe ky vendim i dha fund nje idiotesie te pakuptimte qe zgjati kaq shume vite. Nese nje i huaj jeton ne Shqiperi per nje numer te caktuar vitesh dhe ploteson te gjitha kushtet per nenshtetesi, dhe e kerkon vete kete nenshtetesi, atehere nuk ka pse t'i rrefuzohet askujt.Dhe Janullatos i ploteson te gjitha kushtet.
Ceshtja tjeter,se a eshte mare edhe me politike drejtperdrejte apo indirekt ne favor te Greqise mbetet per tu diskutuar.
Puna per ringritjen e kishes nuk mund te mohohet,por a eshte me kisha autoqefale? Dyshoj se eshte punuar ne ate menyre qe fuqine kryesore ta kene prifterinjte greke. Edhe nese neser vjen nje kryepeshkop shqiptar,fuqine reale besoj e kane greket dhe veglat e tyre. Nejse kjo eshte teme tjeter, nenshtetesia i duhej dhene me kohe, sepse ishte turp qe per c'do feste i vinin vizite politikanet e zgerdhiheshin para kamerave,nderkohe qe i rrefuzonin nje gje qe i takonte me ligj.

[jessi1999]

Ne te vertet skam hyr asnjehere brenda.E kam pare nga jasht qe eshte nje ndertim kryeveper.
Thjesht nuk me pelqen qe fuqine ta kene greket ne vendin tim.Jam dakort me Murik,no probelem per nenshtetesine por problem per fuqine.
Me frike se neser do na dali nje Palikari nga greqia te na udheheqe shtetin.Pse?Per te mirat dhe investimet qe po ben ne shqiperi.
Une kete e quaj gabim.
Ne jemi aq pak sa keto gjera na gllaberojen fare.

[ilia spiro]

Si formum orthodhoks, se marr vesh c`duan islamiket ketu, po erdugani goxha udheheqes vjen e mbjell minare ne tirane

[murik]

Kush jane islamistet o Spiro? Te shqetesohesh per hallet e vendit tend nuk eshte islamizem. Po ti ca je? Spese menyra se si flet te ben shume te ngjashem me ata islamistet e vertete. Go get a life o Spiridhon