Merret peng nipi i biznesmenit Sulo Shehu

[Beqari002]

Policia: Rrëmbimi i Klajdit mund të jetë dhe një grindje mes adoleshentësh. Biznesmeni kërkon ndihmën e medias

Merret peng nipi i biznesmenit Sulo Shehu

Klajdi Shehu, 17 vjeç, është rrëmbyer forcërisht nga tre persona, teksa udhëtonte me mjetin e tij

VLORË- Merret peng nipi i biznesmenit të fuqishëm në vend, Sulo Shehu. Ngjarja ka ndodhur në orët e vona të mbrëmjes së djeshme, teksa 17-vjeçari Klajdi Shehu kishte lënë palestrën e forcës dhe me mjetin e tij ishte drejtuar për në shtëpi. Burime të policisë, të cilat i referohen edhe dëshmive të marra në vendngjarje thanë për gazetën se sapo 17-vjeçari ka qenë duke udhëtuar me mjetin e tij, kur i kanë dalë përpara tre persona të cilët e kanë marrë forcërisht dhe e kanë futur në automjetin e tyre tip Volsvagen dhe më pas janë larguar në drejtim të paditur. Kanë qenë familjarët e 17-vjeçarit ata që kanë njoftuar menjëherë policinë e cila është vënë në ndjekje të autorëve të krimit, por deri në orët e vona të mbrëmjes së djeshme, uniformat blu nuk kanë rënë në gjurmë të tyre. Burimet thanë për gazetën se ka qenë vetë biznesmeni Sulo Shehu ai që ka njoftuar policinë si dhe mediat e qytetit për rrëmbimin e nipit të tij 17- vjeçar, i cili ishte nxënës në shkollën private "Drita e Dijes" në qytetin e Vlorës. Shehu ka kërkuar nga policia kapjen e rëmbyesve dhe lirimin e nipit të tij, ndërkohë që ka sensibilizuar vetë mediat e qytetit, duke kërkuar ndihmën e tyre për lirimin e nipit të tij.
Rrëmbimi.

Ora kishte kaluar 21:30 të ditës së djeshme, kur 17- vjeçari Klajdi Shehu ka lënë palestrën e forcës në afërsi të qëndrës së qytetit, të cilën e frekuentonte rregullisht dhe me makinën e tij është drejtuar për nga stacioni hekurudhor i udhëtarëve, pa e vënë re se dikush po e ndiqte. Kur makina e drejtuar nga Klajdi Shehu është gjendur pranë ish- fabrikës së makaronave, një autoveturë tjetër i ka prerë atij rrugën, duke e detyruar që të ndalonte. Ka qenë një autoveturë tip Volsvagen , nga e cila kanë dalë tre persona dhe e kanë nxjerë 17- vjeçarin nga makina e tij, duke e futur forcërisht në makinën e tyre, thanë për gazetën burime të policisë të cilat i referohen dëshmive të marra në vendngjarje.
Më pas Volsvageni me të tre rrëmbyesit është larguar me shpejtësi dhe duke përfituar nga errësira e natës ka mundur të largohet në drejtim të paditur. Nuk dihet se kush i ka njoftuar familjarët e 17- vjeçarit për rrëmbimin e këtij të fundit, por bëhet e ditur se ata kanë njoftuar policinë e Vlorës, e cila është vënë menjëherë në gjendje alarmi, duke nxjerrë shumë forca në rrugë. Uniformat blu kanë bllokuar të gjitha kryqëzimet dhe janë vënë në ndjekje të rrëmbyesve të panjohur. Burimet e vona të policisë së Vlorës, bënë të ditur për një grindje midis rrëmbyesve dhe 17- vjeçarit,që mendohet të ketë qenë edhe shkaku i kësaj pengmarrjeje. Megjithatë, policia nuk ka bërë të ditur saktësisht se kush ka qenë shkaku i vërtetë i këtij rrëmbimi, një grindje banale mes adoleshentësh, apo qënia e 17- vjeçarit si nip i biznesmenit të njohur Sulo Shehu.

Kush është Sulo Shehu
Sulo Shehu është një nga biznesmenët më të fuqishëm dhe ndër më të njohurit në vend. Ai njihet si një nga grosistët më të mëdhenj të çimentos në Shqipëri dhe ka një aktivitet prej më shumë se 10 vjetësh. Sulo Shehu nuk njihet për konflikte në qytet, ndërkohë që në qershor të vitit ’99 Alfred Nebiu, i njohur me pseudonimin “Kakami”, i cili kishte vetëm një javë që kishte dalë nga burgu, i ka vënë atij një gjobë prej 238 milionë e 100 mijë liretash. Biznesmeni Shehu ishte lidhur me policinë e Vlorës e cila në atë kohë drejtohej nga Arben Zylyftari, duke i treguar edhe vendin se ku e kishte lënë me Alfred Nebiun për të dhënë gjobën e kërkuar. Por një i afërm i biznesmenit Shehu e ka tradhtuar këtë të fundit, duke i treguar Kakamit për pritën që i kishin bërë. Kakami që kishte marrë të gjitha informacionet ka shkuar në shtëpinë e të vëllait të Sulos Shehu, i cili do të ishte dhe dorëzanësi i lekëve dhe i ka bërë pritë atij përpara vilës së tij, duke i rrëmbyer thesin me lekë dhe duke u larguar në drejtim të paditur. Pas një viti Kakami është gjetur i vrarë.
Ilir Ruci
---------------------------
---------------------------------
Gjendet makina e 22 vjeça
rit të rrëmbyer, Klajdi Shehu


VLORE (22 Prill) - Policia e Vlorës gjeti mëngjesin e sotëm automjetin e 22-vjeçarit Klajdi Shehu, nipi i biznesmenit të njohur vlonjat të çimentos, Sulo Shehu, i cili u rrëmbye mbrëmjen e djeshme. Automjeti fuoristradë tip "Benz" me targë DR 3435 B, u gjet rreth orës 07.30, në rrugën që të çon tek agjencia e vjetër e udhëtarëve, disa dhjetra metra larg godinës së Zyrës Rajonale të OSBE-së. Nuk ka të dhëna rreth fatit të 22-vjeçarit, ndërkohë që policia po punon me intensitet për gjetjen e tij. Mësohet se gjatë natës janë shoqëruar në komisariat 3 persona, të cilët dyshohet se mund të kenë dijeni për rrëmbimin e 22-vjeçarit Shehu. 22-vjeçari Klajdi Shehu u rrëmbye dje rreth orës 22.00 të mbrëmjes nga tre persona. Vetë biznesmeni Shehu, xhaxhai i 22-vjeçarit, njoftoi policinë për këtë rrëmbim. Ai sqaroi se pengmarrësit e Klajdit nuk kanë kërkuar para dhe e cilësoi rrëmbimin si presion për t'u shkëputur nga biznesi. ro/ro (News24/BalkanWeb
-------------------------
--------------------------------
Oj sharki e lehte si era , a ka ardhur ne Shqiperi pranvera?

[Estella]

Po ju sqaroj disa paqartesi nga shkirmi i mesiperm. Personi eshte 20 vjec dhe jo 17 e as 22, dhe se ai ka qene me studime ne Shqiperi.


Le te shpresojme se do te gjendet shendoshe e mire ai.

[Honezmi]

Keto ngjarjet me grabitje, pengmarje e korrupsjoni i pa skrupull i qeveritarve,te kujtojne kohen e Al Kapones e bandes se tije ne vitet 30 ne Amerik!
E uditshme, disa i shqetsone (gabimi i moshes ne artikullin me larte), dhe nuk i shqetsone pasigurija qe ka krijuar kjo qeveri e ndyre dhe e zhytur ne hajdutllek.
Te rrroje partija o mikkkkk

[Estella]

Ndryshimin e moshes dhe vendin ku studjonte e kerkuan njerzit e tij te njohur. Shoket e tij., per mua nuk ka rendesi mosha. Mua me vjen cudi me gazetat nga i marrin keto informacione kaq te sakta. Ja sa mund ti besosh informacionit qe vendosin ata neper artikuj.

[Brari]

Korrieri

--------------

Per Klajdin e rrembyer, 10 milione USD.
(..Jep Sulua...shenim imi..brari)

Sulo Shehu ne lidhjen telefonike qe pati me rrembyesit e nipit 22-vjecar, u premtoi se "do te paguaje 10 milione dollare per t'i shkaterruar". Reagimi erdhi menjehere pasi ata i kishin thene me gjakftohtesi, "djalin do ta vrasim", duke mos kerkuar para ne kembim te lirise. Policia mes shume te shoqeruarve, ndaloi tre prej tyre. Detajet per minutat para dhe gjate rrembimit dhe deshmite okulare per makinen me targa te Fierit qe kaloi Uren e Mifolit

Ardian DAUTI

Bisnesmeni Sulo Shehu ne shenje shpagimi ndaj rrembyesve te nipit te tij 22-vjecar Klajdit, premtoi te jape 10 milione dollare, nese "ata do ta vrasin". Shehu e beri kete deklarate gjate nje lidhjeje qe pati me disa persona qe i thane permes telefonit celular "me gjakftohtesi se do ta vrasim djalin". Telefonata, eshte bere me nje nga rrembyesit, vetem 2 ore pas rrembimit te nipit. "Ishte nje ze i embel, por i vendosur, qe me tha se do ta vrasin Klajdin", tregon Shehu. Ai u eshte kundervene ne telefon rrembyesve dhe, madje, ne perpjekje per t'i trembur, thote se, u ka permendur edhe nje shifer prej 10 milione USD, qe do te vinte ne dispozicion, per t'i shkaterruar ata, ne rast te ndonje veprimi ekstrem.

Daja: Si ma rrembyen Klajdin

Te afermit e Klajdit tregojne se cdo mbremje shkonte ne nje palester. Por dje, ishte kunati i Sulos, qe ka pare tere skenen e frikshme, duke lajmeruar me pas familjaret. "Po kaloja me makine afer palestres qe ndodhet prane rruges transballkanike kur nga pasqyra shoh foristraden dhe tre persona te beshem te gjate qe i afrohen Klajdit. Ne fillim s'kuptova gje por dyshova ndaj u ktheva pas 5 minutash. Nuk e gje Klajdin dhe pyes punetorin e palestres se ku ndodhej e ai me thote se iku me makinen e tij. atehere kuptova gjithcka. Menjehere lajmerova familjen". Policia eshte lajmeruar nga bisnesmenet dhe ajo eshte vene ne levizje per gjetjen e autoreve. Fillimisht jane bllokuar rruget e qytetit por patrulla u vune dhe tek familjet e bisnesmeneve, per cdo eventualitet. Sipas burimeve te policise, punetori i palestres ka dhene disa tipare te pengmarresve. Ata kishin qendruar pa rene ne sy per te keq, per disa minuta mbi nje automjet tip Volksvagen, duke pire cigare. Kur Klajdi nisi makinen, ata i dolen para dhe me pistolete ne dore i bene shenje te ndaloje. Djali ka ndaluar dhe aty nisi kacafytja pasi pengmarresit ndeshen ne rezistencen e Klajdit. Dy prej pengmarresve jane ulur ne sediljet e parme te makines kurse i treti ka qendruar nga prapa dhe me force e kane detyruar Klajdin te hyje ne makine. Nga burime te ndryshme te policise dyshohet se pengmarresit jane nga rrethe te tjera, sepse tonacioni dhe menyra e te folurit ne telefon nuk ngjason me theksin e njohur vlonjat.

Policia ndalon 3 persona

Policia e Vlores, eshte duke realizuar nje operacion te fuqishem, ne bashkepunim me forca te shumta te policise speciale te Tiranes. Kjo e fundit ka sjelle nje ekip te specializuar per te ndermjetesuar ne nje lirim te mundshem te personit te marre peng. Sipas nje prej drejtuesve te policise kriminale, "kemi te bejme me nje grup te sofistikuar prej 12 vetesh, te ndare ne sektore te ndryshem dhe teper te organizuar, ku cdonjeri prej tyre ka kryer saktesisht punen e tij. Dikush eshte marre me vezhgimin, dikush me transportin dhe marrjen e pengut dhe te tjere, me strehimin". I njejti burim, shtoi se "ne kemi ngushtuar rrethin e te dyshuarve". Nderkaq, edhe Prokuroria e Vlores po punon me intensitet per zbardhjen e ngjarjes. Prokurori i Rrethit, Petrit Cano, tha dje se, "eshte ngritur nje grup i posacem hetimor, qe ka marre ne shqyrtim te gjitha provat. Po vleresohet cdo element qe ka vlere per ecurime e hetimeve", nenvizoi Cano. Sipas disa deshmitareve nga fshati Kanine, mesohet se ata kane pare nje makine fuoristrade me targa te Fierit duke kaluar fshatin me shpejtesi per ne rrugen e malit ne nje terren mjaft te veshtire.

Nena e Klajdit: Do ta shoh djalin serish?

Ne familjen e Agron Shehut shtepia e te cilit ndodhet prane tregut te qytetit dje, kishte shume vizitore. E ema e Klajdit Lushi, mbahet mire dhe mundohet t'i fshehe lotet por sapo ze emrin e Klajdit ne goje lotet burojne. "Kam besim se djali do te rikthehet sepse ne nuk i kemi bere keq njeriut, por punojme me djersen e ballit". Nena e perlotur duke mos arritur dot te permbahet ashtu si edhe te gjithe pjesetaret e tjere te familjes por dhe te afermit e miqte, mendon se kjo qe ndodhi eshte mjaft e rende por per nje djale krejt te pafajshem. A.D

Alo! Xhaxhi, jam Klajdi...

Rreth dy ore e gjysme, pasi kishte ndodhur rrembimi i bujshem ne mes te qytetit, Klajdi eshte bere i gjalle. Ai ka arritur te flase vetem 10 sekonda me familjen, ndersa para e pas tij, folen pengmarresit, qe kercenuan te afermit. "Ishte ora 24°°, kur ata moren ne numrin fiks te Sulo Shehut dhe folen me nje nga nipat duke i thene: "Kete rradhe nuk e merrni te gjalle". Menjehere pas kesaj, telefoni, eshte mbyllur nga te panjohurit. Familjaret lajmeruan Sulon dhe te vellain qe ndodheshin ne polici, por ende pa mbaruar biseden, celulari i Sulos ra dhe pengmarresit folen edhe me te. "Po nuk na dhe 10 milione $ nuk e merr nipin". Menjehere pas kesaj, ka dale Klajdi ne telefon duke folur "Xhaxhi jam mire", por, pa mundur dot te vazhdoje sepse ne telefon ka dale nje prej pengemarresve qe i thote Sulos: "A e degjove". Por Suloi reagon ashper: "Jap 10 milione dollare dhe do t'ju kap", duke i dhene fund bisedes. A.D

Policia familjes: Se bashku, heshtje shtypi

Ne oret e vona te pasdites se djeshme, menjehere pas nje takimi qe kryepolicet e prefekturave te vendit, paten me kreret e tyre ne Ministrine e Rendit, eshte vendosur nje marreveshje mes policise se Vlores dhe familjareve te Klajdi Shehut, per te heshtur ndaj shtypit. Sipas burimeve, mesohet se dy palet, me kerkesen e policise, kane vendosur te shkepusin dhe te mos japin me asnje detaj per publikun pasi vleresojne, se kjo prish hetimet e ngjarjes. A.D


...........................................



Mendime..

Mendoj se ne Vrasjet e fundit ka dore Banda "hakmarrja" e Leart Shytave te Bllok-Terbacit..
Banda Hakmarrja ishte e lire te bej cte doje kto vitet Socialiste.
Megjithate Qeveria ja hoqi dhe me vendim Gjyqi ate "njolle ne biografi" kesaj Bande.
Pra vrisni ... rrembeni.. beni cte doni..u tha Shteti djemve "debatikas" te Luan Pobratit.

Ata tani jane Vipa ne Tirane dhe ndertojne grataciela per Vete dhe Ed Ramen..
Dhe Erion Brace e ka per nder te pije kafe me Njesitin Gueril te Pobrat-Kolanecvee Shyt-Sigurimsave te Bllokut.. ose berthamen e Revolucionit Skafist-qosist Skelarist te 97-tes..

Sulo Shehu eshte biznesmen qe nuk hyn tek Rraca e militanteve Ps-iste dhe gjithmone i ka dale pune me bandat e Vlores.

Keshtu eshte kur Rendi komandohet nga nje hajdut si Luan Rama..e jo vetem hajdut por dhe demagog maestro ne llafo-rrena-logji.



-----

[Asteroid]

Sulo Shehu ne lidhjen telefonike qe pati me rrembyesit e nipit 20-vjecar, u premtoi se "do te paguaje 10 milione dollare per t'i shkaterruar". Reagimi erdhi menjehere pasi ata i kishin thene me gjakftohtesi, "djalin do ta vrasim", duke mos kerkuar para ne kembim te lirise. Policia mes shume te shoqeruarve, ndaloi tre prej tyre. Detajet per minutat para dhe gjate rrembimit dhe deshmite okulare per makinen me targa te Fierit qe kaloi Uren e Mifolit


Bisnesmeni Sulo Shehu ne shenje shpagimi ndaj rrembyesve te nipit te tij 20-vjecar Klaudio, premtoi te jape 10 milione dollare, nese "ata do ta vrasin". Shehu e beri kete deklarate gjate nje lidhjeje qe pati me disa persona qe i thane permes telefonit celular "me gjakftohtesi se do ta vrasim djalin". Telefonata, eshte bere me nje nga rrembyesit, vetem 2 ore pas rrembimit te nipit. "Ishte nje ze i embel, por i vendosur, qe me tha se do ta vrasin Klaudion", tregon Shehu. Ai u eshte kundervene ne telefon rrembyesve dhe, madje, ne perpjekje per t'i trembur, thote se, u ka permendur edhe nje shifer prej 10 milione USD, qe do te vinte ne dispozicion, per t'i shkaterruar ata, ne rast te ndonje veprimi ekstrem.

Te afermit: Si na rrembyen Klaudion

Te afermit e Klaudio Shehu tregojne se cdo mbremje shkonte ne nje palester. Por dje, ishte kunati i Sulos, qe ka pare tere skenen e frikshme, duke lajmeruar me pas familjaret. "Po kaloja me makine afer palestres qe ndodhet prane rruges transballkanike kur nga pasqyra shoh foristraden dhe tre persona te beshem te gjate qe i afrohen Klajdit. Ne fillim s'kuptova gje por dyshova ndaj u ktheva pas 5 minutash. Nuk e gje Klajdin dhe pyes punetorin e palestres se ku ndodhej e ai me thote se iku me makinen e tij. atehere kuptova gjithcka. Menjehere lajmerova familjen". Policia eshte lajmeruar nga bisnesmenet dhe ajo eshte vene ne levizje per gjetjen e autoreve. Fillimisht jane bllokuar rruget e qytetit por patrulla u vune dhe tek familjet e bisnesmeneve, per cdo eventualitet. Sipas burimeve te policise, punetori i palestres ka dhene disa tipare te pengmarresve. Ata kishin qendruar pa rene ne sy per te keq, per disa minuta mbi nje automjet tip Volksvagen, duke pire cigare. Kur Klaudio nisi makinen, ata i dolen para dhe me pistolete ne dore i bene shenje te ndaloje. Djali ka ndaluar dhe aty nisi kacafytja pasi pengmarresit ndeshen ne rezistencen e Klajdit. Dy prej pengmarresve jane ulur ne sediljet e parme te makines kurse i treti ka qendruar nga prapa dhe me force e kane detyruar Klaudion te hyje ne makine. Nga burime te ndryshme te policise dyshohet se pengmarresit jane nga rrethe te tjera, sepse tonacioni dhe menyra e te folurit ne telefon nuk ngjason me theksin e njohur vlonjat.


Policia ndalon 3 persona

Policia e Vlores, eshte duke realizuar nje operacion te fuqishem, ne bashkepunim me forca te shumta te policise speciale te Tiranes. Kjo e fundit ka sjelle nje ekip te specializuar per te ndermjetesuar ne nje lirim te mundshem te personit te marre peng. Sipas nje prej drejtuesve te policise kriminale, "kemi te bejme me nje grup te sofistikuar prej 12 vetesh, te ndare ne sektore te ndryshem dhe teper te organizuar, ku cdonjeri prej tyre ka kryer saktesisht punen e tij. Dikush eshte marre me vezhgimin, dikush me transportin dhe marrjen e pengut dhe te tjere, me strehimin". I njejti burim, shtoi se "ne kemi ngushtuar rrethin e te dyshuarve". Nderkaq, edhe Prokuroria e Vlores po punon me intensitet per zbardhjen e ngjarjes. Prokurori i Rrethit, Petrit Cano, tha dje se, "eshte ngritur nje grup i posacem hetimor, qe ka marre ne shqyrtim te gjitha provat. Po vleresohet cdo element qe ka vlere per ecurime e hetimeve", nenvizoi Cano. Sipas disa deshmitareve nga fshati Kanine, mesohet se ata kane pare nje makine fuoristrade me targa te Fierit duke kaluar fshatin me shpejtesi per ne rrugen e malit ne nje terren mjaft te veshtire.

Nena e Klaudios: Do ta shoh djalin serish?

Ne familjen e Agron Shehut shtepia e te cilit ndodhet prane tregut te qytetit dje, kishte shume vizitore. E ema e Klaudios, Lushi, mbahet mire dhe mundohet t'i fshehe lotet por sapo ze emrin e Klaudios ne goje lotet burojne. "Kam besim se djali do te rikthehet sepse ne nuk i kemi bere keq njeriut, por punojme me djersen e ballit". Nena e perlotur duke mos arritur dot te permbahet ashtu si edhe te gjithe pjesetaret e tjere te familjes por dhe te afermit e miqte, mendon se kjo qe ndodhi eshte mjaft e rende por per nje djale krejt te pafajshem. A.D

Alo! Xhaxhi, jam Klajdi...

Rreth dy ore e gjysme, pasi kishte ndodhur rrembimi i bujshem ne mes te qytetit, Klajdi eshte bere i gjalle. Ai ka arritur te flase vetem 10 sekonda me familjen, ndersa para e pas tij, folen pengmarresit, qe kercenuan te afermit. "Ishte ora 24°°, kur ata moren ne numrin fiks te Sulo Shehut dhe folen me nje nga nipat duke i thene: "Kete rradhe nuk e merrni te gjalle". Menjehere pas kesaj, telefoni, eshte mbyllur nga te panjohurit. Familjaret lajmeruan Sulon dhe te vellain qe ndodheshin ne polici, por ende pa mbaruar biseden, celulari i Sulos ra dhe pengmarresit folen edhe me te. "Po nuk na dhe 10 milione $ nuk e merr nipin". Menjehere pas kesaj, ka dale Klaudio ne telefon duke folur "Xhaxhi jam mire", por, pa mundur dot te vazhdoje sepse ne telefon ka dale nje prej pengemarresve qe i thote Sulos: "A e degjove". Por Suloi reagon ashper: "Jap 10 milione dollare dhe do t'ju kap", duke i dhene fund bisedes. A.D

Policia familjes: Se bashku, heshtje shtypi

Ne oret e vona te pasdites se djeshme, menjehere pas nje takimi qe kryepolicet e prefekturave te vendit, paten me kreret e tyre ne Ministrine e Rendit, eshte vendosur nje marreveshje mes policise se Vlores dhe familjareve te Klaudio Shehut, per te heshtur ndaj shtypit. Sipas burimeve, mesohet se dy palet, me kerkesen e policise, kane vendosur te shkepusin dhe te mos japin me asnje detaj per publikun pasi vleresojne, se kjo prish hetimet e ngjarjes. A.D

Ardian Dauti

[Asteroid]

TIRANE- Kryetari i grupit parlamentar Bamir Topi kërkoi dje ndërhyrjen e presidentit Alfred Moisiu për zbardhjen e rrëmbimit të Klaudio Shehut, nipit të bosit të çimentos në Vlorë, Sulo Shehu. “Kjo mbetet një ngjarje e hidhur që do të sqarohet orë pas ore por duke u nisur nga ngjarjet e mëparshme, mund të themi se vrasjet po vijnë në mënyrë tepër periodike dhe dinamizimi i vrasjeve në Shqipëri është i lartë. Kjo do të donte patjetër ndërhyrjen e Presidentit të Republikës, i cili ka mbajtur vazhdimisht një qëndrim tepër të vëmendshëm ndaj ngjarjeve që preokupojnë institucionet ne shoqërinë shqiptare, por më shumë se kurrë në rastin konkret është bërë shqetësim nga të gjithë qytetarët e Shqipërisë ndërhyrja për t’i thënë ndal kësaj krize të madhe që ka pushtuar institucionet”, -tha Topi. Ndërkohë xhaxhai i djalit të marrë peng dje, bosi i çimentos në Vlorë, Sulo Shehu, ka qenë një ndër pretendentët për kandidat për deputet në vitin 2002 nga Partia Demokratike. Për këtë arsye, demokratët nuk përjashtojnë mundësinë që rrëmbimi e nipit të Sulo Shehut të jetë bërë edhe për arsye politike. Sipas Topit, bosi i çimentos njihet për afeksionin për të djathtën dhe veçanërisht për PD-së, çka nuk e përjashton mundësinë e një ngjarje me baza politike. “Ju besoj se jeni të informuar po aq mirë sa unë për ngjarjet e orëve të fundit, atë të rrëmbimit të tipit mafioz të Klaudio Shehut, nipit të një biznesmeni të njohur dhe duhet ta dini se biznesi në Shqipëri klasifikohet në dy hallka, ai i vogël dhe i mesëm. Biznesi i vogël rrënohet nga vendosja e taksave të larta dhe konkurrenca e pandershme, ndërsa biznesi i madh natyrisht rëndohet përmes këtyre mënyrave të cilat nuk janë të panjohura për mafien ndërkombëtare, e përcaktuar dhe e huazuar natyrisht nga mafia më e sofistikuar, siç është ajo siçiliane. Pra mënyra për të ushtruar presion mbi biznesin është ose në mënyrë të drejtpërdrejtë, ose në mënyrë të tërthortë përmes familjarëve”, -tha Topi.

Nevila Përndoj

Copyright 2003 Shekulli

[Asteroid]

"Mos u bëni merak për mua”

Djali 20- vjeçar ka studiuar për katër vjet në një universitet në Misisipi të Amerikës. Nisej për në Itali

Aleksandra Bogdani

VLORË- Babai i Klaudio Shehut, djalit të marrë peng mbrëmjen e së hënës, e ka gdhirë në korridoret e ngushta të Drejtorisë së Policisë së Vlorës. Agron Shehu ka mundur të qëndrojë vetëm për disa minuta në banesën e tij, ku janë mbledhur të gjithë të afërmit, për t’u larguar më pas në drejtim të policisë. Ai ka ndjekur nga afër të gjitha lëvizjet e uniformave blu për gjetjen e djalit të tij të madh. Por deri në orët e vona të mbrëmjes së djeshme, familja e Agron Shehut vuante ankthin e zhdukjes së Klajdit. “Shpresoj të më kthehet shëndoshë e mirë në shtëpi, pasi kam frikë se mos ma vrasin”,-thotë me zë të dridhur Agron Shehu. Babai i Klaudios ka pirë një kafe me miqtë e tij dhe më pas ka shkuar në shtëpi, mbrëmjen e së hënës. Por qetësia në familjen Shehu është “thyer” menjëherë pas lajmit të zhdukjes së Klaudios, në çastin që 20- vjeçari po dilte nga palestra ku stërvitej mbrëmjeve.

Rrëfimi

Agron Shehu tregon se dy djemtë e tij shkonin prej tre muajsh në palestër në orën 7 e 30 minuta dhe qëndronin aty për 1 orë. Por mbrëmjen e së hënës, djali 15-vjeçar Ronaldo ka qënë i sëmurë me grip dhe nuk e ka shoqëruar të vëllanë në palestër. Sipas të atit, Klaudio ka marrë fuoristradën e tij tip “Benz” dhe është nisur drejt rrugës me baltë të palestrës. “Rreth orës 9 e 30, minuta në shtëpinë time erdhi kunati i vëllait, i cili më pyeti për Klajdin”,-tregon Agron Shehu. Ai i ka kërkuar Agronit të merrte në telefon të birin, për të marrë vesh se ku ndodhej. Babai i Klaudios thotë për “Shekullin” se ka tentuar disa herë të lidhet në telefon me të birin, por asnjëherë nuk ka mundur të dëgjojë zërin e tij. Në këtë çast, kunati i Sulo Shehut i ka thënë Agronit se ka parë tre djem të bëshëm, të cilët po hipnin në makinën e Klaudiost, pak metra larg palestrës. Sipas dëshmitarit në vendngjarje, tre djemtë kishin zbritur nga një makinë pa targa, ngjyrë gri dhe me portobagazh dhe shpejtësi kishin mundur të hipnin në makinën e pinjollit të familjes Shehu. I mësuar me “kërcënime” e vendosje gjobash, Agron Shehu i është drejtuar menjëherë komisariatit të policisë së Vlorës, ku ka denoncuar zhdukjen e të birit.

Telefonata

“Ka qënë ora 22 e 40 minuta kur ka rënë telefoni i shtëpisë”,-vazhdon rrëfimin Agron Shehu.Ai thotë se pengmarrësit e të birit kanë reaguar menjëherë pasi kanë parë në një kanalin televiziv Top-Channel lajmin për zhdukjen e Klaudio Shehut. Telefonin e ka ngritur Ronaldo, vëllai i 20- vjeçarit të marrë peng. Personat nga ana tjetër e telefonit, i kanë kërkuar Ronaldos të flisnin me të atin. Por Agron Shehu thotë se në këtë çast ka qënë në mjediset e policisë së bashku me të vëllanë. Pak minuta pas telefonatës së parë, të bërë në numrin e shtëpisë, personat e panjohur i kanë rënë telefonit celular të Agron Shehut. Ai thotë se grabitësit e të birit e kanë marrë me numër të panjohur. “Sapo e ngrita telefonin, dëgjova zërin e tim biri, i cili po më thoshte të mos bëhesha merak”,-thotë Agroni. Sipas tij, Klaudio i ka folur me zë të qetë dhe e ka porositur të mos e “ngrinin zërin” për zhdukjen e tij. Menjëherë pas këtij, zëri i Klaudios është zëvendësuar me zërin e një tjetër djali, i cili i ka kërkuar Agron Shehut të mos denoncojë në polici dhe as në media. Zëri përtej telefonit ka kërcënuar me jetën e 20- vjeçarit të marrë peng. Kërcënimet i ka dëgjuar edhe biznesmeni Sulo Shehu, i cili u ka kërkuar pengmarrësve të lironin nipin e tij. Agron Shehu thotë për “Shekullin” se i vëllai u tha pengmarrësve se do të jepte 10 milionë dollarë për të gjetur dhe shkatërruar personat që i morën peng të birin.

Pengu

Klaudio Shehu, nipi i biznesmenit të çimentos, kishte disa muaj që ishte kthyer nga Amerika. I ati i Klaudios tregon se ai ka studiuar në një kolegj në Misisipi, për katër vjet. Më pas, ai ka vendosur të kthehet pranë familjes për disa muaj, për të studiuar në Itali. “Kishim përgatitur gjithçka që ai të shkonte në Itali për studime, në shtator”,-thotë Agron Shehu. Ai shton se i biri ishte djalë i qetë dhe se nuk ka pasur asnjë grindje gjatë ditëve të fundit. Ndërsa marrjen peng të Klaudios, i ati e lidh me vënien e një gjobe ose me goditjen e biznesit të vëllait të tij, Sulo Shehu. “Unë kam shumë shpresë tek policia, e cila është vënë në lëvizje që në çastin që denoncuam zhdukjen e Klaudios”,-thotë Agron Shehu. Ai tregon se uniformat blu të Vlorës kanë ushtruar kontrolle dhe kanë shoqëruar njerëz gjatë gjithë natës. Ndërsa në orët e para të mëngjesit të djeshëm, policia ka mundur të gjejë makinën e Klaudios, me targa DR 3435C. Sipas babait të 20- vjeçarit të marrë peng, makina është gjetur e mbyllur, në një rrugicë pranë prokurorisë së Vlorës. Agron Shehu shprehet se nuk e di se cilët janë personat që i kanë grabitur të birin. Frika se mos i vrasin Klaudion, e tmerron prej shumë orësh. Megjithatë, ai shpreson në çdo çast rikthimin e të birit pranë familjes.

Copyright 2002 Shekulli

[Asteroid]

Biznesmeni i njohur i çimentos, Sulo Shehu, u ka kërkuar pengmarrësve t’i lirojnë nipin ose do t’i shkatërrojë

Më mirë të punosh në Irak sesa në Shqipëri. Pengmarrja për konkurrencë ose për vendosje gjobe

VLORË- Sulo Shehu, biznesmeni i njohur në tregun shqiptar për shitjen e çimentos, është përballur shumë herë me kërcënime e vënie gjobash. Por pasi ka paguar shuma të mëdha parash për të mbrojtur biznesin e tij dhe jetën e të afërmëve, Shehu shprehet për “Shekullin” se nuk ka ndërmend të japë asnjë lekë për personat e inkriminuar që i kanë rrëmbyer nipin e tij apo për ata që tentojnë t’i shkatërrojnë tregtinë. Biznesmeni i njohur, me origjinë nga Shkodra ka qëndruar së bashku me të vëllanë në mjediset e policisë, duke u njohur me të gjitha lëvizjet e bëra, për gjetjen e Klaudio Shehut. Tepër i shqetësuar për rrëmbimin e nipit, Shehu shprehet se kjo ngjarje mund të jetë nxitur nga dy qëllime, nga konkurrenca ose nga persona gjobëvënës. E ndërsa kërkon që policia të gjejë grabitësit e nipit të tij, Shehu shprehet se situata në Shqipëri është tepër e vështirë, për të bërë biznes të ndershëm. Sipas Sulo Shehut, shitja e 500 mijë tonëve çimento në vit mund të ketë nxitur konkurrentët e tij t’i shkatërrojnë në këtë mënyrë biznesin.

Zoti Shehu, ju keni komunikuar vetë me pengmarrësit gjatë mbrëmjes së djeshme. Sa para ju kërkuan ata për të lënë të lirë Klaudion?
Në të vërtetë unë nuk e di se çfarë kërkojnë këta persona. Gjatë bisedës që pata në telefon, këta persona më kërkuan që të mos flisja, për zhdukjen e nipit tim. Ndërsa unë u thashë se e dija se kush ishin dhe se çfarë donin. U kërkova të linin të lirë nipin tim, duke iu thënë se do të jap 10 milionë dollarë për t’i gjetur dhe për t’i shkatërruar këta njerëz. Personi me të cilin fola, nuk më kërkoi para por kërkoi që unë dhe vëllai im të heshtnim, duke mos e bërë të madhe këtë ngjarje.
A mendoni ju se Klajdi Shehu është rrëmbyer për t’ju bërë presion ju apo familjarëve tuaj?
Unë sot mbuloj 75 për qind të tregut të çimentos në vend, gjë që ka nxitur edhe pakënaqësi.Di të them se jam një ndër biznesmenët më të ndershëm në Shqipëri. Dyshimi im për ngjarjen e fundit ka lidhje me personat të cilët mbulojnë 30 për qind të shitjes së çimentos në vend, pra me konkurrencën. Megjithatë unë nuk mund të përjashtoj as pistën e gjobëvënies, edhe pse personat që kanë rrëmbyer Klaudion nuk më kanë kërkuar para. Momentalisht nuk mund të them se rrëmbimi i nipit tim ka lidhje me politikën apo jo. Por unë nuk e di se ç’lidhje me politikën kanë konkurrentët e mi në biznes. Sa për kërcënime, kjo nuk është hera e parë që kam marrë. Ca vjet më parë, unë kam humbur miliona lekë vetëm nga gjobat. Ndërsa kjo është hera e dytë që vëllait tim i marrin peng djalin.
Dyshimet tuaja kanë lidhje vetëm me pistat e mundshme të këtij rrëmbimi apo edhe me personat që e kanë kryer këtë krim. Sipas përshkrimeve që u kanë bërë, a i njihni ju rrëmbyesit e nipit tuaj?
Sipas kunatit tim që ka parë skenën e rrëmbimit, personat ishin të gjatë, të bëshëm si dhe tepër të shkathët. Ata kanë vepruar me shpejtësi dhe shkathtësi, si të stërvitur për këtë punë. Ata mund të kenë qënë pengmarrës te specializuar, të cilët mund të jenë komanduar nga persona tepër të fuqishëm. Por ne nuk e dimë se cilët janë tre personat që rrëmbyen nipin tim.
Si e cilësoni ju punën e policisë së Vlorës dhe a shpresoni se uniformat blu do ta kthejnë në shtëpi Klaudio Shehun?
Forcat e policisë janë impenjuar shumë për gjetjen e personave që kanë rrëmbyer nipin tim. Ata kanë zhvilluar kontrolle gjatë gjithë natës si dhe kanë kontrolluar gjithë vijën bregdetare. Madje kanë ardhur edhe specialistë nga Tirana, për këtë çështje. Rreth orës 8 e 30 minuta, policia ka gjetur fuoristradën e Klajdit, të cilës i është bërë edhe ekspertiza. Sipas policisë, nipin tim e kanë keqtrajtuar në makinë. Pengmarrësit e kanë shtyrë nga vendi i shoferit ndërsa janë gjetur shenjat e atleteve të djalit, i cili i ka rezituar dhunës. Ne shpresojmë se policia do ta gjejë nipin tim si dhe do t’i arrestojë personat të cilët e morën peng atë.
Ju dhe familjarët tuaj jeni kërcënuar shumë herë nga persona të inkriminuar. A ndiheni i rrezikuar gjatë karrierës suaj si një ndër biznesmenët më të fuqishëm të tregtisë së çimentos në vend?
Pas kësaj ngjarjeje, unë mendoj se është tepër e rrezikshme të punosh ndershmërisht në Shqipëri. Vetëm para disa ditësh na tronditi vrasja e njërit prej biznesmenëve të ndershëm, Florian Vilës. Ndërsa rrëmbimi i nipit tim më bëri të vendos të largohem nga Shqipëria. Është bërë gati e pamundur të punosh i qetë dhe pa probleme, gjë që më bën të largohem nga Shqipëria. Tani është më mirë të punosh në Irak sesa këtu.

Copyright 2002 Shekulli

[Asteroid]

Dëshmitari në Vendngjarje, K.M, tregon detajet e rrëmbimit
“Tre persona të bëshëm rrëmbyen Klaudion”

VLORË- K.M. është personi i vetëm i cili ka parë skenën e rrëmbimit të Klaudio Shehut. Kunati i Sulo Shehut ka qënë duke lëvizur me makinë, pranë ish-fabrikës së makaronave, kur ka parë makinën e Klaudios në një cep të rrugës. “Ishte errësirë dhe unë nuk mund të shquaja fytyrat e tre personave që iu afruan fuoristradës”,-thotë për “Shekullin”. Ai ka dyshuar fillimisht nëse makina ka qënë e Klaudios ose jo, pasi në Vlorë qarkullon edhe një tjetër fuoristradë me targa të Durrësit. Ndërsa tre personat, të cilët dukeshin të gjatë e të bëshëm kanë hipur me shpejtësi në makinën që është larguar më pas në të djathtë. Pas fuoristradës ka shkuar një tjetër makinë e tipit Wolsvagen Passat, me ngjyrë gri dhe pa targa. “Në fillim më vajti mendja tek Klaudio, por nuk isha shumë i qartë. Pastaj personave të dyshimtë nuk u pashë ndonjë armë në dorë”,-thotë K.M.. Ai shton se ka shkuar në palestër, ku ka pyetur për Klaudion. Punonjësit e palestrës i kanë thënë se djali 20- vjeçar sapo është larguar nga stërvitja. Kjo gjë ka nxitur edhe më tepër dyshimet e tij, i cili është drejtuar për nga shtëpia e Agron Shehut. “Pasi shkova në shtëpinë e Agronit, i thashë të merrte në telefon djalin”,-thotë dëshmitari okular në vendngjarje. Kur nuk kanë marrë asnjë përgjigje nga djali, ai i ka treguar Agron Shehut të gjithë skenën që kishte parë me sytë e tij. K.M. thotë se ndihet shumë keq për ngjarjen e rëndë, pasi ai mund të kishte lajmëruar menjëherë policinë. Megjithatë shton se errësira e pengoi të dallonte se ç’po ndodhte në makinën e të afërmit të tij.

Ronaldo u rrëmbye 5 vjet më parë

VLORË- Agron Shehu është përballur për herë të dytë me zhdukjen e djemve të tij. Ai nuk e ka harruar tmerrin e katër viteve më parë, kur djali i tij i vogël, Ronaldo u rrëmbye nga disa persona ende të paidentifikuar nga policia. “Tim bir e rrëmbyen në oborrin e shtëpisë, i vunë një thes në kokë dhe e dërguan në një fshat të Vlorës”,-thotë Agron Shehu. Ronaldo është rrëmbyer në orën 18.00 të dhjetorit 1998 dhe është kthyer në shtëpi të nesërmen. Shehu tregon se pengmarrësit e kishin zhveshur të birin, e kishin lidhur mbas një peme dhe ishin larguar. Ndërsa Ronaldo, i cili në atë kohë ishte vetëm 10 vjeç, kishte mundur të zgjidhej dhe të largohej vetëm në pyll. Rastësisht kishte takuar një çoban në Kaninë, i cili kishte lajmëruar më pas policinë. Uniformat blu e kishin gjetur djalin 10- vjeçar në një baxho në fshat dhe e kishin dërguar pranë familjes. Ndërsa pese vjet më vonë, pengmarrja godet përsëri familjen e Agron Shehut, duke i marrë djalin e madh. Klaudio është zhdukur mbrëmjen e së hënës dhe deri në orët e vona të ditës së djeshme nuk dihet se ku ndodhet.


Policia, 4 të shoqëruar për rrëmbimin

VLORË- Forcat e policisë së Vlorës janë vënë në lëvizje menjëherë pas denoncimit të familjes Shehu. Sipas burimeve nga komisariati i Vlorës mësohet se uniformat blu kanë kontaktuar dendur me familjarët e 20- vjeçarit të marrë peng, për të mundësuar kështu zbardhjen e kësaj ngjarjeje. Ndërsa në mjediset e policisë së Vlorës janë shoqëruar 4 persona të dyshuar, të cilët janë lënë të lirë gjatë mesditës së djeshme. Një grup ekspertësh nga Tirana kanë mbërritur gjatë ditës së djeshme në Vlorë, duke ndjekur nga afër të gjitha veprimet e policisë për zbardhjen e kësaj ngjarjeje. Burimet e mësipërme policore bëjnë të ditur se po hetojnë së bashku me prokurorinë e rrethit në disa pista, për zbardhjen e plotë të ngjarjes. Megjithatë, pista kryesore në të cilën po zhvillohen hetimet e policisë është mbajtur sekret, për shkak të dekonspirimit. Kontrollet policore kanë vazhduar deri në orët e para të mëngjesit të sotëm ndërsa janë ngritur shumë postblloqe, që kontrollojnë makinat e dyshimta. Ndërsa mësohet se deri në orët e vona të mbrëmjes së djeshme nuk është bërë e mundur gjetja e Klaudio Shehut dhe arrestimi i autorëve të krimit.

A.D.

[Asteroid]

Vlorë- Që nga muaji Dhjetor i vitit të kaluar e deri tani, në qytetin e Vlorës kanë ndodhur disa ngjarje kriminale të rënda, të cilat ende nuk janë zbuluar nga ana e policisë së Vlorës. Përmendim këtu ekzekutimin mafjor të ndodhur në dhjetor 2002, kur në mes të rrugës kryesore Vlorë-Skelë, u hodh në erë me telekomand 33-vjeçari Ardian Muho, i cili po udhëtonte në orët e natës me automjet tip benz. U deklarua se shumë shpejt do të zbuloheshin autorët e këtij krimi, por deri tani nuk ka asgjë konkrete lidhur me këtë ngjarje. Po në këtë muaj u gjet në pyllin e Pish Poros një kufomë e seksit mashkull e cila ishte e shkrumbosur, por edhe kjo ngjarje mbeti pa autor. Po ashtu, në muajin Janar të këtij viti dy persona u gjetën të vrarë dhe të djegur në afërsi të varrezave publike të Babicës. Bëhet fjalë për shtetasin Ardian Kajmaku 35 vjeç nga Vlora, i cili kishte qenë më parë oficer i krimeve në policinë e Vlorës, si dhe shtetasi Agim Hatia kushëriri i të parit.

Deri tani nuk ka asnjë të dhënë mbi zbulimin e autorëve të këtij krimi. Po ashtu, dy muaj më parë mbeti i vrarë në orët e para të natës, shtetasi Arben Toraj 35 vjeç me origjinë nga Greshica e Mallakastrës. Vrasja ndodhi në një rrugicë të lagjes "Isa Boletini", por edhe kjo vrasje mbeti pa autor.

Pra, janë një numër ngjarjesh të rënda, të cilave u shtohet edhe rrëmbimi i nipit të biznesmenit Sulo Shehu, i cili u rrëmbye një natë më parë nga tre persona, dhe që deri tani nuk ka asnjë të dhënë që të shpie në adresën e vendit ku gjendet pengu dhe rrëmbyesit e tij. Zbulueshmëria zero e kaq krimeve të rënda, përbën një precedent të rrezikshëm për policinë, e cila duhet të shkundet fort dhe të shoh më mirë se ku qëndrojnë difektet e nuhatjes së saj kundër krimit të organizuar. Vërtetë që policia nuk e di se ç’kanë në mëndje kriminelët, por ajo duhet të bëjë të pamundurën për zbulimin dhe kapjen e tyre, me të gjitha mënyrat. Ndodhja e një ngjarje të rëndë në qytet, dhe sidomos natën, duhet të vërë përpara përgjegjësisë shumë sektorë të policisë.

Ku janë patrullat "Shqiponja", ku është bllokimi i rrugëve dhe kryqëzimeve nga policia rrugore dhe ajo e ndërhyrjes së shpejtë, ku janë ndjekësit e shpejtë të policisë dhe ajo që është më kryesorja, ku janë bashkëpunëtorët e policisë në çdo cep dhe anë të qytetit? Policia e Vlorës ka patur edhe suksese në luftën kundër krimit, ashtu si në luftën kundër trafiqeve, por këto suksese të bujshme lidhen me emrin komisariat të lindur të policisë, Arben Zylyftarit, i cili sa ishte në Vlorë çliroi tre pengje, duke përfshirë këtu edhe, atëherë 6-vjeçarin Denis Xhelo dhe shumë krime të tjera të rënda.

Z.P.

[ganoid]

Te gjitha keto ngjarje te koheve te fundit kane nje lidhje mes njera tjetres.
Mendoj se te gjitha keto urdherohen nga nje mendje, gjejne mbeshtetjen e disa rivalve dhe egzekutohen nga profesionist.
Tani puna eshte se kujt i sherben destabilizimi i Shqiperise pasi keto ngjarje aty te cojne ne destabilizim.
Po vazhdoi keshtu prite te dale gjysma e vlonjatve qe tashti po mendojne "Ah sikur ti kapin ata kriminele se kemi per tua prere mishin me brisk dhe ti hedhim pak krip dhe tua hame te gjalle" E me ta dashur padashur bashkohem dhe une.

Vlonjatet duhet te dalin ne rruge dhe te kerkojne qe kushdo qe e ka nisur kete ta ndali menjehere. Kushdo qe e perkrah kete te heqi dore. Kushdo qe i gezohet nga ky veprim ti vije turp. Dhe me kryesoret parlamenti dhe presidenti te bejne nje devijim te kushtetutes per ata qe i kryejne keto maskaralleqe dhe ti denoje me vdekje ne litar ne mes te Vlores Tiranes Shkodres dhe Durresit. Ministri i Renit duhet te kerkoje menjehere dorheqjen.

Nuk e di tani se sa i gezohet Ngjela dhe ju te tjeret qe bete hero budallain shkatrimit qe ai i beri SHISH-it.

[kundraRRYMES]

A lejohen mendimet e lira ne kete forum ?!
1- NIPI i "FILANIT" qenka MARE PENG..... e kujt i plasi ?
2-I jepka "FILANI" 10 milion "copa guri"(dollare) per NIPCEN, nderkohe qe nje gje e tille ti ndodhte "ASKUSHIT" ai duhet te SHKULE leshte e B_THES se ska 10 milion qime e jo 10 milion dollare.
3-NIPCJA me BENC 4/4 ne nje vend te qe cilesohet VEND I BOTES SE TRETE..!!!!
4-IRONITE e fatit por cmendon ai qe punon tere diten te fabrika e FILANIT e rropatet e shikon NIPCEN me KAL te ri FRINGO...
5- BIEN BUBULLIMAT PER VESH PIPZEN edhe jo per SHURDHIN kesaj here.
--------

Dikush i politikes,- Shqiperia ka marre fund, RROFTE SHQIPERIA( MBRETI VDIQ ...RROFTE MBRETI) Disniveli ekonomik eshte i nje shkalle te tille,kur dikush ka 10 milion DOLLARE edhe dikush tjeter merr buke me VERESI nuk mund te presesh gje tjeter pervecse KRIM-VRASJE-GRABITJE-PENGMARRJE-...

SHPETIMI ...
ANTIKRIMI- SKUADRA qe eleminojne tere personat e implikuar ne krimi dhe qe te punoje per llogari te SHQIPERISE, (jo qeverise)

EPILOG
Meqe eshte njeri uroj qe "nipcja" te jete gjalle e shendoshe edhe kthim ne shtepi te tij...
"dajoshi" me teper para per fakirat , sesa per SHFAQJE FORCE,,,

[alvi]

O Rryme e cte keqe ka qe ca marrin buke me veresie e ca kane miliona?
Apo prap socializem ne si ne kohe te Enverit, le te jemi te gjithe "njesoj?"
Kur ata te veresijeve rrishin kot, ata qe sot kane miliona, ikshin e vishin kufijve, boshin tregti me cumcakiza e kan nis disa, naten, rrugve pa drite, ne mes te shiut e vapes, dilshin e i boshin yzmet lekut, ndersa te tjeret, i mashin syte nga "ceku i bardhe" ose i doshin paret ti merrshin nga fajdet pa punu.
Pse te penalizohet i suksesshmi?
Atij bravi i qofte qe ka bo pare, po prap gjehet i demel, qe thot me mire po i rrembej nipin se sa te punoj me ndershmeri e te fitoj nai lek.
Polarizimi i shoqerise eshte dukuri e pranishme ne gjithe boten, dhe jane ata me 10 milione qe fisin miletin ne pune, po ca ketu duan socializem, qe ti kete shteti ne dore te gjitha.
Sa shume na paska indoktrinu ai Enveri neve, eshte per te ardh gjynof.

[Estella]

Eshte krim te punosh per 15 vjet rresht, ta besh diten nate e naten dite duke punuar dhe neser te te vije tjeteri dhe te te marri cunin apo nje "te dahsur" per 10million dollare. Eshte vertet Krim.

Ti mire e ke o Rrymma se skane ca te bejne te varferit, sdo kishin as me pagu as edhe ata qe i rrembjene femijen, por si pas teje cduhet te behet? A i pergjigjesh asaj pyetje kur shkruan ato llafe?

Mire ben ore qe nget 4/4 mercedezin. Kur djersa i shkonte ne "ulluk" ata te tjeret prisnin meshire nga qelli, ose dridhnin zinxhirken rrugeve te qytetit.

Duhet te na vije keq per cka po ndodh, dhe duhet vene ndergjegja ne pune, se i jane shkarku baterite.

[angeldust]

Ahhuuu, e di ca duan keta tipa? Denimin me vdekje per krime te tilla duan..., pa le te thote Evropa budallalleqet/liberalizmat e saj, se per vete e kane ne terezi evropianet...Well, I guess Shqiperia eshte ndryshe.

Le ta mbajne per ndonje vit denimin me vdekje sa per ta provuar, dhe te bejne prove e te shohin, do vazhdojne ca kokekrisur me pelivanlleqe te tilla?

[Brari]

alvush.. nuk po i penalizojm ne Pasaniket po PS qe hoqi ligjin me vdekje per banditet dhe ata bejn qef tani.

Ke par ti si nuk krruhen bandat tek Mullaqet e Milionat e Metes, Nanos dhe Ed Rames?

Vetem te Bosat qe skane Pushtet sulmojn ata.

Mos ngatrroni shifren 10 milion...

!0 milion dollar eshte shuma qe Sulo do vej ne dispozicion..sic thot ai..te shkaterroj banden..

Banda nuk ka kerku pare...vetem po e terrorizojn Sulon...te shohim ku do dalin..

Jam i bindur se eshte banda e leart shytit..ose shoket e tije..

Vlora eshte cerdhe e Mafies..

Vetem Zogu ja beri rrup sup atyre..kurse Enveri i beri polica dhe hafije Vlonjatet e tani ata jane Mafie..me disa koka..
Mafia e Arben Males... Mafia e Gjinushit...Mafia e Zabitit.. Mafia e Makbules... mafia e Niko dredhes..mafia e Niko dardhes....Mafia e Zan e mezanve.. Mafia e Shytve..e plot..tjera..

..
jan kapur ata qe i ka CNN te regjistruar qe kapin nje ushtar shteti dhe po e pjekin ne zjarr? JOO

E si mundet te kete Shtet Vlora..
Po ai studenti qe hapi shishen e Shampanjes mbi trupin e masakruar te oficerit te Shtetit a eshte arrestuar?
Joo..

Po Luiza per kanibalizem...jooo

...
Vlora eshte e inkriminuar si qytet qe nga 1942-shi..kur filluan vrasjet ne PUSI..

Marenglen ..Ngjela e prishi dhe Shikun e Vlores??

Pse flet rrena?

[Viki]

Per Kundra rrymen:

Per cfare do i rrembejne te varferve femijet? Kuptohet rrembimi eshte bere per para.

Dhe ti mos fol kur nuk di gje, dhe gazetat e shkruajne dhe nje Vlore e tere e di qe ai eshte biznesmen i ndershem. Kush ka inat flet, ai punon eshte i zoti, dhe ben para i lumte.
Te gjithe shqiptaret kane Benz pse mos te kete dhe femija i te pasurit.
Mendohu mire kur flet, ti nuk i njeh keta njerez dhe cfare kane kaluar.

[Idmon]

PER SA I PERKET PROBLEMIT TE HEQJES SE DENIMIT ME VDEKJE NUK E HOQI P .S POR TE GNJITHA PARTIT POLITIKE SHQIPTARE TE FRYMEZUARA NGKA KSHILLI EVROPES . NE MBESHTETJE TE TE ZBATIMIT TE DENIMIT ME VDEKJE KA QENE DAKORT VETEM SABRI GODO ME SA DI UNE MUND DET TA KEM DHE GABIM PER KETE JAM DHE UNE NE SHQIPERI NE QOFTE SE NUK ZBATIHET DENIMI ME VDEKJE TE PAKTEN PER 5 VJET NUK DO KETE ASNJEHERE QETESI KA ARDHUR KOHA SHTETI DUHET TE VEPROJE ME SHPEJTESI SA SE SHTE VON .ME SA SHIKOJME DHE DEGJOJME KRIMI NE SHQIPERI KOHET E FUNDIT PO RRITET ME SHPEJTESI PER KETE ZOTI LUAN RAMA DUHET TE JAP DOREQJE ME NJEHERE DHE JO VETEM KAQ POR ZOTI KRYEMINISTER NUK I MBETET GJE TJETER VEC SE TE JAP DOREHQEN PER KETO KRIME TE PA SHEMBULLTA QE PO NDODHIN N
E SHQIPERI BRENDA NJE HARKU KOHOR PREJ 2 APO 3 MUAJVE.\\

UROJ ZOTI E NDIMOFTE SHQIPERIN

[ganoid]

Brari me thuaj ku qendron rrena ime?
Sepse them se per mua Ngjela beri budallallekun me te madh?
Perse u krijua ai komision i "Ngjeles"? Cili ishte qellimi i tij?
A e arriti qellimin?
Joo brari Jo vetem qe nuk e harriti por beri vetem llap llap, shkatrroi nje institucion te tere te nje rendesie kombetare dhe perfundimi , Klosi tani eshte si koqja e molles.
Ku qendron rrena ime brari?
Dreqi e mori po te nxirrte ndonje gje ne shesh do tja benim hallall, por ai jo vetem qe nuk e denoi por e nxorri dhe te pafajshem Klosin.


Heqja e denimit me vdekje ishte nje nevoje per te hapur marveshjen e asocim stabilizimit. Asaj skane ca ti bejne. Edhe une jam per ate ligj (nje zot e di sa e dua ate ligj kur shoh tere keto padrejtesi) po ja qe se sjellim dot me pas.

Sa per punen e bandave po te kujtoj qe nje nga banditet me te medhenj te shqiperise ishte bodiguardi nr 1 i Sales Izet Haxhia.
Ah se dhe pak harrova te permend banden "patriote" te atij tropojanit me cunat e Rrugoves qe si Avni Rustemi vajten dhe i gjujten Ministrit te Jashtem ne grusht.

Aman mo brari qafsh mu leri vlonjatet te qete se gjithmon jane perdorur te zinjte nga politika e cilitdo krahu. Ti ke harruar qe ne veri dolen e i plackiten kosovaret ndersa ne Vlore camve ju dhane streh me flejt.

Nuk mund ta personifikosh Vloren me Hysni Kaposhin e Zan Cauceskun Kaka-m Braken etj. Vlora i ka dhene edhe Ismail Qemalin Shqiperise e te tjere burra pushke e pene.

brar permbahu para se te flasesh ne pergjithsi. Sja vlen qe ta vesh nje dru te shtrembert e me te te prishesh gjithe barren e druve.