Merret peng nipi i biznesmenit Sulo Shehu

[Asteroid]

Policia e Vlores ka ndaluar gjate 24 oreve te fundit 5 persona ne lidhje me pengmarrjen e 20-vjecarit Klajdi Shehu. Te ndaluarit akuzohen per organizimin e pengmarrjes se nipit te biznesmenit te njohur vlonjat, Sulo Shehu. Dyshohet qe grupi pengmarres e ka ndermarre aktin e rrembimit pasi ka studiuar me pare te gjithe levizjet e te riut 20-vjecar. Para se te beheshin arrestimet e bujshme policia ka deklaruar se i njihte autoret, por nuk mund te vepronte per te mos rrezikuar jeten e pengut. Ne grupin e pengmarresve dallohet punonjesi i policise Perlat Kodheli, aktualisht efektiv i policise se Vlores. Prania e Kodhelit ne grupin e rrembyesve ka bere qe te deshtoje tentativa e pare e policise per lirimin e pengut 24 ore pas rrembimit. Vec pese te arrestuarve, eshte shpallur ne kerkim i gjashti i ketij grupi.

Ja kush eshte grupi kriminal qe rrembeu Klajdi Shehun

Besnik Bajram Gjata, i datelindjes 02.05.1968, lindur e banues ne fshatin Sherishte te rrethit Vlore, me arsim 8-vjecar, i padenuar me pare, aktualisht emigrant ne Itali. Ndalimi i tij u be pasi eshte organizator dhe ekzekutor ne rrembimin dhe mbajtjen peng te shtetasit Klajdi Shehu, veper penale e parashikuar nga neni 109 dhe 25 te Kodit Penal. I arrestuara i dyte eshte Luan Refit Saraci, i datelindjes 1969, lindur ne fshatin Kote dhe banues ne lagjen "24 Maji" te qytetit te Vlores, me arsim te mesem, i padenuar me pare. Ndalimi i tij u be pasi ne bashkepunim me persona te tjere ka rrembyer peng shtetasin Klajdi Shehu, veper penale e parashikuar nga neni 109 dhe 25 i Kodit Penal. I treti i arrestuar eshte Elton Eqerem Ismaili, i datelindjes 1976, banues ne lagjen "Lirim" te qytetit te Vlores, me arsim 8-vjecar, i padenuar me pare. Ndalimi i tyre u be pasi ne bashkepunim me persona te tjere ka rrembyer e mbajtur peng shtetasin Klajdi Shehu, veper penale e parashikuar nga neni 109 dhe 25 i Kodit Penal. I katerti i arrestuar eshte Perlat Jemin Kojdheli, i datelindjes 1961, lindur ne Selenice e banues ne lagjen "Rilindja" te qytetit te Vlores, me arsim te mesem, i padenuar me pare, punonjes policie ne Komisariatin e Policise Vlore. Ndalimi i tij u be per arsye se ka bashkepunuar me autoret e rrembimit me qellim fshehjen e pengut si dhe u gjet e sekuestruar me cilesine e prves materiale aparati telefonik celular i perdorur nga rrembyesit, veper penale e parashikuar nga neni 109 e 25 i Kodit Penal. I arrestuari i peste eshte Besnik Refit Saraci, i datelindjes 1973, lindur e banues ne fshatin Kote te rrethit Vlore, me arsim te mesem, i padenuar me pare. Ndalimi i tij u be pasi ne bashkepunim me persona te tjere ka rrembyer e mbajtur peng shtetasin Klajdi Shehu, veper penale e parashikuar nga neni 109 dhe 25 i Kodit Penal. Po keshtu u urdherua ndalimi i shtetasit Julian Luan Metushi, i datelindjes 1978, me arsim te mesem, lindur e banues ne lagjen "29 Nentori" te qytetit te Vlores, i padenuar me pare. Ndalimi i tij u urdherua pasi ne bashkepunim me persona te tjere ka rrembyer e mbajtur peng shtetasin Klajdi Shehu, veper penale e parashikuar nga neni 109 e 25 i Kodit Penal. Me gjithe organizimin e operacioneve per kapjen e tij, nuk u be i mundur kapja dhe ndalimi i tij. Ky shtetas u shpall ne kerkim.

KOHA JONE

[Dajaku]

Ore mos e organizoje gje vete policia rrembimin, qe t'i mbushi mendjen botes per inteligjencen policore qe ka Shqipria?!!

[waveney]

Ato 10 milione dollaret qe premtoi si ka te tijat.

Nuk e le "pronari i ligjshem" Sulon ti hedhe paret ne rruge.

Rrobaqepesi nr 1 i Vlores u be nr 1 i Cimentos !!!!!!!!

Mua me vjen ere ky muhabet !!!!!!!

[Randi]

Jam sinqerisht i prekur nga kjo ngjarje,panvarsisht qe nuk i njoh dhe nuk kam asnje lidhe me familjen e Sulo SHehut,jam shume,shume i gezuar qe me ne fund perfundoi me sukses lirimi i pengut Klajdi SHehu,gjithashtu i uroj atij dhe te gjithe te afermve te tij te mos u ndodhin me keshtu ngjarje te dhimshme dhe tragjike.
Gjithashtu dua te pershendes PRINCE E 75 per informacionin e bollshem qe na ka dhene gjate gjithe kohes per rrjedhen e ngjarjeve.

RANDI

[*IGLI*]

Gjykata e Vlorës ka dhënë dje masën e sigurisë për 6 personat e akuzuar për nipin e biznesmenit

VLORË- Gjashtë të akuzuarit për rrëmbimin e Klajdi Shehut, nipit të biznesmenit Sulo Shehu, kanë marrë dje masën e arrestit burg pa afat nga gjykata e rrethit të Vlorës. Ka qenë ora 13:50 e ditës së djeshme kur sirenat e policisë kanë lajmëruar mbërritjen e 5 prej të pandehurve, (pasi njëri është në mungesë). Të akuzuarit Besnik Gjata nga fshati Sherishtë, Luan dhe Besnik Saraçi, vëllezër, nga Komuna e Kotës, Elton Ismaili, nga Vlora, Perlat (Alfred) Kodheli, ish- polic i komisariatit të Vlorës, kanë mbërritur në gjykatën e Vlorës nën masa të rrepta sigurie, ndërsa Julian Metushi, është në kërkim nga policia. Gjykata e Vlorës ishte dje në një gjendje të lartë sigurie, ndërkohë që një numër gazetarësh shtyheshin për t’u futur brenda. Fillimisht policia nuk i ka lejuar, ndërsa është dashur një urdhër i gjyqtarit Fuat Muka, që drejtonte këtë proces, që gazetarët të futeshin në sallën e mbushur plot. Drejtuesi i seancës, gjyqtari Fuat Muka u ka bërë të ditur të pandehurve se, akuzoheshin për rrëmbim personi, në bazë të nenit 109, të Kodit të Proçedurës Penale. Prokurorë të çështjes ishin Dorian Tafili dhe Eugen Beci, ndërsa avokatë mbrojtës Xhorxhi Prendi, Dukë Abazi dhe Zeqir Sulaj. Një prej të pandehurve, Besnik Gjata, baba i tre fëmijëve që mbrohej nga avokati Duk Abazi, kishte një të nxirë të ënjtur në syrin e majtë, për të cilën nuk u dhanë informacione. Dy vëllezërit Saraçi mbrohen nga avokati Xhorxhi Prendi, ndërsa i pandehuri Elton Ismaili deklaroi se familjarët e tij i kishin pajtuar për avokat mbrojtës Luan Xhuvelin, i cili nuk ishte paraqitur në seancën e djeshme. Po ashtu në seancë nuk ishte paraqitur dhe Lulo Ymeri, avokati mbrojtës i ish –policit Perlat (Alfred) Kodheli. Për Julian Metushin, babai i tij kishte marrë si avokat mbrojtës Zeqir Sulajn, ndërsa prokurori Beci tha se Metushi nuk është marrë ende si i pandehur.

Dy të pandehurit pa avokat, nuk pranojnë avokatët prezentë

Drejtuesi i seancës, Muka, tha se dy nga të pandehurit, Elton Ismaili dhe Perlat (Alfred) Kodheli nuk i kanë prezent avokatët e tyre mbrojtës. Por ka reaguar prokurori Eugen Beci i cili tha se dy të pandehurit i kanë zgjedhur vetë përmes familjarëve avokatët e tyre dhe në mungesë të tyre do të mbrohen nga avokatët që ndodhen prezent, sipas nenit 49 pika 5 e Kodit të Procedurës penale. Të dy të pandehurit, Elton Ismaili dhe Perlat (Alfred) Kodheli, nuk kanë pranuar që të mbrohen me avokatë të tjerë, të cilët nuk i njihnin,siç u shprehën ata. Muka ka kërkuar që mbrojtjen e dy të pandehurve pa avokat prezent, ta merrte përsipër avokati Mallëngjim Skenderi, sipas nenit 49 pika 5 e Kodit të Procedurës Civile. Avokati Skënderi nuk ishte dakord që të merrte përsipër, vetëm për këtë seancë, mbrojtjen e dy të pandehurve, pa qenë dakord vetë ata. Në këtë situatë, gjyqtari Muka u ka deklaruar si të pandehurve ashtu dhe avokatëve të tyre se seanca do të zhvillohej me çdo kusht. Po ashtu ai vendosi që t’i kërkojë Dhomës së Avokatisë së Vlorës, që të caktojë avokat mbrojtës për dy të pandehurit. Kjo gjë shkaktoi ndërprerjen e seancës për disa minuta.

Rifillimi i seancës

Me rifillimin e seancës, avokati Zeqir Sulaj pranoi që të mbronte vetëm për këtë seancë Elton Ismailin. Kurse mbrojtjen e të pandehurit Alfred (Perlat) Kodheli,e mori përsipër avokati Eduart Velçani, i caktuar nga Dhoma e Avokatisë në Vlorë, pas kërkesës së Gjykatës.Ndërkohë, avokati Xhorxhi Prendi, që mbron dy vëllezërit Saraçi, kërkoi 10 minuta kohë për t’u njohur me materialin, gjë të cilën e kërkuan dhe avokatët e tjerë. Kjo kërkesë e mbrojtjes u kundërshtua nga akuza. Prokurori i çështjes, Eugen Beci, lexoi aktakuzën që prokuroria e Vlorës ka ngritur për secilin nga të pandehurit. Sipas aktakuzës, në orën 20: 40 të 21 prillit, tre persona kanë rëmbyer Klajdi Shehun, i cili po dilte nga palestra e forcës pranë fabrikës së makaronave në Vlorë. Pasi e kanë futur në sediljen e pasme, rrëmbyesit i kanë vendosur atij prangat dhe e kanë dërguar në disa baza në fshatrat e Vlorës. Pengu është çuar në një banesë në vendin e quajtur Belik të fshatit Vajzë të Vlorës dhe më pas në fshatin Sherishtë në shtëpinë e Gjergj Bedinit. Banesa ku mbahej pengu në fshatin Sherishtë hapej me çelësat që mbaheshin nga e zonja e shtëpisë Dafina. Prokurori Dorjan Tafili paraqiti procedurat e arrestimit të 5 të pandehurve, në bazë të nenit 258, të Kodit të Proçedurës Penale, ku kërkoi të vlerësohej i ligjshëm arrestimi i 5 të pandehurve. Ai tha se, rrezikshmëria e tyre është e madhe dhe kërkoi arrest në burg për ta.

Mbrojtja

Avokati Duk Abazi që mbronte të pandehurin Besnik Gjata kundërshtoi masën e sigurisë që kërkonte prokurori dhe kërkoi arrest me afat për klientin e tij derisa të provohet fajësia. Ndërsa avokati i dy vëllezërve tha se prokuroria nuk e bindi për akuzën e ngritur ndaj klientëve të tij, duke e konsideruar arrestimin e tyre të paligjshme, ndaj dhe kërkoi të mos merrej asnjë masë ndaj tyre. Ai aludoi se mos fshihet diçka tjetër me këtë proçes. Të njëjtën gjë kërkuan dhe avokatët mbrojtës të të pandehurve Elton Ismaili dhe Julian Metushit. Drejtuesi i seancës Muka kërkoi që në bazë të nenit 395 të merreshin në shqyrtim provat, por prokurori Eugen Beci kundërshtoi drejtuesin e seancës. Në këtë situatë u ra dakord deklarimi i provave materiale. Prokurori Eugen Beci lexoi pjesë të shkëputura të procesverbaleve të të pandehurve si dhe provat materiale që prokuroria disponon për ta. Sipas tij, provat materiale janë një autoveturë, disa celularë, një kapele ushtari, një fuoristradë, një benz 240, një automatik model 56, i cili është nxjerë nga fundi i liqenit artificial të Amonicës pas nxjerrjes së autoveturës tip Ford të rëmbyesve, një mëngë bluze që i ishte vënë në kokë pengut për t’i zënë sytë, një tjetër automjet, një banesë në Sherishtë e identifikuar nga pengu, një banesë në fshatin Vajzë etj. Banesat ku ka qëndruar pengu dhe rëmbyesit, janë të vërtetuara me analiza shkencore, theksoi prokurori Beci.Po ashtu, është marrë si provë materiale dhe deklarimi i shtetases Dafina Gjata në Sherishtë.Të gjitha këto akte u pranuan që të futen në fashikuj nga ana e gjykatës.Megjithëse avokatët mbrojtës i kanë kundërshtuar të gjitha këto, trupi gjykues, në bazë dhe të kërkesës së prokurorëve dha masën e sigurisë burg pa afat për 6 të akuzuarit për rrëmbimin e Klajdit Shehut, nipit të biznesmenit Sulo Shehu.

Ngjarja orë për orë

Ora 20: 40 e datës 21 prill, tre persona rëmbejnë Klajdi Shehun, nipin e biznesmenit Sulo Shehu
Ora 20: 50, njoftohet policia e Vlorës për rrëmbimin e Klajdi Shehut
Ora 20:55, policia bllokon të gjitha rrugët e qytetit, por rëmbyesit kishin mundur të dilnin nga qyteti.
Ora 21:00, e gjithë familja Shehu në frikë dhe pasiguri për Klajdin e zhdukur.
Ora 21: 40, një telefonatë në shtëpinë e Agron Shehut, babai i Klajdit, kërcënon me jetën e pengut
Ora 21:50 Sulo Shehu kërcënon rëmbyesit në telefon se do të vendosë 10 milionë dollarë për t’i asgjësuar po të preknin nipin.

Ora 07: 30 e datës 22 prill, policia gjen autostradën e Klajdit të lënë përpara zyrave të OSBE-së në Vlorë
Data 22 prill, mediat fillojnë sensibilizimin total të ngjarjes
Data 23 prill, zbulohet një telefonatë e dyshimtë e policit Perlat Kojdheli dhe policia e merr atë nën hetim. Ndalohet edhe një person tjetër.
Data 24 prill shtohet ankthi dhe pasiguria për Klajdi Shehun dhe policia dhe grupi hetimor fillojnë operacionin për lirimin e tij
Ora 10: 35, PD e Vlorës proteston në Sheshin e Flamurit dhe kërkon lirimin e Klajdit
Ora 23: 50, agjentët e policisë rrethojnë zonën e identifikuar dhe rrëmbyesit detyrohen të lirojnë pengun pa e dëmtuar atë

Ora 03; 30 e 25 prillit, Klajdi kthehet në shtëpi pas 4 orë pyetjesh në polici
Gjithë dita e 25 prillit, Klajdi nën efektin e mediave të shumta tregon rëmbimin dhe mbajtjen peng për 4 ditë
Gjatë ditës policia shoqëron në komisariat 8 persona
Ora 14:00 e datës 26 prill, Prokuroria urdhëron arrestimin e Besnik Gjatës, Luan dhe Besnik Saraçit, Elton Ismailit,Perlat Kodhelit dhe Julian Metushit.

Ilir Ruci

[Asteroid]

Keta duhen varur ne litar te tere se ndryshe nuk zene mend !

[Dajaku]

Klajdi ka dash t'i rrjepi ca lek ati trapit, se i duheshin, kishte ca pune.

[altin55]

postuar me pare nga brari
__________________________________________________
Vlora eshte inkriminuar si Qytet qekur filluan vrasjet ne PUSI(megjith se kjo e fundit po me pelqen po ne englisht jo ne shqip)
Per Redi
E kame shume te madh??????????, konsideraten per ju
Duke mare parasysh fletrufen qe me bere (qe mos te merem me antaret e forumit por me temen )nuk po merem me ta,por dhe per temen skma c'far te them


Un i dhashe shume te drejte fletrufes tende qe me beret . .

Por nuk kuptoj si ju mund te jeni kaq te rept dhe kritik per diskutimet individuale dhe jo atyre bashkatdhetare
Ketu eshte e disjta here qe Vlora (pse jo dhe Laberia dhe

Mallakastra) po na del e pa bese




Nuk po e kuptoj prap ju a jeni themelusit e ketij forumi apo jeni bodigard
Po sikur te akuzohen krahinat Shqipare nga skizofrenia (ose posti qe kemi len)c'far te mirash do te kemi ??????????????????
Kush jane keta antare qe flasin per VLOREN e Ismail Qemalit .Vlora ajo eshte dhe nuk ka ndryshyar qe nga 1912 kur ISA puthi flamurin per bashkimin ton dhe dhame BESEN
Bese e cila po mbahet dhe do te mbahet nga fisniket shqiptar
Redi (ma mere mendj se ti e di me mire sipas fotos qe ke poshte nickut po se dite te ruhaft qe po e mban)

Kush do te hapi teme per Vloren Bujrum

ME krye respkt per stafin Altin Islamik Vlonjati

Cili je cili je
cili je ti more burre
qe kerkon vulat e mija
une jame une jame
une jame ISMAIL QEMALI
mbrapa me vjen histori

[altin55]

Shkrimi qe citova eshte ky(pasi me lart nuk duket qart)
__________________________________________________ _
Vlora eshte inkriminuar si Qytet qe nga 1942-shi qekur filluan vrasjet ne PUSI
__________________________________________________ _
selam altini

[kundraRRYMES]

O PRINCE E75- qe me ke bere edhe disa paralajmerime pasi nuk te pelqeu realiteti i hidhur edhe menyra e te thenit troc te gjerave.

Qenke edhe jo tolerant ore i uruar qe paske dale me litare ne dore per te vare njerzit. Ku te shkoi toleranca ore sternip i I BEJ VLORES, apo po tregon temperamentin e "LEBERVE" te 1997.

[Dajaku]

Keta kane vene disa rregulla e na sillen si dhespoter.

Ke ardhe ke kafeneja ime na thone, por ne vime ke shoqnija jo ke pronari.

S'guzon njeri te flas lirshem, a thua se i marrim buken e gojes.

Ketu te gjithe dun me u krekos se jane komandanter dhe te tjeret u binden, keshtu i thone dashnoreve te veta, se s'dine me bo muhabet tjeter.

Na e shpifen.

[Viki]

Lirshem nuk quhet te urosh vdekjen dikujt

[Randi]

Mendoj se kesaj teme po i afrohet fundi nga fete diskutimet qe po behen(jashte teme),dhe pas lirimit dhe kapjes se autorve te kesaj grabitje.Me kete goditje qe ju be familjes Shehu une nuk kam parasysh ata vete si persona,pasi ato perfaqsojne secili nje individ,(sinqerisht edhe per ata),por goditjen qe ju be ekonomise shqiptare,biznesmeneve shqiptar,pasi Sulo dhe familja e tij pefaqsojne biznesin e sukseseshem shqiptar.Edhe une jam per masa ekstreme per autoret e grabitjes,pasi nuk e konsideroj si nje ngjarje ordinere,por si nje goditje fatale per ekonomine shqiptare.Ne qoftese nje shteti i goditet ekonomia ai shtet eshte i destinuar te "vdesi"te kapitulloje(mendoni se vetem nga tatimet e nje biznismeni si SULO shteti merte rreth 8 miljon$ ne vit).
Vetem disa kohe me pare diskutohej qe SHqiperise me hapjen e kufijve,emigrimit SHqiperise po i largohej,emigronte jashte truri(intelegjenca),po mendoni per nje cast sikur per vec kesaj ne SHqiperi te largohen biznismenet,pra ekonomia cfare do behej me ate vend????do ti ngjante nje skeleti me fije merimange...qe cdo ere e do ta shtrinte per toke.

[Asteroid]

Gjithe aventura e rrembimit dhe mbajtjes peng te nipit te Sulo Shehut, bosit te cimentos ne Shqiperi. Me ndihmen e nje gruaje dhe te policit te zones, banditet synonin te merrnin miliona. Si ra policia ne gjurmet e bandes dhe zbulimi i nje telefonate

Nga Alfred Peza



Klajdi Shehu

Ne te vetmet sekonda, qe e ka ndjere se ndodhej i vetem ne dhomen- qeli ku mbahej peng qe nga mbremja e te henes duke zbadhur e marta e kesaj jave, Klajdi Shehu megjithese me duart ne pranga, ka mundur te ngreje masken. Per te fiksuar nje ambjent fshati, nje kazan rakie, nje qyp balte, nje fener ndricimi dhe nje pompe per sperkatje rrushi, ne gjendje pune.

Hapat qe afroheshin e kane detyruar te rimbuloje serish fytyren me masken e zeze qe nuk i hiqej nga koka dhe eshte munduar te fotografoje gjithcka kishte arritur te shihte. I bindur se bashke me kengen e gjelave, qe e zgjonin pas neteve te kaluara mbi nje cope derrase, ato mjete shtepiake fshati do ta ndihmonin te identifikonte nje dite grabitesit e tij. Dhe ky moment, per fatin e tij te madh, nuk vonoi shume.

Ne mesditen e premtes, vetem 12 ore pas lirimit te tij, kur policia pas shume kerkimesh kishte mberritur ne periferine e fshatit Sherishte, ne shtepine e braktisur te nje emigranti ne Itali, pinjolli i familjes milionere Shehu, pa as me te voglen medyshje, i ka deklaruar Drejtorit te Policise Kriminale te Republikes, Sokol Bizhga dhe Drejtorit te Policise se Vlores, Neritan Nallbati: "Po. Ketu kam qendruar per 75 ore me grabitesit e mij".

Ai kishte 12 ore qe ishte i lire. Dhe kishte patur kohe te cmallej me familjaret e shoket, te ushqehej, te bente nje dush me uje te nxehte dhe te merrte nje sy gjume ne shtratin e ngrohte. Koha ishte gjithesesi shume e shkurter qe ai te harronte se i ishte dashur te kalonte tre dite- nete te tmerrshme, i "ushqyer" vetem me uje, duke humbur 10 kilogram ne peshe. Nje aventure e keqe, ne kufijte e nje endrre te mallkuar, qe e ka ndjekur nga pas gjate dekades se fundit familjen e tij. Jo vetem me gjobat qe i jane vene, e ne ndonje rast eshte detyruar t'i paguaje xhaxhai i tij Sulo Shehu, por edhe me pengmarrjen. Por, ashtu si dhe vellai i tij 3 vjet me pare, Klajdi ka shpetuar paq. Ndaj ne mesnaten e te enjtes, duke zbardhur e premtja e kesaj jave, i biri i tregtareve qe kontrollojne pjesen kryesore te tregut te cimentos ne Shqiperi, nuk i ka mbajtur lotet, ndersa takohej me te afermit. Te cilet, gjate gjithe asaj kohe, me syte nga mediat dhe veshet tek telefoni, ishin munduar te merrnin me mend raportet e tij me pengmarresit.

Me thes ne koke

Por vetem tani ata kane mesuar te verteten e nates se 21 prillit. Pasi kishte studiuar dy vjet per biznes ne Universitetin e "Addenburgut" ne Misisipi, i kishte nderprere studimet ne SHBA, per t'u kthyer prane familjes ne Vlore. Dhe ne pritje te rifillimit te shkolles ne Itali, Klajdi i kalonte pasditet ne nje palester te qytetit. Pasi ka perfunduar kete ritual edhe te henen ne mbremje, ka marre fuoristraden dhe eshte nisur drejt periferise se qytetit, ku ndodhet qendra e bizneseve te xhaxhait te tij, Sulo Shehu. Ishte ora 21.15 dhe ndersa po i afrohej Fabrikes se Makaronave, dikush e ka marre ne celular porsa ishte kembyer me makinen e shokut te tij, Krenar Mehmeti. Kjo dhe rruga e keqe, e kane detyruar te ule ne maksimum shpejtesine. Por, nuk ka mundur dot te beje as 50 metra rruge, kur tre persona i kane dale para dhe pasi dy prej tyre kane hypur me shpejtesi nga dyert e pasme te makines, i kane vendosur armen ne koke duke e detyruar te udhetoje drejt godines se OSBE lokale. Atje i priste makina e tyre, ndaj edhe e kane braktisur fuoristraden me targa Durresi. Pasi e kane prangosur pinjollin e Shehajve, e kane futur ne nje makine tjeter dhe i kane vendosur nje kapuc te zi ne koke. "E kuptova menjehere qe po rrembehesha per nje gjobe parash, sic edhe i kishte ndodhur me pare edhe vellait tim, Aldos. Ndaj, nuk kishte asnje kuptim qe te merrja mundimin e te kundershtoja", thote Klajdi, qe kujton se pas rreth nje ore rruge fshati, "kuptova se kisha mberritur ne baze".

"Mos leviz se do te vrasim. Tani duhet t'u thuash prinderve dhe xhaxhait tend te na japin parate qe do i kerkojme. Perndryshe!..." Po afrohej mesnata mes te henes dhe lajmi kishte mberritur jo vetem ne policine e qytetit dhe ministrine e Rendit, por ne te gjitha redaksite e gazetave, qe krejt papritur e kishin gjetur kryeartikullin per numrin e te martes. Pas 2 oresh nga rrembimi, ne celularin e Sulo Shehut ka rene zilja. "Nje ze i embel dhe i qete me tha se djali ndodhej ne duart e tyre", rrefen bosi i cimentos se Shqiperise dhe i mjaft bizneseve te tjera. Me pas ka degjuar edhe zerin e Klajdit: "Alo! xhaxha, jam mire...". E pas kesaj, duket se ne linje kane hyre serish rrembyesit. Dhe deshmitare kujtojne shperthimin e Sulos: "Degjoni ketu ju plehra. Do te jap edhe 10 milione dollare, derisa t'ju shkaterroj, prandaj...".

Por, ketu biseda eshte nderprere. E bashke me naten e pare te ankthit, gjithcka eshte futur ne terr per policine. E cila ka nisur te levize menjehere. Ne oren 04.00 te se martes, eshte dhene alarmi dhe te gjitha efektivat e Drejtorise se Policise se Vlores, perfshi edhe operativet e policise se fshatrave, jane paraqitur ne detyre. Marrja peng e djalit te nje familje tregtaresh te medhenj, ndodhte nje jave nga vrasja ne Tirane e bosit te frimes se hekurit "Flevi", Florian Vila. Kjo ishte nje goditje e rende per policine. Ndaj, menjehere drejt qytetit bregdetar jane nisur nga Tirana zv/ministri i Rendit Thoma Jano, Drejtori i Policise Kriminale Sokol Bizhga dhe disa prej specialisteve me te mire antikrim.

Hamendjet

E marta ka qene dita ideale qe gjithesecili te bente analizen e tij, nderkohe qe policia kishte vendosur te punonte krejt ne heshtje. Shigjetat e kritikave nga mediat, opozita dhe opinioni publik ishin drejtuar mbi qeverine dhe Luan Ramen, qe ate dite ndodhej ne Selanik ne takimin e ministrave te Rendit te BE dhe Ballkanit, per luften kunder krimit te organizuar dhe kontrollin e kufijve. Ndersa Drejtori i Pergjithshem i Policise u detyrua te mbledhe shefat kryesore te dikasterit dhe kreret e policive ne prefektura per te analizuar situaten e krimit, pas nje seriali prej 15 vrasjesh mafioze te 6 muajve te fundit, te mbetura pa autore dhe me kriminalitet gjate 2003, 13% me te larte se vitin e kaluar.

Ne keto kushte, marrja peng e nipit te njerit prej biznesmeneve me te medhenj te lendes se pare per industrine kryesore te vendit, ishte pika qe duket se do te derdhte kazanin e mekateve te policise. Ndaj, gjeja e pare qe Nertian Nallbati i ka kerkuar familjes Shehu, me te mberritur nga kryeqyteti ne Vlore, ka qene heshtja. Pasi ate dite, nje pjese e medias kishte komentuar se behej fjale per nje goditje tjeter te krimit ekonomik qe po mundohej te rindante kontrollin mbi tregjet kryesore te biznesit shqiptar, nepermjet atentateve dhe frikesimit te lojtareve kryesore.

Varianti me ekstrem u paraqit ai i goditjes se kapos se cimentos nga shteti, per shkak te raporteve te njerit prej qeveritareve me te larte me boset e huaj te kesaj industrie ne Shqiperi. "Pas goditjes se njerit prej kokave te hekurit, i ka ardhur radha boseve te cimentos", komentuan disa te tjere, te ndihmuar nga fakti se pengmarresit e Klajdi Shehut, nuk kishin vendosur gjobe per te. Nje prove se thjeshte kerkohej frikesimi i familjes se tij. I lodhur nga disa gjoba gjate '97 e pak me pas, por edhe marrja peng e dy nipave, a nuk kishte deklaruar Sulo Shehu se pas kesaj do te largohej nje here e mire nga Shqiperia?

Nje teze qe i ndihmoi skeptiket e perjetshem te argumentonin se ai po pergatiste keshtu ikjen per t'iu shmangur perfundimisht disa detyrimeve fiananciare ne dogana dhe tatime.

E merkura ters

Keto teza i kane kaluar ndermend edhe shefave te policise, te mbledhur ne Drejtorine e Vlores, ndersa perjashtonin njera pas tjetres pistat e shumta te ngritura gjate gjithe te martes. Dhomat e paraburgimit kishin filluar te mbusheshin me te shoqeruarit e pare, ndersa agjentet e policise kriminale nisen kontaktet intensive me kontigjentet e tyre ne radhet e krimit ne qytet. Ne Tirane, kishin filluar tratativat me Drejtorine e Pergjimeve ne SHIK dhe dy kompanite e telefonise celulare, AMC e Vodafone, per te bashkepunuar ne lokalizimin e vendodhjes se pengmarresve, nepermjet venies nen kontroll te telefonave.

Keshtu kane kaluar 24 oret e para dhe dalengadale trokiti e merkura. Klajdi kujton se "per shkak te maskes ne koke, fillova te humb nocionin mes dites e nates". Me veshet ngritur ne cdo sekonde, ai mundohej te thithte cdo tingull, qe ne mendjen e tij konvertohej menjehere ne sende qe mund ta ndihmonin per te kuptuar se kush ishin tutoret dhe vendi ku mbahej i izoluar. Vendin e frikes se pare, kishte filluar ta zinte qetesia per te zoteruar situaten. Edukimi dhe vitet e para te shkollimit te larte ne SHBA, duket se e kishin pjekur Klajdin ne ate mase sa "te sillesha mire, per te ngjallur meshiren kristiane te tyre". Megjithese nuk i kishin dhene asgje per te ngrene, duhej te ishte i kenaqur perderisa i jepnin uje dhe nuk e kishin dhunuar per asnje cast fizikisht.

Nderkohe qe njeri prej pengmaresve i qendronte aq prane sa "ta njihte tashme vetem nga zeri", sebashku me kater te tjeret, bisedat e tyre ishin bere me te trocta. "Duam 10 miliarde leke. E c'i ka Sulo Shehu aq para? A nuk ka paguar ai kaq pas disa gjobave njera pas tjetres?", bisedonin ata, ne pak caste qe qendronin sebashku ne dhomen- qeli te Klajdit. Me pas ata zhdukeshin, per te nisur negociatat ne distance me familjaret e prese se tyre dhe per te kontrolluar situaten nepermjet medias, opinionit dhe burimit te tyre, qe ndodhej brenda kupoles se policise.

Prej tij po vinin mesazhe shqetesuese. Pasi mes te shoqeruarve te dites se dyte, ne polici kishte perfunduar edhe Besnik Gjata. Por ata ndiheshin te sigurte pasi shoku i tyre i aksionit, i kthyer vetem dy jave me pare nga Italia, kishte dhene prova edhe me pare se nuk ishte nga ata qe perkulej. Ata do te prisnin e shumta 48 ore dhe ai do te lirohej. Megjithate, kishin nisur te shqetesoheshin se perse njeri prej tre te shoqeruarve, te ishte pikerisht njeriu qe kishte siguruar strehen per pengun.

Dyshimet e tyre ishin shnderruar ne nje panik te vertete, kur te merkuren afer mesnates sirenat e makinave te policise kishin depertuar deri ne veshet e Klajdit. "U gezova pamase, nderkohe qe rojen tim e zuri nje panik i papershkruar, kujton Shehu. Nga momenti ne moment, prisja te hapej dera dhe une te ulerisja: Jam ketu. Jam gjalle". Pas pak sekondash jane degjuar edhe disa krisma armesh ne ajer. Por kur Klajdi po priste qe kapuci i zi te hiqej nga koka e tij, zhurmat filluan te largoheshin, aq sa ai tani mund te degjonte vetem te lehurat e qenve te fshatit.

"Ne momentin kur po kontrollonim nje shtepi ne periferi te fshatit Sherishte, kujton njeri prej drejtuesve te operacionit, operativi i zones, polici Perlat Kojdheli na tha se "kam kontrolluar une ne ate ane. Nuk kishte gje". Ka qene ky momenti, kur pengmarresit na shpetuan per nje qime".

Shpleksja e lemshit

Por deshtimi i operacionit i ka shtuar dyshimet, qe kishin ardhur edhe me pare nga pergjimet telefonike, se kishte qene nje polic ai qe kishte biseduar diten e paren, ne numrin nga ku ishte telefonuar Sulo Shehu. Kaq ka mjaftuar qe me pak shterngim, i ndaluari Besnik Gjata te drejtonte gisthin drejt Kojdhelit. I cili, edhe pas ndalimit te menjehershem, sigurisht qe nuk kishte si te pranonte. Ishte mbyllur edhe dita e dyte dhe kishte nisur te zbardhej e enjtja. Drejtuesit e operacionit, si edhe pengu, kishin kaluar 48 ore pa gjume.

Mediat vazhdonin te mbanin ne qender te kronikave te tyre, lajmet per fatin e Klajdi Shehut, nderkohe qe Presidenti i Republikes dhe lideri i opozites, kishin biseduar ne telefon me xhaxhain e tij. PD kishte zhvilluar dy konferenca shtypi me kete teme, duke i bere presion qeverise qe te gjente sa me shpejt autoret.

Diten e trete, ne qender te qytetit te Vlores, dega e PD dhe biznesmenet e qytetit organizuan nje tubim proteste. Jehona e se ciles, nuk kishte si te mos kishte shkuar 10- 12 kilometra me tutje. Ne fshatin Sherishte te Komunes se Babices, ku disa bandite fshati mbanin peng nje bashkemoshatarin e tyre per te detyruar familjaret e tij te paguanin shumen e cmendur prej 10 miliarde lekesh.

Pas trokitjes se policise ne fshat dhe ndalimit te Gjates e operativit te policise se zones, ata i kishin humbur lidhjet dhe bashke me to, jo vetem shpresat e pasurimit te menjehershem, por edhe sigurine per jeten e tyre ne liri. Ndaj, afrimi i mbremjes se te enjtes, dukej gjithnje e me i rrezikshem. "E ndjenim se presioni i gjithanshem po i jepte efektet, ndaj sapo ra mbremja e te enjtes beme 2- 3 kombinacione", tregon drejtuesi i operacionit, kolonel Bizhga.

"Rreth ores 21.00, dy persona me vendosen thesin ne koke dhe ashtu te lidhur me pranga, me nxoren jashte baneses. Filluam te ecnim neper nje terren te veshtire", kujton Klajdi, duke treguar se nisi te frikesohej, pasi nga momenti ne moment, mund edhe ta ekzekutonin per te humbur gjurmet. Nje ankth pa fund mes nje qetesie vrastare, qe ka zgjatur plot dy ore. Derisa ndalen, me hoqen thesin e masken, e ashtu me duar ne pranga me thane: "Tani largohu".

-"A do te me vrisni?", i pyeta.

-"Jo, thane ata, por vetem mos e kthe koken prapa".

Megjithese nisi te ece, frika e ka shoqeruar gjate gjithe atyre 20 minutave qe iu desh te pershkuante ne kembe rrugen deri ne shtepine e pare te fshatit Kanine. Ishte mesnate dhe te trokiturave i eshte pergjigjur Artur Xhafa. "Me tha se jam nipi i Sulo Shehut i marre peng". Hapa deren, pashe nje djale te zverdhur, qull ne djerse dhe te trembur. Menjehere i telefonuam xhaxhait te tij dhe pas 20 minutash, ai, sebashku me dhjetra forca policie, mberriti ne fshat.

Nderkohe lajmi per lirimin e 22 vjecarit mberriti ne celularet e qeveritareve dhe redaksite e mediave, po aq shpejt sa edhe marrja e tij peng. Kishin kaluar 75 ore dramatike dhe pas mesnates se te enjtes, kishte trokitur e premtja. Por, policet nuk kishin kohe qe t'i bashkoheshin gezimit te familjareve per gjetjen shendoshe e mire te Klajdit. Pengmarresit ishin te lire, ndaj ata filluan ta merrnin ate pyetje. "Nuk ka problem, me pyesni per gjithcka", kishte thene Klajdi, qe ka dhene shpjegime te detajuara per tri ore me radhe. Nje kronologji interesante e nje njeriu, qe kur i mbyllet nje shqise, mpreh ne kufij pertej normales shqisat e tjera. "Filmimet" e te cilave i kane cuar policet te premten ne mesdite, ne shtepine e Bedineve, ne periferi te fshatit Sherishte. Celesat e se ciles i ishin besuar Liri Gjates, kunates se Besnik Gjates, te arrestuar diten e dyte te operacionit.

Te bindur se kishin "trokitur" ne shtepine e duhur, ata kane thirrur ne vendngjarje protagonistin e saj, Klajdi Shehun. I cili nuk pati pike dyshime ne momentin qe pa serish kazanin e rakise, qypin e baltes, fenerin e ndricimit dhe pompen e sperkatjes se rrushit. Te vetmet objekte, qe kishte mundur te dallonte ne pak sekondat qe e kishin lene vetem. Aq sa per te ngritur kapucin e zi te rrembimit, per te denoncuar dhomen- qeli te aventures se tij te zeze 75 oreshe. Nje drame qe e detyroi te deklaronte me bindje, menjehere pas lirimit, se tani e tutje do te kthehej ne Shqiperi, vetem per pushime.

[Dajaku]

Fakti qe Klajdi nuk u exekutu dhe i njihte mire rrembysit, te ben te besosh 1 000% qe e kish organizu vete rrembimin, e as syze e jo kapuç qe s'ka pas, por prisni se keni me ndigju me mbrapa, kur te dalin ne gjygje.

[Asteroid]

Prokuroria kë përfunduar hetimet për gjashtë të pandehurit dhe të hënën dosja shkon në gjykatë


Vlore - Prokuroria e rrethit Vlorë mbyll hetimet dhe dërgon për gjykim çështjen penale ndaj pengmarrësve të Klajdi Shehut, ngjarje e ndodhur dy muaj më parë. Organi i akuzës së Vlorës ka përfunduar hetimet në lidhje me Elton Ismailin, Luan Saraçin, Besnik Saraçin, Besnik Gjatën, Perlat Koidhelin dhe Julian Metushin. Të gjithë këta akuzohen nga prokuroria për pengmarrje të kryer në bashkëpunim dhe rrezikojnë nga 10 deri në 20 vjet burg. Momentalisht vetëm Julian Metushi ka mundur që t’i shpëtojë prangave të policisë pasi është larguar në drejtim të Italisë. Ai është shpallur person në kërkim ndërkombëtar dhe sapo të arrestohet do të ekstradohet në Shqipëri. Lajmi është pohuar dje nga burime zyrtare të Prokurorisë së rrethit Vlorë. Sipas tyre, hetimet janë përfundur dhe të hënën pritet që të dorëzohet kërkesa për gjykim. Në akt-akuzën e prokurorisë thuhet se gjashtë personat janë pengmarrësit e Klajdi Shehut, nipit të biznesmenit të çimentos Sulo Shehu. Dy organizatorët e pengmarrjes kanë qënë shtetasit Luan Saraçi dhe Besnik Gjata. Ndërkohë katër të tjerët i kanë ndihmuar në marrjen peng, transportimin dhe fshehjen e pengut Klajdi Shehu. Ata kishin si qëllim përfitimin e një shume të konsiderueshme parash në këmbim të lirisë së nipit të biznesmenit. Në duart e organit të akuzës ka një sërë provash që vërtetojnë fajësinë e gjashtë të akuzuarve. Vetë pengu i liruar ka mundur që të japë shumë të dhëna të rëndësishme. Ai ka identifikuar shtëpitë ku ka qëndruar, prona të të arrestuarve, si dhe ka treguar për pengmarrjen. Gjithashtu policia ka gjetur një nga armët e krimit, maskat e përdorura nga grabitësit si dhe makinën me të cilën është trasportuar Klajdi. Në të gjitha këto ndodhen gjurmët e pengmarrësve.

[Asteroid]

Ju siguroj zori Berisha se djali im ka ndihmuar drejtpërdrejt në çlirimin nga pengmarrësit


TIRANË – Kryeministri Fatos Nano ka zbuluar dje, në mënyrë të papritur në mes të fjalës së tij gjatë debatit të kërkuar nga opozita për dhunën ndaj biznesit, se djali i tij, Sokoli, ka ndihmuar në lirimin e nipit të biznesmenit vlonjat, Sulo Shehu. "Rrëmbimi i Klajdi Shehut zgjati rreth katër ditë, por ju siguroj ju zoti Berisha se një faktor kryesor i lirimit të tij ishte djali im, i cili ka ndihmuar drejtpërdrejt në çlirimin nga pengmarrësit. Nëse ju doni të dini më shumë bashkë mund të bëjmë një bisedë konkrete", -ka shpjeguar Nano, duke zbuluar kështu një detaj të ri nga i gjithë operacioni për lirimin e Klajdi Shehut. Në replikën e tij kryetari i PD-së, Sali Berisha tha se “Më përmendi këtu djalin. Gëzohem shumë që nuk i ka ngjarë të atit dhe kjo përbën një lajm të mirë. Por nuk mund të mburret në këtë mënyrë. Nuk mund të flasë në këtë mënyrë një kryeministër”, -tha Berisha. Sipas burimeve Sokol Nano, djali i kryeministrit, i cili punon në kompaninë celulare Vodafon, ka realizuar vetë përgjimin e perceptimin e telefonatave që pengmarrësit e Klajdi Shehut kanë bërë me familjarët e tij, por edhe me njëri-tjerin . Zona, ku pengmarrësit mbanin nipin e biznesmenit nuk ka qenë fort e lehtë për të perceptuar telefonatat duke qenë fshat pak i fshehur. Ky detaj nuk ishte zbuluar deri në këtë moment. Nga policia u tha se çelësi i suksesit në të tërë operacionin për lirimin e Klajdi Shehut ka qenë identifikimi i vendit nga ku bëheshin telefonatat e pengmarrësve, por pa zbuluar se ato janë bërë nga specialistë shqiptarë të Vodofone. Telefonata që zbërtheu rrjetin e pengmarrësve ishte ajo mes njërit prej anëtarëve të grupit me inspektorin e zonës, pjesëtar i forcave policore, i cili kishte si detyrë që të njoftonte pengmarrësit për lëvizjet e policisë që ishte vënë në kërkim të tyre.