Kujdes greminën Timonier!

[Duke_Of_Arberia]

Nga Andi Bushati

Edi Rama e rrëmbeu i vetëm timonin. Këto zgjedhje që u bojkotuan nga ata që kanë braktisur me kohë Shqipërinë, nga ata që nuk patën besim tek një opozitë e kalbur që deshi të sillet si qeveri apo tek një parti qeveritare që deshi të bëjë si opozitë, treguan disa gjëra. Ato treguan se në mjedisin shqiptar mjafton të heqësh një muaj kravatën dhe të vishesh me tuta; të mos bësh premtime, por të thuash batuta; të mos sjellësh asnjë investim të huaj, por të bojatisësh fasadat; të thellosh borxhin pa ndërtuar asnjë vepër madhore, pra mjaftojnë vetëm këto, për të thelluar rrezultatin dhe për të qëndruar në pushtet.

E përsëri ja ku jemi tek pyetja: mos vallë votuan shqiptarët gabim? Si është e mundur që fitoi Edi Rama? Si është e mundur që ai mori shumë më tepër deputetë se katër vite më parë?

Përpara se t’i jepet jetë teorisë të gabuar të një populli që i kupton me vonesë gjëmat e pushtetit, duhen eksploruar disa shkaqe të tjera.

Edi Rama fitoi si pasojë e bojkotit masiv dhe këtë e tregon fakti se në numur votash ai nuk ka pësuar asnjë ngritje të ndjeshme në raport me katër vite më parë.

Edi Rama fitoi sepse partia me të cilën u ndesh më ashpër se kushdo në fushatë, pra LSI-a, ishe një forcë politike, që qe po aq përgjegjëse sa ai për këtë perudhë të ushtrimit të pushtetit. Çuditërisht njësoj si Rilindja edhe partia e mbetur jetim pa Ilir Metën e rriti numrin e deputetëve.

Edi Rama fitoi sepse partitë e reja dështuan. Cinikë deri në ekstrem, të zhgënjyer deri në kockë dhe të lodhur nga politika, ajo pjesë e elektoratit të lëvizshëm që kthen kamp, zgjodhi më parë pazarxhijtë që blejnë votën me para, sesa politikanët që u ofrohen me projekte ndryshimi.

Por, mbi të gjitha Edi Rama fitoi pasi ai i’a mbërriti qëllimit që ta shndërrojë Lulzim Bashën në një dordolec qesharak. Ky i fundit i’a doli t’i bëjë PD-së atë që nuk ia ka bërë dot as byroja politike, as vrasësit e 1 prillit, as Zani Çaushi dhe as Jaho Salihi. Lulzim Basha do të hyjë në histori si ekzekutori i pamëshirshëm i një partie që lindi si shpresë dhe po kalbet si kufomë. Ai e zavarriti për katë vite opozitën nën hijen e errët të trashigimisë së Berishës dhe tregoi, në kulm të fushatës, atëherë kur shumëkush priste fitoren, se qe i gatshëm ta vyshkte edhe katër vitet e ardhshme nën erësirën e Ramës. Ai nuk bëri gjë tjetër, veçse na tregoi të gjithëve së bashku, se ai kishte vlerë vetëm i fshehur në çadër. Se po të dilte cullak, në sytë e gjithë botës do të rrezultonte si tani: një butafori e mjerë.

Megjithëatë, pavarësisht nga dështimet e të tjerëve, Edi Rama fitoi edhe për meritë të tij. Në këtër vite ai arriti të konsolidoi një pushtet oligarkik, i cili punoi në fund vetëm për të. Të gjithë përfituesit e koncesioneve maramendëse, të lejeve të ndërtimit, të gjithë trafikantët e mëdhenj të hashashit që i shpëtuan ndëshkimit që në Lazarat, të gjithë bosët e televizioneve të mëdha që kanë shumfishuar pasurinë, u vunë në shërbim të tij. Me këtë pushtet të madh financiar dhe propagandistik në dispozicion, Edi Rama nuk mund të mos t’ia dilte të krijonte një realitet të remë për qeverisjen e tij 2013-2017.

Por pyetja që shtrohet tani pas kësaj fitoreje dërrmuese është : Ç’do të ndodhë më pas ? Ç’drejtim do të marrë vendi tani që Timonieri i vetëm do të ketë një mbështetje të gjërë në parlament ?

Rreziku i parë është zbehja e thellë e opozitës.

Nga njëra anë LSI-a e zmadhuar në numra, nuk dihet se sa do t’i rrezistojë faktit që pas tetë vitesh nuk do të jetë më një parti e pushtetit. Ajo kërcënohet nga avullimi i votës klienteliste dhe ndryshimi i mënyrës së financimit. Po t’i shtohet kësaj edhe fakti se ajo do t’a ketë liderin e saj real me duar të lidhura në presidencë, askush nuk mund të vërë bast për forcën e saj reaguese.

Gjendja është edhe më keq në një parti në prag të katastrofës si PD-ja. Këto zgjedhje treguan se recetat e plakut Sali i përkasin shekullit të shkuar, po aq sa servilizmi dhe pafuqia e Bashës i përket një modeli të dështuar. PD-së prpara se të men dojë për opozitën do i duhet një kohë e gjatë të merret me veten. Do i duhet të kalojë nëpër kalvarin e një prerje kokash dhe ndryshimi radikal, nëse do vërtet që një ditë të rigjallërohet. Por ky proces riskon t'a mbajnë larg misionit vendimtar të të bërit opozitë. Për t'u bërë e besueshme për shqiptarët PD duhet të fillojë të besojë së pari tek vetvetja.

E gjitha kjo situatë rrezikon që t’a lërë Timonierin e madh fare pa frena. Ai tani mund të realizojë gjithçka kishte në kokë. Ta japë gjithë shtetin me koncesion. Të mbushi Shqipërinë me plehra të importuara. Të dendësojë Tiranën me kullat që planifikoi që kur kryesonte bashkinë. Pra, shkurt, të realizojë projektin e tij final, për t'a qeverisur vendin duke e akumuluar të gjithë pushtetin ekonomik dhe financiar në duart e pak oligarkëve. Ai rrezikon të ndjekë të njëjtën skemë, me të cilën akaparoi PS, përmes klientëve të tij të pasur, me të cilën kontrolloi parlamentin e shkuar, përmes kriminelëve që futi aty. Në të njëtën mënyrë Rama planifikon të kontrollojë Shqipërinë e nesërme duke e ndarë atë në pak duar të super të pasurve pranë tij.

Në këtë mënyrë zgjedhjet e katër viteve më pas do të jenë vetëm lojë.

Gremina e një sistemi alla Putin apo Erdogan duket me e afërt se kurrë. (Lapsi.al)

[Duke_Of_Arberia]

Nuk kam shume respekt per tezat e Bushatit, por kesaj here gjykoj se ka goditur drejte e ne shenje...

[{A_N_G_E_L_69}]

Ha ha ha zemra mal! Mos u merzisni smirusha

[derjansi]

Sa gjynaf lol

[Neteorm]

Denata Toce, psikologe e njohur dhe demokrate ka reaguar ne FB:

Te dhane ministrine dhe dole palagur, por u diskutove si hajdut "dinjitoz!" Te dhane bashkine dhe vet komunistet mendo, i fute nje sy gjume, medemek nen "kostumin" e liderit qe nuk behej gerrnjar, se s'kishe pushtetin me vete (Shume e diskutueshme kjo, ne planin 4 vjecar te kryetarit te bashkise.) Nuk dole gerrnjar, po dole dembel dhe legen. Te dhane partine, ne kurriz edhe te me demokrateve se ty. E nise si lider "model" pa model, dhe perfundove modeli me i shemtuar qe te rinjte e ketij vendi kane pare ndonjehere.

Pse? Shume e thjeshte: deshe te legjitomoje veten duke ngritur koken dhe çadren bashke, te zuri cadra brenda dhe koken e thyer ia shite dushmanit! Vrave akoma me shume shpresen e qytetareve te thjeshte demokrate qe te ngjashmit humben te njejten kauze ne zgjedhjet e 2013-es, te ngjashmit qe u vrane ne mes te bulevardit po me te njeten shprese panvaresisht bindjeve partiake, dhe po ne te njejtin bulevard ke genjyer ti dhe "shoku" yt me mijera si ata! Pra, u thyeme shpresen atyre qe te deshen edhe pse shume prej tyre erdhen te zbathur dhe te pangrene, por me besim!

"Killing the father!?" Jo ore jo, sot me shume se kurre e bere me te forte se asnjehere! E shkaterrove strukturen e partise per me pak kohe se c'te duhen per te njohur veten ose grate qe ke ne krah. Per me pak kohe se ç't'u desh per te njohur vet partine. Keshtu, per shume me pak kohe fute neper lista zgjedhore persona qe nuk dine bazen e drejtshkrimit le me pastaj te njohin historine dhe thelbin e demokracise. Per kontribut dhe dedikim s'ka nevoje, se edhe vet po keshtu hyre ne parti dhe po keshtu u ngrite, me meritokraci skolastike por pa njohuri dhe inteligjence politike. Me kembet e tua te gjata, por pa punuar nje here me duart e tua.

Duart e tjera qe punuan per ty, i diskutojme me here tjeter, por kete here, kembet e gjata ndihmoji qe majat e tyre te kthehen tek dhembrat dhe ik e mbushu nga erdhe, nese e di rrugen! Ne mos, do te ndihmojne serisht ta gjesh! Te premtoj qe do te kem disi respekt per ty mbas kesaj, nese ia del ta besh i vetem!
Ps. Per te gjithe meskinet apo kopracet e partise, por jo te demokracise, ju kujtoj se perpara se te guxoni te mendoni ngushte mbi reagimin tim personal, po ju them se nuk ka aspak naivitet ketu; une jam Denata Toce, dhe nuk jam nga fahati i burrit, fshati i cili qellon te jete edhe i kryetarit, fshati i cili e ndeshkoi gjithashtu me vote!

[Albo]

Republika e Hashashit triumfon mbi Republiken e Re!

Shqiptaret zgjodhen hashashin perballe punes se ndershme.

Shqiptaret e bene zgjedhjen e tyre, dhe tani ngelet vetem te mesojme:

- Zgjedhjen e fqinjeve dhe nderkombetareve qe u duhet te vuajne pasojat e Republikes se Hashashit?

Une them, qe te gjithe shqiptaret e ndershem qe kane ngelur ne ate vend, te ikin nje ore e me pare, qe te mos digjen si minjte...

Albo

[derjansi]

Albo shpalle dit zie ne forum lol


Edhe tetë vjet ske per ta pa PD ne pushtet o i shkret

[{A_N_G_E_L_69}]

Albo mos mer per kot mor burr, di cfare zgjedhe populli. Nuk i ha njerI kto kumllat qe flet ti ktu ne forum. Je shume dobet ne propagande plako. As Shkelzen Berisha nuk flet kaq me urrejtje kunder Shqiptreve dhe qeverisi sic ben ti. Jane ndergjegjesur njerezit mbaje vath ne vesh. Qe je jeto ti ne UsA nuk do te thote qe te jeshe me i zgjuar ne voten masive. Ndrysho stil propgande sepse vetem ato te bathores flasin si puna jote.

Edi Rama do jete minimalishte dhe tete vite te tjera Kryeminister!

[Xinxerfilli]

Republika e Hashashit triumfon mbi Republiken e Re!

Shqiptaret zgjodhen hashashin perballe punes se ndershme.

Shqiptaret e bene zgjedhjen e tyre, dhe tani ngelet vetem te mesojme:

- Zgjedhjen e fqinjeve dhe nderkombetareve qe u duhet te vuajne pasojat e Republikes se Hashashit?

Une them, qe te gjithe shqiptaret e ndershem qe kane ngelur ne ate vend, te ikin nje ore e me pare, qe te mos digjen si minjte...

Albo

Ore njerezt votuan Ramen se nuk kane hashash. Se hashashin e Lazaratit e dogjen ata edhe njerezit nuk jane me te droguar ne Shqiperi. Se vetem nje i droguar mund te votonte per te sjelle PD-ne ne pushtet sic votuan ne 2005 apo 2009 e sidomos ne 2013 pas atyre 8 vite skamjeje.

Po te lexosh ketu postime te mia te hershme e shikon se parashikimet kane dale te verteta dhe se Luli do ta shperbente PD-ne fare. Ja ku e ke pra, PD pa figurat e saj dhe me Vangjel Dulen, Fatmir Mediun dhe Nard Ndoken ne vend te tyre

Prit dhe dy vjet se do dali pas PDIU rrezik e ne 2021 do shkrihet fare si PDR e Pollos