Pse jetojme?

[Shpirta]

Ne rradhe te pare, nuk e kuptoj , cfare ju djeg juve, korcarit dhe cupkes pe korce,nder kohe qe une flas me nje person. Ju jeni i treti dhe i katerti dhe nuk ju drejtova juve asgje por fola me bashkebiseduesin tim.Te gjithe kemi te drejten e te shprehurit dhe nuk e kuptoj pse duhet te me gjykoni?

Se dyti, i dashur korcar, jam Zonjushe....dhe nuk i jap zotit asnje lloj paraqitjeje sepse nuk e kam pare.Sipas thenive, qe na ka bere sipas imzhit te tij ,mund te thuhet edhe kjo gje apo jo?Per nje njeri qe nuk beson ne Zot me duket si teper te vish dhe te me gjykosh mua se cfare imazhi kam une rreth tij.Nese te qeteson ty ne nje fare menyre se cfare mendoj une per Zotin dhe per besimin:besoj se ekziston nje fuqi e mbinatyrshme qe ka bere te mundur jeten ne kete planet.Ai KONKLUZIONI yt nuk me duket fare i drejte sepse sipas fese Zotit i behet vone nese ti beson ose jo.Dhe sa per diktaturen, besoj se njerez te cilet e perjashtuan Zotin plotesisht e bene te mundur nje gje te tille(meqenese more si shembull shqiperine)

Se treti,Cupke pe Korce,faleminderit per vlersimin, qe keshillat e mia vlejne per poema lirike.Do te thote qe te pelqejne poezite e mia Te pakten keshillat e mia vlejne per dicka apo jo? Dhe sa per rekrutimin e dishepujve me llomotitje.... me sa di une dishepujt e Jezusit qene njerez te thjeshte, pa shkolle , pa dije, pa literature te lexuar ose te degjuar rreth filozofise.

Desha te shtoja edhe dicka , por me mire po e le pa thene sepse nuk dua te bej armiq njerez te cilet nuk i njoh dhe dhe nuk kam asnje te drejte t'i gjykoj vetem nga disa fjale te thena ketu.

[Nellye_pr]

Une mendoj qe njeriu eshte i krijuar me nje qellim dhe eshte vequar nga krijesat tjera me mendje pra edhe do te llogaritet per ate se qfare punon per ndryshe nuk do te kishte dallim nga kafshet kur shohim se ka me te fort se njeriu ,me te medhenje etj, po mendja eshte ajo qe e bene te dallohet nga qdo qe tjeter
Mendoj se njeriu eshte krijuar qe ta adhuroj krijuesin .

[korçar]

Sapunin per djathe the? Te them te drejten nuk e besoj. E di pse? Teknologjia duke bere te sajen me ka detyruar prej kohesh te perdor sapun te lengshem, shampo ta kam llafin. Keshtu qe me mire do thuhej : te pish shampon si dhalle, ose ta hash si pershesh! Per kete te fundit smund te te them jo, ku i dihet. Por edhe kjo ka nje avantazh : te pakten me mban goja ere te mire edhe pse me shkumezon duke nxjerre flluska...

Kur the ate shprehjen "Foli budallait me budadallekun e vet qe te mos kujtoje se eshte i mencur", pra fillimisht kujtova se ma hodhe, thashe me vete 1 : 0 per cupken... Po ja qe jam portier i mire dhe po te them nje tjeter thenie nga ato te mijat : " Zgjuarsia me e madhe eshte te besh budallain te besoje se eshte me i zgjuar se ty." Ka akoma ne traste...

Ne lidhje me femijet : patjeter qe nje "bastard" (dobiç) nuk eshte me pak i vlefshem. Une e kam shpjeguar por ti me duket se i dashke gjerat me shume te shkoqitura ( ka nje shprehje korcare qe e harrova dreqi!), por une duke pasur parasysh se po flas me nje pretendente per timonin besoja se mund te flisja me metafora, me nenkuptime. Nejse po vazhdoj me shkoqitjen.
Vertet dikush mund te jete fryti i dashurise se prinderve te tij por kete gje ai nuk mund ta dije kurresesi neqofte se prinderit nuk tregojne dashurine e tyre pas lindjes, gjate jetes, te ketij te fundit. Pra kur ai te kete mundesine te jete i ndergjegjshem per kete dashuri. E njejta gje dhe per bastardin, pak rendesi ka neqofte se ai eshte fryti i nje dhune apo keqkuptimi, neqofte se ai gjen dashurine e duhur pas ardhjes se tij ne toke. Po s'e gjeti, kjo do te thote se ai eshte nje i keqdashur midis te shumteve. Por kujdes, une nuk thashe se te jesh i dashur na jep ndonje vlere pasi dashuria qe na jepet eshte gjithmone subjektive, vlen per njerin por jo per tjetrin, nderkohe qe ne flasim per vlera universale, objektive. Dashuria qe na jepet ka me shume te beje me besim tek vetvetja dhe si rrjedhoje ai qe zoteron kete duket sikur ka me shume vlera ne syte e te tjereve. Po keto sy jane subjektive dhe nuk na thone asgje per vlera universale, te patundshme. Po te rikujtoj se bota vuan nga mosgjetja e nje vlere universale, e patundshme. DESCARTES eshte nje nga te paret e koherave moderne qe provoi te zbuloje nje te tille, pra ti gjente nje zgjidhje misterit, dhe arriti ne perfundim tek nje vlere nuk mund te kete me subjektive : COGITO, mendoj pra jam. Kjo e fundit tregon kufijte dhe subjektivitetin e cdo subjekti. Shkurt muhabeti, nuk kemi gjetur akoma nje vlere te patundshme mbi te cilen mund te bazohemi per vleresimin e te tjerave. Zoti eshte nje hipoteze... dhe ngelet i tille. Nje vlere e patundshme mund te jete "materia" por ja qe njerezve nuk ju vjen mire te perulen ne copa mishi (Nietzsche ka luftuar per ti dhene trupit, pra materies, vlerat e duhura, vleren supreme). Gjithesesi vecantia njerezore ngelet sidoqofte "mendja".

Ketu vijme tek ajo qe ke thene :" Kuptimi i jetes nuk vjen per "cfare jeton", me teper se "si jeton"... Shume dakort, puqem 100% por ne anen tjeter ky eshte vizioni i te ashtuquajturve, ne filozofi, te "urtet". Ne e dime qe te dy qe asnjeri prej nesh nuk eshte i/e tille : i urte ne kuptimin filozofik te fjales. Hormonet mbizoterojne, tek mua ashtusi tek ty...
"Si jeton" per ne kthehet ne "per cfare jeton" sepse nje nga cilesite dhe detyrimet e qenies , fale conceptit te se ardhmes qe vetem njeriu njeh, eshte "QELLIMI". (E ke thene dhe vete, por mos te duket se po perserit ate qe ke thene.) Pa patur nje qellim ne jete nuk mund te jetosh - ne fakt ka shume qe jetojne kesilloj por keta mund te jene ose te "urte" ose injorante ; fatkeqesisht te gjithe e dime se ne bote ka me shume nga keta te fundit - dhe pikerisht kjo eshte arsyeja qe shnderron "si jeton" ne "per cfare jeton?".

Diskutimi po rreshqet pak nga vija nismetare dhe po shkon pak a shume sipas qejfit te muhabetit, gje qe me pelqen mua ashtusi dhe ty .

Nuk te kuptoj mire se si e koncepton njeriun qe trashend vetveten? Nga njera ane me duket se i ke koncepte te degjuara por te cilave nuk jua di domethenien. Perderisa nuk ka asnje vlere universale me ane te se ciles mund te vleresojme trashendimin e vetevetes. Qellimi do me thuash ti na jep kete mundesi. Po kush me thote mua qe nje qellim eshte me i mire se nje tjeter. Midis qellimit te pianikut dhe atij te doktorit (doktor esell, nuk ve alkol ne goje), kush eshte me i mire? Duket se COGITO eshte e vetmja vlere qe me ben te percaktoj kush eshte e mire dhe e lige por duke qene subjektive, jo-universale, atehere ajo vlen per cdo njeri ne te njejten menyre dhe anarkia ngelet e vetmja zgjidhje per njerzimin. KJo eshte dhe arsyeja pse Dostojevski dhe te tjeret thone ate qe shkruajte ti... Megjithse pa lidhje me diskutimin tone kjo eshte dhe arsyeja pse nje shtet por mbi te gjitha ligjet jane te nevojshme. Dihet qe pa to bota do te ishte nje xhungel e te tjera me radhe... (spo i permend te gjtha kesaj radhe).
Vetem neqofte se futemi ne nje kontekst egzistencialist mund te themi se doktori ka nje qellim me te lavdueshem se ai i pianikut. Pra rruajtja e egzistences.
Pra "E MIRA" dallon nga "E KEQIJA" ne lidhjen e ngushte qe ajo ka me egzistencen. Ne te gjitha rastet do te dalesh tek i njejti perfundim. (Po me duket vetja filozof papritmas!)


P.S.Ti ftome per darke mua mos ki frike se nuk te pyes per kuptimin e jetes, perderisa e di qe nuk egziston. E vetmja gje qe kerkoj eshte nje arsye per te jetuar... dhe kete mund te gjej shume mire fale pranise tende .
Ahh! se desh harrova, nje grua ne nje anije o eshte e kapitenit, o eshte e te gjitheve. Ti e di tani...

P.S. Armando Vranari, cfare ke ndermend te me nxjerresh bojen fare?!

[edspace]

Po çu bëre bre Korçar se na morri mali.
E di që të kam bezdisur por do të përgjigjem se si adoleshent që jam nuk duroj dot pa thënë dy fjalë. Ndryshe nga çupka, nuk do futem në punët e dashurisë pasi është bërë shumë delikat muhabeti me ata bastardët e tu.

Ta filloj në fillim me sapunin, djathin, shampon dhe dhallin.
Si burr i urtë dhe i moçëm që je, më bëhet qejfi që je i aftë të modernizohesh. Qënke më i zoti nga gjyshi im pasi jam munduar ta bëj dhe atë modern por marzalla se e kthen shampon për dhallë.
Kur të kesh kohë mund të të jap numrin e telefonit dhe të llafoseni njëherë kokë më kokë dhe të kujtoni ato fjalët e urta, ti me të tuat, ai me ato të popullit. Ai ka vite që e ha sapunin për djathë dhe lëre gojën që i mban ërë të mirë por i bën mirë dhe për problemin e kapsllëkut. Lëre or djalë më thotë mua se sapuni të pastron me themel. Zotërote e ke vënë re këte fenomen me përdorimin e shampos?

Sa për gjetjen e një vlere universale, më duket si një hipotezë shumë ideale dhe siç e dimë idetë ideale nuk janë të mundshme në këtë botë. Feja mund të themi se është universale. Të gjitha fetë janë bazuar mbi të njëjtat koncepte, mbi vetëm një të mbinatyrshëm dhe llogjikisht duhet të kishte vetëm një fe universale, por në botë numërohen me qindra fe. Jo vetëm aq por edhe sot e kësaj dite njerëzit bëjnë luftra vetëm e vetëm për fenë. Psh: Shqipëri-serbi-greqi, Izrael-Palestinë, Rusi-Çeçeni etj etj. Pra edhe nqs gjejmë një vlerë për të matur çdo gjë tjetër ajo nuk do ishte kurrë universale. Do ishte po aq universale sa dhe feja. Do më falësh se nuk i njoh ato shprehjet e huaja filozofike që ke përdorur dhe nuk mund të bëj koment.

Ata njerëzit "e urtë" mos kanë mungesë hormonesh?
Njeriu ndryshon nga kafsha sepse i kontrollon ose të paktën u reziston hormoneve. Ke bërë dy gabime duke u shprehur se dhe ti bashkë më çupkën jeni në kontrollin e hormoneve. Gabimi i parë është që ke ulur veten në nivelin e kafshës kur ti e di shumë mirë që je burrë i urtë. Kafshët nuk mund të nxjerrin konkluzione filozofike dhe ti shprehin ato aq bukur sa ty. Ti vetë e the që ke një torbë plot me thënie origjinale prandaj mbaje veten si Korçar, si filozof dhe mos na zhgënje neve të tjerëve që nderohemi me praninë tënde në forum. Më vjen turp që të flas kështu se para teje unë jam vetëm një adoleshent. Gabimi i dytë është që ke barazuar çupkën me veten tënde. Mendoj se ajo do të jetë ofenduar shumë kur ti flet me aq kopetencë për cilësitë e karakterit të saj. Nejse, ajo si Korçare e ka gojën brisk dhe jam i sigurtë që nuk do ta vonojë përgjigjen.
I shkreti ti...."po ç'tu desh more pulesh" thotë populli në këto raste. Apo është "po ç'tu desh more kokë presh" ....se mbaj mënd mirë.

Mezi po pres sa ti propozosh çupkës në forum. Do ishte martesa e parë në forum. Thuaja hapur të shkretës dhe mos e mundo. Ti as në qiell, as në tokë. Jo për gjë por të mbledhim mëndjen ne të tjerët. Si filozof që je më duket se po e sjell muhabetin vërdallë se ke frikë nga një përgjigje negative të saj. Kërkon të bindesh plotësisht para se ti bësh pyetjen magjike. Je me të vërtetë mjeshtër në gjueti dhe unë si më i vogël që jam po mësoj shumë. Të faleminderit.

Si gjithnjë me respekt,

[korçar]

O Edi I hapesires nje fjale e urte franceze thote : "Le bonheur des cons fait toujours peine à voir!" Ik merre fjalorin... me vrap!

"Ca shpirtra i shpetojne lehte gravitetit, vetem shkelmat ne prapashtese i sjellin ne toke."
Thirri gjyshit qe nga larg qe te te fute nje maje shapke atje tek vendi, se po ta dhashe une do te te dhembe...

[edspace]

Ahhh, tani po që je filozof.
Me këtë postin e fundit u binda që je i urtë.

Sipas shprehjes tënde....

" Zgjuarsia me e madhe eshte te besh budallain te besoje se eshte me i zgjuar se ty."

Pas postit të fundit më duket vetja më i zgjuar se ty. Je vërtet filozof i thekur.

ps: Lër Armandon të ta nxjerrë bojën dhe mos e nxirr vetë se s'ka lezet.

[Fiori]

Calexico me pelqeu ajo shprehja. Camus ka thene dicka te tille gjithashtu, pak a shume :

"Nuk ke per te jetuar ndonjehere nq se je gjithe kohes duke kerkuar kuptimin e jetes."

Jetoni njerez se ka shume arsye per te jetuar, mos e vrisni mendjen cilat jane ato, pasi jane te pafundme.


p.s. Edi mos i ngacmo korcaret se i çorrodite Nuk ju gjendet gjuha e perbashket njerzve asnjehere, dhe kjo duhet pranuar keshtu e thjeshte sic eshte, nuk ka nevoje per shume teori.

[dordi1]

fjale, fjale, fjale...
edhe camus per ato qe ka shkruar eshte mbeshtetur tek pervoja e tij personale.
po keshtu edhe cdo mendimtar tjeter...
askush nuk mund te jape nje pergjigje absolute, sepse i tille eshte sistemi; ajo qe vertetohet sot vdes neser... pa keqardhje!
nje gje eshte e sigurte per kedo qe eshte i sensibilizuar; qe nuk do te kete shans te dyte!!!!!!!!!!!!!!!!!!!!!!!!!!
prandaj beni me te miren te mundshme, dhe pushoni se qari kot me koti...
jeta eshte e bukur, por duhet jetuar dreqi, se pastaj....................


shnet

[armandovranari]

Nuk ka njerez qe nuk kane qellime ne jete, te gjithe ne e kemi nje qellim.
....Dikush e do shume cupen e vet, njekohesisht i pelqen futbolli dhe e ndjek, e diskuton me shoket, ne te njejten kohe nuk i pelqen ndeshja me demat dhe e shan, nderkohe qe eshte shume i dhene pas filozofise se shek. 18 dhe i pelqejne shume romancat etj..... ja te gjitha keto jane qellimi ketij njeriu, ky grumbull interesash te gjitha keto perbejne qellimin e tij, gjithmone qellimi ka vetite e "praxisi".
Pastaj eshte tjeter pune se a perputhen qellimi i tij me ndonje prej shprehjeve konvencionale te qellimit te njeriut ne jete, sic mund te jene psh. "Qellimi injeriut eshte te adhutoje Perendine", apo "Qellimi i njeriut eshte te lere pasaardhes", apo "qellimi i njeriur eshte te fitoje sa me shume pushtet", apo te fitoje "sa me shume kenaqesi fizike" etj, etj.
Por eshte e pamundur qe te shprehem ne menyre konvecionale tere ate game interesash qe perbejne Qellimin tone te jetes,qe eshte aq individuale dhe dy-planeshe IDE-Vperim (praxisi me lart) .
Ne rast se njeriu vihet perballe kerkeses per te zgjedhur te pakten nje prej formave konvencionale (pra me ane te gjuhes ne kete rast) te shprehi qellimin e tij ne jete, atrehere ai menjehere vendos ne kandar gjerat dhe zgjedh ate Shprehje, e cila varur prej formimit te tij te pergjithshem, perputhet me shume me gamen e tij, qellimin individual te tij.
Te gjitha ata qe thone se jeta nuk ka qellim e kane fjalen qe : une e kam te pamundur te burgos qellimin tim brenda gjuhes, brenda nje fjalie, ose nje grumbuli rregullash, ose parime fatere,etj.
Qellimi i njeriut ka pak a shume karakter fizik, organik, eshte vete rryma e brendshme qe na mban gjalle.

[korçar]

Zilia i mban gjalle njerezit (jo te gjithe).
Pa te njerezit do pelcisnin si flluska sapuni, pa zhurme... duke thirrur me te madhe.

[Cupke_pe_Korce]

Jotja o e te gjitheve huh? Mon cher, s'mund ta mohoj se ke nje mendje gjeniale, pjelloria e se ciles nuk mund te vihet aspak ne dyshim. Per fat te keq, kesaj here (dhe vetem kesaj here ama) te ka shpetuar nje detaj i vogel...DETI. E vene para alternatives se siperpermendur, do te kisha preferuar te mbytesha ne det ( nese do te kish erdhur puna gjer aty se, te me shtysh mua ne vetevrasje, duhet te jesh gati te vdesesh edhe vete, ose te pakten ti friksoshesh kesaj se nuk do ta kishe aq te lehte). Kjo pasi preferoj ti afrohem fundit te luftes per kuptimin e jetes me heroizem me teper sesa me deshperim apo "submission." Well...nuk e kane thene kot "there is only one philosophical problem, and that is suicide." (kete besoj se ti e di me mire se une, packa se nuk do ta shprehesh)

"Zgjuarsia me e madhe eshte ta besh budallain ti duket vetja me i zgjuar sesa ty" WOW....ve bast qe edhe Solomoni nuk do e kish thene me mire. Tamam e ke...ca njerez, edhe kur hypin maje direkut (per te mos thene maje gamiles) u duket vetja si ne Olimp. Hehehehehe....vetem per nje copez here my friend, pasi eshte e pamundur te degjosh ligjerimin e tyre qe andej lart....nje cope here dhe vijme prap ke thenia "Kamzhiku per kalin, kapistra per gomarin, dhe shkopi per kurrizin e budallanjve" Kshu pra, ti sjellim punet ne vije. Gjithsesi, me behet qejfi qe fale meje, paska ndryshuar filozofia jote. Do e shofim sa e vertete eshte kjo kur vjen puna ke kursi i lundrimit

Se kupton se c'do te thote te transhendesh vetveten the? Well, me ate ftesen per darke, ta thashe troc qe kuptimi i jetes nuk eshte objektiv por subjektiv. Por mendja jote, si gjithmone e prirur per djallezira, deshtoi ta kape kuptimin e metafores (se mos eshte hera e pare...)

Nejse, sic e ke thene edhe vete, vecantia ngelet MENDJA, per te cilen do beje mire te zgjeroheshe edhe ca...ku i dihet...mund te nderpritet diku me transhendencen.

Armando, eshte pikerisht "ajo rryma" qe me intereson mua.

We* shall be back...

[edspace]

Allasoj çupkë kjo o Korçar.
Ta dredh kuptimin e jetës sipas qejfit. Jo vetëm aq por me gjithë ato shaka e të qeshura po na bën të ndihemi vërtet budallenj.
Ne të shkretët po lodhemi kot se çupka po na sjell vërdallë si kali në lëmë.

Ja kisha frikën këtij posti dhe ja që e shkruajti.
S'ma mban ti pëgjigjem. Në je burrë binde.

[korçar]

Me duket mua apo sikur Cupka po gjunjezohet pak nga pak.
A nuk e di se ti besh komplimente kundershtarit i ngre vleren.
Ne disa raste kjo mund te jete nje dredhi atehere kur merret vesh se kundershtari eshte superior. (Po i jap vetes shume rendesi he!?) Por kjo hile nuk jep efekt kur ky kundershtari eshte i ndergjegjshem per keto lloj lajkash.

Dhe une kujtoja se kisha gjetur mesefundi dike me te cilin mund te beja muhabet. Cupke aman mos me zhgenje, nuk eshte momenti.

Sic me njeh ti mua ashtu dhe une te njoh pak a shume, fale ketyre shkrimeve. Neqofte se nuk do te njihja dhe sikur te mos dija se je e afte per kunderpergjigje cilesore, nuk do te guxoja te thosha se nganjehere "hedh pak vickla". Ta kam llafin, kur thua se do te hidheshe ne det ne vend qe... Po te siguroj per nje gje se po te me njihje vertet jo vetem qe nuk do hidheshe ne det por edhe sirene te ishe, sapo te me shikoje do kerkoje me patjeter per te hypur. Pastaj deti ku lundrojme NE (te gjithe) eshte aq i CEKET saqe po u hodhe as gishti i madh nuk mbulohet.

Nuk jam aq djallezor sa kujton po he. Por ja qe ai qe di te beje me te madhen di te beje dhe me te voglen. Apo jo?

[Cupke_pe_Korce]

Gjunjezohem the? Harroje! Nese do te kishe qene "Apollo" edhe mundet, por "Dionis" as qe mos te te shkoje nder mend.

Nese do te vazhdoj argumentin, nuk e bej kete pasi "pushteti" yt me frymezon, perkundrazi, nganjehere me iriton pa mase. Por Cupka nuk i dorezon kollaj armet, se sic te ka thene dhe me pare, jeta per te eshte detyre dhe jo kenaqesi

Ben sikur s'te vjen mire kur ta krehin bishtin eh? Aman mos me bej te ve buzen ne gaz me ironi. Nese te kam bere ndonje kompliment, qofte edhe terthorazi, kam dashur te te them se te konsideroj te denje per debat, dhe se po te mos kishe qene i tille, do te te kisha injoruar teresisht. Kjo nuk do te thote qe po ti ngre vlerat, pasi Cupka nuk te ve ty ne qender te universit te saj sikur qeni qepen ta haje. Gjithsesi, edhe ne qofsh i mire, je per veten tende

Per punen e detit, si gjithmone, edhe kete rradhe je gabuar. Deti (ketu, njohja njerezore) eshte kaq i thelle dhe i paane sa nuk i dihet fundi. E rendesishmja eshte te dish te notosh, dhe me dinakeri biles. Me keqardhje e them se, edhe pse ti nxjerr flluska me shume se keta te tjeret, akoma s'e ka dale koka mbi uje...dmth je akoma i mbytur (lol)

Ore, po se prapthi e ke degjuar are historine e sirenave ti eh? Jo se une e di qe Odisea (qe shquhet per urtesi) gati sa su hodh ne det kur i degjoi. Prandaj te them, urdheroi marinaret e tu ti shtrengojne mire zinxhiret, se me pare se te kercej une ne anije, ka rrezik te kercesh ti ne det. Djalli e mer vesh se c'te pret mbasandaj

OK, Ok, se ironia jote s'a te sosur. Tja marrim dhe nje here me iso eh? Sikur u be ca si bajat, dhe mua po me dhemb fyti....po ja ja nxjerr nje kuptim jetes une, ja ti nxorra syte ty...(kidding)

[Jeans-boy]

e ore
po beni gallate ju?

[Cupke_pe_Korce]

Para se tja filloj dua ti hapim ca letrat. Ti mendon se jeta nuk ka asnje kuptim objektiv (ketu te mbeshtes plotesisht) dhe se gjithcka na duhet per te jetuar eshte nje arsye. Per ty, kjo arsye eshte kenaqesia (e cfaredo lloji qofte kjo). Bukur fort! Nese dashuria (nje nga arsyet qe ti ke permendur) te mban gjalle, pse mos te mbaje gjalle dhe urrejtja? Nese per ty, te duash dike/dicka me gjithe forcen e shpirtit perben nje arsye te mire per te jetuar, per dike tjeter fjala vjen, kjo arsye mund te jete urrejtja, perpjekja per ti shkaktuar dhimbje dikujt etj. Duke pasur parasysh se vlerat jane gjithmone subjektive, ti nuk mund te argumentosh dot se dashuria eshte nje arsye e mire per te jetuar, dhe urrejtja jo. (ketu, nuk kam per qellim moralin)

Problemi i ekzistences eshte pak a shume e njejta gje. Ti nuk ke asnje prove te konkludosh se ekzistenca eshte me e mire se mos-ekzistenca, ose qe e para ka vlere dhe e dyta jo. Ti thua se nuk ka asgje me te keqe se vdekja, se ajo eshte nje "hic" por nuk paraqet asnje evidence per kete. Deri ketu, gjithcka ti ke shprehur eshte vetem nje opinion ne lidhje me "hic-in" apo vdekjen, por kjo nuk perben ndonje argument apo te vertete objektive.

Me fjale te tjera, ti nuk mund te provosh dot se kafeja me sheqer eshte me e mire se kafeja pa sheqer, dhe se une duhet te zgjedh te paren dhe jo te dyten. Sic e shikon edhe vete, eshte pune preference....

Ti e identifikon vdekjen me "hic-in," dhe kjo te terrorizon. Edspace ta ka permendur me lart dhe ti nuk i ke dhene nje pergjigje te sakte. Per nje njeri te gjalle, qe nuk beson ne jeten e pertejme, vdekja nuk eshte nje objekt observimi apo eksperience. Ne thjesht mendojme per te si nje gjume i perjetshem, si nje harrim, mosqenie a ku di une, por ky eshte vetem nje pershkrim--nje reagim ndaj dickaje iracionale, qe mund te jete rrezultat i gjendjes shpirterore ne te cilen ndodhemi etj.

Shkurt hesapi, te diskutosh kuptimin e jetes, apo arsyet e mira per te jetuar nga ky prizem, eshte si te kesh pyetur nje pyetje qe nuk ka pergjigje...dmth qe nuk ka kuptim. Dekarti mund te vertetoje qe une ekzistoj, por jo qe ekzistenca ime eshte me e rendesishme apo me e vlefshme se mosekzistenca.

Ke permendur Nicen, dhe me vend. Filozofia e tij, me sa arrij te kuptoj une, lindi si pasoje e ndryshimeve shoqerore. Avancimi i shkences revolucionarizoi menyren se si njerzit e kuptonin zotin, duke i lene ata pa nje QELLIM. Mungesa e qellimit rrezikonte te shkaterronte themelet ne te cilat mbeshtetej shoqeria njerezore, dhe duke pasur parasysh kete, Nice mendonte se i vetmi shpetim ishte vetetranshendenca, (Etymology: Middle English, from Latin transcendere to climb across. 1 a : to rise above or go beyond the limits of b : to triumph over the negative or restrictive aspects of) --aftesia e njeriut per te krijuar vlerat e veta. Sipas ketij gjykimi, nese ska nje zot qe ti jape domethenie jetes sime, une mund tja jap vete, sigurisht duke respektuar normat e imponuara nga shoqeria ne te cilen jetoj. Sic e thame, MENDJA eshte i vetmi mjet qe ben te mundur transhendencen, pasi nepermjet gjykimit ne jemi ne gjendje te shikojme se c'fare jemi, dhe te dallojme limitet tona.

E vazhdojme nje here tjeter...

[edspace]

Ahh po unë kaq desha. Tani që u hodh dhe çupka në anën time gjej vënd ku të futesh o Korçar. Çupka përpara dhe unë na mbrapa dhe sna del dot njeri përpara. Në listën e çupkës je po aq i padëshiruar sa dhe Binladeni me Sadamin. Në më dëgjon mua bëji shokë të ngushtë ata se i dinë mirë vrimat e miut.

Nuk luftoja dot kundër dy korçarëve por tani që ju përçava kam shpresë të fitoj.

Çupkë jepi se e ke zënë mirë. Mirë që të ka ty Korça se Korçari e turpëroi.

[Nuska]

Postuar më parë nga korçar
Zilia i mban gjalle njerezit (jo te gjithe).
Pa te njerezit do pelcisnin si flluska sapuni, pa zhurme... duke thirrur me te madhe.

Amin. Bukur e the...Jo bukur por e the tamam te verteten ...

Perse jetojme? Sepse jemi egoiste...Gjithshka e bejme me shpresen se do marrim shperblim...dhe mundohemi , mundohemi sa here deshtojme.

[korçar]

"Si duket gjendja e pacientit?
-Shenjat e paraqitura jane ne permiresim doktor : ka filluar iritohet.
-Shume mire, ne radhe te pare i rekomandojme te pije uthull... me pas sna ngelet gje tjeter vecse te shndrrojme iritimin ne dashuri."

Cupke armet mos i dorezo por ki kujdes, bej ca stervitje me kapacka, dhe qello vetem kur te jesh e sigurt se deshiron te vrasesh. Qello vetem per te vrare "my son". (John Wayne) Me nje llaf mos qello per rabecka...

Tani mos i ngaterro gjerat, "ti nxorra syte ty..." thua. Ti vete me krahasove me kapitenin, dhe me Odisene. A nuk eshte Odiseja qe u nxjerr syte te tjerve. Dezavantazhi me mua eshte se une jam dhe Odiseja dhe çikllopi, me dy sy, po me nxorre njerin me ngelet tjetri. Ske nga ja mban me duket.

Te drejte ke , nuk e provoj dot se kafeja me sheqer eshte me mire se ajo pa te. Por nuk e kam fajin une ne kete rast, eshte analogjia jote qe çalon. Per nje gje jam i sigurt, se filxhani plot (me kafe e kam llafin jo me ujera te cfaredollojshme) eshte me i mire se ai plot sepse pikerisht po ta kesh plot e ben bosh, por kurresesi te kunderten. Ja pra pse egzistence eshte me e mire se mosegzistenca sepse vetem e para perfshin edhe te dyten. Argument jo shume joshes ne vetevete por qe permban nje te vertete te madhe. Po te jesh mund te mos jesh por po te mos jesh nuk mund te jesh.

Te them te drejten pertoj te rishkruaj ato qe kam thene ne postet e meparshme. Po ti shikosh mire, dhe me ndjenjen e mirefillte per te kuptuar, do te gjesh pergjigjet e pyetjeve te ribera se fundmi. Kjo s'eshte vecse nje "para mbrapsht" qe nga fillimi.

Neqofte se ka nje Zot, jam i sigurt se ai nuk shfaqet sepse eshte i ndergjegjshem se dhe ai vete nuk mund tju mbushe mendjen budallenjve. Besoj se e di qe te heq nga kjo kategori per hir te asaj thenies se pare : "MOs i fol budallait se e meson."

Nuk e di ciles pyetjeje te njerit apo te tjetrit nuk i jam pergjigjur, ma perserit edhe njehere.
Nderkohe po te them se eshte tjeter gje mospergjigjia dhe tjeter gje mosdashja per te kuptuar.

Gjithcka qe kam thene eshte mese e kundershtueshme neqofte se si vlere "vleresuese" merret nje tjeter nga ajo qe kam perdorur une : arsyeja dhe llogjika. Sigurisht qe keto te dyja mund te hidhen poshte duke privilegjiuar nje tjeter vlere si besimi psh. Por une kujtoja se qe ne fillim, dhe vetevetiu, ishte bere e ditur se vlera krahasuese e patundshme ne diskutimet tona ishte arsyeja dhe llogjika. Neqofte se jo skam asgje per te thene, vecse gjera te percarta ne te cilat nuk besoj - arsyeja mbeshtet besimin tek une dhe jo e kunderta -dhe qe jane te pakuptimta per mua si venes ne qender i arsyes. Me thuaj a eshte keshtu apo jo?


Po nga e pe qe qenkam i terorizuar nga vdekja? Une te siguroj per te kunderten. Mbase diskutimi do na sjelle qe te shpalosim ideçkat tona ne lidhje me te dhe atehere do mund te te tregoj se si e konceptoj une vdekjen. Nderkohe dua te permend nje tekst te famshem te filozofise te EPIKURIT me titull : "Vdekja nuk eshte asgje per ne". Duhet ta njohesh besoj. Asaj cfare ke thene me pas pohimit se "vdekja me terorizon" nuk ja nxjerr dot anen, nje dreq e merr vesh se cke perrallisur. Me thuaj, te ndodh shpesh te te shkruash percart?


Shume e sakte ajo analiza e Nices. Por eshte pikerisht ai termi i "vetetrashendences" qe nuk me pelqen, dhe sjam i vetmi... Si gjithmone te gjitha problemet vijne nga liria dhe dyanshmeria e fjaleve per te cilat duhet patur nje percaktim i plote dhe i njetrajtshem. Se pari nuk me pelqen sepse Niçja e ka pas thene ate shprehje pasi pat jetuar me te tjeret dhe se une jam nje mbrojtes i idese se njeriu i vetem nuk mund te arrije asgje. Eshte shoqeria ajo qe i jep vlerat njeriut dhe qe lejon kete te fundit te "vetetrashendohet" qofte kjo dhe ne vetmi. Nuk po flas ketu per vetmine e njerezve, si ajo e Nices psh, por per nje vetmi gjithesore duke mos patur asnje lloj kontakti me te tjeret. Nje liber psh eshte nje kontakt. Se dyti nuk me pelqen sepse kur ti thua vetetrashendenca mua me duket sikur kjo me ben nje njeri tjeter nga ai qe isha, atehere kur jam po i njejti. Eshte thjesht nje evolucion i njeriut, term me simpatik per mendimin tim. Gjithesesi nuk shikoj se per cfare duhet diskutuar ne lidhje me vetetrashendencen. What's the point?

Une per vete po shikoj gjithmone e me pak vlera diskutimi. Nuk mund te kete diskutim kur nuk ka kundershtim opinionesh, idesh, pikeveshtrimesh etj. Spo shoh njeri te me kundershtoje ne menyre te sakte deri tani...
Ti thua qe une skam pare asgje deri tani po une po shikoj pak e me pak.

Ahh se desh harrova, po ja qe une i ha arrat e bakllavase ne fund fare, pas brumit te pjekur. Pse valle te quajta "skllave"? Neqofte se jeta per ty eshte detyrim atehere ti je skllave - ja ta nxjerr kamzhikun dhe kapistallin megjithese nuk kam tendenca apo preferenca sadomazoshiste - pra skllave e jetes apo e dickaje tjeter qe te detyroka. Nuk mund te jesh e lire neqofte se ke nje detyrim i cfaredo lloji qofte ky i fundit. Sic duhet ta dish LIRIA eshte parimi thelbesor i njerezimit. Pa me thuaj gjithmone detyrim eshte?

[edspace]

Përshëndetje Korçar!

Nga ato që ke shkruar (edhe pse janë për çupkën) ishte interesante fakti që ti shikon një mungesë kundërshtarësh në këtë temë. Mendoj se çupka dhe plot të tjerë që kanë marrë pjesë në këtë temë kanë sjellë argumenta shumë të ndryshme nga të tuat por nuk mendoj se ti i ke respektuar siç duhet. Këtu po flas në përgjithësi.

U përgjigjesh vetëm atyre njerëzve që të intereson (psh: çupkës) duke lënë jashtë argumente të mirëfillta nga anëtarë të tjerë.
Nqs kërkon kundërshtarë në këtë temë filozofike ateherë mendoj se duhet ti mirëpresësh të gjithë.

Në një diskutim ti mund të shprehësh mendimet e tua por në të njëjtën kohë duhet të respektosh dhe të jesh i hapur të kuptosh mendimet e të tjerëve. Me kaq sa kam lexuar në këtë temë më lë përshtypjen se ti nuk je i hapur të ndryshosh edhe nqs arsyeja dhe llogjika janë bindëse.

Me mijra anëtarë në këtë forum më duket e cuditshme si asnjeri nuk guxon të të bëjë ballë. Nuk janë aq të zgjuar sa ty apo ka ndonjë arsye tjetër që unë nuk po e kuptoj?

Gjithë të mirat!