LSI mbetet një forcë politike e cila po rritet, sidomos te shtresat e varfëra dhe te mesme ka mbështetje të fortë, pa harruar se te rinia ka një bazë solide. Disa deputetë të LSI kanë shprehur publikisht se në mandatin e pas zgjedhjeve të 18 qershorit duhet që Ilir Meta të jetë kryeministri i Shqipërisë. Edhe ministrja e Integrimit, Klajda Gjosha ka thënë në një prononcim për televizionin lokal SOT7 se LSI kërkon që në zgjedhjet e ardhshme të bëjë Ilir Metën kryeministër.
“Nuk është sekret që ne duam që Meta të jetë kryeministër. Ai është njeri që i ka dhënë shumë dialog dhe konstruktivitet politikës shqiptare”, tha ministrja e LSI-së. Gjosha thirrje që shumica të ndalë arrogancën dhe t’u shërbejë më mirë qytetarëve të vendit. “Ne duhet të ndalim arrogancën dhe t’i rikthehemi një politike që e duan njerëzit dhe që i shërben njerëzve dhe popullit shqiptar. Unë jam e sigurt që me gjithë entuziazmin që mbizotëron kudo në Shqipëri sidomos me atmosferën që gjeta me gratë dhe vajzat e Pogradecit besoj se ne do të arrijmë ta bëjmë Metën, Kryeministër, ashtu siç do të mundësojmë që LSI të jetë forcë e parë”, tha Gjosha.
Pas saj, një tjetër ministër i LSI-së, Edmond Panariti u shpreh nga Korça se synimi i çdo force politike është që të ketë kryetarin e saj kryeministër.
Panariti ka folur gjithashtu për largimet më të fundit që përflitet se të ndodhin në Qeverinë Rama, duke thënë se nuk është problem nëse largimi i 2 ose 3 ministrave i shërben stabilitetit.
“Largime te diktuar? Nuk jam marre dhe nuk do merrem me te tilla biseda. Unë dua qe ti kthehemi stabilitetit institucional. Çdo lëvizje brenda kabinetit që i shërben rivendosjes së marrëveshjes i shërben këtij qëllimi. Nuk është problem nëse largohen 2-3 ministra nëse i shërben stabilitetit. Nuk mendoj që Meta të merret me të tilla diskutime. Shpresoj që opozita të kthehet në institucione sepse është rruga e duhur. Ne e dimë mirë se çdo të thotë braktisje institucionale. Meta kryeministër është kërkese legjitime qe një force politike të kërkoje kryetarin e saj në këtë pozicion.”, tha Panariti.
Por këto deklarata kanë shkaktuar xhelozi dhe frikë në selinë rozë. Ilir Meta e ka thënë publikisht që nëse PS i bën 71 deputetë pas zgjedhjeve pa LSI, atëhere kjo forcë politike kalon në opozitë. Në të kundërt duket se është lenë “gozhda në mur”, pra nëse duhen votat e LSI mandati i kryeministrit do ti kalojë LSI. Ndryshe le ta bëjnë qeverinë PS me PD, thotë një deputet i LSI.
KohaJone
Krijoni Kontakt