Qeveria, ikin 4 ministra

[Neteorm]

Një ditë pasi u njoftua se kabineti qeveritar do të ketë ndryshimin e një numri të pacaktuar ministrash, kryeministri Edi Rama mblodhi në selinë e Partisë Socialiste 12 koordinatorët e qarqeve, pjesa më e madhe e tyre anëtarë të kabinetit.

Burime për Top Channel thonë se pritet të lëvizin ministri i Brendshëm Saimir Tahiri, ministri i Shëndetësisë Ilir Beqaj, ministri i Antikorrupsionit Bledi Çuçi dhe ministri i Mirëqenies Sociale, Blendi Klosi.

Largimi është vendosur sepse Tahiri do të kryesojë fushatën e zgjedhjeve në Tiranë, ndërsa Beqaj do të kryesojë fushatën edhe në Dibër, përveçse në Kukës.

Nesër do të zyrtarizohen largimet e tyre, ndërsa emrat e ministrave të rinj ende nuk dihen. Burime për Top Channel thonë se emrat e tyre i di vetëm kryeministri Edi Rama për momentin.

Në orën 17:00, në komunikimin javor në Facebook, kryeministri Edi Rama do të japë arsyet e ndryshimeve në qeveri.

/ Top Channel

[Neteorm]

Ndryshimet në kabinetin qeveritar tashmë janë konfirmuar zyrtarisht.



Emrat e rinj të propozuar si anëtar kabineti janë 2 drejtues komisionesh parlamentare, një deputete dhe një drejtore e rëndësishme e sistemit shëndetësor, raporton SCAN.

Po kush janë ministrat e rinj:

-Ogerta Manastirliu, e propozuar si ministre e Shëndetësisë

Është drejtore e Qendrës Spitalore Universitare që prej vitit 2013. Ajo ka mbajtur më parë postin e drejtoreshës së Strehimit në bashkinë e Tiranës 2006-2011, post nga i cili u largua pas zgjedhjeve vendore të vitit 2011. Ka studiuar për Shkenca Natyre.

-Olta Xhaçka, e propozuar si ministre e Mirëqënies Sociale

Është deputete e Partisë Socialiste e zgjedhur në 2 legjislatura. Aktualisht është anëtare e Komisionit parlamentar për Çështjet Sociale dhe Shëndetësinë. Është diplomuar për Shkenca Politike dhe Marrëdhënie Ndërkombëtare, Master of Arts (MA), për Administrim Publik nga Clark University, USA. Referuar CV zyrtare, në vitin 2006 ka qenë hartuese projektesh për organizata joqeveritare në Amerikë po ashtu ka qenë pjesë aktive e shoqërisë civile. Për disa vite ka qenë pedagoge e Marrëdhënieve Ndërkombëtare.

-Fatmir Xhafaj, propozuar si ministër i Brendshëm

Është deputet i Partisë Socialiste prej 4 legjislaturash e kryetar I Komisionit të Ligjeve që prej vitit 2013. Ka studiuar për drejtësi dhe që prej vitit 1982 ka punuar në sistem. Përgjatë viteve ’90 ka ushtruar profesionin e juristit, avokatit e konsulentit ligjor. Që prej vitit 1997 është angazhuar në detyra publike, fillimisht si sekretar i Përgjithshëm i Këshillit të Ministrave, më pas si Ministër i Rregullimit të Territorit dhe Turizmit (2002) e më pas si ministër i Drejtësisë (2003-2005). Përgjatë periudhës 2005-2017, Xhafaj ka mbajtur detyra të rëndësishme parlamentar si nënkryetar i Komisionit të Ligjeve, kryetar i Komisionit të Ligjeve, anëtar i komisionit për Reformës Zgjedhore, kryetar i Komisionit të posaçëm për Reformën në Drejtësi etj.

-Eduard Shalsi, propozuar si ministër i Çështjeve Vendore

Është deputet i Partisë Socialiste dhe kryetar i Komisionit parlamentar për Veprimtarinë Prodhuese, që prej vitit 2013. Ka studiuar në Shkencat e Natyrës dhe më pas për ka bërë studime për sistemin bankar. Referuar CV zyrtare, në periudhën 1990-1992 ka punuar si Mësues Biologjie dhe Kimie në shkolla të ndryshme të Tiranës. Në periudhën 1992-1995 ka jetuar në Greqi ndërsa më pas është kthyer në Shqipëri ku në periudhën 1996-2003 ka punuar në sistemin bankar. Në vitet 2003-2004 ka qenë Drejtor i Përgjithshëm i INSIG ndërsa në vitin 2004 deri në vitin 2008 ka qenë drejtor i kabinetit të kryetarit të Bashkisë në Tiranë e më pas në vitet 2008-2009 ka qenë zëvëndëskryetar i Bashkisë së Tiranës.

Gazetaexpres

[Neteorm]

I përgjigjet Llallës - “Heqja e mandatit”, Peçi: Po sulmohen nga mashat pseudo-institucionale



Kryebashkiaku i Tepelenës, Tërmet Peçi, duke iu përgjigjur kërkesës së Prokurorisë së Përgjithshme për heqjen e mandatit, ai thotë se po sulmohet nga masha pseudo-institucionale.
Me anë të një reagimi në rrjetet sociale, Peçi thotë se krimi i vetëm që kishte bërë ishte një gjobë për makinën në doganë. Kërkesën e prokurorisë, Peçi e sheh tjetër kund dhe se përgjigjen sipas tij do ta marrin më 18 qershor.
Reagimi i plotë i Peçit në Facebook:
Te dashur bashkeqytetare, mora nga mediat lajmin se qenkam kriminel:-) Prokuroria e Përgjithshme kërkon mandatin tim sipas mediave për një dënim te padeklaruar. E vërteta është se fillimisht nuk e deklarove një gjobë për makinën ne doganë. Këtë e korrigjova dhe e depozitova në KQZ qysh ne qershor 2016 përmes një deklarate sqaruese. Ky është krimi qe kam bere dhe kjo nuk është një vepër penale siç e parashikon ligji përkatës!
Unë e di mire se kujt i intereson kjo luftë me mua për të me njollosur përmes mashave pseudo-institucionale. Janë po ata qe kane vite qe me janë qepur pas dhe nuk kane lënë gjë pa thënë për mua! Po meqë i ka zënë nata jashtë nuk po merrem me ta sot. Por ne 18 qershor do merremi shume seriozisht unë edhe ju qe këta llumra qe janë mbledhur ne një çadre nga tmerri i krimeve qe kane bere dhe i drejtësisë qe po u vjen pas koke!
Forca te punojmë fort për Partine Socialiste dhe Edi Ramën në emër të Tepelenës qe pas largimit te llumit qe e mbyti me vite po rilind ne çdo cep te saj!


Ora News