Lumi i shifjeve dhe sharjeve të nxjerra nga Opozita në parlament dhe Media është bërë një nga problemet më të rënda dhe më anti shqiptare me të cilat po përballet shteti shqiptar që prej 104 vjetësh. Nuk ka ditë, orë, javë e muaj, që nga goja e opozitarëve sipas një taktike djallëzore, të mos dalë një lumë sharjesh dhe shpifjesh dhe të pavërtetash të cilat krahas idesë që të pëbaltin sa më shumë Maxhorancën qeverisëse në luftën e tyre të egër politike për pushtet, dhe kjo mënyrë e të bërit politikë ka dhe dëmet e saj jo vetëm anësore por edhe të drejtpërdrejta mbi vetë shtetin shqiptar dhe prestigjin e vëndit tonë në arenën dërkombëtare.
Sikur SHBA dhe BE të mos e kuptonte këtë luftë të ndyrë dhe të paprinciptë që po bëhet kaq e ashpër sidomos këto tre vitet e fundit, gjëndja do të ishte më e rëndë.
Këtë sfond të nxirë plot ndyrëësi dhe të pavërteta e ka shtrembëruar edhe më deklaratat e papërgjgjëshme të ish-kryeministrit kundër SHBA-ve dhe përfaqësuesit të saj zyrtar ambasadorit Lu.
Sidoqoftë, BE dhe SHBA të cilat monitorojnë nga afër gjëndjen në Shqipëri e kanë të qartë se reformat e ndërmara nga Maxhoranca qeverisëse, të cilat reforma kanë miratimin dhe bekimin e tyre të plotë, janë në drejtimin e duhur, dhe sigurisht e kuptojnë se britmat e disa opozitarëve dhe taktikat për të penguar reformën në drejtësi duke bërtitur slloganin e Hajdutit : `Kapeni Hajdutin`, nuk do të kenë sukses si brënda vendit ashtu dhe jashtë vendit. Brënda vëndit u pa dhe do të shihet edhe më në zgjedhjet e pjesëshme lokale në Dibër dhe në Kolonjë, ndërsa jashtë vëndit po shihet se qeverisja e tanishme (krahas gabimeve që janë të natyrshme për atë që punon por dhe që i korrigjon) e ka rritur presigjin në arenën ndërkombëtare për dëshirën dhe masat që po merr e ka marrë për ta integruar sa më parë vendin në BE.
Zhgënjyese mbetet Media e shkruar dhe Tv e cila mesa duket është e blerë dhe i ngjan saktësisht edhe vetë Nuri Beut (tek `Koncert në vitin 36`) i cili deshte të paguante për të prishur koncertin, dhe në fakt Nuri bejtë e sotëm kanë paguar disa Media dhe analistë të cilët kanë dalë jashtë vehtes së tyre duke dis-informuar publikun për të përhapur pasiguri dhe frikë- ashtu njëlloj siç kanë dhe porositësit e tyre.
Me këtë rast duket qartë se sa jo-profesionistë dhe të pakulturuar, e arrogantë, tregohen disa, dhe se sa amatoreskë tregohen disa analistë dhe opinionistë të tjerë të cilët po bëhen të neveritur nga publiku.
Një nga fushat më të mëdha të betejës politike në Median e shkruar, Tv e Radio, madje ajo më e zhurmshmja e cila përdoret për të shmangur vëmendjen, për të dis-informuar publikun, për të justifikuar papërgjegjshmëritë në të kaluarën e qeverisjes së mëparshme, por dhe për ta njollosur Reformën në drejtësi, - mbetet problem i kanabisit, problem i cili është serioz, por dhe ka përqëndrimin maksimal të luftës së qeverisë së sotme e cila në bashkëpunim me ndërkombëtarët ka arritur suksese të mëdha.
Shpifjet, deklaratat e përditëshme, zhargoni i ulët kundër policisë, veshja e fajeve që kanë bërë vetë në të kaluarën, - qeverisjes së sotme, ka krijuar një mjegull e cila po davaritet ngadalë por sigurtë në sytë e popullit i cili po sheh përherë e më qartë se kush janë ata që nuk e duan përparimin e vëndit, se kush janë ata që nuk e duan integrimin, se kush janë ata që kërkojnë garanci për fajet e tyre, se kush janë ata që u pëlqen anarkia dhe pandëshkueshmëria, se kush janë ata që derdhin lot krokodili dhe nxijnë të bardhë dhe zbardhin të zezën e ngjarjeve veçanërisht për të vërtetën ndaj mbjelljeve të kanabisit dhe luftës kundër tij. Vetëm me shaje e pa program e projekte në të ardhmen, kjo Opozitë nuk i fiton dot zgjedhjet e ardhëshme madje nuk do të ketë vetë të ardhme.
Megjithatë sot Opozita mori një përgjigje të saktë dhe një `knock out`, të vërtetë, kur në konferencën e sotme të Ministrisë së Brëndëhme së bashku me Guardia di Financia të italië u deklarua se : më 2013 u evidentuan 323 ha kanabis ku u asgjësua 7.8%, kurse në 2016 janë 210 ha dhe u asgjësua 99.8%.
Këto shifra dhe fakte së bashku me analizën e holësishme që realizuan të dy partnerët në luftën kundër Drogës hedhin katërcipërsisht poshtë shpfjet 3 vjeçare të Opozitës për të vërtetën ndaj kanabisit.
Dihet se lufta ndaj kësaj droge dhe drogave të tjera do të kërkojë kohë e vite për shkak të keqmanaxhimit për 25 vjet të Shqipërise nga qeveritë e korruptura, por një gjë mbetet e qartë se qeverisja e para 2013 përdori një djallëzi për të fshehur të vërtetën e mbjelljes së kanabisit në të gjithë vëndin duke lënë të hapur vetëm dritaren e Lazaratit madje dhe duke mos e luftuar fare atë zonë për të çrrënjosur kanabisin.
Kur erdhi Maxhoranca në fuqi pas fitores në Lazarat ku u shkatërrua njëherë e mirë kanabisi, kjo Maxhrancë u gjënd para të papriturës së madhe të cilën i a kih përgatitur opozita e sotme. Kanabisi vazhdonte të shitej dhe të prodhohej.
Me kërkesën e Maxhorancës Guardia di Financia me mjetet e saj të sofisitkuara zbuloi të gjitha vatrat madje dhe llojin e kanabisit. Kështu që nëse Opozita gjëndej një hap përpara duke akuzuar ashpër Maxhorancën për `bashkëpunim me mbjellësit dhe prodhuesit e drogës`, sot pas deklarimeve zyrtare të policisë së shtetit mik del më në fund e vërteta.
Shpifjet ranë.
Po nuk kanë rënë sajuesit e shpifjeve.
Të shpresojmë që Reforma në Drejtësi të bëjë punën e saj.
Përgjigju Duke Cituar
Krijoni Kontakt