Arrestohet supertrafikanti shqiptar, rafineri droge në garazh
Me çelësat e gjetura në makinë, policia provoi gjithë dyert e lagjes: 181 tentativa përpara se të “trokiste” në derën e duhur për të arrestuar shqiptarin Dorian Konti.
Konti cilësohej nga autoritetet si një trafikant i nivelit të lartë i cili e kish transformuar një apartament së bashku me garazhin në një rafineri ku përpunonte dhe përgatiste substance narkotike.
Në kontrollin e parë që iu bë në makinë, shqiptari kishte me vete një tufë çelësash dhe një telefon celular. Duke analizuar sinjalin e smartphone –it, u arrit të gjendej zona ku banonte.
Apartamenti ndodhej në Campodarsego, aty ku dy ditë më parë, policia italiane sekuestroi plot 75 kilogramë marijuanë, 11 kilogramë heroinë dhe 1 kilogramë kokainë, që sigurisht shqiptari planifikonte t’i shiste.
32 vjecari prej kohësh ndodhej nën vëzhgimin e policisë italaine, pasi shtatorin e shkuar ai u arrestua me 500 gramë heroinë të cilën e kish fshehur në makinën e tij. Pikërish aty nisën edhe hetimet të zhvilluara edhe në Shqipëri.
Sipas mediave italiane Konti ishte një grosist i nivelit të lartë dhe nuk merrej me shpërndarës droge të nivelin të ulët. Ai ishte koka e këtij rrjeti në Padova e sipas të përditshmeve droga i vinte nga vendlindja.
Shqiptarja
Përgjigju Duke Cituar
Krijoni Kontakt