Presidenti i klubit sportiv Kastrioti, Alban Vogli, dhunon gazetarin Eduard Ilnica

[Albo]

Gazetari i sportit, Ilnica: Më dhunoi presidenti i Kastriotit



Gazetari i sportit Eduard Ilnica është dhunuar në orët e vona të së hënës, në ambientet e një lokali në kryeqytet.

Ngjarja ka ndodhur në një lokal në zonën e “Zogut të Zi” dhe pas ngjarjes ai ka thënë se, është dhunuar nga drejtues të klubit të “Kastriotit”, konkretisht nga presidenti i tij Alban Vogli.

Eduard Ilnica: Alban Vogli më zuri pritë dhe më dhunoi për një shkrim
Gazetari i dhunuar në një intervistë për emisionin “Rreze Dielli” në Report Tv ka thënë se është dhunuar nga Presidenti i ekipit të Kastriotit vetëm pse ai kishte bërë një shkrim në Telesport për dhunën që ndodhi në ndeshjen mes ekipit të Korabit dhe Kastriotit vetëm pak ditë më parë.

Ilnica ka shtuar se, kanë qenë 5-6 persona që e kanë dhunuar, mes të cilëve edhe Alban Vogli. Ndërkohë që thekson se, tani është jashtë rrezikut për jetën dhe do të qëndrojë në spital derisa mjekët ta vendosin.



Koha Jone

[Albo]

Rrëfimi i gazetarit të dhunuar: Do më eleminonin! (VIDEO)



“Shqipërinë nuk do e le”, kjo është fraza më emocionuese e gazetarit Eduart Ilnica që u rrah dje barbarisht.

“Kërkuan të më tërhiqnin zvarrë,të më fusnin në makinë të tyre, në fuoristradë. Mendova që po të futesha aty mund të më eleminonin edhe fizikisht duke ditur ato që mësova ditët e fundit për këta persona. Për dy minuta më kanë goditur pafund”, rrëfen Illnica nga spitali.

“Ilnica, i cili punon pranë “Telesport”, tregon si u rrah nga drejtues të klubit të Kastriotit dhe më konkretisht, nga presidenti Alban Vogli. “Nuk kam pasur konflikt, nuk e di pse më dhunoi. Nuk e kisha menduar dhunën barbare për një shkrim”, ka deklaruar gazetari. Për më shumë ndiqni videon!



Koha Jone

[Albo]

Rrahu gazetarin për një artikull, arrestohet presidenti i “Kastriotit”



Policia e Tiranës ka vënë në pranga presidentin e ekipit të futbollit, Kastrioti, Alban Vogli. Mbrëmë në Tiranë ai ka ushtruar dhunë ndaj gazetarit sportiv Eduard Ilnica për shkak të një artikulli të shkruar prej tij në lidhje me dhunën e ndodhur në takimin Korabi – Kastrioti. Ilnica ka përfunduar në spital, ndërsa pak orë më pas Alban Vogli, 29 vjeç u prangos. Më poshtë njoftimi i policisë për ngjarjen:

Veç rrahjes, sipas policisë, Presidentit i Kastriotit ka tentuar të marrë peng gazetarin.

Njoftimi i Policisë:

Më datë 09.05.2016, rreth orës 22:20, në rrugën “Muhamet Gjollesha”, në afërsi të bar “Noel”, është goditur me sende të forta shtetasi E. I., 41 vjeç banues në Tiranë, i cili ndodhet në S.Q.U., jashtë rrezikut për jetën.

Grupi hetimor në vendin e ngjarjes ka bërë të mundur identifikimin dhe më pas kapjen e autorit të kësaj vepre penale, ku u ndalua shtetasi:

– Alban Vogli, 29 vjeç, banues në Krujë, presidenti i ekpit të “Kastriotit”

Ky shtetas ka tentuar të marrë me forcë në mjetin e tij tip “Volksëagen”, me targë AA229LB, shtetasin E. I., ku më pas e ka dhunuar duke e goditur me sende të forta, për arsye të një artikulli që shtetasi E. I. ka publikuar nëë një gazetë lokale.

Materialet proceduriale i’u kaluan Prokurorisë Pranë Gjykatës Shkallës së Parë Tiranës, për veprat penale “Plagosja e rëndë me dashje”, “Heqja e paligjshme e lirisë” dhe ” Goditjet për shkak të detyrës”, parashikuar nga Nenet 88, 110, 237 të Kodit Penal.

Deklarata e gazetarit mbrëmë në spitalin e traumës:

“Isha duke pirë kafe me disa miqtë e mi në afërsi të Zogut të Zi. Zakonisht mblidhemi aty në mbrëmje edhe me përfaqësues të klubit të Korabit. Pasi u largova nga lokali u drejtova për te automjeti im, por aty mu afruan disa persona dhe pa më thënë asgjë nisën të më godasin.Njëri ndër ta ishte edhe Alban Vogli, presidenti i Kastriotit. Nuk kam pasur asnjë konflikt me ndokënd dhe nuk e di pse ndodhi kjo. Gjithçka ia kam thënë edhe policisë”
KS Korabi dhe i gjithe populli Dibran jane te shokuar nga kjo ngjarje e rende qe ka ndodhur!”

Koha Jone

[Albo]

Berisha: Personi që rrahu gazetarin, mik i Shullazit

Presidenti i sportklub “Kastrioti”, Alban Vogli është mik i Emiljano Shullazit. Kështu shprehet Sali Berisha i cili reagoi për ngjarjen e rëndë të rrahjes së gazetarit Elduar Ilnica. Ndërsa Vogli është arrestuar për këtë ngjarje, Berisha thotë se dhuna që po ndodh në futboll është e paprecedentë.

Ja statusi i plotë në Facebook i Sali Berishës

Masakrohet ne mes te Tiranes nga miku i Edvin Shullazit, gazetari Eduart Ilnica.
Te dashur miq, java qe kaloi ishte java e pergjakjes, dhunes, masakrimit nga mafia e zeze e Edvin Shullazit, Olsit dhe ndrikull Jones, magjistares se basteve dhe rezultateve qe na qeteson se ku do fitojme.

Kete jave, arenat e futbollit u shnderruan ne arenat e perleshjeve fizike, shitjes dhe blerejs se ndeshjeve nga horra dhe trafikante te veshur me imunitet, siç ishte rasti i Balles ne ndeshjen me Butrinitin, felliqesine e te cilit, futbollistet e Butrinitit treguan me top dhe gisht.

Perleshje dhe pergjakje te egra ne Tirane, Pogradec, Peshkopi, rrahje trajnjeresh ne Durres. Pra ne nje jave ne Shqiperine kanabiste te Edvin Shullazit pati perleshje dhe skandale ne futboll me shume se ne Europe, Azi dhe Oqeani te marra se bashku.
Kjo situate dramatike ne arenat tona te futbollit kulmoi me masakrimin e gazetarit te njohur sportiv Eduart Ilnica ne nje lokal te Tirane nga miku direkt i Edvin Shullazit, Alban Vogli.

Duke denuar me ashpersine me te madhe dhunen e eger te ushtruar ndaj gazetarit Ilnica nga kriminelet e pushtetit, i bej thirrje prokurorise te veproje me urgjence dhe me te gjithe rreptesine e ligjit, kunder mafies shteterore qe po zhyt futbollin ne nje katastrofe te vertet!

Koha Jone

[Albo]

Pollo: Dhunuesi i gazetarit, kushëri i Shullazit, se hap gojën ministri

Kryetari i Komisionit Parlamentar të Medias dhe Edukimit, Genc Pollo vizitoi sot në spitalin e Traumës gazetarin e dhunuar barbarisht një natë më parë, Eduard Ilnica.

Pollo u shpreh se dhunimi gazetarit përbën një kulm pas lajmeve për dhunë të shtuar në stadiume por më e rëndë është mungesa e reagimit nga qeveria. Kreu i komisionit të Medias u shpreh se kjo mungesë solidariteti nga qeveria është e patolerueshme dhe e pafalshme kur sipas informacioneve të para dhunuesi ishte kushëriri i Shullazit.

Po mendoj që askush nuk e kupton që as ministri i Brendshëm dhe as ministrja e Sporteve deri në këto moment nuk janë prononcuar. Nuk kanë dënuar dhunën brutale, nuk janë solidarizuar me gazetarin e plagosur rëndë. Ndoshta kjo ka të bëjë me personin dhunues sepse sipas informacioneve të para është kushëri i Shullazit. Por është e pafalshme, e patolerueshme,raporton panorama.

Është një izolim në raport me një opinion publik të shëndetshëm që dhunën nuk e ka pjesë të kulturës së përditshme dhe shpresoj që ky apel, që është për të gjitha ata sportdashës që ta lënë sportin në atë që është në thelbin e vetë, një garë e fisme që nxjerr në pah anët më të mira të natyrës njerëzore, dhe ti largohen çdo akti të dhunshëm nga cilido që mund të nxitet diçka e tillë sepse kjo vërtet na turpëron të gjithëve, të gjithë sportdashësit dhe të gjithë njerëzit e tjerë”, tha Pollo.

Koha Jone