Gjergj Bojaxhi nën hetim, transferoi 17 milion dollarë në "offshore"

[Duke_Of_Arberia]

Shkencëtari televiziv zbulon se miliardat e Bojaxhiut e gëzojnë popullin tonë!


Zaloshnja duke përveshur mëngën e z.Bojaxhi

Shef Edi!
Unë shkencëtari mediatik i preferuar i rilindjes, kam në duar sondazhin e radhës të realizuar sipas një metode eliptike të përzgjedhjes së rastësishme sipas satelitit.
Pra kjo metodë konsiston këtu:

Mora gjithë kandidatët politikanë i vura sot në radhë, kyça sytë dhe përzgjodha.
Koinçidoi që sondazhi do bëhej për Gjergj Bojaxhiun. Lidhur dhe me ngjarjet e fundit ku të gjithë mësuan se Gjergji është miliarder, u vërtetua se energjia ime është në harmoni me Universin, sepse vetëm kjo mund të shpjegonte që më sy kyçur mund të përzgjidhja Gjergj Bojaxhiun.
Atëherë sondazhin e vazhdova sipas rendit eliptik të përzgjedhjes rastësore me satelit. Mora nëj hartë të Tiranës kyça sytë dhe caktova 10 pika.
Tre pika ishin instutucione; kështu që sipas regullave nuk u morën në konsideratë fare.
Katër ishin shtëpi të kohës së Enverit me banues së moshës së tretë. Njëra koinçidoi të ishte shtëpia e tezes time.
Një pikë tjetër më qëlloi ajo banjua publike që është tek Liqeni dhe që tashmë është shkatëruar.
Ndërsa pika e fundit ishte një lokal metalarësh.
Atëherë më duhej të bëja sondazhin me shtëpitë, pasi banjua publike kishte vetëm ca qenë të cilët ishin vaksinuar dhe ishin lëshuar rrugëve për të zbukuruar skenografinë, ndërsa tek lokali i metalarëve s’ma mbante të shkoja se kam frikë nga tipat me mjekër, madje ja shpreha si shqetësim dhe Gjergjit kur u kthye nga Himalajet si metalar.
E fillova nga tezja meqenëse na erdhi për vizitë në fundjavë dhe e kisha nga dhoma tjetër.
Shkoj në dhomë dhe tezja nuk ishte, i thirra sa kisha fuqi: “O Tezeeeeee”
U përgjigj nga tualeti. U afrova tek dera e tualetit dhe e pyeta:
“O teze a do ta votoje Gjergj Bojaxhiun tani që doli sheshit se është miliarder dhe ka bërë lekë të paparë?”
Tezja m’u përgjigj direkt:
“Pooo, merri tek portofoli që e ke mbi komodinë, po m’i ke borxh personal ama.”
E shënova direkt përgjigjen ‘PO’ në fletore.
Duke qenë se sondazhet e mia kanë përherë marzhin e gabimit të barabartë me 1, e duke qenë se rrethanat e sollën që të pyesja vetëm tezen, duke shtuar këtu dhe faktin që laj-thaj 1 teze kam, krijohet bindja e shëndoshë eliptike se elektorati dhe votuesi shqiptar ka pasuruar shpirtin dhe zemrën kur ka mësuar se si i kishte pasuruar Gjergj Bojaxhiu xhepat.
Pra i dashur Shef Edi, mund të themi pa frikë, se tani që shqiptarët mësuan se Gjergji Bojaxhi është miliarder; do krruajnë astarët e xhepave për t’i dhënë atij dhe qindrakën e fundit; me qëllim që Gjergji t’i mbrojë këta qytetarë të varfër në xhepa por të pasur në shpirt, nga ky system i ndyrë dhe i padrejtë, që siç na ke mësuar ti Shef Edi, duhet dhe ta shajmë nga pak por pa e bërë baltë.
Dëgjohemi në sondime të tjera eliptike apo trapezoidale sipas rastit.
Eliptikisht i joti, E.Zaloshnja.




_____________________________

Sa per ta embelsuar pak edhe vete Gjergjin e partise "ku t'dali", ishte ky artikulli.

PS: Kujt i ka mbet noi qindarke n'portofol, si fund jave qe jemi, shpejt depozitimi ke llogaria Gjergjit.

[skender76]

A nuk eshte vetdemaskim kerkesa e Gjergjit qe te behet pjese e politikes nderkohe qe biznesi i tij po thyen rekordet e fitimit???
Bojaxhiu e di qe hyrja ne politike te jep imunitet nga hetimi e prandaj po perpiqet te imitoje hajdutet paraardhes

Doku,

do me vinte shume keq nese fjalet qe kane nxjerre per Gjergjin do ishin te verteta. Do turbullojne edhe mendjen time, do ve ne dyshim edhe gjykimin qe kam per njerezit..
E admiroj ate njeri, me jep shprese. Kam marre prova qe esht njeri i paster, me vlera.

Nuk e imagjinoj ndryshe.

Shpresoj te mos jene te verteta.

[skender76]

Skender kete portretin e Gjergjit jemi munduar ta çjerrim me fakte.
Jam dakort me ty se te gjithe jane te perlyer, por me gjithe rrespektin tend Gjergji nuk mund te jete i pavarur kur sondazhet perpara zgjedhjeve ja ben Zaloshnja, apo propaganden e imazhit te tij ia ben Mero Baze sebashku me Muç Nanon dhe mediat pro-Rames.
Kush e njeh sadopak Shqiperine, e di qe keto "rastesi" thjeshte nuk ndodhin.

Mbase nuk eshte i vetmi politikan qe hyn me duar ne xhepa dhe behet milioner ne nje kohe te shkurter, por eshte i vetmi qe eshte shitur ne TV si i varfer, me te njejten kemishe te bardhe laje-thaje!

Sa racionale eshte ne Shqiperi, te kritikosh kryeministrin dhe nderkohe te 10-fishosh te ardhurat e nje prej bizneseve me te majme siç eshte ajo e karburanteve?! Ka dhe shume pjese te erreta Gjergji po vetem keto te miat ç'montojne gjithe pastertine e tij!

Mbase kur ka qene drejtor i policise se ndertimeve nuk do kete firmosur ndonje leje ndertimi apo do e kete prishur, mirepo ne thelb nuk eshte nje figure e paster dhe as anti-sistem. Eshte haptazi pjese e sistemit, nepermjet tyre privatizoi ne shkelje te ligjit petroliferen dhe po si rrjedhoje te lidhjeve te tij me politiken qendron i paprekur ne tregun gjigand te naftes...

Jane kaq te qarta dritehijet e tij, duhet ta pranojme!

Muhabeti, Gjergji/Berisha/Rama&Company, esht si puna e atij trekendeshit zogu/lopa/dhelpra...
Ku ne fakt Berisha nuk ishte tamam ne rolin e lopes e preu ne bese Gjergjin.., por Rama me zagaret e tij e luajten rolin tamam!

[skender76]

Tani dhe une po flas me hamendje se nuk e di vertet se kush eshte dhe si eshte...

Por me bejn pershtypje milionat dhe sektori ku i ka bere keto miliona (ne qofte se eshte realisht e vertete) Ne nafte,pa "kobure" e pa politike nuk hap dot as nje pik shitje "vajguri".

Tym ka..., te shohim.

[Duke_Of_Arberia]

Muhabeti, Gjergji/Berisha/Rama&Company, esht si puna e atij trekendeshit zogu/lopa/dhelpra...
Ku ne fakt Berisha nuk ishte tamam ne rolin e lopes e preu ne bese Gjergjin.., por Rama me zagaret e tij e luajten rolin tamam!

Kam pershtypjen se po i japim me teper vemendje se ç'meriton ketij Gjergjit.
Une kam sjellur disa here fakte qe vertetojne se Bojxhiu ka qene pjese e sistemit. Administrator firme, sikunder Gjergji pretendon se eshte, me 20 milion euro pasuri, kjo ndodh vetem ne vende te varfera dhe te korruptuara.
Nderkohe qe ujku na ka dal perpara, ti vazhdon e kerkon gjurmet!

[SERAFIM DILO]

Tym ka..., te shohim.

Atje tym dhe vjedhje eshte çdo gje dhe natyrisht duhet pare o do ta shohim.

U nisa thjesht nga llogjika;qe ne nje vend ku kryesisht o pergjithsisht vidhet duhen te ken vjedhur me shume ata qe kane milionat.Duke u nisur po prap nga kjo llogjike nuk shikoj te kete ndonje diference midis Metes,Berishes,Rames,Xenit,Bojaxhiut dhe Shullazit.
Edhe se me thene te drejten nje diferenc "e vogel" eshte ; Xeni dhe Shullazi nuk kan pasur role ne administrate o ne shtet,gjithmon duke u nisur nga llogjika qe kush ka qene ne pushtet ka vjedhur me shume.
Natyrisht jan supozime,nuk ka prova. Se po te kishim prova, Shullazi nga ky grup, do dilte me i ndershmi,o te pakten persa i perket vjedhjes o shumave te vjedhura.

[Duke_Of_Arberia]

Vazhdon parodia Xhorxhiana Bojxhella
_________________________________




Intervista rrënqethëse / Gjergj Bojaxhi: Virgjërinë e kam të shenjtë!!!



Në foto: z.Bojaxhi duke formuar me duar simbolin e kurabies



I dashur Shef Edi.
Ti mbrëmë ishe në takim me Qifin dhe Tan Leprin gjithë natën dhe e humbe rastin të ndiqje intervistën e Gjergj Bojaxhiut. Po ta nis të zbardhur që të verifikosh dhe vetë çdo detaj.
Jam i mahnitur nga virgjëria e Gjergjit Shef.
Më poshtë e gjen intervistën e plotë:
*************
Përshëndetje z.Bojaxhi mirëseerdhët në garsonieren e kryeministrit Edi Rama. Mos jeni pak ngushtë këtu?
Ë, jojo, jam mësuar unë me jetë modeste, kur gjësdisja Himalajet në një çadër lecke qëndroja. Ishte më ngushtë se këtu.
Madje mund të them pa frikë se garsonierja juaj me pak arredim mund të krijojë dhe një kënd për të mbajtur nja dy tre dhi alpine.
z.Bojaxhi jo për tu treguar i paedukatë, por dua ta nis me një pyetje që po na qmend pz.
Prokuroria dhe disa media thonë se ju nuk jeni i virgjër.
Ndërkohë që kur vishni këtë këmishën e bardhë ju dukeni tepër i virgjër. Si qëndron e vërteta?
Unë e ftoj prokurorinë që të bëj të gjitha verifikimet mbi virgjërinë time dhe të mos spekulojë me diçka tepër intime si virgjëria.
Në këtë moment unë nuk di të them me siguri nëse jam i virgjër ose jo, por dua të garantoj të gjithë shqiptarët e ndershëm se unë nuk jam shtatzënë. Nuk jam me barrë. Për këtë kam dhe prova të pakontestueshme.
Më lejoni të bëj pak skeptikun dhe me lejen e kryeministrit. Çfarë provash keni ju zotëri?
E para njëherë nëse do isha me barrë s’do mund ta fusja brenda xhinseve këmishën e bardhë por do e mbaja lëshuar që të mos binte në sy barku i fryrë.
Por dhe nëse nuk i besoni syve, mund t’iu them se para ca ditësh Altini më çoi në laborator ku bëra dhe analizat e shtatzanisë.
Më falni por këtu skepticizmi im po tërbohet fare. Kush është Altini?
Altini është një çun çiltër që dikur e kam pasur ortak tek firma ime ‘Petrol-Himena’. Më pas Altini duke dashur të respektonte krushqinë time, hapi krahun kur u afrua vjehrra ime dhe i la vendin asaj duke ja shitur aksionet e veta.
Pastaj Altini shkoi të punonte për një tjetër biznesmene të virgjër që quhet Vilma Nushi dhe u bë administrator i një kompanie të Vilmës që merret me analiat e çiçit.
Altini më ftoi dhe shkova bëra testin dhe testi tregon qartësisht se unë nuk jam shtatzënë.
Pra të gjitha sa fliten për shtatzaninë tuaj janë sajesa?
Pikërisht. Janë sajesa të ulëta që bëhen nga e njëjta klasë politike që mendon se çdo individ që ka ndejtur pranë tyre duhet të jetë se s’bën me barrë.
Por këta ose janë injorantë ose bëjnë sikur nuk kuptojnë, se të gjithë e dimë shumë mirë që kur përdor kontraceptiv nuk mbetesh me barrë.
Interesante shumë kjo e kontraceptivit z.Bojaxhi. Ma hoqe petllën pz. Por a keni përdorur kontraceptiv dhe kur themeluat atë kompaninë e famshme Petrol-Himena?
Për këtë që më pyesni ju unë dua të sqaroj diçka. Kontraceptivin njeriu s’ka pse e përdor vend e pavend se dihet se për çfarë duhet përdorur.
Dhe në rastin e kësaj firme nuk kishte pse të përdorej sepse nuk pati asnjë kontakt që të lë me barrë, por u krijua thjesht një situatë romantike mes disa aksionarëve.
Po i kthehem sërish skepticizmit tim ekstrem z.Bojaxhi, çfarë është ky romanticizëm? Ma shpjegoni dhe mua.
Unë nga natyra jam shumë romantik, më pëlqen të eci anës detit dhe të meditoj. Një ditë duke ecur anës detit, një nga ata biznesmenët e naftës që e kisha takuar shpesh kur isha zv/ministër më dalloi dhe më dha të njohur.
Edhe ai anës detit po ecte, sepse ka biznesin aty pranë. Sa më pa, më tha:
“O Gjergji po si je? A më mban mend? Ke firmosur ato letrat e mia kur ishe zv/ministër?”.
Aty e bëra lidhjen dhe i thashë që nuk doja t’i kthehesha atyre viteve dhe i kërkova të më linte të qetë në shëtitjen time romantike dhe medituese. Por ai këmbënguli dhe më tha që kishte një ofertë që mund ta kënaqte dëshirën time për të bredhur anës detit.
“Hajde futu ortak dhe bëhu administrator i kompanisë time Petrol-Himena se këtu në Vlorë e kemi bazën dhe do kënaqesh anës detit o romantik i pandreqshëm”, – më tha.
Më pëlqeu oferta dhe pranova, por çdo gjë e bëra për hir të romantizmit që më karakterizon dhe për asgjë tjetër. Nëse prokuroria do më kishte pyetur do ja kisha thënë këto detaje siç po t’i them ty, por ata nuk erdhën të më pyesnin por më lanë të bridhja anës detit pa më njoftuar.
z.Bojaxhi po pse bëhen këto sulme ndaj jush? Kush e ka zili virgjërinë tuaj?
Ju e dini shumë mirë që jetojmë në kohë të shpuara dhe është shumë e vështirë të gjesh dikë të virgjër dhe unë mendoj se kjo është arsyeja kryesore pse më luftojnë.
Po ju jeni i virgjër apo jo? Ma ndani këtë punë. Jeni apo jo?
Siç ju shpjegova më lartë, e rëndësishme është që nuk jam shtatzënë.
A jam i virgjër? Nuk e di, unë them se jam i virgjër, por unë jam dhe qytetar model por dhe besimtar i devotshëm; prandaj nuk e përjashtoj që ndonjë ditë të jem zhvirgjëruar nga fryma e shenjtë pa e kuptuar as vetë.
Pra mund të themi pa frikë se virgjëria është pasuria juaj e vërtetë?
Për mua virgjëria është e shenjtë, kaq mund t’iu them për momentin.
*************
Kjo ishte intervista Shef. U habita, pz pz. Kam filluar të dyshoj dhe për Xhesika Ndojin tani, se po më duket dhe ajo e virgjër pas kësaj interviste.
Të puth me stil virgjëreshe Shef, i joti Endri Transparenti.

[Duke_Of_Arberia]

Pasuria e Gjergj Bojaxhiut nën hetim nga prokuroria. Ja për çfarë akuzohet


E gjithë pasuria e ish-kandidatit për Bashkinë e Tiranës, Gjergj Bojaxhi, është nën sitën e Prokurorisë, pas kallëzimit të bërë nga Drejtoria e Përgjithshme për Krimin e Organizuar dhe Krimet e Rënda dhe Drejtoria për Krimin Ekonomik e Financiar në Policinë e Shtetit.

Prokuroria e Tiranës ka regjistruar procedim penal në lidhje me aktivitetin e kompanisë “Everest Oil”, ku Bojaxhi është pronar. Mbi të rëndojnë akuzohet për mashtrim me kredi, pastrimit të produkteve të veprës penale apo veprimtarisë kriminale, si dhe fshehje të ardhurash.

Në dosjen që Drejtoria e Krimit Ekonomik dhe Financiar në Policinë e Shtetit i ka dërguar Prokurorisë, më datën 4 Mars renditen të gjitha veprimet jo ligjore, që sipas saj, Bojaxhi ka kryer me kompaninë e tij, nga viti 2012 deri në vitin 2016.

Kompania “Everest Oil” është themeluar nga një shoqëri në Napoli, me aksionerë Jola Bojaxhi (bashkëshortja e ish – Drejtori të KESH dhe ish – Ministrit të Financave), Andrea Valerio, Oltion Spiro dhe Altin Fani, me Administrator Gjergj Bojaxhi.

Sipas materialit të Policisë së Shtetit, ish – Drejtori i KESH ka bërë transaksione të dyshimta me shtetas dhe kompani ruse e gjeorgjiane të naftës e gazit. Bëhet fjalë për kompaninë “Kokhard Trading Group”, e themeluar në ishujt British Virgin nga Igor Kalinin, një rus i dënuar 7 vjet e 10 muaj burg, për mashtrim dhe ushtrim prostitucioni.

Policia sqaron se, nga Bojaxhi janë depozituar gjatë periudhës 2012 – 2015, mbi 26 milionë dollarë. Veç kësaj shume, 100 milionë dollarë përllogariten paratë hyrëse nga llogari të tjera të kompanisë.

Shoqëria “Everest”, në vitet 2013 e 2014 rezulton me fitim mbi 200 milionë lekë dhe xhiro mbi 18 miliardë lekë, ndërkohë që ka patur respektivisht 11 dhe 6 punonjës, duke mos zotëruar sipas policisë, aktivitet afatgjatë (ndërtesa, mjete pune etj), por të gjitha me qera, si depozitat e naftës, ashtu dhe zyrat e saj.

Policia shton më tej në materialin e dërguar prokurorisë se, duke qenë se “Everest Oil sha” rezulton të jetë një superkompani me fitime mbi 280 milionë lekë, përse Lumturi Hasamataj, vjehrra e Bojaxhi, i shet aksionet për vetëm 26 mijë euro, ndërkohë që nga shpërndarja e fitimit të kompanisë për vitin 2014, Lumturi Hasamataj ka përfituar 60 milionë lekë osë 430 mijë euro.

Totali i kreditimit të kësaj kompanie për vitin 2012 – 2015 është rreth 170 milionë dollarë.

Sipas policisë janë evidente dyshimet për krijimin, zhvillimin dhe operacionet financiare të kësaj kompanie. Ndërsa janë shpërndarë dividentë në shumën e 223 milionë lekëve. /Tvklan

[Duke_Of_Arberia]

Idetë dhe librat e Blushit përballë dollarëve të Gjergji Bojaxhiut



Skandali i mashtrimit të disa kompanive të tregtimit të karburanteve në vend ka zbuluar skemën sesi politika dhe biznesi funksionojnë në ndërthurje prej vitesh në Shqipëri. Në një nga rastet e dyshuar të transfertave ilegale të parave, sipas policisë, është ish-zëvendësministri i Ekonomisë, Gjergj Bojaxhi. Historia nis me periudhën kur Bojaxhi negocionte në emër të qeverisë shqiptare një marrëveshje me kompanitë e huaja të naftës. Më pas nga negociator i qeverisë “Berisha”,Bojaxhi del bashkëpunëtor dhe aksioner në biznesin e tregtim të karburanteve. Vetëm disa muaj më parë, biznesi i tij rezultonte me qarkullime marramendëse qindra miliona dollarësh.

Edhe mbrëmë përballë Sokol Ballës në “Top Story” Gjergji Bojaxhiu shpjegoi se ka transferuar e qarkulluar dhjetra milionë dollarë, bile theksoi se jam në rregull me ligjin. Por pyetjet e Ballës e turbulluan keqas në disa raste, ndonëse zakonisht shqiptaro-amerikani Bojaxhi nuk e ka zakon të sikletoset apo ti merret goja siç disa herë tregoi në “Top Story”. Sokol Balla është gazetar VIP dhe pyetjet i bën të këtij niveli, paçka se kur e pyeste për milionat e dollarëve që qarkullon edhe cash (para në dorë) e shikonte në bisht të syrit si në mosbesim, duke thënë se “janë shumë para” dhe nuk besohesh. Nuk ia tha troç, porse mënyra e pyetjeve tregonin se Sokol Balla, si dhe të gjithë shqiptarët , nuk e besojnë Bojaxhiun ndonëse flet sikur po mendon për hallet e popullit shqiptar. E drejta e tij të bëjë biznes, ashtu sikurse të bëjë opozitën apo oponencën e politikës, porse pikësëpari duhet të jesh në rregull me ligjin shqiptar. Sipas policisë ai ka mashtruar e pastruar para në shuma të mëdha, akuzë që pritet të hetohet edhe nga Prokuroria.

Nëse Bojaxhi i ka letrat në rregull, siç edhe thotë, është në të drejtën e tij të bëjë biznes dhe le të fitojë sa më shumë. Problemi është se Bojaxhi nuk është një individ që këto kohë është marrë vetëm më biznes. Të gjithë e njohin si kandidat për në Bashkinë e Tiranë, ideatorin e një lëvizje qytetarë dhe së fundi si kryetarin e një partie të re që kishte nisur të themelohej. Në media, prej gati 4 vjetësh cilësohej “si ylli në ngjitje” i politikës. Në sondazhe çuditërisht renditej edhe më lartë se partitë që kanë 25 vjet në skenën politike. Në media, i lihej një hapësirë e konsiderueshme, madje dhe në kulmin e fushatës elektorale, kur çdo minutë llogaritet me mijëra euro. Të gjitha këto lëvizje, edhe pse vetë Bojaxhi deklaronte se ishin bërë më paratë e mbledhur në mënyrë vullnetare, në fakt tregojnë tjetër gjë. Duket se paratë mund të kenë gurgulluar nga tjetër “përrua”. Por amerikani Bojaxhiu kishte edhe doza sarkazme ndaj hetimit shqiptar se gjoja janë të paaftë, bile tha se po të doni me sillni “makinën e së vertetës” ( poligrafin) dhe do ta dal i pastër nga akuzat !

Dyshimi është se paratë e një biznesi të nisur në mënyrë të dyshimtë, sipas dosjes hetimore, janë venë në lëvizje për t’u kthyer në një faktor politikë. Për tu imponuar në shoqërinë civile, për të blerë hapësirën në media dhe së fundi për t’u zgjedhur në organet vendimmarrëse. Kjo është skema perfekte sesi biznesi i imponohet politikës, duke arritur që me burime të paqarta financimi të prodhojnë lëvizje politike nën petkun e “Shoqërisë civile”.Media këto raste, në vend që t’i denoncoj, i shet në opinion si modele të politikanëve të rinj që do të na shpëtojnë nga bllokimi që i kanë bërë skenës politike PS ,PD dhe LSI.

Hyrja e Bojaxhi në politikë është një karrierë e financuar në mënyrë të dyshimtë (gjithnjë referuar dosjes së publikuar) dhe që rivalizon edhe politikanë të tjerë që realisht qëndrojnë larg skemave të tilla. Rasti më konkret është i Ben Blushit. Vjen në politikë me një karrierë të gjatë dhe synon të ndryshojë sistemin nga brenda. Në polikë kanë qëllime krejtësisht të kundërta. Blushi synon të përmirësojë realisht situatën, ndërsa Bojaxhi vjen në polikë, si zgjatim i interesave të biznesit. Blushi reagon ndaj keqqeverisjes, ndërsa Bojaxhi reagon për të “qeverisur” më mirë biznesin e tij. Blushi sulmon politikën aktuale në PS dhe PD sepse realisht duhet përmirësim, ndërsa Bojaxhi pas çdo akuze ka llogaritur interesat e kompanive të tij. Blushi vjen në politikë me ide, ndërsa Bojaxhi me para. Bile me kaq shumë miliona dollarë, sa do t’i ikte mendja çdo biznesmeni në Shqipëri. Blushi kërkon një qeverisje më të mirë, ndërsa Bojaxhi kërkon të ndikojë tek qeverisja për të pasur ca biznese më shumë. Kjo del edhe nga debati mbrëmë në “Top Story”, sepse Sokol Balla mjeshtërisht e shkatërroi duke e nxjerrë bllof në argumentat që Bojaxhiu përdori.

Jo rastësisht kur Ben Blushi nisi të shprehte hapur pakënaqësinë ndaj qeverisjes aktuale dhe u fol për krijimin e një lëvizje të re politike, ish-kandidati për Bashkinë e Tiranës, Gjergj Bojaxhi lançoi idenë e krijimit të një force të re politike. Ishte një mënyrë e Bojaxhiut për të ulur peshën e ndikimit të një politikani karriere dhe intelektuali si Ben Blushi , të cilin sondazhet e tregojnë shumë lart në publik. Apo “dikush” e futi në lojën politike Bojaxhiun për t’u mbrojtur nga akuzat?

Nëse në parlament u futën deputetë pa shkollë e me CV kriminale si vrasës apo trafiktanë dhe u bë gjithë kjo luftë trevjeçare derisa erdhi ligji i dekriminalizimit,tani duket se loja mafioze është perfeksionuar në nivele të larta. Nga shteti në biznes, nga biznesi në politikë për mbrojtur dhe pastruar paratë e pista dhe do të ndodhemi para një situate ku “krimi inteligjent” do të marrë pushtetin politik.

Ndaj nëse akuzat e policisë rezultojnë edhe nga prokuroria të sakta, atëherë nuk ka pse heziton asnjë sekondë Kryprokurori. Prangat vendosin drejtësi! Dhe jo vetëm deri këtu, por ka nevojë që prangat të kërcasin kudo në biznes dhe politikë, të cilët mashtrojnë, pastrojnë para dhe nga ana tjetër bëjnë sikur “digjen” për hallet e popullit.

Ben Blushi me libra dhe ide, ndërsa Gjergji Bojaxhiu me “pastrim parash” janë si nata me ditën në politikë e në publik.

Koha Jonë-Spiten Prulli

[Duke_Of_Arberia]

Çfarë dihet deri tani për pasurinë e Gjergj Bojaxhi



Dosja e Gjergj Bojaxhi është një ndër më voluminozet mes atyre që Prokuroria e Tiranës po shqyrton këto ditë. Qindra faqeve të referuara nga Drejtoria e Përgjithshme e Parandalimit të Pastrimit të Parave në Ministrinë e Financave dhe policia po u shtohen edhe dhjetëra dokumenta të tjerë.

Pas regjistrimit të procedimit penal, prokuroria e Tiranë po kërkon zyrtarisht informacione në të gjitha institucionet shtetërore e private që monitorjnë apo kryejnë transaksione të parave. Policia dhe Parandalimi i Pastrimit të Parave e akuzojnë ish –funksionarin e lartë për pastrim parash dhe fshehje të të ardhurave.

Gjergj Bojaxhi dyshohet se qëndron në krye të një skeme të krijuar për pastrimin e parave, e cila vihet në lëvizje nga kompania “Everest Oil”; një sistemi të quajtur atell, që policia thotë se funksionon ‘jashtë syrit të shtetit dhe brenda besimit reciprok të një grupi njerëzish, që realizojnë fitimet dhe qëllimet e tyre në formën e një rrjeti merimangë, duke njohur mjaft mirë vakumet ligjore të tregut bankar e financiar’.

Prokuroria i ka dërguar një kërkesë Drejtorisë së Përgjithshme të Tatimeve për të parë të gjitha pasqyrat e veprimeve që Bojaxhi ka kryer si administrator i “Everest Oil”, të krijuar prej tij në vitin 2012. Bojaxhi është edhe aksioner i kësaj kompanie.

Tatimet rezulton ta kenë gjobitur “Everest Oil” me 13 milionë lekë të reja për shkak të parregullsive.

Një tjetër kërkesë i është dërguar ILDKPI për pasurinë e Bojaxhi. Krimi Ekonomik po heton edhe pasurinë e të afërve të Bojaxhi. Bashkëshortja e tij, Jola Bojaxhi, është aksionere e kompanisë “Superga SRL” që ka në pronësi kompaninë “Everest Oil”. Vjehrra e Bojaxhi, Lumturi Hasmataj ka qenë aksionere e “Everest Oil”. Për shkak të këtyre të dhënave janë në verifikim pasuritë e të afërmve të Bojaxhi. Për bashkëshorten dhe vjehrrën ka dyshime se janë të implikuar në skemën e pastrimit të parave, mashtrimit me kreditë dhe fshehjes së pasurisë. Policia thotë vjehrra e Bojaxhi i ka shitur aksionet 26 mijë euro. Por veprimi ngjan i dyshimtë në sytë e ekspertëve të krimit ekonomik. Kjo për faktin se fitimi që ajo ka marrë nga të ardhurat e “Everest Oil” është më i lartë se shuma e aksioneve. Përse duhet të shiten aksionet për 26 mijë euro kur vetëm fitimi prej tyre është 60 milionë lekë të reja ose 430 mijë euro?

Aksionerë të “Everest Oil” rezultojnë edhe Oltion Spiro dhe Altin Fani. Edhe pasuria e tyre mësohet se po shqyrtohet.

Specialistët e Krimit Ekonomik e shohin të dyshimtë faktin se “Everest Oil” u krijua në korrik 2012 dhe vetëm në 4 muaj, deri në nëntor 2012, ka qarkulluar mbi 29 milionë dollarë. Këtu nuk llogariten shumat e tjera të qarkulluara në llogari bankare në euro e lekë.

Vetë Bojaxhi ka depozituar cash në llogari të “Everest Oil” 26 milionë dollarë në 3 vjet (2012 – 2015). 100 milion dollarë përllogariten paratë hyrëse nga llogari të tjera të kompanise, në sistemin atell.

Edhe fitimet e kompanisë shihen si të dyshimta. “Everest Oil”, në vitet 2013 ka fituar mbi 200 milionë lekë. Në vitin 2014 ka patur një xhiro prej 18 miliardë lekësh. Ajo ka patur 11 punonjës në vitin 2013 dhe e ka pakësuar në 6 numrin e tyre një vit më pas. Fitime për aksionerët (dividend) janë shpërndarë 223 milionë lekë.

Në deklarimin e pasurisë së Bojaxhi dhe familjes së tij, si zyrtar i asaj kohe (ai ka qenë zëvendësministër i ekonomisë, drejtor i KESH dhe drejtor i INUK) shihet se pasuria nuk i kalon 50 mijë euro në vit.

“Everest Oil” ka kredi në vlerën e 170 milion dollarëve.

“Everest Oil” ka në pronësi edhe Petroliferën në Vlorë. Së fundi Bojaxhi është akuzuar nga biznesmeni vlonjat Sulo Shehu, se kur ishte zëvendësministër i Ekonomisë, i ka marrë dokumentacionin e një prone prej 30 mijë metra katrorë, me vlerë 25 milionë euro për t’ia tjetërsuar. Ai i bëri thirrje prokurorisë të hetojë.

Bojaxhi është shprehur i hapur për hetim përsa i përket “Everest Oil”. Ai pretendon se akuzat vijnë për shkak të angazhimit të tij politik, por pa thënë se si u pasurua. /Lapsi.al

[Duke_Of_Arberia]

Sulo Shehu akuzon Gjergj Bojaxhiun: Më mashtroi për pronën 30 mijë metra katrorë



Lajmi për verifikimin e pasurisë së Gjergj Bojaxhi, pas dyshimeve se ai mund të jetë përfshirë në një skemë të pastrimit të parave dhe mashtrimit, është pasuar me një tjetër akuzë publike për ish –drejtorin e KESH përballë një akuze publike. Biznesmeni i njohur vlonjat në fushën e ndërtimit, Sulo Shehu, e akuzon se Bojaxhi e ka mashtruar me një pronë prej 30 mijë metra katrorë në Pyllin e Sodës, në Vlorë, aty ku është ndërtuar Petrolifera.

“Jam i shokuar. Ai ka gisht në tokën që më mori ‘Petrolifera’ në mënyrë të padrejtë. Edhe sot jam ende në gjyq me këtë firmë, ndonëse unë kam të gjitha dokumentet e vendimet që prona është e imja”, thotë në një intervistë për gazetën Panorama biznesmeni.

Akuzën për Bojaxhi, në lidhje me pronën 30 mijë metra katrorë, Sulo Shehu e ka të drejpërdrejtë.

“Në të vërtetë, ashtu si dhe unë e kam me vendim gjykate, prona ku sot po funksionon “Petrolifera” është e imja. Janë mbi 30 mijë metra katrorë që ua kam blerë pronarëve që në vitin ’98, pasi ata e përfituan me vendim të Komisionit të Kthimit e Kompensimit të Pronave. E kam pastruar vetë gjithë atë sipërfaqe, me djersë e punë se ishte tërësisht e bllokuar me inerte e gëlqere, por sot, falë Gjergj Bojaxhiut, nuk e shfrytëzoj”.

Problemet me pronën, - thotë biznesmeni – kanë nisur në vitin 2007, vit ky që përkon me emërimin e Gjergj Bojaxhi në postin e drejtorit të KESH. /Lapsi.al

[SERAFIM DILO]

Ne Shqiperi vetem ndodhin keto çudira me nqjyrosje e shngjyrosje karburantesh. Xhiro 18 miliar leke dhe 11-6 punetore !

Gjithe kjo shume parash qe leviz e fitohet nuk kthehet ne vende pune. Sistem ekonomik skizofren. Bisnesi qe prodhon varferi,sa me shume bisnese te medhaja dhe fitimprures te jene aq me shume papunsi sjellin. Dhe detyrohemi qe punesimin ta vendosim ne administrate shteterore, aty ku pergjithsisht nuk prodhohet. Natyrisht qe ky bisnes te mbaje kete shkalle fitimi dhe privilegji eshte i detyruar te korruptoje, nuk mundet te punesoj as si numer e as me mire punetoret se do paguaje politikanet qe nuk do ti ngrene taksat dhe te kane dhene dhe lejet.
Eshte ky sistem politik-ekonomik skizofren ku fitimi eshte monopol i cili te sjell korrupsjonin e ligjeruar,ku nuk rrezikon asnje bisneses i madh,ku nuk ka asnje lloje konkurence qe eshte baza e nje sistemi ekonomik. E vetmja konkurence e bisnesit eshte zgjedhja dhe pagimi i politikanit me te forte ose si ne shume raste jane vete politikanet qe zgjedhin bisneset edhe thjeshte si administrator.

Per kete dhe figura e Bojaxhiut eshte e lezeçme ne kete aspekt,se eshte i lidhur bisnesi me politiken ne nje person edhe te jep vetem nje dyshim; o e ka vene dikush (si konkurenc brenda politikes) ose do qe te dali i pavarur nga ky detyrim karshi politikes . Eshte dhe rruga e trete qe eshte dhe e pamundura,o qe pretendon Bojaxhiu,vet Bojaxhiu kunder bisnesit te vet.

[Duke_Of_Arberia]

Ne Shqiperi vetem ndodhin keto çudira me nqjyrosje e shngjyrosje karburantesh. Xhiro 18 miliar leke dhe 11-6 punetore !

Gjithe kjo shume parash qe leviz e fitohet nuk kthehet ne vende pune. Sistem ekonomik skizofren. Bisnesi qe prodhon varferi,sa me shume bisnese te medhaja dhe fitimprures te jene aq me shume papunsi sjellin. Dhe detyrohemi qe punesimin ta vendosim ne administrate shteterore, aty ku pergjithsisht nuk prodhohet. Natyrisht qe ky bisnes te mbaje kete shkalle fitimi dhe privilegji eshte i detyruar te korruptoje, nuk mundet te punesoj as si numer e as me mire punetoret se do paguaje politikanet qe nuk do ti ngrene taksat dhe te kane dhene dhe lejet.
Eshte ky sistem politik-ekonomik skizofren ku fitimi eshte monopol i cili te sjell korrupsjonin e ligjeruar,ku nuk rrezikon asnje bisneses i madh,ku nuk ka asnje lloje konkurence qe eshte baza e nje sistemi ekonomik. E vetmja konkurence e bisnesit eshte zgjedhja dhe pagimi i politikanit me te forte ose si ne shume raste jane vete politikanet qe zgjedhin bisneset edhe thjeshte si administrator.

Per kete dhe figura e Bojaxhiut eshte e lezeçme ne kete aspekt,se eshte i lidhur bisnesi me politiken ne nje person edhe te jep vetem nje dyshim; o e ka vene dikush (si konkurenc brenda politikes) ose do qe te dali i pavarur nga ky detyrim karshi politikes . Eshte dhe rruga e trete qe eshte dhe e pamundura,o qe pretendon Bojaxhiu,vet Bojaxhiu kunder bisnesit te vet.

Eshte nje rreth i tere vicioz i ngritur mbi qellime dhe kauza obskure qe ka degraduar gjithe sistemin. Eshte e veshtire te ndryshohet duke mos lejuar hapesira per permiresim-avancim-perfitim-evoluim. Perkundrazi efektet negative te ketij rrethi vicioz te mbyllur, i ndjejne perdite shqiptaret!
Degjojme rregullisht termat inflacion e deflacion dhe se fundmi konstatojme se fuqia blerese bashke me konsumin kane prekur minimumin historik duke perturbuar gjithe ekonomine shqiptare.

Ironia ketu eshte se kjo lloj situate shfaqet here pas here, perkohesisht, ne vende normale dhe me nje ekonomi teper liberale. Dhe ne s'jemi as vend normal dhe s'kemi as ekonomi liberale edhe me keq akoma na mungojne mekanizmat per ta luftuar!

Ndaj cilido qofte qe do faktorizohet ne politike, heret apo vone do e zere ky lloj orteku. Eshte e pashmangshme...

Prandaj te irritojne figura si puna e ketij Gjergjit, qe infiltrohen ne media si shpetimtaret e sistemit, nderkohe qe vete ai eshte produkt me dashje i ketij sistemi! Kam bindjen time se keta tipa "te maskuar", jane edhe me te demshem se aktualet.
T'i rikthehesh politikes, kur ti vete e ke perdorur ate per t'u pasuruar, fillimisht do duhej nje mea-culpa apo ndjese publike. Dhe nese ky Gjergji do ta kishte seriozisht angazhimin e tij ne politike, do e fillonte nga kjo duke lene te kuptohej si e keqja me e vogel.
Por jo, Bojxhiu zgjedh të shfaqet ne ekran me te njejten kemishe te bardhe prej shenjtori dhe me nje imazh gati gati hyjnor!
Dhe babezia e shfrenuar per t'u pasuruar akoma, e shtyn te riangazhohet ne politike per ta ndryshuar ate, nderkohe qe kurdiset nga poshte! Ne Shqiperi nuk mund te jesh sheik i naftes dhe njekohesisht te dalesh kundra te gjitheve...

Te vjen keq kur mendon se Gjergji i mori leke Tiranasve te thjeshte e te varfer, si fonde per fushaten e tij elektorale! Ta dinin keta ditzinj, se Everestin e ka Gjergji (nderkohe qe thote se jam menaxhues dhe jo aksioner kryesor i saj), Supergan nusja e Gjergjit, Petroliferen italiani me cilin negocioj dhe perzgjodhi Gjergji ne cilesine e zv/ministrit, ato pak kursimet e tyre do t'i kishin mbajtur per vete! Po te kuptonin pastaj se Vjehrra aksionere i shet kapitalet me vlere sa nje anije floriri per nje anije bananesh, se Gjergji qarkullon shifra marramendese cash sa nga njera banke tek tjetra dhe nderkohe deklaron pasuri minimale prej vetem 50 mije eurosh, do ta qellonin me veze dhe fekale!!! Do e kishte hak...

[benseven11]

Nuk eshte e qarte ku eshte depozituar sasia e dollareve nga Bojaxhiu.
Sasia e depozituar nuk eshte
fitim personal i Bojaxhiut por
e ardhur nga biznesi i kompanise se naftes me baze ne Napoli.
Nuk thuhet asgje se ne cfare
perfundimi eshte arritur nga auditi financiar nese ka shkelje thyerje ligjesh cfare eshte thyer
Nuk mund te fajesosh Bojaxhiun
per depozitim parash ne nje banke supozojme ne ishujt
Kejmen sepse hapja e nje llogarie bankare ne ishullin Kejman dhe
transalksionet me vone nuk jane
vendimi i Bojaxhiut si individ por rezultat i nje vendimi bazuar ne marreveshje dakortizim midis drejtusve dhe aksionereve me
peshen me te madhe te aksioneve per kete kompani.
Vendimi per te bere biznes bere transaksione eshte vendim i bordit drejtus te kompanise.Nqs vendimi eshte i mbeshtetur ne ligje
atehere transaksionet jane te pastra.
Se sa si raportohet apo jo kjo sasi parash,a eshte paguar takae shtetit per kete sasi parash
eshte ceshtje tjeter.

[Duke_Of_Arberia]

Ky tipi me siper harron se eshte duke folur rreth shqiperise, ku dihet sesi procedojne gjerat, ose mbase thjesht nuk eshte ne gjendje te kuptoje aktualitetin shqiptare! I ndodh shume vetave...


Gjergji me shume gjasa do dali i pafajshem mbas ketij hetimi, duke paguar faturen si gjithe te tjeret.
Nje gje eshte e sigurte, s'mund te flasi me per angazhim qytetare e kauza te drejta, ne momentin kur pasuria e tij kalon çdo lloj imagjinate...

[SERAFIM DILO]

Eshte nje rreth i tere vicioz i ngritur mbi qellime dhe kauza obskure qe ka degraduar gjithe sistemin. Eshte e veshtire te ndryshohet duke mos lejuar hapesira per permiresim-avancim-perfitim-evoluim. Perkundrazi efektet negative te ketij rrethi vicioz te mbyllur, i ndjejne perdite shqiptaret!
Degjojme rregullisht termat inflacion e deflacion dhe se fundmi konstatojme se fuqia blerese bashke me konsumin kane prekur minimumin historik duke perturbuar gjithe ekonomine shqiptare.

Ironia ketu eshte se kjo lloj situate shfaqet here pas here, perkohesisht, ne vende normale dhe me nje ekonomi teper liberale. Dhe ne s'jemi as vend normal dhe s'kemi as ekonomi liberale edhe me keq akoma na mungojne mekanizmat per ta luftuar!

Ndaj cilido qofte qe do faktorizohet ne politike, heret apo vone do e zere ky lloj orteku. Eshte e pashmangshme...

Prandaj te irritojne figura si puna e ketij Gjergjit, qe infiltrohen ne media si shpetimtaret e sistemit, nderkohe qe vete ai eshte produkt me dashje i ketij sistemi! Kam bindjen time se keta tipa "te maskuar", jane edhe me te demshem se aktualet.
T'i rikthehesh politikes, kur ti vete e ke perdorur ate per t'u pasuruar, fillimisht do duhej nje mea-culpa apo ndjese publike. Dhe nese ky Gjergji do ta kishte seriozisht angazhimin e tij ne politike, do e fillonte nga kjo duke lene te kuptohej si e keqja me e vogel.
Por jo, Bojxhiu zgjedh të shfaqet ne ekran me te njejten kemishe te bardhe prej shenjtori dhe me nje imazh gati gati hyjnor!
Dhe babezia e shfrenuar per t'u pasuruar akoma, e shtyn te riangazhohet ne politike per ta ndryshuar ate, nderkohe qe kurdiset nga poshte! Ne Shqiperi nuk mund te jesh sheik i naftes dhe njekohesisht te dalesh kundra te gjitheve...

Te vjen keq kur mendon se Gjergji i mori leke Tiranasve te thjeshte e te varfer, si fonde per fushaten e tij elektorale! Ta dinin keta ditzinj, se Everestin e ka Gjergji (nderkohe qe thote se jam menaxhues dhe jo aksioner kryesor i saj), Supergan nusja e Gjergjit, Petroliferen italiani me cilin negocioj dhe perzgjodhi Gjergji ne cilesine e zv/ministrit, ato pak kursimet e tyre do t'i kishin mbajtur per vete! Po te kuptonin pastaj se Vjehrra aksionere i shet kapitalet me vlere sa nje anije floriri per nje anije bananesh, se Gjergji qarkullon shifra marramendese cash sa nga njera banke tek tjetra dhe nderkohe deklaron pasuri minimale prej vetem 50 mije eurosh, do ta qellonin me veze dhe fekale!!! Do e kishte hak...

Aty eshte problemi sepse eshte nje sistem i mbyllur,politika qe kalon ndermjet bisnesit dhe bisnesi nepermjet politikes. Nuk mund te behet politike pa bisnes dhe gjithashtu nuk mundet te behet bisnes pa politike. Gje qe e ben çdo krim financiar o ekonomik te ligjshem dhe ne fakt te gjitha krimet ekonomike jane bere me ligj o brenda ligjit. Dhe per kete kemi 25 vjet qe skemi as shtet dhe as ekonomi o politik ekonomike,natyrisht pa patur keto nuk ke as shoqeri civile. Eshte ky reth qe bllokon gjithçka. Jemi akoma mbas 25 vjetesh ne tranzicion,mbas çerek shekulli dhe duket tranzicion i pafund.
Kemi krijuar nje sistem shoqeror,politik,ekonomik qe e mban ne kembe vetem urrejtja,ku urrejtjet i kemi te ndryshme dhe dashurine e njejte. Secili,me kemishe te bardhe o me kostum ka urrejtjen e tije por dashuria per te vjedhur eshte e njejte per te gjithe. Dhe ajo qe eshte me e tmerrshmja eshte se ta kerkon,te detyron sistemi te vjedhes se perndryshe nuk egziston.

[martini1984]

Kur eshte dhe tan lepri pjese e ekonomise se tregut perse habiteni???

[Duke_Of_Arberia]

Prokuroria sekuestron llogarinë me 600 mijë euro të djalit 9-vjeçar të Taçit

Postuar në 10 Maj, 2016 03:05

Prokuroria sekuestroi 600 mijë euro cash, në llogarinë bankare të djalit 9-vjeçar të Rezart Taçit, ky i fundit i arrestuar në Zvicër për mashtrim dhe falsifikim.

ABC NEWS ka mësuar se sekuestrimi i kësaj shume parash, ka ardhur pas regjistrimit të procedimit penal ndaj kompanisë “Everest Oil” të Gjergj Bojaxhiut, pasi dyshohet se kjo kompani bashkëpunonte ngushtësisht me kompaninë “ARMO” ish-pronë e Rezart Taçit.

Burimet thanë, se në emër të djalit, ish-manjati i naftës në vitin 2013 ka depozituar një shumë prej 1 milionë euro dhe që nga ajo kohë, kjo llogari nuk është prekur. Por, vetëm pak ditë pas publikimit të lajmit për kallëzimin ndaj Gjergj Bojaxhiut dhe kompanive të tij në Shqipëri, bashkëshortja e Rezart Taçit ka filluar boshatisjen e kësaj llogarie.

Drejtoria e Pastrimit të Parave pranë Policisë së Shtetit, duke parë ndërhyrjen e familjarëve të Taçit në këtë llogari bankare, ka njoftuar Prokurorinë e Tiranës. Kjo e fundit, pasi ka konstatuar se brenda disa ditëve, llogaria bankare nga 1 milion euro ka përfunduar në 600 mijë euro, ka vendosur sekuestrimin e saj. Me kërkesë të Prokurorisë, Gjykata e Tiranës ka vendosur sekuestrimin preventivë të kësaj llogarie, duke urdhëruar bankat e nivelit të dytë të mos lejojnë transferimin apo tërheqje cash nga kjo llogari.

Ndërkohë, për kompaninë e Gjergj Bojaxhiut, për të cilën kanë nisur hetimet nga Prokuroria ende nuk ka ndonjë vendim sekuestrimi apo bllokimi të llogarive bankare, edhe pse dyshohet se për akuzën e “mashtrimeve me kredi”, “fshehjes së të ardhurave” dhe akuzën e “pastrimit të parave” në bashkëpunim. Në kallëzimin që policia ka dorëzuar në Prokurori, krahas kompanisë së Bojaxhiut janë denoncuar edhe disa kompani të mëdha të hidrokarbureve, mes tyre edhe ARMO ish-kompania në administrim nga Rezart Taçi.

Në këtë kallëzim, një pjesë të konsiderueshme të materialeve relatuese në Prokurori zë vend edhe kompania “Everest Oil” e Gjergj Bojaxhiut. Pasi dyshohet se brenda një periudhe të shkurtër, kompania në fjalë ka kryer transaksione të mëdha bankare, duke përfituar shuma të mëdha në euro, në formën edhe të kreditimit që shkon në shifrën e rreth 172 milionëve dollarë amerikan.

Krahas hetimit ndaj Bojaxhiut, Prokuroria po verifikon edhe të afërmit e tij, vjehrrin dhe bashkëshorten si dhe ortakët të kompanisë “Everest Oil”. Shoqëria Everst Oil ku administrator ëshët Bojaxhiu është themeluar nga shoqëria “Superba SRL’ me seli në Napoli të Italisë. Nga ana tjetër vetë kompania “Superba SRL” është krijuar në korrik të 2012 dhe pikërisht gjatë kësaj kohe, korrik-nëntor 2012 kompania “Everst Oil” ka qarkulluar rreth 30 milionë dollarë, por që shumica e parave kanë ardhur apo janë transferuar nga banka të ndryshme të vendeve të njohur si parasja fiskale.