Bëmë o baba të të ngjaj! Shoku Rama fiton referendumin me 97% te votave! Shoku Enver fitonte me 99%!

[Albo]

Referendumi në PS, Blushi: Nuk do të marr pjesë. Listat do trukohen



Deputeti socialist Ben Blushi ka dekaruar se nuk do të marrë pjesë në referendum e 9 prillit, në Partinë Socialiste.

Blushi tha se listat do të trukohen, ndërkoh që askush nuk ka të drejtë të bëj fushatë. “Listat do trukohen, askush nuk ka të drejtë të bëj fushatë. Askush nuk e di shifrën e saktë të anëtarësisë”, tha Blushi.

Deputeti socialist kërkoi më herët të zhvillohet gara për kryetarin e Partisë. Ndërkaq, pak ditë më parë, u zbulua edhe pyetja që do të jetë në referendumin e 9 prillit.

“Kur PS është në qeveri dhe kryetari i saj është i zgjedhur Kryeministër, a konsiderohet i rinovuar automatikisht mandati i kryetarit?”, do të kërkojë votën pro ose kundër të anëtarësisë.

Koha Jone

[2043]

Shpresojme qe socialistet te mos jene kaq debile e te behen peng i kapricove te Rames. Nje JO e paster do e sillte ne vete gjithe kupolen drejtuese te PS e cila tashme eshte larguar nga baza aq shume sa ka frike te beje edhe zgjedhjet ne parti.

[SERAFIM DILO]

Shpresojme qe socialistet te mos jene kaq debile e te behen peng i kapricove te Rames. Nje JO e paster do e sillte ne vete gjithe kupolen drejtuese te PS e cila tashme eshte larguar nga baza aq shume sa ka frike te beje edhe zgjedhjet ne parti.

Partite ne Shqiperi nuk kane "baze",dhe ky eshte problemi per partite ne Shqiperi. Dhe nuk mundet ta kene pa pasur nje pastrim moral me te shkuaren.Do kene ndjekes te çastit por nuk do kene kurre nje baze me ideologji etike.

Baza ne Shqiperi per PS eshte nja 5-6 % e komunisteve pensionist dhe 2% nga "Blloku". PD nuk ka baze jashte Sali Berishes,pra Berisha ka si baze 3-4% nga veriu dhe 2% nga "Sigurimi". Ndersa dhe LSI ka po prap bazen e Ilir Metes 3-4 % nga drejtora nga Skrapari dhe 2% nga Sulo Gradeci.

Baza e vertete ne Shqiperi eshte vendi i punes,pra anetare me vende pune qe perbejne 70-80 perqind te partive,ku shpesh here ndryshojne voten simbas interesit o idese qe partia tjeter do fitoje zgjedhjet. Eshte kjo pjese qe lekundet,nga interesi,qe ben te humben o te fitohen zgjedhjet.
Keshtu qe Rama e di qe baza nuk egziston,dhe fiton e humb zgjedhjet nga vendet e punes ne shtet,dhe proçesi i sistemimit te vendeve te punes,i lejeve,i konçesioneve nuk ka mbaruar.

Dhe ajo qe duket si pika e dobet e Rames,qe nuk ka opozite. Sepse pa opozite nuk mundet te behet politike,dhe ne fakt Rama po qeveris vetem konçesionet dhe vendet e punes,po qeveris voten nuk po qeveris vendin. Ne mungese te opozites,sepse opozita nuk egziston moralisht dhe nuk ben politike,i ka mbetur si shprese e vetme vetem Blushi,se po ben politike. Politike qe mbase si pelqen as Rames por e ka te nevojshme. Dhe rrezik konkret nga Blushi nuk ka,sepse mbledh voten e tepakenaqurve si te majte e si te djadhte,o edhe voten elitare.

Imagjino te jesh kryeminister ne nje vend ku nga nje krah ke Bashen e Berishen ne krahun tjeter ke Ballen dhe Braçen,siper kokes ke Meten dhe poshte kembeve ke Nishanin. Nuk do dish nga te shkosh.Dhe pikerisht per kete shkohet edhe ne referendum.

[Albo]

Top Channel nxjerr bllof gënjeshtrën e Ramës



Pak kohë më parë në apogjeun e fushatës së anëtarësimeve të reja në parti (foto lart) kryeministri Rama shpalli një shifër bombastike. Arritjen e nurmit 150 mijë të antarësisë së PS. Atëhere kjo shifër u duk si propagandistike dhe as kush nuk i vuri vëmendjen e duhur. Por në atë kohë Rama nuk kishte hedhur ende idenë e referendumit prandaj socialistët duhet të ishin kaq të shumtë.

Sot tre ditë perpara referendumit gjërat kanë ndryshuar. Të mërkurën në lajmet e drekës në Top Chanell, deputetja Blerina Gjylameti, që nuk e ka turp të përsërisë çdo gjë që i thonë, shpalli se në datë 9 prill do të votojnë 81 500 socialistë.

Ajo nuk arsyetoi se si u tkurr kështu, si lëkura e Shagrenit, numri i anëtarëve të partisë së saj.

Por arsyeja merret me mend lehtë.

Sipas statutit të PS-së, që referendumi të jetë i vlefshëm, duhet të votojë më shumë se gjysma e njerzve të përfshirë në lista. Pra nëse Rama ka shpallur numrin 150 mijë, të shtunën duhet të votonin së paku 75001 socialistë.

Pikërisht për këtë Gjylameti e cila u shfaq në ekran me një xhaketë të blertë lëshoi shifrën 81 mijë.

Tani nuk dihet kush gënjen: Deputetja që cicëron çfarë i thonë, se ka hallin e mosdështimit të referendumit, apo Rama që shpalli se numri i socialistëve kishte vajtur 150 mijë?

(Lapsi.al)

Shenim/ Lidhur me këtë lajm burime nga PS kanë sqaruar se numri 81 500 është numri i antarësisë që kanë zgjedhur edhe delegatët e kongresit, pra se antarësimet e reja nuk janë përfshirë në këtë proces.

[Albo]

Referendumi i PS, mbyllet votimi; Rama fitues në të gjithë vendin



Në orën 19:00, të mbrëmjes së sotme janë mbyllur në mbarë vendin qendrat e votimit të ngritura nga Partia Socialiste, për të votuar në referendumin mbi legjitimitetin e kryetarit Rama. Burime nga selia rozë kanë deklaruar se, pjesëmarrja më e madhe ka qenë në Malësinë e Madhe, me 94.8 për qind. Në mbarë vendin votuan 81.572 socialistë, për të shprehur qëndrimin e tyre me votë në lidhje me pyetjen e referendumit “Kur Partia Socialiste është në qeveri dhe kryetari i saj është zgjedhur Kryeministër, a konsiderohet i rinovuar automatikisht mandati i kryetarit?”.

Rezultatet e Votimit

Lezhë
97.5%, 1468 anëtarë- PO
2.5%, 43 anëtarë- JO

Krujë
168 anëtarë- PO
21 anëtarë –JO

Mallakastër
95.8 % e anëtarëve- PO
4.2 % e anëtarëve – JO

Roskovec
97% e anëtarëve – PO
3 % e anëtarëve – JO

Berat

857 e anëtarëve “PO”

47 e anëtarëve “JO”

Kuçovë

540 e anëtarëve “PO”

48 e anëtarëve “JO”.

Krujë

97% e anëtarëve “PO”

3% e anëtarëve “JO”

Mallakastër

95.8% e anëtarëve “PO”

4.2% e anëtarëve “JO”.

Përmet dhe Këlcyrë, 100% “PO” Ramës

Shqip

[Albo]

Edi Rama falenderon socialistët për votimin sot mbi 97 përqind pro tij



Rama falenderon të gjithë ata që morën pjesë në votim, dhe thekson se socialistët dhanë një “PO” të fortë për mosmbajtjen e zgjedhjeve për kryetar. Sipas Ramës, vota e sotme është një konfirmim tjetër i fuqishëm nga anëtarësia për ndryshimet statutore. Indirekt është dhe një votë pro reformave qeverisëse. Rezulatet flasin se 97 përqind votuan pro Edi Ramës.

Ja mesazhi i plotë i Ramës në Facebook:

Mirënjohje e thellë për familjen tonë të madhe politike që sot dha një provë shumë kuptimplotë të vetëdijes dhe angazhimit demokratik. Referendumi kaloi pritshmëritë për pjesëmarrjen falë angazhimit të të gjitha gjeneratave të socialistëve. I falenderoj me dashuri dhe respekt që të gjithë, nga 90 vjeçarët që ishin dëshmia më emocionuese përpara kutive të votimit, deri tek 16 vjeçarët që janë dëshmitarët më të rinj, të të parit referendum partiak në Shqipërinë e këtyre 25 vjetëve.

Referendumi i sotëm ishte një ushtrim demokratik e organizativ plotësisht i suksesshëm. I cili rrit energjitë pozitive të akumuluara në familjen tonë të madhe gjatë procesit nëntë mujor të hapjes, zgjerimit e fuqizimit të partisë. Ky proces do të vazhdojë pa u ndalur prej ditës së hënë, për të realizuar objektivin e 150 mijë anëtarëve në ditën e 25-vjetorit të lindjes së Partisë Socialiste.

As unë e as shumica dërrmuese e shokëve e shoqeve të trupës drejtuese të PS, nuk kemi dyshuar asnjë çast se anëtarët e familjes sonë politike që, bashkë me qindramijëra qytetarë të tjerë, na dhanë besimin dhe privilegjin e jashtëzakonshëm, për të drejtuar qeverinë e Shqipërisë pas fitores së zgjedhjeve të 23 qershorit, e kanë mirëkuptuar e mbështetur plotësisht mosmbajtjen e zgjedhjeve për kryetar partie pas marrjes së detyrës së kryeministrit nga ana ime. Por referendumi i sotëm, e konfirmoi katërcipërisht bindjen tonë, ashtu sikundër mbështeti me një “PO” shumë të fuqishme, vendimin e kongresit të ri për ndryshimin përkatës në statutin e Partisë Socialiste, lidhur me mandatin e kryetarit kur ky i fundit ka edhe detyrën e kryeministrit.

Kjo ditë na dha të gjithëve një arsye më shumë për të qenë krenarë për Partinë Socialiste, ndërsa mua vetë edhe një arsye më shumë për t’i shërbyer me mish e me shpirt familjes sonë të madhe politike, në radhë të parë duke e bërë me ndershmëri, përkushtim e dinjitet, detyrën e lartë të Kryeministrit të Shqipërisë.

FALEMINDERIT TË GJITHËVE

Koha Jone

[Duke_Of_Arberia]

Partia nga fitorja ne fitore!
Rrofte krye-cari yne i dashur e popullor Edvin Rrama!
I paharruar qofte kujtimi i shokut Enver!

Nje falenderim i veçante per shokun Koqo!

Perpara shtetit dhe kombit, ne populli trim socialiste, do te zgjedhim gjithmone partine!

[murik]

maskarada vazhdon..oops rilindja desha te them. Popull pervert,popull qe kurre nuk e ngriti koken per te drejtat e perbashketa por kerkon zgjidhje vetjake..diktatore e aventuriere do te vazhdojne te bejne qef ne kete toke

[benseven11]

Shume e thjeshte
Rama i ka vene ne pushtet te gjithe kryetaret lokale te partise socialiste
Kryetaret lokale i kane pas kutite e votimit si pronat e tyre personale lol
dhe i kane hapur dhe mbushur me letra pro per Ramen.

[Ciarli]

Konsolidimi i PS rreth figures se Edi Rames eshte domethenie shume e madhe per zhvillimin e ngjarjeve dhe progresin e Shqiperise, ndonese agjenturat e huaja nuk e kane dashur quasi kurre kete vend dhe pucistet apo opozitat permbysese jane te panumert duhet te pranojme qe klasa politike socialiste e shqiperise perfaqeson burrat e saj apo mega-faktoret te levizjeve te verteta te cilet rilinden perseri pas renies se italo-shqiptarit Leka Zogu. Shqiperia nje rruge ka patur ate te gjetjes se nje fqinji te fort apo protektorati te sigurte dhe kete nuk e gjeti dot tek greket e pakuptimte apo shumkuptimte dhe as te ruset apo djajte e mundur.

[Albo]

Referendumi, Blushi e Hafizi kërkesë në Komisionin Zgjedhor të PS: Hapni kutitë!



TIRANË- Dy deputetët socialistë që kanë qenë kundër referendumit të PS, Ben Blushi dhe Mimoza Hafizi i janë drejtuar sot zyrtarisht Komisionit Zgjedhor në këtë parti.

Blushi dhe Hafizi i kanë drejtuar një kërkesë komisionit ku kërkojnë hapjen e kutive të referendumit. Gjithashtu ata kërkojnë kopjen e listës së zgjedhësve dhe pjesëmarrësve në votim, me nënshkrimin e secilit.

Po kështu në letrën që e disponon News24 dhe Balkanweb përfshihet edhe kërkesa për një kopje të tabelës me rezultatet e zgjedhjeve si dhe për procesverbalin e KZP për rezultatin e referendumit.

“Sot dorëzuam në Komisionin Zgjedhor të Partisë kërkesën tonë për Hapjen e Kutive të Referendumit”, kanë thënë 2 deputetët që më herët i kishin bërë këto kërkesa publike por jo zyrtarisht. Një gjë e tillë u kërkua nga kreu i grupit parlamentar të PS-së, Gramoz Ruçi, i cili ftoi 2 deputetë që kërkesat t’i bënin në mënyrë zyrtare dhe jo mediatikisht.

KËRKESË

Drejtuar: Komisionit të Zgjedhjeve të Partisë Socialiste (KZP)

Objekti:
a) Kërkojmë të na jepet një kopje e listës së zgjedhësve të përgatitur nga KZP, mbi bazën e të cilës u zhvillua referendumi i datës 09.04.2016.
b) Kërkojmë të na vihen në dispozicion kopjet e listave të pjesëmarrësve në procesin e votimit për çdo vendvotimi të ngritur, me nënshkrimin e secilit përbri, në referendumin e datës 09.04.2016.
c) Kërkojmë të na vihen në dispozicion kopjet e procesverbaleve të hartuara nga çdo Komision i Vendvotimit dhe i Numërimit të Votave për nxjerrjen e rezulatit për çdo vendvotimi të ngritur në referendumin e datës 09.04.2016.
d) Kërkojmë të na vihet në dispozicion një kopje e tabelës së rezultateve të hartuara nga KZP dhe e procesverbalit të KZP për shpalljen e rezultatit të referendumit mbajtur më datë 09.04.2016.

Baza Ligjore: Nenet 2, 15, 16, 18, 20, 22, 24, 25, 26, 27, 28, 30, 32, 33, 34,
35, 36, 37, 43, 44, 47, 48, 50, 55, 56, 57, 58 dhe 59 të Kodit të
Zgjedhjeve në PSSH

Të nderuar anëtarë të KZP
Më datë 09.04.2016, në Partinë Socialiste me anëtarësinë e saj u mbajt referendumi, në fletën e votimit të së cilit ishte ushtruar pyetja “Kur Partia Socialiste është në qeveri dhe Kryetari i saj është i zgjedhur Kryeministër: A konsiderohet i rinovuar automatikisht mandati i Kryetarit?”
Ky referendum, në kundërtim nga sa parashikon Statuti i PS dhe neni 2 i Kodit të Zgjedhjeve në PSSH, nuk u zhvillua duke respektuar parimet që lidhen me një proces zgjedhor të lirë dhe të drejtë, të sanksionuara në Kushtetutën e Republikës së Shqipërisë, në Statutin e PSSH si dhe në aktet ndërkombëtare të njohura dhe të pranuara, dhe se zgjedhjet për të nuk u bazuan në konkurencën e lirë, të barabartë, të ndershme e transparente ndërmjet altenativava konkurruese sepse:

I. Çështja e shtruar në këtë referendum, që pasqyronte fleta e votimit të tij, në kundërshtim, si me nenin 45 të Statutit të PS miratuar me 05.11.2011, ashtu edhe me nenin 72 të Projekt Statutit të PS, propozuar për miratim Kongresit PS të datës 19.03.2016, nuk u diskutua, shqyrtua dhe miratua nga vetë Kongresi i PS, i cili është organi i vetëm që ka të drejtën eskluzive për të vendosur për çështjen objekt referendumi.

II. Caktimi i datës së zhvillimit të këtij referendumi u bë nga Kongresi i PS, në tejkalim të parashikimeve statutore te sipërcituara të nenit 45 të Statutit të PS, dhe nenit 72 të Projekt Statutit të PS, si dhe në kundërshtim me nenin 55 pika 5 të Kodit të Zgjedhjeve në PSSH, i cili parashikon se:

Neni 55
5. Data e zhvillimit të referendumit caktohet nga Kryetari i PSSH dhe shpallet prej tij jo më vonë se 10 ditë pas marrjes së vendimit për zhvillimin e tij.

III. Zhvillimi i këtij referendumi u mbaj në kundërshtim me nenin 56 të Kodit të Zgjedhjeve në PSSH, i cili parashikon se:

Neni 56
Kufizime në ushtrimin e të drejtës së referendumit
Referendumi në PSSH nuk mund të zhvillohet:
a. Dy muaj para dhe dy muaj pas Kongresit të Partisë,

IV. Në këtë referendum ne u shpallëm alternativë referendare, kundër çështjes së shtruar. Megjithkëtë, në kundërshtim me nenet 43, 44, 47, 48 dhe 50 të Kodit të Zgjedhjeve në PSSH, nuk u lejua të organizohej një fushatë zgjedhore sipas parashikimeve të këtyre neneve.
Kjo solli që, në kundërshtim me këto nene:

• Organet dhe strukturat e partisë në qendër e në bazë dhe ato të parashikuara në Kodin e Zgjedhjeve në PSSH nuk respektuan detyrimin që të garantonin barazi për alternativat referendare duke u krijuar mundësi të barabarta për të bërë fushatë.
• Strukturat e partisë në qendër e në bazë nuk respekuan detyrimin që në bashkëpunim me përfaqësuesit e alternativave referendare, të organizonin programin e takimeve me anëtarësinë e PS, për të mundësuar paraqitjen e alternativave referendare në debate publike.
• KZP dhe sektori që merret me median në Asamblenë Kombëtare të PSSH nuk respekuan detyrimin për të organizuar në javën e fundit para ditës së zgjedhjeve një debat të hapur publik me median për paraqitjen e alternativave referendare.

Këto bënë që referendumi në Partinë Socialiste, i datës 09.04.2016, të jetë referendum i paprecedent, i zhvilluar pa fushatë zgjedhore.

V. Organet vendore të administrimit zgjedhor, KZP e Bashkisë, KZP e Njësisë Administrative dhe Komisioni i Vendvotimit dhe i Numërimit të Votave, nuk u ngritën dhe nuk funksionuan sipas afateve dhe përcaktimeve të neneve 25-27 të Kodit të Zgjedhjeve në PSSH. Në Bashkinë e Shkodrës, vetëm një ditë para votimit u ndryshuan në mënyrë arbitrare dhe pa anjë shkak tre anëtarë të KZPB.

VI. Lista e zgjedhësve nuk u afishua në vendvotimin përkatës 15 ditë para ditës së zgjedhjeve dhe nuk u shpall në vendvotimet përkatëse jo më vonë se 7 ditë para ditës së zgjedhjeve, siç parashikon neni 28 pika 4 dhe 8 i Kodit të Zgjedhjeve në PSSH. Ka denoncime se në listat zgjedhore janë shtuar me dorë emra të shumtë votuesish të panjohur dhe të parregjistruar në Regjistrin Themelor të Antarëve të Partisë.

VII. Përfaqësuesit e alternativës referendare kishin të drejtën e vëzhgimit të procesit, në përputhje me nenin 55.6 të Kodit të Zgjedhjeve të Partisë. E kanë kërkuar publikisht këtë të drejtë, nuk iu dha.
Një ditë para referendumit, përfaqësuesit e alternativës referendare kanë ndjekur gjithkund Komisionin Zgjedhor të Partisë Bashkia Shkodër, për t’i kërkuar akreditimin e vëzhguesve në 11 qendrat e votimit në këtë bashki. Komisioni është fshehur, është ndërruar në momentin e fundit, nuk është përgjigjur, duke mohuar të drejtën e vëzhgimit të procesit.

VIII. Parregullsitë në procesin e votimit për këtë referendum janë bërë publike edhe nga media. Në emisionin “Stop” që u transmetua në TV “KLAN” më datën 12.04.2016, u pa qartë se në vendvotimin e njësisë administrative Surrel, aty ku votoi edhe Kryetari në detyrë i PS, gazetari investigativ i këtij emisioni, në kundërshtim flagrant me nenin 34 pikat 2, 3, 4 dhe 5 të Kodit të Zgjedhjeve në PSSH, u lejua të votonte pa e patur fare emrin në listën e zgjedhësve, ndërsa në një vendvotim të Bashkisë Kamëz, anëtarët e komisionit të këtij vendvotimi i dhanë gazetarit investigativ dy fletë votimi, duke krijuar mundësinë për të votuar dy herë, çka është në kundërshtim flagrant jo vetëm me nenin 34 pika 3, por edhe cënon rëndë parimin e barazisë së votës, që është një nga parimet bazë të çdo procesi votimi.

Duke qenë se sa më sipër, i gjithë procesi i përgatitjes, organizimit, zhvillimit dhe administrimit për votimin e referendumit të datës 09.04.2016, u bë në shkelje flagrante me një sërë nenesh të sipërcituara të Kodit të Zgjedhjeve në PSSH, si dhe duke qenë se si pasojë e këtyre shkeljeve, përfaqësuesve të alternativës referendare kundër çështjes së shtruar në referendum, iu bë i pamundur ushtrimi i një sërë të drejtash të garantuara nga ky Kod, si psh në Bashkinë e Shkodrës, ku përfaqësuesit e kësaj alternative, në kundërshtim me nenin 45 pika 7 të Kodit të Zgjedhjeve në PSSH, nuk u lejuan të vëzhgonin pa kufizime procesin zgjedhor;

Duke qenë se bazuar në pikën 1, gërma “d”, pikën 2, gërma “b” “c” e “d”, dhe pikën 3 gërmat “a” dhe “b” të nenit 27 të Kodit të Zgjedhjeve në PSSH, në referim edhe të pikave 1, 2, 3 të nenit 59 të po këtij Kodi, i gjithë dokumentacioni zgjedhor dërgohet në KZP, i cili pas shpalljes së rezultatit e dorëzon në Arkivin e PSSH;

Në mënyrë që rezultati i këtij referendumi të pranohet edhe nga ajo pjesë e anëtarësisë së PS që përfaqëson alternativën referendare kundër çështjes së shtruar në referendum,

Apo edhe në mënyrë që pas gjithë shkeljes së këtyre të drejtave të krijohet mundësia për ushtrimin e të drejtës së ankimit ndaj çdo parregullsie, e drejtë kjo e parashikuar nga neni 59 pika 4 e Kodit të Zgjedhjeve në PSSH

Si përfaqësues të kësaj alternative referendare, kërkojmë nga KZP:

1. Të na jepet një kopje e listës së zgjedhësve të përgatitur nga KZP,
mbi bazën e të cilës u zhvillua referendumi i datës 09.04.2016, të drejtë
që na e njeh dhe garanton neni 28 pika 5 e
[17:23, 18/4/2016] Anila Jole: Kodit të Zgjedhjeve në PSSH,
në referim edhe të pikave 1, 2, 3 të nenit 59 të po këtij Kodi.

2. Të na vihen në dispozicion kopjet e listave të pjesëmarrësve në procesin e votimit për çdo vendvotimi të ngritur, me nënshkrimin e secilit përbri, të drejtë që na e njohin dhe garantojnë pikat 6 dhe 7 të nenit 45 të Kodit të Zgjedhjeve në PSSH, në referim edhe të pikave 1, 2, 3 të nenit 59 të po këtij Kodi.

3. Të na vihen në dispozicion kopjet e procesverbaleve të hartuara nga çdo Komision i Vendvotimit dhe i Numërimit të Votave për nxjerrjen e rezulatit për çdo vendvotimi të ngritur, të drejtë që na e njeh dhe garanton pika 5 e nenit 30 të Kodit të Zgjedhjeve në PSSH, në referim edhe të pikave 1, 2, 3 të nenit 59 të po këtij Kodi.

4. Të na vihet në dispozicion një kopje e tabelës së rezultateve të hartuara nga KZP dhe e procesverbalit të KZP për shpalljen e rezultatit të referendumit mbajtur më datë 09.04.2016.

Tiranë më, 18. 04.2016

KËRKUES
Mimoza Hafizi
Ben Blushi
Përfaqësues të alternativës referendare kundër çështjes së shtruar në referendum

(m.k/BalkanWeb)

[Albo]

Thosh mire shoku Enver, nuk na duhen njerez me mend ne Parti, na duhen vetem njerez te besuar. Cfare thote ky i biri i Kicos dhe kjo profesoresha socialiste, qe shoku Rama eshte hajdut votash ne Parti?

Jo or jo, shoku Rama nuk vjedh votat e socialisteve! Shoku Rama vjedh vetem votat e Saliut dhe Ilir Metes!

Te na rroje Partia e shoku Rama sa mali i Dajtit!

Nje socialist i indinjuar,
Albo