Thaçi: Majlinda e flakëroi në ari Flamurin e Kosovës para miliona shikuesve
GazetaExpress E diel, 07 Gusht 2016 22:28
Me plot emocione e ka përjetuar presidenti i Kosovës, Hashim Thaçi, fitimin e medaljes së artë olimpike në xhudo nga Majlinda Kelmendi në Rio.
"Krenar dhe përplot emocion me suksesin e Majlindës. Flamurin e Kosovës, para miliona shikuesve anekënd botës e flakëroi në ari", ka shkruar presidenti Thaçi në faqen e tij zyrtare në Facebook, transmeton Gazeta Express.
"Si askush tjetër, Majlinda personifikon historinë e re të sportit dhe suksesit ndërkombëtar të Kosovës. Ne erdhëm si fitues në Rio dhe po kthehemi sërish fitues në Kosovë. Me këtë fitore, Majlinda shënoi ipon për politikën e jashtme të Kosovës. Urime të gjithëve!", thuhet në shkrimin e Thaçit në rrjetin social. /Express/
Krijoni Kontakt