Shqipëria ka mundur të arrijë të parin titull madhor, atë të kampionit të Europës në sportin e “kickbox”, falë triumfit të Kristian Prengës të arritur sonte në “Asllan Rusi” kundër rivalit të tij Vasilis Karagianidis. Prenga e fitoi këtë takim me “Knock Out”.
Ndeshja me 4 raunde e vlefshme për peshat 100 kg, ishte deri në raundin e fundit me plot rivalitet. Por “kickboxer”-i shqiptar siguroi avantazhin me pikë në raundin e parë dhe të dytë, edhe pse u deshën sekondat e fundit që greku të dorëzohej pa mbaruar sfida.
Kristi Prenga në fund të takimit u shpreh i lumtur për arritjen e suksesit dhe falënderoi publikun shqiptar që e mbështeti, gjatë duelit me rivalin grek.
Krijoni Kontakt