Laç: Deputeti socialist Armando Prenga plagos familjen Cali ne komisariat

[Albo]

Berisha: Rama kthen në detyrë vrasësin Prenga. Të gjithë në këmbë të shpëtojmë nga kthetrat e krimit

TIRANË- Ish-kryeministri Sali Berisha ka komentuar kthimin e deputetit socialist, Armando Prenga në kuvend. Berisha shkruan se ‘kreu i meduzës Edi Rama kthen në detyrë vrasësin Prenga!’

“Të dashur miq, sot vrasësi i Edi Ramës, Armando Prenga, njeriu që qëlloi me revole të fshehur një qytetar, Cali, tek dera e shtëpisë së tij dhe tjetrin vëllain e të parit brenda në komisariat policie, njeriu për të cilin mediat italiane kanë transmetuar një emision të veçantë si delinkuent, hajdut ordiner dhe trafikant, u kthye sot në detyrë triumfator në parlament. Kjo sepse Edi Rama me gjykatësit e tij vrasës sa vet vrasësi Prenga, e liruan atë dhe mbajtën në burg viktimat e tij”, deklaron Berisha.

Ai iu bën thirrje qytetarëve të përmbysin me të gjitha mjetet paqësore të mosbindjes civile kryeministrin Rama.

“Qytetarë, të gjithë në këmbë që me revolucionin demokratik të shpëtojmë veten nga kthetrat e zeza të krimit, të përmbysim me të gjitha mjetet paqësore të mosbindjes civile Edi Ramën, që ka shndërruar qeverinë dhe parlamentin e tij në organizatë kriminale!”, ka thënë Berisha.

(m.k/BalkanWeb)

[Albo]

PD bojkot Komisioneve për Prengën, Berisha: Përkrah çdo vendim, Toçi: Opozita ka shkuar tek tregu i vezëve

TIRANE- Rikthimi i deputetit Armando Prengës në Komisionet Parlamentare është bërë shkak që Partia Demokratike të bojkotojë mbledhjet. Ky vendim është marrë ditën e sotme, ndërsa nuk dihet se sa do të zgjasë bojkoti.

Duke u gjendur përballë kësaj situate, shumica e Komisioneve të Medias, Sigurisë dhe ai i Ligjeve nuk mund të mblidhen për shkak të kuorumit.

Sakaq, lidhur me këtë fakt, u mblodh Grupi Parlamentar i PD-së, takim i cili u mbajt me dyer të mbyllura, ndërsa nuk dihet ende se çfarë u vendos në takim. Fill pas mbylljes së mbledhjes, ish-lideri i PD-së, Sali Berisha pohoi se ai do të përkrahë çdo vendim të Grupit Parlamentar të kësaj partie. “Kryetari do iu informojë për vendimin e grupit të PD”, tha Berisha.

Nga ana tjetër, kreu i Grupit Parlamentar të PD-së, Edi Paloka është shprehur i rezervuar për takimin e sotëm të mbajtur në selinë blu, ndërsa theksoi se ‘do informoheni në momentin e duhur për vendimin’. Paloka theksoi se mbledhja e grupit ishte me dyer të mbyllura.

TOÇI: OPOZITA KA SHKUAR TEK TREGU I VEZËVE
Ndërkohë, deputeti i Partisë Socialiste, Fatmir Toçi reagoi në lidhje me vendimin e opozitës duke thënë se kjo e fundit ‘ka shkuar tek tregu i vezëve.

Ligjvënësi i majtë theksoi se Komisioni i Medias nuk u zhvillua pasi opozita nuk u paraqit, ndonëse sipas tij kërkesa dëgjimore u kërkua nga PD-ja. “Opozita ka vendosur të shkojë tek tregu vezëve. Nuk është normal bojkoti i papritur i opozitës”, tha Toçi.

Balkanweb

[Vinjol]

Deputeti Armando Prenga është vetëtërhequr nga Kuvendi derisa Gjykata e Lartë të marrë një vendim për fajësinë ose jo ndaj personit të tij.
Armando Prenga është në gjykim për tre akuza mes tyre plagosje e lehtë.
Përmes një letre që mban datën 24 shkurt 2016 drejtuar kryetarit të Kuvendit Prenga argumenton dhe pse vendosi vetëpezullimin duke bërë me faj PD se e kanë kthyer të tabelë qitjeje.
Letra
I nderuar kryetar i Kuvendit
Duke marrë shkas nga deklarimet e përfaqësuesve të PD-së dëshiroj tju bëj me dije vendimin tim ëpr tu vetëpezulluar nga aktiviteti i Parlamentit të Shqipërisë deri në marrjen e një vendimi gjyqësor për çështjen në të cilën unë jam i përfshirë.
Edhe pse plotësisht i bindur në pafajësinë time dëshiroj të mbetem larg jetës parlamentare përsa kohë Sali Berisha dhe Lulzim Basha, që duhej të ishin përpara drejtësisë,më kanë kthyer në tabelë qitjeje se nuk dinë të bëjnë punë tjetër.
Unë nuk dua ti jap kosto të tjera shpirtërore familjes time dhe të afërmve të mi. Ata nuk ma kanë borxh baltën e Saliut dhe të Lulit, edhe pse janë të bindur në pafajësinë time.
Prandaj do të vazhdoj deri në fund betejën gjyqësore, ndërkohë që PD le të mbajë të dënuarin Xhelal Mziu si hero të partisë në luftën për demokraci
Sinqerisht Armando Prenga
PD kushtezoi marredhenien me parlamentin
Dje Partia Demokratike kushtëzoi marrëdhënien me parlamentin me nisjen e zbatimit të ligjit të dekriminalizmit. Këtë vendim ka marrë grupi parlamentar i Partisë Demokratike që u bë publik nga kryetari Basha. Po ashtu PD ka vënë si kusht edhe largimin e deputetit Armando Prenga nga kuvendi si dhe të tre deputetëve socialistë që sipas selisë blu po abuzojnë me tenderat publikë.
Gjykata zbuti masen e sigurise
Pasi ka qëndruar për disa muaj në arrest shtëpie deputeti socialist Armando Prenga është i lirë të dalë madje të frekuentojë edhe parlamentin. Me nje vendim të marrë mesditën e 19 shkurtit 2016, Gjykata e Lartë ka zbutur masën e sigurisë për deputetin duke e lënë në detyrim paraqitje. Ndërkohë ëshë refuzuar kërkesa për gjykim të shkurtuar
Akuzat qe rendojne mbi Prengen
Deputeti Armando Prenga akuzohet nga prokuroria per tre akuza armëmbajtje pa leje, plagosje e lehtë dhe kanosje për jetën.
Ngjarja për të cilën akuzohet ndodhi në 8 shtator ne qytetin e Laçit ku Prenga u përfshi në një konflikt me familjen Çali nga Patoku, për Lagunën e Patokut. Si rrjedhoje e konfliktit dy persona mbetën të plagosur ndërsa sipas prokurorisë deputeti ka qëlluar me një armë të cilën nuk e kishte me leje.

[Albo]

Eurodeputeti Kukan: Raste si i Armando Prengës, të papranueshme në Parlament



Eurodeputeti Eduard Kukan, ka bërë të ditur se do të prezantojë një amendament të ri për rezolutën e integrimit të Shqipërisë në BE për zgjedhje të lira dhe të ndershme.

Në një intervistë për ABC News, Kukan tha se raste si i ai deputetit Armando Prenga janê të papranueshme për BE-në dhe nuk duhen të përsëriten në zgjedhjet e ardhshme. Kukan shpjegon edhe insistimin e tij për amendamentin për emërimin e drejtorit të përgjithshëm të RTSH-së. Rezoluta për Shqipërinë do të diskutohet në 13 prill dhe do tê votohet në 14 prill në seancë plenare të PE-së.

Ju jeni raportuesi në hije i rezolutës së Parlamentit Europian për Shqipërinë, e cila nuk pati vëmendjen e duhur gjatë aprovimit në komisionin e punëve të jashtme të Parlamentit Europian, duke qenë se aprovimli i saj ndodhi ditën e shpërthimeve terrorriste në Bruksel. Cili është mesazhi kryesor që përçon kjo rezolutë?

Eduard Kukan, eurodeputet: Rezoluta për Shqipërinë ka për qëllim inkurajimin e palëve për të vazhduar përgatitjen për çeljen e negociatave të anëtarësimit. Jam i kënaqur me përmbajtjen e rezolutës dhe besoj, se se do ta aprovohet ne seancën plenare javën e ardhshme pa ndryshime.

Ju keni prezantuar dy amendamente. Një prej tyre ka të bëjë me lirinë e shtypit. Nuk jemi mësuar t’ju dëgjojmë të ndërhyni për këtë çështje. Pse insistuat për këto amendamente?

Eduard Kukan, eurodeputet: Njëri prej amendamenteve ka të bëjë me emërimin e drejtorit të Radio Televizionit Publik dhe u aprovua. Mund t’ju them, se nuk ishim në një mendje me zotin Fleckenstein për këtë, ndërkohë që ne jemi përgjithësisht dakort mbi gjithçka. Unë e pashë të rëndësishme të insistoja mbi këtë, sepse versioni i proçedurës për emërimin është aprovuar katër vite më parë me insistimin e partisë socialiste. Dhe tani është pikërisht partia socialiste që e ndryshon këtë. Amendamenti u aprovua dhe jam i kënaqur për këtë. Ai shpreh shqetësimin për emërimin e drejtorit të RTSH-së, pasi nuk është korrekte që të ndërrohen gjërat në varësi të faktit nëse je në opozitë apo mazhorancë. Çdo qeveri duhet të mësojë që parime të tilla nuk vlejnë vetëm gjatë mandatit qeverisës, por ato kanë jetëgjatësi përtej mandatit qeverisës.

Ju do prezantoni një amendament të ri në seancën plenare. Pse?

Eduard Kukan, eurodeputet: Unë do të prezantoj një amendament lidhur me paragrafin për refomën zgjedhore. Ky amendament do të përforcojë gjuhën e përdorur në rezolutë sipas të cilës, institucionet e Bashkimit Europian presin zgjedhje të lira dhe të ndeshme në Shqipëri, që të njihen nga të gjithë dhe që të konsolidojnë situatën e brendshme në Shqipëri.

Lidhur me proçesin e dekriminalizimit, zoti Fleckenstein dhe ju keni luajtur një rol të pamohueshëm si ndërmjetësues të ligjit për dekriminalizimin. Pika kyçe aktualisht mbetet zbatimi i këtij ligji. Si po shkon zbatimi në këndvështrimin tuaj ? Zoti Fleckenstein ka shoprehur shqetësim për rastin Prenga. Ju ç’mendoni ?

Eduard Kukan, eurodeputet: Raste të tilla janë të papranueshme. Fatmirësisht, zoti Prenga nuk merr më pjesë në punimet e Kuvendit, përndryshe do të kishte qenë shumë e vështirë të pranohej kjo situatë. Por të gjitha aktet nënligjore të dekriminalizimit, janë aty që situata të tilla të mos përsëriten. Nuk duhet të ketë më persona me të shkuar kriminale në zgjedhjet parlamentare. Shoh që tek tuk ka ende probleme, por Bashkimi Europian do të insistojë që ky ligji të zbatohet tërësisht, që të mos ketë më përsëritje të rasteve të tilla, që janë thjesht të papranueshme në këndvështrimin e BE-së.

Reforma në drejtësi është parësore për hapjen e negociatave të anëtarësimit. Edhe komisioneri Hahn gjatë dialogut të nivelit të lartë në Tiranë theksoi, se marrëveshja për këtë reformë mund të çojë në hapjen e negociatave të anëtarësimit. Besoni se do ketë marrëveshje?

Eduard Kukan, eurodeputet: Atë që shoh, se të dyja palët janë dakort për rëndësiën e aprovimit dhe zbatimit të reformës në drejtësi. Secila palë e sheh ndryshe këtë reformë. Ky është problemi, por besoj, se ata janë të ndërgjegjshëm për rëndësinë e reformës. Tani që kemi rekomandimin e Komisionit të Venecias, që njohim qëndrimin e Komisionit Europian dhe SHBA-ve, nuk mbetet tjetër përveçse dakortësia. Nuk mund ta imagjinoj që kjo reformë të mos aprovohet dhe të mos zbatohet. Hapi që duhet hedhur tani është marrëveshje midis palëve. Ne nuk mund të bëjmë më shumë. Forcat nga jashtë nuk mund të bëjnë më shumë. Ju ju referuat komisionerit me të drejtë, që reforma e drejtësisë, mund të çojë në hapjen e negociatave të anëtraësimit. Kjo nuk do të thotë që kjo do të ndodhi automatikisht. Mos më pyesni, nëse në rast se kjo reformë fillon të zbatohet, atëherë a do të ketë Shqipëria një datë për hapjen e negociatave ? Ajo që mund t’ju them, se është e qartë që pa këtë reformë, nuk është realiste të flitet për hapin e ardhshëm të integrimit europian.

ABC News