Hymni Arvanitas

[Darius]

Hymni Arvanitas

Nga Kolec Traboini








Neve jemi Arvanitë
trima na njeh historia
dhe të bukur që s’ka bota
Marko Boçar djalëria!

Në Mesolongj bëhej beteja
dridhej fusha, dridhej mali
krejt në zjarr Suli, Moreja
Odise Andruço djali.

Erdh Bajroni nga Europa
perënditë sikur shikon
Arvanitët janë si zotat
shqipe në qiell që fluturon.

Deti i ngre dallgët lart
kush anijen komandon
Bubulina me luftëtarët
si rrufe në qiell gjëmon.

Kush po vjen nga Shqipëria
përmbi kalë vetëtimë
në betejë në ballë, me shpatë
Gjergj Karaiskaqi prin.

Në komande Kollokotroni
kush armiqtë krejt e zhguli
luftëtarë si Kriezoti
admiral Andre Miauli.

Kështu na njohu historia
burra gra të gjithë në këmbë
bashkë me ne erdhi liria
hanim hekurin me dhëmbë

Mblidhuni të këndojmë shqipe
kënga të ngrihet në re
neve jemi Arvanitë
ndërtuam Greqinë e re.

Ku janë trimat arvanitë
qindra vite tash që shkuan
nëpër varre po pushojnë
apo qajnë se i harruam?

Arvanitë, Arvanitë
jemi popull luftëtar
fryma ne na vjen nga zotat
nga rrënja jemi shqiptar.

Neve jemi Arvanitë
trima na njeh historia
dhe të bukur që s’ka bota
Marko Boçar djalëria!



© Kolec Traboini 2015