SHBA: Kryebashkiakët socialistë të Krujës dhe Kavajës janë trafikantë droge

[Albo]

Zgjedhjet vendore, SHBA verifikoi listat. Kandidatë me rekorde kriminale



Ambasadori amerikan në Tiranë, Donald Lu lëshoi alarmin se persona me rekorde kriminale po i propozohen shqiptarëve për tu votuar si kryetarë bashkie në zgjedhjet e 21 qershorit.
Bashkë me këtë konfirmim, kryediplomati ka deklaruar se ambasada amerikane ka vënë në dijeni liderët politikë me kërkesën për të mos i kandiduar në betejën për pushtetin vendor.
Donald Lu: “Premtuam se do të shqyrtonim listat e kandidatëve për të kërkuar për emra personash që kanë qenë të arrestuar apo të dënuar për krime të rënda qoftë në Shqipëri ose vende të tjera.
Në përgjithësi ndihemi mirë për listat, veçanërisht nga një numër i madh kandidatësh gra të aftë, por kemi identifikuar disa emra personash me histori të mundshme kriminale dhe jemi duke diskutuar me udhëheqësit e tyre politikë. Nxisim gazetarët, OJQ-të e qytetarët e zakonshëm të kërkojnë që politikanët e tyre të përmbushin standardet më të larta etike.
Lu nuk foli me emra konkretë, por burime pranë ambasadës së SHBA-së thane se shqetësim ka për kandidatët në bashkinë Laç , Himarë dhe Kavajë.
Menjëherë pas kësaj thirrje të ambasadorit, ka ardhur edhe reagimi i parë i shumicës parlamentare. Zëvendës kryeministri Peleshi tha se çdo shqetësim do merret me seriozitet dhe se kandidatët për 21 qershorin do kalohen në filtër.
Niko Peleshi: “Do marrim me seriozitet çdo lloj sinjali në këtë drejtim. Patjetër që ka një proces nga ana jonë për të verifikuar pastërtinë apo historinë e çdo kandidati. Ne e kemi treguar edhe në zgjedhjet e kaluara që kemi një shqetësim të veçantë për të patur kandidatë me integritet të lartë”
Selitë diplomatike dhe faktori ndërkombëtare prje kohës i kanë kërkuar klasës politike të mbajë orientimin e saj, për të mos lejuar njerëz të inkriminuar si kandidatë në zgjedhje e afërta të qershorit.
Në takimin që u zhvillua sot paradite në hotel “Tirana” Ambasadori i SHBA-së Donald Lu bëri publike ndihmën që Shtetet e Bashkuara të Amerikës do të japin për zhvillimin e zgjedhjeve vendore të lira dhe demokratike.
U mësua se SHBA do të investojë 500 mijë dollarë me qëllim që zgjedhjet vendore të jenë të lira e demokratike, si dhe do të angazhohet të dielën e 21 qershorit duke kryer verifikimet në terren.
SHBA vezhgon zgjedhjet, jep 500 mije dollare per nje proces demokratik
Donald Lu: “Do të japim më shumë se gjysëm milionë dollarë mbështetje OJQ-ve vendase që do të zhvillojnë vëzhgimin zgjedhor dhe mbështetje teknike për KQZ.
Personeli shqiptar dhe amerikan i SHBA si dhe kolegë nga ambasada e SHBA-së të tre vendeve fqinje do të udhëtojnë në të gjithë vendin për të vëzhguar zgjedhjet”


Lu: Të huajt nuk do ti bëjnë këto zgjedhje të mira

Donald Lu: “Ne jemi një pjesë e vogël e një përpjeke shumë më të madhe dhe kombëtare. Përmes BE, ODIHR dhe asamblesë së OSBE ne presim një përpjekje të fortë përpara gjatë dhe pas zgjedhjeve. Ne do të bashkëpunojmë me shoqërinë civile shqiptare për të promovuar zgjedhje të lira dhe të ndershme me pjesëmarrje të gjerë qytetare veçanërisht votuesve të rinj dhe grave.
“Të huajt nuk do ti bëjnë këto zgjedhje të mira, por janë gratë dhe burrat e guximshëm të shoqërisë tuaj civile që do të sigurojnë që demokracia shqiptare të jetë e mbrojtur”

ORA NEWS

[Albo]

PS proces verifikimi për kandidatët. Marrim me seriozitet çdo sinjal



Partia Socialiste ka ndërmarrë një proces verifikimi ndërsa ka marrë me seriozitet çdo sinjal që është dhënë në lidhje me kandidatë me të kaluar kriminale që garojnë në zgjedhjet vendore të 21 qershorit.
Deklarata u bë nga zv/kryeministri i qeverisë Niko Peleshi pas përfundimit të mbledhjes së grupit PS, dhe vetëm pak kohë pasi ambasadori i SHBA-së deklaroi se Ambasada e SHBA-së pasi i ka identifikuar ka nisur diskutimet me liderët politikë.
Peleshi nuk pranoi të komentonte kritikat e deputetit socialist Ben Blushi
Niko Peleshi: “Do marrim me seriozitet çdo lloj sinjali në këtë drejtim. Patjetër që ka një proces nga ana jonë për të verifikuar pastërtinë apo historinë e çdo kandidati. Ne e kemi treguar edhe në zgjedhjet e kaluara që kemi një shqetësim të veçantë për të patur kandidatë me integritet të lartë”

ORA NEWS

[Albo]

"Një ambasadë i kërkoi PS të hiqte nga listat dy kandidatë"

Deputeti i PS, Taulant Balla ka deklaruar se mazhorancës i është kërkuar nga një ambasadë e fuqishme që dy kandidatë të mos kandidojnë për ‘gabime në deklarimin e pasurisë’.

“Kemi pasur një komunikim me një ambasadë që ka informacion për shkak të kapaciteteve të saja të mbledhjes së informacionit.

Na është kërkuar për dy kandidatë në fillim dhe të dy ata nuk janë kandiduar.

Këto dy raste kanë të bëjnë me deklarim pasurie.

Ndërkohë është kërkuar informacion edhe për një person tjetër, dhe unë kam qenë personi që i kam dhënë shpjegimin përkatës se ai nuk është i dënuar dhe nuk ka pasur lidhje me çështje të tjera”, tha Balla në emisionin Top Show.

Koha Jone

[benseven11]

Kush na qenkan keto kandidate me te kaluar te piset?
Pse nuk jepen emra dhe kush i ka caktuar si kandidate?
Ambasadori ka te drejte,nuk mund te vesh ne drejtim
njerez me moral te kompromentuar.
Pastaj nuk ka llogjike qe populli publiku ti jape besim elementeve
ish kriminele,eshte absurde te japesh voten per elemente te tille.

[martini1984]

Kush na qenkan keto kandidate me te kaluar te piset?
Pastaj nuk ka llogjike qe populli publiku ti jape besim elementeve
ish kriminele,eshte absurde te japesh voten per elemente te tille.

Ne absurdistan ndodh gjithshka,si dhe ambasada amerikane jepka 500.000 $ per zgjedhje te rregullta?
Nuk kane kaqe leke keta tanet?????????????????????????????????????????????

[Breshka]

Kush na qenkan keto kandidate me te kaluar te piset?
.........,eshte absurde te japesh voten per elemente te tille.

absurde per moralin perendimor PO, por JO per zgjedhesit shqiptare.....
Meta i filmuar me figure e ze te qarte, duke kryer akt kriminal te denueshem me BURG(ujku), ja hudh me argumenta shesharake si ora ne video e budalleqe te tjera(gjurmet)......
resultati: populli zgjedh ate dhe katerfishon prezencen e partise se tij ne parlament.....ABSURDE!!!!!
dhe lu-ja ben mire, meqe paska vendos me i fut hundet ta permendi dhe kete; jo me kandidat, por sharlatan/deputet/kryeparlamentar te zgjedhur qe ka kryer veper PENALE.

[Wrangler]

Ambasadori ka te drejte,nuk mund te vesh ne drejtim
njerez me moral te kompromentuar.
Pastaj nuk ka llogjike qe populli publiku ti jape besim elementeve
ish kriminele,eshte absurde te japesh voten per elemente te tille.

Eshte nje shprehje qe nuk me kujtohet se e kujt eshte per momentin e cila thote : " Nese te shkosh ne votime do te sillte ndonje ndryshim per popullin, nuk do te na linin te votonim ! " Dmth, ti ndaç shko ne votim, ndaç mos shko, aty do zgjidhet ai qe eshte menduar per tu zgjedhur.

[martini1984]

Eshte nje shprehje qe nuk me kujtohet se e kujt eshte per momentin e cila thote : " Nese te shkosh ne votime do te sillte ndonje ndryshim per popullin, nuk do te na linin te votonim ! " Dmth, ti ndaç shko ne votim, ndaç mos shko, aty do zgjidhet ai qe eshte menduar per tu zgjedhur.

Shqiptaret jane komb sumc

[benseven11]

Eshte nje shprehje qe nuk me kujtohet se e kujt eshte per momentin e cila thote : " Nese te shkosh ne votime do te sillte ndonje ndryshim per popullin, nuk do te na linin te votonim ! " Dmth, ti ndaç shko ne votim, ndaç mos shko, aty do zgjidhet ai qe eshte menduar per tu zgjedhur.

Votimi dhe zgjedhjet jane nje moment shume kritik ne atmosferen politike te nje kombi
dhe gjithmone vjen me NDRYSHIME drastike per popullin pasi ndryshon struktura drejtuse
ne politike dhe ne shtet.Per pasoje ndryshojne metodat dhe teknikat e drejtimit,pasi kombi drejtohet
nga udheheqes te rinj.Ndryshimi ne fakt eshte pozitiv dhe progresist gjithmone.
Shqiperia sot eshte me e zhvilluar ne ekonomi dhe teknologji se sa krahasuar me vitin 2000 apo 2005.
Edhe jeta ne pergjithsi e shumices eshte me e mire.Jeta e atyre qe punojne lodhen eshte me e mire.
Njerezit ne Shqiperi shumica kane me shume para sot se sa ne vitin 2005.
Ndryshimi progresi rritja e standartit te jeteses asnjehere nuk eshte e lehte,por vjen me shume pune, lodhje dhe dhimbje.
Konkluzioni
Votimet gjithmone sjellin ndryshime per popullin pasi ndryshon kursi i drejtimit politik dhe shteteror.
Ky kurs eshte i percaktuar ne programet dhe strategjine e partise qe fiton shumicen e votave.

[benseven11]

Sipas gazetes shekulli
kandidatet e partise socialiste per kryetare bashkie me te kaluar kriminale jane
Qamil Boja, kandidat për bashkinë e Cërrikut
Zef Hila, kandidat për bashkinë e Vaut të Dejës
Ilir Krosi për bashkinë e Dibrës,
Bajazit Karriqi për bashkinë e Prrenjasin
Gjergji Mero, kandidat për bashkinë e Korçës
Fran Frrokaj, kandidat për bashkinë e Lezhës.
-----

9 të inkriminuarit në listën e demokratëve
Artikull nga Isuf Kurtaj(shekulli)
Per PD-ne permendet Grida Duma ne Durres e perfshire si ortake(bashkepronare)ne nje firme ndertimi.
Kandidati për bashkinë e Sarandës, Bozho
Pas deklaratës “rrufe” të ambasadorit të SHBA-ve në Tiranë, Donald Lu, se në zgjedhjet lokale ka kandidatë me CV jo të pastër, në mbledhjen e Komisionit të Posaçëm Parlamentar për dekriminalizimin ka reaguar dhe deputeti i PS-së, Taulant Balla, i cili drejtoi gishtin te kandidatët e koalicionit të djathtë. Balla tha se e djathta ka zgjedhur të vendosë në garën për bashkitë, kandidatë me precedentë penalë. Ndërsa burime nga “selia rozë” bëjnë të ditur se, në listë janë nëntë kandidatë me precedentë penalë që Partia Demokratike ka zgjedhur për garën elektorale të 21 qershorit.

Mësohet se ndër emrat e nëntë kandidatëve figuron dhe e zgjedhura e PD-së për bashkinë e Durrësit, Grida Duma, por edhe emri i kandidatit për bashkinë e Sarandës, Kreshnik Bozho. Burimet bëjnë të ditur se, personat e tjerë, të cilët kanë të kaluar kriminale janë Qamil Boja, kandidat për bashkinë e Cërrikut, Zef Hila, kandidat për bashkinë e Vaut të Dejës, Ilir Krosi për bashkinë e Dibrës, Bajazit Karriqi për bashkinë e Prrenjasin, Gjergji Mero, kandidat për bashkinë e Korçës dhe Fran Frrokaj, kandidat për bashkinë e Lezhës.
Kandidatët me precedentë

Kandidatja e PD-së për bashkinë e Durrësit, Grida Duma, e cila u reklamua në media si më e votuara në Këshillin Kombëtar demokrat, figuron në “listën e zezë” të emrave të kandidatëve. Përfshirja e saj në këtë listë ka të bëjë me kallëzimin që është bërë ndaj saj në prokurorinë e Tiranës për akuzën e “vjedhjes me anë të mashtrimit”. Kallëzimi është kryer nga shtetasi Albert Pali, i cili akuzoi Grida Dumën (Shqima) dhe Roland Rexhon, të cilët kanë pasur në bashkëpronësi kompaninë ndërtimore “Kristian Konstruksion”.

Në kallëzimin e tij, Albert Pali pretendon se ka qenë pronar i një trualli prej 281 m2 në rrugën “Edit Durhan”, pronë të cilën me anë të kontratës së sipërmarrjes dhe aneksit të kësaj kontrate, ja ka dhënë për ndërtim ndërtuesve Roland Rexho dhe Grida Duma, të cilët ishin bashkëpronarë të firmës ndërtuese “Kristian Costruction sh.p.k”.

Edhe kandidati demokrat për bashkinë e Sarandës, Kreshnik Bozho, rezulton i hetuar për një seri abuzimesh me legalizimet gjatë kohës që ka drejtuar drejtorinë e ALUIZNI-t në Tiranë, nën qeverinë “Berisha”. Për Bozhon u lëshua edhe një urdhër-arresti nga Gjykata e Shkallës së Parë në fillim të këtij viti, që u ndryshua më pas në Apel në “detyrim paraqitje”. Sipas prokurorisë, nga legalizimet e bëra në kundërshtim me ligjin, shtetit i është shkaktuar një dëm i madh financiar. Disa prej këtyre ndërtimeve janë prishur, e konkretisht bëhet fjalë për ato që ndodheshin në Korpusin e Universitetit të Tiranës dhe në sheshin rreth tij.

Në listën e PS-së është dhe kryebashkiaku i Kamzës, Xhelal Mziu, i cili u rikandidua nga PD-ja për herë të tretë. Ai u akuzua për pabarazi në tendera dhe për herë të parë u arrestua në zonën e ish-bllokut. Trupi gjykues dha vendimin për akuzat për “shpërdorim detyre” dhe “shkelje të barazisë në tendera” ndaj kryebashkiakut të Kamzës dhe pas shqyrtimit të provave, Mziu u shpall fajtor. Ai u dënua me dy vite heqje lirie dhe dy vite heqje të së drejtës së ushtrimit të funksioneve publike.

Në listën e emrave që socialistët kanë nxjerrë bie në sy edhe kandidati për bashkinë e Cërrikut, Qamil Boja. Kandidati demokrat është ndjekur penalisht në kohën kur ishte kryetar i komunës Gostimë. Akuzat ndaj tij erdhën pas disa denoncimeve të banorëve dhe raportit të kontrollit të prefekturës dhe KLSH-së, ku Boja akuzohej për abuzime me investimet dhe taksat. Qamil Boja ka qenë kryetar komune në Gostimë, tre mandate. Në zgjedhjet e 21 qershorit 2015, komuna e Gostimës me ndarjen e re administrative i është bashkuar Cërrikut.

Një tjetër kandidat i PD-së që figuron në “listën e zezë” është Ilir Krosi, i cili aktualisht është kreu aktual i bashkisë së Peshkopisë. Ky është kandidimi i tij për herë të 4­t për bashkinë e Peshkopisë. Ai është kallëzuar penalisht për dhënien e lejeve të ndërtimit. Ndërsa vetë Krosi ka deklaruar se do të bashkëpunojë me institucionet e drejtësisë. Ai pretendon se, ndërtimet për të cilat akuzohet se i ka dhënë pa leje janë realizuar me leje nga KRRT-ja e bashkisë Peshkopi vite përpara.

Bajazit Karriqi, kandidat i Partisë Demokratike për bashkinë Përrenjas, të cilën edhe e drejton aktualisht, është listuar nga socialistët si një tjetër person me precedentë. Karriqi në shkurt të këtij viti është akuzuar për fshehje pasurie dhe është gjobitur me 500 mijë lekë gjobë. Ndërkohë që në vitin 2012 janë shënuar një sërë incidentesh mes tij dhe kreut të këshillit bashkiak të këtij qyteti, Myslim Karriqi. Ky i fundit ka akuzuar kryebashkiakun për vendosjen në mënyrë antiligjore, të emrit të tij në listën e personave të pastrehë, edhe pse sipas Myslim Karriqit, ai asnjëherë nuk kishte qenë i regjistruar si i pastrehë në zyrën e bashkisë së Përrenjasit.

Gjergji Mero, kandidati i demokratëve për bashkinë e Korçës, aktualisht rektori i Universitetit të Korçës, është një tjetër emër që për socialistët nuk është i denjë për të qenë kryetar bashkie. Në korrik të vitit 2014, Mero është kallëzuar në prokurori nga strukturat e Krimit Ekonomik, pranë Drejtorisë së Policisë së Shtetit të atij qarku. Mbi të rëndonin akuzat për vjedhje, shpërdorime dhe abuzime me detyrën, si dhe për korrupsion aktiv e pasiv.

Fran Frrokaj, kandidati i PD-së për bashkinë e Lezhës, i cili aktualisht mban detyrën e kryetarit të komunës Shënkoll, është një tjetër emër që po procedohet penalisht. Jo më larg se 11 marsi i këtij viti, Policia e Lezhës, nëpërmjet Sektorit Kundër Krimit Ekonomik, në një deklaratë zyrtare për shtyp, njoftonte nisjen e procedimit penal në gjendje të lirë ndaj Fran Frrokajt, me akuzën “shpërdorim detyre” dhe dhënien e një leje ndërtimi të paligjshme në Shënkoll dhe dyshimet për një leje të dytë.

Zef Hila, kandidati për bashkinë Vau i Dejës, aktualisht kryetar i komunës së Bushatit në Shkodër, në mars të këtij viti është denoncuar në prokurorinë e këtij rrethi për shpërdorim të detyrës. Ka qenë një banor i fshatit Rranxa, Ndoc Molla, ai i cili ka akuzuar kryekomunarin se në bashkëpunim me vartësin e këtij të fundit, Albert Markolaj, ka lëshuar leje ndërtimi në kundërshtim me ligjin.

Akuzat, reagon Pollo

Akuzave të deputetit të PS-së, Taulant Balla, në Komisionin e Posaçëm të dekriminalizimit, i është përgjigjur përmes një prononcimi për gazetën “Shekulli”, deputeti i Partisë Demokratike, Genc Pollo. Ligjvënësi demokrat i ka cilësuar të pavend dhe aspak të vërteta deklaratat e Ballës. “Reagimi i Ballës se Partia Demokratike ka nxjerrë kandidatë me të kaluar kriminale janë “përralla me mbret” që janë përsëritur shumë shpesh nga ai. Nuk ka asgjë të vërtetë nga historitë e tij”, tha Pollo.

Debatet për përfshirjen e emrave të kandidatëve me CV kriminale erdhën pas deklaratës të fortë që lëshoi dje në mëngjes ambasadori i Shteteve të Bashkuara të Amerikës, i cili paralajmëroi se për zgjedhjet lokale janë identifikuar disa kandidatë me histori të mundshme kriminale. I pyetur në lidhje me deklaratën e ambasadorit Lu, Pollo tha se nuk është në dijeni, duke hezituar të prononcohet.

Ambasadori i SHBA: Kemi identifikuar emra me të shkuar kriminale

Ambasadori i Shteteve të Bashkuara në Tiranë, Donald Lu, deklaroi dje se në listën e kandidatëve për zgjedhjet e 21 qershorit ka emra me të shkuar kriminale. Pohimi i tij u bë publik gjatë aktivitetit, ku u prezantua asistenca prej më shumë se gjysmë milionë dollarë që SHBA-të japin në mbështetje të zgjedhjeve vendore të 21 qershorit. Donald Lu shtoi se po diskutohet me drejtuesit politikë për këtë gjë, ndërsa u bëri apel medieve, organizatave joqeveritare, por dhe qytetarëve, që t’u kërkojnë standarde politikanëve.

Deklarata

“Premtuam se do të shqyrtonim listat e kandidatëve për të kërkuar për emra personash, të cilët kanë qenë të arrestuar ose të dënuar për krime të rënda, qoftë në Shqipëri ose në vende të tjera. Në përgjithësi, ndihemi mjaft mirë për listat, veçanërisht nga prania e një numri të madh kandidatesh gra të afta. Kemi identifikuar disa emra personash me histori të mundshme kriminale dhe jemi duke i diskutuar rastet e tyre me udhëheqësit politikë”, deklaroi dje ambasadori Lu, ndërsa ishte në krah të përfaqësuesve të organizatave të shoqërisë civile dhe Komisionit Qendror Zgjedhor, për të prezantuar asistencën prej më shumë se gjysmë milionë dollarë të SHBA-ve, në mbështetje të zgjedhjeve vendore të lira, të ndershme, dhe gjithëpërfshirëse në Shqipëri.

Ai kërkoi angazhimin e çdokujt për të kërkuar standarde. “Nxisim gazetarët, OJQ-të dhe qytetarët e zakonshëm të kërkojnë që politikanët e tyre të përmbushin standardet më të larta etike”, deklaroi ambasadori amerikan. Më pas diplomati i SHBA-ve informoi dhe për ndihmën që i jepet Shqipërisë në kuadër të zgjedhjeve. “Përmes USAID-it dhe Programit të Granteve të Vogla të Komisionit për Demokracinë i Ambasadës së Shteteve të Bashkuara, ne do të japim më shumë se gjysmë millionë dollarë në mbështetje të OJQ-ve vendase, të cilat do të zhvillojnë vëzhgimin zgjedhor dhe ndërveprimin me votuesin, si dhe mbështetjen teknike për Komisionin Qendror të Zgjedhjeve”, tha ai.

Ambasadori shtoi se personeli shqiptar dhe amerikan i ambasadës së Shteteve të Bashkuara, si dhe kolegë nga ambasadat e SHBA-ve të tri vendeve fqinje, do të udhëtojnë në të gjithë vendin për të vëzhguar zgjedhjet. “Ne do t’i ndajmë përfundimet tona me popullin shqiptar. Ne jemi vetëm një pjesë e vogël e një përpjekjeje shumë më të madhe ndërkombëtare. Përmes BE-së, ODIHR-it dhe Asamblesë Parlamentare të OSBE-së, ne presim një përpjekje të fortë vëzhgimi përpara, gjatë dhe pas zgjedhjeve”, tha ai, ndërsa përfundoi se do të SHBA-të, do të bashkëpunojnë me shoqërinë civile shqiptare për të promovuar zgjedhje të lira dhe të ndershme, me pjesëmarrje të gjerë qytetare, veçanërisht të votuesve të rinj dhe grave.

PD: Kandidatët e inkriminuar të mazhorancës

Pas ngjarjes në komisionin për dekriminalizimin, opozita dënoi ato që i quan “përpjekje të përditshme të dyshes Rama-Meta për të penguar procesin e dekriminalizimit”. Nëpërmjet një deklarate pasdite vonë, opozita tha se qeveria është bërë avokate e trafikantëve të drogës dhe të prostitucionit, që duke i kandiduar për kryetarë bashkie shpresojnë të blejnë sërish vota. Duke iu përgjigjur indirekt dyshimeve të socialistit Taulant Balla për 9 kandidatë demokratë, opozita thotë se në Poliçan është rikandiduar Adriatik Zotka, i kallëzuar penalisht për fshehje të 1.5 milionë eurove, ndërsa kandidatët për kryebashkiakë, Artur Bushi në Krujë dhe Elvis Roshi në Kavajë, janë trafikantë droge dhe prostitucioni.

“PS-LSI nuk e duan dekriminalizimin, se nuk ndahen dot nga inkriminimi masiv që kanë mbjellë në çdo zyrë e institucion. Pasi kriminalizuan administratën dhe Parlamentin, sot e mbrojnë deri në fund skemën e tyre dhe duke u bërë avokatë të trafikantëve të drogës e të prostitucionit, që i kanë nxjerrë sërish si përfaqësuesit e tyre duke i kandiduar për kryetarë bashkie”, thuhet në deklaratën e PD-së.

Sipas saj, “dyshja Rama-Meta përpëlitet e nxjerr gjithfarë justifikimesh, për të mbrojtur trafikantët dhe kriminelët që i kanë në Parlament dhe në listat e kandidatëve për kryetarë bashkie, që i përdorën më parë dhe mbahen me shpresë t’i përdorin prapë për të blerë votat”. Partia Demokratike kërkon të procedohet me shpejtësi për miratimin e amendamentit ligjor që pengon kandidimin e të inkriminuarve. “Kush e ka vullnetin politik për të ndalur krimin në këto zgjedhje, Partia Demokratike që propozon pengimin me ligj të kandidimit të të inkriminuarve, apo Partia Socialiste që refuzon ta bëjë këtë? Një mirënjohje të veçantë për Ambasadën e Shteteve të Bashkuara të Amerikës një aleate e madhe e Shqipërisë në këtë proces jetik për të sotmen dhe të ardhmen e vendit”, thuhet në reagimin e PD-së.


Isuf Kurtaj







Shtoni një koment

11 Komente



eni

Dekriminalizimi i kandidateve eshte nisme ligjore e ndermarre e propozuar me kohe nga PD, ajo qe po e pengonte ishte PS. Dhe cuditerisht pas deklarates se ambasadorit, Balla dilka me emra te inkriminuarish ne listat e kandidateve te PD-se. Apo keshtu kerkon te hiqte vemendjen nga emrat e inkriminuar ne rradhet e ps-se, qe mund te jene ata te identifikuarit nga ambasadori i SHBA-se?!


baki

Ministria juaj e nxorri si rektorin me te mire mooo


sotiri

Prokuroria e korces ka bere verifikimet dhe ska asgje. Ju vodhet 2.5milion euro me kullen dhe sju thane gje


Redi

turp per Ilir Krosin qe kandidon me profil kriminal


BAKIU

Ministria juaj e nxorri si rektorin me te mire mooo


rrenacaku

Qe kur u be Pali me truall qe erdhi nga mali.
Mos e tradhto PD'n se Sala ta dha lejen me zbrit ne Paris.


Anja

Popozimi i bere nga Partia Demokratke per kete ceshtje, ka hasur probleme vetem nga rradhet e Partise Socialiste, e kjo si pasoje e te inkriminuarve te shumte antare te saj. Ke shume llogari per te dhene per kandidatet e propozuar e dashur pozite, keshtuqe mos humb kohe per te sajuar akuza te paverteta per opoziten .


Pa Emër

..,paralel me te ,duam te behen dhe verifikime dhe per deputetet , ministrat prokurroret , gjykatesit , pasi nese te inkriminuarit do te vazhdojne te jene akoma ne korifi , ata do te infektojne dhe me te ndereshmin , qe deri me sot nuk e kemi pare te dale ne pjace ..!


qerimeja

Po keshtu do bejne fushate kunder zonjes Grida Duma?


edi

Shkurtimisht u sqaruam se Demokratet qenkan te inkriminuar .Madje ato bene shume percapje per ate lufte ,por Socialistet nuk deshiruan Tani na dlin te kunderta thenie Po nga Socialistet ,besoj se jane te lare koke e kembe ,dhe me te lare jane Ruci e Company ,Z.Lu qe eshte nga Azia ,nuk madje i njeh ato qe jane apo sjane ,Por ,meqe qeverisim ,i themi ne z.Lu


Karta e madhe.

Koha e kodosheve te inkriminuar dhe me pozita VDIQ,
NGORDHI. Ti qerojme keto inde malinje dhe kanceroze,te shpetojme atdheun dhe popullin.

[benseven11]

Kur Rama te shkoje ne Strasburg per te bere procedurat per tu fut ne Europe,
Shefi i Madh i Strasburgut do i thote, pergjigja ime eshte JO,kalo nje cike nga forumi shqiptar lol se cfare
shkruhet per korrupsionin dhe kandidatet per pushtet lokal.
Nuk eshte as cudi,as rastesi, as kaprico qe perfaqsusit e komisionit te bashkimit europian
kane refuzuar pranimin e Shqiperise ne BE.Ato kane info te sakta dhe te plota se cfare behet
ne Shqiperi.Pse duhet ta pranojne Shqiperine ne BE??????Ka shume pisllik ne drejtim...

[Xinxerfilli]

A ka dale Xhelal Mnxiu nga burgu apo do kandidoje prej aty

[mesuesi_1]

kriminele ??!! posi jo mer , ka disa vjet kjo histori .... po pse tani behet i gjalle ki .... ??!!

perse nuk e kap per veshi Vilajet Qykun qe nisi email gjithe vendeve te UE per Griselden ??!! perse nuk ja shkul mire veshin ketij felliqesire kanalesh te zeza qe ne mbrojtje te trafikantit te "miellit" te Kavajes dualli disa vite me pare ....??!! aaa JO!!!!!! jo me disa standarte .... me NJE!!!!

.

[2043]

[B]
Niko Peleshi: “Do marrim me seriozitet çdo lloj sinjali në këtë drejtim. Patjetër që ka një proces nga ana jonë për të verifikuar pastërtinë apo historinë e çdo kandidati. Ne e kemi treguar edhe në zgjedhjet e kaluara që kemi një shqetësim të veçantë për të patur kandidatë me integritet të lartë”

ORA NEWS

Ky Peleshi ka goxha humor per zotin, hhaahahhahaa thnx Albo qe na sjell ketu keto brockulla qe bejne per te qeshur edhe macet e lagjes.

[Xinxerfilli]

A ka dale Xhelal Mnxiu nga burgu apo do kandidoje prej aty

Pse sdo te me pergjigjet njeri?

[Albo]

Ambasadori Lu: Pastroni politikën nga kriminelët



Pak më shumë se katër muaj pasi ka mbërritur në Tiranë, ambasadori amerikan Donald Lu akordon intervistën e parë për mediat shqiptare. Në faqet e JAVA-s, z. Lu analizon të gjitha zhvillimet rajonale dhe ato globale. “Pashë sheshin ‘Wilson’ dhe furrën e bukës ‘George Bush’ në Fushë-Krujë dhe kuptova që ky vend ka një lidhje të veçantë me popullin amerikan” – thotë ai.

Minxhozi: Z. Ambasador, ju erdhët në Tiranë në janar të këtij viti pas një procedure të zgjatur të emërimit. A mund të na shpjegoni si ndodhi? Edhe Z. Arvizu u detyrua që disa herë me miqtë të bënte takime lamtumire.

Ambasadori Lu: Po, më vjen keq për të. Zoti Minxhozi, para së gjithash, më lejoni të them se është një nder që të jap intervistën time të parë në revistën Java. Unë kam respekt të pamatë për punën e gazetarëve guximtarë në Shqipëri dhe di që ju keni disa pyetje të vështira për mua. Javën e kaluar, piva kafe me Ambasadoren Floreta Luli-Faber dhe përpara se ajo të nisej për në Uashington. Që të dy kemi qeshur pasi nuk ishim të sigurt se cilit prej nesh iu desh më shumë kohë për t’u konfirmuar. Kjo është një prej gjërave që pazakonta të demokracive. Secili prej vendeve tona ka një proces konfirmimi dhe nevojitet një kohë e gjatë që ligjvënësit tanë të miratojnë emërimet. Kjo më dha kohën për të mësuar gjuhën shqipe.

Minxhozi: Duke ju falënderuar që intervistën tuaj të parë e jepni për Java, më lejoni t’ju them se dhe për ne është një nder t’ju kemi në faqet e revistës sonë. Ka një kuriozitet të përgjithshëm edhe mes lexuesve të revistës sonë. Ambasadori amerikan erdhi vonë por erdhi shqip folës, pra me gjuhën shqipe të mësuar. Si ndodhi kjo?

Ambasadori Lu: Kanë lidhje. Do të kisha dashur të kisha mësuar shqip brenda një kohe të shkurtër por nuk është kështu. Kam studiuar shqip për një vit të tërë dhe ende e flas gjuhën shqipe si të isha fëmijë i vogël. Në fakt, jam xheloz për fëmijët e vegjël shqiptarë që mund ta flasin gjuhën tuaj të ndërlikuar kaq mirë. Në jetën time kam studiuar gjuhën kinezçe, rusisht, urdu, por krahasuar me të gjitha këto, asnjëra nuk është më e vështirë apo më e bukur se shqipja.

Minxhozi: Faleminderit. Ambasadorët amerikanë janë shpesh – jo shpesh por gjithmonë – persona me rëndësi të madhe në mjedisin shqiptar. Ju si e përjetoni këtë famë? E vuani, e shijoni? Dhe, e dyta, pse pritët kaq gjatë për të dhënë një intervistë në median shqiptare?

Ambasadori Lu: Bashkëshortja dhe fëmijët e mi më kanë premtuar se do të më mbajnë të përulur. Ata më ngacmojnë vazhdimisht sa herë që dikush kërkon të bëjë një foto selfie me mua. Unë besoj që njerëzit publikë – politikanët, ambasadorët, e madje edhe gazetarët nuk duhet të flasin vetëm për t’u dëgjuar nga ata vetë. Duhet të presin derisa të kenë diçka të mençur për të thënë.

Minxhozi: Si e gjetët Shqipërinë? Sa përputhet ajo që kishit imagjinuar atje me atë që gjetët këtu në Shqipëri?

Ambasadori Lu: Amerikanët, përfshirë edhe mua, befasohen gjithmonë kur vijnë në Shqipëri se sa shumë njerëzve i pëlqejnë Shtetet e Bashkuara. Kjo është tepër e rrallë në ditët tona. Ne e shohim flamurin tonë kudo këtu. Këdo që takon ka të afërm në SHBA. Më kujtohet kur pashë për herë të parë sheshin “Wilson” në Tiranën e Re dhe Furrën e Bukës “Xhorxh Bush” në Fushë-Krujë. Atëherë e kuptova që ky është një vend që ka një lidhje të veçantë me popullin amerikan.

Minxhozi: Ju keni qenë shumë i drejtpërdrejtë muajt e fundit. Keni dhënë edhe mesazhe të sikletshme për opinionin publik, për politikanët sidomos. Keni folur me emra për persona të dyshuar; keni premtuar që do të flisni edhe më konkretisht. A është ky një ndryshim në politikën amerikane ndaj Shqipërisë apo është thjesht pasojë e faktit që korrupsioni dhe problemet në Shqipëri janë kaq të shumta saqë ju nuk mund të heshtni më?

Ambasadori Lu: Jo, nuk është nuk është një ndryshim në politikën amerikane. Ne jemi duke mbështetur në mënyrë konkrete angazhimin e dhjetorit për të dekriminalizuar Kuvendin, për të cilin u ra dakord nga të dyja palët, si nga maxhoranca, ashtu edhe nga opozita. Kemi hulumtuar historitë kriminale të kandidatëve për zgjedhjet vendore. Ne e kemi ndarë këtë informacion me kryetarët e partive politike me kërkesën që ata ta verifikojnë këtë informacion dhe të ndërmarrin veprime. Ata kanë hequr disa prej këtyre emrave nga listat e kandidatëve dhe shpresojmë që do të heqin më shumë.

Minxhozi: Cilat janë këto fakte konkrete që keni sepse ka një pritshmëri shumë të madhe nga opinioni publik për atë që ju keni thënë, për atë që Ambasadorja Vlahutin ka thënë për sa i përket personave të inkriminuar?

Ambasadori Lu: Unë besoj që votuesit kanë të drejtën të dinë mbi historitë kriminale të kandidatëve politikë. Por, siç thoni ju në shqip “Vetëm i zoti e nxjerr gomarin nga balta.” Duke përdorur informacion të disponueshëm publikisht, partitë politike, media dhe shoqëria civile duhet të hetojnë të shkuarën kriminale të kandidatëve dhe ta ndajnë këtë informacion me votuesit. Këtë nuk mund ta bëjnë të huajt për ta. Do të shtoja edhe që detyra e vështirë e të larguarit të kriminelëve prej politikës është përgjegjësi e institucioneve demokratike të Shqipërisë, por ata mund të mbështeten për ndihmë te Shtetet e Bashkuara. Është Partia Socialiste ajo që e përjashtoi Tom Doshin. Është Prokurori juaj i Përgjithshëm ai që ngriti akuza penale kundër Tom Doshit dhe Mark Frrokut. Janë drejtuesit e partive politike shqiptare ata që kanë hequr disa politikanë me histori kriminale prej listave të kandidatëve. Sigurisht, ishin po këta kryetarë partish që i vendosën ato emra në lista në fillim. Ka nevojë të bëhet më shumë, por institucionet shqiptare kanë bërë përparim të rëndësishëm.

Minxhozi: Që do të thotë se në zgjedhjet e 21 qershorit, nuk ka probleme të tjera? Ju si përfaqësi diplomatike keni paraqitur emra ose situata konkrete në lidhje me listat e zgjedhjeve lokale?

Ambasadori Lu: Jam i sigurtë që media, shoqëria civile vendase dhe partitë politike do ta japin këtë informacion në publik.

Minxhozi: Ju i keni parë seancat e parlamentit shqiptar. Janë një nga shfaqjet e ‘horrorit’ do të thoja unë për sa i përket mediave gjatë një jave. Si ju duket cilësia e ligjvënësve shqiptarë?

Ambasadori Lu: Unë nuk shoh TV. Është më e mirë për shëndetin, prandaj jam personi i gabuar për t’u pyetur mbi seancat tuaja parlamentare të së enjtes. Por, nëse më lejoni, do të doja të thoja diçka pozitive mbi sistemin tuaj politik. E di që ndodh rrallë të ketë komente pozitive.

Minxhozi: Jam shumë kurioz ta dëgjoj.

Ambasadori Lu: Shqiptarët duhet të jenë krenarë që ka më shumë gra, dhe më shumë gra të afta, që po marrin pjesë në këto zgjedhje se në çdo zgjedhje tjetër në historinë e Shqipërisë. Për herë të parë ka gra kandidate për kryetare bashkish të qyteteve të mëdha dhe të rëndësishme në Shqipëri – Durrës, Shkodër, Pogradec dhe Gjirokastër. Ato përfaqësojnë 50 [pesëdhjetë] për qind të kandidateve për këshillat bashkiakë. Ajo që ne dimë gjithashtu është se në Shqipëri, në Amerikë dhe anembanë botës, statistikisht, politikanet femra kanë më pak gjasa të jenë të përfshira në veprimtari korruptive ose kriminale.

Minxhozi: Si po punon Kryeministri Rama?

Ambasadori Lu: Kryeministri, Presidenti, Kreu i Kuvendit dhe Kryebashkiaku i Tiranës, që të gjithë kanë qenë shumë mikpritës ndaj meje që prej mbërritjes sime. Përsa i përket asaj se si po e bëjnë punën e tyre, kjo është një pyetje së cilës duhet t’i përgjigjen shqiptarët dhe që miqtë tuaj të huaj ta shmangin. Sepse, fjala është argjend por heshtja është flori.

Minxhozi: Faleminderit, por ju nuk ngurroni t’i thoni gjërat hapur kur keni diçka për të thënë për zotërinjtë!

Ambasadori Lu: Heshtja është flori.

Minxhozi: Po Basha?

Ambasadori Lu: Heshtja është flori.

Minxhozi: Besoj do të më jepni një përgjigje për politikën rajonale të Shqipërisë, ku politikanët shqiptarë dhe sidomos Z. Rama ka qenë shumë aktiv. Pas vizitës në Serbi, ai ka bërë disa deklarata mjaft të forta dhe delikate për sa i përket bashkimit me Kosovën ose edhe ngjarjet në Maqedoni së fundi. Ju si i shikoni sidomos deklaratat për bashkimin me Kosovën?

Ambasadori Lu: Faleminderit. SHBA mirëpret garancitë e Kryeministrit se komentet e tij kishin për qëllim vetëm të theksonin rëndësinë e integrimit në BE për vendet e Ballkanit perëndimor. Ne i nxisim të gjithë udhëheqësit e Ballkanit që të promovojnë pajtimin dhe marrëdhënie të mira me fqinjët e tyre. I nxisim ata të shmangin deklaratat që i minojnë këto qëllime.

Minxhozi: Ka një perceptim të opinionit publik që është mjaft negativ për sa i përket sistemit të drejtësisë, madje ka një pështypje se korrigjimi i punëve në Shqipëri nuk duhet të fillojë nga sistemi politik por më së pari duhet të fillojë nga sistemi i drejtësisë. A jeni dakord me këtë?

Ambasadori Lu: Korrupsioni është një problem serioz në sistemin gjyqësor, në qeverisje, në parlament dhe në bizneset private. Në vend që të pyesni se cili është më i korruptuar, duhet të flasim se si ta luftojmë korrupsionin në çdo nivel. Ne po punojmë për të luftuar korrupsionin në nivelin e qytetarëve të zakonshëm me projekte të USAID për të regjistruar në mënyrë dixhitale seancat gjyqësore dhe për të lejuar pagimin e faturave përmes përdorimit vetëm të telefonit tuaj celular. Jemi duke punuar gjithashtu për të identifikuar dhe nxitur largimin e politikanëve të lartë të korruptuar përmes trysnisë politike mbi qeverinë dhe opozitën. Në të gjithë botën, Qeveria e SHBA u refuzon vizat zyrtarëve të korruptuar. Jemi duke shqyrtuar nëse kjo politikë duhet zbatuar gjithashtu për disa zyrtarë në Shqipëri.

Minxhozi: Paraardhësi juaj ka thënë në një rast se shumë nga gjyqtarët do të donte t’i shihte pas hekurave. Ju pajtoheni me këtë deklaratë?

Ambasadori Lu: Personalisht, mendoj se nuk është pyetje për të huajt, por është pyetje për shqiptarët. Kush është fajtor dhe kush është i pafajshëm, nuk është për një ambasador amerikan – është për shqiptarët dhe për sistemin gjyqësor në Shqipëri.

Minxhozi: Ndoshta është për një ambasador por në fund të mandatit! Ka një konflikt midis presidentit dhe qeverisë që është i njohur, për shkak të reformës në drejtësi. Sipas jush, cili po tregohet më refraktar, cila palë po pengon reformën?

Ambasadori Lu: Për më shumë se dy dhjetëvjeçarë, Shqipëria është përleshur me çështjen e reformës gjyqësore. Përpjekja për reformën aktuale është më seriozja dhe ka të ngjarë më e rëndësishmja që prej rënies së komunizmit. Kjo reform synon të nxisë llogaridhënie dhe transparencë më të madhe përmes reformimit të procedurave gjyqësore dhe strukturës së gjykatave. EURALIUS dhe OPDAT po punojnë për ta bërë këtë një reformë gjithëpërfshirëse dhe domethënëse. Ky proces po ecën përpara, por do të jetë më i fortë dhe më i qëndrueshëm me pjesëmarrjen e opozitës dhe të Këshillit të Lartë të Drejtësisë.

Minxhozi: Disa ditë më parë, Gjykata Kushtetuese rrëzoi projektin e ngritjes së byrosë hetimore. Ju si e pritët këtë vendim? A shkon ai në të kundërt të procesit? Ka një problem këtu meqenëse ju si shtet, si palë e mbështetët krijimin e kësaj byroje.

Ambasadori Lu: Është pyetje e rëndësishme. Jemi të përkushtuar të punojmë vetem me një Byro Kombëtare Hetimi që krijohet tërësisht brenda ligjeve dhe kushtetutës shqiptare. Shtetet e Bashkuara besojnë se luftimi i korrupsionit dhe i krimit të organizuar kërkojnë një institucion serioz me aftësi hetimore të avancuara dhe me standarde të larta etike. FBI e Shteteve të Bashkuara është e përgatitur të punojë me Byronë e propozuar Kombëtare të Hetimit në mënyrë që të ndihmojë me krijimin e një institucioni të tillë që është profesional dhe i papolitizuar. Nëse besojmë se po politizohet, do ta tërheqim menjëherë mbështetjen tonë dhe do ta kritikojmë publikisht Byronë Kombëtare të Hetimit dhe udhëheqësit politikë përgjegjës.

Minxhozi: Ambasadorja Vlahutin disa ditë më parë kritikoi KLD-në dhe opozitën për mospjesëmarrjen në procesin e reformës së drejtësisë. A keni edhe ju këtë përshtypje?

Ambasadori Lu: Bie dakord me Ambasadoren Vlahutin se kjo reformë gjyqësore do të jetë më e qëndrueshme dhe më përfaqësuese me pjesëmarrjen e opozitës dhe të KLD-së. Ne kemi qenë në diskutime me maxhorancën dhe opozitën për këtë çështje. Jam besimplotë se ata do të gjejnë zgjidhje që lejon pjesëmarrjen e të gjithë zërave kryesorë.

Minxhozi: Ligjvënësi i majtë Koço Kokëdhima ka propozuar legalizimin e mbjelljes së narkotikëve. A mund të kemi një Kolorado në Shqipëri, sipas jush?

Ambasadori Lu: Çështja e legalizimit të kanabisit është një pyetje për popullin shqiptar, jo të huajt. Por Z. Kokëdhima është i pasaktë përsa u përket ligjeve që qeverisin tregtimin e kanabisit në Shtetet e Bashkuara. Në dy shtete të SHBA, përdorimi i kufizuar i marihuanës tani është i ligjshëm, por në 48 shtete mbetet ende i jashtëligjshëm. Sipas qeverisë federale, tregtia e kanabisit mbetet një krim i rëndë. Cilido që përfshihet në tregtinë e kanabisit me Shtetet e Bashkuara përballet me arrestim të menjëhershëm dhe ndjekje penale.

Minxhozi: Bota demokratike ndodhet aktualisht në luftë me Shtetin Islamik, i cili ka avancuar në Siri, Irak, dhe vende të tjera të Lindjes së Mesme. Ka pasur shumë shqiptarë që kanë shkuar atje nga Shqipëria, Kosova, Maqedonia. Sa përgjegjëse është sipas jush feja islame në këto tre vende për nxitjen e rekrutimit të luftëtarëve të ISIS.

Ambasadori Lu: Drejtuesit islamikë të rajonit po luajnë një rol pozitiv për luftimin e ideve ekstremiste të ISIS-it me mesazhet tradicionale shqiptare të tolerancës dhe të bashkëjetesës paqësore. Shtetet e Bashkuara po punojnë së bashku me shërbimet e sigurisë të Shqipërisë për të identifikuar, monitoruar dhe kur është e përshtatshme, për të arrestuar, luftëtarët e huaj që kthehen nga Siria dhe Iraku. Në të njëjtën kohë, ne e kuptojmë se ekstremizmi shpesh përhapet aty ku ka varfëri, papunësi dhe pabarazi shoqërore. Gjithashtu ne jemi duke punuar me Shqipërinë për të trajtuar rrënjët e shkaqeve të ekstremizmit të dhunshëm. Shqipëria do të mbajë një konferencë rajonale mbi këtë tematikë më 19 dhe 20 maj, për të kërkuar mënyra se si të punojmë bashkarisht në rajon për t’i trajtuar këto probleme.

Minxhozi: Do të doja të pyesja lidhur me Kumanovën. Si e shihni konfliktin atje? Është diçka e kurdisur nga qeveria maqedonase për të kapërcyer krizën politike apo është realisht një përplasje mes elmentëve të UÇK dhe qeverisë qendrore?

Ambasadori Lu: Është ambasada amerikane në Shkup që krijon politikën për këtë çështje por po përcjell fjalët e saj se shprehim keqardhje të thellë për humbjen e jetëve në aksionin në dhe rreth Kumanovës. Shprehim ngushëllimet tona për familjet e personave të vrarë dhe të plagosur. Ndjekim situatën dhe ambasada amerikane në Shkup është në kontakt të vazhdueshëm me autoritetet dhe udhëheqësit politikë. Bëjmë thirrje që qytetarët të ruajnë qetësinë dhe të lejojnë përcaktimin e fakteve.

Minxhozi: Dhe një pyetje të fundit, jo për nga rëndësia: marrëdhëniet dypalëshe, Shqipëri-SHBA? Opinioni juaj për nivelin e tyre aktual?

Ambasadori Lu: Thjesht do të thoja se marrëdhëniet e Shqipërisë me Shtetet e Bashkuara janë të pakrahasueshme. Ne bashkëndajmë lidhjen e gjysmë milionë shqiptarësh etnikë që jetojnë në Sh.B.A. dhe dhjetëra mijëra amerikanëve që jetojnë këtu. Lidhjet tona historike datojnë që prej Woodrow Wilson dhe Konferencës së Paqes të Parisit më 1919 deri te Lufta e Kosovës dhe anëtarësimi i Shqipërisë në NATO. Por mbi të gjitha, ne kemi lidhjen e vlerave që bashkëndajmë të lirisë, demokracisë dhe të besimit në një Europë të plotë, të lirë dhe në paqe.

Minxhozi: Faleminderit shumë.

Ambasadori Lu: Faleminderit juve.

Java

[Helikranon]

Po nga ata 30 ish deputete qe nuk vendosi Saliu ne listat e zgjedhjeve,a ka spiune e kriminele?
Nese po,atehere te hetohen dhe jo te harrohen.

[benseven11]

[Albo]

Porosia e Ambasadorit, Lu takim në KQZ: Pastrimi i politikës nga të inkriminuarit me rëndësi



Ambasadori amerikan Donald Lu ka zhvilluar një takim me kryetaren dhe anëtarët e KQZ.
Burimi pranë këtij institucioni bëjnë të ditur se Donald Lu ka deklaruar në takim se pastrimi i politikës nga kriminelët është një proçes me rëndësi të madhe për demokracinë në Shqipëri dhe për për anëtarësimin e vendit në BE.
Ambasadori amerikan mësohet se gjatë këtij takimi ka vlerësuar vendimmarrjen e deritanishme nga Komisioni Qendror i Zgjedhjeve.
Ai theksoi rëndësinë e të gjitha institucioneve zgjedhore, nga KQV-të tek KQZ e deri tek Kolegji Zgjedhor, për të zbatuar ligjin në mënyrë transparente dhe të përgjegjshme.
Ambasadori nënvizoi rolin jetik të KQZ-së, për të ruajtur demokracinë shqiptare dhe bëri një paraqitje të mbështetjes së qeverisë së SHBA për vëzhgimin vendas dhe ndërkombëtar të zgjedhjeve.
Takimi vjen një ditë pasi Ambasada e SHBA përshëndeti vendimin e liderit te opozitës, Lulzim Basha, për tërheqjen e kandidatit të PD për Këlcyrën, Gentian Muhameti.
Një ditë më parë KQZ vendosi të mos regjistrojë Ilir Pjetrajn si kandidat të PD në Kurbin dhe nga ana tjetër të mos pranojë dorëheqjen e Altin Bibës për të kandiduar për kryetar të Bashkisë së Kurbinit.



ORA NEWS

[Albo]

Dekriminalizimi, Më 4 qershor dosjet e kandidatëve të inkriminuar në dorë të Llallës



Në datën 4 qershor, Prokurori i Përgjithshëm do të ketë në dorë, listën me emrat e kandidatëve në zgjedhjet vendore, të cilët kanë proçese gjyqësore të hapura.
Lajmi konfirmohet nga grupi i prokurorëve të cilët janë ngarkuar në proçesin e verifikimit të rasteve, në prokuroritë e rretheve.
Në 13 maj , Prokurori i Përgjithshëm lëshoi një urdhër drejtuar prokurorëve, ku kërkohej informacion mbi proçeset e hapura ndaj kandidatëve të zyrtarizuar për Kryetare të Bashkisë.
Deri tani konfirmohet se në këtë prokurori janë përcjellë pjesa më e madhe e të dhënave nga të cilat rezulton se ka kandidatë që aktualisht figurojnë persona të marrë të pandehur. Nuk bëhen të ditur as emra as sa është numri i tyre pasi proçesi është ende në fazën e grumbullimit të të dhënave.
Prokurori i Përgjithshëm u kërkon vartësve të tij verifikimin e çdo të dhëne për kandidaturat dhe hartimin e raporteve, të cilat ishte percaktuar se duhet të depozitoheshin brenda datës 21 Maj pranë Komisionit parlamentar për Dekriminalizimin.
Verifikimet do të përfshijnë të gjitha akuzat e artikuluara publikisht ndaj kandidatëve, publikimet e mediave apo informacionet që mund të sigurohen në rrugë operative nga institucionet ligjzbatuese dhe Policia e Shtetit.

ORA NEWS