Kosovë, mblidhet Kuvendi, Mustafa: Përkushtim për të zhvilluar vendin. Ja qeveria e re
PRISHTINE- Kuvendi i Kosovës ka filluar seancën me pikën e vetme, zgjedhjen e qeverisë së re të Kosovës me kryeministër Isa Mustafa. Mustafa është nominuar nga lideri i Partisë Demokratike të Kosovës, Hashim Thaçi, pasi paraprakisht kishte marrë mandatin nga presidentja Atifete Jahjaga. Në sallë janë 104 deputetë nga 120 sa ka gjithsej ky institucion.
Isa Mustafa theksoi nga foltorja e kuvendit se koalicioni qeverisës është ndërtuar duke respektuar votën e qytetarëve të Kosovës.
“Koalicioni zotohet se do të punojë shumë për forcimin e ligjit, për shtetin e së drejtës dhe për trajtimin e barabartë të të gjithë qytetareve të Kosovës. Përkushtim për të zhvilluar vendin, për të ndërtuar një shtet që ofron mundësi të barabarta për të gjithë”- theksoi Mustafa.
Ja lista finale e Qeverisë “Mustafa I”
Mediat në Kosovë publikojnë listën e ministrave të kabinetit të ri qeveritar të kryeministrit Isa Mustafa.
Kryeministër i Republikës së Kosovës – Isa Mustafa
Zv/Kryeministër Parë – Hashim Thaci
Zv/Kryeministër – Kujtim Shala
PDK
Ministër i Punëve të Jashtme – Hashim Thaci
Ministria e Arsimit, Shkencës dhe Teknologjisë – Arsim Bajrami
Ministria e Bujqësisë, Pylltarisë dhe Zhvillimit Rural – Memli Krasniqi
Ministria e Diasporës – Edita Tahiri
Ministria e Drejtësisë – Hajredin Kuci
Ministria e Integrimit Evropian – Bekim Qollaku
7.Ministria e Zhvillimit Ekonomik – Blerand Stavileci
Ministria e Mjedisit dhe Planifikimit Hapësinor – Ferid Agani
Ministër i Shtetit dhe Udhëheqës i dialogut teknik Kosovë-Serbi – Enver Hoxhaj
LDK
Ministria e Punëve të Brendshme – Skender Hyseni
Ministria e Shëndetësisë – Imet Rrahmani
Ministria e Infrastrukturës – Lutfi Zharku
Ministria e Tregtisë dhe Industrisë – Hikmete Bajrami
Ministria e Forcës së Sigurisë së Kosovës – Haki Demolli
Ministria e Kulturës, Rinisë dhe Sportit – Kujtim Shala
Ministria e Punës dhe Mirëqenies Sociale – Arban Abrashi
Ministria e Financave – Avdulla Hoti
Minoritetet
Ministria e Administrimit të Pushtetit Lokal – Aleksandër Jablanovic
Ministria për Komunitete dhe Kthim – Slobodan Petrovic
Ministra e Administratës Publike – Mahir Yagcilar
Firmoset marrëveshja PDK-LDK, Mustafa kryeministër
Eshtë nënshkruar sot marrëveshja mes Partisë Demokratike të Kosovës dhe Lidhjes Demokratike të Kosovës, e cila mundëson krijimin e qeverisë dhe institucioneve në këtë vend.
Të dy liderët e partive kanë falënderuar njeri-tjetrin dhe kanë konfirmuar vullnetin për të bashkëpunuar për 4 vitet ardhshme. Thaçi deklaroi se ky koalicion bëhet për të mirën e qytetarëve të Kosovës,për të përmirësuar rendin dhe sigurinë. Të njëjtin qëndrim ka mbajtur edhe kreu i LDK-së, Isa Mustafa, i cili tha se marrëveshja është në interes të Kosovës, prosperitetit, zhvillimit ekonomik.
Hashim Thaçi dhe Isa Mustafa, gjatë ditës së djeshme kanë mbajtur takimin radhës bashkë me disa anëtarë të tjerë të partisë së tyre. Aty u fol për marrëveshjen mes tyre, për seancën e Kuvendit, për ministrat e shumë të tjera. Sipas deklaratave të mëparshme, Isa Mustafa do të jetë kryeministër i Kosovës, ndërsa Hashim Thaçi do të jetë zëvendëskryeministër dhe ministër i Jashtëm.
Menjëherë pas nënshkrimit u mbajt seanca e Kuvendit.
Seanca ku pritet të zgjidhen kryetari dhe nënkryetarët e Kuvendit, e më pastaj zgjedhja e kryeministrit dhe kabineti i ri qeveritar nisi sot në orën 12:00.
Kadri Veseli Kryeparlamentar, LDK nuk ishte unike në votim
Kadri Veseli është zgjedhur në krye të parlamentit duke marrë 71 vota pro, ndërsa kundër tij kanë votuar 42 deputetë. LDK nuk ishte unike në votimin për Kryeparlamentar.
“Me 71 votë z.Kadri Veseli zgjedhet kryetar i Kuvendit” ka thënë Brovina.
Kundër Veselit kryetar votuan këta deputetë nga radhët e LDK-së: Kujtim Shala, Vjosa Osmani, Adem Salihaj dhe Arben Gashi.
Nënkryetar të Kuvendit u zgjodhën Xhavit Haliti, Sabri Hamiti dhe Glauk Konjufca.
Marrëveshja: Mustafa Kryeministër, Veseli Kryeparlamentar, Thaçi pret që të bëhet President
PDK dhe LDK kanë rënë dakort që Isa Mustafa të jetë kryeministër i vendit. Posti i kryeparlamentarit do t’i takojë PDK-së, gjegjësisht nënkryetarit të kësaj partie Kadri Veselit.
Në marrëveshje është ndarë edhe posti i presidentit të vendit, të cilin në vitin 2016 – pas përfundimit të mandatit të presidentes aktuale Atifete Jahjaga – atë do ta marrë kryetari i PDK-së Hashim Thaçi.
PDK dhe LDK do të caktojnë nga një zëvendëskryeministër. Marrëveshja parashikon që ndarja e komisioneve të Kuvendit të Kosovës të bëhet në mënyrë të barabartë.
PDK dhe LDK nënshkruan që për secilën ministri të emërojnë nga dy zëvendësministra, njëri nga radhët e PDK-së dhe tjetri nga radhët e LDK-së, mirëpo ky numër mund të ndryshojë me pajtimin e palëve.
PDK dhe LDK kane rene dakort gjtihashtu që udhëheqja e komisioneve të caktuara parlamentare të bëhet sipas parimit të ndarjes së barabartë. Marrëveshja garanton edhe atë se vendi do të qeveriset në bazë të programit qeverisës të harmonizuar ndërmjet PDK-së dhe LDK-së.
Balkanweb
Krijoni Kontakt