60 kg heroinë drejt Italisë, në krye të bandës oficeri i policisë së Tiranës

[Albo]

Një superoperacion i policisë italiane të Parmas ka çuar në pranga 7 shqiptarë dhe 3 italianë, për trafikim ndërkombëtar të narkotikëve.
10 të arrestuarit jane pjesë e një bande të strukturuar kriminale, shqiptaro-italiane, e specializuar për trafikimin e të gjitha llojërave të drogës.
Sipas policisë, trafikantët zotëronin në Parma të Italisë, një laborator të përpunimit të heroinës, të cilën më pas e hidhnin në treg.
Më shumë shpërndarës, sesa trafikantë.Banda shqiptaro-italiane ka qenë një bazë e mirëtrajnuar , në përbërje të së cilës ishin dy kimistë, një polic ( Denis Tafili polic në Tiranë), transportuesit, tregtarët dhe furnizuesit.
Në këtë laborator janë zbuluar dhe sekuestruar në cilësinë e provës materiale, 13 kg heroinë në 26 pako, 3 kg kokainë, 100 kg paracetamol, që shërbente si përzierës i heroinës, 13 000 euro kesh edhe një presë hidraulike, që shërbente për ambalazhimin e drogës.
Karabinierët kanë zbuluar se ky grup kishte arritur të trafikonte 60 kg heroinë të pastër. Bie në sy aftësia e grupit për të miksuar drogën dhe përdorimin në to të ilaçeve që blihen në farmaci si paracetamol etj.
60 kilogram heroinë të pastër, pasi e miksonin me përbërës të tjerë e transformonin në 480 kilogramë drogë për shitje në rrugë, duke përfituar 20 milionë euro.
Mediat italiane raportojnë se droga importohej nga Shqipëria.Operacioni policor nisi që në tetor të 2013, për të përfunduar në 10 maj të këtij viti.

Të arrestuarit janë shqiptarët

Gëzim Hasa 30 vjeç

Artur Bregu 33 vjeç

Velino Koroveshi 24 vjeç

Denis Tafili 29 vjeç

Bledar Brahimi 28 vjeç

Lauret Greca 29 vjeç

Ded Bajraktari 23 vjeç

si dhe shtetasit italianë

Davide Cavalli 43 vjeç

Tomaso Villirillo 37 vjeç

Marcelo Panariti 34 vjeç

Sipas policisë italiane, kjo bandë trafiku operonte që në vitin 2009, kryesisht në Parma dhe krahinat përreth, dhe ku vlera e drogës së trafikuar arrin deri në rreth 20 milionë euro.
E gjithë veprimtaria e bandës kriminale operonte në një mënyrë tepër të veçantë, pasi anëtarët e saj paraqiteshin sikur kishin një shoqatë.
Shoqata mbulonte kështu të gjitha veprimtaritë kriminale, pasi në fakt aty kishte një laborator të përpunimit të drogës.
“Truri” i bandës sipas policisë italiane ishte Artur Bregu, i cili në dukje bënte një jetë të qetë dhe të thjeshtë, por ishte organizatori i rrjetit të madh. Kryesisht droga shpërndahej në rrugët e Parmas dhe Reggio Emilia.
Përveç arrestimeve, 15 persona të tjerë janë nën hetim nga autoritetet italiane.



ORA NEWS

[Xinxerfilli]

Ja dhe nje tjeter budallallek i Albos.

Lajmi thote truri i bandes ishte Artur Bregu, Albo na e ben ish policin, i cili kishte detyren e kimistit ne organizate, kapo

[goldian]

sa per dijeni ja kann fut kot e kann tepru me ate 20 milionshin mediat taljane pepinet e *****

[Qyfyre]

Ishalla kalben ne burg.

Po ky polici bente punen si polic ne Shqiperi dhe pastaj shkonte bente dhe pune te dyte ne Itali perziente drogen?

[goldian]

Ishalla kalben ne burg.

Po ky polici bente punen si polic ne Shqiperi dhe pastaj shkonte bente dhe pune te dyte ne Itali perziente drogen?

ka ken dikur jo se a sot
lajmet jepen sipas interesave

[Albo]

“20 mln € drogë”/ Si e ngriti ish-polici perandorinë ‘e fshehtë’ në Parma

Ata ishin njerëz mbi të cilët nuk kishte asnjë dyshim, familjarë, të qetë dhe që bënin një jetë modeste.

Por, përtej fasadës së një jete normale fshihej një organizatë kriminale e trafikut të drogës që importonte heroinë dhe kokainë të pastër nga Shqipëria dhe që më pas trafikohej në të gjithë Italinë.



Aktiviteti i tyre kriminal arrinte deri në 20 milionë euro. Rafineria e grupi shqiptar ishte e vendosur në Parma.

Përllogaritet se grupi ka importuar 60 kg heroinë të pastër me vlerë 20 milionë euro pasi pas përzierjes sasia ka shkuar në 480 kg.

Gjatë operacionit të arrestimit të disa shqiptarëve si dhe disa shtetasve italianë, u sekuestruan 13 kg heroinë dhe 3 kg kokainë si dhe 100 kg substancë për përzierje dhe 13 mijë euro cash.

Si lideri i grupit konsiderohet Gëzim Hasa, një ish-punonjës policie në Shqipëri. 30-vjeçari është dënuar me 8 vite burg dhe 22 mijë euro. Pas përfundimit të dënimit do të dëbohet në Shqipëri.

Organizata u shkatërrua në tetor të vitit 2014, ndërsa policia gjeti laboratorin e drogës në një shtëpi të braktisur.







Panorama