Letër muslimanëve të Tiranës!
Bajrami i Kurbanit, festë e veçantë për myslimanët kudo që jetojnë në botë.
Padyshim që edhe për popullin tonë, kësaj here ishte paksa më veçantë pjesëmarrja e tyre nëpër xhami dhe musala. Xhamitë e stërmbushura, kjo shihej qartë. Dëshmi edhe fotot e ndryshme nga xhamitë dhe musalatë nëpër tërë truallin e shqiptarisë. Vallahi, kjo pamje më gëzon mua dhe e gëzon çdo besimtarë.
Por kësaj here prej pamjeve (fotove) të bukura, më e bukura ishte ajo e sheshit të Tiranës, falja e namazit të Bajramit. Nuk shihej vend bosh por e gjithë ajo hapësirë ishte e stërmbushur me besimtarë. Padyshim që kjo tregon shumë. Kjo pamje reflekton dukshëm.
Të nderuar!
Nga vendi im dërgoj këtë letër myslimanëve dhe Komunitet Mysliman të Tiranës.
Mysliman dhe myslimane!
Allahu ju forcoftë në fenë e Tij.
Allahu ju shpërbleftë në dynja e ahiret.
Shumë selam për të gjithë e në veçanti për imanlitë e Tiranës.
Hoxhë Ulvi Fezullah
Krijoni Kontakt