Zonja e Parë e Estonisë kapet mat me një djalë të ri -VIDEO
ESTONI- Skandal në Estoni. Zonja e Parë e vendit kapet mat me një djalë të ri. Evelin ilves, bashkëshortja e presidentin të Estonisë Toomas Hendrik ilves, ka përfunduar në qendër të një skandali që është publikuar nga një revistë vendase, ku bjondja 46-vjeçare puthet me një djalë misterioz.
Në këto ditë jeta e familjes presidenciale të Estonisë është goditur rëndë nga kjo foto dhe videoja që ka publikuar revista “Kroonika”, ku Zonja e parë puthet dhe përqafohet me një djalë rreth të 30-ave. Ata janë fotografuar në një lokal nate, ku të dy kanë qëndruar dhe kërcyer deri rreth orës 5 të mëngjesit dhe më pas janë larguar bashkë, shkruan “Kroonika”. Në ato momente kreu i shtetit, bashkëshorti i Evelin, ndodhej në rezidencën presidenciale në Talin.
Pas publikimit Evelin është larguar së bashku me vajzën për në Nju Jork. Nëpërmjet profilit të saj në Facebook ajo ka kërkuar falje për të gjithë ata që janë ndjerë të ofenduar dhe të lënduar. “Jam duke kaluar një moment shumë të vështirë në jetën time”, ka thënë Evelin. Ndërsa disa faqe e kanë identifikuar djalin në foto si Vincent Aranega, një “playboy” i diskotekës dhe që gjatë ditës punonte si IT.
Media estoneze thotë se çifti presidencial kishte një periudhë kohe që nuk shkonte mirë. Ndërsa mendohet se dhe presidenti ka pasur lidhje jashtëmartesore. Toomas Hendrik ilves, 61-vjeç, që prej vitit 2006 president i Estonisë dhe Evelin int-Lambot ishin të martuar prej 10 vitesh dhe kanë një vajzë 11 vjeçe.
(ed.me/BalkanWeb)
Përgjigju Duke Cituar
Krijoni Kontakt