Kavajë, ekzekutohet me armë zjarri 27-vjeçari. Policia: Pista kryesore, hakmarrja
KAVAJË-Ekzekutohet në një atentat me armë zjarri një 27-vjeçar në Kavajë. Ngjarja është shënuar në hyrje të Kavajës, ku i riu Andi Peqini, është qëlluar me breshëri automatiku, brenda në automjetin e tij.
Nga të dhënat e para në vendgjarje dyshohet se atentatorët kanë lëvizur me një automjet tip BMW, X5 me targa italiane. Mësohet se i riu, kthehej nga plazhi në kohën që është qëlluar dhe pas tij në një tjetër automjet ndodhej edhe djali i xhaxhait, i cili ka parë gjithë skenën e vrasjes.
Ky i fundit është shoqëruar në polici, për të ndihmuar në zbardhjen e autorëve të krimit. Pista kryesore sipas policisë është ajo e vrasjes për hakmarrje. 27-vjeçari rezulton person me precedentë të mëparshëm penal dhe dyshohet të jëtë përfshirë në një rrjet të trafikimit të drogës në Itali. 27-vjeçari, Andi Peqini, ishte kthyer vetëm para një muaji nga Italia.
Atentatorët i kanë zënë pritë, ndërsa udhëtonte me automjetin e tij tip “Pegeout” me targa AA 411 JG, duke e qëlluar me breshëri plumbash. Policia ka ngritur postoblloqe një sër rrugësh kryesore dhe dytësore që lidhin Kavajën më Tiranën dhe Durrësin.
(a.n/BalkanWeb)
Krijoni Kontakt