Deklarata historike, Erdogan: Vrasja e armenëve, çnjerëzore
Nga Redaktor/K.S {24/04/2014}
ERDOGANTurqia ka bërë një hap përpara drejt normalizimit të raporteve me fqinjin e tyre armen, pas deklaratës së Kryeministrit Erdogan se vrasja e popullisë armene në vitin 1915 ishte çnjerëzore. Armenia pretendon se ushtarët otoman gjatë Luftës së Parë Botërore kanë vrarë rreth 1.5 milion armen, por zyrtarët turq e kanë refuzuar gjithmonë këtë shifër dhe nuk kanë pranuar që ndaj popullsisë armene të jetë ushtruar genocid. Në prag të përvjetorit të 99-të të vdekjeve të kontestuara gjerësisht, Erdogan si kurrë më parë ka lëshuar një deklarat në 9 gjuhë të botës, përfshi edhe gjuhën armene, ku ka ripërsëritur thirrjet e kaluara për dialog mes dy vendeve, si dhe ngritjen e një komisioni historik për të vërtetuar gjithçka në lidhje me vrasjet. Zyrtarë të qeverisë turke thanë se ishte hera e parë që një kryeministër turk ka ofruar ngushëllime të tilla të sinqerta, dhe e përshkruan deklaratën si një hap historik. “Incidentet e Luftës së Parë Botërore, janë dhimbje të përbashkëta. Ne dëshirojmë që armenët të cilët e humbën jetën e tyre në fillim të shekullit 20, të prehen në paqe. U shprehim ngushëllimet më të sinqerta nipërve dhe mbesave të tyre.” “Duke qenë se kemi kaluar ngjarje, të cilat kanë sjellë pasoja çnjerëzore, siç ishte edhe zhvendosja, gjatë Luftës së Parë Botërore, nuk duhet të lejojmë që turqit dhe armenët të mos krijojnë qëndrime reciprokisht njerëzore dhe të dhimbshme mes njëri-tjetrit”, ka deklaruar Erdogan.
Shumë shtete perëndimore përfshirë SHBA-në, i kanë konsideruar vrasjet e popullisë armene si genocid, duke shkaktuar probleme të shumta me Turqinë. Franca në drejtimin e Sarkozy ka qënë një prej kritikuesve më të mëdhenj brenda Bashkimit Europian, për qëndrimin e mbajtur nga Turqia për çështjen në fjalë.
http://mapo.al/2014/04/deklarata-his...ve-cnjerezore/
Krijoni Kontakt