Kreu i SHISH: "Trafikun e droges e mbeshtesin strukturat shteterore"

[Albo]

Visho Ajazi: Himara si Krimea me ndarjen e re, një agjent rus në politikën shqiptare

Kreu i Shërbimit sekret raporton për katër orë para deputetëve të komisionit të Sigurisë për bashkëpunim me policinë për rastet e tritolit, emërimet e punonjësve të ‘97-ës dhe trafikun e drogës
Në rast se me ndarjen e re administrative Himara do të përcaktohet sërish si një njësi administrative më vete nga Vlora,atëherë ekziston mundësia që banorët e kësaj zone, nën ndikimin edhe të qarqeve politike ose jo-ekstremiste greke, mund të kërkojnë pavarësinë sipas modelit të Krimesë në Ukrainë. Këtë e ka pohuar dje kreu i Shërbimit Informativ Shtetëror, Visho Ajazi Lika para komisionit të Sigurisë Kombëtare, ku për më shumë se 4 orë ka raportuar në lidhje me raportin vjetor të këtij Shërbimi, si dhe për një sërë çështjesh të tjera që kanë qenë në qendër të debatit politik gjatë këtyre muajve, siç janë ato për bashkëpunimin me policinë për shpërthimet me tritol apo emërimet në radhët e Shërbimit të elementëve të SHIK-ut të ’97-ës. Burime nga ky komision kanë bërë të ditur se ka qenë deputetja demokrate Mesil Doda ajo që e ka pyetur kreun e SHISH-it nëse kishte dijeni se, “nëse me reformën e re administrative Himara shpallet zonë më vete, a ekziston mundësia edhe në informacionet tuaja dhe në logjikën që ju ndiqni, që ata të ndjekin eksperiencën e Krimesë?”. Pyetje e cila mësohet se ka sjellë reagimin e deputetëve të mazhorancës, të cilët kanë kërkuar që ajo të shmangej, pasi nuk ishte objekt i rendit të ditës. Por pavarësisht kësaj ndërhyrjeje, kreu i SHISH-it i është përgjigjur pyetjes së Dodës, duke pohuar se “nga informacionet tona, ka edhe tendenca për të shfrytëzuar precedentin e Krimesë, nëse ndodh…”. Një deklaratë tjetër e fortë, e thënë nga Ajazi në këtë mbledhje, ka qenë edhe ajo që ka të bëjë me përfshirjen e politikanëve të ndryshëm në rrjetet e shërbimeve të huaja. Kështu, pyetjes së një prej deputetëve të komisionit, nëse kishte informacion se “a ka politikanë që punojnë për shërbimet e huaja”, Ajazi i është përgjigjur se “ka pasur një politikan, por që nuk është më aktiv, që ka punuar për shërbimet ruse”. Ndërsa për politikanët aktualë, ai është shprehur se “nuk kam informacion”. Gjatë këtij raportimi, Ajazi është pyetur nga deputetët edhe për çështjet e tjera të nxehta, siç janë ato që kanë të bëjnë me akuzat e ministrit të Brendshëm se SHISH nuk bashkëpunon me Policinë e Shtetit për dhënien e informacioneve në parandalimin e veprave të ndryshme kriminale dhe veçanërisht të shpërthimeve me tritol. Burime nga kjo mbledhje kanë informuar se “vetëm dy nga informacionet dhjetor-janar përmbajnë të dhëna për 15 persona të përfshirë në trafik lëndësh eksplozive dhe armësh”. Gjithashtu, kreu i SHISH-it ka bërë të ditur para deputetëve se “informacione të shumta i janë dhënë policisë dhe Ministrisë së Brendshme për trafik minash dhe lëndësh eksplozive në vjeshtën e vitit të kaluar, plot 15 të tilla”. Ndërkohë që burime të tjera pranë së majtës kanë informuar se Ajazi ka pranuar se SHISH u gjend i papërgatitur fillimisht nga vala e vrasjeve me tritol, por për muajt e parë të këtij viti kishte dhënë informacione për këtë fenomen. Po ashtu mësohet se Ajazi ia ka lënë përgjegjësinë policisë lidhur me situatën e kriminalitetit në vend dhe sidomos të asaj që ka të bëjë me vrasjet me tritol, duke ironizuar reformën në radhët e forcave blu. Kështu mësohet se Ajazi është shprehur se “drejtuesve të rinj të Policisë iu desh kohë të marrin detyrën praktikisht dhe shkresat me informacion të SHISH-it qëndruan në tavolinat e tyre pa i parë”. Ndërkohë që në lidhje me akuzat e drejtpërdrejta të ministrit Tahiri se SHISH nuk ka dhënë informacion, mësohet se Ajazi është shprehur se “Ne informojmë drejtorin e Policisë dhe jo ministrin”. Ndërkohë që në lidhje me informacionet e përgjithshme që SHISH i ofron policisë, ai ka deklaruar se vetëm për periudhën janar-prill janë dhënë 317 informacione, ndërsa ka pohuar se “është rritur me 53 % rrjeti i informacionit dhe 40 % burimet e informacionit”. Ai është pyetur edhe për aksionet e policisë lidhur me arrestimin e disa personave që rekrutonin shtetas shqiptarë për të luftuar në Siri, duke bërë të ditur se të gjithë këtë informacion e ka dhënë SHISH. “SHISH dha 100 % të informacionit për ata që shkojnë në luftë në Siri dhe u kapën falë këtij informacioni të SHISH”, – mësohet të jetë shprehur Ajazi.

Trafiku i drogës

Në këtë mbledhje nuk kanë munguar edhe pyetjet lidhur me trafikun e drogës, ku siç mësohet, kreu i SHISH-it ka deklaruar se “nuk ka trafik të madh droge pa mbështetjen e strukturave shtetërore”, ndërsa ka theksuar se “e kemi parashikuar që heqja e moratoriumit të skafeve do shtonte trafikun”. Sipas tij, “droga nuk rri në Lazarat, por shpërndahet në Vlorë, Fier, Berat etj”. Pjesë e kësaj seance dëgjimore ka qenë dhe çështja që përfshinte pika 3 e rendit të ditës dhe që kishte të bënte pikërisht me informacionet e pasqyruara në media se në SHISH janë emëruar punonjës me një të shkuar të dyshimtë dhe që kanë punuar më parë në këtë shërbim gjatë periudhës ’92-‘97. Mësohet se për këtë çështje, Ajazi ka pranuar se këto emërime kanë ndodhur, por se këtë të drejtë atij ia jep ligji dhe çdo lëvizje është bërë në përputhje me kuadrin ligjor. Në këtë pikë, Ajazi ka debatuar me deputetët e mazhorancës, të cilët kanë theksuar se ai ka punësuar persona në kundërshtim me ligjin, pa arsimin e duhur dhe me një të shkuar të errët.



Përgjimet e policisë, sot deputetët “kontrollojnë” SHISH

Pavarësisht se kreu i SHISH-it, Visho Ajazi Lika ka certifikatën e duhur të sigurisë për të administruar informacion të spartak-braho-ibna-565x409klasifikuar sekret, mazhoranca ka preferuar që në lidhje me çështjen e përgjimeve të krerëve të policisë në rrethe të mos e pyesë atë dje në mënyrë të drejtpërdrejtë gjatë seancës dëgjimore që zhvilloi me të në komisionin e Sigurisë. Kjo pasi ajo nuk ka dashur ta ezaurojë këtë çështje, pasi ka planifikuar që të shkojë vetë në ambientet e këtij Shërbimi për të marrë informacionin e kërkuar. Kështu, komisioni i Sigurisë nuk e kishte përfshirë këtë çështje në rendin e ditës së djeshme të komisionit, duke përcaktuar që për këtë të diskutojë në mbledhjen e sotme. Këtë gjë e ka konfirmuar dje edhe kryetari i komisionit të Sigurisë, Spartak Braho, i cili ka theksuar se kjo çështje, e cila është dhe objekt i kërkesës së një grupi deputetësh të Partisë Socialiste, të diskutohet sot. “Dua të konfirmoj se nesër komisioni do të shqyrtojë dhe vendosë për kontrollin parlamentar të SHISH-it nga një grup deputetësh që do të caktojë komisioni”, – tha dje Braho në një reagim për mediat. Ndërkohë që burime nga mazhoranca kanë bërë të ditur se ata janë të vendosur që t’i shkojnë deri në fund nismës së tyre për të bërë një kontroll parlamentar në SHISH, me qëllim verifikimin e vërtetësisë së një shkrese të publikuar në media, ku drejtorët e SHISH-it në rrethe udhëzoheshin që të mblidhnin informacion për drejtuesit e rinj të policisë. Sipas të majtëve, ky është një udhëzim i paligjshëm, pasi SHISH sipas tyre, nuk është ngritur që të përgjojë punonjësit e policisë. Madje ata shpesh gjatë këtyre muajve kanë theksuar se situata bëhet më e rëndë kur këto informacione të SHISH-it përdoren për qëllime politike nga opozita.

Noka dhe Braho, versione të ndryshme për raportimin e Ajazit

Në mënyra të ndryshme e kanë parë palët politike raportimin e Visho Ajazi Likës në komisionin e Sigurisë. Mazhoranca me anë të deputetit Pirro Lutaj, ka evidentuar se gjatë këtij raportimi dolën në pah të dhëna që tregojnë se sa i përket funksionimit të këtij institucioni, jo të gjitha gjërat shkojnë mirë. “Gjatë raportimit të tij dhe debateve në komision dolën edhe problemet që ne vazhdojmë t’i qëndrojmë mendimit se në Shërbim jo gjithçka shkon mirë”, – deklaroi Pirro Luto, Sekretar i komisionit të Sigurisë. Por për nënkryetarin demokrat, Flamur Noka, ky raportim vërtetoi të palarat e deklaratave dhe pretendimeve të ministrit të Brendshëm se SHISH nuk bashkëpunon me policinë. “Ky raportim sot në mënyrë të detajuar dhe me shifra nxori të palarat dhe gënjeshtrat e ministrit të Brendshëm. Ajo që është më e rëndësishmja është që sot ministri i Brendshëm doli gënjeshtar në lidhje me akuzat që ka hedhur ndaj Shërbimit, që Shërbimi sipas tij, nuk e paska informuar. Informacionet për tritolin dhe për gjithçka i ka dhënë të bollshme. Janë 317 informacione të dhëna vetëm për këtë periudhë 4- mujore, rreth 30 e ca për periudhën e mëparshme, të detajuara për grupet që merren me trafikun e tritolit, për grupe kriminale që merren me trafikun e minave”, – tha nënkryetari i komisionit, Flamur Noka gjatë një prononcimi për mediat pas mbledhjes. Por kjo deklaratë e Nokës dhe dhënia prej tij e informacioneve të një mbledhjeje me dyer të mbyllura, ku u trajtua informacion i klasifikuar sekret, për kreun e këtij komisioni janë shkelje e rëndë e ligjit dhe për të cilën ai ka theksuar se deputeti demokrat do të mbajë përgjegjësi ligjore. “Lidhur me raportimin e drejtorit të SHISH-it, dua të nënvizoj faktin që ishte një raportim i domosdoshëm dhe i planifikuar nga kòmisioni i Sigurisë Kombëtare, që preku tërë aktivitetin dhe problematikën e këtij organi që lidhet me sigurinë kombëtare, ndaj dhe për vetë rëndësinë dhe karakterin sekret dhe detyrimit ligjor të këtij raportimi u vendos që ky të jetë me dyer të mbyllura dhe pa informacion për çështjet e diskutuara. Prononcimi spekulativ dhe shpifës i z. Flamur Noka në media jo vetëm nuk është etik dhe serioz, por dhe në shkelje të ligjit për sekretin shtetëror dhe të vendimit të komisionit, dhe për këtë shkelje të rëndë ai do të mbajë përgjegjësi në organet ligjzbatuese menjëherë”, – tha Braho në një reagim për mediat.

MAPO

[Albo]

Kreu i SHISH 4 orë raportim tek 'Siguria': Kryepolicët e rinj i mbajtën shkresat në sirtare


TIRANE -Plot 4 orë raportim me dyer të mbyllura ka bërë kreu i Shërbimit Informativ Shtetëror, Visho Ajazi Lika sot në Komisionin e Sigurisë.

“Sulmet ndaj institucionit të Shërbimit Informativ Shtetëror cënojnë drejtpërdrejt sigurinë kombëtare”. Kështu theksoi para deputetëve të Komisionit Parlamentar të Sigurisë, kreu i Shërbimit Informativ Shtetëror Visho Ajazi Lika.

Gjatë raportimit në Komision, mbledhje që nisi rreth orës 12:00 me dyer të mbyllura, kreu i Shërbimit Informativ Shtetëror deklaroi se SHISH ka përcjellë informacion drejt organeve të tjera ligjzbatuese, në lidhje me shpërthimet e ndodhura në muajin janar. Sipas tij, është zbatuar plotësisht legjislacioni për punën operative të shërbimit.

Për shpërthimet me tritol të ndodhura përgjatë muajit Janar të këtij viti, Visho Ajazi tha se SHISH iu ka përcjellë informacione të shumta dhe të detajuara organeve të tjera ligjzbatuese. Ajazi tha se vitin e kaluar, krahasuar me vitin 2012, është dyfishuar shkëmbimi i informacionit të SHISH me institucionet e tjera në vend dhe ato ndërkombëtare.

Sipas tij, vetëm në dhjetor-janar janë dhënë dy informacione për 15 persona që trafikonin armë dhe lëndë eksplozive.
Ai e kaloi përgjegjësinë tek Policia e Shtetit, kur tha se "drejtuesve të saj të rinj iu desh kohë të marrin detyrën dhe praktikisht shkresat e SHISH qëndruan në tavolinat e tyre pa u hapur".

Sa për informacionet për drogën, Lika tha se institucioni që ai drejton, nuk ka radar nën 3 mijë metra.
“Nuk ka trafik të madh droge pa mbështetjen e strukturave shtetërore”, deklaroi më tej në raportimin që bëri nga Komisioni i Sigurisë, kreu i SHISH, Visho Ajazi Lika.

Lidhur me përgjimet e supozuara në radhët e politikanëve dhe drejtuesve të policisë, kreu i SHISH-it tha se këto aludime janë tërësisht të pabaza. “Çdo vënie në përgjim të një shtetasi miratohet nga Prokurori i Përgjithshëm dhe jo nga SHISH.”- deklaroi Ajazi Lika.

Informacione të shumta ka dhënë SHISH, sipas tij, edhe për rekrutimet në Siri, ndërsa lidhur me emërimet e reja në institucion, ai siguroi se janë bërë konform ligjit.

Visho Ajazi Lika i cilësoi të pabaza aludimet për përgjime, pasi sipas tij çdo vënie në përgjim e një shtetasi miratohet nga Prokurori i përgjithshëm dhe jo nga SHISH.

Në lidhje me emërimet në SHISH, Ajazi Lika deklaroi se janë bërë në përputhje me ligjin. “Shumica e të pranuarve kanë qenë ish-punonjës.”- deklaroi ai.

NOKA: RAPORTIMI I VISHO AJAZIT SOT, NXORRI TË PALARAT E TAHIRIT
Fill pas daljes nga seanca e Komisionit Parlamentar të Sigurisë, Piro Lutaj gjatë një deklarate për mediat u shpreh se kreu i Shërbimit Informativ të Shtetit shprehu detyrimin e tij për tu përgjigjur në komision, pasi u pajis me Certifikatën e Sigurisë.

“Gjatë raportimit të tij, debatet në komision dolën dhe problemet, të cilat u trajtuan. Nuk ishte objekt i diskutimit të sotëm kërkesa ime. Sot diskutuam raportimin për shkak të ndërprerjes së mëparshme të seancës, pasi mungonte certifikata e sigurisë nga ana e kreut të Shërbimit informativ Shtetëror, Visho Ajazi Lika”- kështu e komentojë mbledhjen e sotme Piro Lutaj.

Ndërkohë, pas daljes nga seanca, e cila zgjati katër orë, nuk mund të mos mungonte dhe komenti i deputetit të Partisë Demokratike, Flamur Noka. Sipas Nokës, me raportimin e sotëm të kreut të SHISH, Visho Ajazi Lika, ministrit Tahiri i dolën të palarat.

“Në katër orë komision ishte një raportim i kreut të Shërbimit informativ të Shtetit, në lidhje me kërkesën që ka bërë komisioni për tu informuar. Pjesë e diskutimit ishte dhe raporti vjetor i SHISH, ku u paraqit dhe puna e kreut të Shërbimit. Diskutimet e sotme dhe raportimi i Ajazit, nxorën të palarët e Ministrit të Brendshëm.”- bëri me dije Noka.

Sipas deputetit Noka, sa i takon informacioneve për tritolin, Visho Ajazi Lika ka dhënë informacione të bollshme, të detajuar për grupet kriminale që merren me trafikun e minave, etj. I pyetur në lidhje me akuzat për përfshirjen e Forcave të Armatosura në trafikun e drogës, sipas Nokës, nuk i takon kreut të SHISH të jap përgjigje dhe nuk është diskutuar si çështje.

BRAHO: PRONONCIMI I NOKËS SHPIFËS, SHKEL LIGJIN PËR SEKRETIN SHTETËROR
Ndërkohë, komente në lidhje me raportimin e sotëm të kreut të SHISH, Ajazi në Komision, ka dhënë dhe Spartak Braho. Sipas Brahos, raportimi ishte i domosdoshëm. “Raportim i planifikuar nga Komisioni i Sigurisë, preku aktivitetin dhe problematikën që lidhet me sigurinë”-tha deputeti Braho.

Më tej Z. Braho u shpreh në lidhje me prononcimin e deputetit të PD Flamur Noka, ku ndër të tjera shtoi se ky prononcim ishte spekulativ edhe shpifës. Sipas Brahos, prononcimi i Nokës jo vetëm që është jo etik dhe serioz, por mbi të gjitha shkel ligjin për sekretin shtetëror.

Po ashtu ai pohoi se deputeti i PD do të mbajë përgjegjësi në organet ligjzbatuese. Në përfundim Braho u shpreh se nesër do të vendoset për kontrollin parlamentar të SHISH, ndërkohë që kontrolli do të bëhet nga një grup deputetësh që do të caktojë komisioni.


Rendi i ditës
Raportim i Kryetarit të SHISH z Visho Ajazi.
-Mbi veprimtarinë e Shërbimit Informativ Kombëtar për vitin 2013.
-Informacion lidhur me bashkëpunimin e Shërbimit Informativ dhe Ministrisë së Brendshme mbi “eficensën dhe përmbushjen e detyrave nga SHISH, si dhe rolin e tij në luftën kundër kriminalitetit”, e kërkuar në kërkesën e deputetëve të Partisë Demokratike në Komisioni.
-Informacion rreth problematikës së ngritur në emisionin ‘Ora News24” për shkeljen e ligjit mbi emërimet e drejtorit të SHISH.

Në fillim të muajit mars, kryetari i SHISH nuk mundi të raportojë në Komisionin e Sigurisë Kombëtare mbi disa përgjime të supozuara në radhët e politikanëve dhe drejtuesve të policisë e institucioneve, për shkak se i mungonte certifikata e sigurisë.

(er.nu/d.b/e.m/o.d/BalkanWeb)

[Albo]

Financat kontroll SHISH: Buxheti, realizim perfekt

Nga: DARINA TANUSHI

TIRANE - Shërbimi Informativ Shtetëror rezulton të ketë realizuar në përputhje me buxhetin e shtetit të gjitha shpenzimet e planifikuara për vitin 2013. Ndërsa është vënë në qendër të debateve, raporti i monitorimit, publikuar në faqen e Ministrisë së Financave e shfaq këtë institucion një nga më të rregulltit në lidhje me shpenzimet që ka pasur të planifikuara dhe që janë realizuar deri në fund të vitit. Janë rreth 1.254.4 milionë lekë të reja të shpenzuara nga Shërbimit Informativ Shtetëror vitin që shkoi. Në raportin e monitorimit të këtij institucioni figuron vetëm një program pune nën titullin "Veprimtaria Informative Shtetërore". Dhe sipas këtij raporti, vihet në dukje një performancë mjaft e mirë, gjykuar nga përqindja e realizimit të shpenzimeve në 98.71%. Më tej, raporti thekson se shpenzimet korente, realizuar në nivelin 98.7% dhe shpenzimet kapitale realizuar në nivelin 99 %, evidentojnë një programim të fondeve mjaft të mirë, i cili ka është shoqëruar me një realizim të plotë të produkteve të parashikuara në këtë program buxhetor. Më tej, në tabelën që në fakt nuk është shumë e detajuar, ndoshta edhe për shkak të specifikës së institucionit thuhet se ishin parashikuar gjithsej 15 produkte, të cilët janë realizuar plotësisht. Gjithsesi, sipas rekomandimit të raportit të monitorimit, kërkohet më shumë punë lidhur me konceptimin dhe emërtimin e produkteve, konform objektit të kompetencës së këtij institucioni. Në krahasimin që u bëhet të dhënave faktike të raportit të SHISH me të dhënat e Thesarit, për të njëjtën periudhë raportuese, të dhënat e përdorura nga SHISH për përgatitjen e raportit të monitorimit të shpenzimeve për vitin 2013 përputhen plotësisht me të dhënat e nxjerra nga sistemi i thesarit.

Raportimi i Ajazit
Ndërsa aspekti i shpenzimeve shkon mirë, për kreun e SHISH, duket se nuk shkon aq mirë pjesa tjetër e punës që e lidh atë me politikën. Ai më në fund ka siguruar certifikatën e sigurisë, e cila i kishte skaduar dhe pritet që më 22 prill të raportojë në komisionin parlamentar të sigurisë në Kuvend. Në fakt, Visho Ajazi Lika u thirr për raportim që në datën 5 mars, por kjo mbledhje dështoi për faktin se atij i kishte skaduar certifikata e sigurisë, e cila nuk mundi ta lejonte atë të raportonte. Kjo certifikatë u jepet personave që kanë akses në informacionin e klasifikuar. Opozita synon që raportimi i Visho Ajazit t'u japë përgjigje akuzave të qeverisë për mungesë informacioni nga shërbimet sekrete për çështjen e shpërthimeve me tritol që kanë tronditur vendin, ndërkohë që maxhoranca kërkon sqarime për emërimet në SHISH si dhe për dokumentin e publikuar nga media për përgjimin e disa funksionareve të policisë apo tatimeve. Raportimi i kreut të SHISH, Visho Ajazi, do të jetë me dyer të mbyllura për shkak të natyrës sekrete të informacioneve. Pati një debat mjaft të madh në lidhje me faktin nëse SHISH ka informuar apo jo për rastet e shpërthimit me tritol policinë. Gjithsesi, sqarimet pritet t'i japë vetë Ajazi në seancën e ditës së martë, në Komisionin e Sigurisë.

(er.nu/Gazeta Shqiptare/BalkanWeb)

[Albo]

Grupi 3+2 do të kontrollojë aktivitetin e SHISH

Komisioni parlamentar i Sigurisë miraton pa praninë e opozitës ngritjen e grupit të kontrollit që do të shkojë në zyrat e Shërbimit Informativ të Shtetit. Vendimi është marë një ditë pasi kreu i Shërbimit Visho Ajazi Lika ka raportuar, para Komisionit parlamentar të Sigurisë. Ku deputeti Piro Lutaj ka paraqitur në mbledhjen e Komisionit kërkesën për ngritjen e grupit të punës të përbërë nga pesë deputetë (3 të mazhorancës dhe 2 të opozitës) për të ushtruar të drejtën e kontrollit parlamentar në zyrat e shërbimit sekret shqiptar.Sipas miratimit, në grupin e kontrollit të SHISH,nga mazhoranca do të jenë pjesëmarrës deputetët Pjerin Ndreu, Piro Lutaj dhe Xhemal Qefaliaj. Idea për ngritjen e grupit të kontrollit u hodh nga Lutaj, në momentin që Visho Ajazi Lika për shkak se i kishte skaduar certifikata e sigurisë nuk mund të raportonte në Kuvend. Ndërkohë në lidhje me mbledhjen e djeshme të Komisionit të Sigurisë dhe raportimin e kreut të SHISH, deputeti Spartak Braho akuzoi Nënkryetarin e komisionit Flamur Noka se ka publikuar informacioneve të klasifikuara si sekret. Në këtë kuadër Braho tha se do të njoftonte Kuvendin. Ndërkohë deputeti Noka ka ripërsëritur kërkesën për një seancë dëgjimore me ministren e Mbrojtjes Mimi Kodheli në lidhje me akuzat e opozitës për përdorimin e infrastrukturës së Forcave të Armatosura në trafikun e drogës. Sipas Nokës, komisioni ka votuar kërkesën e paraqitur edhe në mbledhjen e javës së shkuar, duke shkelur rregulloren. Noka tha se ministrja e Mbrojtjesnuk mund të shmanget nga raportimi në Kuvend. Por sipas kreut të Komisionit Spartak Braho nga ana e ministres së Mbrojtjes nuk ka asnjë lloj shmangieje.

Komenti i gazetës:

Nëse duhet cilësuar si një hap i drejtë akti i kontrollit të veprimtarisë së Shërbimit Informativ Kombëtar, nga ana e grupit parlamentar, nuk mund të vlerësohet e tillë mosmarrëveshja e palëve pozitë-opozitë, dhe aq më shumë mosdhënia e konsensusit nga ana e opozitës për ndërmarrjen e një hapi të tillë. Pasi mosrrënia në konsensus e palëve do të sjellë atë që gjithsa do të konstatojë grupi hetimor i maxhorancës, sikurse parashihet të jetë pas mosvotimit të deputetëve të opozitës në Komisionin parlamentar të Sigurisë Kombëtare, nuk do të klasifikohet nga pala opozitare. Gjë që ka ndodhur edhe në jo pak grupe hetimore të shkuara, të cilët nuk kanë sjellë asnjë lloj rendimenti,përveçse e kanë thelluar konfliktin midis palëve politike.

Koha Jone

[Albo]

SHISH do kontrollohet nga mazhoranca, PD kundër: Antiligjore


Tirane-Komisioni i Sigurisë Kombëtare mes diskutimeve të shumta vendosi të ngrejë një grup kontrolli me 5 deputetë për verifikimin e ligjshmërisë së shkresës që drejtori i SHISH, Visho Ajazi Lika i ka dërguar vartësve të tij, me objekt: “Sekret/Kёrkesёn Operative” nr. 1478, datë 2.12.2013, dërguar drejtorëve tё SHISH nё prefektura, ku kërkohet informacion mbi persona tё implikuar nё veprimtari antiligjore, tё emëruar nё pozicione drejtuese nё Policinë e Shtetit.”
Opozita u largua nga komisioni i Sigurisë Kombëtare duke u shprehur kundër një kontrolli parlamentar në Shërbimin Informativ të Shtetit.
Deputeti Flamur Noka tha se komisioni duhet të thërrasë Kodhelin dhe të mos merret me përralla dhe çështje antiligjore. Por mazhoranca miratoi e vetme vendimin, ndërsa Spartak Braho paralajmëroi se do të kërkojë masa ndëshkimore për deputetin Noka.
Noka: “Prej dy javësh kërkojmë seancë dëgjimore me ministren e Mbrojtjes, Kodheli. Shumica e alarmua rrëzoi kërkesën tonë për seancë dëgjimore me Kodhelin, ky është një precedent i rrezikshëm. Nuk mund të zhvillohen mbledhje të tjera për histori përrallash si kjo e sotmja pa u zhvilluar ajo me ministren e Mbrojtjes. Vendimi i mazhorancës për kontrollin e SHISH-it është i turpshëm”

Opozita largohet.

Braho: Dua të sqaroj jo komisionin por opinionin se Noka vazhdon me disinformime. Është për të ardhur keq. Dje theu dhe rregulloren dhe shkeli ligjin. Ndonëse mbledhja e djeshme kishte rëndësi të veçantë nxori të tëra materialet sekrete të nxjerra në komision. Do informoj Metën për shkleljen e rregullores.
Grupi i kontrollit me 5 deputetë
Pjesë e këtij grupi kontrolli të jenë 5-deputetë, anëtarë të këtij Komisioni dhe përkatësisht 3 nga maxhoranca, Pirro Lutaj, Xhemal Qefalia dhe Pjerin Ndreu dhe 2 nga opozita, e cila braktisi mbledhjen, duke mos pranuar ngritjen e këtij grupi dhe duke mos propozuar emra deputetësh për këtë grup kontrolli.

ORA News

[Xhuxhumaku]

317 informacione nga SHISH? Ndreu: Janë pa vlerë, asnjë i arrestuar prej tyre

Nga Redaktor {24/04/2014}

Pjerin Ndreu, anëtar i Komisionit të Sigurisë dhe i grupit të kontrollit në SHISH pohon se loja me shifrat pjerin-ndreu26është diletante dhe pa sens. “Asnjë nga ngjarjet e zbuluara nuk ka rrjedhur nga informacionet e SHISH”

Zoti Ndreu, kreu i SHISH-it raportoi dje në komision se i kishte dërguar Policisë së Shtetit 317 informacione dhe se vetëm në 2 shkresa kishte të dhëna për 15 persona të implikuar në trafik tritoli. Ministri i Brendshëm ka thënë ndërkohë se ka pasur vetëm 1 informacion nga SHISH lidhur me shpërthimet me tritol. Si qëndron e vërteta? Kush gënjen për këtë çështje, kreu i SHISH-it apo ministri Tahiri?

Së pari dua të theksoj se nuk jam në dijeni të numrit të informacioneve, por ajo që duhet të vlerësohet është cilësia e tyre. Nëse shërbimi i SHISH-it ka dërguar shumë informacione, por ato nuk kanë vlerë, do të thotë se nuk kanë dërguar asgjë. Mendoj se loja me shifra informacionesh të dërguara është diletante dhe nuk ka sens. Asnjë nga informacionet e dërguara nuk bën fjalë për autorë të veprave penale të eksplozivëve, të cilat kanë qenë shqetësim kohët e fundit. Për pasojë, asnjë nga ngjarjet e zbuluara nuk kanë rrjedhur nga këto informacione. Në këtë pikë, mendoj se ministri Tahiri ka pasur të drejtë.

Përveç çështjes së tritolit, në seancën e së martës ka pasur diskutime edhe për çështje të tjera të sigurisë kombëtare, si trafiku i drogës dhe mbështetja e tij nga strukturat shtetërore. Si e vlerësoni rolin e Shërbimit Informativ mbi këto çështje dhe vetë raportimin e Visho Ajazit në komision?

Shërbimi i SHISH-it ka strukturat e veta dhe raportimi preku dhe këto çështje. Nuk është e udhës që të komentohen këto në publik, pasi konspiracioni është një tjetër element që i mungon në disa raste Shërbimit, çka ka sjellë dhe rrjedhje të informacioneve në publik.

Edhe pas raportimit të Visho Ajazit, Komisioni i Sigurisë vendosi të ngrejë një grup kontrolli për SHISH-in. Çfarë synoni të zbuloni në SHISH përmes kontrollit? A do të synojë mazhoranca, që përmes kësaj nisme të përgatisë terrenin për një zëvendësim të mundshëm të Visho Ajazit?

Ka të bëjë me një shkresë të Drejtorisë së Kundërzbulimit të SHISH, e cila kërkon të dhëna për pothuaj të gjithë strukturën drejtuese të Policisë së Shtetit. Gjë që është komplet në kundërshtim me ligjin. E para, nuk është objekt i kësaj drejtorie. E dyta, është e paligjshme që të ngresh alibi e paragjykime në grup për të gjithë strukturën. Kjo është një metodë e shëmtuar, e aplikuar nga ish-Sigurimi i Shtetit dhe ish-SHIK-u i Gazidedes. Shkurt, është një turp!

Një tjetër çështje interesante ka qenë Himara dhe tendenca për lëvizje separatiste nën shembullin e Krimesë, me ndarjen e re administrative. Si e gjykoni këtë shqetësim të kreut të SHISH-it mbi këtë çështje?

Nuk m’u duk se tha gjë me rëndësi në këtë pikë.

http://mapo.al/2014/04/317-informaci...uar-prej-tyre/

[Fleur Blanche]

Sa për të ardhë keq një deklaratë e tillë sepse, të shprehet kështu një përfaqësues i popullit dhe anëtar i komisionit të sigurisë, duke denigruar të vetmin Institucionin më të lartë dhe më të rëndësishëm në sigurinë kombëtare (praktikisht "Truri i Shtetit") bën atë që do donin armiqtë e vendit tënd të bënin. Është si të thuash, t'i lësh me pushime agjentët e huaj të vendeve kundërshtare që veprojnë në vendin tënd... sepse këtë punën e cënimit potencial të sigurisë, e bëjnë më mirë përfaqësuesit e popullit.

Së pari dua të theksoj se nuk jam në dijeni të numrit të informacioneve, por ajo që duhet të vlerësohet është cilësia e tyre. Nëse shërbimi i SHISH-it ka dërguar shumë informacione, por ato nuk kanë vlerë, do të thotë se nuk kanë dërguar asgjë. Mendoj se loja me shifra informacionesh të dërguara është diletante dhe nuk ka sens. Asnjë nga informacionet e dërguara nuk bën fjalë për autorë të veprave penale të eksplozivëve, të cilat kanë qenë shqetësim kohët e fundit. Për pasojë, asnjë nga ngjarjet e zbuluara nuk kanë rrjedhur nga këto informacione. Në këtë pikë, mendoj se ministri Tahiri ka pasur të drejtë.

Ishte vetë Tahiri që bërtiste me të madhe, se kishte info zero nga Shërbimi, në një kohë ku ky institucion raportonte vazhdimisht. Por tani që ua mbylli gojën Drejtori i SHISH, na del që s'paskan vlerë. Së pari nuk është në kompetencën e Ndreut, të shprehet mbi vlerën apo jo të informacionit aq më tepër kur ai as i ka lexuar, sepse nuk i takon as t'i lexojë duke qenë se destinacioni ka qenë për MB, dhe s'i lejohet askujt tjetër të paautorizuar të bie në konktakt me 'të, lëre pastaj të shprehet mbi hamendësime boshe mbi vlerën e tyre. Së dyti, s'është vetëm SHISH që duhet të merret me këtë punë siç iu hodhën të gjithë... po policia e shtetit për çfarë është? po prokuroria dhe policia gjyqësore për çfarë është? njësitë e tjera hetimore për çfarë janë? për të rritur edhe më shumë barkderrllekun që i karakterizon janë këta?! - për këtë janë?!
Së treti dhe më e rëndësishmja, SHISH sipas ligjit, ka kompetenca vetëm informuese, se çfarë bëjnë organet që informohen mbi një problematikë të caktuar që informohen, është tërësisht përgjegjësia e tyre. Në këtë mënyrë, zbardhja e mëtejshme e ngjarjeve kriminale i takon policisë së shtetit dhe prokurorisë.

Edhe pas raportimit të Visho Ajazit, Komisioni i Sigurisë vendosi të ngrejë një grup kontrolli për SHISH-in. Çfarë synoni të zbuloni në SHISH përmes kontrollit? A do të synojë mazhoranca, që përmes kësaj nisme të përgatisë terrenin për një zëvendësim të mundshëm të Visho Ajazit?

Ka të bëjë me një shkresë të Drejtorisë së Kundërzbulimit të SHISH, e cila kërkon të dhëna për pothuaj të gjithë strukturën drejtuese të Policisë së Shtetit. Gjë që është komplet në kundërshtim me ligjin. E para, nuk është objekt i kësaj drejtorie. E dyta, është e paligjshme që të ngresh alibi e paragjykime në grup për të gjithë strukturën

lol, po si qenka në kundërshtim me ligjin të kërkohen të dhëna? a nuk veprojnë vallë gjithë shërbimet sekrete të sigurisë në bazë të të dhënave?! ato janë arsyeja pse e ekzistojnë këto shërbime.
Në një kohë ku edhe vetë Drejtori i ShISh, shprehet se trafiku i drogës mbështetet nga struktura të rëndësishme shtetërore (dhe këtë ia merr mendja edhe njeriut të thjeshtë) është gjëja më normale që kjo drejtori e degës së narkotikëve, kërkon të dhëna nga efektivët e rinj nëse kanë lidhje me trafikun e drogës. Do ishte në kundërshtim me ligjin sikur mos të vepronte kështu.

Kjo është një metodë e shëmtuar, e aplikuar nga ish-Sigurimi i Shtetit dhe ish-SHIK-u i Gazidedes. Shkurt, është një turp!

Është për të ardhë keq, që ende sulmohet i ndjeri Gazidede, në një kohë kur për hir të së vërtetetës ka qenë njeri tejet korrekt në punën e tij por, si gjithmonë të ndershmit në vendin tonë baltosen dhe adhurohen batakçinjtë. Mjafton të përmendet edhe vetë një fakt i vetëm, ku ishte Gazidede që informonte dhe vinte alarmin vazhdimisht mbi firmat piramidale që po kërcënonin vendin, madje ka çuar çështje në gjykatë duke i paditur këto firma dhe ka fituar gjyqet ndaj tyre por, nuk ia vinte veshin njeri... dhe e nxorën si të keqin e historisë. Gazidede ka qenë nga një ndër familjet më të mira dibrane dhe njeri i ndershëm në punën e tij dhe, i respektuar në rrethin akademik.

Sërish ndjej keqardhje sesi sulmohet Insititucioni më i rëndësishëm i Sigurisë, në një mënyrë që as armiqtë tanë nuk e bëjnë në formë kaq agresive...!!! Kur do fillojnë ta duan këtë vend këta njerëz?!!!