KRYEMINISTRI NANO, I RREZIKSHEM
Kryeministri aktual shqiptar po grumbullon pushtet ne menyre te frikshme. Prej muajsh partia e tij dhe krejt mediumet oponente dhe jo te tilla i meshojne faktit se kabineti i tij jeton ditet e nje qeverisjeje vanitoze, pa kreativitet dhe aftesi administruese. Ne kete gjendje dhe nen friken se ndryshimet e cojne ne "fije te perit", Kryeministri Nano dinakerisht pakeson ditet e mbetura per ne zgjedhjet e reja lokale dhe me tej, drejt kongresit te Partise. Per shkak te pakesimit te diteve, qeveria e tij po investon shperqendrim vemendjeje te opinionit politik duke kryer riperseritje perurimesh ne objekte dhe pjese te infrastruktures. Nga ana tjeter, brenda PS-se po dominon lodhja, bezdisja prej kesaj qeverie dhe prej tekave te pambarimta te kryetarit, i cili veshtire se do te gjeje moment per nje bilanc varfanjak te kryesimit prej tij te ekzekutivit. Ne kete varferi kabineti, (por jo vetjake), dhe nen moton e grumbullimit te pushtetit, kryeministri-kryetar, Nano, ka nisur gjate oreve te fundit nje ofensive komunikimesh indirekte me posedues te mediave dhe botues. Ne te vertete, eshte ofensive e kercenimeve dhe e presioneve te drejtperdrejta. Kryeministri po shnderrohet ne nje protagonist trafiku influencash ne shume aspekte. Ne menyren me flagrante ai po u pergjigjet interesave makute te ndonje poseduesi mediash, te cilin e rrethon nje mori ndermarrjesh e brigadash qe huazojne fadroma e perpijne tendera. Nga ana tjeter, Kryeministri ka vene ne levizje nje skote sejmenesh dhe servitoresh per te kercenuar botues e editore, per te qene ata ne "vijen e duhur" me Shefin. Taktika "Nano" eshte me e eger se ish-realiteti Berisha. Per interesat e veta, kryeministri-kryetar po perdor te gjitha mekanizmat bllokuese, po vret "me silenciator" fjalen dhe mendimin e lire ne vend dhe po ushtron ne menyre te sofistikuar censuren shteterore mbi realitetin mediatik te vendit. Zoti Nano ne kete marredhenie po demonstron sjelljen antivlere te nje kryeministri. Aq i zellshem po tregohet ne kete ofensive, sa Kryeministri nuk e ka problem te flase me gjuhen e kryepolicit ndertimor, te flase me gjuhen e kreut te tatimeve dhe te kryetenderuesit. I okupuar nga ky angazhim dhe i rene ne kete energjishpenzim, zoti Nano nuk po veren se ka paralizuar mjaft sektore te qeverise, te qeverisjes dhe institucioneve fondamentale te vendit. Ky protagonist i vjeter po promovon nje rol te ri me permbajtje te vjeter. Po shton pushtet per te blere mediat, po hedh firme per te shitur fjalen e vet dhe fsheh vendime per te mbuluar pagesat mediatike permes tenderave zyrtare. Ne kete rol te ri, zoti Nano po tejkalon cdo precedent shkeljeje dhe po krijon variantin e tij te paimitueshem: ate te kryetarit-kryeminister qe po perdor vendin dhe te gjitha pushtetet e rendit demokratik per veten e vet dhe mbipeshen e vet.
Koha Jone
Krijoni Kontakt