Gjakova po kruhet.

[Brari]

Tropoje..Balkanweb
...............
TROPOJE (18 Maj) - Ngjarjet e fundit në Tropojë, "detyrojnë" krerët e policisë shqiptare të instalojnë në rrethin verior problematik, superforcën e tyre speciale, repartin "RENEA". Sipas drejtorit të përgjithshëm të Policisë së Shtetit, gjeneralit Bilbil Mema, ky repart superspecial do të qëndrojë aty për një kohë të pacaktuar, derisa të realizojë kapjen e personave shumë të kërkuar që vazhdojnë të veprojnë duke kryer akte të rënda kriminale në këtë zonë. Nuk bëhet fjalë për vrasës "ordinerë", as për "persona në kërkim", që kanë plagosur apo vrarë në mënyra individuale. Pritet të goditen pikërisht ato grupe që prej 5 vitesh, kanë realizuar zinxhirin e gjaktë më të paprecedent jo vetëm në Shqipëri, nëpër të cilin kanë ngelur të vdekur më shumë se 20 persona.
Operacioni
Edhe pse forcat speciale të Ministrisë së Rendit Publik, kanë një javë që kanë mbërritur në qytetin e drobitur nga krimi, Bajram Curri, duket se operacioni për kapjen dhe parandalimin e rinisjes së një gjakderdhje të vjetër prej 5 vitesh, është përpiluar me kujdes kohë më parë. Bëhet fjalë për ndërprerjen e rinisjes së gjakderdhjes së madhe realizuar gjatë 5 viteve të fundit në Tropojë, e shtrirë edhe më tej që prokuroria e ka pagëzuar me emrin "Dosja Tropoja". Sipas burimeve të besueshme brenda Ministrisë së Rendit Publik, pas një pauze të gjatë familjet që janë futur në hasmëri që prej vrasjes së Shkëlqim Haklajt, (hakmarja për të cilin arriti kulmin me ekzekutimin e deputetit Azem Hajdari, sipas prokurorisë), kanë rinisur luftën. Njerëzit që kryejnë atentatet lëvizin nëpër rrethin e Tropojës dhe drejt Gjakovës lirishëm dhe të armatosur. Të gjitha palët kanë plane për të vazhduar hakmarrjen jo vetëm ndaj vrasësve të drejtpërdrejtë, por edhe ndaj njerëzve të pafajshëm të fiseve që janë në hasmëri, thekson burimi. Gjithsesi jo vetëm nga policia, por edhe mga kalamajtë e Tropojës, dihen bazat e tyre në rrethin verior. Ka qenë pikërisht kjo situatë "gjithmonë në shpërthim", që ka detyruar krerët e policisë të nisin aty një operacion me afat të gjatë nëpërmjet elitës së Forcave Speciale. Objektivi është goditja e të gjithë atyre personave që kanë vrarë dhe janë të pregatitur të vrasin, brenda zinxhirit më të përgjakur dhe të dhimbshëm që njeh Shqipëria, "Dosja Tropoja".
Rinis lufta
Edhe pse prej kohësh, dukej se kishte heshtur hakmarrja mes fisit të Haklajve me të gjithë ata që dyshoheshin se kishin eliminuar, Shkëlqimin, Halilin, Fatmirin, Yllin dhe shumë pjesëtarë të tjerë, më 2 prill (sipas njoftimit zyrtar të policisë), është rishfaqur Zylfie Haklaj, motra e vogël e tyre. Ajo ka ekzekutuar, në qendër të Bajram Currit, vetëm 100 metra larg Komisariatit të Policisë, Rasim Lumneshin dhe Ilir Kosturanin dhe plagosi dy të tjerë. Ngjarja e bujshme vërtetoi se hakmarrja kishte rinisur dhe një luftë "e re" ishte hapur për të njëjtat motive që tashmë policia së bashku me prokurorinë së fundi nuk ngurojnë t'i deklarojë. Rreth një muaj më pas, mëngjesin e 8 majit realizohet kundërpërgjigjia mbi fisin Haklaj. Ekzekutohen dy persona që "nuk ishin përzier" dhe që gjatë gjithë këtyre viteve gjakmarrje, kishin lëvizur lirisht nëpër Bajram Curr. Vritet Elez Haklaj (i përmendur në gjyqin Hajdari) dhe djali i tij Cen Haklaj. Ngjarja bëri bujë mes tropojanëve dhe krerëve të policisë, jo thjesht për faktin se u vranë dy persona...Lufta jo vetëm që ka rifilluar, por edhe është zgjeruar tek "të papërzierit" e familjeve dhe fiseve që kanë varrosur gjatë këtyre 5 viteve dhjetëra kufoma. Informacionet e shumta dhe frika se përsëri për "të njëjtën" çështje do të ketë prapë atentate, duket se ka detyruar policinë të istalohet "fort" në Tropojë. dxh/an (Gazeta Shqiptare/BalkanWeb)
............................

Ja c'thuhet mes tjerash aty:
". Njerëzit që kryejnë atentatet lëvizin nëpër rrethin e Tropojës dhe drejt Gjakovës lirishëm dhe të armatosur. Të gjitha palët kanë plane për të vazhduar hakmarrjen jo vetëm ndaj vrasësve të drejtpërdrejtë, por edhe ndaj njerëzve të pafajshëm të fiseve që janë në hasmëri, thekson burimi."

Komenti im..

Gjakova e cila ndodhet pak kilometra ne vij ajrore nga Tropoja akoma nuk po e kupton se cfar po e pret.
Vrasjet ne Tropoje qe kane per regjisor Fatos Klosat , Luan Pobratat e Xhavit Halitat te cilet udhezohen nga Nanot kane marre e do marrin qindra jete.
Vrasesit kryejne krimin dhe dalin ne Tiran ose Gjakove dhe mbasi marrin "qeset e premtuara me flori" presin ikjen mbrapa diellit ose udhezimet e shefave per vrasje te tjera.

Per Fat te keq qyteti i respektuar i Gjakoves po behet prej disa vitesh streh e ketyre vrasesve.
Atje u strehuan per shume kohe JAHO SALIHI e Fatmir Haklaj etj etj.
Kjo nuk e nderon Gjakoven. Te strehosh vrasesit e Vllezerve te tu eshte e pa moralshme dhe kriminale.
Gjakovare te nderuar mendohuni mire se po hyte ne dore te Sigurimit te PPSH-se nuk shpetoni kollaj. Vjen nji dite qe papritur e kuptuar mund te perfshiheni pa deshiren tuaj ne nji zinxhir vrasjesh qe nuk do i dihet fundi...
Gjakovare qytetare larg atyre plehrave ne mesin tuaj qe jane prej dekadash vegla te UDB-se ose PPSH-se.
Larg nga disa katundare te rrethit tuaj qe per DojcMarka bejne te 99-tat duke filluar nga Trafikimi i drogave , prostitutave e deri tek strehimi dhe transportimi i krimineleve te Sigurimit te PS-se ne vende sekrete drejt Europes e Amerikes....Kujdes!

Zoti vonon por nuk harron..

[illiriani]

Keto shkrime qe hidhen e perdridhen rretherrotull dhe gjuhen ne Gjakove, nuk iu pin uje, sepse Gjakova as qe ishte ne zinxhirin e UDB-se as te PPSH-se, pro krenare qendroi gjithmone gjate te gjitha koheve historike - per ate edhe pesoi shkaterrimin me barbar e luften e Kosoves 1998-1999 - ku sot jane te zhdukun ma shume se 800 shqiptare vetem nga Gjakova me rrethe. Ata qe perpiqen ta gjuajne gurin e tradhetise mbi Gjakove, tue fute edhe spica ne mes Gjakoves e rretheve te saja - kot e kane, se tradhetoret e kriminelet, as edhe gjate 50 vjeteve te shkuara ne Gjakove nuk pine uje!

Ne Gjakove mund te pijsh gjak e jo uje!

Gjakova eshte rruge e gjate gjaku, qe s'i ka prite po i ka percjelle
me bisht nder kembe te gjithe ata qe ia kurdisen varrin shqiptarise, deri tek pushtuesit ma te egjer!

Os te mendoj dikush qe i pine uje thika e hakmarjes e vllavrasjes ne Gjakove dhe mos ia hudhni sterpiket e krimeve te paskrupullta
edhe Gjakoves -sepse kur Gjakova kruhet - shkruhet fati i Kosoves e shqiptarise!

Ballkanwerbat le te shpurdhin tjeterkah ne burimet e krimeve!

Guximi