Fotoja fatale që gozhdon gardianët grekë
Prokurori grek lëshon 8 urdhër-arreste për torturat deri në vdekje të 42-vjeçarit shqiptar. Dyshime se Kudret Kume u dhunua në burgun e Nigritës pas heqjes së kamerave të sigurisë. Hetimi ka në dorë pamje, kur shqiptari tërhiqej zvarrë në korridorin e burgut
Prokuroria greke ka urdhëruar arrestimin e të paktën tetë personave të konsideruar si përgjegjës për vrasjen e të FOTOJAburgosurit shqiptar, Kudret Kume, i njohur në Greqi si Ilia Kareli. Urdhër-arrestet janë lëshuar nga prokurori i Amfisas, Niko Antonarakis, ndërsa policia greke ka mundur të arrestojë tre prej të dyshuarve. Ata janë gardianë të burgut të Nigritës, aty ku dyshohet se është dhunuar barbarisht 42-vjeçari shqiptar, i cili u gjet i vdekur në qeli si pasojë e dhunës së ushtruar. Policia greke tha se është urdhëruar arrestimi i të paktën pesë personave të tjerë, të gjithë roja në burgun e Nigritës, aty ku Kareli u transferua pas vrasjes së një gardiani në burgun e Malandrinos. Mes personave të cilët do të arrestohen si përgjegjës për ngjarjen është edhe komandanti i rojave të sigurisë së brendshme të burgut të Nigritës, Hari Konsolidi, i cili ndodhet në spitalin psikiatrik të Serresit që prej dy ditësh. Të arrestuarit dhe gardianët e shpallur në kërkim akuzohen nga prokuroria greke për torturë me pasojë vdekjen, plagosje të rëndë dhe dëmtime të rënda të qëllimshme. Në këtë përfundim ka arritur prokurori Antonarakis, pas mbledhjes së provave mbi vdekjen tragjike të 42-vjeçarit shqiptar. Por nga hetimet nuk janë përjashtuar as grupi i policëve që kreu shoqërimin e shqiptarit nga burgu i burgu i Malandrinos drejt gjykatës dhe më pas kthimin në qelinë e burgut të Nigritës. Sipas shtypit grek, në hetime mbeten të përfshirë oficerët e burgut, të policisë, rojet dhe njerëzit që patën kontakt me të burgosurin në datat 25-27 mars. Mediat greke raportojnë se shqiptari Kareli fillimisht është rrahur nga oficerët e burgut në Malandrinos menjëherë pas vrasjes së gardianit Jorgo Cironis, ndërsa mendohet se tortura ka vazhduar gjatë transferimit, por edhe në burgun e Nigritas. Megjithatë, ka pamje filmike që tregojnë se Ilia Kareli shkoi me këmbët e veta nga burgu i Malandrinos në gjykatë dhe më pas në burgun e Nigritës, gjë që dëshmon se rrahja më e egër mund të jetë bërë në burgun e Nigritës. Sipas gazetës “Kathimerini”, janë gjetur prova që implikojnë në rrahje njerëzit e burgut të Nigritas, para se në qelinë e Karelit të vendoseshin kamera. Ka disa materiale filmike që tregojnë se rreth orës 18:30 të së enjtes së kaluar, jashtë qelive, rojet e burgut e marrin zvarrë Karelin, i cili duket se është i pavetëdijshëm. Policët që dorëzuan Karelin në burgun e Nigritës kanë deklaruar se oficeri që e mori në dorëzim, nuk dukej në humor të mirë. “Ende pa marrë firmat e dorëzimit, Karelin e futën në një qeli ku hynë edhe disa gardianë, dhe me sa duket ,bëhet fjalë për qelinë ku kamerat janë vendosur shumë më vonë”, citon shtypi grek dëshmitë e policëve. Në bazë të dëshmive dhe provave të tjera, prokuroria greke pritet të zbardhë të vërtetën e ngjarjes, ku si pasojë e dhunës mbeti i vrarë shqiptari Kudret Kume, i njohur ndryshe si Ilia Kareli. Dhuna e ushtruar ndaj tij është konfirmuar nga mjekët grekë, por edhe nga Instituti i Mjekësisë Ligjore në Tiranë, ekspertët e të cilit kryen autopsinë e 42-vjeçarit shqiptar. Sipas të dhënave paraprake rezulton se shkaku i vdekjes së shtetasit shqiptar është dhuna e ushtruar ndaj tij.
Gardianët nën akuzë
Hari Konsolidi
Evangelos Anagnostopoulos
Stefanos Karagiannis
George Fr.
Argyris Baliou
Constantine Ho.
Dimitri Almanidi
Alexander Lalioti
MAPO
Krijoni Kontakt