Trafikimi i ikonave shqiptare

[Brari]

Balkanweb.

...................
Vlorë: Misteri i ikonave, ishin në drejtim të Italisë
Lajmi i ores 8:30 AM



"Guardia di Finanza" VLORE (18 Maj) - Policë shqiptarë dhe punonjës të Guardia di Financës italiane të përfshirë në trafik ikonash dhe veprash të tjera arti me vlerë. Kjo është ajo çka po mundohet që të zbardhë dje pak para mesditës policia. Një trajler i plumbosur që kishte pesë ditë që priste të nisej në drejtim të Italisë i ka bërë "çorbë" struktura dhe organizma të tëra të shtetit tonë dhe atij italian.
Përfshirja apo, të paktën, dhe "lakimi" si të përfshirë në trafik veprash arti të dy punonjësve të Guardias, ka "ngritur në këmbë" një grup të madh hetimi për të zbardhur sa më shpejt gjithë ngjarjen. Pasditen e djeshme janë shoqëruar në polici shoferi i trajlerit dhe një punonjës i Policisë Kufitare të Durrësit. Ndërkohë për dy punonjësit e Guardias do të vendoset më vonë dhe pas përcaktimit të vlerës së "mallit" të gjetur. .

Gjetja e veprave më vlerë
Dje rreth orës 11 në portin e Vlorës, pas një sinjalizimi të bërë nga ana e policisë së portit të këtij qyteti dhe doganës së Vlorës, forca të policisë së drejtorisë së qytetit jugor kanë ushtruar kontroll në makinën me targa Vl 4126 B dhe në trajlerin me targa AA 04204, me shofer shtetasin Ilia Hudhra. Burime pranë policisë së Vlorës kanë bërë të ditur dje për Gazetën, se në trajler janë gjetur vepra arti me vlera etnografike-historike. Sipas shpjegimeve që ka dhënë shoferi, "malli" me vlerë ishte ngarkuar në një magazinë në qytetin e Krujës. Dokumentacioni për gjithë mallin figuronte në emër të firmës ARTI Sh.p.k. me pronar Ylvi Mehjën dhe me qendër në Shkodër.
Hetimi
Menjëherë pas gjetjes së veprave të artit, në vendngjarje kanë mbërritur forca të policisë dhe një grup hetimi, i cili ka filluar nga verifikimi. Sipas burimeve zyrtare të policisë së Vlorës, trajleri me veprat e artit kishte pesë ditë që rrinte në portin e Vlorës, gati për t'u nisur për në Bari. Për këtë makinë paraditen e djeshme në portin e Vlorës ka mbërritur dhe një makinë me targa diplomatike italiane, nga e cila kanë dalë dy punonjës të Guardia di Financës me emrat Mikele dhe Trimpoli, që vinin nga Durrësi dhe oficeri i Policisë Kufitare të Durrësit, Gëzim Myhipaj. Sipas asaj çka është zbardhur, deri tre të ardhurit nga Durrësi janë përpjekur që të ndërhyjnë për nisjen e trajlerit në drejtim të Italisë. Por roli i tyre duket se nuk kishte filluar dje. Burime nga grupi i hetimit bëjnë të ditur se oficeri shqiptar dhe dy ilalianët janëparë me një fuoristradë të Guardia di Financës dhe kanë qenë prezent gjatë kohës kur është ngarkuar malli në Krujë. Pas ngarkimit të gjithë sasisë së sendeve me vlerë, ata kanë fjetur një natë në Fushë-Krujë dhe të nesërmen kanë plotësuar dokumentet dhe kanë plumbosur nga një doganier i Shkodrës trajlerin ku kishin vënë veprat e artit. Po sipas të njëjtave burime, mes sendeve të gjetura ka pasur qypa, djepe të vjetër, sëndukë... Hetimi për ngjarjen e djeshme do të vazhdojë dhe në ditët në vazhdim, ndërkohë që mbrëmë në drejtim të Vlorës janë nisur një grup ekspertësh nga Instituti i Monumenteve për të përcaktuar nëse hyjnë në radhën e antikuariateve veprat e artittë gjetura në trajler.
Përplasje
Ngjarja e djeshme e Vlorës duket se ka krijuar jo pak përplasje, aq më shumë se në mes mund të ishin dy punonjës të Guardia di Financës. Për shumë orë askush nuk ka dashur të fliste për veprat e artit të gjetura dhe për implikimet dhe masat që mund të merreshin. Ndërsa pasdite dhe në orët e vona të mbrëmjes së djeshme të dhënat jepeshin me jo pak rrethana lehtësuase, sidomos për dy shtetasit italianë, mbiemrat e të cilëve, megjithëse nën hetim, "t'i vrisje", nuk i "kujtonte" askush. Sipas burimeve zyrtare, makina dhe trajleri kishin tri ditë që rrinin në port, ndërsa, sipas policisë së Vlorës, kishin vetëm dy ditë që gjendeshin aty. dxh/an (Gazeta Shqiptare/BalkanWeb)
.................................

Nuk na kan xhan kot ne socialistave keto Limprehtat e Botes. Dhuratat dhe mbreti i pranon.

[Brari]

Italianet, hajdutet e ikonave
Zenepe Luka Vlore - Kontrabande italiane me veprat e artit. Policia e Vlores bllokoi nje maune me objekte etnogafike, ndersa shoqerohen ne komisariat drejtuesi i mjetit dhe shoqerues. Sipas drejtuesve te policise se portit, ka qene ora 12 e mesdites se premte, kur maunia me targe VL 41 26 b dhe trajleri me targe AA O4 2004, ka kerkuar te futet ne port pasi do te udhetonte me tragetin e linjes drejt Brindzit. Pasi eshte kontrolluar, uniformat blu kane konstatuar vlerat kulturore dhe kane bllokuar mjetin duke e vene ne ruajtje ne ambjentet e FNSH. Behet fjale per rreth 50 objekte si ikona, e objekte skulpture qe mendohet te jene marre nga muzeumet shqiptare per tu "sistemuar" ne Itali. Kreu i policise se Vlores nkolonel Neritan Nallbati ka deklaruar per "KJ" se "ka dyshime te mundeshme qe na cuan ne bllokimin e mjetit dhe se do te behen verifikimet e nevojshme me Ministrine e Kultures. Nga ana jone thirrem ne ndihme edhe eksperte kompetente, sikurse ishte drejtori i Muzeut te Vlores, qe dha mendimet e tij rreth ketyre vlerave. Do te jete Ministria e Kultures ajo qe do ti jape rruge problemit", ka perfunduar Nallbati. Burime te tjera te sektorit te krimit ekonomik jane shprehur se kemi te bejme me nje license te dhene nga nje keshilltar i ministrit te kultures, ndersa eshte kompetence e vete Ministrit. Ka te ngjare qe keto objekte te sherbejne si biznes i fuqishem, duke varferuar vlerat kulturore te vendit tone. Eshte kjo aresyeja qe kane nisur hetimet rreth ketij rasti qe eshte shfaqur rralle ne portin e Vlores.

Per lajmin e bujshem i kerkuam prononcim drejtorit te Muzeut Etnografik te Vlores, Novruz Barjami

Ishte nje numer shume i madh objektesh etnografike, me vlera te rendesishme kulturore nga shume krahina te vendit. Numeroheshin 50 sepete, te punuara bukur me motive popullore, dhjetra qypa te medhenj prej qeramike qe peshonin deri ne 2 kv si dhe objekte te tjera qeramike me vlere. Si specialist e njeri qe vleresoj e me dhimset kultura e vendit tim, jam i shqetesuar per kete arbitraritet, pasi nuk eshte hera e pare qe ikin keto vlera. Ato nuk jane vjedhur ne Muzeun e Vlores, nuk di ne muze te tjera, por kjo vlere, pasuri e kombit, qofte e marre edhe neper persona private, nuk duhet lejuar te kaperceje kufijte dhe dikush duhet te pergjigjet per kete lloj trafiku te kultures. ka qene reagimi i drejtorit te muzeut Nevroz Barjami. Nderkohe mesohet se nga Ministria e Kultures jane nisur specialiste drejt Vlores per te sqaruar gjithcka rreth ketij problemi, nese kemi te bejme me trafik te vlerave apo korrupsion te Ministrise se Kultures, qe autorizon persona te dyshimte per tregtimin e ketyre vlerave ne Itali. Mesohet se trajleri, koka e maunes, eshte e nje pronari italian, ndersa maunia i perket nje vlonjati.
KJ