Kryeprokurori: Organizatoret e 21 janarit fituan amnisti nga ligji i vitit 2012

[benseven11]

I pranishëm në analizën vjetore të Policisë së Shtetit,
kryeprokurori Adriatik Llalla ka folur edhe për “21 janarin”.
Ai e ka cilësuar këtë si një çështje shumë komplekse,
ku ende nuk është zbardhur një prej vrasjeve,
si dhe veprimet e dhunshme të policisë.
Me të drejtë partnerët tanë ndërkombëtarë ngrenë çështje që kërkojnë zgjidhje nga institucionet shqiptare, ku përmendet gjerësisht rasti “21 Janari”. Kjo çështje komplekse ka disa dimensione.
Së pari, një pjesë e hetimit, ajo që ka të akuzuar konkret, tashmë është dërguar për shqyrtim në Gjykatën e Lartë.
Së dyti, për personat e akuzuar si organizatorë të protestës së “21 Janarit” është pushuar çështja, për shkak të amnistisë së vitit 2012.
Së treti, ajo që është pjesa më e rëndësishme në këtë diskutim, janë faktet ende të pazbardhura për njërën prej vrasjeve dhe veprimet arbitrare të ushtruara nga ana e policisë kundër protestuesve.
Siç jeni në dijeni, për zbardhjen e këtyre elementëve të hetimit ka një angazhim të Prokurorisë së Përgjithshme. Pak javë më parë janë zhvilluar analiza të detajuara në bashkëpunim me Policinë e Shtetit, të cilat janë karakterizuar nga vullneti i përbashkët për të arritur në përgjegjës konkretë. Organi i Prokurorisë, krahas hetimeve të saj, ka lënë edhe detyra konkrete për strukturat e policisë gjyqësore për zbardhjen e të gjithë veprimeve anti ligjore.
Duhet të theksoj se hetimi është gjithë përfshirës, ku përfshihen edhe ato pikëpyetje, për të cilat ka ndjeshmëri të lartë në media dhe në opinionin publik”, tha Lalla.
Pavarësisht se më 21 janar u vranë katër persona, në burg nuk përfundoi askush. Gjykatat i arsyetuan vrasjet e Ndrea Prendit dhe Agim Llupos me pakujdesinë.

[murik]

Nje vrime ne uje do besh edh ti or mik

[Albo]

Së dyti, për personat e akuzuar si organizatorë të protestës së “21 Janarit” është pushuar çështja, për shkak të amnistisë së vitit 2012.

Hajde drejtesi ligjore hajde!

I hetojme, arrestojme, denojme, burgosim pjesetaret e Gardes se Republikes qe ishin ne krye te detyres kushtetuese ne 21 janar, dhe u japim "amnisti" ligjore organizatoreve te sulmeve te dhunshme ndaj Kryeministrise.

Ky nuk e ka emrin shtet ligjor, ky e ka emrin shtet tribu!

Albo