-
Mëshira e njerëzimit - Muhammedit (a.s.)
MËSHIRA E NJERËZIMIT
(Muhammedit a.s.
Në përvjetorin e lindjes)
Lavdia të qoftë përherë o i Madhi Zot
Për krijesën më të përsosur në gjithësi,
Për Muhammedin (a.s.) që lindi sot
Shembulli më i shkëlqyer për njerëzi.
Lavdia të qoftë gjithmon o i Madhi Zot
Për këtë ditë- lindje vërtet të bekuar,
Nga mallëngjimi kemi gaz edhe lot
Në këtë ditë të bardhë, vërtet të madhëruar.
Ai na mësoi Fenë Islame e Kur’anin
Që janë Drita dhe Fjala e Jote,
Na urdhëroi të duam Atdheun-Vatanin
Djepin e qëndisur të kësaj bote.
Ai ia mbylli të gjitha dyert errësisë
E varrosi çdo besim të rremë, të kotë,
Pishtar i pashuar i mbarë njerëzisë
Me besimin e pastër, të vërtetë, në një Zot.
Ai mposhti urrejtjën-ndezi dashurinë
Urdhëroi vetëm mbarë për të vepruar,
Kudo që t’a gjejmë t’a marrim diturinë
Se vetëm ajo ka për t’na lartësuar.
Të lutem bekoi o i Madhi Zot
Muhammedin dhe Familjen e Tij,
Shokët, shehidët, për jetë e mot
Dhe të gjithë besimtarët e rinj.
Për ty o Muhammed i Lavdëruar
Salavate e selame të dërgojmë gjithë jetën,
Se rrugën e shpëtimit na ke ndriçuar
Me besnikëri na përcjelle të Vërtetën.
Mexhid YVEJSI, Gjakovë
Shënim: I pari që ka shkruar poezi për Muhammedin (a.s.) është Hassan ibn Thabit ( حسن بن ثابت ) një nga shokët e Muhammedit (a.s.), poet, ka jetuar 120 vjet, gjashtëdhjetë vjet para se të bëhej musliman dhe gjashtëdhjetë si mysliman. Për vargjet e tij ai tha:
”Nuk vlersova Muhammedin (a.s.) me vargjet e mia, por vargjet e mia u vlerësuan me përmendjen e tij.
Hassan bin Thabit- Poeti i Hz.Muhammedit (a.s.)
-
Regullat e Postimit
- Ju nuk mund të hapni tema të reja.
- Ju nuk mund të postoni në tema.
- Ju nuk mund të bashkëngjitni skedarë.
- Ju nuk mund të ndryshoni postimet tuaja.
-
Rregullat e Forumit
Krijoni Kontakt