Cameron kërkesë BE: Të kufizohet lëvizja e lirë për vendet e Ballkanit
Kryeministri britanik, David Cameron do t`i kërkojë zyrtarëve të Bashkimit Europian që të kufizojnë lëvizjen e lirë për vendet e varfra, që do t’i bashkohen Unionit në të ardhmen. Lajmi bëhet me dije nga britanikja “The Indipendent”, sipas së cilës kryeministri Cameron do t’u bëjë apel liderëve europianë që të mësojnë nga gabimi i bërë me Rumaninë dhe Bullgarinë. Cameron pritet të thotë se: “Britania e Madhe do të mbështesë vetëm rregullat e zgjerimit, bashkë me rregullat strikte të emigracionit, duke vënë limite për qarkullimin e lirë të punëtorëve, për të vendosur një kapak mbi numrin e emigrantëve që hyjnë në vendet e BE-së çdo vit”. Një burim i Doëning Street tha se “Cameron ka 24 orë apo më shumë komunikim me udhëheqësit europianë dhe ai do të flasë për disa nga çështjet që ka në mendjen e tij dhe mbi prioritetet e tij”. Çështja nuk është në rendin e ditës, por do të diskutohet në detaje në sesionet formale të punës mbi vënien e pikave mbi të ardhmen e vendeve që duan të aderojnë në BE. Kjo vjen pasi kryeministri Cameron mori masa për të kufizuar të drejtat e rumunëve dhe bullgarëve, të cilët nga janari 2014 fitojnë të drejtën për punuar në Britaninë e Madhe. Por ky fakt pritet të hapë edhe njëherë debatin mes diferencave që shtetet e pasura dhe ato të varfra të Europës kanë me njëra-tjetrën. “The Indipendent” ka përmendur Shqipërinë dhe Serbinë, si vende të cilat janë në procesin e integrimit për në BE e ku pritet të kërkohen rregulla më t ashpra për marrëveshjen e lëvizjes së lirë. Një tjetër perceptim penalizues për vendet e Ballkanit Perëndimor është ai i nivelit ekonomik. Burimet e gazetës britanike kanë shtuar se kryeministri do të kërkojë që vendet të arrijnë një nivel të caktuar mirëqënieje, në mënyrë që të shfrytëzojnë të gjitha lehtësitë e lëvizjes pa viza në BE.
MAPO
Krijoni Kontakt