Kapet 891 kg droge ne Greqi. Pranga 3 shqiptareve.

[benseven11]

Policia greke ka sekuestruar 891 kg kanabis sativa dhe ka arrestuar 3 shqiptarë. Tre shqiptarët e vënë në pranga janë të moshës 29, 30 dhe 33 vjeç, ndërsa akuzohen për trafikim të lëndëve narkotike. Në një aksion, i cili kishte nisur prej muajsh, policia greke ka mundur të prangosë shqiptarët, të cilët kalonin në vendin fqinjë sasi të mëdha të kanabisit.

Një pjesë e drogës, sipas policisë, tregtohej brenda vendit, ndërsa pjesa tjetër duke përdorur kamionë dhe mënyra të tjera të fshehjes dërgohej në vendet e Evropës Perëndimore.

Policia ka identifikuar fillimisht dy anëtarë të organizatës kriminale, duke i mbajtur ata në mbikëqyrje, gjatë së cilës është identifikuar vendbanimi dhe vendi i fshehjes së drogës.

Droga është gejtur e paketuara në mënyrë hermetike, duke i vënë ato mes sasive të kafes dhe produkteve të tjera, me qëllim komplikimin e zbulimit të tyre nga qentë e policisë gjatë kontrolleve.

Policia ka sekuestruar 891 kg kanabis, një pajisje për paketimin hermetik, disa kuti, një makinë, një shumë parash 155 euro dhe shumë mjete të tjera që shërbenin për përgatitjen e drogës për transport. Materialet i kanë kaluar Prokurorisë së Athinës, ndërsa policia vazhdon punën për identifikimin e personave të tjerë të përfshirë në rrjet.