Rama: Do rrisim taksat, heqim taksen e sheshte vendosim taksen progresive

[Albo]

Rama: Gjendja ekonomike, me e vështirë nga sa e prisnim. Mbajmë premtimet, rishohim taksimin

TIRANE- Për të sjellë në rregull librat e llogarive dhe për të pastruar llogaritë e trashëguara na duhet të rishikojmë sistemin tonë të taksimit. Kështu u shpreh kreu i qeverisë, Edi Rama në mbledhjen e Këshillit Ekonomik Kombëtar, nga ku tha se vendit i duhet një taksim i ndershëm.
“Kush fiton më pak paguan më pak, kush fitonë më shumë, paguan më shumë dhe për 95% do të ketë ulje taksash. Së dyti, ne e kemi thënë më parë dhe sigurisht do t’i qëndrojmë edhe këtij zotimi se, do të kërkojmë më shumë nga kompanitë. Taksa e sheshtë 10% për ne nuk përmbush as qëllimin për të cilin është vendosur dhe as, aq më pak, qëllimin tonë për një sistem taksimi të ndershëm, në kushtet kur duhet të përballemi në një mal me borxhe që kemi para rrugës tonë, dhe duhet ta heqim nga rruga jonë dhe njëkohësisht në kushtet kur duhet të konsolidojmë sistemin tonë të taksimit të ndershëm. Taksa 10% ka qenë fasadë pas së cilës 95% janë ndeshur me një forcë abuzive që forcërisht i ka detyruar të paguajnë më tepër, për llogari të pushtetit, korrupsionit, apo paaftësisë.”- tha Rama.
Në krye të fjalës së tij, kryeministri Edi Rama tha se me ardhjen në pushtet e dinim se rruga për të rimëkëmbur ekonominë do të ishte e përpjetë, por fakt ështe, theksoi ai, se ajo është ende më e përpjete se sa e parashihnim.
Kryeministri tha se qeveria e mëparshme ka qenë e papërgjegjshme, me një program butaforik investimesh, ngritur mbi borxhe dhe një administrim të papërgjegjshëm të të ardhurave. Megjithatë, theksoi ai, qeveria jonë do të punojë me njerëzit dhe për njerëzit që ta forcojë ekonominë, pasi ne jemi një qeveri e përgjegjshme, dhe nuk do tu ikim përgjegjësive tona.
“Unë jam këtu për t’ju thënë të gjithëve se kjo qeveri është këtu për t’i zgjidhur problemet e trashëguara dhe për të ndërtuar hap pas hapi rrugë arritjesh të reja për shqiptarët. Ne nuk jemi këtu për të lënë pas të papërfunduar projektet që kemi trashëguar në një gjendje të mjerueshme, as për t’i hedhur në kosh të gjitha mundimet, të gjitha paratë që janë shpenzuar për të nisur ato projekte, ne do t’i mbarojmë projektet që kemi trashëguar dhe do të jemi të gatshëm që të vazhdojmë me financimin projekteve të reja që do të bëjnë të mundur mishërimin e aspiratave të njerëzve për një Shqipëri me edukim më të mirë, shërbime më cilësore, jetike, energji, ujë, ilaçe, me turizëm me ekonomi prodhuese dhe mbi të gjitha me punësim. Ne jemi të vetëdijshëm që të bësh këto, duhet në rradhë të parë të pastrojmë llogaritë dhe të vendosim rregull në librin e llogarive qeverisëse.”- tha Rama.
Qeveria, vijoi më tej kryeministri, nuk mund të abuzojë me fuqinë për të marrë borxh, por po përgatitemi për të adaptuar një program që do të vendosë një themel të fortë, mbi të cilin vendi mund të rritet ekonomikisht. Për këtë, tha ai, po punohet intensivisht me FMN-në, Bankën Botërore dhe më gjerë me faktorin ndërkombëtarë.
Në fund të fjalës së tij, kreu i qeverisë përsëriti edhe një tjetër premtim të dhënë gjatë fushatës elektorale, kur tha se do të hiqet taksa e biznesit të vogël. Po ashtu, shtoi ai, do të rrisim në mënyrë të arsyeshme tatimin- fitimin për kompanitë, por do të ulim edhe tatimin- fitimin për biznesin e vogël.
E pranishme ne mbledhjen e Keshillit Ekonomik Kombetar ishte edhe Ellen Goldstain, drejtoreshë e Bankes Boterore për rajonin, si dhe ambasadori i BE-se ne vendin tone, Etore Sekui.

Panorama

[Albo]

Përse është i gabuar momenti për vendosjen e taksës progresive

Florjan Salaj

Qeveria po përgatitet me të gjitha gjasat që të aplikojë sistemin progresiv të taksimit në ekonomi. Për ta miratuar pret miratimin e FMN. Ndërkohë bizneset dhe ekonomistë të tjerë kundërshtojnë këto masa, duke nënvizuar riskun potencial që këto politika paraqesin për sa i përket rritjes së evazionit. Nga ana tjetër, eksponentët kryesorë të qeverisë, prej muajsh, në publik “evidentojnë” me forcë e bujë të madhe problemet e mbartura dhe fajet e qeverisë së shkuar. Ndërkohë që shqiptarët presin me padurim për drejtimin ekonomik, që qeveria me politikat e saj do t’i japë vendit; pra me pak fjalë, të ashtuquajturin model ekonomik që eventualisht do të duhej të implementohej në një vend ku bankat kanë më shumë depozita se kredi.

Ky shkrim ka për qëllim që të evidentojë momentin tejet të gabuar të implementimit të taksës progresive duke iu referuar kontekstit lokal dhe rajonal, duke e trajtuar, njëkohësisht, si një çështje që i përket një problematike më të gjerë, që lidhet pikërisht me doktrinën ekonomike dhe/ose modelin që duhet të ndiqet.

Në fazat e para, që i paraprijnë lajmit të miratimit të pritshëm të paketës fiskale, qeveria (atëherë ish-opozitë) përdori një argument tejet të fortë lidhur me favorizimin e dukshëm fiskal të disa firmave, që pothuajse nuk paguanin taksa megjithë fitimet e mëdha. Ideja e taksës progresive u paraqit, përpos idesë së një drejtësie fiskale, pikërisht, si një mjet për të ndëshkuar monopolet dhe bizneset klienteliste.

Megjithëse mund të duket e drejtë në pamje të parë, aplikimi i kësaj politike sjell pasoja negative për biznesin dhe ekonominë. Ndodh që “me të thatin do të digjet dhe i njomi”; ato biznese që, dhe më parë, nuk ishin të favorizuara, tani do të kenë vështirësi më të mëdha në akumulimin e kapitalit të nevojshëm për t’u zhvilluar. Për këtë arsye tendenca për evazion, për të fshehur të ardhurat ndaj tatimeve do të jete shumë e lartë me efekte negative për buxhetin. Në disa shkrime është nënvizuar fakti që problemi real i biznesit në ekonomi në qeverinë e kaluar ka qenë konkurrenca e padrejtë, ndaj dhe, duke u nisur nga kjo, për të ndëshkuar bizneset e favorizuara mendoj që do të mjaftonte një rritje e rigorozitetit dhe efikasitetit të administratës tatimore. Në këtë mënyrë do të rriteshin të ardhurat në buxhet e do të stimulohej krijimi i një ambienti biznesi konkurrencial që, do të nxirrte bizneset e keqmenaxhuara nga tregu duke nxitur rritjen e kërkesave menaxheriale e që këtej për aftësi dhe kompetenca të veçanta teknike.

Një aspekt tjetër lidhet me efektet rajonale. Dihet që në kushtet në të cilat ndodhemi, me një mangësi të theksuar në kompetenca teknike, krahasuar me vendet e rajonit, investimet e huaja, sidomos joint venture janë fondamentale. Përpara se të hidhte poshtë taksën e sheshtë, qeveria do të duhej të bënte një analizë që pse nuk ka funksionuar dhe nuk solli përfitimet dhe investimet e huaja në një masë më të madhe. Në teorinë e bashkëpunimit ndërkombëtar të ndërmarrjeve theksohet rëndësia që zë në vendimmarrjen e investuesve të huaj perceptimi i faktorëve ekonomikë dhe shoqërorë, burokracia, kultura afine dhe kultura sipërmarrëse. Në kushtet kur problemet që kemi pasur brenda vendit i kemi transferuar dhe në ambasadat tona, procesi i ndryshimit të perceptimit të të huajve për vendin dhe njerëzit në tërësi, ka dashur kohën e vet, i drejtuar nga shqiptarët në të gjithë botën.

Afër, kemi një shtet si Italia që, ende sot, pozicionohet ndër vendet e para në botë për sa i përket GDP, dhe që karakterizohet, sidomos në pjesën veriore të saj, nga biznese prodhuese, të cilat i nënshtrohen një presioni fiskal të papërballueshëm. Ka shumë indikatorë që tregojnë që tashmë këto firma i kanë hedhur sytë, më së fundi nga Shqipëria. Jehona pozitive në mediat italiane për kalimin e pushtetit në mënyrë të qetë, dokumentarë për italianët që punojnë në Shqipëri, dhe së fundi, promovimi i jashtëzakonshëm që ish-kryeministri italian bëri në kongresin e partisë së tij (të përbërë kryesisht nga italianë të zonave prodhuese te veriut), për avantazhet që ofronte Shqipëria për krahun e lirë të punës, por sidomos për taksën e sheshtë, janë të gjithë elementë te fuqishëm që ndikojnë pozitivisht, duke tërhequr interesin e sipërmarrësve italianë. Pra qeveria do të duhej thjesht të shfrytëzonte situatën e krijuar, duke ndërmarrë ndonjë masë promovuese, për përthithjen e investimeve.

Por ç’ndodh në realitet?

Do të rritet tatimi mbi fitimin, duke ndryshuar, në sytë e një investuesi të huaj, perceptimin e vlefshmërisë së një investimi në Shqipëri. Është e vërtetë që, nga studime të kryera, niveli i taksave nuk është më i rëndësishmi ndër problemet e biznesit të huaj, por kjo, për sa i përket biznesit tashmë të implementuar, dhe jo atij që është në fazën e vendimmarrjes së delokalizimit të investimit. Një ndryshim i normës se taksimit mund të ndryshojë profilin e riskut të tij duke bërë që të ndryshojë mendim. Ndërkohë që, pa pushim, flitet dhe paraqitet me zë të lartë gremina në të cilën gjendemi, që, përveçse një justifikimi eventual për humbjen e pavarësisë në vendimmarrjet ekonomike në favor të FMN-së, nuk bën gjë tjetër veçse largon investuesit dhe kapitalin drejt konkurrentëve tanë kryesorë; Serbi, Maqedoni, Mal i Zi, Bosnje.

Duke patur parasysh strategjinë e gabuar të ndjekur për tërheqjen e investimeve të huaja mendoj që gjithë vëmendja e qeverisë është përqendruar në nënshkrimin e akordit me FMN. Negociata, për të cilat, njësoj si në rastin e armëve kimike dimë shumë pak, përveç faktit që, megjithëse ende pa u nënshkruar akordi me FMN, duhet të presim miratimin e saj për buxhetin. Pra mungon tërësisht transparenca në lidhje me të dhe arsyetimi që, nuk ka akord ndaj, dhe nuk kemi ç’themi nuk qëndron pasi këtu e kemi thirrur ne dhe shpresoj që të paktën të kemi objektiva të qartë të cilët duhet të ishin shpallur. Dhe, mungesa e transparencës vetëm mund të dëmtojë ekonominë, duke bllokuar çdo iniciativë, në pritje të drejtimit që do marrë ekonomia.

Drejtim që, përsa i përket doktrinës ekonomike, për fat të keq, duket se shkon drejt aplikimit të së ashtuquajturës “Rregulla e Artë” në ekonomi sipas së cilës shpenzimet e qeverisë duhet të barazohen me të ardhurat, për të pasur një rritje “të qëndrueshme”, në masën e shpenzimeve për investime të qeverisë. Ndjekja e kësaj politike dhe financimet ekskluzivisht për infrastrukturën përbëjnë shtyllat e ndërhyrjes së FMN-së. Quhet zhvillim i qëndrueshëm, por do të thotë, mbi të gjitha, lënie jashtë lojës së instrumenteve monetare në dispozicion të institucioneve përkatëse, që mund të përdoreshin eventualisht si leva mbështetëse, duke pasur si objektiv zhvillimin.

Le të ndalemi pak. Një politikë e tillë mund të jetë e volitshme në vende si Shqipëria e viteve ‘90, ku menjëherë Shqipëria e gjeti veten të papërgatitur e të ekspozuar ndaj vendeve të tjera, me një nevojë të madhe për valutë të huaj. Një pjesë e mirë e inteligjencës u largua nga vendi dhe nuk ekzistonin figurat dhe tradita për menaxhimin e një ekonomie kapitaliste, të afta për të krijuar vlerë. Në këto kushte ekonomia ishte tërësisht e varur nga “bujaria” e donatorëve te huaj dhe ndihmës së FMN-së. Ambienti ekonomik ku operohej ishte shumë i thjeshtë e aspak kompleks që të kishte nevojë për figura të specializuara.

Kjo politikë, gjithashtu, sipas një pjese të shkollave ekonomike, do të kishte vlerë në fazën e maturimit të zhvillimit të një vendi.

Shqipëria sot, absolutisht nuk gjendet në një situatë të ngjashme me atë të viteve ‘90, por nga ana tjetër, me siguri mund të themi që nuk është në fazën e maturimit. Nuk është komplekse si një vend i zhvilluar, por kërkon të bëhet e tillë. Sot, me kapitalet e krijuara në banka, me një shoqëri më të hapur, me studentë të diplomuar në të gjithë botën, Shqipëria gëzon fatin e posedimit të një potenciali njerëzor të jashtëzakonshëm, me eksperienca të krijuara me anë të raporteve me kultura të ndryshme, të zhvilluara, perëndimore. Por, potenciali i krijuar, nuk mund të përthithet, duke aplikuar ‘Rregullën e Artë’, që lejon një rritje dhe krijim të ulët të kapaciteteve prodhuese industriale e të shërbimeve.

Nën prizmin e ‘Rregullës se Artë’ qëndron dhe ky tip taksimi progresiv, i vendosur për t’u aplikuar nga qeveria, duke menduar se jemi një vend në stadet e maturimit, pas zhvillimit, dhe duhet të kemi prioritet rishpërndarjen e të ardhurave. Asgjë nuk është më e gabuar.

Ne kemi fatin që mund të mësojmë si nga eksperiencat pozitive të vendeve të tjera ashtu dhe ato negative. Oportunitet e rritjes në Shqipëri, sot, janë realisht të larta nëse nuk hallakatemi dhe qepemi pas kujtdo duke thënë që nuk kemi ç’të bëjmë si në vitet ‘90, pa marrë në konsideratë, potencialin minerar, energjetik, te kapitalit financiar dhe njerëzor, të papërdorur. Do të ishin realisht shumë të larta nëse do të fillohej të merrej përgjegjësia dhe në ekonomi, në mënyrë të pavarur, të guximshme. Dhe mbi të gjitha profesionale. Nuk është e pranueshme, dhe nga ana e logjikës financiare, të ndodhë që të paguhet borxhi në monedhë vendase me borxh në valutë sado me kosto të ulët. Do të ishin edhe më të larta nëse Banka e Shqipërisë nuk do merrej vetëm me kontrollin e inflacionit dhe mimetizimin e politikave të saj monetare me ato të FED apo kujtdo tjetër duke dalë nga konteksti i realitetit të kohës më të përshtatshme dhe i realitetit lokal.

Si përfundim, duke patur parasysh forumet e ndryshme të thirrura prej kryeministrit, asgjë nuk do të kishte më shumë vlerë se promovimi i një debati real midis ekonomistëve të rrymave të ndryshme në Shqipëri, për modelin ekonomik që duhet ndjekur.

*Ph.D Florjan Salaj, Pedagog në Universitetin Europian të Tiranës.

[Albo]

Florjan Salaj mundohet ti shpjegoje rilindasit tone kryeminister dale nga bankat e shkolles se Jordan Misjes, se si funksionon ekonomia dhe cilat do te jete konsekuencat e ketij vendimi te qeverise per ekonomine shqiptare. Dhe e mbyll me fjalet se do te ishte mire qe ne vend te kish nje debat mes ekonomisteve per konsekuencat e ketyre politikave mbi sistemin fiskal te vendit.

Pasojat e takses progresive qe gjithe liberalet e botes e kane shume per zemer?

Rama thote me lart: "po fitove me shume do paguash me shume", por nuk u thote shqiptareve se si funksionon realisht ky sistem.

Hasani qe fiton 10 leke do taksohet tek 5%, do sjelli ne shtepi vetem 9.5 leke.
Beluli qe fiton 50 leke do te taksohet tek 10%, do sjelli ne shtepi vetem 45 leke.
Veliu qe fiton 100 leke do te taksohet tek 25%, do sjelli ne shtepi vetem 75 leke.
Shemja qe fiton 1000 leke do te taksohet tek 60%, do sjelli ne shtepi vetem 400 leke.
Kasemi qe fiton 1500 leke do te taksohet tek 80%, do sjelli ne shtepi vetem 300 leke.

Dhe keto jane vetem ne nivelin e te ardhurave personale.

Pasojat per qytetaret e atij vendi?

- Pjesa derrmuese e qytetareve te atij vendi, qe jane punetore te thjeshte me te ardhura te pakta ose te mesme, do paguajne pak ose aspak ne taksa. Kurse ata qytetare qe kane hapur biznese, ata do te paguajne taksa per gjithe shoqerine. Dhe kur Rama thote qe 95% do t'iu ulen taksat, nenkupton qe 5% e popullsise qe kane marre risqe, kane investuar e hapur biznese te vogla, te mesme e te medha ne vend, ju do te shihni ngritje taksash ne stratosfere pasi ju duhet te paguani sot taksat e asaj pjeses tjeter qe nuk paguan me taksa.

Si do ta demtoje ekonomine shqiptare?

- Nese ne 8 vjetet e kaluara qeveria u mundua te shkaterronte ekonomine e zeze duke regjistruar e monitoruar gjithe aktivitetin financiar te biznesit te vendit, me kete vendim Rama i kthen shqiptaret prape ne ekonomine e zeze: nese shteti kerkon te me marri nje perqindje me te larte te fitimit, une si biznesmen jam me i prirur per te mos deklaruar fitimin tim se sa me taksen e sheshte 10%. Dhe nese shteti me vihet pas e me takson rendshem, mua si biznes do te me ngelen me pak te ardhura nga fitimi, qe te mund ti riinvestoj ne biznesin tim qe te rrit xhiron time. Dhe nese shteti behet i bezdishem me taksat dhe ne fund te nje dite te lodhshme pune, une si biznes i vogel marr vetem 6 nga 10 leket fitim te dites, pasi 4 mi merr shteti ne taksa, une do te heq dore fare nga biznesi im i vogel pasi jam me mire te ze nje pune me me pak te ardhura dhe me me pak stres e lodhje. Pra me kete politike shteti takson inisiativen e lire private dhe riskmarrjen ne biznes.

Si do te demtoje biznesin kjo takse progresive?

Biznesi i mesem e i madh do te marrin arratine nga Shqiperia. Nese erdhen e investuar ne Shqiperi, e jo ne Maqedoni, Mal te Zi, Greqi apo Kroaci, erdhen pikerisht se Shqiperia kish taksen e sheshte 10%. Qe do te thote, shteti shqiptar taksonte 10% te fitimit e jo 20 apo 30% te fitimit sic e kane vendet fqinje. Me vendosjen e takses se sheshte, keto biznese nuk kane me pse vazhdojne aktivitetin e tyre ne Shqiperi por mund ta zhvendosin ne vendet fqinje qe mund te kene taksa me te uleta. Humbja e Shqiperise, fitorja e fqinjeve. Gjithe ideja e takses se sheshte ishte ti jepte investitoreve private te vendit e te huaj nje shtyse per te ardhur e investuar ne Shqiperi. Me heqjen e takses se sheshte, zere se vete kryeministri u thote ketyre investitoreve: Shkoni e investoni ne nje vend tjeter e jo ne Shqiperi pasi po investuat ketu, ne do t'iu taksojme sa te mundim!

Dhe ajo qe eshte me e bukura eshte se kryeministri yne rilindas qe nuk e ka idene si funksionon ekonomia, kujton se te mirat e biznesit privat maten vetem "me te ardhurat qe derdhin ne tatime" si takse. Ajo eshte vetem nje kontribut i biznesit privat, por jo kontributi me i madh dhe me i rendesishem. Kontributi me i rendesishem eshte krijimi i vendeve te punesimit per njerezit ne ekonomi. Nuk eshte shteti qe krijon vende pune, eshte biznesi privat qe hap e puneson njerez, e i paguan keta njerez. Dhe shteti sic takson fitimin e biznesit, takson edhe rrogen qe ai biznes i paguan punetoreve te vete. Kur keto biznese private te mos kene para per te riinvestuar ne zgjerimin e aktivitetit te tyre dhe te hapjes se vendeve te reja pune, ose kur te zgjedhin te largohen nga Shqiperia per nje shtet fiqnj me politika fiskale me te favorshme ndaj biznesit, ku do te perfundojne shqiptaret e punesuar ne keto vende? Ne asistence papunesie ne shtet.

Jo vetem qe vendosja e takses se sheshte nuk do te ndihmoje me uljen e borxhit te jashtem e rritjen e te ardhurave nga tatimet, por kjo takse do te jete aq regresive sa te ardhurat nga tatimet do te jene me te uleta se vitet e kaluara, per arsyet qe rendita me lart. Ekonomia shqiptare ne vend qe te zgjerohet do te tkurret, aktiviteti ekonomik ne vend do te bier, investimet private te vendit e te huaja do te bien, papunesia ne vend do te rritet. Dhe shqiptaret e papune do te shkojne e punesohen ne biznesin me te mire ne vend, qe nuk paguan taksa fare, biznesin e droges ne Lazarat. E keshtu Shqiperia kthehet ne nje narko-shtet ku prodhimi bruto i vendit nuk matet me sa produkte e sherbime prodhon biznesit privat vendas, por me tonelatat e hashashit.

Dhe kryeministri yne ia arrin me sukses dites qe ta ktheje Shqiperine ne cifligun e tij, pasi i ka perzene me shkelma gjithe investitoret e huaj!

Albo

[benseven11]

Takse progresive do te thote bizneset do te rritin cmimet per mallrat dhe serviset.
Rritja e cmimeve do justifikoje rritjen e rrogave.Kjo do coje ne inflacion,renien e
vleres se euros dhe lekut.Keto s'jane reforma.shteti don te financoje burokracine
dhe personelin e tepert ne administrata si brods qe nuk bejne asgje vetem telefona.

[BOKE]

Zbardhet paketa fiskale, ja sa taksa do të paguajmë nga 1 Janari

Nga: AURORA SULCE

TIRANE - Qeveria do të miratojë të premten paketën fiskale, për t’i hapur rrugë dërgimit të draftit në komisionet parlamentare. Ministria e Financave, në bashkëpunim me ekspertët e FMN-së dhe Bankës Botërore kanë hartuar variantin përfundimtar të paketës fiskale.

Sipas këtij drafti, pagat deri në 30 mijë lekë nuk do të tatohen. Ato nga 30 deri në 130 mijë lekë do tatohen 13% dhe për pagat mbi 130 mijë tatimi do të jetë 23%.

Përsa i përket tatim-fitimit, për biznesin e vogël ai do të zbresë nga 10% që është aktualisht në 7.5%, ndërsa për bizneset e mëdha do të jetë 15%. Tatimi mbi vlerën e shtuar nuk do të ndryshojë, por do të mbetet në 20%, përfshi këtu sektorin e turizmit. Ndërsa subvencioni i TVSH për produktet bazë ushqimore si miell, vezë etj, do të jetë 10% për shtresat e varfra. Gjithashtu, qeveria do të rrisë subvencionin për energjinë elektrike për këtë kategori.

Rritje do të pësojnë edhe akcizat. Kështu, duke filluar nga 1 janari akciza e cigareve do të rritet nga 70 lekë që është aktualisht në 90 lekë për paketë. Rritja do të vazhdojë edhe në vitet 2015, 2016 dhe 2017 me 10 lekë për paketë. Për duhanin e dredhur parashikohet dyfishim i akcizës, nga 1500 lekë që është aktualisht në 3 mijë lekë.

Akciza e alkooleve do të rritet me 30%, rritje edhe për akcizën e pijeve energjike. Akciza e kafes së pjekur do të dyfishohet nga 60 lekë që është aktualisht në 120 lekë për kilogram.

Ndryshime do të ketë edhe te taksat kombëtare. Sipas paketës fiskale, taksa e qarkullimit rrugor që paguhet në çmimin e çdo litri karburant do të rritet me 10 lekë. Pra, nga 7 lekë që është aktualisht do të bëhet 17 lekë si për naftën, ashtu edhe për benzinën.

Tatimi mbi pagat
30 mije leke 0 tatim
30-130 mije leke 13% tatim
Mbi 130 mije leke 23% tatim

Tatimi mbi fitimin
Biznesi i vogël ulet nga 10 ne 7.5%
Biznesi i madh rritet nga 10 ne 15%

Niveli i akcizave
Cigaret rritet nga 70 ne 90 leke/pakete
Duhani i dredhur rritet nga 1500 ne 3000 leke/kg
Pijet alkoolike rritet 30%
Kafja e pjekur rritet nga 60 ne 120 leke/kg

Taksa e qarkullimit
Nafta dhe benzina rritet nga 7 ne 17 leke/liter.

BallkanWeb

[loneeagle]

Takse progresive do te thote bizneset do te rritin cmimet per mallrat dhe serviset.
Rritja e cmimeve do justifikoje rritjen e rrogave.Kjo do coje ne inflacion,renien e
vleres se euros dhe lekut.Keto s'jane reforma.shteti don te financoje burokracine
dhe personelin e tepert ne administrata si brods qe nuk bejne asgje vetem telefona.

Asnjeher si kam kuptuar kodin e taksave ne Shqiperi. A eshte taksa progresive njelloj si sales tax ketu????

[Albo]

Berisha: Njeriu që po ofronte 95% ulje taksave, po u ofron 100% rritje të cmimeve

TIRANË-Ish-kryeministri Sali Berisha ka akuzuar kreun e qeverisë, Rama për mashtrim të gjithë shqiptarëve, për politika rrënuese ndaj tyre, jo vetëm për mos ulje taksash si premtoi, por për rritje të cmimeve, për spastrim të administratës dhe minim të statusit të vendit kandidat.

“Jam këtu për të denoncuar publikisht një vello të zezë mashtrimi që po mbulon vendin nga kryekreu që e ka shndërruar qeverinë në një fabrikë mashtrimesh të paimagjinueshme. Njeriu që do u premtonte shqiptare 95% ulje taksave, po u ofron atyre 100% rritje të pamëshirë të cmimeve”, tha Berisha.

Berisha akuzoi qeverinë për paaftësi në hartimin e buxhetit, i cili edhe pse në tejkalim të të gjithë afateve ligjore nuk po vjen ende në Kuvend.

Më tej, referuar një letre nga një nxënëse 14- vjecare, e cila ankohej për largimin nga puna të drejtoreshës dhe për pamundësi të dërgimit të një mesazhi në FB, Ramës, pasi e ka fshire ate opsion, ka thënë se këto janë politika shumë shqetësuese. “Këto janë shkak që një grup vendesh shprehën të pavendosura për statusin e Shqipërisë në BE”, tha Berisha.

(d.b/BalkanWeb)

[Albo]

Biznesi, kundër rritjes në 15 për qind të tatimit mbi fitimet e kompanive

Biznesi, kundër rritjes në 15 për qind të tatimit mbi fitimet e kompaniveTIRANE-Përfaqësues të shoqatave të biznesit kanë kundërshtuar dje planin e qeverisë për të rritur në 15 për qind tatimin mbi fitimet e kompanive. Sipas tyre, një masë e tillë do ta ndikonte te tkurrja e investitorëve të huaj, ndërkohë që nga ana tjetër do ta vinte biznesin shqiptar në pozita dizavantazhuese në raport me vendet e rajonit.

Sipas kreut të "Biznes Albania", Luan Bregasi, qeveria mund të ndjekë rrugë të tjera, siç është lufta ndaj korrupsionit e informalitetit për të rritur të ardhurat në buxhet. "Përmirësimi i administrimit të sistemit të taksave dhe të tatimeve, që për ne mund të ketë rezerva më shumë se sa e ardhura që mendohet të krijohet në buxhet nga rritja e taksave, zhbërja e koncesioneve dhe secila në mënyrë indirekte kanë rritur kostot dhe ne jemi gati që këto kosto edhe mund të qëndrojnë në skemë këtë vit, por jo t'i marrin koncesionarët lekët që ne paguajmë, por t'i marrë buxheti i shtetit. Rruga tjetër sipas pikëpamjes sonë është lufta kundër korrupsionit. Një moral i ri i qeverisjes do të rriste në mënyrë automatike të ardhurat në buxhetin e shtetit", thotë Luan Bregasi, nga "Biznes Albania".

Sipas përfaqësuesit të Dhomës së Tregtisë, Nikolin Jaka, kjo do të ketë pasoja negative për ekonominë. "Në radhë të parë me çfarë duhet t'i presim investitorët e huaj, në radhë të dytë, si do ta krijojmë besimin për të investuar në Shqipëri dhe në radhë të tretë, duhet të shohim dhe duhet të jemi shumë të kujdesshëm me konkurrencën e rajonit, pasi Maqedonia, Kosova, Mali i Zi dhe Shqipëria duhet të kenë të njëjtin treg dhe konkurrencë në paraqitjen e paketave fiskale. Në rastin konkret, Shqipëria po e thyen këtë konkurrencë, po e rrit dhe unë shpresoj që kjo të mos ndodhë të paktën për 2014-ën, derisa të kemi një formalizim të ekonomisë dhe derisa të kemi reformat rregullatore", tha kryetari i Dhomës së Tregtisë, Nikolin Jaka.

(d.b/BalkanWeb)

[Albo]

Taksa progresive, Crowford: Do ndikojë direkt te konsumatori

Taksa progresive, Crowford: Do ndikojë direkt te konsumatoriTIRANË- Çështja e taksave dhe paketa fiskale ishte fokusi kryesor i emisionit “Të bësh Ekonomi” të gazetares Aurora Sulçe. Të ftuar për të diskutuar lidhur me taksën progresive janë Nezir Haldeda Ish-zëvëndësministër i Financave, Artan Gjergji Ekspert për ekonominë, Zef Preçi Ekspert për ekonomine, Mark Crowford President i Dhomës Amerikane të Tregtisë.

Presidneti i “Biznes Albania”, Luan Bregasi u shpreh se në mbledhjen e Këshillit Ekonomik Kombëtar pritej që qeveria të prezantonte një paketë të re fiskale. Por sipas tij ishin vetëm dy tre elementë që duhet të mbaheshin mend.

“U prit me shumë interes mbledhja e Këshillit Ekonomik Kombëtar sespe kishte interes kush do të ishte paketa fiskale. Nuk është se pati shumë shifra. Dy tre elementë ishin për tu mbajtur mend.Taksimi progresiv për të ardhurat personale dhe tatim fitimi 15% për të gjitha kompanitë. Ne prisnim që të kishte të reja sepse PS kishte deklaruar gjatë fushatës që do aplikonin sistem të ri taksash por realisht ne bëmë debat në këshillin ekonomik kombëtar që buxheti të jetë më i madh. Edhe për shkak të vështirësive dhe borxhit të madh që është kryesisht për shkak të kontratave të mbyllura nga privatët. Debat për rrugën e të ardhurave në buxhetin e shtetit. Përmirësimi i administrimit të sistemit të taksave. Rrit pjesëmarrësit në skemën e tatimeve dhe taksave. Nuk e rëndon barrën e re fiskale vetëm te kompanitë që janë tashmë në tre.”- deklaroi Bregasi.

Ai theksoi se eshte e nevojshme te ngrihen disa objektiva pasi një pjesë e mirë e tregut është informal. "Nuk është çudi që të rritet tatimi mbi fitimin. Shumë vende të BE e kanë 60-70%. Problemi është se si është më mirë që të ecë ekonomia shqiptare dhe të administrohet kjo situatë. Mirëkuptojmë qeverinë për vonesën dhe kohën pasi nuk bëhen shpejt e shpejt këto gjëra. Por mendoj se duhet menduar më mirë për rrugët efikase për rritjen e buxhetit të shtetit. Administrimi dhe menaxhimi janë çështje që duhen rregulluar, së dytë zgjerimi taksës. Jemi një treg informal, do të ishte shumë mirë që të vinim disa objektiva. Së treti futja në skemën e tvsh të prodhimeve bujqësore dhe blegtorale që përbëjnë 30 % të prodhimit të brendshëm bruto, lufta ndaj korrupsionit, e cila do të rrisë të ardhurat rreth 100 milionë dollarë më shumë."- u shpreh Bregasi.

Sipas Presidentit të Dhomës Amerikane të tregëtisë taksa progresive dhe ndryshimi i sistemit të taksimit do të ndikojë direkt te konsumatori. “Ndryshimi i taksave të tjera do kalojë direkt te konsumatori. Rritja e akcizës do të thotë më pak njerëz më kafe dhe më shumë njerëz në punë. Por nuk e di nëse do ketë këtë efekt në Shqipëri. Ne jemi duke shikuar gjërat, thjesht po menaxhojmë kohën, do të japim detaje më vonë. Ne po presim ndryshimet. Kemi disa anëtarë që janë në bursën e huaj dhe ata nuk mund të flasin për buxhetin e tyre pa ditur sa janë taksat në Shipëri. Është thënë që do merret vendimi, duhet parë se kur do të implimentohet. Pas vendimit na duhet kohë për të vepruar. Pa shikuar buxhetin vështirë të flas. Ne si biznes na duhet një buxhet, një bilanc, nëse është jashtë bilancit të shikojmë përsëri. Ne jemi të gëzuar kur shohim prezencën e FMN-së ne i duam ata, por nuk duam kushtet e tyre.” - u shpreh ai.

Ervin Bushati, Sekretar për Çështjet Ekonomike në PS e cilësoi një premtim të mbajtur taksën progresive. “Jemi në një fazë të kalimit në një situatë tjetër. Legjitimiteti i këtij premtimi të mbajtur të një maxhorancë super të konfirmuar tregon se ka një mbështetje të fortë. Kemi mbështetjen më të gjerë të shqitarëve.”

Më tej në analizën e tij Bushati saktësoi se nuk ka një çelës magjik për paketën fiskale. “Nuk ka një çelës magjik për të zgjidhur situatën. Të mos mendojmë se kemi gjetur çelsin për të zgjidhur paketën fiskale, por pa pasur infrastrukturën është e vështirë. Taksa e sheshte e implimetuar nga qeveria e shkuar nuk solli atë që pritej, nuk pati rritje të punësimi, nuk pati rritje të aktivitetti të zhvillimit ekonomik. Të mos harrojmë një qeveri nuk është thjeshtë aksionere, por ka një vendimmarrje më të gjerë të cilat nuk janë thjesht biznesi. Nuk mund të ketë më shumë biznese se sa punëtore. Paradoksale të thuhet që do të dëmtohet shtresa e mesme. 95% e shiptarëve do të paguajnë më pak. Pjesa më e madhe e shqiptarve deri të niveli i 130 mijë lekë në muaj nuk quhet shtresë mesatare, por është një rrogë e mirë për një familje në Shqipëri.”

Ai argumentoi se taksa progresive ka qenë edhe më parë e suksesshme dhe se shumë vende të botës e praktikojnë atë. “Taksa progresive ka qenë për historinë më të gjatë në shqipëri, taksa e sheshte është aplikuar për një kohë të shkurtër. Shumica e vendeve të botës kanë taksë progresive. Biznesi është motorri i ekonomisë.”

Ish -zëvendës ministri i Financave Nezir Haldeda u shpreh se me taksën Progresive të gjithë do paguajnë më shumë.
“Biznesi kërkon të ketë vazhdueshmëri. Nuk mund të bëhen gjërat për dy ditë, për dy muaj. Po ti referohemi programit ekonomik të Partisë Socialiste vështirësia kryesore është kuadrimi i premtimeve me numrat dhe tani vijnë e thonë jo po FMN jo po Banka Botërore. Taksa e shehstë ka demostruar pozitivitet në ekonomi. Redukton evazionin fiskal. Ndihmon fuqishëmm në formalizimin e ekonomisë. Me taksën progresive të gjithë do paguajnë më shumë."

Sipas tij problemi më i madh është performancë shumë e dobët fiskale. "Ndryshimi i nivelit të taksave lidhet me funksionin rishpërndarëse që kryejnë taksat. Me informacionin e mangët që kemi nëse rritet tatimi mbi velrën e shtuar qoftë edhe me 1 % në fund të fundit kjo ngarkesë fiskale do shpërndahet mbi konsumatorët. "

Eksperti Preçi theksoi se Shqipëria ka konsumuar stimulin fiskal nuk ka më mundësi të uli taksat. "Jemi në një situatë staniacioni dhe parashikimet janë të tilla edhe për 2 vite të tjera. Investimet në vendin tonë shihen si në rajon dhe jo si një vend i veçantë. Është kollaj ta vendosësh vetën në rolin e mbledhësit të taksave. Nga njëra ana premtohen 300 mijë vende punë, nga ana tjetër rritja e taksave. Një ekonomi që është 80% private, shpëtimi duhet kërkuar pikërisht tek privati."

Sipas ekspertit Artan Gjergji taksa e sheshtë dështoi për shkak të krizës ekonomike. Ai shprehet se taksa progressive është një vendim i nxituar i qeverisë.

“Argumentet që jepen nga maxhoranca janë që taksa e sheshtë dështoi. Është arsyetim i gabuar sepse shohin vetëm rezultatin. Sistemi I taksës së sheshtë nuk pati kohë të testonte vetveten. Arsyeja kryesore e dështimit të taksës së sheshtë është kriza. Një tjetër argument i rëndësishëm është administrimi fiskal. Dështimi i taksës së sheshtë është dështim në administrimin fiskal .Taksa progresive është një veprim i nxituar. Në pjesën teknike është shumë e nxituar siç e shohim nuk kemi ende në publik diçka. Qeveria paraardhëse I dha kohën e vetë vetvetes për të hartuar hapat për të ndryshuar sistemin fiskal. Ka marrë dy vjet kohe për ta studiuar dhe marrë hapat norma. 1 janari i 2015 do ishte koha e mjaftueshme që qeveria të merrte hapat e duhura.

Sipas ekspertit Gjergji rritja nuk është vdekjeprurëse për biznesin, shumë njerëz do tentojnë të fshehin pagat e tyre, do i ulin ato, do të humbasë konkurueshmëria në rajon. "Pse investitorët të vijnë në Shqipëri ku tatimi mbi fitimin është 15% e të mos shkojnë në Maqedoni ku është 10%. Të gjitha bizneset që kanë paguar dhe nuk e kanë ngritur zërin për ata që nuk paguajnë do t’u duhet të paguajnë tashmë 15%. Duhet reduktuar informaliteti. Të bëjmë hapa të matur dhe të mendojmë shumë mirë. Të mos harrojmë që disa vende kanë edhe politika përjashtuese."

(a.h/a.n/BalkanWeb)

[Albo]

TVSH-ja, një tatim tejet regresiv

Nga: EDUARD ZALOSHNJA

Njerëz të ndryshëm kanë opinione të ndryshme mbi çka mund të quhet taksim i drejtë. Unë, për shembull, mendoj se taksim i drejtë është ai përpjesëtimor – as progresiv e as regresiv. Në përpjesëtimorin, çdo familje kontribuon me tatime e taksa për mbajtjen e shtetit në përpjesëtim me të ardhurat e saj. Në taksimin regresiv, barra fiskale (si përqindje ndaj të ardhurave) është më e vogël për ato familje që kanë të ardhura më të larta dhe në taksimin progresiv ndodh e kundërta.
Por pavarësisht se ç’mund të quajë njëri apo tjetri taksim të drejtë, qeveria aktuale e Shqipërisë ka ardhur në pushtet duke premtuar se do ta ndryshojë paketën fiskale në mënyrë të tillë që të shkohet drejt progresivitetit në taksim. Dhe duke gjykuar nga informacione që kanë rrjedhur në media, duket se për të arritur progresivitetin në taksim, do të zbatohet një tarifë e shkallëzuar mbi të ardhurat personale dhe mbi fitimet e kompanive, ndërkohë që do të ulet Tatimi i Vlerës së Shtuar (TVSH) për disa produkte bazë të konsumit.
Në letër, të dyja këto ndryshime e shtojnë progresivitetin e taksimit, por në jetën reale, mund të mos e kenë këtë efekt.
Së pari, progresiviteti i tatimit mbi të ardhurat personale është i thjeshtë për t’u realizuar për njerëz që të vetmet të ardhura i kanë nga pagat shtetërore (sa më e lartë paga, aq më e lartë përqindja e tatimit). Por nuk është fare i thjeshtë për pagat në sektorin privat apo për të ardhurat e tjera personale si qiratë, interesat e depozitave bankare, dividendi etj.
Në rastin e pagave të sektorit privat, pavarësisht ndryshimeve fiskale, punëdhënësit do të vazhdojnë t’u paguajnë të njëjtën pagë neto si sot punonjësve të tyre, duke futur në xhep uljen e tatimit për pagat nën 1 milion lekë të vjetra në muaj (që përbëjnë shumicën dërrmuese të pagave në sektorin privat). Ndërkohë, ata do të fillojnë të ulin në letër pagat mbi 1 milion lekë të vjetra, të cilat mund të tatohen me përqindje më të lartë. Të vetëpunësuarit do të mundohen të raportojnë të ardhura neto nën këtë kufi, në mënyrë që të paguajnë sa më pak tatim. Ndërsa njerëzit që kanë të ardhura nga burime të ndryshme, do të mundohen të fshehin disa nga këto burime ose t’i shpërndajnë ato në sa më shumë të afërm, përderisa llogaritja e tatimit progresiv për totalin e të ardhurave nga burime të ndryshme mund të bëhet vetëm në fund të vitit. Ndërkohë, kompanitë do ta shtojnë punën me dy bilance, për të fshehur fitimet e tyre.
Si rezultat, progresiviteti i premtuar nga qeveria mund të mos realizohet, ndërkohë që në arkën e shtetit mund të futen më pak para nga tatimi mbi të ardhurat e fitimet...
Të kalojmë tani tek TVSH-ja. Aktualisht ajo zbatohet në masën 20% mbi çmimin e shitjes së pothuaj çdo produkti e shërbimi. Për shembull, kur paguajmë 50 mijë lekë të vjetër për energjinë elektrike, i paguajmë shtetit në formë TVSH-je edhe 10 mijë lekë të tjera (20% të 50000), duke e çuar totalin e pagesës në 60 mijë lekë të vjetër.
Ky shembull na tregon se një familje që ka vetëm 600 mijë lekë të ardhura neto në muaj, i paguan shtetit në formë TVSH-je 100 mijë lekë të vjetër në muaj. Kjo familje nuk ka mundësi të kursejë një pjesë të të ardhurave – asaj i duhet t’i shpenzojë të gjitha ato për konsumin e përditshëm. Pra, barra tatimore e konsumit për këtë familje është sa 1/6 e të ardhurave të saj mujore.
Nga ana tjetër, një familje që ka 3 milionë lekë të ardhura në muaj, nuk i shpenzon të gjitha ato për konsum – një pjesë, le të themi 1.2 milionë lekë të vjetër, i kursen. Për 1.8 milionëshin që ajo konsumon, paguan tërthorazi një TVSH prej 300 mijë lekësh të vjetër. Pra barra tatimore e konsumit për këtë familje është sa 1/10 e të ardhurave të saj mujore.
Me pak fjalë, familja e varfër ka barrë tatimore konsumi sa 1/6 e të ardhurave mujore, e pasura sa 1/10... Ky është bash regresivitet i tërthortë në taksim!
Për të zbutur këtë regresivitet, në paketën e re fiskale është parashikuar që të ulet TVSH-ja për një sërë artikujsh të konsumit bazë. Por rreziku i një uljeje të tillë është se mund të shkruhen biskotat për bukë dhe zogjtë e pulës për vezë, në qoftë se bukës dhe vezës u ulet TVSH-ja. Pra, mund të shtohen stimujt sistemikë për evazion fiskal, ashtu siç shtohen këta stimuj nga skema e shkallëzuar e tatimit mbi të ardhurat dhe fitimet.
Në qoftë se qeveria dëshiron ta ulë realisht regresivitetin e TVSH-së, bën mirë që të ulë përqindjen e TVSH-së për të gjitha mallrat e shërbimet në mënyrë të njëtrajtshme, pa përjashtuar asnjë prej tyre nga tatimi. Aktualisht TVSH-ja realizon për buxhetin të ardhura që janë sa 8% e PBB-së. Një ulje e përgjithshme e TVSH-së nga 20% në 15% do ta zbriste kontributin në 6% të PBB-së. Këtë 2-përqindësh të PBB-së, qeveria, në qoftë se ka këllqe, do duhet ta zëvendësojë me rritje të të ardhurave të tjera, nëpërmjet pakësimit të evazionit në të gjitha hallkat e sistemit fiskal.
Debati aktual shqiptar për progresivitetin e taksimit do të kishte kuptim, për shembull, në vendet anglosaksone, ku ekziston thënia “Vdekjes dhe taksave nuk u shpëton dot”. Ndërsa në vende si Shqipëria, ku pothuaj çdokush mundohet t’u shmanget taksave, vlen të diskutohet së pari për zbutjen e regresivitetit të taksimit...

Balkanweb

[IllyrianPatriot]

Tani mua taksimi progresiv me gjene dakort , madje shume dakort .

Por ka nje problem shume te madhe ketu , qe madje me kujtone skenarin grek .

Qeveria e kaluar edhe pse e kalbur ne maskimum , borxhin e la diku te 62 % ( nje borxh shume i madhe per standartet tona , por i perbalueshem ) .

Kurse qeveria Rama , e cone borxhin ne 75 % per 2014 !!!!! Brenda nje viti pa asnje shpjegim , do marr reth 1 miljard dollar borxh !!!!! Kjo eshte e pa shpjegueshme , sidomos kurre nuk parashikohen ndertime te medha infrastukturore .

Kjo e katandise shqiperine ne nje pozicion , ku falimentimi behet nje skenar i realizueshem . Madje behemi shteti pas greqise qe kemi borxhin me te madhe ne rajon .

Nuk e kuptoj as nuk e arsyetoj dot , edhe pse jam munduar shume qe te gjej nje arsye per kete ndodhi .

Viti 2014 do të shënojë rikthim në ritmet pozitive të rritjes ekonomike, kryesisht në 6-mujorin e dytë. Të paktën ky është parashikimi që qeveria ka bërë në projekt-buxhetin e prezantuar në Kuvend që pritet të miratohet me 28 dhjetor.
Referuar parashikimeve të projektbuxhetit që edhe nga ekzekutivi aktual u cilësua si “më i madhi në historinë e vendit”, rritja ekonomike do të jetë 2.1 për qind. Por, rritje do të njohë edhe niveli i borxhit publik, që vitin e ardhshëm do t’i largohet shifrës optimale duke shkuar në 74.8 për qind. Por, krahas masave të parashikuara në buxhet, ekzekutivi shprehet optimist rreth efektit që do të ketë paketa re fiskale.
Kjo e fundit, parashikon ndryshimin e modelit të taksimit, duke ulur taksimin për çdo pagë nën 130 mijë lekë dhe duke e rritur atë për pagat mbi këtë nivel. Kjo paketë, ndër të tjera, parashikon një serë lehtësish fiskale për bizneset e vogla e kategoritë në nevojë ndërsa për bizneset e mëdha, një ngarkesë fiskale edhe më të madhe.
Ndërsa shtroi për diskutim projektbuxhetin e vitit të ardhshëm, ministri i Financave bëri publike edhe parashikimet për mbylljen e vitit 2013. Referuar pritshmërive, për vitin 2013, rritja ekonomike reale do të jetë 1.3 për qind ndërsa niveli i borxhit publik do të jetë në masën 69.1 për qind.

Burimi Scan tv

A ju kujtohet si te gjitha mediat , edhe gazetat si edhe vete Rama , bertiste me te madhe , per borxhin qe ka tejkaluar limitin maksimal ligjor ( 60 % ) .

Si ka mundesi i njeti person , te marre brenda 1 viti 12 % te ekonomise totale borxh !!!!!

C fare dreq paska ne tru , se po filloj edhe habitem , sinqerisht .... !

[IllyrianPatriot]

qe ne vitin 2012 , shqiperia ka borxhin me te madhe ne rajon madje me diference .

Kurse ne vitin 2014 kjo shifer do shkoj 75 % . Po na falimentojne nje shqiperi qe gjithmone ka qene e falimentuar . Pas komunizmit , pas 97-es , edhe nje falimentim na duhet .

Jemi shteti me i varfer ne rajon . Edhe kemi edhe borxhin me te madhe ne rajon !!!! Nje kombinacion fatal !

[OPARI]

pershtypja e pare ne kete teme eshte mos interesimi apo diskutimi i temes nga anataret e forumit,po te ishte muabet i partis apo liderve do kishte plas dyfeku
saper temen shqiperi e falimentuar ka qene per vet faktin se nuk kemi asnje stategji per ekonomin pervec emigracionit (qe dhe ai po shteron)dhe ato investime qe jane bere shumica ne infrastrukture ,jane bere me nje cilesi e dobet(qe mbas nje periudhe do duhet te ri infestohet)ose me keqja eshte investuar nga 2 here

[Ziti]

qe ne vitin 2012 , shqiperia ka borxhin me te madhe ne rajon madje me diference .

Kurse ne vitin 2014 kjo shifer do shkoj 75 % . Po na falimentojne nje shqiperi qe gjithmone ka qene e falimentuar . Pas komunizmit , pas 97-es , edhe nje falimentim na duhet .

Jemi shteti me i varfer ne rajon . Edhe kemi edhe borxhin me te madhe ne rajon !!!! Nje kombinacion fatal !

pse ben lojen e naivit?
a se di ti per ke punon edvin rama?
sa ishte berisha shtronte rruget, bente shkolla, ngrinte rrogat, burgoste kriminelet
ndersa ky tradhtari tha sot asnje meter rruge s`do shtroj, ata me te suksesshmit do taksohen, investitoret e huaj do largohen, cmimi i naftes do rritet
ky po u thot shqiptareve troc ; jeni budallenj, ja u futa sa krahu, do u bej te hani ne kazane plehrash.

[Elian70]

po mire mo po ku i gjeni keto shifra???? pse genjeheni gjithmone pa pare e ditur gje. kriza eshte per te varfrit dhe keta po vdesin...po tallin menderen dhe duhet tu besojme?????

[benseven11]

Tani mua taksimi progresiv me gjene dakort , madje shume dakort .

Por ka nje problem shume te madhe ketu , qe madje me kujtone skenarin grek .

Qeveria e kaluar edhe pse e kalbur ne maskimum , borxhin e la diku te 62 % ( nje borxh shume i madhe per standartet tona , por i perbalueshem ) .

Kurse qeveria Rama , e cone borxhin ne 75 % per 2014 !!!!! Brenda nje viti pa asnje shpjegim , do marr reth 1 miljard dollar borxh !!!!! Kjo eshte e pa shpjegueshme , sidomos kurre nuk parashikohen ndertime te medha infrastukturore .

Kjo e katandise shqiperine ne nje pozicion , ku falimentimi behet nje skenar i realizueshem . Madje behemi shteti pas greqise qe kemi borxhin me te madhe ne rajon .

Nuk e kuptoj as nuk e arsyetoj dot , edhe pse jam munduar shume qe te gjej nje arsye per kete ndodhi .



A ju kujtohet si te gjitha mediat , edhe gazetat si edhe vete Rama , bertiste me te madhe , per borxhin qe ka tejkaluar limitin maksimal ligjor ( 60 % ) .

Si ka mundesi i njeti person , te marre brenda 1 viti 12 % te ekonomise totale borxh !!!!!

C fare dreq paska ne tru , se po filloj edhe habitem , sinqerisht .... !

Me ato 1 miljard Rama do mbuloje shpenzimet per
1.Gruan e tij
2.Shpenzimet per vilen, mbase ka plan te bleje edhe ndonje Jaht.
3.Shpenzime udhetimi
4.Shpenzime per takime dreka darka me aleatet e tij personale, Toni Blerin,per Vladimir Putinin,per Obamen.
5.Ca para ne nje llogari ne Zvicer lol
nejse...

[Albo]

Thanas, shtrëngo rripin!

ARTAN HOXHA

PARAJSA, PURGATORI DHE FERRI FISKAL I KRYEMINISTRIT!
Më në fund, pas shumë përpëlitjesh, konfuzioni e (keq)informimi, qeveria miratoi projektin për paketën fiskale dhe buxhetore 2014. Kryeministri shpalli “më pak taksa për 97% të taksapaguesve”, duke përmirësuar me 2% premtimin e tij elektoral. Një copëz parajse, për momentin modeste, do të zbresë në tokë si dhuratë kryeministrore. “Drejtësi e ndershmëri fiskale. Kush fiton më pak, do paguajë më pak”, tha, vendosi e vulosi Ai.
Edhe ata 3% nuk do të përfundojnë në ferrin fiskal, por në purgator. Ngarkesa do t’u rritet ca, por jo aq shumë. Kryeministri vuri dorën në zemër. Nga mirësia kryeministrore u përjashtuan fare pak, dhjetëra syresh, shërbëtorë të regjimit të Saliut, që ferri i pret me mjete të tjera alternative, por këta nuk përbëjnë as 0.1% të totalit.
Ndaj, ia vlen të ndriçohet drejtësia kryeministrore, me ca llogaritje. E ndonëse kemi të bëjmë me Rilindje alla franga, llogaritjet na duhet t’i bëjmë alla turka, pra me lekë të vjetra.

PERFITOJNE APO HUMBASIN ATA ME RROGA TE ULETA E TE MESME?
Cilido që sot merr një rrogë mujore nga 300 mijë lekë deri në 1 milion e 300 mijë lekë, do paguajë më pak sesa paguante më parë, sipas taksës 10%. Për dikë me rrogë 400 mijë në muaj, në vend që të paguajë 40 mijë, do të paguajë 13 mijë, pra 27 mijë lekë më pak. Ai me rrogë 500 mijë do të paguajë 24 mijë më pak, ai me rrogë 600 mijë do të paguajë 21 mijë më pak e kështu me radhë. Sa mirë!
Por, rrogat nuk do të rriten në 2014-n dhe me inflacion minimal 2%, rroga do të vlejë 2% më pak. Ajo 300 mijë do të vlejë 6 mijë lekë më pak, ajo 400 mijë 8 mijë lekë më pak, ajo 500 mijë 10 mijë lekë më pak, ajo 600 mijë 12 mijë lekë më pak e kështu me radhë. Zbritini këto nga përfitimi përkatës i taksës dhe shihni rezultatin. Sa keq!
Këta rrogëtarë, në shtet a privat, do t’u duhet të shpenzojnë 100 lekë më shumë për çdo litër naftë a benzinë. Se sa karburant shpenzojnë në muaj e dinë vetë e po vetë mund t’i bëjnë hesapet, por le të supozojmë se konsumojnë 100 litra në muaj dhe, pra, do të shpenzojnë 10 mijë lekë më shumë vetëm nga rritja e akcizës, shto këtu edhe efektin e Tatimit mbi Vlerën e Shtuar (TVSH), e kjo shumë bëhet 12 mijë lekë, pa llogaritur këtu rritjen shtesë të çmimit si kundërpërgjigje e tregtarëve sa herë që rritet një taksë. E, nëse rrogëtari nuk ka makinë, le ta bëjë hesapin me rritjen e mundshme të çmimit të biletës me p.sh. 100 lekë, me 2 bileta në ditë vajtje-ardhje dhe 30 ditë të muajit që bëjnë 6 mijë lekë. Zbritini këto nga përfitimi përkatës i taksës dhe shihni rezultatin. Sa keq!
Këta rrogëtarë nuk kanë mundësi të tjera, veçse për zbavitje modeste, si p.sh. një kafe te kafeneja pranë punës apo tek ajo e lagjes e mbrëmjet shpesh i kalojnë te lokali aty pranë duke parë ndeshje futbolli me ndonjë gotë birrë. Se sa do t’u duhet të shpenzojnë më shumë për shkak të rritjes së akcizës, le ta bëjnë vetë llogarinë e ta zbresin nga përfitimi i taksës ose të heqin dorë edhe nga këto zbavitje. Sa keq!
Natyrisht që, kur të blejnë ilaçe, nuk do të ketë më TVSH 10% se ajo do të bëhet zero, por edhe fondi përkatës i subvencionit të Institutit të Sigurimeve Shëndetësore do të pakësohet me vlerën ekuivalente të këtij 10%. Qeveria e kaluar e vuri TVSH 10% dhe rriti fondin kompensues të Institutit. Qeveria e re heq TVSH 10% dhe ul po aq fondin kompensues. Praktikisht dalim në të njëjtën qafë, pa llogaritur këtu që ndoshta çmimi nuk do të ulet me 10% a ndoshta nuk do të ulet fare, ndërsa fondi kompensues është zeruar tashmë. As mirë e as keq. Në fakt, më shumë keq sesa mirë.
Pas gjithë kësaj, bëjini hesapet dhe jepini përgjigje pyetjes së shtruar, duke konsideruar edhe lloje të tjera taksash që rriten e do t’ju dalë keq e mos më keq. Për më të paktit e më fatlumët, kokoshi që do të përfitojnë nga ulja e taksës, në fund të llogaritjeve do t’u reduktohet në ca kaushë kokoshkash.

PERFITON APO HUMBET BIZNESI I VOGEL?
Një biznes i vogël që fiton 10 milionë lekë në vit, do të paguajë taksë 750 mijë e jo më 1 milion lekë, pra 250 mijë më pak në vit. Sa mirë!
Por, se sa harxhojnë për transport mallrash e furnizimesh apo për nevoja familjare, gjithashtu e dinë vetë, por le të supozojmë 6 litra në ditë, apo 200 litra në muaj, apo 2400 litra në vit dhe, pra, 240 mijë lekë më shumë vetëm nga akciza shtuar edhe 48 mijë nga shtesa e TVSH mbi akcizën, e që vetëm këto e firuan ç’fitoi nga taksa. Sa keq!
Kësaj mund t’i shtohet edhe 2 mijë lekë taksë më shumë për çdo metër katror të dyqanit p.sh. prej 40 metrash pra, 80 mijë lekë më shumë taksë në vit dhe biznesmeni del rruar e qethur me kaq e le pastaj nëse konsiderohen edhe efekte të tjera të taksave të ndryshme që rriten, si ajo për sigurimin shëndetësor e të tjera gjithashtu. Keq e mos më keq!

ME SHUME BARAZI APO PABARAZI?
Kryeministri e ka quajtur padrejtësi të madhe që dy shqiptarë, që fitojnë njëri më shumë e tjetri më pak, të paguajnë të dy 10% të asaj që fitojnë respektivisht. Sipas tij, 10% e atij që fiton më pak, rëndon më shumë se 10% e atij që fiton më shumë. Ndaj, ai vendosi taksimin progresiv mbi rrogëtarët. Le të biem dakord që një farë drejtësie e ndershmërie në drejtimin vertikal të të ardhurave nuk është keq dhe ca progresivitet i bën mirë sistemit.
Gjithsesi, ky do të ishte parimi social Nr. 2 i sistemit fiskal, pasi parimi social Nr. 1 i tij është që dy njerëz me të ardhura të njëjta duhet të paguajnë të njëjtën taksë. Sistemi fiskal i qeverisë, duke dashur të krijojë drejtësi e ndershmëri vertikale, ka shkaktuar shumë padrejtësi e pandershmëri horizontale mes njerëzve me të ardhura të njëjta që do të paguajnë shuma të ndryshme taksash.
Le ta fillojmë që me taksën e banesës për të cilën, taksa e atyre të ndërtuara para 1993, pra në komunizëm, e cila, nga 150 lekë për metër katror në vit, bëhet 300 lekë duke u barazuar me taksën e banesave të ndërtuar në kapitalizëm. Në origjinë, ky diferencim u bë duke konsideruar cilësitë dhe vlerën fare të ndryshme të tregut mes këtyre lloje banesash e, kur dihet që ato të ndërtuara në komunizëm kërkojnë më shumë shpenzime mirëmbajtjeje dhe ngrohjeje për metër katror, krahasuar me ato të ndërtuara në kapitalizëm. Në këto ndërtesa jetojnë më së shumti rrogëtarët me rroga të ulëta e modeste, si edhe të varfrit, të cilëve tashmë, krahas taksave të rritura për disa lloje mallrash, u shtohet, për një banesë p.sh. 60 metra katrorë, edhe 9 mijë lekë më shumë në vit. A nuk është ky një penalizim i atyre që kanë e fitojnë më pak, kur fqinjët e tyre në lagje me shtëpi më cilësore e të ardhura më të larta do të paguajnë njësoj për çdo metër katror e do të shpenzojnë më pak për mirëmbajtje e ngrohje? A nuk është kjo në kundërshtim me vetë parimin Nr. 2 të sistemit që shpall Kryeministri?
Le të konsiderojmë një biznes të vogël, p.sh. një avokat, një parukier, një bojaxhi, një marangoz, elektricist, IT, që fiton në vit (diferenca e të ardhurave me shpenzimet) po aq sa një rrogëtar, në shtet a privat, me rrogë mujore 1,5 milionë lekë apo 18 milionë lekë në vit. Për këtë fitim, këtyre lloj bizneseve u duhet një xhiro shumë më e vogël se kufiri 80 milionë lekë në vit, ndaj, kryesisht janë biznese të vogla. Biznesmeni do të paguajë në vit vetëm 1 milion e 350 mijë lekë, ndërsa rrogëtari do të paguajë 2 milionë e 112 mijë lekë në vit. A nuk është kjo një shkelje e parimit që, për të ardhura të barabarta, taksa duhet të jetë e njëjtë?
Një biznes që bën një xhiro pak më të madhe se 80 milionë lekë në vit e që fiton p.sh. 15 milionë, do të paguajë një taksë 15% ose 2 milionë e 250 mijë lekë ose 2 herë më shumë se një biznes që bën një xhiro prej pak më pak se 80 milionë lekësh në vit e që fiton po aq, pra 15 milionë lekë, i cili do të paguajë 7.5% të fitimit ose 1 milion e 125 mijë lekë. Kjo është një tjetër padrejtësi që rikthehet pas kaq vitesh dhe një nxitës i fortë që shumë biznese të fshehin xhiron dhe/ose të ndahen në pjesë fiktive në mënyrë që të figurojnë si biznese të vogla, duke përfituar kështu nga “sistemi që prish njeriun”, siç thotë Kryeministri.
Një biznes jo i vogël, që fiton në vit p.sh. 20 milionë lekë, do të paguajë taksë fitimi prej 15%, një rrogëtar me po aq rrogë vjetore do të paguajë taksë po aq ose më shumë, ndërsa një individ që jep me qira prona apo ka në bankë depozita nga të cilat merr në vit 20 milionë lekë, do të tatohet vetëm 10%, ndonëse biznesit i duhet ta thinjë përditë kokën e rrogëtarit, i duhet të djersijë në punë orar pa orar e të mbajë përgjegjësi, ndërsa rentieri mund të gjerbë kafe e tymosë duhan pa e prishur terezinë. Brenda konceptit të progresivitetit, a nuk duhej të zbatohej e kundërta? A nuk është kjo një pabarazi e njëherazi nxitje e sistemit në favor të dembelizmit e kundra sipërmarrjes dhe punës, veçanërisht asaj të kualifikuar?

SISTEMI RILINDES VECSE I KEQ EDHE PER EKONOMINE, EDHE PER SHOQERINE
Që ky sistem është kundër prodhimit, investimit, punës dhe dijes, këtë e kupton çdo njeri me dy pare mend në kokë e për këtë as që ia vlen të zgjatesh.
Por, ky sistem, ndryshe nga çka propagandohet nga qeveria si një sistem që vendos ndershmëri e drejtësi, është edhe më i padrejtë edhe më i pandershëm se ai i mëparshmi, pasi, në emër të drejtësisë vertikale në të ardhura, krijon diferencime e pabarazi mbi një parim edhe më të madh, atë të barazisë mes subjekteve me të ardhura të njëjta.
Së fundmi, paketa fiskale nuk u jep asgjë atyre shqiptarëve me të ardhura të ulëta e modeste, ndonëse duket sikur i favorizon. Në fund, llogaritë dalin se edhe këta shqiptarë humbasin. Qeveria me një dorë u jep e me dy duar u merr më shumë. Lidhur me këtë çështje të fundit, më e ndershme për Kryeministrin do të ishte të thoshte që të gjithë do të shtrëngojnë rripin vitin 2014, e disave, që fitojnë më pak, do t’u duhet të hapin një vrimë e ca të tjerë, që fitojnë më shumë, dy e më shumë vrima e jo të na shesë, siç po bën, ferrin për parajsë.
Ndaj, me ca llogaritje dhe analiza, s’po bëj gjë tjetër veçse po ju rikujtoj fatin e Thanasit tek ai filmi i vjetër grek që transmetohej çdo javë në kohën e qepës, film të cilin grekët e përjetuan në botën reale këto vitet e fundit e që, me sa duket, do e përjetojmë edhe ne shqiptarët vitin e ardhshëm.

Panorama

[IllyrianPatriot]

Ky eshte skenar grek , qe po gatuhet tani . Me besoni kurre ju theme , qe keto shifra , kete lloj sjellje , kjo arrogance me buxhetin e shtetin , keni per ta pare .

Dreq o pune me keto shk.rdhata , hiq njerin se eshte shpellar , vurre tjetrin qe eshte psikopat edhe do ta rrenoje ekonomine shqiptare . Jemi 100 vjet mbrapa botes , edhe do shkojme edhe nje shekul mrapa me tej

Nje fjali e marre nga intervista e ketij Canit .

Skenari eshte pasi ta cojne 75 % borxhin duke e rritur artificialisht , do vazhdojne me tej , duke e paraqitur ekonomine shqiptare nen potenciale . Pastaj per vitin 2015 do marrin edhe nje hua tjeter sa 10 % te gdp-se , duke e cuar 85 % , nje vit me pas akoma vetem kurre ta shikoni 100 % te falimentuar , edhe me keq se greqia .

Shikoni si po tenton ti fus genjeshtrat nje nga nje , duke e pershkalezuar situaten .

Jemi drejt mbylljes së negociatave me FMN?
Nesër kemi takimin përfundimtarpër këtë çështje dhe konferncën për shtyp. Potencialisht në të gjitha kemi rënë dakord. Paraja ka rëndësi, por më rëndësi ka mbështetja morale nga FMN. Ne vazhdimisht kemi thënë se borxhi është shumë më i lartë se ai i deklaruar. Kemi thënë edhe që borxhi është te 100% e GDP, por po e lëmë këtë. Kur deklaron se borxhi është i lartë është tregues themelor nëse një vend do ngjitet lart apo bjerë poshtë. Duke qenë se do binim në vlerësim, na duhej mbështetja e FMN për t’i treguar botës, se Shqipëria vërtet ka borxh më të lartë, por ka një program, ka masat e duhura që deri në 2018 borxhi do bjerë me 16%.
- See more at: http://www.shqiptarja.com/home/1/can....7Ohq7mTx.dpuf

Ju te pd-se ku jeni o shumshuma ? C fare dreq po ndodh me ju , beni reagime kot , per gjera kot . Por kurre vjen puna per gjerat me te rendesishme , nuk jeni te afte ta ballafaqoni qeverine e re .

Po ja u theme , shqiperine do ta falimentojne . Ka gjasa shume te medha , qe ky eshte nje skenar i mireorganizuar . Nje falimentim i shqiperise , do te thote automatikisht , shuarjen e kombit shqiptare .

C ti besh , kurre e gjithe shoqeria perbehet nga b.thlepirsa , qe per nje karike shesin edhe maman . Kurre nje shoqeri , perbehet nga injorant edhe kriminela qe vrasin njeri tjetrin per nje fjale goje . Keshtu do vijne njerez qe kan me shume qeliza ne tru , duke ju bere sklever te interesave ekonomike .

Une per ate zot , po haritem deri ne falimentim , do ta heq nenshtetesine shqiptare . Refuzoj te besoj qe i perkas nje kombi injorantesh ( paskam vene edhe kete nickname kurre isha me i ri , naiv , per c fare dreq te jesh patriot i ketij kombi ? c ti mbrosh nje kombi qe nuk ka se te mbroj )

pfffffff zihuni per portretin e enverit tani , per pallatin e Bashes . Vrisni edhe ndonje deputet tjeter sic ja beret Olldashit , edhe naten e mire . Ky komb nuk ka per tu bere , perfundimisht !

[Xinxerfilli]

C'eshte ky titull teme ketu? Taksa jane ulur per mbi 90% te punonjesve. Jane ulur 7 taksa dhe jane ngritur vetem 4, ajo e qarkullimit te karburantit, ato te alkolit dhe cigareve dhe per ndertesat qe shfrytezohen nga bizneset. Nderkohe qe jane ulur taksat per 97% te punonjesve dhe per biznesin e vogel.

Motorri PeDe-ist i dezinformimit vazhdon punen i palodhur ne Forumin Shqiptar...

[Ziti]

zemra e evropes eshte veriu. ngritje e jugut do te thote dobesim i veriut. gjermania, anglia, franca nuk e duan kete prandaj punojne per frenimin e zhvillimit ekonomik ne greqi, kosove, portugali, shqiperi, turqi, kroaci por edhe te italise se jugut. metoda e tyre eshte te vendosin qeveri kukull si kjo e edvin rames.
nuk eshte normale te godasesh te pasurit sot ne shqiperi, ata te cilet jane motorri i zhvillimit te vendit.