Edi fyen inteligjenën e publikut: “Jetoj me Lindën me qira, dhomën e gjumit e ndajmë me dollap”
Bota Sot | 07.12.2013 18:36
Kryeministri ende i pastrehë dhe jeton me Lindën me qira, dhomën e gjumit e ndajmë me dollap. Ka arritur kulmi cinizmit qeveritar duke u tallur me popullin e tij.
Ja si shkruan Rama: “Jetoj me Lindën në një kat të lartë të Tiranës, 75 metra katrorë, e marrë me qira qysh se u martuam. Librat disagjuhësh me skeletin gri të bibliotekës ndajnë në vend të murit ndjenjën nga gjumi dhe kravatat janë varur anash krevatit….”
Me këtë përshkrim Rama na lë të kuptojmë se hapësira e ndarë në dy ambiente nga një dollap librash, është mjaft e vogël, duke pasur parasysh se banuesi është një individ që ka marrë disa përgjegjësi të mëdha dhe minimumi i duhet një studio pune. Gjithsesi, ju mund të mendoni se kjo është një histori që i përket së kaluarës, kohë kur Rama nuk ishte ende kryeministër dhe ky mund të ishte një sistem provizor.
Sot, ndërkaq, ai mund të ketë gjithë komoditetin normal që ka dikush në pozicionin e tij, duke i mundësuar vetes dhe familjes të gjitha kushtet që nuk janë luks, por nevojë. Por jo, fotot e realizuara nga papaparaci i gazetës Panorama pak ditë më parë, tregojnë Ramën duke dalë nga banesa në mëngjes për të shkuar në punë, gjë që dëshmon se ai vijon të jetojë në ata 75 metrat katrorë. /opozita.com/
Krijoni Kontakt